خبر جديد لعقود 1/1/2009 للتقديم فى الاكاديمية

[سما روميو]

عرفت يوم الاثنين ان الاكاديمية قبلت اوراق عقود 1/1/2009 خلال هذة الايام
وذهبت انا امس وقدمت اوراقى و الحمد لله فعلا تم قبولها :38::38:

[رحمة حسن]

الف مبروك
وعقبال النجاح باذن الله

[مسيو الحسينى احمد]

مبروك وعقبال الحصول على شهادة الصلاحية ولكن المتعاقدين فى شهر ابريل 2009 ايه موقفهم

[مدرسة علوم]

عرفت يوم الاثنين ان الاكاديمية قبلت اوراق عقود 1/1/2009 خلال هذة الايام
وذهبت انا امس وقدمت اوراقى و الحمد لله فعلا تم قبولها :38::38:



الف مبروك و ربنا يوفقك ان شاء الله

لو سمحت ممكن اعرف حضرتك كم محافظة ايه؟؟؟؟؟؟؟

[ريم نادر]

الف شكر على الخبر الجميل بس ياريت نعرف محافظة اية

[ahmedshitos]

ياريت الرد السريع انتى من محافظة اية وبالنسبة لشهر ابريل اربعة 2009 هل يستطيعوا التقديم ام لا ياريت تردى بسرعة علشان اخر التقديم 5/10

[احمد الشلقامى]

يا جماعة مفيش عقود قبل 1/4/2009 الا عقود 1/7/2008

[ابو زيد الهلالى]

--------------------------------------------------------------------------------

يا جماعة مفيش عقود قبل 1/4/2009 الا عقود 1/7/2008
السلام عليكم لاء فيه عقود بتاريخ1/1/2009واحنا كنا شغالين من زمان بالعقد العادى وعقودنا اتحولتوانا قدمت يوم السبت السابق وقبلوا ورقى وكان فى هناك ناس تعاقد 1/2/ 2009قاللهم هنبعتلكم كمان 3 شهور وانا من محافظة الاسكندرية

[سما روميو]

انا من محافظة الشرقية وكنت اعمل بالحصة حاسب آلى 3 سنوات ثم تم عمل العقد المميز بتاريخ 1/1/2009 وذهبت للاكاديمية فى بداية التقديم لان اوراقى ولله الحمد كاملة تربوى و icdl معايا الاسكيل كارد لحين صدور الشهادة وقالوا بردوا لازم الاقرار لانهم عاوزين الشهادة نفسها وفى بداية التقديم قالوا لسة لم يمر عام وتعالى فى شهر 1/2010 ثم علمت من زملائى انهم فتحوا للتقديم فأتصلت بيهم وتأكدت وأخذت اوراقى وتم قبولها وحصلت على ايصال منهم بأوراقى ورقم مسلسل و رمز للمادة وتليفونهم هو 0552280631 اما العقود اللى بعد هذا التاريخ بصراحة لا اعلم و عليكم الاتصال أو الذهاب و المتابعة فى السؤال و يارب تكونوا انتم كمان و يوفقنا جميعا بأذن الله

[مدرسة علوم]

السلام عليكم

يا جماعة انا عقدى 1/10/2008 و استلمت العمل يناير 2009 و من السويس و ماحدش راضى يستلم ورقى فى اكاديمية بورسعيد و لما اتصلت بالادارة المركزية ردو علي ان بورسعيد صح و قال كل الورق اللى اتاخد من باقى الفروع هايتحط على جنب

و انا بصراحة مش مصدقة و قلقانة
قولو لى اعمل ايه ؟؟؟؟؟؟؟؟؟؟؟؟؟؟؟؟؟
لان الميعاد خلاص قرب
و حسبى الله و نعم الوكيل

[spiritlover_2009]

انا من الشرقيه وفى ناس متعاقده فى 1/1/2009 سألت وقالوا ليهم لازم تأخدوا التربوى الاول ويمر على التعاقد بتاعكم سنه يعنى هتيجوا فى 1/1/2010 ومفيش تعليمات واضحه من التوجيه وهنا فى الموضوع بتقولوا انتم من الشرقيه وتم قبول اوراقكم
أستفسار اخير هو مكان الاكاديميه فين فى الزقازيق بالظبط


مشكـــــــــــــــــــــــــــــــــــــــــــــــ ـــورررررررررين

[مدرسة علوم]

انا من الشرقيه وفى ناس متعاقده فى 1/1/2009 سألت وقالوا ليهم لازم تأخدوا التربوى الاول ويمر على التعاقد بتاعكم سنه يعنى هتيجوا فى 1/1/2010 ومفيش تعليمات واضحه من التوجيه وهنا فى الموضوع بتقولوا انتم من الشرقيه وتم قبول اوراقكم
أستفسار اخير هو مكان الاكاديميه فين فى الزقازيق بالظبط


مشكـــــــــــــــــــــــــــــــــــــــــــــــ ـــورررررررررين








السلام عليكم

يا جماعة ازى تكونو من محافظة واحدة و الاكاديمية تقبل من مجموعة و ترفض التانية
مكن نعرف ده ليه ؟؟؟؟؟؟؟؟

[baherhassan11]

ياجماعه يابتوع 1/1/2009 التقديم هيكون 1/1/2010 وانا من الشرقية وسألت ومفيش حد هيقبل ورقك غير بعد مرور سنا واللى اسمها سما روميو دى كدابة ومحدش يروح يطخ مشوار على الفاضى ويتعب نفسه اتقى الله فى كلامك وبطلى

[baherhassan11]

حاجة تانيه برده مينفعش تدخل الامتحان غير بعد الدورة بتاعت المعلم المساعد التدريب اللى هو ال10 ايام والعقود بتاعت 1/1/2009 محدش لسه خد الدورة متسمعوش كلام الكدابة سما روميو

[ريم نادر]

على فكرة انا عقدى 1-1-2009 واتصلت بالاكاديمية فى الشرقية وقالو ان لينا تقديم فعلا حتى 8-10
والف شكر ليكى يا سما

[مدرسة علوم]

السلام عليكم:18:

فى البداية لازم نعرف يا جماعة انه لن يصيبنا الا ما كتبه الله لنا ان شاء الله و لازم كلنا نحاول نهدى اعصابنا لان نصيبنا هانخده و لو كان فين :)

و من الواضح انه فيه حاجة مش فاهمينها علشان كده لازم الناس بتوع الشرقية اللى ليهم مشاركات فى الموضوع يحاولو يجمعو بعض علسان تعرفو و تعرفونا الحقيقة بالضبط لان اللخبطة دى لو فى محافظة واحدة هاتكون فى كل مكان و خصوصا ان فيه ناس فعلا يا جماعة عقود 1/10/2008 و اتقبل ورقهم علشان كده ياشراقوة وحدوا الله و اتجمعو على الخير علشان توصلو للحقيقة بسرعة و تبلغونا قبل ما الميعاد يفوت علينا كلنا :7:


و كل عام و انتم بخير:38::6:

[safaa_ss]

على فكرة أنا تعاقد 1/11/2008 وذهبت وقدمت فى الأكاديميةو أخذوا منى الملفوأعطونى إيصال بذلك ولكن عندما ذهبت أحد زميلاتى لتقديم أوراقها قالوا لها المراد من مر على عقدهم سنةوحتى الآن لايعرف أحد الحقيقةأنا محتارة وفوضت أمرى لله وحسبى الله ونعم الوكيل

:28::7:

[vip_ame]

هنا فى الاسماعيلية التعاقدات كلها 1/7/2008 و 1/4/2009

مافيش حاجه تانية غير كده

احنا 1/7/2008 بنقدم دلوقت

وبتوع 1/4/2009 لسه ما مضوش العقد اصلا (هايمضوه بتاريخ قديم)

لكن حكاية 1/10 و1/11 و 1/1 والكلام ده اعتقد انه كله تابع ل 1/4 هايدخلوا مع بعض الاكاديمية

[مدرسة علوم]

هنا فى الاسماعيلية التعاقدات كلها 1/7/2008 و 1/4/2009

مافيش حاجه تانية غير كده

احنا 1/7/2008 بنقدم دلوقت

وبتوع 1/4/2009 لسه ما مضوش العقد اصلا (هايمضوه بتاريخ قديم)

لكن حكاية 1/10 و1/11 و 1/1 والكلام ده اعتقد انه كله تابع ل 1/4 هايدخلوا مع بعض الاكاديمية





انا كمان تابعة لبورسعيد لكن حضرتك شايف ان فيه زملاءنا احدث مننا فى التعيين و زينا و اتقبل منهم الورق و كل ما اتصل بالاكاديمية يقولو كلام
مرة يقولو : لازم تتم عام كامل يعنى لو انت قضيت الترم التانى اللى فات كله و لا يتحسب اللى يتحسب 2009/2010 و لما وضحنا لهم انه بالطريقة دى ممكن السنتين يروحو علينا من غير ماناخد فرصنا التلاتة
رجعو قالو : اى ترمين
و بعدين قالو : لا.. لازم عام من استلام العمل

الله المعين و حسبى الله و نعم الوكيل

[سما روميو]

شكرا للاخت رنا و متشكرة ايضا للاستاذ باهر بس عيب علية لما يقول كدابة انا قولت لكم اللى حصل معايا فعلا و فعلا قدمت ورقى واخذت الايصال بذلك تصدق او لا براحتك ومرة تانية شكرا قوى ليك و لذوقك . وعل فكرة تم ارسال خطابات للتدريب معلم مساعد لعقود 1/1/2009 تربية رياضية على ان تبدأ من 10/10/2009 و البقية تأتى :18:

[مدرسة علوم]

حاجة تانيه برده مينفعش تدخل الامتحان غير بعد الدورة بتاعت المعلم المساعد التدريب اللى هو ال10 ايام والعقود بتاعت 1/1/2009 محدش لسه خد الدورة متسمعوش كلام الكدابة سما روميو




زميلتى العزيزة فيه ناس اخدو الدورة من زمان و فيه محافظات لسه هايبتدو فيها

قولى لا اله الا الله

[احمد الشلقامى]

بصوا يا جماعة مفيش امتحانات غير لبتوع 1/7/2008 بس وغير كدة لأ لو كان تم ذلك حاجة من اتنين لاما ورقهم يرجع او لاما الموظفين اللى استلموا الورق مغفلين وممكن دول يمتحنوا عادى وينجحوا ولكن ذلك مبنى على الغلط واحتمال زميلهم فى نفس عقودهم يشتكوهم ويتم شطب نتجيتهم علشان كدة خلينا نمشى صح اللى عدى على عقده سنة فقط هو المسموح ليه بالامتحان

[احمد الشلقامى]

وعلى فكرة دورة ال 10 ايام دية بتاعة مهارات التدريس ملهاش علاقة بامتحانات الكادر خالص لانها توقفت بناء على نقص الميزانية بس اللى خدها استفاد شوية معلومات وانا رايح ارسل ليكم ما جاء بها

[vip_ame]

على فكرة الدورة بتاعة معلم مساعد مالهاش اى لازمة

وعندنا فى الاسماعيلية ما اخدهاش غير عدد قليل جدا

[rezk5]

السلام عليكم بالنسبة للاخوة بتوع الشرقية اللى ماضيين عقودهم بتاريخ 1/1/2009 ياجماعة الاول مكانوش بيخدوهم بس دالوقتى بقم بيخدوهم وللعلم انا اتصلت امبارح الخميس واتاكدت بنفسى وطبعا لازم يكون تربوى وicdl نقول كمان لازم تربوى غير كدة لاء وعلى فكرة برده الناس اللى مضت فى الشرقية بتاريخ 1/1/2009 دول عددهم اكتر من11 الف متعاقدانا لسى هخلص اوراقى واقدمها ان شاء الله
والف شكرا للاخت اللى اتفضلت وقالت الخبر(سما روميو)
وللا ستاذ اللى قال كدابة المفروض ان حضرتك مدرس محترم يعنى الكلمة دى عيب ممكن حضرتك كنت تتأكد الاول قبل ما ترمى الناس بالباطل
اسف على الاطالة ربنا معانا جميعا
سلام عليكو

[رحمة حسن]

ايك يا مدرسة
انا عقدى بتاريخ 1/10 /2008 واستلمت العمل 19/1/2009 وقدمت فى الاكاديمية واخدت الوصل وقالى الموظف تابعى مع مكتب الاحصاء علشان رقم الجلوس
محافظة بنى سويف

[مدرسة علوم]

بصوا يا جماعة مفيش امتحانات غير لبتوع 1/7/2008 بس وغير كدة لأ لو كان تم ذلك حاجة من اتنين لاما ورقهم يرجع او لاما الموظفين اللى استلموا الورق مغفلين وممكن دول يمتحنوا عادى وينجحوا ولكن ذلك مبنى على الغلط واحتمال زميلهم فى نفس عقودهم يشتكوهم ويتم شطب نتجيتهم علشان كدة خلينا نمشى صح اللى عدى على عقده سنة فقط هو المسموح ليه بالامتحان




لكن بصراحة انا شايفة ان الورق يتاخد هو ده اللى صح لان العقد فعلا مر عليه سنة و انا بتعامل مع الوزارة و الاكاديمية بتاريخ العقد و ليس بتاريخ تحرير العقد اللى هو استلام العمل و العقد بينص على كده فى فقرته السابعة و الثامنة
و هيه مافرقتش من شهرين لكن ربنا يستر من الغدر
و نرسى على بر
و ادعو لنا يا جماعة

[مدرسة علوم]

وعلى فكرة دورة ال 10 ايام دية بتاعة مهارات التدريس ملهاش علاقة بامتحانات الكادر خالص لانها توقفت بناء على نقص الميزانية بس اللى خدها استفاد شوية معلومات وانا رايح ارسل ليكم ما جاء بها




على فكرة هى مستمرة و فى السويس لسه هاتبتدى فى بداية اكتوبر مع معلمى الحاسب و بيحضرو بها كشوفات
لكن تقريبا ملهاش علاقى بالمتحان لان الناس قدمو قبل ما يدخلوها

[safaa_ss]

على فكرة أناتم التعاقد معى فى1/11/2008 وأنا من المنوفية والتعاقدات عندناتمت فى1/7/2008و
1/11/2008و 1/4/2008وفى الأكاديميةقالوا لنا التقديم لكل التعاقدات قبل 2009:7::bosyht9:

[safaa_ss]

على فكرة أنا أرسلوا لى للتدريب على مهارات التدريس وإن شاء الله تدريبى سوف يبدأفى شهر11وقلوا لنا أن هذا التدريب مهم ،ليه ؟محدش يعرف

[مدرسة علوم]

طيب يا جماعة حد يقول لى الحل ايه ؟؟؟؟؟؟؟؟؟؟ غير انى اتصل بالاكاديمية او الادارة المركزية
و خصوصا اننا فى محافظة الكل بيشتغل كتيمى و اصحابى خلاص باعو القضية و تعبو و قالو لى نخليها يناير القادم
مش عارفة اعمل ايه ؟؟؟؟؟؟؟؟؟؟؟

[سما روميو]

شكرا لكل من تأكد من الخبر ورد لى كرامتى وهو اكبر رد على الاستاذ المحترم جدا لانى مش هقول عنه ما يسئ الية مثل ما فعل غير انى اقول ربنا يجازيك عن غلطك فيا شكرا

[baherhassan11]

انا اسف يا استاذه سما بس بجد سمعت كلام كتير من ناس تقول اه وناس تانية تقول لا انا هروح بنفسى واسأل ومرة تانية انا بجد اسف جدا جدا وياريت تقبلى اعتذارى وتردى تقولى سماح والمسامح كريم

[ahmedshitos]

انا تعاقد 1/4/2009 وفعلا جالى جواب التدريب وهو عبارة عن خمس اسابيع يومين كل اسبوع وهنبدأ يوم 19/10 وشكرا للاخت سما ويجب التواصل دائما بالمعلومات
واللهم ثبتنا فى الدنيا وفى الاخرة

[ahmedshitos]

COLOR="Silver"]انا تعاقد 1/4/2009 وفعلا جالى جواب التدريب وهو عبارة عن خمس اسابيع يومين كل اسبوع وهنبدأ يوم 19/10 وشكرا للاخت سما ويجب التواصل دائما بالمعلومات
واللهم ثبتنا فى الدنيا وفى الاخرة[/COLOR]

[سما روميو]

ماشى سماح بس اصلنا مش كنا ناقصين ان احنا كمان نجرح فى بعض و كفاية اللى هما عملينة فينا
وفرحت لما عرفت ان لنا تقديم معا 1/7/2008 وقولت افرحكم معايا بس انت بقى ضيعت الفرحة بس الحمد لله انك اتاكدت لانى مش اتكلمت الا بعد ما قدمت فعلا مش مجرد ما سمعت وعلى العموم حصل خير وشكرا انك اعتذرت المهم انك تلحق تقدم وربنا يوفقنا جميعا:6:

[سما روميو]

اختى مدرسة العلوم اسفة بس انا لا اعلم كيفية الرفع

[baherhassan11]

انا روحت النهاردة وسألت ولاقيت ناس بتقدم 1/1/2009و1/3/2009 كمان انا روحت اسأل لانى مش عملت الفيش بس قالولى مش مهم هات كعب الفيش كفاية وباقى الورق خلصان وهروح اقدم بعد بكره وشكرا ياسما على تقبلك الاعتذار وانتى بجد فدتينى جدا وشكرا مرة تانية

[sondok2]

تحياتي لكم جميعا انا عضوة جديدة معكم كل عام وانتم بخير
انا معلمة رياضيات من الاسماعيلية تعاقد قديم 1/7/2008 الى الان لم ياتي عقدي انا و كثير من زملائي وزميلاتي و اخر موعد للتقديم للأكاديمة يوم 8/10 هل حد عنده خلفية ايه اللى ممكن هيتم هل هيمدوا فترة التقديم و لا العقود بتاعتنا اتاخرت ليه وهل ممكن نقدم فى الاكاديمية بدون العقد ارجو الرد ممن له علم

[مدرسة علوم]

اختى مدرسة العلوم اسفة بس انا لا اعلم كيفية الرفع




ربنا يبارك لك و جزاك الله خير :18:
انا هاحاول ادعبس عليه و ربنا يسهل

و كل سنة و انتم جميعا بخير:38::17::6:

[مدرسة علوم]

تحياتي لكم جميعا انا عضوة جديدة معكم كل عام وانتم بخير
انا معلمة رياضيات من الاسماعيلية تعاقد قديم 1/7/2008 الى الان لم ياتي عقدي انا و كثير من زملائي وزميلاتي و اخر موعد للتقديم للأكاديمة يوم 8/10 هل حد عنده خلفية ايه اللى ممكن هيتم هل هيمدوا فترة التقديم و لا العقود بتاعتنا اتاخرت ليه وهل ممكن نقدم فى الاكاديمية بدون العقد ارجو الرد ممن له علم



السلام عليكم:18:

زميلتى العزيزة اتصلى بسرعة بفرع الاكاديمية فى بورسعيد و استفسرى للاهمية و ياريت تروحى بسرعة للمديرية علشان تسالى عن العقد لكن على العموم انا عرفت ان الاكاديمية مفتوحة طوال العام لكن لازم تتصلى بيهم

و على فكرة نورتى المنتدى:17::38::6:

[sondok2]

احنا روحنا للمديرية قالولنا ان العقود مش متاخرة من عندهم اول ما بتيجي من الامن بالمحافظة بيوزعوها على طول و ذهبنا للامن قالوا احنا اول ما بتجيلنا العقود من مديرية الامن بنوزعها للامن بالمحافظة على طول ومش عارفين نعمل ايه هتضيع علينا الفرصة ولا ايه و ياتري اللى بيحصل ده مقصود الله اعلم

[مسيو الحسينى احمد]

ممكن اعرف لو سمحتم تعاقد 1\4 \2009 هل ينفع يقدم فى الاكاديمية هذه الايام ولا لا

[shosho_love]

انا من الشرقيه وعلى فكره يا جماعه انا روحت قدمت امبارح وانا عقدى 1/1/2009
وكان فى ناس كمان 1/3/2009 ومش معاهم تربوى وقدموا برضه
واخدوا منهم الورق بس لازم صوره طبق الاصل من وصل المصاريف من اللى بيعمل تربوى
ومفيش حد يسمع كلام حد يقوله مفيش تقديم لازم الواحد يروح يسأل بنفسه علشان ميندمش بعد كده

[مدرسة علوم]

احنا روحنا للمديرية قالولنا ان العقود مش متاخرة من عندهم اول ما بتيجي من الامن بالمحافظة بيوزعوها على طول و ذهبنا للامن قالوا احنا اول ما بتجيلنا العقود من مديرية الامن بنوزعها للامن بالمحافظة على طول ومش عارفين نعمل ايه هتضيع علينا الفرصة ولا ايه و ياتري اللى بيحصل ده مقصود الله اعلم




طيب ما تتجهو لوكيل الوزارة او مدير المديرية لانهم اكتر ناس ممكن يقدمو لكم المساعدة
وربنا ييسر لكم كل ام عسير ان شاء الله

[على علياء على]

يا جماعة منعا للحيرة والقيل والقال :
أنا تعاقد 1/1/2009 ، محافظة الشرقية ، فى البداية رفضوا الملف بتاعى وقالوا فى بداية شهر واحد 2010 ، وبعد كدا عرفت يوم السبت 3 / 10 انهم بيقبلوا أوراقنا ، فاتصلت بفرع الأكاديمية وقالى أيوة بنقبلها مادمت انت تربوى ، بس تجيب معاك بيان الحالة الخاصة بيك اللى فيه الكود من على النت ، فرحت وسلمت والحمد لله ، ومضيت تعهد بإنى هقبل أى قرار تأخذه الأكاديمية بشأنى لإنى لسة ماكملتش السنة .. فياريت الكل يروح يلحق يقدم لإن آخر موعد للتقديم الخميس القادم 8 / 10 .. وشكرا

[راجية رحمة ربى]

السلام عليكم ورحمة الله وبركاته
اختى مدرسة علوم انا من السويس وتعاقد 1 10 2008 واستلمت العمل 1 2009 اتصلت امس بالاكاديميه قالوا لى لابد من تسليم الاوراق على وجة السرعة لان اخر ميعاد 8 10 ونحن سنسافر غدا ان شاء الله

[راجية رحمة ربى]

الف مبروك و ربنا يوفقك ان شاء الله

لو سمحت ممكن اعرف حضرتك كم محافظة ايه؟؟؟؟؟؟؟

السلام عليكم اختى مدرسه علوم انا من محافظة السويس وعقدى 1 10 2008 واستلمت العمل 1 1 2009 مثلك وسفرنا بورسعيد لتقديم الاوراق ولم يقبلوا منا الاوراق وسافر زميل لنا وسال اول امس واخذوا منه الاوراق وقالوا له ابعت زملائك تعاقد 1 10 2008 لكى يقدموا علملا ان اخر ميعاد 8 10 2009 وسوف نسافر لتقديم الاوراق فاسرعى وسافري وبلغى زملائك لانى اتصلت بالاكاديمية وتاكدت

[مدرسة علوم]

السلام عليكم اختى مدرسه علوم انا من محافظة السويس وعقدى 1 10 2008 واستلمت العمل 1 1 2009 مثلك وسفرنا بورسعيد لتقديم الاوراق ولم يقبلوا منا الاوراق وسافر زميل لنا وسال اول امس واخذوا منه الاوراق وقالوا له ابعت زملائك تعاقد 1 10 2008 لكى يقدموا علملا ان اخر ميعاد 8 10 2009 وسوف نسافر لتقديم الاوراق فاسرعى وسافري وبلغى زملائك لانى اتصلت بالاكاديمية وتاكدت





زميلتى العزبزة ربنا يوفقك و يبارك لك و ربنا يقدرنى اقول للناس و نلحق ان شاء الله


و جزاك الله خيرا ربنا يجعله فى ميزان حسناتك ان شاء الله:18:

[marwa_td]

اكيد الكلام ده يا راجيه لانى حبلغ زميلاتى ومحبش اتسبب فى سفرهم بدون داعى[/color][/color]

[ريم نادر]

على فكرة انا قدمت للاكاديمية وعقدى 1-1-2009 وكمان اللى مش معاه تربوى اتقبل ورقة بايصال التربوى واللى مش معاه فيش برضه بوصل الفيش

[مدرسة علوم]

السلام عليكم:18:

فى البداية احب اقول لكل الزميلات و الزملاء الكرام جزاكم الله خيرا على كل المشاركات و المساهمات اللى ساعدتنا كتير بفضل الله و شكر خاص لزميلانى رحمة و سالى و سما و راجيةو ناس كتير ربنا يبارك لهم بس من التعب مش قادرة افتكر كل الناس
و القائمين على منتدانا الهادف و جزاكم الله خير مرة تانية
:6::17::38:

و الحمد لله اليوم قدمت الورق و استلمت الايصال بفضل الله
و الله الموفق ان شاء الله:24: