ضيفة متميزة ومشاغبة على شيزلونج الاعتراف [الأرشيف] - المنتديات التعليمية

نعمه محمود

27-09-2009, 05:50 PM

كرسى الاعتراف من ريش نعام ليليق بصاحبة المقام
ضيفتنا النهاردة مش ضيفة عادية .ضيفة متميزة لاقصى درجة
دكتورة دعاء شديد المشاغبة في الحق فَراشة المنتدى التي تنتقل بين زهوره لتثري موضوعاته بردودها القيّمة ولتضيف رونقاًخاصاً....
هاهي ضيفتنا مستعدة لاستقبال أسئلتكم التي نتمنى أن تكون بعيدة عن حياتها الشخصية ,, ولضيفتنا الحرية في الإجابة ,,
أنسحب الآن لأترك المجال لكم ولضيفتنا العزيزة ,, وستكون عودتي قريبة وفي جعبتي بعض الأسئلة ,, :6:

dream

27-09-2009, 06:05 PM

يا اهلا يا اهلا يا اهلا

نورتى المكان

يا دعاء

اولا البيانات الشخصية

ثانيا سؤالين على الماشى

س : كل واحد فينا يادعاء عنده طموحات انتي ايه طموحاتك علي المستوي الشخصي و العائلي و

الدراسي و المهني ؟

س : امتي قلتي لاء بصوت عالي و ازاي بتتعاملي مع القيود الي بتفرضها عليكي الحياه ؟

دعاء شديد

27-09-2009, 07:30 PM

دعاء شديد

27-09-2009, 07:48 PM

يا اهلا يا اهلا يا اهلا

نورتى المكان

يا دعاء
المكان نور فعلا بوجودك

اولا البيانات الشخصية
انسانه عاشقه للحياه
لانه حياتها قصيرة

ثانيا سؤالين على الماشى
اه يا خوفى

س : كل واحد فينا يادعاء عنده طموحات انتي ايه طموحاتك علي المستوي
الشخصي
ان اظل نفسى

العائلي
ابطل عفرته لانى معفرته البيت كله والله

الدراسي
اكمل فى الخط الذى اخترته لنفسى منذ ان قررت
استكمال دراستى

المهني
1- ان يعرف الاستاذ الجامعى حجمه الحقيقى
بين الناس وامام الله
2- أن يدرك الاستاذ الجامعى انه مدرس لكن بلا قيود
3- الا يتقلد الاستاذ الجامعى اى منصب ادارى
4- ان يأتى يوم اتصفح رساله جامعيه او بحث علمى
به الكثير والكثير من المعلومات واقل القليل من الكلمات

س : امتي قلتي لاء بصوت عالي
قلت لأ وبأعلى صوت "لاختبارات الكادر"

ازاي بتتعاملي مع القيود الي بتفرضها عليكي الحياه ؟
لا قيود الا ما فرضه الله علي
اما القيود المجتمعيه
فمدامت لا أغضب الله افعل ما يريحنى وما اقوى على تحمل مسئوليته
لاننى الوحيده التى اعيش حياتى وسوف اسأل عنها
لن اعيش حياة الاخرين ... ولن يعيش احد حياتى
يشاركنى الناس فرحتى ... لكن انا من اصنعها بحياتى
يشاركنى الناس همومى ... لكن لن يمحوها من حياتى
لذلك
انا وحياتى والله

دول السؤالين الي على الماشى
اومال لما اطلبلط عصير وتعدى وترتاحى هتسألينى فى ايه !!!!!
:28:
بس بجد اسئله فى الجون
نورتينى

امل لاشين

27-09-2009, 11:44 PM

دعاء شديد

28-09-2009, 09:07 AM

لالالا ......مش ممكن دعاء علي كرسي الاعتراف...
وكمان من ريش نعام ...يا نعمه بدانا الدلع بقي :friendsxs3:
مش بحسد لالالالا عيب ....بقر بس :)
ياهلا بيكي....يادودو
اكيد طبعا مرتاحه صح ولا ايه؟؟؟
هنا مفيش اي اعتراض ...اجابات وبس !!!!
نبداء بقي شويه اسئله من هنا وهناك ....!!!

اهلا اهلا ... ماشى

1- عاوزة اعرف في كلام بسيط منك ...مين دعاء شديد ؟؟
واحده دائما وابدا تبحث هى والتعب عن بعضهما

2- ليه دايما بتقولي الحياه قصيره ...وايه السبب في كده ؟؟؟
احساس قوى جدا جوايا من زمان وبقى له مؤشرات بتقويه

3- ايه اللي بتحبيه في الحياه ؟؟؟ وايه اللي بتكرهيه؟؟؟؟
الحياة نفسها
انها قصيرة

4- ايه الحلم اللي اتمنتيه واتحقق ؟؟؟ والحلم اللي بتسعي لتحقيقه ؟؟
1- انى اكون مدرسه بالجامعه لانى اكره قيود التربيه والتعليم
2- نفس الحلم الي مش قادرة اسعى لتحقيقه

5- ياتري حصل وظلمتي حد ؟؟ولو حصل تحبي تقوليله ايه ؟؟؟
اه طبعا
والله مكنت اقصد

6امتي قلتي انك اتظلمتي ؟؟؟ وايه كان تصرفك ؟؟؟؟
كتيييييييييييييير يا امل
بستقتل لحد ميترد ظلمى ... وبيترد بفضل الله

7ماذا تقولي في هذه الكلمات

الحياه = اسكندرية

البحر = خوف

الامل = بهارات الحياه

الصدق = سلوك طبيعى لكن احيانا بيكون مُهلك

الكذب = اضطرار والي يقول انه مبيكدبش يبقى كداب

الصداقه = الحضن الدافى الي مهما اتشديت بعيد عنه ... برجعله

الخيانه = احساس صعب سواء خنتى او اتخنتى ... لكنه درجات

الغدر = لحظة تفقدين فيها الوعى وانت بكامل وعيك

الخيال = مصباح علاء الدين الي بيساعدنا على التعايش مع الواقع وتحمله

الطرقعه = احساس لا يخضع لاى حسابات والا فقد معناه

بس بقي كفايه كده دلوقتي ..:)

مش عاوزة اطول عليكي ..واشوفك تاني ياجميل ..:friendsxs3:

حرام عليكى كل ده
:28:
بس نورتينى بجد
وفى انتظارك

مسيو وليد عسكر

28-09-2009, 09:33 AM

با اهلا وسهلا يا دعاء منورة كرسي الاعتراف
واسمحي لي ببعض الاسئلة الخاصة بالمنتدي علي الماشي ولي عودة اخري ان شاء الله
ايه افضل موضوع قراتيه في المنتدي
وما اسوأ موضوع
ومن هو العضو الذي تحبي ان تقرائي موضوعاته
ومن هي صديقنك المقربة في المنتدي
ومن هو عدوك الدود في واو الجماعة
ومن هم حلفاء الشر في المننتدي
ومن اهم اصحاب الياقات البيضاء؟
وما هي اكلتك المفضلة؟
وماهو اسو؟ موقف قابلك

دعاء شديد

28-09-2009, 06:45 PM

اهلا وسهلا يا دعاء منورة كرسي الاعتراف
المكان نوربيك يا وليد

واسمحي لي ببعض الاسئلة الخاصة بالمنتدي علي الماشي ولي عودة اخري ان شاء الله
وماله اسمحلك ولا عيب ولا حرام

ايه افضل موضوع قراتيه في المنتدي

زمــــــان كان عيب .. دلوقتي بقى عادي

لمحمد السادات

وما اسوأ موضوع
كل موضوع منقول ... وصاحبه او صاحبته مبيقولش
وللاسف بيبان من الفرق فى صياغه الموضوعات ... وبين اسلوب الردود

ومن هو العضو الذي تحبي ان تقرائي موضوعاته
اعترض على السؤال

ومن هي صديقنك المقربة في المنتدي
امولا

ومن هو عدوك اللدود في واو الجماعة
الحمدلله ليس لى اعداء
لا فى واو الجماعه
ولا فى جماعه الواو

ومن هم حلفاء الشر في المننتدي
هههههههههههههههه
والله يا وليد يا اخويا
كل واحد فيهم يدخل يكتب اسمه بنفسه وانا هبدأ
دعاء -

ومن اهم اصحاب الياقات البيضاء؟
كل من يصمم على قول كلمه الحق ... حتى لو اتشتم

وما هي اكلتك المفضلة؟
الشاى ابو لبن+البسكويت

وماهو اسوء موقف قابلك؟
حينما وجدت نفسى بين اختيارين ... احلاهما مر

:28:

وليد بجد اسئلتك صعبه جدا
وبعترف ان فيها اسئله انا جاوبتها بدبلوماسيه
لان الناس بتغضب من الحق
:bosyht9:
لما نشوف باقى اسئلتك

مسيو وليد عسكر

28-09-2009, 09:35 PM

:28:

وما هي اكلتك المفضلة؟
الشاى ابو لبن+البسكويت

اهو بعد الشاي ابو لبن دي هبطل ادخل كرسي الاعتراف ده من اساسه

دعاء شديد

28-09-2009, 09:49 PM

اهو بعد الشاي ابو لبن دي هبطل ادخل كرسي الاعتراف ده من اساسه

ليه كده
وبعدين
مش فاهمة وجهة نظر سيادتك
ايه وجه الاعتراض !!!!!

Blanche Neige

29-09-2009, 03:14 AM

اهلا وسهلا بيكى يادعاء
منوره كرسى الاعتراف زى العاده
وزى ما دايما بتنورى اى مكان تتواجدى فيه

معليش بقى انا مضطره اتقل عليكى واسألك كام سؤال كده عالماشى
ودا من حبى ليكى وتقديرى واحترامى ليكى

1- هل فى وقت من الاوقات ندمتى على قرار اخدته فى حياتك؟
2- انتى من طباعك التردد ولا قراراتك بتكون حاسمه ؟
3- موقف محرج اتحطيتى فيه ؟
4- واتصرفتى فيه ازاى ؟
5- امته بتحسى انك مخنوقه وعاوزه تبكى لكن مش قادره ؟
6- وامته تنزل دموعك ؟
7- اسعد أوقات حياتك كانت امته ؟
8- هواياتك ايه ؟ وعندك وقت تمارسى الهوايات دى ولا ايه ؟
9- مين هو الشخص اللى ممكن تأتمنيه على اسرارك ؟
10- أغرب حاجه عملتيها فى حياتك ؟

اتمنى مااكونش طولت عليكى ... اتمنالك التوفيق فى كل شئ

كريم ماضي

29-09-2009, 12:00 PM

السلام عليكم ورحمة الله وبركاته

اهلا بحضرتك في كرسي الاعتراف

مدير الراديو (You can see links before reply) التعليمي

هو فين الراديو ؟
يعني مش بنسمع عن برامج ولاحاجه ؟
طيب انا دخلت دلوقتي علي الرادو ماسمعتش حاجه خالص ايه السبب؟

حاجه بسيطه كده يادكتور ياريت بس اسئلتي تكون خفيفه ومش رخمه
وان شاء الله الاسئله كتير لي عوده
سلام عليكم

دعاء شديد

29-09-2009, 05:23 PM

اهلا وسهلا بيكى يادعاء
منوره كرسى الاعتراف زى العاده
وزى ما دايما بتنورى اى مكان تتواجدى فيه

ميرسى على مجاملتك الرقيقه

معليش بقى انا مضطره اتقل عليكى واسألك كام سؤال كده عالماشى
ودا من حبى ليكى وتقديرى واحترامى ليكى

ولا يهمك

1- هل فى وقت من الاوقات ندمتى على قرار اخدته فى حياتك؟
مش ندم على قرار ... انما ندم على
انى اتعلمت احلم
انى اتعلمت افكر
انى اتعلمت الحياه
انى اتعلمت اصلا

2- انتى من طباعك التردد ولا قراراتك بتكون حاسمه ؟
هضحكك
قرارتى المصيريه حاسمه
انما قرار شراء اى حاجة ... مترددة

3- موقف محرج اتحطيتى فيه ؟
مرة واحده "زمايل المصلحة" اتصلت بيا عايزة تقابلنى لانها كانت عامله موقف سخيف
رديت على التيفون وقلتلها سورى مش هقدر لانى تعبانه ونايمه
ههههههههههههههههههههه
المهم عدت على صديقه ليا تانيه فى شغلها مفاجأة بعد نص ساعه علشان تصحح الموقف
لاقتنى عندها فى الشغل

4- واتصرفتى فيه ازاى ؟
طبعا احرجت جدا
بس مضيعتش الفرصه وحطيت حد لعلاقتها بيا

5- امته بتحسى انك مخنوقه وعاوزه تبكى لكن مش قادره ؟
لما بابا او ماما بكونوا تعبانين

6- وامته تنزل دموعك ؟
لما بكون لوحدى
او مع حد بكون معاه دعاء ... ودول ثلاثه اشخاص فى حياتى فقط

7- اسعد أوقات حياتك كانت امته ؟
21/5/2009
ولا اعتقد انى هحتفل بعيد ميلاد ليا تانى

8- هواياتك ايه ؟ وعندك وقت تمارسى الهوايات دى ولا ايه ؟
المذاكرة والسفر والرحلات
المذاكرة طبعا ليها معظم الوقت عن حب مش اجبار
انما السفر والرحلات حسب الظروف

9- مين هو الشخص اللى ممكن تأتمنيه على اسرارك ؟
نفس التلاته الي ممكن ابكى ادامهم

10- أغرب حاجه عملتيها فى حياتك ؟
شوفى هو احساس قوى جدا فى اللحظة الي بجاوب فيها على سؤالك
انى فاقده الرغبه فى الحياه تماما
مش نتيجة موقف ضايقنى ولا مشكله لالالالالا
انما لانى وصلت انى حققت كل حاجة حلمت بيها
رغم انها متحققتش كامله ... وده لاننا بشر
اوعلشان كده مش هقدر اكملها ولا احلم غيرها
ولا معنى للحياة دون احلام

اتمنى مااكونش طولت عليكى ... اتمنالك التوفيق فى كل شئ

ولا يهمك

لك ما شئت من الاسئله
تورتينى يا جميله

دعاء شديد

29-09-2009, 05:45 PM

السلام عليكم ورحمة الله وبركاته
اهلا بحضرتك في كرسي الاعتراف

اهلا بيك يا كريم

مدير الراديو (You can see links before reply) التعليمي

هو فين الراديو ؟
وانت داخل المنتدى على ايدك اليمين

يعني مش بنسمع عن برامج ولاحاجه ؟
مش عارفه يا كريم انا حاسه انى فى قسم الدعم الفنى
مش على كرسى الاعتراف
لكن البرامج تم الاعداد لها بشكل جيد ... افكار متنوعه
لكن فى ظروف كده ان شاء الله تتظبط

طيب انا دخلت دلوقتي علي الرادو ماسمعتش حاجه خالص ايه السبب؟
الراديو اشتغل مرة بشكل تجريبى واكنت اغانى اطفال
وسبب انك مسمعتش حاجة ... لانه اصلا مفيش حاجة

حاجه بسيطه كده يادكتور ياريت بس اسئلتي تكون خفيفه ومش رخمه
وان شاء الله الاسئله كتير لي عوده
سلام عليكم
وعليكم السلام

:bosyht9:
ماشى يا كريم

mr.osama

29-09-2009, 07:06 PM

يا اهلا د/ دعاء

منورة كعادتك دائماً

لاحظت في ردودك ما يلي: ( كلامي كله هيكون باللون الأحمر)

حبك للحياة وحزنك الشديد أنها قصيرة ..
انسانه عاشقه للحياه
لانه حياتها قصيرة

احساس قوى جدا جوايا من زمان وبقى له مؤشرات بتقويه
الحياة نفسها
انها قصيرة
لكن ياترى لأنك لم تحققي كل أحلامك أم لأنك مش عارف أوضح لكن في سر غير مفهوم خاصة في ردك على احتفالك بعيد ميلادك الماضي

21/5/2009
ولا اعتقد انى هحتفل بعيد ميلاد ليا تانى

هو احساس قوى جدا فى اللحظة اللي بجاوب فيها على سؤالك
انى فاقده الرغبه فى الحياه تماما
مش نتيجة موقف ضايقنى ولا مشكله لالالالالا
انما لانى وصلت انى حققت كل حاجة حلمت بيها
رغم انها متحققتش كامله ... وده لاننا بشر
اوعلشان كده مش هقدر اكملها ولا احلم غيرها
ولا معنى للحياة دون احلام

ياريت توضحي أكثر .. ليه التشاؤم ده؟

لن اعيش حياة الاخرين ... ولن يعيش احد حياتى
يشاركنى الناس فرحتى ... لكن انا من اصنعها بحياتى
يشاركنى الناس همومى ... لكن لن يمحوها من حياتى
أيه الكلام الكبير ده .. هل تفتقدي الحياة مع .......... من؟

واحده دائما وابدا تبحث هى والتعب عن بعضهما
طيب ليه أنتي غاويه تعب أم حظك سيء؟

الحلم اللي بتسعي لتحقيقه ؟؟
2- نفس الحلم الي مش قادرة اسعى لتحقيقه
يا ترى أيه هو؟

امتي قلتي انك اتظلمتي ؟؟؟ وايه كان تصرفك ؟؟؟؟
كتيييييييييييييير
بستقتل لحد ميترد ظلمى ... وبيترد بفضل الله
واضح أنك مريتي بظروف صعبة كثيرة .. ولكن ما هو أصعب موقف وأكثر ظلم تعرضتي له؟ ومن مين؟

الحياه = اسكندرية

ياه كل هذا الحب .. طيب ليه مش بتعيشي هناك .. هل فكرت في الأقامة هناك ؟ وما السر وراء هذا الحب؟

ماهو اسوء موقف قابلك؟
حينما وجدت نفسى بين اختيارين ... احلاهما مر

ما هما هذان الاختياران؟

1- هل فى وقت من الاوقات ندمتى على قرار اخدته فى حياتك؟
مش ندم على قرار ... انما ندم على
انى اتعلمت احلم
انى اتعلمت افكر
انى اتعلمت الحياه
انى اتعلمت اصلا
كلام خطير يوضح مدى يأسك .. ولكن ليه .. ويا ترى في قرار ندمتي عليه؟

وامته تنزل دموعك ؟
لما بكون لوحدى
او مع حد بكون معاه دعاء ... ودول ثلاثه اشخاص فى حياتى فقط
- مين هو الشخص اللى ممكن تأتمنيه على اسرارك ؟
نفس التلاته الي ممكن ابكى ادامهم
أ/ نعمة - أ/ أمل - د/ ولاء .. صح ولا مين؟

شريف

29-09-2009, 07:26 PM

دعاء .... يا أهلا و سهلا
جيتي برجلك
حسرة عليها يا حسرة عليها
خدي عندك يا ستي استفتاح بس
ـــــــــــــــــــــــــــــــــ

امتا تصحي من النوم تقولي
مش داخلة المنتدي ده تاني ؟

مسجلة في منتديات تانية؟

لو مسجلة في منتدي تاني معين ... ليه سجلتي و المنتدي ده فيه ايه زيادة
عن بوابة التعليم ؟

انفلونزا الخنازير... بيهمك التفكير فيها و الخوف منها
و قلقانة من اللي ممكن يحصل و لا كله محصل بعضه؟

ايه اكتر حاجة تخافي تفقديها في حياتك ؟

ما هو مقياس جمال الرجل من وجهة نظرك؟

لو افترضنا انك بتبحثي عن عروسة لأخيكي ... ايه المواصفات اللي هتبحثي
عنها أول حاجة ؟؟؟

ايه رايك في فكر الشباب في الوقت الحالي؟ هل يصلحوا يكونوا رجالة بمعني الكلمة
و ازواج يعتمد عليهم؟

بما اني ناوي اسأل اسئلة رخمة و مش هخليكي تتهني علي الموضوع
و يخلص علي خير
فهسأل أسئلة غير عادية
أول سؤال منهم
ـــــــــــــــــ
طبعا اكيد اتقدملك حد و رفضتيه
ممكن تحكي بالتفصيل ايه اسباب رفضك؟

و ايه اللي بتبحثي عنه في الرجل ليصبح زوج مثالي؟

ايه سر حبك للمذاكرة ؟

ايه سر كثرة تغييرك للتوقيع؟

حطيتي مرة صورة لبوجي و طمطم كصورة رمزية !
هل الطفولة بما تحتويه.... شئ اثر فيكي كتير؟ هل تتمني ان تعودي طفلة؟

لو تحبي ترجعي طفلة دلوقتي حالا
ايه أول شئ في حياتك او قرار او مسار معين تحبي تغيريه تماما
و ايه الشئ اللي ما عملتهوش في طفولتك تتمني ترجعي طفلة و تعمليه؟

لي عودة ايتها الساحرة الشريرة
هوا انا هسكت :)

ميس صافيا

29-09-2009, 07:42 PM

اهلا يا دود
الكرسى منور
طبعا لى عوده بس بعد ما تجاوبى ع الاسئله اللى فاتت

mr.osama

29-09-2009, 09:19 PM

اما بخصوص احساسى بقصر حياتى
ده فعلا احساس مجرد من اى تشاؤم وغير متعلق باى شيء فى الدنيا ... بجد مش عارفه سبب وجود الاحساس لكن عارفه ايه بياكده

والله ما فى اى تشاؤم
وارجو انى اكون وضحت النقطة دى

وضحتي ورجعت تاني تثيري الجدل ايه اللي انتي عارفاه وبيأكد أحساسك بقصر حياتك لا قدر الله .. أن شاء الله تعيشي وتفرحي بأحفادك كمان ..

كل الكلام ده ومفيش تشاؤم .. واضح أنك مفتقده للسعادة .. والحل هو ......

ثم ما هذا التناقض في الصورة الرمزية وصورة التوقيع الحاليين؟

mr.osama

29-09-2009, 10:23 PM

ههههههههههههههههه
مستر اسامه ... انا حاسه انى فى بؤرة الاعتراف

مش شيزلونج ... نعمه ضحكت عليا

ههههههههههههه
هي المشكلة مش في الكرسي .. وإذا كان على الكرسي مش تزعلي اختاري اللي يعجبك .. وبرضه هتفضلي في البؤرة .... ههههههههه

You can see links before reply

You can see links before reply

You can see links before reply

You can see links before reply

You can see links before reply

wala

30-09-2009, 10:13 PM

اهلا بيكى يا دودو على كرسى الاعتراف

كرسى الاعتراف نور بوجوك عليه

:38:

طبعا انتى تتميز ىبشخصيه قويه وصريحه وواضحه وديه احلى حاجه فيكى

لان عمليه الوضوح والصراحه اصبحت نادره بين البشر اليومين دول

وعشان كده عايزه اسئلك :-

أمتى ممكن تفقدى وضوحك وصراحتك مع اقرب الناس ليكى ؟

انتى صبوره ولا لآ ؟ وصبرك امتى بينفذ ؟ هل صبرتى قبل كده على حاجه او على حد ؟

ايه اكتر حاجه ممكن تخليكى تفقدى اعصابك وتتصرفى تصرف ممكن تندمى عليه ؟

واخيرا :-

ايه السؤال اللى كنتى متوقعه ان حد يسألهولك ومتسألش لسه ؟

مين اللى كنتى متوقعه انه هيسالك ومسالكيش لسه؟

كفايه كده يا دودو

لو جى فى دماغى اسئله تانيه هسألها فورا

باى باى

:18:

دعاء شديد

01-10-2009, 12:02 PM

يا اهلا د/ دعاء

منورة كعادتك دائماً
ميرسى جدا يا مستر اسامه

لاحظت في ردودك ما يلي: ( كلامي كله هيكون باللون الأحمر)

وانا هجاوب على كل جزء فى رد منفصل
لان اسئله حضرتك فى الجون بجد

حبك للحياة وحزنك الشديد أنها قصيرة ..
انسانه عاشقه للحياه
لانه حياتها قصيرة

احساس قوى جدا جوايا من زمان وبقى له مؤشرات بتقويه

الحياة نفسها
انها قصيرة

لكن ياترى لأنك لم تحققي كل أحلامك أم لأنك مش عارف أوضح لكن في سر غير مفهوم خاصة في ردك على احتفالك بعيد ميلادك الماضي

هو احساس قوى جدا فى اللحظة اللي بجاوب فيها على سؤالك
انى فاقده الرغبه فى الحياه تماما
مش نتيجة موقف ضايقنى ولا مشكله لالالالالا
انما لانى وصلت انى حققت كل حاجة حلمت بيها
رغم انها متحققتش كامله ... وده لاننا بشر
اوعلشان كده مش هقدر اكملها ولا احلم غيرها
ولا معنى للحياة دون احلام

مفيش اى سر خالص كل الحكايه
انا كنت فاكرة ان الوصول لتحقيق اى حلم ما هو الا
نقطة انطلاق لحياة جديده
وده كان قوى اوى بالنسبه لى خاصه فيما يخص شغلى
لكن فوجعت انه بمجرد تحقيق الحلم
التعامل معاه بيبقى على انه واقع مش حلم اتحقق
المشكله عندى مش انى بتعامل مع حلم ولا واقع
انما ... الحلم عندى كان مصدر قوى للحياه
وانا خلصت كل احلامى بجد والله
ففقدت اقوى واهم مصدر لاستمرار الحياه
علشان كده مفيش اى سر ولامشكله ولا حد مضايقنى ولا حاجة مضايقانى
انما هى حاجة متعلقه برؤيتى للحياه

اما بخصوص احساسى بقصر حياتى
ده فعلا احساس مجرد من اى تشاؤم وغير متعلق باى شيء فى الدنيا ... بجد مش عارفه سبب وجود الاحساس لكن عارفه ايه بياكده

والله ما فى اى تشاؤم
وارجو انى اكون وضحت النقطة دى

دعاء شديد

01-10-2009, 12:07 PM

ياريت توضحي أكثر .. ليه التشاؤم ده؟

لن اعيش حياة الاخرين ... ولن يعيش احد حياتى
يشاركنى الناس فرحتى ... لكن انا من اصنعها بحياتى
يشاركنى الناس همومى ... لكن لن يمحوها من حياتى
أيه الكلام الكبير ده .. هل تفتقدي الحياة مع .......... من؟

انا متفقه مع حضرتك ان الكلام ده كبير
لكن ده كان ردى على كيفيه التعامل مع قيود الحياة
وليس افتقادى للحياه مع اى حد ... لانى والحمد لله عايشه
مع كل الناس الى بتمنى اعيش معاهم

واحده دائما وابدا تبحث هى والتعب عن بعضهما
طيب ليه أنتي غاويه تعب أم حظك سيء؟

لا انا غاويه تعب ... مش بحب اى حاجة سهله
لان الحاجة الي بتيجى سهله بتروح اسهل واسهل

الحلم اللي بتسعي لتحقيقه ؟؟

2- نفس الحلم الي مش قادرة اسعى لتحقيقه
يا ترى أيه هو؟

حلم لم ولن يعلمه الا الله
لان الله وحده هو القادر على تحقيقه

ههههههههههههههههه
مستر اسامه ... انا حاسه انى فى بؤرة الاعتراف
مش شيزلونج ... نعمه ضحكت عليا

دعاء شديد

01-10-2009, 12:12 PM

امتي قلتي انك اتظلمتي ؟؟؟ وايه كان تصرفك ؟؟؟؟

كتيييييييييييييير
بستقتل لحد ميترد ظلمى ... وبيترد بفضل الله
واضح أنك مريتي بظروف صعبة كثيرة .. ولكن ما هو أصعب موقف وأكثر ظلم تعرضتي له؟ ومن مين؟

اه الحمدلله ... بس زى كل الناس
اصعب موقف اتظلمت فيه للاسف مقدرش اقوله
لانه الي ظلمنى "توفى" فكل الي اقدر اقول
ربنا يسامحه ويرحمه

الحياه = اسكندرية

ياه كل هذا الحب .. طيب ليه مش بتعيشي هناك .. هل فكرت في الأقامة هناك ؟ وما السر وراء هذا الحب؟

اه طبعا بحب اسكندريه جدا
لانى الاسرة عايشه هنا
طبعا فكرت ... بس مجرد فكرة
اسعد ايامى كانت فى اسكندريه

ماهو اسوء موقف قابلك؟

حينما وجدت نفسى بين اختيارين ... احلاهما مر

ما هما هذان الاختياران؟

هههههههههههههههههه
اخد حاجة زى ما هى او اسيبها

:7:

تعبت تعبت جدا
اسئله مرهقه بجد

دعاء شديد

01-10-2009, 12:17 PM

1- هل فى وقت من الاوقات ندمتى على قرار اخدته فى حياتك؟
مش ندم على قرار ... انما ندم على
انى اتعلمت احلم
انى اتعلمت افكر
انى اتعلمت الحياه
انى اتعلمت اصلا
كلام خطير يوضح مدى يأسك .. ولكن ليه .. ويا ترى في قرار ندمتي عليه؟

ده مش يأس
بس حضرتك تقدر تقول ان كان نفسى يعنى اخد الاعداديه وبس
يعنى مجرد فضول لمعرفه شكل الحياة دى

وامته تنزل دموعك ؟
لما بكون لوحدى
او مع حد بكون معاه دعاء ... ودول ثلاثه اشخاص فى حياتى فقط
- مين هو الشخص اللى ممكن تأتمنيه على اسرارك ؟
نفس التلاته الي ممكن ابكى ادامهم

أ/ نعمة - أ/ أمل - د/ ولاء .. صح ولا مين؟

أ/ نعمة و ------ و --------
مع كامل احترامى لامل وولاء

بجد حضرتك سألت ما وراء الاسئله
ميرسى جدا يا مستر اسامه
واردها لحضرتك قريب ان شاء الله

دعاء شديد

01-10-2009, 12:25 PM

ههههههههههههه

هي المشكلة مش في الكرسي .. وإذا كان على الكرسي مش تزعلي اختاري اللي يعجبك .. وبرضه هتفضلي في البؤرة .... ههههههههه

You can see links before reply

حلو ده جدا
اذا كده اى اسئله مش مشكله خالص

دعاء شديد

01-10-2009, 12:30 PM

دعاء .... يا أهلا و سهلا

جيتي برجلك
حسرة عليها يا حسرة عليها
خدي عندك يا ستي استفتاح بس

استفتاح ولا جعبل انا هخاف
ـــــــــــــــــــــــــــــــــ

امتا تصحي من النوم تقولي
مش داخلة المنتدي ده تاني ؟

لو اتعرضت لاى اهانه او حتى شبهه اهانه
ومتردش اعتبارى
وعملتها قبل كده فى منتدى ومرجعتش

مسجلة في منتديات تانية؟

امممممممممم

لو مسجلة في منتدي تاني معين ... ليه سجلتي و المنتدي ده فيه ايه زيادة
عن بوابة التعليم ؟

اصحابى قالولى تعالى معانا هناك
وانا بثق فى اختيارتهم
اقولك لو على الاحساس مفيش اى مقارنه بين اى منتدى وبوابه التعليم
لكن اذا هنتكلم كلام العقل يبقى هناك فى حيويه فى تغيير فى حوار
قوائم ودائم فى مواضيع كتير فى الحياه

انفلونزا الخنازير... بيهمك التفكير فيها و الخوف منها
و قلقانة من اللي ممكن يحصل و لا كله محصل بعضه؟

اه طبعا حاجة تقلق ... انما على الي حواليا
لكن انا كله محصل بعضه

ايه اكتر حاجة تخافي تفقديها في حياتك ؟

بنوته جميله اوى وقريبه جدا من قلبى
اسمها "نسمه"

ما هو مقياس جمال الرجل من وجهة نظرك؟

جمال اراه انا فقط ... واراه باحساسى وليس بعينى

لو افترضنا انك بتبحثي عن عروسة لأخيكي ... ايه المواصفات اللي هتبحثي
عنها أول حاجة ؟؟؟

والدتها طبعا

ايه رايك في فكر الشباب في الوقت الحالي؟ هل يصلحوا يكونوا رجالة بمعني الكلمة
و ازواج يعتمد عليهم؟

مقدرش اعمم الحكم لكن النسبه الغالبه
تفكير سطحى ولا يعتمد عليهم
وللاسف مظلومين لانهم نتاج الوقت الذى نعيشه

اسئله لطيفه والله
:28:
وده الجزء الأول من اسئله شريف

دعاء شديد

01-10-2009, 12:36 PM

بما اني ناوي اسأل اسئلة رخمة و مش هخليكي تتهني علي الموضوع
و يخلص علي خير
فهسأل أسئلة غير عادية
أول سؤال منهم

استر يا رب
ـــــــــــــــــ
طبعا اكيد اتقدملك حد و رفضتيه
ممكن تحكي بالتفصيل ايه اسباب رفضك؟

ههههههههههههههههههههه
مفيش تفصيل ... هو سبب واحد
كانت شخصيته ضعيفه جدااااااااااااا
والمشكله بجد انه هو الي قال ... حاجة بشعه

و ايه اللي بتبحثي عنه في الرجل ليصبح زوج مثالي؟

لا انا لا ابحث عن المثاليه ... لانها دايما تفتقد للروح

ايه سر حبك للمذاكرة ؟

ههههههههه
ماما ... طبعا

ايه سر كثرة تغييرك للتوقيع؟

حسب حالتى النفسيه والمزاجيه

حطيتي مرة صورة لبوجي و طمطم كصورة رمزية !
هل الطفولة بما تحتويه.... شئ اثر فيكي كتير؟ هل تتمني ان تعودي طفلة؟

ههههههههههههههههه
لأ بس كنت اكلت جامد فافتكرت بوجى لما اكل كتير
واعدت اغنى زى طمطم "حرمت يا بوجى"

كلامى مع بابا المستمر

انا مازلت بعيش طفولتى على فكرة

لو تحبي ترجعي طفلة دلوقتي حالا
ايه أول شئ في حياتك او قرار او مسار معين تحبي تغيريه تماما

لو على الخيال يبقى احب اخد الطريق المعاكس لحياتى دلوقتى
انما لو كلام جد هكون دعاء زى ما انا

و ايه الشئ اللي ما عملتهوش في طفولتك تتمني ترجعي طفلة و تعمليه؟

انى اكون طفله هاديه

لي عودة ايتها الساحرة الشريرة
هوا انا هسكت :)

متسكتش وماله ... ماشى

وده كان الجزء الثانى من اسئله شريف

دعاء شديد

01-10-2009, 12:43 PM

اهلا بيكى يا دودو على كرسى الاعتراف

كرسى الاعتراف نور بوجوك عليه

:38:

ميرسى يا جميله

طبعا انتى تتميز ىبشخصيه قويه وصريحه وواضحه وديه احلى حاجه فيكى

لان عمليه الوضوح والصراحه اصبحت نادره بين البشر اليومين دول

وعشان كده عايزه اسئلك :-

أمتى ممكن تفقدى وضوحك وصراحتك مع اقرب الناس ليكى ؟

لما احس ان اقرب الناس ليا رافض صراحتى ووضوحى فىوقت معين
وطبعا باحترم الرغبه دى وبحاول اكون متحفظة جدا لان الصراحة ووالوضوح
فى اوقات كتير بتتعب

انتى صبوره ولا لآ ؟ وصبرك امتى بينفذ ؟ هل صبرتى قبل كده على حاجه او على حد ؟

الحمد لله صبورة جدا

لما بحس انى ان مفيش فايده ... والصبر بقى حق مكتسب اذا كان الصبر ده على حد
او ان الحاجة الي صبرت عليها متستاهلش اكتر من كده

اه طبعا وفى حاجات كانت تستاهل وحاجات لا
وفى ناس قدرت الصبر وناس لأ ... مهى هى دى الدنيا

ايه اكتر حاجه ممكن تخليكى تفقدى اعصابك وتتصرفى تصرف ممكن تندمى عليه ؟

لما احس ان فى حد مالوش اى حق فى اى حاجة وبيتدخل فى شئونى
وبيفرض رأيه و كمان بيفسد اكتر منه بيفيد ... بس مش بندم

واخيرا :-

ايه السؤال اللى كنتى متوقعه ان حد يسألهولك ومتسألش لسه ؟

يا سلام مش هقول طبعا ... كويس ان محدش عرفه لسه

مين اللى كنتى متوقعه انه هيسالك ومسالكيش لسه؟

كتيييييييييير ... بس انا هسيبهم اذا مسالونيش انا الي هسألهم

كفايه كده يا دودو

ليه متقولى اسئله كمان
ماشى يا لولو

لو جى فى دماغى اسئله تانيه هسألها فورا

تنورينى يا جميله

باى باى

:18:

بباى
:6::6::6:

دعاء شديد

01-10-2009, 12:46 PM

اهلا يا دود
الكرسى منور
طبعا لى عوده بس بعد ما تجاوبى ع الاسئله اللى فاتت

اهلا بيكى يا جميلة

منور بيكى
:28:
بس يا رب تكون اسئلتك حونينه

محمد بن عباس

01-10-2009, 04:06 PM

دعاء حضرتك منورة الكرسى بدون مجاملة

ولكن إجابتك على الأسئلة رائعة كعادتك

تقبلى تحياتى دعاء

دعاء شديد

03-10-2009, 02:25 PM

دعاء حضرتك منورة الكرسى بدون مجاملة

ولكن إجابتك على الأسئلة رائعة كعادتك

تقبلى تحياتى دعاء

:18:
ميرسى تشريفك يا استاذ محمد
بس دخول الموضوع ده لازم بالاسئله
فين اسئله حضرتك؟؟؟؟؟؟؟؟

أبوبكر أحمد العملة

05-10-2009, 07:37 PM

الاستاذة الفضلى / دعاء شديد

طبعاً انا عضو جديد على المنتدى الجميل ده

وبما اننى لم اتشرف بقراءة كل الموضوعات الجميلة

ممكن استفيد من وجودك على كرسى الاعتراف واسال إن كان ممكن

وطبعاً ممكن تعتذرى ومش هزعل بجد والله

أولاً : أنت دبلوماسية ورائعة الذكاء في ردودك الهادئة على الزملاء الافاضل ...!!!

1- ما هو أجمل موضوع لحضرتك بالمنتدى ..؟؟؟؟ وأجمل مشاركة لكى في موضوع ...؟؟
(بس بشرط ما يكونش نفس الموضوع )

ثانياً : أنت لا تستعينى بأصدقائك كثيراً ....!!!!!

2-ما هى شروط الصداقة من وجهة نظرك الشخصية ...؟؟؟
(بس بشرط ما يكونش من ضمنها الوضوح والصراحةوالصدق لانهم اساسيين في الصداقة)

ثالثاً : أنت تبحثى عن الاحلام دائماً ...!!!!

3- ما هى أحلامك وكلماتك لكل من :

طفل صغير يبكى ....

طفلة صغيرة تضحك......

أب إنجرح من ابنته لسو تصرفها ....

أم تعبت من مصاريف البيت والشغل والعيال .....

رابعاً : أنت متميزة في التربية والتعليم ....!!!!!

4- ما هو رأيك الشخصى في الآتى :

- الخطة الاستراتيجية القومية للتعليم ما قبل الجامعى 2007/2012

- أكاديمية المعلم

- الهيئة القومية لضمان جودة التعليم والاعتماد (نقاء)(naqaae)

- مؤسستك التى تنتمى لها (ما لها وما عليها )من وجهة نظرك

خامساً : أنت مثقفة جدا .......!!!!

5- ما هو رأيك في هذه الشخصيات العامة بصدق كالعادة

د/ يسرى الجمل

د/ محمود عابدين

د/ أحمد نظيف

د/ على مصيلحى

د / طارق كامل

وزملاء المنتدى الحاليين :

أ/ محمد بن عباس

أ/ دعاء شديد

أ/نعمة محمود

أ/ أمل

د/ ولاء

أ/ وليد عسكر

أ/ كريم (مشرف قسم جووووووول)

أ/ منى عبد الحافظ

أ/ محمد حسن ضبعون

أ/ أبوبكر أحمد العملة

.....

وممكن سيادتك تضيفى آخرون لم اتشرف بهم بعد ....

أعتقد كده كفاية أول تعارف وممكن اكمل بعد شوية ....

فرصة سعيدة جدا واتمنى لك التوفيق الدائم

وأتفق معك أن التشاؤم جزء لا يتجزأ من حياة كل الناجحين أمثالك في الحياة العامة

تلميذك
أبوبكر أحمد العملة
عضو جديد بالمنتدى

دعاء شديد

06-10-2009, 03:33 PM

الاستاذة الفضلى / دعاء شديد

طبعاً انا عضو جديد على المنتدى الجميل ده

وبما اننى لم اتشرف بقراءة كل الموضوعات الجميلة

ممكن استفيد من وجودك على كرسى الاعتراف واسال إن كان ممكن

وطبعاً ممكن تعتذرى ومش هزعل بجد والله

طبعا حضرتك شرفت الموضوع
ومفيش اى مشكله فى الاجابه على اى سؤال

أولاً : أنت دبلوماسية ورائعة الذكاء في ردودك الهادئة على الزملاء الافاضل ...!!!
ميرسى

1- ما هو أجمل موضوع لحضرتك بالمنتدى ..؟؟؟؟
ليس اجمل لاننى لا املك الحكم على موضوعاتى
لكن اقرب موضوع لى
"عفوا على المقيمين خارجها مراعاة فروق التوقيت"

وأجمل مشاركة لكى في موضوع ...؟؟
(بس بشرط ما يكونش نفس الموضوع )
ماشى
اى مشاركة فى موضوع لشريف لانه
بنتحاور بعدها ... وهو ده المطلوب

ثانياً : أنت لا تستعينى بأصدقائك كثيراً ....!!!!!
لأ طبعا الحكايه مش كده خالص
انا لا اثقل على الاخرين بشكل عام

2-ما هى شروط الصداقة من وجهة نظرك الشخصية ...؟؟؟
(بس بشرط ما يكونش من ضمنها الوضوح والصراحةوالصدق لانهم اساسيين في الصداقة)

اولاً: صاحبك على عيبه
يعنى اهم شروط الصداقه عندى هى الانسانه التى استطيع تحمل عيوبها

ثانيا: التفاهم وسعة الافق
يعنى من استطيع ان اقول لها اى شيء وتفهمه كما هو
وتستوعبه دون اى حساسيات
اى حريه الحوار دون قيود

ثالثا: وهو الاهم ان يكون الشرطان السابقان متبادلان
بمعنى ان تتحمل هى الاخرى عيوبى
وانا افهم ما تقوله كما هو وبدون حساسيات اى بدون قيود فى الحوار بيننا

ثالثاً : أنت تبحثى عن الاحلام دائماً ...!!!!
اه فعلا

3- ما هى أحلامك وكلماتك لكل من :

طفل صغير يبكى ....
تبكى الان بارادتك ... فيما بعد ستبكى رغما عنك

طفلة صغيرة تضحك......
الضحك متاح الآن فلا تضيعى الفرصه

أب إنجرح من ابنته لسو تصرفها ....
فلتحاسب نفسك اولا
لانك ان احسنت تربيتها
فقد قصرت فى رعايه عقلها

أم تعبت من مصاريف البيت والشغل والعيال .....
هكذا الطريق للجنه

ميرسى يا استاذ ابو بكر
وهكمل باقى الاسئله ان شاء الله

أبوبكر أحمد العملة

06-10-2009, 03:43 PM

الاستاذة الفضلى / دعاء شديد

اسمحى لى أن أقول

الشيك شيك مفيهاش كلام

:38::38::27::27::27::27::38::38:

دعاء شديد

06-10-2009, 09:03 PM

حان وقت الجزء الثانى

رابعاً : أنت متميزة في التربية والتعليم ....!!!!!

4- ما هو رأيك الشخصى في الآتى :

- الخطة الاستراتيجية القومية للتعليم ما قبل الجامعى 2007/2012
فى رايي انها تسمى
الخطة الاستراتيجية الورقية الشخصيه
ليه بقى
ورقيه ... لانها تعتمد على الورق سواء فى صياغتها
او فى جنى ثمارها... ورق وبس دون التحقق من تنفيذها او لا
المهم الورق

شخصيه ... لانها تخصع لاراء واضعيها بعيدا عن الواقع
متطلباته
بعيده عن افكار المعايشين لواقع التعليم ما قبل الجامعى بالفعل

- أكاديمية المعلم
متأخرة اوى ولم توظف بشكل سليم

- الهيئة القومية لضمان جودة التعليم والاعتماد (نقاء)(naqaae)
افلح ان صدق

- مؤسستك التى تنتمى لها (ما لها وما عليها )من وجهة نظرك
ما لها ... اول مؤسسه عالميا تعنى بالدراسة الاكاديمية للتراث الشعبى
ما عليها ... مدرش اصدر اى حكم قاسى عليهاالان لانها فى بدايه طريقها

خامساً : أنت مثقفة جدا .......!!!!
انا ... لا اعتقد

5- ما هو رأيك في هذه الشخصيات العامة بصدق كالعادة

د/ يسرى الجمل
د/ محمود عابدين
د/ أحمد نظيف
د/ على مصيلحى
د / طارق كامل

اقول لحضرتك ... اكتشفت اننا فى مصر
لا نعرف ثقافه التقدم ... لا نعرف ان التقدم
"البدايه من حيث انتهى الاخرون"
ولكن ثقافتنا الحقيقية
"البداية من حيث ابتدى الاخرون"

الحقيقة الاخرى فى كثير من دول العالم
ان المناصب العليا
لا تخضع لافكار اصحابها وانما تنفذ سياسه دولة

وزملاء المنتدى الحاليين :

أ/ محمد بن عباس
أ/ شريف
أ/نعمة محمود
أ/ أمل
د/ ولاء
أ/ وليد عسكر
أ/ كريم (مشرف قسم جووووووول)
أ/ عز وحيد
أ/ اميرة
أ/ منى عبد الحافظ
أ/ محمد حسن ضبعون
أ/ أبوبكر أحمد العملة
....

استاذى
من اكون لكى اقول رايي فى هؤلاء
مجرد وجودى فى مكان هم به ... شرف لى

وممكن سيادتك تضيفى آخرون لم اتشرف بهم بعد ....

أعتقد كده كفاية أول تعارف وممكن اكمل بعد شوية ....
فى انتظار باقى الاسئله

فرصة سعيدة جدا واتمنى لك التوفيق الدائم
ميرس جدااااااااا

وأتفق معك أن التشاؤم جزء لا يتجزأ من حياة كل الناجحين أمثالك في الحياة العامة

أبوبكر أحمد العملة
عضو جديد بالمنتدى

:18:
بجد اسئله رائعه بس صعبه جدااااااا

أبوبكر أحمد العملة

07-10-2009, 03:03 AM

الاستاذة الفضلى / دعاء شديد

أولاً: أشكرك على سعة صدرك للاسئلة

ثانياً : اسمحى لى أن أهدي اليك هذه الكلمات

الاذكياء يناقشون الافكار.....

والعقلاء يناقشون الاحداث ....

أما العوام فيتكلمون في الاشخاص....

فلقد استفدت جدا من اجاباتك على الاسئلة

مع اطيب امنياتى بالتوفيق لسيادتكم دائماً

:27::27::27::27:

امل لاشين

07-10-2009, 04:15 PM

نعمه محمود

11-10-2009, 11:31 AM

دعاء شديد

11-10-2009, 07:30 PM

ازيك يادودو ....عامله ايه مشفتكيش من زمان :)

طالما موجوده ياجميل علي الكرسي نسال تاني

فرصه بقي ....:friendsxs3:

بصي يا دعاء نجدد اوك ....

انا عاوزاكي تختاري اشخاص في حياتك او اعضاء في المنتدي معانا

تقوليلهم اللي كان نفسك تقوليه ليهم ومجتش الفرصه....

سواء اللي هتقوليه ليهم حكمه او نصيحه او عتاب او شكر ...

المهم انك تعبري عن ما بداخلك... تجاه من تختاري....

ومن غير مجامله او هروب من السؤال ..

عاوزة اشوف دعاء هتعمل ايه مع ال 40 الف عضو تقريبا :)

ده غير اللي بره المنتدي :)

ومنورة الكرسي .... :38:

ماشى يا امل
شوفى يا ستى

اولا
من داخل المنتدى ... وكل واحد عارف نفسه

حكمة
كونوا انفسكم
لاننى
بحثت عنكم داخل المنتدى ... فلم اجد لكم ظلاً

نصيحة
والنبى كل واحد يخليه فى نفسه

عتاب
ليه تتخفى فى عضويه تانيه ... وتضرب وتجرى!!!!!!!!!!

شكر
لكل صاحب صورة واضحة

ثانيا
من خارج المنتدى

حكمة
اذا دعتك قدرتك على ظلم الناس ... فتذكر قدرة الله عليك

نصيحة
كفاكى دور الوصيه على الاخرين ... فانت لست اهل لذلك

عتاب
لماذا انت كالكتكوت على صفيح ساخن ... لا يملك القدرة على الثبات

شكر
شكراااااااااااااااااا

:friendsxs3:
بس

دعاء شديد

12-10-2009, 02:36 AM

مسألتكيش أنا
أسألك بقي
انا حاليا قاعدة في المدرسة 0 بالتحديد في غرفة اللغات0فاكرة المكان ده يادعاء؟فاكرة الناس اللي هنا0المهم
عاوزاكى تحكى لأعضاء المنتدى عن تجربتك في التربية والتعليم وتحكى لهم عن موقف اثناء عملك هنا أسعدك جدا وموقف آخر كسر جواك شيء
السؤال الثانى
عندك عشرة sms اختارى عشر اعضاء ووجهى لهم العشر رسايل

اسألى طبعا زى ما انتى عايزه
بس على فكة انتى اتأخرتى اوى

بخصوص غرفه اللغات
طبعا فاكراها كويس جدا
وفاكرة كل مدرس ومدرسه فيها
وفاكرة ان اخر مرة كنت موجوده فيها
كانت يوم الاثنين
16/2/2009
قلت آية قرآنيه معينه وخرجت
ومرجعتش تانى من يومها

اما عن
تجربتنى فى التربيه والتعليم تتلخص فى الاتى

دخلتها بورقه ... لا اعى ما تحمله لي تلك الورقة بين سطورها
"طبعا ده جواب التعيين"

وخرجت منها ولم أأخد اى ورقه ... لانها باتت لا تساوى عندى الا الورقه التى تركتها لهم
"اصلى انقطعت عن العمل ماستقالتش"

موقف اسعدنى
انى اتعرفت على اتنين من اهم الناس فى حياتى
"طبعا انتى عارفهم"

الموقف الي كسر جوايا شيء
لما رجلى اتكسرت
واتكسرت العضمة الي جوا رجلى
هههههههههههههههههههه

كفايه انا تعبت دلوقتى

دعاء شديد

12-10-2009, 08:57 PM

السؤال الثانى
عندك عشرة sms اختارى عشر اعضاء ووجهى لهم العشر رسايل

شوفى كل sms ممكن تكون لاكتر من عضو
:18: :18: :18:
1- ميرسى جدا جدا جداااااااااااااااا
2- ونعم الاخ
3- ونعم الاخت
4- بجد مش لاقيه كلام يتقال
5- كده صح الصح

:16: :16: :16:
6- كل شيء انكشف وبان
7- يومك معايا قرب
8- عيب اوى كده
9- تحطم التمثال
10- ماشى ... اوكيه ... طيب

ميس صافيا

14-10-2009, 10:30 AM

الحمد لله انك لسه قاعده ع الشيزلونج وما قمتيش قبل ما اسالك
قوليلى باه
احساسك ايه وانتى الوحيده اللى قعدتى على شيزلونج الاعتراف مش الكرسى ؟
وهل ده بيديكى احساس انك مميزه ؟
طب تقولى ايه لنعمه اللى قعدتك ع الشيزلونج ؟
ايه هو هدفك فى الحياه غير المذاكره والنجاح اللى انتى حققتيهم ؟
حاربتى كتير وصبرتى كتير عشان تشتغلى مدرس فى الاكاديميه ليه لما دا اتحقق سيبتيها ؟
دعاء شديد طموحه ؟
طب الامل بيمثل ايه عند دعاء ؟
كل واحد فينا ليه ذكريات حلوه ما تتنسيش يا ترى ايه الذكرى اللى عمرك ما هاتنسيها ؟
ايه الذكرى المؤلمه اللى تتمنى انها ما كانتش تحصل؟
حلم حلمتييه او رؤيه ماثره جواكى لحد دلوقتى يا ترى ايه هو ؟
كفايه كده عليكى ويمكن لى عوده

دعاء شديد

16-10-2009, 06:27 PM

الحمد لله انك لسه قاعده ع الشيزلونج وما قمتيش قبل ما اسالك

انا كنت مستنياكى على فكرة

قوليلى باه

يا نعم

احساسك ايه وانتى الوحيده اللى قعدتى على شيزلونج الاعتراف مش الكرسى ؟

موش عارفه
بس الي متأكده منه الي يفرق اوى
ان الواحد يكون فعلا بيجاوب بالحق
وطبعا انتوا الي بتحكموا

وهل ده بيديكى احساس انك مميزه ؟

لا هواحساس بالشياكة
لان التميز مش بالكرسى او الشيزلونج
ده مجرد مظهر ... التميز بيبقى فى الجوهر

طب تقولى ايه لنعمه اللى قعدتك ع الشيزلونج ؟

نعمه
انا خلصت فيها كل الكلام اصلا
وبعدين اقولها شوفتى
عصرونى فى السئله
:28:

ايه هو هدفك فى الحياه غير المذاكره والنجاح اللى انتى حققتيهم ؟

ان ربنا يثبتنى ويقدرنى
اتعلم وافضل اتعلم بس
وكل ما اتعلم اقرب من ربنا اكتر
وموصلش لمرحله انى
دماغى تلسع وتفوت من كتر العلم
لان وقتها مش هسمع غيرصوتى
ومش هقول غير "انا"
مرحلة ببشعه بجد ... ربنا يحمينى منها

حاربتى كتير وصبرتى كتير عشان تشتغلى مدرس فى الاكاديميه ليه لما دا اتحقق سيبتيها ؟

مين قال كده
انا اخترت طريق ومهما كان صعب
بتحمل اختيارى وراضيه بيه
وبشكر ربنا عليه

:28:
انتوا كلكوا متفقين عليا
ولا ايه

دعاء شديد

16-10-2009, 06:43 PM

دعاء شديد طموحه ؟

جدا جدا جدا جدا

طب الامل بيمثل ايه عند دعاء ؟

الحياه ... واللحظة الي بفقد فيها الامل فى حاجة
بعتبر نفسى من ميته اكلينيكيا

كل واحد فينا ليه ذكريات حلوه ما تتنسيش يا ترى ايه الذكرى اللى عمرك ما هاتنسيها ؟

17/3/2009
اول مره ادرس فيها

ايه الذكرى المؤلمه اللى تتمنى انها ما كانتش تحصل؟

انى اشوف بابا فى العنايه المركز

حلم حلمتييه او رؤيه ماثره جواكى لحد دلوقتى يا ترى ايه هو ؟

حلم بضايق لما افتكرة ... حلمته بعد نتيجة الليسانس
واعدت خايفه لدرجة انى مفرحتش بنتيجتى
الا بعد اربع شهور فى حفلة التكريم بتاعت الكليه

كفايه كده عليكى ويمكن لى عوده

مستنياكى ... وهحضر العصير
على متيجى

ميس صافيا

17-10-2009, 12:10 AM

كفايه كده عليكى ويمكن لى عوده

مستنياكى ... وهحضر العصير
على متيجى

انا مش عاوزه عصير
انا جعاااااااانه

دعاء شديد

17-10-2009, 12:16 AM

انا مش عاوزه عصير

انا جعاااااااانه

هههههههههههههههه
طيب تحبى تاكلى ايه؟؟؟؟؟؟؟؟
لان انا لو اكلتك معنديش وسط
يا هأكلك كشرى
يا بريانى فراخ يجنن
:16:
اختارى علشان تعرفى انى ديمقراطيه

ميس صافيا

17-10-2009, 12:23 AM

هههههههههههههههه
طيب تحبى تاكلى ايه؟؟؟؟؟؟؟؟
لان انا لو اكلتك معنديش وسط
يا هأكلك كشرى
يا بريانى فراخ يجنن
:16:
اختارى علشان تعرفى انى ديمقراطيه

لا بلاش كشرى الله يخليكى دا لسه ما اتهضمش
خلينا فى البتاع الحلو اللى انتى قولتى عليه ده

ميس سوزان

05-11-2009, 05:29 AM

ولله يا دعاء منورة
بسم الله ما شاء الله عليكى
الاعضاء ما قصروش فى الاسئلة
مش لاقيه حاجة اقولهالك غير انى ادعيلك
ربنا يكرمك ويثبتك ويكثر من أمثالك ويرزقك ويسدد خطاكى
وينولك اللى فى بالك وتقدرى تحققى كل اللى نفسك فيه
اللهم امين وصلى اللهم على سيدنا محمد

على فكرة انا بكتب لك الرد ده فى الفجر والواحد عنده طاقة ايمانية واحساس عالى
وان شاء الله الدعاء كله مستجاب يا دعاء هههههههههههههههه
لانه فى وقت جميل زى ده

تحــــــــــــــ:18::17::6::38:ـــــــياتى

دعاء شديد

07-11-2009, 10:49 PM

ولله يا دعاء منورة

بسم الله ما شاء الله عليكى
الاعضاء ما قصروش فى الاسئلة
مش لاقيه حاجة اقولهالك غير انى ادعيلك
ربنا يكرمك ويثبتك ويكثر من أمثالك ويرزقك ويسدد خطاكى
وينولك اللى فى بالك وتقدرى تحققى كل اللى نفسك فيه
اللهم امين وصلى اللهم على سيدنا محمد

على فكرة انا بكتب لك الرد ده فى الفجر والواحد عنده طاقة ايمانية واحساس عالى
وان شاء الله الدعاء كله مستجاب يا دعاء هههههههههههههههه
لانه فى وقت جميل زى ده

تحــــــــــــــ:18::17::6::38:ـــــــياتى

اصدق دعاء الي بيكون من حد لوجه الله
لانه بيكون من قلبه بجد
وان شاء الله ربنا يتقبله منك

واى سؤال انا تحت امرك
يا صاحبة الدعاء ... لدعاء