حلقات مسلسل الراجل لما يكون ...... !!!!!! [الأرشيف] - المنتديات التعليمية

مشاهدة النسخة كاملة : حلقات مسلسل الراجل لما يكون ...... !!!!!!

دعاء شديد

18-09-2009, 04:14 AM

الحلقة الأولى (الرجل الحشرى)

يا على الخنقه لما تلاقي واحد راجل حشرى

بجد ضار جدا على الصحه
وده مش خيال ده واقع وواقع
الدنيا مليانه

المشهد الأول

You can see links before reply (You can see links before reply %3D1)
أبو سامى قايم الصبح بدرى يلحق يحشر مناخيره
في استعدادات سامى واخواته وهم رايحين المدرسة
يعنى الفطار ولبسهم وشنط المدرسه والمصروف
والوصايا العشرة بتوع ام سامى يوميا

You can see links before reply

ام سامى :صبحنا وصبح الملك لله ... يا فتاح يا عليم يا رزاق يا كريم
راجل انت متلخمنيش خلينى اخلص سندوتشات سامى واخواته
علشان ميتأخروش ... واجهزلهم لبسهم والفطار كمان
ابو سامى : وتعلو وجهه ابتسامه تصيبك بازمه قلبيه مفاجأة
انا عملت السندوتشات خلاص وهجهز الفطار
جهزى انتى يا ام سامى يا بركتنا لبسهم
ام سامى : هو انت يا راجل انت مفيش فيك فايده
كل مرة تحشر مناخيرك فى سندوتشات العيال وتلغبطها ... وتدى كل واحد اكل التانى
كل واحد وله طلباته .... اعمل انا ايه دلوقتى
ابو سامى: وكانه يجلس فى تلاجة 55 قدم مفيش لغبطة ولا حاجة ... وبعدين
لما الجوع هيشد هياكلوا .... هاهاهاهاهاهاها
ام سامى : بس فى سرها "ارحمنى يا رب"
يلا يا سامى خد اخواتك وبصوا كويس وانتوا بتعدوا الطريق
وتنقلوا كل حاجة من على السبورة ... والي مش فاهمينه تطلبوا من المدرس شرحه تانى

ابو سامى: يعنى يا ام سامى لو مش فاهمين حاجة اشرحهالهم انا ... وانا ورايا ايه
سامى واخواته : خارجين جرى من الباب لا هنسأل ارحم هههههههههههههه
You can see links before reply

ام سامى: يا راجل انت مش هتبطل الداء ده ... حاشر نفسك فى كل حاجة
خليك فى شغلك وبس ... انا مسئوله عن البيت والعيال
المهم بعد مخنقها طبعا ابو سامى راح الشغل
وكالعادة ام سامى بدأت توضب البيت وتستعد لتجهيز الاكل علشان العيال وابوهم

المشهد الثانى
You can see links before reply (You can see links before reply %26hl%3Dar%26um%3D1)

ام سامى فى المطبخ بتجهز الغدا
والمطبخ ايه فله ومنظم جداااااااااااااا ... وفجأه القدر لعب لعبته
وطب ابو سامى ... ام سامى سمعت الباب بيتقفل دعت ربنا انه ينام علطول
واعدت تقول فى سرها "انصرف ... انصرف"

لكن ثوانى وكان ابو سامى ادامها فى المطبخ ... ام سامى استهبلت طبعا
وقالته نص ساعه والغدا يكون جاهز وسامى واخواته جم
بس وعنها وصمم عمك ابو سامى انه يساعدها ... يا سيدى يهديك
يرضيك وحياة والديك .... ابدا
وطبعا استسلمت ام سامى للامر الواقع وبدأت رحله العذاب والضنا
لاعداد طبق سلطة برئ ... كركب المطبخ وبهدل الدنيا وانتهت الحكايه
You can see links before reply image.jpg (You can see links before reply image.jpg&imgrefurl=You can see links before reply %26hl%3Dar%26um%3D1)

وام سامى بتصرخ فيه وبتقوله بره بدل مصوت والم عليك الجيران ويقولوا الوليه اتجننت
طبعا ابو سامى خرج وهو شكله وحش وسابها تعانى بسبب ضغطها الي على
You can see links before reply

ابو سامى يسكت .... لألألألألألأ
المشهد الثالث
سامى واخواته بيذاكره

ام سامى بتتفرج على المسلسل وبتريح بعد تعب اليوم
ابو سامى اتسحب وراح للولاد وهو بيذاكروا ... يعرض عليهم المساعده
العيال طبعا عارفين ابوهم ... حشرى
راح لسامى اى مساعده يا حبيبى .... شكرا يا بابا انا بعمل الواجب
طيب اساعدك فى اى حاجة ... يا بابا والله لو احتجت حاجة هقولك
ساب سامى وراح للاخ التانى ... اول مجه جنبه راح مزعأ يا ماما
You can see links before reply
حوشى بابا عنى بيعطلنى .... ابو سامى حط ايده على بق الواد وقاله خلاص
لازم امك يعنى دى مهتصدق ومش هتسكت ... وحضرت ام سامى

انا يا راجل انت مش قلتلك سيب العيال تذاكر ومالكش دعوة بيهم
You can see links before reply
يا ام سامى انا قلت اساعدهم ... راجل انت خليك فى حالك ... يا ربي
You can see links before reply
انا عملت ايه ذنب فى حياتى مش مكتوبلى ارتاح ... وطبعا العيال بتهيص فى الهيصه
وسابوا المذاكرة واعدوا يتفرجوا على حوار كل يوم ... راحت ام سامى قايلاله
عاجبك كده اهم بطلوا مذاكرة ... يلا اتفضل انزل على القهوة مع اصحابك
ومترجعش الا لما العيال تخص مذاكرة ... وخرج ابو سامى ونزل على القهوة

ولسه مرجعش ... تفتكروا هيرجع ولا ايه ... ها ايه؟؟؟؟؟؟؟؟؟

انتظروا الحلقة الثانية
مع الراجل لما يكون .......... !!!!!

Blanche Neige

18-09-2009, 04:27 AM

هههههههههههههههههه

بجد موضوع يجنن يادعاء والله انتى مبدعه :27:

ايوه كده هى دى الموضوعات ولا بلالالالالالاش

انا مستنيه باقى الحلقات على احر من الجمر بس كملى الابداع

وماتتاخريش علينا خلينا نشوف اخرة الاخ ابو سامى ده ايه بالظبط

شريف

18-09-2009, 04:32 AM

الأستاذ

18-09-2009, 08:09 AM

You can see links before reply

الأستاذ

18-09-2009, 08:14 AM

You can see links before reply

مسيو وليد عسكر

18-09-2009, 02:30 PM

دعاء يا بنتي000
فكرتيني بمثل شعبي قديم00 بيقول ايه : -
علمناهم الشحاتة سبقونا علي الابواب 000
هو يعني علشان شريف عمل موضوع عن زن الستات يبقي نرد بموضوع عن الراجل الحشري؟
اولا :الحبكة الدرامية عندك اظهرت انه رجل متعاون مع زوجته بدليل رغبته في مساعدتها في شئون المنزل ورغبته في مساعة الاولاد في المذاكرة وده شيء ايجابي يارب يكون موجود في اي راجل وده وسام علي صدره لانه بيقتدي برسول الله الذي كان يساعد زوجاته ولا اجد اي حرج في هذا 00
ثانيا :عمل اي موضوع ساخر لابد له من مقومات أهمها ايمانك بالفكرة نفسها وده هينعكس عليكي في اخراجها بشكل فيه ابداع ومتعة ويجعل انفاس القاريء تتلاحق من اجل الوصول الي نهاية الاحداث ولكنك استمريتي علي تيمة واحدة وهي ام سامي وابو سامي وكان ممكن مثلا يكون فيه اشخاص اخرين في العمل وجودهم كان هيعطي جوانب اضافية لشخصية الراجل الحشري مثل ان يكون متطفل وعاوز يعرف اللي ما ينفعش يعرفه مش انه يكون عاوز يساعد زوجته 000فقط !
00000
عموما يا بنتي دي محاولة مقبولة منك علي امل ان نري منك محاولات افضل في المرحلة القادمة ومش عاوزين نكسر مجاديف ولادنا المبدعيين:) ونقتل الطموح بداخلهم 00:):)

دعاء شديد

18-09-2009, 05:28 PM

شريف

18-09-2009, 05:31 PM

يا خبر ابيض يا دعاء
ده وليد اعلن الحرب علي زعيمة نون النسوة ذات نفسها
بجد بجد
كلام نقدي قوي جدا بغض النظر عن انه صح ولا غلط
بس
حاجة صعبة
احنا جايين نهدي النفوس :)

دعاء شديد

18-09-2009, 05:31 PM

هههههههههههههه

تصدقي كنت داخل اهاجمك و اهاجم الموضوع
و اقول ان مستحيل يكون في راجل حشري كده
الرجالة حلوة
الرجالة حلوة اوي
لكن بعد ما قريت موضوعك
قلت في سري

ابو سامي ... علي اللي جابوا ابو سامي :)

بجد يا شريف بيعجبنى فيك انك حقانى

مش زى ناس !!!!!!!!!!

الهى يخليك للمظلومين يا شريف يا ابنى

مجرد معديت كده
ابو سامى قلق على فكرة
بيعملك حساب اوى
هههههههههههه

دعاء شديد

18-09-2009, 05:39 PM

دعاء يا بنتي000
فكرتيني بمثل شعبي قديم00 بيقول ايه : -
علمناهم الشحاتة سبقونا علي الابواب 000
هو يعني علشان شريف عمل موضوع عن زن الستات يبقي نرد بموضوع عن الراجل الحشري؟

شوف انى اقلد شريف
ده شرف ليا وشيء مخجلش منه ولا انكره
يعنى من الاخر
"تهمه لا انكرها وشرف لا ادعيه"

اولا :الحبكة الدرامية عندك اظهرت انه رجل متعاون مع زوجته ثانيا :عمل اي موضوع ساخر لابد له من مقومات أهمها ايمانك بالفكرة نفسها وده هينعكس عليكي في اخراجها بشكل فيه ابداع

على فكرة
انا مقولتش انى كنت بتدرب عند
اسامه انور عكاشه
ولا اسماعيل عبد الحافظ
ولا قلت انا مبدعه
كل الحكايه ... رد على موضوع
بنفس الطريقه وليس ادعاء للابداع
00000
عموما يا بنتي دي محاولة مقبولة منك علي امل ان نري منك محاولات افضل في المرحلة القادمة ومش عاوزين نكسر مجاديف ولادنا المبدعيين:) ونقتل الطموح بداخلهم 00:):)

ده على اساس انك طارق الشناوى ولا رفيق الصبان !!!!!!!!!!!!!

ميرسى لمرورك يا وليد
الي فكرنى بلجان المتابعه
الي مكانوش بيركزوا على شغلنا وكانوا بيتكلموا
على اى حاجة تانيه خالص

مسيو وليد عسكر

18-09-2009, 06:22 PM

ميرسى لمرورك يا وليد

الي فكرنى بلجان المتابعه
الي مكانوش بيركزوا على شغلنا وكانوا بيتكلموا

على اى حاجة تانيه خالص

انت كده زعلتي ولم تتقبلي النقد بصدر رحب
بصي يا دعاء000
انت عارفاني كويس 000
انا مش هقولك الله عليكي ولا هجامل من غير ما اقتنع
مش غرور مني لاسمح الله0000 انا مش من هواة النقد الهدام ولا بحب اهيص في الهيصة علي حد تعبيرك 000
ومش لاني كاتب او سيناريست زي ما حضرتك قولتيها بشكل ساخر لا وبنقدك من برج عالي وبتصور نفسي اعلم مالايعلمه الاخرون فانا اقل فرد فيكم 00
ان قلت رايي وذكرت اسباب و شايف ومقتنع انها منطقية جدااا فمش منطقي ان الراجل الحشري يكون بيساعد زوجته والا انا علي وصفك اكون اكبر حشري في العالم 0000علشان كده ماقتنعتش 0000ومحبيتش اني اجيبها كده فغلفت ردي باطار كوميدي ضاحك من باب العشم 000
ولايماني الشديد بان اختلاف الراي لايفسد للود قضية 000بقولك ان عرضك للموضوع فيه تناقض بين المحتوي والعنوان000 فالانسان الحشري هو اللي بيتدخل فيما لايعنيه وعرضك للموضوع لم يوحي بذلك ولكنه تناول الزوج الذي يساعد زوجته علشان كده انا رافض موضوعك للاسباب السالف ذكرها
وحبيت اجيبهالك بشكل دعابة بس واضح انك ماتقبلتيهاش
تقبلي اعتذاري لو وجهة نظري لم تروق لك ويمكنك حذف ردي ومش هزعل00تقبلي فائق احترامي

شريف

18-09-2009, 07:06 PM

ايه يا جماعة صلوا ع النبي
لا اله الا الله
احنا اتحسدنا ولا ايه
ايه يا دعاء
في حد ما يعجبوش رد وليد برضه؟
اللي كله دلائل و براهين؟
قشطة شكلها هتولع :)
بقالنا مدة معملناش عركة في المنتدي :006et4:

دعاء شديد

18-09-2009, 07:15 PM

انت كده زعلتي ولم تتقبلي النقد بصدر رحب
بصي يا دعاء000
انت عارفاني كويس 000

تقبلي اعتذاري لو وجهة نظري لم تروق لك ويمكنك حذف ردي ومش هزعل00تقبلي فائق احترامي

ايه ده ايه ده ايه ده
ايه يا عم وليد ... انت هتاخدها جد ولا ايه
انا بعلى فى الرد بس ... وانت عارف
رايك على عينى وعلى راسى
احنا بس عايزين نصحى المنتدى النايم

وبعدين ازعل من نقدك
لا والله ابدا
وعموما اعتبر الموضوع موضوعك
واذا عايز تحذفه ولا يهمك
ابو سامى راجل كويس ومش هيزعل
وسيب ام سامى عليا انا هقنعها

شريف

18-09-2009, 07:38 PM

حصل خير يا جماعة
و حاولي بقا يا دعاء تخليكي في الشعر و الادب
و بلاش القصة القصيرة
احنا مش قد زعل نائب الادارة
داحنا نروح في طوكر :)
بجرة قلم منه
ممكن نلف كعب داير
ع المنتديات التعليمية كلها :):)
هدي اللعب شوية
و بلاش نلعب مع الكبار

دعاء شديد

18-09-2009, 07:47 PM

حصل خير يا جماعة

و حاولي بقا يا دعاء تخليكي في الشعر و الادب
و بلاش القصة القصيرة
شكلى كده هعتزل الحياة الفكريه خالص

احنا مش قد زعل نائب الادارة
داحنا نروح في طوكر :)
بجرة قلم منه
مهو ده الي خلانى اتقهقر

ممكن نلف كعب داير
ع المنتديات التعليمية كلها :):)
يا ريت تيجى على اد كده
وميبلغش عننا وتتقفل كل المنتديات فى وشنا

هدي اللعب شوية

و بلاش نلعب مع الكبار
يا عم انا هخلينى فى قسم
روضه الاطفال

ههههههههههههههههههههههه
حلو اوى واحنا عمالين نغنى ونرد على بعض

طارق ممدوح ذكي محمد

18-09-2009, 08:20 PM

اختلف شوية مع اخي وليد

وارى ان الرد على الابداعات الادبية لا يعيب ابدا صاحبها ... وكثير من الدرر النفيسة كانت نتيجة لتأثر صاحبها بقطعة ادبية ... فانفعل وتأثر وانتج ابداعاً اقوى من الاول ...

وبالنسبة للحبكة الدرامية ... فانا شايف ان الالقاب التي اطلقت على الدكتورة دعاء بانها ساحرة شريرة وريا .... انا شايف انها بموضوعها ده اثبتت العكس لدرجة انها مش قادرة تكون قوية في كتابة موضوع ضد نوعية من الرجال هي متغيظة منها وهو الرجل الحشري ... يبقى فين الشر ده بقى ؟؟؟

بداية موفقة يا دكتورة دعاء ... وياريت نلاقي ردود وتفاعل بموضوعات كهذا الموضوع .... على الموضوعات المميزة اللي زي موضوع شريف عن الست الزنانة .

الأستاذ

18-09-2009, 09:03 PM

الاستاذة الفاضلة دعاء قرأت موضوعك وبالفعل أعجبنى فى فكرته ولكن كما قال المسيو وليد الأمر يحتاج إلى الكثير من أدوات كتابة القصة القصيرة التى هى اصعب فى كتابتها من الرواية
فهى تميل إلى ما يسمى التكثيف وتعتمد على وحدة مكان أو زمان أو شخصية ما لتصلى فى نهاية الأمر إلى ما يسمى لحظة التنوير أى لحظة الصدق للبطل أو يتكشف مغزى القصة
ولكن البداية جميلة وليس معنى النقد الهدم لا ولكن كل عمل فنى مطرووووح للنقد وهذا مايعطيه القيمة الأدبية ولكن استمرى فى ذلك ولا تكلى ولا تملى وستصلى إلى المستوى اللائقوعليكى بأعمال كاتبنا العالمى نجيب محفوظ وغيره من كتاب القصة القصيرة

شريف

18-09-2009, 09:20 PM

يا جماعة دعاء كتبت الموضوع بشكل فكاهي ليس أكثر
ليس الهدف منه اننا ننتقده كعمل فني او ادبي اكاديمي !
و لكن الهدف منه مجرد الدعابة و السخرية و الرد علي موضوع اخر ( اللي هوا موضوعي )
زي ما قال الاستاذ طارق
اذن دعاء ليست كاتبة للقصص القصيرة
تكتب كل يوم في جريدة
ده هيا حتي بنفسها قالت انها عايزة تصحي المنتدي النايم ليس أكثر
فلا هيا كاتبة معروفة علي المستوي الادبي و هي ترد عليا بموضوعها !
و لا أنا نجيب محفوظ بموضوعي الذي كتبته عن الست الزنانة
الموضوع ابسط من كده يا جماعة
احنا بنكتب بشكل فكاهي لكسر حدة الملل ليس أكثر
لكني أحترم كثيرا نقد مسيو وليد لانه جاء بشكل موضوعي
حتي وان اختلفت معه دعاء في الرأي
و احترم رد الاستاذ طارق و حسن باشا
الذي يعبر عن عقول متفتحة
و أعلم جيدا أنكم جميعا تدركون أن الأمر كله فكاهي ساخر
لا أكثر و لا أقل
و كل سنة و انتو طيبين

الأستاذ

18-09-2009, 09:32 PM

أشكرك على ردك الجميل مستر شريف
وكل سنة والجميع بخير
والله أنا كلامى جد
الموضوع فكرته حلوةوفيها إيه لما يكون الكلام نقدى مش عيب وحتى لو فكاهى وأكيد حضرتك تعلم إن الأعمال الفكاهية واللى أنا بحبها جداً مطروحة للنقد
وبعدين يا مستر شريف أنا أتمنى أن تكون مثل نجيب محفوظ ليه لأ
ومرة تانية كل عام والجميع بخير

الاستاذ على الدين يحيى

19-09-2009, 12:14 AM

بصراحة موضوع فى منتهى الجمال وخفة دم صاحبته
الموضوع ليس قصة ولكنة مجرد موقف واحد يخرج منه القارئ بالمعنى المنشود من العنوان وهو بذلك يكون قد نجح فى الوصول للهدف .
بس على فكرة مارأيك فى الرجل الذى يقول لزوجته : كل أمور البيت من الداخل عليكى وكل أمور البيت من الخارج عندى أنا
يعنى أنا أتعب وأشتغل وعايز لما أرجع البيت أرتاح ...
فقط ما تعرضه علية الزوجه من مشاكل الأولاد والتى لم تستطع هى حلها يقوم الرجل بالتدخل لحل هذه المشكلات
أما الأكل والطبيخ واللبس فهو ليس له دخل بها خالص
( ملحوظة : الزوجة ربة منزل لا تعمل )

ميس صافيا

19-09-2009, 12:28 AM

حلو الموضوع اوى يا دعاء
واكيد هايستمر
لان ما فيش اكتر من الصفات اللى لازم نعلق عليها عند ابو سامى طبعا
والله يكون فى عونه باه
سواء ابو سامى او فتكات من شريف

دعاء شديد

19-09-2009, 12:35 AM

You can see links before reply

فعلا الصورة تغنى عن الف كلمه

ميرسى استاذ حسن تشريفك الموضوع

دعاء شديد

19-09-2009, 12:49 AM

نعمه محمود

19-09-2009, 12:56 AM

mr.osama

19-09-2009, 12:57 AM

دعاء شديد

19-09-2009, 12:59 AM

الاستاذة الفاضلة دعاء قرأت موضوعك وبالفعل أعجبنى فى فكرته ولكن كما قال المسيو وليد الأمر يحتاج إلى الكثير من أدوات كتابة القصة القصيرة التى هى اصعب فى كتابتها من الرواية
فهى تميل إلى ما يسمى التكثيف وتعتمد على وحدة مكان أو زمان أو شخصية ما لتصلى فى نهاية الأمر إلى ما يسمى لحظة التنوير أى لحظة الصدق للبطل أو يتكشف مغزى القصة

ولكن البداية جميلة وليس معنى النقد الهدم لا ولكن كل عمل فنى مطرووووح للنقد وهذا مايعطيه القيمة الأدبية ولكن استمرى فى ذلك ولا تكلى ولا تملى وستصلى إلى المستوى اللائق

وعليكى بأعمال كاتبنا العالمى نجيب محفوظ وغيره من كتاب القصة القصيرة

على فكرة استاذ حسن
انا لم اذكر لا من قريب ولا من بعيد
انى بكتب قصه قصيرة .... ولا انى اديبه اصلا
الموضوع ابسط من كده بكتييييييييييييير
ده عبارة عن حوار بين اتنين وبس

طارق ممدوح ذكي محمد

19-09-2009, 01:30 AM

الراجل السلبي بقي.............. ده كارثه.... خنيق آخر حاجه
ده بقي عايش مع دماغه مالوش علاقه باللي بيحصل في البيت خالص
تجيبه شمال تجيبه يمين يقولك ماليش دعوة اللي يعجبك

الرجل السلبي شخصية اعتمادية بتعتمد على الغير في كل شيء

وده غالبا بيكون ناتج عن تدليل احد الوالدين او كلاهما له في الصغر

او حتى يكون ضحية لسيطرة وتسلط احد الوالدين

فينتج عن ذلك شخصية ضعيفة مغلوبة على امرها

لذا فان تعويد الابناء وتربيتهم على الاعتماد على النفس تدريجيا

وكذلك اخذ قرارات او حتى المشاركة بالرأي والمشورة ... ايضا تدريجيا

يكون ذلك مفيد جدا ... ولن نرى بإذن الله الرجل السلبي

حلو التفاعل ده مع الموضوعات وان كل واحد يطلع اللي جواه

بالصورة الجميلة اللي رسماها لنا .. استاذة نعمة

:27:

مسيو وليد عسكر

19-09-2009, 02:02 AM

ايه ده ايه ده ايه ده

ايه يا عم وليد ... انت هتاخدها جد ولا ايه
انا بعلى فى الرد بس ... وانت عارف
رايك على عينى وعلى راسى
احنا بس عايزين نصحى المنتدى النايم

وبعدين ازعل من نقدك
لا والله ابدا
وعموما اعتبر الموضوع موضوعك
واذا عايز تحذفه ولا يهمك
ابو سامى راجل كويس ومش هيزعل

وسيب ام سامى عليا انا هقنعها

لا ابداا والله مش زعلان منك 00
بالعكس سعيد جداا باختلاف وتباين وجهات النظر المطروحة ودي ظاهرة صحية جدااا واتمني تدوم في المنتدي 00
فالراي والراي الاخر نحتاجه بشدة هنا ولا نحتاج الي بصمجية تشيد قبل ان تقرأ 000فده امر مرفوض شكلا وموضوعا000
انا قولت راي ولكن يمكن الطريقة لم تكن جيدة00 ويمكن كنت متعشم زيادة انك هتتفهمي دعاباتي ولكن حصل خير 00
ويمكن مستر اسامة الوحيد اللي فهم وجهه نظري من خلا ل متابعتي لكل الردود مع كامل احترامي لها 000
مستر اسامة لخص وجهه نظري في كلمتين :ان الراجل الحشري هو اللي بيتدخل فيما لايعنيه اما نموذج ابو سامي فهو نموذج للرجل المحترم اللي بيساعد زوجته انطلاقا من وصية الرسول عليه الصلاة والسلام لنا بالنساء000
اما بخصوص الدراما والقصة القصيرة والكلام ده 000انا متأكد انك بتحاكي عمل ومش في نيتك بالمرة اخراج عمل ادبي وده اللي كتير تصوروا من خلال ردودهم اني بعاتبك او الومك علي اي محاوله للابداع 000 الفني ده مش وارد عندي بالمرة ولكن كان من باب المزاح معك0000
عموما حصل خير 000ومنتظر بقية الموضوع مع التعديلات اللي وضحتها وبرضه هقولك رايي بصراحة وعارف انك مش هتزعلي 00اما بخصوص الادارة والكلام ده 000خدي راحتك علي الاخر 000احنا منتدي ديموقراطي يسمح لكل الاراء بحرية التعبير ولكن تذكري امر مهم 000
ان الديموقراطية لها انياب:) والتخبيط في الحلل له اصول000واللون الاسود في المنتدي له هيبته :16:
قولتي لي اسمك ايه ؟:)

الأستاذ

19-09-2009, 02:49 AM

فعلاً فى فرق بين الرجل المتعاون مع زوجته ودا طبعا دا راجل تمام التمام لأنه بيتحمل كامل المسئولية مع الزوجة وكلنا نصقفلوا والبيت اللى فيه تعاون بين الزوجين يا سلاااااااااام جنة وكله يخاف على بعضه حاجة كدة حلوة
أما الحشرى دا بقى موضوع تانى ليه بقى قلتولى ليه أنا اأقولكم ليه بيدخل ممكن فى أسرار الزوجة مع أهلها أو بيدخل فى أسرار جيرانه أو أصحابة لحد
ما يخنقهم ويا خد وسااااااام الحشرى
وشكراأ

الأستاذ

19-09-2009, 02:51 AM

You can see links before reply*********/files/image/3ed/10.png

دعاء شديد

19-09-2009, 02:56 AM

يا جماعة دعاء كتبت الموضوع بشكل فكاهي ليس أكثر

ليس الهدف منه اننا ننتقده كعمل فني او ادبي اكاديمي !
و لكن الهدف منه مجرد الدعابة و السخرية و الرد علي
موضوع اخر ( اللي هوا موضوعي )

ايون فتح الله عليك يا بنى
هو ده الكلام

الموضوع ابسط من كده يا جماعة

و كل سنة و انتو طيبين

وانت طيب وبخير والكل بالف خير وسعاده يا رب
:16:
والعيديه ها متنسهاش

مسيو وليد عسكر

19-09-2009, 03:03 AM

نموذج للرجل الحشري000يارب يعجبك النموذج ده يا دعاء
علشان تتاكدي اني مش زعلان
هعملك تصور خاص وهحاول انقل فكرتك 000
ولكن بطريقة مستفزة للغاية 00مش رقيقة زي فكرتك :)
000000000000000000000000000
ابو سامي :قولي يا حبيبتي 000هي حماتي كانت جايه تزورك ليه 000مش عوايدها يعني000؟
ام سامي :امي تجي لي في اي وقت تزورني 000مش كفايه حبسني لابروح ولا بجي واعده وشاربة الهم من كعاني وانت ولا حاسس بيا 000
ابو سامي :ليه بتقولي كده 00انا امبارح مش لقيتك بتضحكي وانتي بتتفرجي علي توك شو في موجة كوميدي وسالتك بتضحكي ليه؟ لو متهمنيش مكنتش سالتك 000
ام سامي :انت هتشلني يا راجل انت 000هو حتي الضحك مستخسره فيا 000هو بلاش افك عن نفسي شويه ؟يااااااااساتر
ابو سامي :لا ابدااا يا ام عيالي فكي براحتك 000قولي بقي هي امك كانت بتتودود معاكي في ايه ؟اوعي تكون عاوزه منك فلوس 00اه احنا لا بنسلف ولا بنستلف انتي عارفه مبدائي
ام سامي :خلاص افترضت كده فيلم عربي واخرجته كمان 0000اطمن احنا من عيلة تشم ايدينا نشبع ومالناش في الكلام ده
تنهد ابو سامي تنهيدة ارتياح وقالها :امال كانت عاوزة ايه منك ؟
ام سامي :بقولك ايه ؟دي مسائل عائلية في بيتنا ولو سمحت الكلام ده بيني وبين امي ودي اسرار هي تستأمنني عليها 00
ابو سامي :اسرار علي جوزك ؟مكنش العشم انا عاوز اطمن بس عليكم ؟
ام سامي اطمن000 واطلع انت منها بس وهي تعمر
وفجاءة رن تليفون زوجته0000
وردت بسرعة:
ايوه يا ماما 0000لسه برضة نها زي ماهي 00000 ياساتر يا يارب0000لا لا متخفيش ده سر بينا ؟
طيب طيب 0000انا هتصرف ماتحمليش هم سلام دلوقتي000

طبعا اخينا كان رامي ودنه معاها 0000وسالها :هو فيه ايه ؟
ردت زوجته بانفعال :بقولك ايه انا مش طايقة نفسي دلوقتي دي مسائل عالية وامور خاصة جداااا في بيتنا لو سمحت ماينفعش احكيها 000
رد عليها ابو سامي : واضح ان احمد اخوكي في مشكله 0000قولي بس انا ممكن اساعده لو الست مراته النكدية دي حارقة دمه 000انا ليا واحد صاحبي امين شرطة اكلمه دلوقتي يروح يجرجرها من شعرها
ردت عليه بعد نفاذ صبرها :ابوس رجلك اسكت دلوقتي علشان اعرف افكر في المصيبة دي 000ودخلت حجرتها وقفلت الباب عليها 0000
ابو سامي مكدبش خبر 000اتصل باحمد اخ زوجته 0000
ايوه يا ابو نسب 000ايه ياعم 000الست حرمكم لسه عاملالك كالو في نافوخك ولا ايه ؟
رد عليه احمد شقيق زوجته :كالو ايه مش فاهم 000فيه ايه بالظبط وتقصد ايه ؟
ضحك ابو سامي ضحكة صفراء وقاله :عليا الكلام ده يا ابو نسب 000دي الست حرمكم مش طايقاك وسايبه البيت وطفشانه منك ودايما بتقول عليك بخيل وجلدة وقيحة000يا ابو نسب لو الست دي مطهقاك في عيشتك ان اعرف واحد محامي يلعبهالك علي الشناكل ولا هتطول منك لا ابيض ولا اسود 000
رد احمد عليه وهو مذهول من الكلام اللي بيسمعه :ايه ؟ايه اللي انت بتقوله ده ؟هي رجعت تشتكيني تاني ليكم وتطلع اسرار بيتنا 000طب عليا الطلاق ماهي بايته فيها 000وهبعته لها ورقتها دلوقتي0000
انفرجت اسارير ابو سامي وقاله : ايوه كده يا راجل اقطع عرق وسيح دم ده صنف يخاف ولا يختشيش اسيبك بقي لما تطلقها اديني رنة 000
000000000
بعد خمس دقايق لقي زوجته0000خارجه من الحجرة وهي ترتدي ملابس الخروج وسالها :علي فين العزم ان شاء الله ؟
قالت له رايحه عند احمد اخويا ارتحت ---زوجته تعبانه والم الكلية اشتد عليها ومحبيتش اقولك علشان عارفه انه مايتبلش في بقك فوله وهتكلم احمد تقوله وتجيبه من شغله اللي في العاشرمن رمضان علي علي ملا وشه والدنيا ليل000امي كلمتني اجي واعد معاها 000عرفت وارتحت ولا لسه ؟
شحب وجهه وارتبك وقالها 000ده انا 000انا 00 افتكرت غير كده 00 واتصلت باحمد و 000و000
-وايه يا خيبة املي 000لبخت الدنيا وقلت له ايه ؟
-مافيش قلت له انها غضبانه وسابت البيت 0000
-يانهارك كحلي --وهو قالك ايه ؟
-مافيش يمكن يطلقها 00بس اطمني دي هتكون الطلقة الاولي وسهل نرجع الامور000دي سيبهالي انا انتي عارفاني لما بحط دماغي في حاجة بحلها 00
-ياااااااااااااالهوي عليك ---بقي تقتل القتيل وتمشي في جنازته روح يا شيخ منك لله خربت بيت اخويا 000حرام عليك والله00الحق اتصل بيه ليكون طلقها غيابي انا عارفاها عصبي وروحه في مناخيره000
هات تليفونك بسرعة 000
رد عليها رصيدي خلص وانا حولت تلاته جنيه وبتشائم لو خلصتهم قبل ما اشحن كارت بعشرة 0000رني عليه من عندك وهو يكلمك احسن 000احسبها صح تعيشها صح :)
-ادعي عليك بايه ؟انت ربيت لي كالو في دماغي من كتر التفكير والزعل يا راجل حرام00 عليك تخرب بيت وتقولي تلاته جنيه 0000اتصلت باخوها من تليفونه بعد محايلات ووعدته تجيب له كارت شحن علي حسابها0000اتصلت علي موبايله وجدته مغلق 000اتصلت بالسكن اللي هو فيه مع زملائه بالشركه اخبرها احد زملائه انه نزل مسرع لاقرب ماذون 000 وهنا انهارت من الصدمة 000 وسقطت مغشي عليها 00
وبدا ابو سامي يفوقها بفحل بصل معتبر000ولما بدات تفوق سالها 0000هتجيبي لي كارت الشحن اامته يا حبيبتي؟
وقتها نظرت ايه ام سامي نظرة وحاولت ان تتكلم وتقول له شيئا ولكن الكلمات احتبست في حلقها وتشنجت وتوقفت تماما عن الكلام 000فاسرع لممرض جاره وساله فيه ايه ياباشا ؟
-فحصها الممرض بسرعة وقاله بثقة 000البقية في حياتك 0000زوجتك حدث لها انفجار في المرارة احنا عملنا اللي عليينا والباقي علي ربنا 00ربنا يصبر قلبك

دعاء شديد

19-09-2009, 03:06 AM

بصراحة موضوع فى منتهى الجمال وخفة دم صاحبته

ربنا يخليك يا استاذ على
انا كده ضمنت هيئة دفاع كامله متكامله عنى
وعايزة حد يكلمنى بقى ... بس

الموضوع ليس قصة ولكنة مجرد موقف واحد يخرج منه القارئ بالمعنى المنشود من العنوان وهو بذلك يكون قد نجح فى الوصول للهدف .

والله فعلا يا استاذ على هو ده كان قصدى

بس على فكرة مارأيك فى الرجل الذى يقول لزوجته : كل أمور البيت من الداخل عليكى وكل أمور البيت من الخارج عندى أنا
يعنى أنا أتعب وأشتغل وعايز لما أرجع البيت أرتاح ...
فقط ما تعرضه علية الزوجه من مشاكل الأولاد والتى لم تستطع هى حلها يقوم الرجل بالتدخل لحل هذه المشكلات
أما الأكل والطبيخ واللبس فهو ليس له دخل بها خالص
( ملحوظة : الزوجة ربة منزل لا تعمل )

رايي الشخصى ... هو ده الرجل الصح
كل ما كانت الادوار مقسمه ... خف الحمل على كاهل كل من الزوجين
وبقول تانى ده رايي الشخصى
والله على ما اقول شهيد

حضرتك نورت وشرفت الموضوع
وهعتبر ان ده اول موضوع اكتبه بجد

دعاء شديد

19-09-2009, 03:10 AM

حلو الموضوع اوى يا دعاء
واكيد هايستمر
لان ما فيش اكتر من الصفات اللى لازم نعلق عليها عند ابو سامى طبعا
والله يكون فى عونه باه
سواء ابو سامى او فتكات من شريف

ميرسى يا جميله ... وعايزين نشوف رؤيتك انتى كمان
شوفى صفه بشعه كده لابو سامى
نورتينى ... وكل سنه وانتى طيبه

طارق ممدوح ذكي محمد

19-09-2009, 03:14 AM

دعاء شديد

19-09-2009, 03:14 AM

شكراً د/ دعاء على الموضوع .. ولكن اختلف في وصف الرجل المذكور على أنه رجل حشري .. لأن الحشري هو الذي يتدخل فيما لا يعنيه ..

فالرجل المذكور في القصة هو رجل مهاود يساعد زوجته في المطبخ وأولاده في المذاكرة .. وهذا زوج تتمناه الكثير من الزوجات في وقتنا الحالي .. فهناك زوجات تشتكي من عدم مساعدة زوجها لها في المطبخ .. وايضاً هناك الكثير منهم يطلبون مساعدة زوجهم لهم في المذاكرة للأولاد.

طيب يا استاذ اسامة
مهو ابو سامى مش فالح فى حاجة خالص
وحاشر منخيرة فى كل حاجة
دخل كركب المطبخ
ولغبط شندوتشات العيال
يرضى مين ده !!!!!!

وعلى فكرة انا ضد دخول الرجل المطبخ
"والمرأة كمان"
ههههههههههههههههههههههه
الموضوع نور برد حضرتك
وكل سنه وحضرتك طيب

دعاء شديد

19-09-2009, 03:20 AM

لا ابداا والله مش زعلان منك 00
بالعكس سعيد جداا باختلاف وتباين وجهات النظر المطروحة ودي ظاهرة صحية جدااا واتمني تدوم في المنتدي 00
فالراي والراي الاخر نحتاجه بشدة هنا ولا نحتاج الي بصمجية تشيد قبل ان تقرأ 000فده امر مرفوض شكلا وموضوعا000
انا قولت راي ولكن يمكن الطريقة لم تكن جيدة00 ويمكن كنت متعشم زيادة انك هتتفهمي دعاباتي ولكن حصل خير 00
ويمكن مستر اسامة الوحيد اللي فهم وجهه نظري من خلا ل متابعتي لكل الردود مع كامل احترامي لها 000
مستر اسامة لخص وجهه نظري في كلمتين :ان الراجل الحشري هو اللي بيتدخل فيما لايعنيه اما نموذج ابو سامي فهو نموذج للرجل المحترم اللي بيساعد زوجته انطلاقا من وصية الرسول عليه الصلاة والسلام لنا بالنساء000
اما بخصوص الدراما والقصة القصيرة والكلام ده 000انا متأكد انك بتحاكي عمل ومش في نيتك بالمرة اخراج عمل ادبي وده اللي كتير تصوروا من خلال ردودهم اني بعاتبك او الومك علي اي محاوله للابداع 000 الفني ده مش وارد عندي بالمرة ولكن كان من باب المزاح معك0000
عموما حصل خير 000ومنتظر بقية الموضوع مع التعديلات اللي وضحتها وبرضه هقولك رايي بصراحة وعارف انك مش هتزعلي 00اما بخصوص الادارة والكلام ده 000خدي راحتك علي الاخر 000احنا منتدي ديموقراطي يسمح لكل الاراء بحرية التعبير ولكن تذكري امر مهم 000
ان الديموقراطية لها انياب:) والتخبيط في الحلل له اصول000واللون الاسود في المنتدي له هيبته :16:
قولتي لي اسمك ايه ؟:)

بسم الله الرحمن الرحيم
الاسم دعاء بنت شديد
اقر واعترف بانه مهما حصل فى الدنيا
لا يمكن ازعل من وليد بن عسكر
هههههههههههههههههه
بس احنا دايما كده نعلي على بعض فى الردود
ومينفعش ابدا انا ووليد منتناقرش ... ولا ايه!!!!!!

بس سيبك انت ابو سامى بيشكرك على وقوفك جنبه

كل سنه وانت طيب يا وليد
ومتنساش العيديه
هبعتلك رقم الحساب

دعاء شديد

19-09-2009, 03:26 AM

نموذج للرجل الحشري000يارب يعجبك النموذج ده يا دعاء
علشان تتاكدي اني مش زعلان
هعملك تصور خاص وهحاول انقل فكرتك 000
ولكن بطريقة مستفزة للغاية 00مش رقيقة زي فكرتك :)

تسلم ايدك وهو ده النموذج الصح
وشهد شاهد من اهله .... محدش له حجة اهه
:7:
وبعدين انا فكرتى رقيقه
كتر خيرك يا ابنى ... الله يجبر بخاطرك

000000000000000000000000000

وربنا ميجيب زعل ابدا
ده احنا حتى يا اخويا فى موسم اعياد

الأستاذ

19-09-2009, 03:36 AM

بس ممكن يكون حشرى بدم خفيف أى والله
يعنى مثلا تكون الست فى المطبخ ويدخل بارم شناباته إللى يقف عليهم صقرين ويحشر نفسه فى طريقة الطبخ والمقادير
(زودى الملح شوية خفى الفلفل الأسود )
حبتين يا نور العين والنتيجة هههههههههه الأكل بااااااظ
بس على فكرة دا مش اناااااااا
بس السؤال بقى المهم الست بتحب الراجل الحشرى ودمه خفيف ولا اللى حشرى ودمه--------------) ؟
وعلى فكرة دى مش معركة بين واو الجماعة ونون النسوة الإتنين مهمين فى الإعراااااااااااب
سورى يا مسيو كتبت بقلمك الإسود معلش ملقتش غيره معايا بكرة حشترى قلم ألوان

مسيو وليد عسكر

19-09-2009, 03:41 AM

وبدا ابو سامي يفوقها بفحل بصل معتبر000ولما بدات تفوق سالها 0000هتجيبي لي كارت الشحن اامته يا حبيبتي؟
وقتها نظرت ايه ام سامي نظرة وحاولت ان تتكلم وتقول له شيئا ولكن الكلمات احتبست في حلقها وتشنجت وتوقفت تماما عن الكلام 000فاسرع لممرض جاره وساله فيه ايه ياباشا ؟
-فحصها الممرض بسرعة وقاله بثقة ... البقاء لله

ههههههههههه

شرير شرير ... يا مسيو ... موَت الولية

و خليت الراجل الحشري عايش ...

واحتمال تعمله عضوية معانا في المنتدى علشان يخلص على نون النسوة ..:)

اتغيرت كتير يا مسيو .. ولايقة عليك ادوار الشر

بس بصراحة تسلم دماغك على الابداع الجميل ده

والله ياباشا لازم يبقي النموذج كده علشان الفكرة توصل وده كان سبب اختلافي مع دعاء انها خلت الراجل الحشري طيب واخره انه يلخبط ساندوتشات الاولاد مع ان اللي زي ده بيكون شره اكبر من كده بكتير
وطالما انك قلت انه شرير يبقي انا كده نجحت في توصيل الفكرة وانت عارف اخوط مافيش اعلب منه 000اهو كلام وبس وشكرا علي جملتك الاخيره والحمد لله ان الفكرة عجبتك وقدرت اوصلها صح

wala

19-09-2009, 03:49 AM

الراجل السلبي بقي.............. ده كارثه.... خنيق آخر حاجه
ده بقي عايش مع دماغه مالوش علاقه باللي بيحصل في البيت خالص
تجيبه شمال تجيبه يمين يقولك ماليش دعوة اللي يعجبك
نشوف بقي لو ابو سامى كان سلبي ايه النظام
أم سامى: أبو سامى عاوزة اتكلم معاك في موضوع مهم
أبو سامى: لا مش وقته انا راجع تعبان
أم سامى:طيب يا اخويا نوم العواف
أبو سامى (بعد ماصحى من النوم ): اعملوا لى كوباية شاى
أم سامى:من عنيا واهو نتكلم واحنا بنشرب الشاى
أبو سامى :لا كلام ايه انا نازل سلام بقي
أم سامى: وبعدين؟؟؟؟؟
أبو سامى : ولا قبلين بصي انا 100مرة أقولك مشاكل البيت ماليش دعوة بيها اتصرفي انا مش فاضي
أم سامى : انا كنت عاوزة اقولك بس ان الواد سامى اتقبض عليه في مظاهرة في وسط البلد
أبو سامى :وانا مالى انا فاضي لكوا في داهية خليه يتربي أهو يوفر لقمته
أم سامى: والله انا عارفه انك لابتحل ولا بتربط اقوم اتصرف انا
وهى خارجه من الاوضه تتمتم قائلة انا استاهل احكى له ليه ما اناعارفه انه مش هيعمل حاجه

حلو قوى الراجل السلبى ده
عندك حق والله

المشهد الثانى للرجل السلبى :-

اليوم الاول

ام سامى : نسيت اقولك يا ابو سامى فاتوره التليفون عايزة تدفع ما تنساش تدفعها لان اخر يوم بكره
ابو سامى : طيب طيب اصلى متاخر على الشغل دلوقتى

اليوم الثانى

ام سامى : شوفت بقى اديك رجعت ومدفعتش حاجه
ابو سامى : لسه لسه بكره
ام سامى: كمان كشاف النور جاه واحنا مش موجودين كنت بجيب الولاد من المدرسه و ساب الايصال لازم حد يروح يدفعوا فى الشركه
ابو سامى : هى كل حاجه عليا
ام سامى: وهى ديه كل حاجه متشكره قوى
ابو سامى : العفو
ام سامى : طب اقولك حاجه
ابو سامى : قولى بسرعه عايز انام
ام سامى : انا هروح شركه الكهربا ادفع النور وانت تروح تدفع فاتوره التليفون فى اى سنترال حلو كده
ابو سامى: اهو كده حلو قوى

اليوم الثالث

ام سامى : ها عملت ايه انا رحت النهاره دفعت فاتورة الكهرباء
ابو سامى : ياهو نسيت
ام سامى : شكرا هو ده اللى اتفقنا عليه
ابو سامى : هيحصل ايه يعنى بكره هروح
ام سامى : كل سنة وانتى طيب النهارده كان اخر يوم
ابو سامى : هيحصل ايه يعنى
ام سامى : الحرارة اتقطعت
ابو سامى :احسن انا زهقت من جرس التليفون

:18:

الأستاذ

19-09-2009, 03:51 AM

طارق ممدوح ذكي محمد

19-09-2009, 03:51 AM

وطالما انك قلت انه شرير يبقي انا كده نجحت في توصيل الفكرة وانت عارف اخوط مافيش اعلب منه 000اهو كلام وبس وشكرا علي جملتك الاخيره والحمد لله ان الفكرة عجبتك وقدرت اوصلها صح

اه طبعا نجحت جدا في توصيل الفكرة ... بجد مش مجاملة
((( ابدعت )))
:27:
ودوري ان شاء الله ع العيد

هحاول اعرض لمسلسل عن الرجل السكوت

لان النموذج ده انا عن نفسي بتغاظ منه جدا وشوفته كتير بين الزملاء

مسيو وليد عسكر

19-09-2009, 03:58 AM

بسم الله الرحمن الرحيم

الاسم دعاء بنت شديد
اقر واعترف بانه مهما حصل فى الدنيا
لا يمكن ازعل من وليد بن عسكر
هههههههههههههههههه
بس احنا دايما كده نعلي على بعض فى الردود
ومينفعش ابدا انا ووليد منتناقرش ... ولا ايه!!!!!!

بس سيبك انت ابو سامى بيشكرك على وقوفك جنبه

كل سنه وانت طيب يا وليد
ومتنساش العيديه

هبعتلك رقم الحساب

وانتي طيبة يا دعاء
وان شاء الله تقضي عيد سعيد عليكي وعلي الاسرة ولكل المسلمين
وبخصوص العيدية0000انتي تؤمري وانا تحت امركمن جنيه لجنيه وربع:)

وربنا ميجيب زعل ابدا

ده احنا حتى يا اخويا فى موسم اعياد

مسيو وليد عسكر

19-09-2009, 04:02 AM

والله يا مسيو لو عايز ين نخلى الموضوع ولعة مشعللة هههههههههه
ودا حق واو الجماعة نسأل سؤال بسيط
(يعنى يا نون النسوة الرجالة بس اللى حشريين طب ونون النسوة ههههههه أعتقد أشد حشراً
ولا إيه يا مسيو ؟

لا ياباشا الطيب احسن
والعيد فرحة ودول واخواتنا وحبايبنا والمجتمع والناس :)
والصفة دي عموما مذمومة سواء للراجل او الست

الأستاذ

19-09-2009, 04:05 AM

كلامك صح فعلاً الطيب أحسن بس على فكرة ياااااااااااااااا كل نون نسوة لكى كل التقدير والاحترام وكل سنه وانتى طيبة

دعاء شديد

19-09-2009, 04:14 AM

وانتي طيبة يا دعاء
وان شاء الله تقضي عيد سعيد عليكي وعلي الاسرة ولكل المسلمين
وبخصوص العيدية0000انتي تؤمري وانا تحت امركمن جنيه لجنيه وربع:)

[/center]

بص يا وليد

يا جنيه ونص يا بلاها العيديه خالص

انا حفيده سلطح باشا ... تقولى جنيه وبع

مسيو وليد عسكر

19-09-2009, 04:40 AM

بص يا وليد

يا جنيه ونص يا بلاها العيديه خالص

انا حفيده سلطح باشا ... تقولى جنيه وبع

حاضر يا باشا
ولو اني اقترح اني اجيبلك تمن لب سوبر اهو اقيم شويه من الجنيه ونصف:) واهو نقزقز ونرمي القشر علي بعض وتبقي دي فرحة العيد

مسيو وليد عسكر

19-09-2009, 04:49 AM

اه طبعا نجحت جدا في توصيل الفكرة ... بجد مش مجاملة

((( ابدعت )))
:27:
ودوري ان شاء الله ع العيد

هحاول اعرض لمسلسل عن الرجل السكوت

لان النموذج ده انا عن نفسي بتغاظ منه جدا وشوفته كتير بين الزملاء

ربنا يخليك يا طارق واشكرك علي كلماتك المشجعة ومنتظر منك مسلسل الرجل الصامت بفارغ الصبر :)

شريف

19-09-2009, 04:52 AM

يا عيني علي نون النسوة
الدمعة هتفر من عيني :)
الاعتراف من اول قلم
ايه الطيبة دي
و الله كنا واخدين فكرة وحشة عن نون النسوة
طلعت زعيمتهم بذات نفسها
طيبة طيبة طيبة جدا اوي خالص:bosyht9:
بص يا وليد
من دلوقتي
نون النسوة ما حدش يرفع منهم عنيه فينا ابدا :16:
ده حتي مافيش حد من نون النسوة دخل يدافع عنها
اضطر طارق بشحمه و لحمه يدافع عنها
هههههههههههههههه
نون النسوة اسرة هشة اوي
عشان تعرفوا يا جماعة
انهم غلابة
و انا كان عندي حق
لما كتبت عن رقتهم و ضعفهم
:)غلابة اوي :)

مسيو وليد عسكر

19-09-2009, 05:01 AM

يا عيني علي نون النسوة

الدمعة هتفر من عيني :)
الاعتراف من اول قلم
ايه الطيبة دي
و الله كنا واخدين فكرة وحشة عن نون المسوة
طلعت زعيمتهم بذات نفسها
طيبة طيبة طيبة جدا اوي خالص:bosyht9:
بص يا وليد
من دلوقتي
نون النسوة ما حدش يرفع منهم عنيه فينا ابدا :16:
ده حتي مافيش حد من نون النسوة دخل يدافع عنها
اضطر طارق بشحمه و لحمه يدافع عنها
هههههههههههههههه
نون النسوة اسرة هشة اوي
عشان تعرفوا يا جماعة
انهم غلابة
و ان كان عندي حق
لما كتبت عن رقتهم و ضعفهم
:)غلابة اوي :)

مش عارف ليه يا شريف مش متفائل:7:
حاسس بكرشة نفس ومتهيالي كده ان ده الهدوء الذي يسبق العاصفة00
سمعت كده والله اعلم ان فيه حركة تنقلات في المنتدي هتحصل والله اعلم كده نعمة هتديني انا والحاج جمال واشرف استمارة 6 وهيتم تعيين دعاء شديد واحلام نواب ادارة ونعمه هتشيل الليلة كلها 000
وتقريبا كده محددين وقت تنفيذ العملية الساعة 42 فجر اول يوم العيد ومسميين ملف العملية(برغوت- 04) وده الاسم الكودي وهيتم اعتقال كل واو الجماعة لاجل غير مسمي0000الحق الم موضوعاتي في فولدر علشان اخدهم واخلع 00

دعاء شديد

19-09-2009, 05:02 AM

يا عيني علي نون النسوة

الدمعة هتفر من عيني :)
الاعتراف من اول قلم
ايه الطيبة دي
و الله كنا واخدين فكرة وحشة عن نون المسوة
طلعت زعيمتهم بذات نفسها
طيبة طيبة طيبة جدا اوي خالص:bosyht9:
بص يا وليد
من دلوقتي
نون النسوة ما حدش يرفع منهم عنيه فينا ابدا :16:
ده حتي مافيش حد من نون النسوة دخل يدافع عنها
اضطر طارق بشحمه و لحمه يدافع عنها
هههههههههههههههه
نون النسوة اسرة هشة اوي
عشان تعرفوا يا جماعة
انهم غلابة
و ان كان عندي حق
لما كتبت عن رقتهم و ضعفهم
:)غلابة اوي :)

شوف يا كابتن شريف
انا مش فى مود خناقات وضرب نار

واذا كنت فسرت ده ضعف
يبقى مضطرة اقولك الحقيقه
انا خفت على موضوعى يبوظ
قلت ااجل الخناقه واخليها فى موضوع لوليد

:16:
انما يعدى العيد بس
وانسى يا شريف
سوف تكون حرب متلولشه الحويلقات
لن تتسافنوها الا بعد تشارانيق الفوارغ المشنقطة

بس

شريف

19-09-2009, 05:07 AM

مش عارف ليه يا شريف مش متفائل:7:
حاسس بكرشة نفس ومتهيالي كده ان ده الهدوء الذي يسبق العاصفة00

خلي عندك أمل في الله :)
لازم نعيش بالامل
مش هنيأس أبدا
أدينا قاعدين لما نشوف اخرتها
بس بجد
حتي لو هنتخلع من هنا
كفاية اوي المشهد اللي انا شوفته
دعاء اتثبتت تثبيته صح :) :)
ههههههههههههههههههههه
لازم نكلم وسية
و نفرحه
باننا عملنا عملية مضادة
و نجحنا في تنفيذ الهدف
نطمنه عشان يبقا خدناله حقه

دعاء شديد

19-09-2009, 05:07 AM

مش عارف ليه يا شريف مش متفائل:7:
حاسس بكرشة نفس ومتهيالي كده ان ده الهدوء الذي يسبق العاصفة00
سمعت كده والله اعلم ان فيه حركة تنقلات في المنتدي هتحصل والله اعلم كده نعمة هتديني انا والحاج جمال واشرف استمارة 6 وهيتم تعيين دعاء شديد واحلام نواب ادارة ونعمه هتشيل الليلة كلها 000
وتقريبا كده محددين وقت تنفيذ العملية الساعة 42 فجر اول يوم العيد ومسميين ملف العملية(برغوت- 04) وده الاسم الكودي وهيتم اعتقال كل واو الجماعة لاجل غير مسمي0000الحق الم موضوعاتي في فولدر علشان اخدهم واخلع 00

هههههههههههههههههههههههههه
وربنا يا وليد انت فيك شيء لله

طيب والله بنخطط لعمليه فظيعه جدااااااااااااا

"مذبحة المنتدى 2009"

والتفاصيل لاحق ... انا بس حبيت ااكدلك احساسك
انت اخويا برده

معلومه ضغننه
بالنسبه لشريف ... هيغنوله
يا عينى يا عينى يا عينى على الولد

بالنسبة لوليد هيغنوله
كان طيب كان حنين

ههههههههههههه
عجايب والله

شريف

19-09-2009, 05:10 AM

انا خفت على موضوعى يبوظ

لن تتسافنوها
ماتخفيش يا دعاء
الموضوع انا اللي هبوظهولك بنفسي
انا جينات الشر عمالة تتطاير جوه شرايين أهلي م الصبح

و بعدين كنت حاسس بقالي مدة اننا لن نتسافنيها
مش عارف
احساس كان بيرادوني بقاله فقرة:)

دعاء شديد

19-09-2009, 05:16 AM

ماتخفيش يا دعاء
الموضوع انا اللي هبوظهولك بنفسي
انا جينات الشر عمالة تتطاير جوه شرايين أهلي م الصبح

و بعدين كنت حاسس بقالي مدة اننا لن نتسافنيها
مش عارف
احساس كان بيرادوني بقاله فقرة:)[/center]

شوف يا اخ
جينات الشر الي عماله تتطاير جوا شرايينك
انا الي بعتهالك ... يعنى محدده مقدار الشر الي جواك
هههههههههههههههههههههههه

شوف جبروت حتى الشر بتحكم فيه

واذا كان استاذ طارق من كرم اخلاقه
دافع عنى ... ده لانه مالوش فى سكك الشر
السنوحنييشه الي احنا بنمشيها

من الاخر خاف على نفسك وعلى اخوك وليد
والاحساس الي بيراودك ده ... اديله 75 قرش ومشيه

شريف

19-09-2009, 05:21 AM

انا الي بعتهالك ... يعنى محدده مقدار الشر الي جواك

بُقْ :)

((( و بالتشكيل كمان )))

هأو :bosyht9:

دعاء شديد

19-09-2009, 05:23 AM

بُقْ :)

((( و بالتشكيل كمان )))

هأو :bosyht9:[/center]

بُقْ عصير
ولا بُقْ بيبسى
بس مش بالتشكيل لأ بالتلج

حدد لو سمحت

شريف

19-09-2009, 05:32 AM

بُقْ عصير

ولا بُقْ بيبسى
بس مش بالتشكيل لأ بالتلج

حدد لو سمحت

نون النسوة نزلت من عيني خالص
بق عصير بقا بق بيبسي
بق ميه ساقعة حتي
مش هتفرق
فرحان اوي انا
و احنا داخلين ع العيد
و نون النسوة حالهم يصعب ع الكافر كده :)
هههههههههههههههه
انتقمنا يا رجالة
علي يد اخونا وليد

دعاء شديد

19-09-2009, 05:38 AM

نون النسوة نزلت من عيني خالص
بق عصير بقا بق بيبسي
بق ميه ساقعة حتي
مش هتفرق
فرحان اوي انا
و احنا داخلين ع العيد
و نون النسوة حالهم يصعب ع الكافر كده :)
هههههههههههههههه
انتقمنا يا رجالة
علي يد اخونا وليد[/center]

:friendsxs3:
يا ابنى فوق من الوهم الي انت فيه ده

يا خبر ابيض يا جدعان

حد يفوقه يا جماعه
:bosyht9:
لولا انى حبست النداهه انا ونعمه ... كنت قلت
النداهه ندهت شريف