عيش الآن بإحساس زمان ... علشان ترجع انسان (3 اجزاء ونص)

[دعاء شديد]

(النص) جزء


انا كتبت الموضوع ده بمناسبه قرب العيد
كل سنه وانتوا طيبين
وبخير وسعاده


كمان لانى سمعت ناس كتتتتتير بتقول
الواحد مبقاش حاسس بطعم اى حاجة زى زمااااان
ولا رمضان ولا فرحة عيد


You can see links before reply (You can see links before reply 8%25AD%25D8%25B2%25D9%258A%25D9%2586%25D9%2587%26n dsp%3D20%26hl%3Dar%26sa%3DN%26start%3D20%26um%3D1)


بصراحه
اخدت نفسى شويه كده واعدت أأررها
تفتكرى يا نفسى ليه... !!!!!!!!!!!!!!


وفضلت ارجع ارجع ارجع بسسسسسسسسسسس
وقف هنا


لقيت ايه زمان والآن جايين يتكلموا معايا
قلت يا سلام وانا هخاف
قولوا الي عندكوا


إلى الجزء الأول
You can see links before reply (You can see links before reply 8%25A7%25D8%25B3%25D9%2587%25D9%2585%26ndsp%3D20%2 6hl%3Dar%26sa%3DN%26um%3D1)

[دعاء شديد]

الجزء (1)

زمان كان عندنا اذاعه واحده فى الراديو
فمكناش بنلاقى غير بعضنا
بعدها بقى فى قناه واحدة فى التليفزيون
بنتلم حواليها لما يجى مسلسل الساعه 7
"مسلسل واحد"


ولما كان يجى رمضان ... ده زمان
يجى فيلم عربى لاسماعيل ياسين الصبح
وبعدين فوازير عمو فؤاد
وبعدها برنامج الشيخ الشعراوى
"المغرب أذن"
المسلسل بقى مسلسلين ... ده علشان رمضان
وبعدين الفوازير ... والف ليله وليله
وبرنامج مسابقات
واخر حاجة المسلسل الدينى
والناس تتسحر وتنام
بشكل طبيعى
يوم طبيعى جدا فى حياة انسان طبيعى جدا جدا

ايه ده العيد قرب
تلاقى حاله واحده فى البيوت كلها
شغلهم الشاغل
كحك العيد وخلافه

بس فى وسط ده كله مكنش حد بينسى
لبس العيد وفرحته

You can see links before reply


العيد جه ... ده برده زمان
البمب والبلالين والعيدية
والزيارات العائليه المستمرة
طول ايام العيد
كانت فرحه بجد من الاعماق

You can see links before reply***********/ra3eef.bmp.jpg


طيب

الآن ... انا بقى مظلوم مع الانسان
وفرت له بدل الاذاعه الواحده
اذاعاااااااااات كتييييييييييير
وبدل المسلسل الواحد الي محدد بوقت معين
بقى يقدر يشوف مسلسل فى وقت
ولو فاته نعيدهوله مرة واتنين وتلاته


وفى رمضان
بملا كل وقته ... مالوش حجة
مسلسلات متعدش ارضى وفضائى
مش ناقص غير انى اعمله قنوات مائية وترابيه
وبرامج متعدش ومتنوعه
وبدل البرنامج الدينى بقى فى عشرات البرامج الدينيه

You can see links before reply

ومع قرب العيد
يعد يفكر هيجيب فلوس منين للبس الولاد
وكمان كحك العيد ... بقى جاهز
مالوش روح زى زمان
مش فى الطعم .... لالالا فى المعنى

وجه العيد
تلاشت العيديه فى بيوت كتيييييييييير
وبقى البمب والبلالين مصدر ازعاج اكتر
منها مصدر بهجة
والزيارات العائليه بقت يوم واحد بس
وبالكتير يومين

ادى زمان قال الي عنده
والان اتكلم براحته
وجه دور الانسان

إلى الجزء الثانى
You can see links before reply (You can see links before reply 8%25A7%25D8%25B3%25D9%2587%25D9%2585%26ndsp%3D20%2 6hl%3Dar%26sa%3DN%26um%3D1)

[دعاء شديد]

الجزء (2)


ادى زمان وادى الآن
للاسف المشكله فى الانسان


بدل ميستغل التعدد لتوسيع فرصته فى الاختيار
وارضاء كل الاهتمامات
شتت نفسه لانه عايز كل حاجة


بدل مكان بيعتمد على مصدر معلومات واحد
اتيحت له الفرصه لاختيار مصدر معلوماته
للاسف
تخبط وسط الخضم المتلاطم من الافكار
الصحيحة والمغلوطة ... وكسل يفكر علشان يميز
والنتيجة اصبح متلقى فقط


بدل مكان كل وقت وله الجو العام الخاص بيه
بقت كل السنه شبه بعضها
نفس كثرة المسلسلات وتعدد البرامج
التى تضم اشباه المفكرين والدعاه


شغل نفسه باقتناء كل تكنولوجيات العصر
واخذ يفكر اين ذهب ماله ؟؟؟؟؟؟؟


رمى نفسه فى بحر التكنولوجيا والفضائيات


ونسى انه انسان ... يحتاج لانسان
وليس لمجموعه الات او اجهزة يرى ويسمع من خلالها فقط
اصابته حاله من الصدأ لاحاسيسه الانسانيه


فبات من الصعب ان ينعشها وقت الحاجة لها


نلوم زماننا والعيب فينا ... وما لزماننا عيب سوانا


شوفته بقى الغلط عند مين
والعيب فى مين
فينا والله


إلى الجزء الثالث
You can see links before reply ng (You can see links before reply ng&imgrefurl=You can see links before reply 26um%3D1)

[دعاء شديد]

الجزء (3)


الحل ايه انا مبعرضش مشكله وخلاص


الحل انك تعيش الآن بس باحساس زمان
علشان تفضل بجد انسان


هتقول ازاى
عندك مئات القنوات ... اختار وركز على كم واحده بس
عندك مسلسلات بالعبيط ... اختار اتنين بس


برامج وناس كتير بتتكلم
ركز مع واحد وفكر فى كلامه ... واعقله
ولما يطمئن قلبك ليه
زود واحد تانى ... بس مش كله مع بعضه


افتكر انك بشر ... يعنى يلزمك بشر
علشان يفهمك ويشعرك بروح وجودك


وهنا بقى لازم التنوع والتعدد


لان الروح مع الاقارب غير مع الاصحاب
الروح مع اولادك غير مع الاخوات


وانت محتاج التنوع ده علشان متملش


اخلق حاله من داخلك ... للتمييز بين كل وقت


لما يجى العيد ... عيد
متستكبرش نفسك ولا تخجل من احساسك الطفولى بالعيد


اعتبرها هدنه من اى شيء يعكر صفو حياتك


والله مهتخسر حاجة


واعلم


ان من يعلق همومه على قله المال
لن تذهب الهموم ... ولن يأتى المال


من يؤجل سعادته حتى يأتى المال
ستذهب السعاده ... حتى ياتى المال


من تسرق الهموم فرحته
لن يعيدها له احد ... مهما كان


من تأخذه الدنيا من التمتع بحياته
لن يصل لآخر الدنيا ... ولن يتمتع بحياته


انا عملت الي عليا
ومنتظرة اعرف ... ناوين على ايه


ودلوقتى ... إليكم
You can see links before reply (You can see links before reply 26um%3D1)

[مسيو وليد عسكر]

موضوع رائع يا دعاء
لي تعليق مطول عليه بعد المبارة

[نعمه محمود]

You can see links before reply
موضوع رائع يا دعاء والعيد ورمضان بلا شك اختلفوا عن زمان ومحدش يقدر يقول غير كده ده بسبب ظهور الاسرة النوويه واختفاء بيت العيله اللي كان بيجمعنا كمان ضيفي الى ذلك الانترنت والتليفزيون اللي بيفرقوا ومش بيجمعوا زمان كان مسلسل واحد بس بيلم العيله لكن دلوقتى في ظل فوضي الفضائيات كل واحد عاوز يمسك الريموت ويفضل متسمر فاتح بقه ومش بيرمش
انا بقي العيد بالنسبة لي
لبس جديد
بالونات
فلوس جديدة
صواريخ
سفر
كحك وبسكوت وبيتى فور وغريبة في العيد الصغير
خروف في العيد الكبير

[امل لاشين]

الان.. وزمان ....استحاله يتماثلوا

لان الزمان ....ليه ذكرياته الجميله اللي مش بتتعوض

والان ...ليه واقعه اللي بنتكيف معاه علشان يقرب من حلاوه زمان..

وانا معاكي في ان رمضان والعيد الان غير زمان ..

لكن بتكيف مع الان علشان كما قلتي...

(من تسرق الهموم فرحته

لن يعيدها له احد ... مهما كان)

لكن الانسان يعوز كل حاجه ..

صعب انه ياخد كل حاجه ...

لكن ممكن يكيف نفسه علي الرضي ...

بالان وعدم المقارنه بزمان ..

كان زمان باخد العديه ودبل كمان :)

وانا الان بدي عديه وبيفاصلوا معايه...وخصوصا مريم :)

لكل وقت ليه جماله لكن الفرق الوحيد

هو فراق اغلي الناس ....

موضوع جميل يادعاء..

وكل سنه وانتي طيبه ..:38:

[Blanche Neige]

شوفى يادعاء انا هاقولك حاجع بسيطه جدااا
ام كلثوم قالتها من زمان
((( عاوزنا نرجع زى زمان ... قول للزمان ارجع يازمان )))
لان بجد وبدون مبالغه مبقاش فى اى احساس المناسبات
زى زمان بجد انا شخصيا عمرى ماحسيت برمضان
وبالعيد زى ماكنت طفله مش قادره احكيلك اد ايه كنت باستمتع
بكل لحظه بجد مافيش لحظه كنت بافوتها غير اما استمتع بيها لكن دلوقتى
للاسف الشديد انا لسه محافظه على طقوس كتير كنت باعملها وانا
صغيره زى الفوانيس بس انا اللى باشتريها دلوقتى للاطفال
العيله زمان كانت بتجيلى وكمان لبس العيد لسه لازم اجيبه وبلونات
وكل حاجه بس مش ليها لذة زمان ولا حلاوة زمان
زمان بجد كانت الحاجات دى ليها شكل تانى واحساس تانى خالص
حتى كحك العيد والحاجات دى دلوقتى بنشتريها مش بنعملها زى زمان
وبالنسبه للخرزج انا زمان كنت اخرج كل يوم من ايام العيد
مش بافوت ولا يوم كنت لكن دلوقتى مش بحب اخرج
خالص فالعيد عشان الزحمه الشديده انا باتخنق
جداااا من الزحمه وطبعا العديه انا زمان
كنت باخدها دلوقتى انا اللى باعطيها
شوفتى بقى بس احلى حاجه
انى احس ان اللى حواليا مبسوطين
وده بالنسبالى العيد الحقيقى
لانى انا كمان هاكون سعيده لسعادتهم
موضوعك اكتر من رائع يادعاء
وكل عيد وانتى بالف خير

[نعمه محمود]

نسيت اسالك هو ليه تلاته ونص؟؟؟؟؟؟؟؟
طيب ينفع بتلاته بس

[ميس صافيا]

شوفى يا دودو
فعلا احساسنا دلوقتى برمضان والعيد غير احساس زمان
ليه ؟
سيبك باه من حكاية التليفزيون والمسلسلات دى
لكن ممكن تركزى زى ما انتى قلتى على اوضح شىء
اللى هو الزيارات العائليه اللى قلت وعلى فكره هى ما كانتش عائليه بس
هو ممكن نقول انها اقتصرت دلوقتى على العائليه
لكن زمان كان كل الجيران بتتبادل الزيارات فى العيد
بس عاوزه اقولك ان سبب اللى احنا فيه ده سبب طبيعى جدا
وهو وبكل منطقيه ان نزع البركه من كل شىء هى من علامات يوم القيامه
واظن واضح جدا ان الساعه قربت فعلا نظرا لانتشار الاوبئه والجرائم وغيرها كتير من العلامات اللى احنا عارفينها
فمع احترامى لمجهودك يا دعاء
لازم اقولك انسى
لان عمر ما زمان ده هايرجع تانى
لان ببساطه زى ما اخبرنا سيدنا محمد صلى الله عليه وسلم فى حديثه الشريف
" لو تعرفون ما اعرف لضحكتم قليلا ولبكيتم كثيرا"

[دعاء شديد]

موضوع رائع يا دعاء
لي تعليق مطول عليه بعد المبارة


مجرد سؤال رفيع جداااااااااااااااا

:16:

هى المباراه 14 شوط ولا ايه !!!!!!!!!!!!!

[دعاء شديد]

موضوع رائع يا دعاء والعيد ورمضان بلا شك اختلفوا عن زمان ومحدش يقدر يقول غير كده ده بسبب ظهور الاسرة النوويه واختفاء بيت العيله اللي كان بيجمعنا كمان ضيفي الى ذلك الانترنت والتليفزيون اللي بيفرقوا ومش بيجمعوا زمان كان مسلسل واحد بس بيلم العيله لكن دلوقتى في ظل فوضي الفضائيات كل واحد عاوز يمسك الريموت ويفضل متسمر فاتح بقه ومش بيرمش


اتفق معك تماما ان زمان غير الآن
بس الانسان هو الانسان
بدليل ان انا وانتى وكتير متمسكين بالحاجات
الي كانت بتفرحنا من زمان الى الآن ... ولا ايه !!!!!!!

انا بقي العيد بالنسبة لي
لبس جديد ************ وانا كمان
بالونات************** وانا كمان
فلوس جديدة ********** وانا كمان
صواريخ ************ بخاف منها "بشوفها من بعيد بس"
سفر************** "زيارات عائليه وبس"
كحك وبسكوت وبيتى فور وغريبة في العيد الصغير ***** "بيتى فور او فايف" بس
خروف في العيد الكبير ********** "اتفرج بس لانى مبحبش اللحمه" وبعدين الخروف بيتوسل ليا انه مبيدبحش ... ازاى يهون عليا اشوفه وهو بيتشوى ادامى ... هو انا قلبى حجر




والعيديه ودى اهم حاجة عندى
ده اهم مظهر من مظاهر العيد عندى
سواء الصغير او الكبير

[دعاء شديد]

الان.. وزمان ....استحاله يتماثلوا



اكيد طبعا
انما احنا احساسنا ممكن يستمر
وده الي انا عايزاه
نعيش وقتنا صح ونستمتع بيه
والله الوقت الي بيروح مهيتعوض

وكل سنه وانتي طيبه ..:38:


وانتى طيبه يا قمر

[دعاء شديد]

شوفى يادعاء انا هاقولك حاجع بسيطه جدااا


ام كلثوم قالتها من زمان
((( عاوزنا نرجع زى زمان ... قول للزمان ارجع يازمان )))

بصى يا اميرة
ام كلثوم لما قالت كده ... كانت تقصد حاجة محدده
لان فى نوع من الاحاسيس لما تضيع او تتخدش
لا يمكن ترجع الا برجوع الزمن
لكن
انا بتكلم عن احساسنا بالحياه عموما
وليس المشاعر الخاصه تجاه الاشخاص
ودى بقى فى ايدنا

لان بجد وبدون مبالغه مبقاش فى اى احساس المناسبات
زى زمان بجد انا شخصيا عمرى ماحسيت برمضان
وبالعيد زى ماكنت طفله

ده طبيعى بس الفكرة
انى اقدر استمتع زى مكنت طفله بس
بما يناسبنى دلوقتى ... وما فيش مانع
اخد من الطفوله ما يناسبنى زى البلالين والبمب


موضوعك اكتر من رائع يادعاء

وكل عيد وانتى بالف خير


وانتى طيبه يا اميرة
واعملى حسابى فى العيديه

[دعاء شديد]

نسيت اسالك هو ليه تلاته ونص؟؟؟؟؟؟؟؟
طيب ينفع بتلاته بس


شوفى يا نعمه مش هخبى عليكى
انا لحد دلوقتى مش عارفه ليه تلاته ونص
هههههههههههههههه
بس متأكده انه مينفعش بتلاته
رخامه رخامه

[دعاء شديد]

شوفى يا دودو

فعلا احساسنا دلوقتى برمضان والعيد غير احساس زمان
ليه ؟
سيبك باه من حكاية التليفزيون والمسلسلات دى
لكن ممكن تركزى زى ما انتى قلتى على اوضح شىء
اللى هو الزيارات العائليه اللى قلت وعلى فكره هى ما كانتش عائليه بس
هو ممكن نقول انها اقتصرت دلوقتى على العائليه
لكن زمان كان كل الجيران بتتبادل الزيارات فى العيد
بس عاوزه اقولك ان سبب اللى احنا فيه ده سبب طبيعى جدا
وهو وبكل منطقيه ان نزع البركه من كل شىء هى من علامات يوم القيامه
واظن واضح جدا ان الساعه قربت فعلا نظرا لانتشار الاوبئه والجرائم وغيرها كتير من العلامات اللى احنا عارفينها
فمع احترامى لمجهودك يا دعاء
لازم اقولك انسى
لان عمر ما زمان ده هايرجع تانى
لان ببساطه زى ما اخبرنا سيدنا محمد صلى الله عليه وسلم فى حديثه الشريف

" لو تعرفون ما اعرف لضحكتم قليلا ولبكيتم كثيرا"


ميرسى للمشاركة الرائعه المفيده جدا جدا
لكن يكفينا شرف المحاوله
لاننا مازلنا احياء

[الأستاذ]

موضوع راااااااااااااائع جدااااااااااااا بس الحياة لسه جميلة وكل واحد بيتكيف مع الزمن بطريقته الخاصة أنا مثلاً أحب اتفرج على التليفزيون واسمع أم كلثوم
وعبد الوهاب لكن برضك بخرج مع الأصحاب
وعلى رأى فريد الأطرش (الحياة حلوة بس نفهمها )
ومرة تانية راااااااااائع بجد