المساعد الشخصي الرقمي

مشاهدة النسخة كاملة : هتودى ولادك المدرسة..؟؟؟؟


نعمه محمود
29-09-2009, 11:13 PM
هتودى ولادك المدرسة و لا لأ ؟؟؟.أكتر سؤال بسمعه اليومين دول .رعب قاتل يسيطر على أولياء الامور كلام وزيرى الصحة والتعليم يقلق أكثر مما يطمئن .مديرى مدارس الأبنا بعدما حصلوا مصروفاتهم الدراسية كاملة يتنصلون من المسئولية ويقولون انتم احرار عاوزين تجيبوا ولادكم هاتوهم
ده وباء عالمى مش احنا اللي هنسيطر عليه.المدارس بعدما أخذت الالاف أرسلت لنا نشرة تطالبنا أن تحتوى حقيبة الاطفال يوميا على مناديل معقمة وصابون واسبراى معقم وهذا عبء يومى يضاف لاعباء الدروس الخصوصية التى ستحل محل المدرسة لأن الطفل لن يعود بهذه الاشياء وسيحتاج يوميا الى مجموعه جديدة منها.السؤال الآن هل سيذهب أبنائك إلى المدرسة أم لا؟
وماهى الاحتياطات التى سنتخذها وماذا نتوقع غدا
كريم ماضي
29-09-2009, 11:24 PM
.السؤال الآن هل سيذهب أبنائك إلى المدرسة أم لا؟
وماهى الاحتياطات التى سنتخذها وماذا نتوقع غدا


الموضوع عادي جدا ونفس موضوع انفلونزا الطيور كان موضوع بسيط وكبرناه علي الفاضي
انا مثلا اختي في رابعه ابتدائي هخليها تروح المدرسه عادي وهوعيها وفهمها وهعمل لها الكمامه وهخليها تتجنب اي صديقه ليها تحس عليها بأي اعراض برد او انفلونزا حتي لوهيا جالسه بجوارها في التخته
الوقايه خير من العلاج
واللي مكتوب له حاجه هيشوفها حتي لو جلس في البيت
المهم اننا نخلي بالنا
يعني مثلا ماتشات الكوره بيكون فيها تجمعات
صلاة الجمعه صلاة العيد
الشارع السوق
اهم حاجه ناخد بالنا مش اكتر
وبلاش القلق والرعب اللي هيعيشونا فيه ده
جزاكم الله خيرا علي الموضوع
ياسر الدقاق
29-09-2009, 11:37 PM
نعم لو كان لي أولاد في سن المدرسة كنت هخليهم يروحوا المدرسة
هما بس يأخدوا إحتياطات الأمان للوقاية
وإل مكتوب له شيئ بيشوفه
والله هو الحافظ
هي الدولة بس بتهول كل حاجه
بالرغم إن إحنا بنشوف في المباريات 80 ألف شخص في مكان واحد
وفي كل الأماكن حتي في مجموعات الدروس لبعض المدرسين
بنشوف تكدس رهيب للطلبه
وربنا يستر
mr.osama
29-09-2009, 11:45 PM
فعلاً أ/ نعمه ..
السؤال المتداول الآن بين الجميع هل هتودي ولادك المدرسة ؟

وبصراحة أنا مش عاوز أودي أولادي المدرسة لأسباب .. منها أن مساحة الفصل ضيقة وعدد الطلبة كبير .. ومش ضامن الاحتياطات الصحية ..

ومن جهة أخرى توجد مشكلة وهي أني كنت بأبقى فاضي يوم السبت وبأذهب معاهم أول يوم في الدراسة لأنه كان أجازة عندي ولكن بسبب هذا الوباء تم ألغاء أجازة السبت عندنا وهنروح المدرسة طوال أيام الأسبوع ماعدا الجمعة طبعاً .. ومين عارف ممكن يخلونا نروح الجمعة .. ههههههه

يعني الموضوع أصبح عبء كبير على الجميع ..

وفي مدارس الطلبه هتروح فيها 3 أيام فقط في الأسبوع .. فهل هذا حل؟

طيب الأسرة اللي الزوج والزوجة بيشتغلوا هيسيبوا أولادهم في البيت 3 أيام وطبعاً هيناموا وهيصحوا براحتهم .. وحتى إذا تم وضع قوانين صارمة لاجبارهم على الاستيقاظ في ميعاد المدرسة هل سيذاكرون بتركيز ويستفيدون؟

يعني الخلاصة .. هذه السنة نقدر نقول عنها ..
"عليه العوض ومنه العوض فيها"

والمشكلة أن أولادي في شهادة 3 و 6 ابتدائي ..

فعلاً موضوع محير جداً ..
نعمه محمود
30-09-2009, 12:01 AM
الموضوع عادي جدا ونفس موضوع انفلونزا الطيور كان موضوع بسيط وكبرناه علي الفاضي
انا مثلا اختي في رابعه ابتدائي هخليها تروح المدرسه عادي وهوعيها وفهمها وهعمل لها الكمامه وهخليها تتجنب اي صديقه ليها تحس عليها بأي اعراض برد او انفلونزا حتي لوهيا جالسه بجوارها في التخته
الوقايه خير من العلاج
واللي مكتوب له حاجه هيشوفها حتي لو جلس في البيت
المهم اننا نخلي بالنا
يعني مثلا ماتشات الكوره بيكون فيها تجمعات
صلاة الجمعه صلاة العيد
الشارع السوق
اهم حاجه ناخد بالنا مش اكتر
وبلاش القلق والرعب اللي هيعيشونا فيه ده
جزاكم الله خيرا علي الموضوع
أحيي فيك هذه الشجاعه ياكريم . نعم أعتبرها شجاعه حقا وكما قلت كل شيء بامر الله مع خالص تمنياتى لأختك ولجميع الطلبة والطالبات بالصحة والعافية
شكرا لمرورك الكريم
نعمه محمود
30-09-2009, 12:04 AM
نعم لو كان لي أولاد في سن المدرسة كنت هخليهم يروحوا المدرسة


هما بس يأخدوا إحتياطات الأمان للوقاية
وإل مكتوب له شيئ بيشوفه
والله هو الحافظ
هي الدولة بس بتهول كل حاجه
بالرغم إن إحنا بنشوف في المباريات 80 ألف شخص في مكان واحد
وفي كل الأماكن حتي في مجموعات الدروس لبعض المدرسين
بنشوف تكدس رهيب للطلبه

وربنا يستر

أستاذ ياسر تتفق مع كريم في الرأى ولكن من نجدهم بالماتشات هم أشخاص بالغين يعرفون كيفية التصرف عكس الأطفال الصغار الذين لا يستطيعون حماية أنفسهم
شكرا أستاذ ياسر على ردك
نعمه محمود
30-09-2009, 12:08 AM
فعلاً أ/ نعمه ..
السؤال المتداول الآن بين الجميع هل هتودي ولادك المدرسة ؟

وبصراحة أنا مش عاوز أودي أولادي المدرسة لأسباب .. منها أن مساحة الفصل ضيقة وعدد الطلبة كبير .. ومش ضامن الاحتياطات الصحية ..

ومن جهة أخرى توجد مشكلة وهي أني كنت بأبقى فاضي يوم السبت وبأذهب معاهم أول يوم في الدراسة لأنه كان أجازة عندي ولكن بسبب هذا الوباء تم ألغاء أجازة السبت عندنا وهنروح المدرسة طوال أيام الأسبوع ماعدا الجمعة طبعاً .. ومين عارف ممكن يخلونا نروح الجمعة .. ههههههه

يعني الموضوع أصبح عبء كبير على الجميع ..

وفي مدارس الطلبه هتروح فيها 3 أيام فقط في الأسبوع .. فهل هذا حل؟

طيب الأسرة اللي الزوج والزوجة بيشتغلوا هيسيبوا أولادهم في البيت 3 أيام وطبعاً هيناموا وهيصحوا براحتهم .. وحتى إذا تم وضع قوانين صارمة لاجبارهم على الاستيقاظ في ميعاد المدرسة هل سيذاكرون بتركيز ويستفيدون؟

يعني الخلاصة .. هذه السنة نقدر نقول عنها ..
"عليه العوض ومنه العوض فيها"

والمشكلة أن أولادي في شهادة 3 و 6 ابتدائي ..

فعلاً موضوع محير جداً ..

نعم أستاذ أسامة نستطيع أن نقول عليه العوض ومنه العوض في السنه
والأسوأ من ذلك ان مدارس الأولاد منعت منعا باتا دخول أولياء الأمور إلى المدرسة وكيف نطمئن على صحة أبنائنا ونحن ممنوعين من دخول المدرسة
امة الرحمن
30-09-2009, 02:00 AM
هو انا معنديش اولاد

بس عندي انا :d

حوديني الكليه عادي

قل لن يصيبنا الا ما كتب الله لنا

." أينما تكونوا يدرككم الموت "

انا حاسه ان الناس هي اللي مكبره الموضوع

والحكومه بتلهي الناس في المرض بدل مينشغلو في ارتفاع الاسعار او اي حاجه تخص البلد

وفي الاول وفي الاخر اجري يابني ادام جري الوحوش غير رزقك لن تحوش

يعني كل واحد له نصيبه حيشوفه
نعمه محمود
30-09-2009, 02:04 AM
هو انا معنديش اولاد



بس عندي انا :d


حوديني الكليه عادي


قل لن يصيبنا الا ما كتب الله لنا


." أينما تكونوا يدرككم الموت "


انا حاسه ان الناس هي اللي مكبره الموضوع


والحكومه بتلهي الناس في المرض بدل مينشغلو في ارتفاع الاسعار او اي حاجه تخص البلد


وفي الاول وفي الاخر اجري يابني ادام جري الوحوش غير رزقك لن تحوش


يعني كل واحد له نصيبه حيشوفه

طبعا عندك حق يا اسماء انه لن يصيبنا الا ماكتب الله لنا ولكن أيضا لايجب أن نلقي بايدينا الى التهلكة واحييك على هذا اليقين حفظك الله
شكرا على مرورك العطر
كريم ماضي
30-09-2009, 01:36 PM
أستاذ ياسر تتفق مع كريم في الرأى ولكن من نجدهم بالماتشات هم أشخاص بالغين يعرفون كيفية التصرف عكس الأطفال الصغار الذين لا يستطيعون حماية أنفسهم
شكرا أستاذ ياسر على ردك


استاذه نعمه حضرتك ممكن تقوليلي ايه الفرق بين طفل في ابتدائي لا يستطيع حماية نفسه
وشاب او فتاه عندهم 20 سنه مايعرفوش حاجه عن المرض ومكبرين دماغهم عادي

الفرق هنا في التوعيه بجد
يعني لما الطفل بيروح المدرسه مامته بتقعد تديله محاضره كل يوم
ماتتشقاش كتير
اسمع كلام المدرس
ماتشتريش سندوتشات من بره
الاكل معاك في الشنطه
اعمل كذا
ماتعملشي كذا
الزياده بقي اننا نوعي الطفل ده شويه عن انفلونزا الخنازير
والله انا شايف الموضوع عادي جدا
بس زي ماقالت اسماء
هما بيحاولوا يلهونا في حاجه عشان يكون هو ده شغلنا الشاغل ومانفكرشي في حاجه غير ده
ونسيب ارتفاع الاسعار والحوادث والمصايب والسرقات
ونتكلم عن الانفلونزا
شريف
30-09-2009, 07:37 PM
انا مش فاهم ليه مصر عاملة مشكلة
ايه المشكلة يعني لما الدراسة تتأجل علي الاقل التيرم الاول
و في نهاية السنة يمتحنوا التيرمين زي زمان؟
هل ده هيشكل عقبة في طريق التنمية في مصر؟؟؟؟
غريبة والله
كل الدول اللي بتحرص علي مواطنيها و بتحترم ادميتهم
بيضعوا مواطنيهم في المقام الاول قبل كل شئ
و موت شخص واحد عندهم يعني لهم الكثير
أما نحن فأول ما يفكر فيه المسئول المصري في بلادنا هو عمل مقابر جماعية !!
عموما
لو كان عندي أولاد
طبعا ما كنتش هوديهم
لان السنة اللي ممكن لا قدر الله يصابوا فيها بالوباء
مش هيا السنة اللي هياخدوا فيها الدكتوراة
موضوع حيوي جدا تسلم ايدك عليه
Blanche Neige
30-09-2009, 08:08 PM
والله هو بجد موضوع محير جداااا
بس انا فى رايى اذا كل مدرسه اخدت احتياطتها
واهتمت بكل شئ فالمدرسه خصوصا النظافة العامه
الموضوع هايعدى يعنى ... طب انا هاقولك حاجه
انتى عارفه عندنا فالمدرسه مش قادره اقولك عاملين ايه
حتى الباصات كل يوم بتتغسل من بره وجوه بالكلور والديتول
تمشى فى اى مكان تلاقى ريحه الديتول كل حاجه جديده فلمدرسه
السنه دى حتى سلات المهملات ملصقات متعلقه فى كل مكان للتوعيه
تنبيهات مكتوبه راحت لاولياء الامور فالبيت باللى المفروض عليهم اتباعه ماهى
ازمه ولازم الكل يشارك فى مواجهتها عشان تعدى على خير ان شاء الله
والاولاد يروحوا المدرسه عادى واذا حصل ولاحظوا اى شئ
يقعدوا مش هايحصل حاجه يعنى
موضوع مهم يسلموا ايديكى يانعمه
ميس صافيا
30-09-2009, 08:28 PM
الموضوع بسيط بس لو اهملنا ممكن يتحول لكارثه ربنا يستر
وبعدين احنا لو حلينا مشكلة المدارس واجلناها
هانحل ازاى مشكلة المواصلات وبالذات المترو
ما هو بيكون زحمه برضه من الموظفين مش من الطلبه بس
والمصالح الحكوميه نفسها ما هى بتكون زحمه برضه هانقعد الناس دى فى بيوتها يعنى
ما ينفعش طبعا
وبالنسبه للمدارس
اللى خايفه وتقدر تخلى ولادها ما يروحوش المدرسه تعمل كده لان السنه دى مش هايدققوا ع الغياب
اما اللى ما تقدرش عشان شغلها تتكل على الله وربنا يستر
انا عن نفسى هاستمر ان شاءالله فى شغلى ولو حسيت ان الحكايه زادت او فيها قلق هاخد اجازه واقعد علشان بناتى
وربنا يرفع عنا البلاء يارب
dream
30-09-2009, 11:02 PM
موضوع محير لكل بيت فى مصر

بل على المستوى العالمى

لكن معظم الاراء تؤيد عدم ذهاب الابناء الى المدارس

اما بالنسبة لى فاطفالى قسموا دخولهم الى المدرسة
اولى اعدادى هيدخلوه اول اسبوع

و 4ابتدائى تانى اسبوع

وkg1بعد اسبوعين

وبصراحة ابنى الكبير ناقشنى فى عدم ذهابه الى المدرسة

وقال لى لو ربنا كاتب لى اى مرض وانا فى اى مكان هيجى لى سواء فى النادى او فى المول او حتى فى البيت

ما حضرتك وبابا بتروحوا الشغل والحمد لله بخير

وحضرتك هتخطلتى بالطلاب والطالبات فى المدرسة

يعنى قدر الله وماشاء فعل

بصراحة احرجنى برايه ده

وهو مصمم يذهب الى المدرسة

ربنا يعافيهم جميعا من اى مرض او وباء

شكرا نعمة على طرح هذا الموضوع
Mr Gomaa Ashour
01-10-2009, 06:57 PM
المكتوب ع الجبين لازم تشوفه العين
فيروس انفلونزا الخنازير ضعيف جداً
المشكلة فى الإهمال
الحمد لله العقار متوفر وبمجرد أخذه يتم الشفاء بإذن الله
يجب توعية أولادنا الصغار جيداً ( نعمل اللى علينا ) والباقى على الله
فالله خير حافظاً وهو أرحم الراحمين
الخوف الحقيقى لذهاب أولادنا للمدرسة عندما يكون الوباء فى المدرسة
كل المدارس بلا إسثناء تقوم بعمل اللازم لهذا الوباء
من نظافة وإهتمام بكل شىء
ابنى محمد داخل أولى ابتدائى طبعاً هيروح المدرسة عادى جداً
لأن الحمد لله مفيش أى حاجة ظهرت فى منطقتنا يعنى مفيش خوف
أما إذا ظهرت أى حالات إصابة طبعاً مش هيروح المدرسة
عماد عبد الستار
04-10-2009, 08:47 PM
آه والله العظيم
mostafa22
11-10-2009, 09:08 PM
على حسب الوضع الموجود