فرافيرو 000وشلاضيمو( متجدد وبالصور ) [الأرشيف] - المنتديات التعليمية

مسيو وليد عسكر

14-09-2009, 03:36 AM

بمناسبة اقتراب العام الدراسي
احنا كمعلمين ممكن نشتغل مع نوعيات عديدة ومتباينة من الطلبة ومن كل البيئات والفئات الاجتماعية
انا شخصيا في اول تعييني كنت شغال في مدرسة حكومي في الارياف وبعدها اشتغلت في مدرسة لغات فتعاملت مع انماط عديدة من الطلبة
ولما قريت الموضوع ده عجبني فاخدته وطورت فيه
بشويه تعليقات وصور بهدف رسم البسمة علي وجهه كل من يقراه

فرافيرو
1-يصحى على صوت الكناري اللي في اوضته .... - سو سو سو سو ...
2-يدخل الحمام ياخد شاور .... ويغسل شعره بشامبو من ايطاليا .... ويحط جيل بالمرز من فرنسا ويغسل سنانه بمعجون سيجنال تو ..... وبيتفرج على Mbc and space tone
3- يطلع من الحمام يلاقي الداده مستنياه بفوطه من حريييييير .... وتلاعبه وتهزر معاه بالانجليزي ....
-بالمناسبة 00000 الداده معاها دكتوراه من جامعة توشيبا في اليابان :)
4-يخش على اوضته ... ويفتح الدولاب ويطلع منه هدومه المكويه واللي ريحة اريال باينه فيها .....
5- يجيب جزمته من الجزامه ... اللي مليانه جزم وكوتشيهات ... وسبوووز ..... زي ماتكون في احد توكيلات محلات الاحذية الايطالية الفاخرة
6- ينزل يفطر مع مامي ودادي ... والفطار كورن فليكس بطعم الستروبوري او الشوكولات .... وعصير الجريب فروت
7- يسلم على مامي ويبوسها بعد ماتكون ساندوتشين تشكن ناجتس و كيس شيبسي و عصير جهينه او ايزي موزوو
8- يسلم على دادي اللي يديله البوكيت موني بالدولار ..... مش يعرفو حاجه اسمها جنيه طبعا - جنيه ؟؟؟؟ دي عملة انكردت من زمااان
9- يطلع من البيت بعد الداده ماتلبسه الشنطه بتاعة الكتب على ضهره ..
10- يركب الباس بتاع السكول .... ويشاور (باي باي) للداده ولمامي ...
ويركب مع زمايله ويغنو بالانجليش او الفرينش .....
- فريدرو جاكو .... فريدرو جاكو ... هايللبّووه -
شلاضيمو
1- دييييييييب .... اخوه رمى عليه طوبه عشان بقاله ساعتين بيصحي فيه ... وهو ولا هنا ...
- طبعا .. مقضيها صرمحه في الشارع للفجر -
2- العيال دي ماتعرفش اختراع اسمه (غسيل الوش بعد ما تقوم من النوم) .... هم شوية خناق مع اخواته ويبقى صحصح على الآآآآآآآخر .... - بدل تمارين الصباح ... اهي رياضه برضه :)
3- طبعا بعد الخناق ده بيبقى جعان ... تلاقيه بيحوم في الشقه ويدوّر في المطبخ على اي حاجه ..... انشالله صرصار .. برضه هاياكله من الجوع عشان كده ماتلاقيش في بيتهم صراصير
4- بعد ما يحط في بطنه اي حاجه في رغيف ... يدور على اي حاجه يلبسها .... القميص مرمي تحت السرير ... ويقلع اخوه الصغير البنطلون بتاعه وهو نايم وتلاقي هدومه كلها مكرمشه ... تقولوش طالعه من بق كلب -
5- طب وبعدين .... ساعتين بيدور على الجزمه ... مش عارف رزعها فين ... واخوه الكبير خارج من البيت حافي كمان عشان
مايقولش انه خدها ... افتكر اخيرا انه حاطط فرده منهم فوق الدولاب .... والتانيه ... تحت التلاجه - طبعا ما يعرفش اختراع اسمه الشرابات -
6- دلوقتي معاد حرب كل يوم .. : ماما ... انا عايز مصروفي
: مصروف ايه ياااااض ... انت مش واخد امبارح .. ولا كل يوم مصروف مصروف
: يعني مافيش اي حاجه ؟؟؟ : في دي ..... دييييب ...
- ضربة بالحله على نافوخه -
7- الباشمهندس الصغير .... مايعرفش فين كتبه ولا كشاكيله اصلا .... عشان كده ... خد اي كتاب موجود في البيت على اي كشكول .... - مايعرفش يعني ايه قلم .... غير اللي بياخده على قفاااه -
8- هايروح مدرسته ازاي ؟؟؟ طبعا اي ميكروباز او عربيه نقل وقضيها شعبطه وغالبا بيكون موتو رجل زي الصورة دي
بالظبط :)
You can see links before reply

((نهاية الجزء الاول))

دعاء شديد

14-09-2009, 03:51 AM

فرافيرو وشلضم

هههههههههههههههههه

بس نسيت تقول ان شلضم

لازم يضرب شندوشتين فول من

عربيه عم سمعه ويحبس بواحد شاى من قهوة كتكوت

بس عارف يا وليد ان فى الحقيقه

ساعات بيبقى شلضم وفرفيروا فى مدرسه واحده

وبتبقى مهزله تموت من الضحك

فى انتظار الجزء الثانى

مسيو وليد عسكر

14-09-2009, 03:58 AM

بسم الله الرحمن الرحيم

بعض الطرائف عن ما يدور بين الأساتذة الطلاب الأذكياء من عينه فرافيرو وشلاضيمو You can see links before reply

You can see links before reply

You can see links before reply

You can see links before reply

You can see links before reply

You can see links before reply

You can see links before reply

الصبر من عندك يارب:)

مسيو وليد عسكر

14-09-2009, 04:14 AM

*فرافيروا وشلته (حمادة وتوتو 000
1- العيال كلهم واقفين في صفوف شكلها يفرح .. ده غير ريحتهم اللي زي الفل
- نضافه رباااااااااني -
2- الطابور كله تمارين ونشاط ....
- على انغام الدي جي
3- الاذاعه المدرسيه .... اخبار من مجلات (واشنطون بوست) - وطبعا .... مافيش ترجمه -
4- يغنو النشيد الوطني بقيادة المايسترو (سليم سحاب)
- (حسن كامي) ... كان بيغنيه معاهم قبل ما ربنا يفتح عليه -
5- طالعين فصولهم وكأنهم ملايكه أو فراشات ... وبحماس ونظاااام
- تقريبا ... والله أعلم ... بيحبو مدرستهم .... سبحان الله -
شلاضيمو 00
1- داخل المدرسه متأخر وحالته نيله
- اتشعبط في مكروباز (شبرا) ... ومدرسته اصلا في (الحلميه)
2- بعد التذنيب والشتيمه من مدرس الألعاب (حسن أبو شفه) ... انضم لباقي زمايله في المعتقل ... سوري ... زمايله في المدرسه
- ولا واحد منهم فاهم هو فين أصلا ... واتضح ان صاحبنا أكتر واحد شيييك فيهم -
3- الأثاحه الملثيه ..... تحريف لكلمة (الاذاعة المدرسيه) ...
- تخيلو انتو باقي الأخبار بقى -
4- النشيد الوطني اللي هم بيقولوه .... بتاع دوله مجهوله ... ونفسي اعرف ايه هي؟؟؟
- طبعا على موسيقا آلات النفخ .... الشيشه -
5- في مرحلة طلوعهم الفصول .... بيختلط الحابل بالنابل ....
- ياترى انا في فصل ايه النهارده ؟؟؟ -
بعد المدرسه ما تخلص ... بيرجعو على بيوتهم بنفس الاسلوب .... ونشوف يومهم عامل ازاي دلوقتي

فرافيرو

1- يرجع من السكول تكون الداده في استقباله ... وتشيل منه الشنطه ... ويغسل وشه ويغير هدومه
- والله العظيم ... وشه انضف من ما كان طالع الصبح أصلا -
2- بعد ما اتشطف .... يقعد يلعب بلاي ستيشن لحد ما السفرجي يجهز الغدا
- الغدا بتاعهم بنشوفه في المسلسلات المصرية حاجة مستفزة وكل الاعديين علي السفرة متنشيين وطبعا بابا اعد زي عماد حمدي بروب ساتان وكرافته وفارق شعرة من التلات اربع بسكينه 000
3-فرافيرو... دينر از ريدي ( ده السيييم بتاعهم لما يجهز الغدا )

4- بعد الغدا ... يشرب (اورانج جووس) وينام ساعه عشان يعرف يذاكر ويحل الهوم وورك
You can see links before reply (You can see links before reply)

شلاضيمو
1- أخينا رجع من المعتقل ... او المدرسه زي مابيقولو عليها ... وهدومه كلها مقطعه وعلامات التعذيب على جسمه ...
- تقولوش جاسوس اسرائيلي اتمسك في حلوان -:)
You can see links before reply (You can see links before reply)

2- امه لسه ماخلصتش الغدا ...
- النهارده امه دابحه دكر جبنه بيضه ... واحتمال يكون في فول بالصلصه -
3- ترااااادااترااااااااااااااااااااااااا ...
- دي اعلان الحرب ... أو الغدا <هجووووووووووم> -
4- بعد اكلة الفول بالصلصه ومعاه فحلين بصل ... عادة ما يعقبها احساس بالضياع
- تنااااااااحه ... فور آيفير -
بعد حالة التناحه او النوم دي ... بيجي وقت الشده ...
ياترى الحياه مع فرافيرو وشلاضيمو ايه ؟
ده عنوان الجزء الثالث

مسيو وليد عسكر

14-09-2009, 04:30 AM

فرافيرو
1- يقوم من النوم على صوت الداده ... الهادي طبعا .. عشان يقوم يذاكر مع المس (فرانكا) ... المدرّسه اللي جايبنهاله من انجلترا
- نازله مخصوص ....... بالكاتالوج -
2- بعد ما يخلص المذاكره وتحضير دروس تاني يوم .... مامته تاخده النادي عشان يلعب رياضه (باسكت او تنس) و احتمال (سكواش)
- مشتركين في نادي المعادي والصيد والشمس ... ده غير سبورتنج في الصيف -
3- يرجع من النادي ... ياخد دش ويحضر شنطته وينزل يتفرج على شانل تو
- شانل تو بتاعة الام بي سي ... مش بتاعة مصر طبعا -
4- على الساعه 10 يقوم عشان ينام .... والداده تحكيله حكايه قبل النوم
- سندريللا وسنوو وايت (لا مؤاخذه يا اميرة) ... مش ابو رجل مسلوخه وامنا الغوله -
5- ينام على صوت الداده وهي بتغنيله اغنيه رومانسيه ... وفي حضنه الدبدوب اللي جاله في عيد ميلاده
- ملاك نايم يا اخواتي
شلاضيمو
1- يفوق من حالة التناحه من الفول والبصل على صوت حد من صحابه ... عشان ينزل يلعب كوره شراب في الخرابه اللي جنب الحاره بتاعتهم-( نفس بدايات ابراهيم سعيد)
2- يرجع بيتهم وهو بيجري وهدومه متقطعه ودماغه واخده بتاع تلاتين قلم على سهوه .... عشان شاط الكوره وكسر القزاز بتاع محل (عم سيد) البقال
- الراجل ده من كتر القزاز بتاعه ما اتكسر ... هايفتح مصنع قزاز:)
3- اخته جابته عشان يحل الواجب ويذاكر .. بس مامعاهوش قلم ... قام نزل الشارع عشان يجيب قلم
- آدي دقني لو جاب ولا حتى رجع من أصله
4- على الساعه 2 الفجر ... باب بيتهم بيخبط .. وامه فتحت الباب شافت جارهم دماغه متعوره وجايب لها المحروس اللي كان بيلعب حرب بالطوب وفتح دماغه
- تقولش طفل من أطفال الانتفاضه
5- ساب امه وابوه وهم بيصالحو جارهم وبيبوسو ايده عشان ما يعملوش محضر .... واتسحّب المفعوص على المطبخ جاب حتة جبنه وطماطمايه ورغيف معطن .... وزوغان على السرير
- بسلامته نايم وهو متلفح بالبطانيه زي مايكون من مطاريد الجبل

نهاية الجزء الثالث
والي الجزء الرابع
قريبا ان شاء الله

مستر أشرف فوده

14-09-2009, 05:02 AM

ههههههههههههههههههههههه
ملعوبه يا ريس و موضوع لذيذ قوى

Blanche Neige

14-09-2009, 05:47 AM

4- على الساعه 10 يقوم عشان ينام .... والداده تحكيله حكايه قبل النوم
- سندريللا وسنوو وايت (لا مؤاخذه يا اميرة) ... مش ابو رجل مسلوخه وامنا الغوله -

لا ولا يهمك خد رحتك
بس ياسلام بقى اذا كانت القصه
بتتحكاله بالفرنساوى يعنى تبقى (Blanche Neige et les 7 nains)
تبقى بجد تحفه وهاتتناسب معاه اكتر بس بجد
وبعيد عن الموضوع الرائع انت عارف انى
باشتغل فى مدرسة لغات خاصه ودوليه
كمان بس صدقنى والله ياوليد عندنا فالمدرسه موجود النوعين
دول بجد فى طالب تشوفه تحس انه فعلا ملاك
وطالب تانى تحسه انه بلطجى وواخدها كده
بالخناق والبلطجه والاتنين بيجمعهم
حاجه واحده هنا بقى وهى الفلوس
بس البيئات الاجتماعيه هى اللى
بتختلف من واحد للتانى
موضوع اكتر من رائع
باحييك عليه :27:

الأستاذ

14-09-2009, 06:12 AM

You can see links before reply

مسيو وليد عسكر

14-09-2009, 12:45 PM

ههههههههههههههههههههههه

ملعوبه يا ريس و موضوع لذيذ قوى

الف شكر اشرف باشا علي مروك العطر وكل عام وانتم بخير

مسيو وليد عسكر

14-09-2009, 12:50 PM

4- على الساعه 10 يقوم عشان ينام .... والداده تحكيله حكايه قبل النوم
- سندريللا وسنوو وايت (لا مؤاخذه يا اميرة) ... مش ابو رجل مسلوخه وامنا الغوله -

لا ولا يهمك خد رحتك
بس ياسلام بقى اذا كانت القصه
بتتحكاله بالفرنساوى يعنى تبقى (blanche neige et les 7 nains)
تبقى بجد تحفه وهاتتناسب معاه اكتر بس بجد
وبعيد عن الموضوع الرائع انت عارف انى
باشتغل فى مدرسة لغات خاصه ودوليه
كمان بس صدقنى والله ياوليد عندنا فالمدرسه موجود النوعين
دول بجد فى طالب تشوفه تحس انه فعلا ملاك
وطالب تانى تحسه انه بلطجى وواخدها كده
بالخناق والبلطجه والاتنين بيجمعهم
حاجه واحده هنا بقى وهى الفلوس
بس البيئات الاجتماعيه هى اللى
بتختلف من واحد للتانى
موضوع اكتر من رائع

باحييك عليه :27:

الف شكر يا اميرة علي مشاركتك الايجابية وياريتحكي لنا عن موقف لك مع عينه من هؤلاء الطلاب 0000ومتنسيش انك وعدتيني بموضوع عن مدرسة الدلتا بالصور :)

مسيو وليد عسكر

14-09-2009, 12:56 PM

You can see links before reply
ياصورك ياباشا000 رائع حتي في صورك 000الف شكر مستر حسن

شريف

14-09-2009, 02:18 PM

ههههههههههههههه
تجسيد رائع للشلضمة التي نتعرض لها كمعلمين
كل يوم في مدراسنا
ان هذه الشلضمة هي السبب الرئيسي لضغطي العالي
:bosyht9:
موضوع في الجون يا مسيو
مبدع و متألق و بارع من زمان أوي
و موضوعاتك لها مذاق خاص جدا
:006et4:
أشتم رائحته المبهجة من علي بعد عشر منتديات

مسيو وليد عسكر

14-09-2009, 02:38 PM

ههههههههههههههه

تجسيد رائع للشلضمة التي نتعرض لها كمعلمين
كل يوم في مدراسنا
ان هذه الشلضمة هي السبب الرئيسي لضغطي العالي
:bosyht9:
موضوع في الجون يا مسيو
مبدع و متألق و بارع من زمان أوي
و موضوعاتك لها مذاق خاص جدا
:006et4:
أشتم رائحته المبهجة من علي بعد عشر منتديات

اشكرك يا شريف علي كلماتك المشجعة لي دائما ولكن الفكرة قراتها سابقا وطورت فيها اما الشخصيتين فهما من افكاري الخاصة واتمني تطويرها بشكل افضل في الاجزاء القادمة

dream

14-09-2009, 03:52 PM

ياسلام على الفرفور ده

والشلضم ده

بس على فكرة انت كده مخلى الشلضم مفيش اى سيطرة عليه حتى فى المدرسة

وانا احتج فى ادارة مدرسة تقدر تتحكم فى كل انواع الطلبة
بس بجد

احييك على الحبكة الدرامية

وبالفعل عندنا فى المدارس موجود الصنفين وفى فصل واحد

بس الفرفور بجد ممكن يتاثر بالشلضم

ويبقى فرفور مشلضم

ربنا يستر

تسلم يديك يا مسيو

ومنتظرين الباقية

مسيو وليد عسكر

14-09-2009, 06:22 PM

هههههههههههههههههه

بس نسيت تقول ان شلضم

لازم يضرب شندوشتين فول من

عربيه عم سمعه ويحبس بواحد شاى من قهوة كتكوت

بس عارف يا وليد ان فى الحقيقه

ساعات بيبقى شلضم وفرفيروا فى مدرسه واحده

وبتبقى مهزله تموت من الضحك

فى انتظار الجزء الثانى

معلش يا باشا
ماخدتش بالي لاني كنت مشغول بتنسيق الموضوع وتنزيل الصور
بس انتي ماقلتليش كنتي في المدرسه شلاضيمو ولا فرافيرو
مع اني متاكد من الاجابه بس احب اسمعها منك
وبالنسبة للفول 000بقي دلوقتي عملة نادرة عند بعض الناس اللي مقضينها عيش حاف ومرضيين
نورتي الموضوع يادعاء بطلتك الجميلة:)

مسيو وليد عسكر

14-09-2009, 06:27 PM

ياسلام على الفرفور ده

والشلضم ده

بس على فكرة انت كده مخلى الشلضم مفيش اى سيطرة عليه حتى فى المدرسة

وانا احتج فى ادارة مدرسة تقدر تتحكم فى كل انواع الطلبة
بس بجد

احييك على الحبكة الدرامية

وبالفعل عندنا فى المدارس موجود الصنفين وفى فصل واحد

بس الفرفور بجد ممكن يتاثر بالشلضم

ويبقى فرفور مشلضم

ربنا يستر

تسلم يديك يا مسيو

ومنتظرين الباقية

فيه فرق بين الفرفور الاصلي والمتفرفر بعوامل خارجيه
وبين الشلضوم الاصلي والمتشلضم برضه ببعوامل خارجيه
يعني احنا عندنا ولاد مالهمش في الشلضمة والشقاوة بس بيحاول يبقي كده كنوع من اثبات الرجولة المبكرة امام اقرانه وللخروج عن النمط التقليدي للولد الناعم 000بس اللي زي ده بيتفقس بسرعه ومع اول قلم بياخده لما بيتثبت وهو راجع بليل من الدرس بيعود الي قواعده في الفرفرة سالما :)000ومش هنسي ابدااا ولدين من مدرسة ثانويه مجاوره لينا ثبتوا طلاب المدرسة كلها وكل فرفور منهم خاف يروح الا لما الشرطة جت 0000نورتي الموضوع يا احلام 0000بس فين صورك الجميله اللي بتثري اي موضوع ؟:)

السيد سليم

14-09-2009, 06:28 PM

شكرا لك اخي وليد موضوع اكثر من رائع يجسد التناقض الكبير في المجتمع المصري

مسيو وليد عسكر

14-09-2009, 06:31 PM

شكرا لك اخي وليد موضوع اكثر من رائع يجسد التناقض الكبير في المجتمع المصري

منور بيتك يا اخي الغالي وسعيد جداا بعودتك للصفوف مرة اخري وننتظر منك ان شاء الله الكثير في قسم العلوم في المرحلة الابتدائية

نعمه محمود

14-09-2009, 09:37 PM

موضوع رائع مسيو وليد ولكن دعنى اقول لك ان هناك الان فرافير متشلضمين او شرضيم متفرفرين وده نتيجة ظهور les nouvaux riches حيث لاقيم ولا اتكيت كل ماهنالك اموال جاءت من عصور الانفتاح
احكى لك قصة فرفورة عندى في الفصل اللي اساسا كله شلاضيمات .مرة الشلاضيمات حبو ينزلو يتمشو في وسط البلد:friendsxs3:( طبعا على حساب الفرفورة) نزلو على كنتاكى التحرير كلوا وبعدين اتمشوا شويه مفيش مانع من ايس كريم عن العبد .طيب نروح بقي كفايه كده مفيش فلوس يرجعوا بيها
فرفورة قعدت تعيط:28:قالوا لها ايه مش مستاهله عياط احنا نطلب اجرة التاكسي من اى ست وهنصعب عليها متقلقيش .هى طبعا وقفت بعيد وهما راحوا على ست بتركن عربيتها ا وطلبوا منها فلوس عشان صحبتهم اللي بتعيط قالت لهم لا متعيطش نادوا عليها راحوا يفرحوها خلاص الست هتدينا الفلوس وناخد تاكسي ونرجع تعالى راحت معاهم :7:يانهار دى طلعت مامتها

شمس بياض

14-09-2009, 10:03 PM

اصدق ان فيه شلاضيم بس مش بدرجه اللى بتقول عليها دهيت يا مسيو

الا انى استغرب هل فعلا يوجد الصنف التانى فرافيروا الا فى التلفزيون يعنى حقيقى حقيقى

ودا بسلامته لما يكبر بيبقى راجل كده ملو هدومه

ومالى مكانته

ولا بيستنى مامته نونه

لما تحكيله حدوته

رائع بجد يا مسيو

متناقضين يبرزان ما فى مجتمعنا من خلل

وعدم الاهتمام بشلاضيمو
لو اهتم به فرافيرو شويه وكان فيه عداله فى التوزيع وتطبيق منهج التكافل الاجتماعى فسوف لا نجد
هذا الشتات
الذى يشتت امثالى

الحمد لله بيئتنا لا يوجد فيها امثال شلاضيموا ولا فرافيرو
ممكن وسط الحمد لله
اسلوبك فى عرض الشخصيتين ممتع حقيقى ويوضح مدى ما وصل اليه الانسان فى ظل مجتمع
بيشترى للكلب طعاما فى اليوم بمرتبى انا شهريا
حتى الكلاب لها حظ
فيه اكيد كلاب فرافيرو وشلاضيمو برضه
ما فيه واحد قريبنا اشترى كلب وجايب له شامبو وكان مضحكه للبلد كلاتها
كلب ربى معزة تنفعك كلب
واهى حظوظ

دعاء شديد

14-09-2009, 10:23 PM

معلش يا باشا
ماخدتش بالي لاني كنت مشغول بتنسيق الموضوع وتنزيل الصور
بس انتي ماقلتليش كنتي في المدرسه شلاضيمو ولا فرافيرو
مع اني متاكد من الاجابه بس احب اسمعها منك
وبالنسبة للفول 000بقي دلوقتي عملة نادرة عند بعض الناس اللي مقضينها عيش حاف ومرضيين
نورتي الموضوع يادعاء بطلتك الجميلة:)

هههههههههههههههه
شوف يا وليد يا اخويا

لحد العدادية كنت فرفورة بجد
من تانيه ثانوى بقيت شلضومايه
وده لان مدرستى مكنش فيها ثانوى
فنقلت مدرسة حكومة
طبعا جاتلى صدمة حضاريه فى الاول فظيعه
تصور انت منقول من مدرسه اقصى عدد للفصول "5"
لمدرسه عدد فصولها ممكن يوصل "20" فصل
والله يا وليد الي هحكيهولك ده حصلى اول يوم فى المدرسه

اول مدخلت لقيتلك صحراء جرداء
وانا مدرستى كانت كلها جناين وورد
المهم

دخلونا الفصول وانا الفصل بتاعى كان فى بطن الجبل
طبعا انا خلاص كنت فقدت النطق من اول لحظة فى المدرسه

جت الفسحة ومصدقت نزلت لاصحابى الي كانوا معايا
فى مدرستى والي حالهم من حالى ... وخلصت الفسحة

انى اعرف ارجع فصلى تانى ... والله معرفت مكانه
واعدت اعيط بجد تايهه بقى ومرعوبه اتأخر على الحصه

لحد ممشرفه شافتنى وقالتى مالك وعرفت انى مش عارفه
ارجع الفصل فضحكت طبعا ووصلتنى

ودى كانت نهايه شخصيه الفرفورة
وبقيت شلضومايه بجد بقى

مسيو وليد عسكر

14-09-2009, 10:56 PM

موضوع رائع مسيو وليد ولكن دعنى اقول لك ان هناك الان فرافير متشلضمين او شرضيم متفرفرين وده نتيجة ظهور les nouvaux riches حيث لاقيم ولا اتكيت كل ماهنالك اموال جاءت من عصور الانفتاح
احكى لك قصة فرفورة عندى في الفصل اللي اساسا كله شلاضيمات .مرة الشلاضيمات حبو ينزلو يتمشو في وسط البلد:friendsxs3:( طبعا على حساب الفرفورة) نزلو على كنتاكى التحرير كلوا وبعدين اتمشوا شويه مفيش مانع من ايس كريم عن العبد .طيب نروح بقي كفايه كده مفيش فلوس يرجعوا بيها
فرفورة قعدت تعيط:28:قالوا لها ايه مش مستاهله عياط احنا نطلب اجرة التاكسي من اى ست وهنصعب عليها متقلقيش .هى طبعا وقفت بعيد وهما راحوا على ست بتركن عربيتها ا وطلبوا منها فلوس عشان صحبتهم اللي بتعيط قالت لهم لا متعيطش نادوا عليها راحوا يفرحوها خلاص الست هتدينا الفلوس وناخد تاكسي ونرجع تعالى راحت معاهم :7:يانهار دى طلعت مامتها
ههههههه
فكرتيني بالروش اللي لما حب يعاكس واحدة طلعت مراته
منوره الموضوع بجد بلمستك الرائعه وربنا يبعد عنك تفاهة الفرافير وتشرد الشلاضيم ويرزقك بطلاب لا يحبون الا العلم ولا شيء غيره 000

مسيو وليد عسكر

14-09-2009, 11:00 PM

اصدق ان فيه شلاضيم بس مش بدرجه اللى بتقول عليها دهيت يا مسيو

الا انى استغرب هل فعلا يوجد الصنف التانى فرافيروا الا فى التلفزيون يعنى حقيقى حقيقى

ودا بسلامته لما يكبر بيبقى راجل كده ملو هدومه

ومالى مكانته

ولا بيستنى مامته نونه

لما تحكيله حدوته

رائع بجد يا مسيو

متناقضين يبرزان ما فى مجتمعنا من خلل

وعدم الاهتمام بشلاضيمو
لو اهتم به فرافيرو شويه وكان فيه عداله فى التوزيع وتطبيق منهج التكافل الاجتماعى فسوف لا نجد
هذا الشتات
الذى يشتت امثالى

الحمد لله بيئتنا لا يوجد فيها امثال شلاضيموا ولا فرافيرو
ممكن وسط الحمد لله
اسلوبك فى عرض الشخصيتين ممتع حقيقى ويوضح مدى ما وصل اليه الانسان فى ظل مجتمع
بيشترى للكلب طعاما فى اليوم بمرتبى انا شهريا
حتى الكلاب لها حظ
فيه اكيد كلاب فرافيرو وشلاضيمو برضه
ما فيه واحد قريبنا اشترى كلب وجايب له شامبو وكان مضحكه للبلد كلاتها
كلب ربى معزة تنفعك كلب

واهى حظوظ

اي موضوع يبيتكتب هنا مابيكونش له طعم الا بمشاركة من الاستاذة نور فهي تضفي دائما وابداا حضورا مميزا علي اي موضوع باسلوب فريد تنفرد به 0000لا حرمنا الله من مشاركاتك وتشجيعك000عاجز عن شكرك والله:18:

dream

14-09-2009, 11:14 PM

0000نورتي الموضوع يا احلام 0000بس فين صورك الجميله اللي بتثري اي موضوع ؟:)

ولا تزعل اتفضل شوية كاركتير عن الطلبة الجميلة خالص

You can see links before reply

You can see links before reply

You can see links before reply

You can see links before reply

You can see links before reply (You can see links before reply)

You can see links before reply (You can see links before reply)
You can see links before reply (You can see links before reply)

You can see links before reply (You can see links before reply)

You can see links before reply (You can see links before reply)

ولسه ياما هنشوف

مسيو وليد عسكر

14-09-2009, 11:19 PM

هههههههههههههههه

شوف يا وليد يا اخويا

لحد العدادية كنت فرفورة بجد
من تانيه ثانوى بقيت شلضومايه
وده لان مدرستى مكنش فيها ثانوى
فنقلت مدرسة حكومة
طبعا جاتلى صدمة حضاريه فى الاول فظيعه
تصور انت منقول من مدرسه اقصى عدد للفصول "5"
لمدرسه عدد فصولها ممكن يوصل "20" فصل
والله يا وليد الي هحكيهولك ده حصلى اول يوم فى المدرسه

اول مدخلت لقيتلك صحراء جرداء
وانا مدرستى كانت كلها جناين وورد
المهم

دخلونا الفصول وانا الفصل بتاعى كان فى بطن الجبل
طبعا انا خلاص كنت فقدت النطق من اول لحظة فى المدرسه

جت الفسحة ومصدقت نزلت لاصحابى الي كانوا معايا
فى مدرستى والي حالهم من حالى ... وخلصت الفسحة

انى اعرف ارجع فصلى تانى ... والله معرفت مكانه
واعدت اعيط بجد تايهه بقى ومرعوبه اتأخر على الحصه

لحد ممشرفه شافتنى وقالتى مالك وعرفت انى مش عارفه
ارجع الفصل فضحكت طبعا ووصلتنى

ودى كانت نهايه شخصيه الفرفورة

وبقيت شلضومايه بجد بقى

مش عارف ليه يا دعاء لما تخيلتك تلميذه مفعوثه بضفرتين واعدة في الفصل زي البنات الطيبين الشطار اللي بيسمعوا الكلام وبيشربوا اللبن قبل ما يناموا 000ضحكت جدااا علي الصورة دي
You can see links before reply

انا متهيالي كده انتي اتولدتي شريرة من يومك 000شبراويه شبراواية يعني000:)
You can see links before reply
ياسلام بقي لو كنتي تتحفينا بصورتين لك اثناء دراستك 00
صورة ايام الفرفرة وتحتها تعليق
((قطة مغمضة يا ولاد 000ماتبحلقوش انا بتكثف بقي :bosyht9:))
وصورة ايام الشلضمة وانتي في ايدك سنجه ورافعه حاجب ومنزلة حاجب زي فريد شوقي في افلام زمان وانتي بتقولي ((طيب يا واو الجماعة 000ده انتوا هتشوفوا مني ايام اسود من قرن الخروب0000بت يا شكشكة هاتي شوية ميه نار اهدي بيهم اعصابي اصلي شكلي كده هعملها النهارده مع مع واو الزفت دي 000اوف دي عيشه تقصر العمر :16:))

طارق ممدوح ذكي محمد

14-09-2009, 11:37 PM

موضوع لذيذ جدا يا وليد ولي

مشاركة لاحقة باذن الله

شريف

14-09-2009, 11:50 PM

انا كمان عن نفسي يا وليد
كنت ف مدرسة حكومي
و لم أري أمامي الا الشلضمة
و من يومها
و حتي الان
و انا اري كل يوم
نوع من انواع الشلضمة
في شخصية جديدة كل يوم
حتي في المنتديات يا اخي
الشلضمة انتشرت
ههههههههههه
بس طبعا كان لنا صحاب مفرفرين
بس انا عموما لا كنت بطيق دول و لا دول
أحب الوسط
استمر في موضوعك الرائع
منتظرين المزيد

الاستاذ على الدين يحيى

14-09-2009, 11:58 PM

الموضوع جميل جميل ورائع لأن أسلوبة سلس جداً ومتناغم وطريقة عرضه شيقة جداً جداً - حتى الردود كانت جميلة جداً ورائعة
بجد أشكرك على الموضوع يا مستر وليد
جعلتنى أقرأه بنهم وسعادة فى نفس الوقت
لكن على فكرة هناك نوع ثالث من الطلبة لم تذكره - وهو الطالب المؤدب جداً ولكنه فقير - فلا هو فرفور ولا هو شلضم
أنا أتذكر أننى عندما كنت تلميذ بالابتدائى كانت شنطتى قماش من نفس قماش المريلة الكاكى ( وهو الزى الرسمى لجميع تلاميذ الابتدائى وقتها )
وكانت المدرسة بالنسبة لى تحصيل العلم والعودة لعمل الواجب حتى لا يعبطنا الاستاذ فى اليوم التالى أو يمدنا على أرجلنا كام عصاية لعدم عمل الواجب
وكانت أمى رحمها الله تكوى لى المريلة بمكوى حديد توضع على الباجور لتسخينها وأحيانا كنت أكويها بوضعها تحت مرتبة السرير للصباح . وكنت فى الفصل لا تسمع لى صوت سوى إذا سألنى المعلم سؤال
وأذكر أننى لم أحصل على شنطة جلد ألا بعد عناء شديد وبكاء مرير وكانت بالصف الأول الأعدادى .
عموماً هذا الكلام كان سنة 1963 يعنى من كتاب التاريخ بتاع دلوقت
مرة أخرى شكراً على الموضوع الشيق الذى أعاد لى ذكريات جميلة كنت قد نسيتها
حفظك الله وأدام عليك الهدى والسعادة والصحة الجيدة

مسيو وليد عسكر

15-09-2009, 12:34 AM

ولا تزعل اتفضل شوية كاركتير عن الطلبة الجميلة خالص

You can see links before reply

You can see links before reply

You can see links before reply

You can see links before reply

You can see links before reply (You can see links before reply)

You can see links before reply (You can see links before reply)
You can see links before reply (You can see links before reply)

You can see links before reply (You can see links before reply)

You can see links before reply (You can see links before reply)

ولسه ياما هنشوف

ايه ده كله ايه ده كله
ايه الجمال ده
هو علشان عارفه اني بحب الكاريكاتير تتعبي اعصابي بالتابلوهات الجميله دي
متشكر جدااا يا احلام واعملي حسابك بعد كده اي موضوع ليا متجيش وايدك فاضيه
لازم شويه صور كده علي ذوقك الحلو
ربنا يبارك فيكي ويديكي الصحة والعافية

مسيو وليد عسكر

15-09-2009, 12:36 AM

موضوع لذيذ جدا يا وليد ولي

مشاركة لاحقة باذن الله

منتظر مشاركتك يا طارق الخير وعارف ان خفة دمك هتثري الموضوع بشكل ملفت للنظر

مسيو وليد عسكر

15-09-2009, 12:37 AM

انا كمان عن نفسي يا وليد

كنت ف مدرسة حكومي
و لم أري أمامي الا الشلضمة
و من يومها
و حتي الان
و انا اري كل يوم
نوع من انواع الشلضمة
في شخصية جديدة كل يوم
حتي في المنتديات يا اخي
الشلضمة انتشرت
ههههههههههه
بس طبعا كان لنا صحاب مفرفرين
بس انا عموما لا كنت بطيق دول و لا دول
أحب الوسط
استمر في موضوعك الرائع

منتظرين المزيد

مشاركتين للكنج في موضوع واحد
ده كتير عليا ياباشا
هكون طماع اكتر لو عملت لي جزء عن الشلضمه برؤيتك الجميله واسلوبك الساخر الكوميدي الجميل

مسيو وليد عسكر

15-09-2009, 12:46 AM

الموضوع جميل جميل ورائع لأن أسلوبة سلس جداً ومتناغم وطريقة عرضه شيقة جداً جداً - حتى الردود كانت جميلة جداً ورائعة
بجد أشكرك على الموضوع يا مستر وليد
جعلتنى أقرأه بنهم وسعادة فى نفس الوقت
لكن على فكرة هناك نوع ثالث من الطلبة لم تذكره - وهو الطالب المؤدب جداً ولكنه فقير - فلا هو فرفور ولا هو شلضم
أنا أتذكر أننى عندما كنت تلميذ بالابتدائى كانت شنطتى قماش من نفس قماش المريلة الكاكى ( وهو الزى الرسمى لجميع تلاميذ الابتدائى وقتها )
وكانت المدرسة بالنسبة لى تحصيل العلم والعودة لعمل الواجب حتى لا يعبطنا الاستاذ فى اليوم التالى أو يمدنا على أرجلنا كام عصاية لعدم عمل الواجب
وكانت أمى رحمها الله تكوى لى المريلة بمكوى حديد توضع على الباجور لتسخينها وأحيانا كنت أكويها بوضعها تحت مرتبة السرير للصباح . وكنت فى الفصل لا تسمع لى صوت سوى إذا سألنى المعلم سؤال
وأذكر أننى لم أحصل على شنطة جلد ألا بعد عناء شديد وبكاء مرير وكانت بالصف الأول الأعدادى .
عموماً هذا الكلام كان سنة 1963 يعنى من كتاب التاريخ بتاع دلوقت
مرة أخرى شكراً على الموضوع الشيق الذى أعاد لى ذكريات جميلة كنت قد نسيتها
حفظك الله وأدام عليك الهدى والسعادة والصحة الجيدة
يا سلام يا استاذ علي علي بساطتك وتلقائيتك
فعلا الكبير كبير
تعطينا دائما درسا في الوقار والشفافية واحمد الله اني تسببت في استعادة حضرتك لذكريات جميله
منحك الله الصحة والعافية اللهم امين

ياسر الدقاق

15-09-2009, 12:50 AM

الله عليك يا مسيو و ليد
موضوع رائع وسرد للأحداث جميل كأنك تروي شيئاً رأيته
وبس شايفك متحامل علي الطلبه الشلاضمه شويه
يعني ربطك ما بين الفقر والشلضمه والغني والفرفرة
يعني مش كل طالب فقير يكون شلضوم ومش بيفكر في التعليم
ومش كل طالب غني يكون فرفور ومهتم كل الإهتمام بالتعليم
مثلاً في بلدنا عائله غنية جداً أعلي واحد متعلم عندهم حاصل علي دبلوم
علي العكس عائله فقيرة جداً وبها العديد من الأطباء والمهندسين والأساتذه وغيرها
لكن بجد موضوع رائع
يستحق المتابعة
ومنتظرين المزيد
حتي يتخرج كل من الفرفور والشلضوم
ونشوف أخرتهم هتكون فين

:6::6::6::6:

مسيو وليد عسكر

15-09-2009, 12:59 AM

الله عليك يا مسيو و ليد

موضوع رائع وسرد للأحداث جميل كأنك تروي شيئاً رأيته
وبس شايفك متحامل علي الطلبه الشلاضمه شويه
يعني ربطك ما بين الفقر والشلضمه والغني والفرفرة
يعني مش كل طالب فقير يكون شلضوم ومش بيفكر في التعليم
ومش كل طالب غني يكون فرفور ومهتم كل الإهتمام بالتعليم
مثلاً في بلدنا عائله غنية جداً أعلي واحد متعلم عندهم حاصل علي دبلوم
علي العكس عائله فقيرة جداً وبها العديد من الأطباء والمهندسين والأساتذه وغيرها
لكن بجد موضوع رائع
يستحق المتابعة
ومنتظرين المزيد
حتي يتخرج كل من الفرفور والشلضوم
ونشوف أخرتهم هتكون فين

:6::6::6::6:

معاك حق مستر ياسر في وجهه نظرك وان كان الموضوع بيتناول شريحة موجوده بالفعل من الطلبة وليس كل الطلبة قد يكون الطالب فقيرا ولكنه متفوق وافضل من اي طالب ثري000 فالمقصود ان احيانا اظروف الاقتصادية قد تكون سببا في خلق سلوكيات حياتية معينة ولكن التناول كان لشريحة محدده تظهر فيها هذه السلوكيات وليس للكل
اشكرك علي مداخلتك الجميله اخي الفاضل

دعاء شديد

15-09-2009, 01:19 AM

مش عارف ليه يا دعاء لما تخيلتك تلميذه مفعوثه بضفرتين واعدة في الفصل زي البنات الطيبين الشطار اللي بيسمعوا الكلام وبيشربوا اللبن قبل ما يناموا 000ضحكت جدااا علي الصورة دي

شاطرة اه انما طيبه لأ

انت بتسمعي منسي بجرم كتير ؟

انا متهيالي كده انتي اتولدتي شريرة من يومك 000شبراويه شبراواية يعني000:)

هههههههه
ماشى يا وليد متعتبرها انى شريرة
كنت شقيه اوى ومكنتش بسيب حد فى حاله
لا فى البيت ولا فى المدرسه ولا فى العيله

يادوبك بس كنتي شقية وفيه موس دايما تحت لسانك
ياسلام بقي لو كنتي تتحفينا بصورتين لك اثناء دراستك 00
صورة ايام الفرفرة وتحتها تعليق
((قطة مغمضة يا ولاد 000ماتبحلقوش انا بتكثف بقي :bosyht9:))

والله كانت صور تفرح
وماما محتفظة بصورنا بتاعت المدرسه
من الحضانه لحد الاعدادى
والشهادات كمان ... اتحف شهاده بتاعت
الحضانه لان فيها خانه للسلوك
والمعامله مع الاخرين
اه تقصدي شهادة معاملة الاطفال:)

وصورة ايام الشلضمة

للاسف مرحله مكنتش حابه اوثقها
باى صور لانى بجد كنت كارهه المدرسه جدا
فمتصورتش نوهائى
اكيد النيجاتف اتحرق
مش ده برضه ايام الابيض واسود ؟:)

وانتي في ايدك سنجه ورافعه حاجب ومنزلة حاجب زي فريد شوقي في افلام زمان وانتي بتقولي ((طيب يا واو الجماعة 000ده انتوا هتشوفوا مني ايام اسود من قرن الخروب0000بت يا شكشكة هاتي شوية ميه نار اهدي بيهم اعصابي اصلي شكلي كده هعملها النهارده مع مع واو الزفت دي 000اوف دي عيشه تقصر العمر :16:))

هههههههههه
مش لدرجة السنجة يا وليد
بس فعلا اتغيرت كتير
اه طبعا مفهوم السنجه بقت موضه قديمة
هي مطوة قرن غزال صغننه كده علشان اللي يتكلم تغزيه بيها في جنبه

بخصوص واو الجماعه دى كانت من الحضانه للاعدادى بس
وفعلا فى حضانه كان الولد الي احس انه رخم كنت اضربه وميعدش جنبى
ايه الافترا ده
ياساتر يارب
عاوز تكلكعي الزبون ويجيله نفس يعد جنبك
الطف بينا يارب

يعنى مثلا كنا بنلعب ماتش رسمى فى مسابقه كرة يد
فى المدرسة وراح ولد ضاربنى بالكورة فى رجلى
اسيب حقى .... ابدااااااااا
اه طبعا السناريو ده كان يوميا
وكنتي بتتدربي بالجري ورا عربية الرش او عربيه الناموس

بعد الماتش راحوا زمايلى لاختى فى الساحه بتاعتها
قالولها اختك ببتخانق ... جات لقييهم بيحوشوا الولد
والله بالعافيه
مش بقولك طفولة مشردة
ايه يابنتي الافترا ده

بس للاسف مالحقتش اعوره
يادوب بس فتحتي قرنه

بس الحمدلله ربنا خلص كل الافترى فى مرحله الثانوى
وعاقبنى اشد عقاب
ودي كانت نهاية كل ظالم
روحي يابنتي
وماتجيش تاني
الله يكون في عونهم
الاطفال اللتي تعاملوا معك
زمانهم دلوقتي في عنبر الحالات الحرجه في العباسية مول:)
ــــــــــــــــــــــــــــــــــــــ
ردودي بالاخضر

Blanche Neige

15-09-2009, 02:14 AM

الف شكر يا اميرة علي مشاركتك الايجابية وياريتحكي لنا عن موقف لك مع عينه من هؤلاء الطلاب 0000ومتنسيش انك وعدتيني بموضوع عن مدرسة الدلتا بالصور :)

لا شكر على واجب
ان شاء الله فى اقرب وقت
هانزل الموضوع اللى وعدتك بيه وبالصور كمان

مسيو وليد عسكر

15-09-2009, 02:41 AM

لا شكر على واجب
ان شاء الله فى اقرب وقت
هانزل الموضوع اللى وعدتك بيه وبالصور كمان
شكراا علي كل شيء يا اميرة ومنتظر الموضوع في اقرب وقت
نورتي الموضوع كالعادة:)

مسيو وليد عسكر

15-09-2009, 02:45 AM

مش عارف ليه يا دعاء لما تخيلتك تلميذه مفعوثه بضفرتين واعدة في الفصل زي البنات الطيبين الشطار اللي بيسمعوا الكلام وبيشربوا اللبن قبل ما يناموا 000ضحكت جدااا علي الصورة دي

شاطرة اه انما طيبه لأ

انت بتسمعي منسي بجرم كتير ؟

انا متهيالي كده انتي اتولدتي شريرة من يومك 000شبراويه شبراواية يعني000:)

هههههههه
ماشى يا وليد متعتبرها انى شريرة
كنت شقيه اوى ومكنتش بسيب حد فى حاله
لا فى البيت ولا فى المدرسه ولا فى العيله

يادوبك بس كنتي شقية وفيه موس دايما تحت لسانك
ياسلام بقي لو كنتي تتحفينا بصورتين لك اثناء دراستك 00
صورة ايام الفرفرة وتحتها تعليق
((قطة مغمضة يا ولاد 000ماتبحلقوش انا بتكثف بقي :bosyht9:))

والله كانت صور تفرح
وماما محتفظة بصورنا بتاعت المدرسه
من الحضانه لحد الاعدادى
والشهادات كمان ... اتحف شهاده بتاعت
الحضانه لان فيها خانه للسلوك
والمعامله مع الاخرين
اه تقصدي شهادة معاملة الاطفال:)

وصورة ايام الشلضمة

للاسف مرحله مكنتش حابه اوثقها
باى صور لانى بجد كنت كارهه المدرسه جدا
فمتصورتش نوهائى
اكيد النيجاتف اتحرق
مش ده برضه ايام الابيض واسود ؟:)

وانتي في ايدك سنجه ورافعه حاجب ومنزلة حاجب زي فريد شوقي في افلام زمان وانتي بتقولي ((طيب يا واو الجماعة 000ده انتوا هتشوفوا مني ايام اسود من قرن الخروب0000بت يا شكشكة هاتي شوية ميه نار اهدي بيهم اعصابي اصلي شكلي كده هعملها النهارده مع مع واو الزفت دي 000اوف دي عيشه تقصر العمر :16:))

هههههههههه
مش لدرجة السنجة يا وليد
بس فعلا اتغيرت كتير
اه طبعا مفهوم السنجه بقت موضه قديمة
هي مطوة قرن غزال صغننه كده علشان اللي يتكلم تغزيه بيها في جنبه

بخصوص واو الجماعه دى كانت من الحضانه للاعدادى بس
وفعلا فى حضانه كان الولد الي احس انه رخم كنت اضربه وميعدش جنبى
ايه الافترا ده
ياساتر يارب
عاوز تكلكعي الزبون ويجيله نفس يعد جنبك
الطف بينا يارب

يعنى مثلا كنا بنلعب ماتش رسمى فى مسابقه كرة يد
فى المدرسة وراح ولد ضاربنى بالكورة فى رجلى
اسيب حقى .... ابدااااااااا
اه طبعا السناريو ده كان يوميا
وكنتي بتتدربي بالجري ورا عربية الرش او عربيه الناموس

بعد الماتش راحوا زمايلى لاختى فى الساحه بتاعتها
قالولها اختك ببتخانق ... جات لقييهم بيحوشوا الولد
والله بالعافيه
مش بقولك طفولة مشردة
ايه يابنتي الافترا ده

بس للاسف مالحقتش اعوره
يادوب بس فتحتي قرنه

بس الحمدلله ربنا خلص كل الافترى فى مرحله الثانوى
وعاقبنى اشد عقاب
ودي كانت نهاية كل ظالم
روحي يابنتي
وماتجيش تاني
الله يكون في عونهم
الاطفال اللتي تعاملوا معك
زمانهم دلوقتي في عنبر الحالات الحرجه في العباسية مول:)
ــــــــــــــــــــــــــــــــــــــ
ردودي بالاخضر
__________________
معلش يا دعاء
انا في مشاركتك السابقة عملت كارثة
بدل ماعمل اقتباس لكلامك عملت تعديل في ردك
علشان كده كتبت الشاركة هنا تاني

طارق ممدوح ذكي محمد

16-09-2009, 04:18 AM

هنتخيل ان شلاضيموا ربنا فتحها عليه ولقى لقية

وقدم مع فرافيروا في نفس المدرسة

واصبحوا الاتنين في فصل واحد عندك يا مسيو وليد

تيجي نعيش مع بعض ونشوف ردودهم وكلامهم معاك هيكون ازاي يا مسيو؟؟؟

لو موافق ع الفكرة ابدأ بطرح الاسئلة وتوجيه الكلام للاتنين وانا عليا الرد عنهما

مسيو وليد عسكر

16-09-2009, 04:28 AM

موافق يا باشا
بس خليها لما يكون الفريق كله موجود
علشان نولعها

طارق ممدوح ذكي محمد

16-09-2009, 04:35 AM

موافق يا باشا
بس خليها لما يكون الفريق كله موجود
علشان نولعها

تمام .. يبقى ممكن بعد غد
علشان انت عارف بكرة ربنا يرزقنا فضل وبركة ليلة القدر

دعاء شديد

16-09-2009, 05:42 AM

موافق يا باشا
بس خليها لما يكون الفريق كله موجود
علشان نولعها

جميل جدا الكلام ده

وانا هقولك من واقع تجربه مريرة عشتها يمكن تساعدك

انك تألف السناريو على ضوءها

لما اتنقلت المدرسة الحكومة كان فعلا النوعين فى فصل واحد

فالمدرسين عملوا ايه معانا !!!!!!!!!!

كانو مخليين الطالبات الي جايين من مدارس خاصه ولغات فى صف لوحدهم

جنب الحائط وبيعملوهم المدرسين والطلبه معامله بشعه بجد ... وكانت فى فكرة

مسيطرة عليهم اننا مدلعين رغم والله ابدا كنا ملتزمين وشاطرين ومهندمين جداااااااا

بس واضح انهم كانوا شايفين ده عيب قوى وخطير ... ذلونا والله ذل الابل

هههههههههههههههه
كانت ايام اغمق من البن البرازيلى

مسيو وليد عسكر

17-09-2009, 02:44 PM

.. ذلونا والله ذل الابل

هههههههههههههههه

كانت ايام اغمق من البن البرازيلى

التدريب والمناقشة :
1- استخرج من القطعه تعبير جمالي

2- ما مرادف ذل الابل والام يوحي هذا التعبير
3- اعرب مافوق الخط
4-ههههههههههههههه يوحي هذا التعبير ب 000
(السذاجة - السخرية- funyوكده يعني )

محمد كامل فوده

20-09-2009, 09:15 PM

ههههههههههههههه جااااااااااااااااامده
You can see links before reply (You can see links before reply)

مسيو وليد عسكر

20-09-2009, 09:22 PM

ههههههههههههههه جااااااااااااااااامده
You can see links before reply (You can see links before reply)
منور ياباشا
وكل عام وانتم بخير:)