لازم نرضى بالأمر الواقع يا متعاقدين

[لــؤلــؤة]

السلام عليكم ورحمة الله وبركاته

حبيت تشاركوني في الراي

وهل انا محقه ام لا؟؟؟؟؟؟؟

انا شايفه ان رحلة البحث عن التثبيت والسؤال عن إيه إلي هيحصل بعد كده

كلها حاجات بتتعبنا وتحرق الاعصاب

احنا نبص امبارح كنا إيه ودلوقتي ايه

وبكرة ده بإيد ربنا مش لينا اننا نفكر فيه

يعني بصورة اوضح

امبارح كنا لسه متخرجين ومبتسمين للحياة وكأنها هتاخدنا بالأحضان وتشغلنا من اول يوم

لكن كانت الصدمة اننا لم نجد شغل ولما لقينا شغل طلع بالاجر

طيب الحمد لله

لما اشتغلنا بالأجر كنا بناخد مرتب حوالي 120 او اقل او اكتر حسب الحصص إلي كنا بنشتغلها

وبرضوا قلنا الحمد لله

شوفوا بعد كده بقينا بالتعاقد والحمد لله مرتبنا زاد الضعف واكتر كمان

وكمان بقينا ناخد حوافز إلي كنا دايما نسمع عنها

والمكافأة بتاعت الامتحانات زادت عن ما كنا بناخده واحنا بالأجر

يعني الحمد لله كنا بالأجر وبقينا بالتعاقد

ومحدش عارف بكرة هنبقى إيه

فانا حابه اننا كلنا المتعاقدين يكون عندنا امل في بكرة

وبلاش النظرة السوداء حول المستقبل

احنا نحمد ربنا

والله انا بكلمكم وكلي إقتناع اننا دلوقتي احسن من قبل

ولو خطوات الوزير بطيئة

احنا نفسنا طويل

وكلنا لسه شباب

اهم شئ نعمل إلي علينا

وربنا مش بيضيع عمل حد

مهما عملت ربنا عنده الثواب

قالوا سجلوا بياناتكم في الاحصاء

حااااااااااااضر هنسجل

قدموا ورقكم في الأكاديمية علشان تمتحنوا

بس شرط التربوي والـ icdl

حااااااااااااااااااااااضر

محدش عارف بكرة هيطلبوا ايه

اهم شئ اننا نعمل إلي علينا

يعني لما الوزير طلب اننا ناخد دورة الـ icdl بالله عليكم

إلي اخدها مش استفاد ولو 5% من إلي اتعلمه

ممكن تقولي مش هتسفيد بيها في شغلي

انا مدرس عربي مثلا ومش بحتاج الكمبيوتر

هقولك : طيب لما تتجوز وولادك تلاقيهم قاعدين على الكمبيوتر وفاتحين حاجات انت مش عارف ايه هي

هيكون موقفك ايه

لسه هتروح تتعلم علشان تفهم إلي ولادك بيعملوه

طيب الحمد لله انت دلوقتي في عز شبابك ومش وراك عيل ولا بيت تخاف عليهم

اكسب وقتك واتعلم واستفيد

وربنا مش بيجيب حاجة وحشه

اسفة اني طولت

بس كنت عايزة اشوف في كلام المتعاقدين زيي وزيكم نظرة الامل

والتفاؤل والبعد عن التشاؤم ومقولة " مفيش فايدة "

والله انا مش بقول لكم خليكوا سلبيين

لأ بس نرضى بالأمر الواقع

واحنا لو بإيدينا حاجة كنا عملناها

اشكركم على قراءة موضوعي

وبإنتظار رايكم وانتقادكم لكلامي

اختك / لؤلؤة
مدرسة تربية رياضية ( تعاقد )

[kh123610]

نعم معكى حق فى كل الذى ذكرتيه الزعل لا ياْتى بالفائدة ولكن حذارى من طول الانتظار فانه يجعل كابة فى النفس المهم لنا ان نسلم امرنا الى الله والامل القريب لنا ان شاء الله وانى ارى عقدتنا قد انفرجت والله الموفق

أخوكم / خالد محمد فتحى

[ra23sh]

في البداية انا غير متفق مع اراء الاخوة الزملاء في نظرية التشاؤم والرضا بالامر الواقع التي يفرضها علينا المسئولين ......... ماذا فعلنا لكي يحدث لنا كل ذلك ............... لماذا نرضى بما يتم عمله معنا وهو لا يرضي احد لانه قمة الظلم .......... لماذا يتم تمييزنا عن باقي المدرسين المعينين .......... هل هم اعلى منا في المؤهلات العلمية ام ماذا ؟؟؟
انا واحد من المتعاقدين الذين يعملون منذ ان تم الغاء التكليف على خريجي التربية والنتيجة هي اننا الان نتساوى مع خريجي العام الماضي بل هم افضل منا والادهى من ذلك انهم كانوا طلابنا ........... فبالله عليكم اي واقع هذا الذي نرضى به ......... افيقوا ولا تنتظروا اليوم الذي يتم فيه الاستغناء عنا ولا عزاء لنا لاننا رضينا بالظلم من البداية ولم نقل لهم كفاكم ظلما لنا ايها المسئولين................. يجب ان نقف جنبا الى جنب للبحث عن حقوقنا الضائعة

[لــؤلــؤة]

نعم معكى حق فى كل الذى ذكرتيه الزعل لا ياْتى بالفائدة ولكن حذارى من طول الانتظار فانه يجعل كابة فى النفس المهم لنا ان نسلم امرنا الى الله والامل القريب لنا ان شاء الله وانى ارى عقدتنا قد انفرجت والله الموفق

أخوكم / خالد محمد فتحى


اشكرك استاذ خالد

تشرفت بمرورك وتعقيبك

[لــؤلــؤة]

في البداية انا غير متفق مع اراء الاخوة الزملاء في نظرية التشاؤم والرضا بالامر الواقع التي يفرضها علينا المسئولين ......... ماذا فعلنا لكي يحدث لنا كل ذلك ............... لماذا نرضى بما يتم عمله معنا وهو لا يرضي احد لانه قمة الظلم .......... لماذا يتم تمييزنا عن باقي المدرسين المعينين .......... هل هم اعلى منا في المؤهلات العلمية ام ماذا ؟؟؟
انا واحد من المتعاقدين الذين يعملون منذ ان تم الغاء التكليف على خريجي التربية والنتيجة هي اننا الان نتساوى مع خريجي العام الماضي بل هم افضل منا والادهى من ذلك انهم كانوا طلابنا ........... فبالله عليكم اي واقع هذا الذي نرضى به ......... افيقوا ولا تنتظروا اليوم الذي يتم فيه الاستغناء عنا ولا عزاء لنا لاننا رضينا بالظلم من البداية ولم نقل لهم كفاكم ظلما لنا ايها المسئولين................. يجب ان نقف جنبا الى جنب للبحث عن حقوقنا الضائعة


اخي الكريم سأرد على كل نقطة ذكرتها

اولا : انت إيه الفرق بينك وبين المعينين

الحمد لله مرتب وحوافز ومكافأة واجازات

فاضل بس كلمة مثبت

انا بقول نحمد ربنا

غيرنا مش لاقي اصلا الوظيفة دي

وبعدين مفيش فرق إذا كان المتعاقدين الجدد كانوا طلابك او لا

كلنا سواء

طيب ما انا اصبحت مدرسة وبقيت زميلة للمدرسين إلي كانوا بيدرسوا لي

إيه العيب في كده

وبعدين بالعقل كده هي الحكومة تقدر تستغنى عننا إزاي

يعني لما تستغنى عن كل المتعاقدين

بالله عليك مين إلي هيدرس بالمدارس

هيجيبوا ناس منين يدرسوا

يبقى الحمد لله احنا اقدامنا على ارض ثابته

يعني لن يستطيعوا الاستغناء عننا

اما حكاية التعيين فدي مش بإيدينا

وبعدين حضرتك عايز حقوقك

ممكن اعرف زي إيه؟؟؟؟؟؟؟؟؟

انا كل كلامي بقصد التفاؤل وليس وضع انفسنا في دائرة المظلومين

تعرف المدرسين نفسهم المتعينين بيقولوا علينا محظوظين

" لأننا واخدين حقوق زيهم بالضبط "

يعني مفيش فرق كبير بينا وبينهم

وعلى فكرة انا مش بقول انسوا التثبيت وخلينا بالتعاقد

لأ انا بقول ان شاء الله هنتثبت

لكن امتى دي مش تخصنا

لأنهم لو كانوا بياخدوا رأينا وينفذوه كنا قلنا بعلو صوتنا : عايزين نتثبت

لكن الوزير عنده تخطيط معين عايز ينفذه

واكيد مش احنا إلي هنخليه يتراجع عنها

ولو نظرنا للمتعاقدين من قبل

لم يكن لديهم اي حقوق ولا في الاجازات ولا في الحوافز

موضوعي هو دعوة للتفاؤل وعدم الشعور الدائم بالنقص واننا اقل من غيرنا

[ra23sh]

اختي العزيزة اهنئك على نظرتك المتفائلة للمستقبل ولا ادري لماذا
انت تقولين اننا ليس بيننا فرق وبين المعينين ولكن اسمحي لي بان اخالفك الراي
الفرق واسع وكبير ولا ادري كيف لا تلاحظيه
اولا لا ناخذ حوافز مثلهم ولا اجازات نحن لنا حدود ولا نتخطاها
حاولي ان تقارني بين مرتبك وبيت مرتب اي معين على اقل درجة
نحن لا نستطيع ان ناخذ اجازات بدون مرتب مثل المعينين
بالنسبة لاجازة الوضع بالنسبة للمتعاقدة فهي 3 شهور مثل المعينين ولكن الفرق ان اول شهر فقط باجر اما الباقي فبدون اجر للمتعاقدين
بالنسبة للاجازات المرضية لنا مدة محددة فقط
لا يحق لنا نحن المتعاقدين اعمال الامتحانات للشهادات العامة
لا يحق لاي متعاقد ان ياخذ قرض بضمان المرتب
وهناك الكثير والكثير من الفروق ولكن اصعبها بند موجود بالعقد لا ادري اذا كنت قد قراتيه ام لا
وهو يحق للطرف الثاني ان يفسخ العقد دون ابداء اي اسباب
وبالنسبة لهم من الممكن الاستغناء عنا وفي اي وقت وقد حدث ذلك في بعض المحافظات
وليس هناك اي تكافؤ فرص بيننا وبين حديثي التخرج
فاذا كان اي واحد قد حصل على تقدير مقبول في الجامعة منذ 9 سنوات واخر حصل على جيد العام الماضي فالأولوية لخريج العام الماضي ..........
والاهم بعد كل ذلك هل عمال المحاجر او عمال المصانع او موظفي الضرائب العقارية او........او............. افضل منا عندما اجبروا المسئولين بان يحصلوا على حقوقهم
عندما نحصل على كل المزايا التي ينالها المعينين فلن نتكلم حتى ولو كنا كما نحن متعاقدين فالمشكلة ليست في كلمة متعاقد او معين

[متعاقد مظلوم]

السلام عليكم ورحمة الله وبركاته

حبيت تشاركوني في الراي

وهل انا محقه ام لا؟؟؟؟؟؟؟

انا شايفه ان رحلة البحث عن التثبيت والسؤال عن إيه إلي هيحصل بعد كده

كلها حاجات بتتعبنا وتحرق الاعصاب

احنا نبص امبارح كنا إيه ودلوقتي ايه

وبكرة ده بإيد ربنا مش لينا اننا نفكر فيه

يعني بصورة اوضح

امبارح كنا لسه متخرجين ومبتسمين للحياة وكأنها هتاخدنا بالأحضان وتشغلنا من اول يوم

لكن كانت الصدمة اننا لم نجد شغل ولما لقينا شغل طلع بالاجر

طيب الحمد لله

لما اشتغلنا بالأجر كنا بناخد مرتب حوالي 120 او اقل او اكتر حسب الحصص إلي كنا بنشتغلها

وبرضوا قلنا الحمد لله

شوفوا بعد كده بقينا بالتعاقد والحمد لله مرتبنا زاد الضعف واكتر كمان

وكمان بقينا ناخد حوافز إلي كنا دايما نسمع عنها

والمكافأة بتاعت الامتحانات زادت عن ما كنا بناخده واحنا بالأجر

يعني الحمد لله كنا بالأجر وبقينا بالتعاقد

ومحدش عارف بكرة هنبقى إيه

فانا حابه اننا كلنا المتعاقدين يكون عندنا امل في بكرة

وبلاش النظرة السوداء حول المستقبل

احنا نحمد ربنا

والله انا بكلمكم وكلي إقتناع اننا دلوقتي احسن من قبل

ولو خطوات الوزير بطيئة

احنا نفسنا طويل

وكلنا لسه شباب

اهم شئ نعمل إلي علينا

وربنا مش بيضيع عمل حد

مهما عملت ربنا عنده الثواب

قالوا سجلوا بياناتكم في الاحصاء

حااااااااااااضر هنسجل

قدموا ورقكم في الأكاديمية علشان تمتحنوا

بس شرط التربوي والـ icdl

حااااااااااااااااااااااضر

محدش عارف بكرة هيطلبوا ايه

اهم شئ اننا نعمل إلي علينا

يعني لما الوزير طلب اننا ناخد دورة الـ icdl بالله عليكم

إلي اخدها مش استفاد ولو 5% من إلي اتعلمه

ممكن تقولي مش هتسفيد بيها في شغلي

انا مدرس عربي مثلا ومش بحتاج الكمبيوتر

هقولك : طيب لما تتجوز وولادك تلاقيهم قاعدين على الكمبيوتر وفاتحين حاجات انت مش عارف ايه هي

هيكون موقفك ايه

لسه هتروح تتعلم علشان تفهم إلي ولادك بيعملوه

طيب الحمد لله انت دلوقتي في عز شبابك ومش وراك عيل ولا بيت تخاف عليهم

اكسب وقتك واتعلم واستفيد

وربنا مش بيجيب حاجة وحشه

اسفة اني طولت

بس كنت عايزة اشوف في كلام المتعاقدين زيي وزيكم نظرة الامل

والتفاؤل والبعد عن التشاؤم ومقولة " مفيش فايدة "

والله انا مش بقول لكم خليكوا سلبيين

لأ بس نرضى بالأمر الواقع

واحنا لو بإيدينا حاجة كنا عملناها

اشكركم على قراءة موضوعي

وبإنتظار رايكم وانتقادكم لكلامي

اختك / لؤلؤة
مدرسة تربية رياضية ( تعاقد )
لا تعليق ....... ( لنا الله):28:

[Mr Reda]

أنا مدرس إنجليزى بالتعاقد .... مرة جالى الموجه وطبعاً جاى ينفخ من المشوار اللى مشاه على ماوصل لى لأنى طبعا والحمد لله علشان أروح المدرس اللى انا شغال فيها بصرف حوالى 5 جنيه رايح جاى فى اليوم طبعا وهو علشان حتة يوم كل كام شهر بيجى يطلعه على جتتى المهم أنا مدرس إعدادى ومع ذلك شغال رابعة وخامسة وسادسة إبتدائى وأولى وتانية ثالثة إعدادى وبالنسبة للتحضير يادوب بحضر الدرس فى صفحة واحدة وطبعا 6 مناهج المهم قال البيه اللى فيه النصيب شرحتله الظروف والمناهج اللى شايلها والمسافة اللى بسافرها قال البيه أمال أحنا عملنكم تعاقد ليه علشان تروحوا أى حته نوديكم فيها وطبعا مش قادر اتكلم ليه....... لأنى متعاقد وروحى فى أيده
وعلشان تعرفو أننا عرضة لكل من هب ودب أقرأو تصريحات أحمد درويش وزير التنمية الإدارية فى الموضوع
You can see links before reply

[ra23sh]

للأخت العزيزة ارجو ان يكون هذا الخبر خير دليل لما نقول ودافع لنا ان نطالب بحقوقنا المهدرة فهل يتم عمل ذلك مع المعينين؟؟؟؟؟

إلغاء مسابقة تعيين 1500 خريج في وظيفة معلم مساعد بالغربية
الابقاء علي أصحاب العقود المؤقتة لسد العجز
الواسطة وٍالمحسوبية سيدة الموقف ونواب المحافظة وراء القرار
طنطا - ناصر رجب
الجمهورية عدد السبت 12/9/2009

في واقعة "مؤسفة".. قرر عبدالحميد الشناوي محافظ الغربية الغاء المسابقة التي اجرتها مديرية التعليم بالمحافظة لتعيين 1500 خريج لشغل وظيفة معلم مساعد وذلك بعد أن أعلنت المديرية أسماء الفائزين في شغل الوظائف المطلوبة.
قرر المحافظ الابقاء علي المدرسين من اصحاب العقود المؤقتة والذين تم تعيينهم العام الماضي لسد العجز في المدرسين بالرغم ان تقديراتهم ومؤهلاتهم لا تتناسب مع التخصصات المطلوبة.
كانت مديرية التعليم قد اعلنت عن المسابقة منذ عدة أشهر وتقدم لها أكثر من 15 ألف خريج من بينهم عدد كبير من اصحاب التقديرات العالية والمؤهلات المطلوبة ثم أعلنت المديرية اسماء الفائزين بالوظائف بعد فحص الأوراق والمستندات المقدمة حسب الشروط المطلوبة.
فوجئ الفائزون عند تقديم مسوعات تعيينهم لمديرية التعليم برفض قبول أوراقهم بدعوي ان المحافظ قرر الغاء المسابقة وانه قرر تعيين غيرهم من أصحاب العقود المؤقتة منذ العام الماضي.
تبين ان تدخل الوساطة والمحسوبية ونواب المحافظة وراء قرار المحافظ بالغاء المسابقة رغم عدم مناسبة المؤهلات للوظائف التي يشغلونها فتم تعيين بكالوريوسات التجارة في وظيفة اخصائي مسرح وليسانس الآداب قسم آثار في وظيفة مدرس رياض اطفال وليسانس آداب "فرنسي" يعين مدرس تربية فنية وليسانس الحقوق في وظيفة مدرس حاسب آلي.

[سامح سلام]

الاخت الفاضلة لؤلؤة
انا بصراحة مش عاجبنى نبرة النشاؤم والخضوع والرضا بالذل والمهانة اللى فى كلامك انتى مثلا بتقولى اننا كنا بنشتغل بالاجر وبناخد 120 جنيه وبعد كدة زدنا زى ما يكون دا منحة ولا هبة من المسؤلين واكننا مش بنشتغل احسن من المعينين اللى مرتبهم اضعاف اضعاف مراتبنا مع اننا بشهادة الكثيرين من القائمين على العملية التعليمةاكفا من ناس كتير
وثانيا انتى المفروض تاخدى بالك من العقد اللى معاكى فى ناس مننا تاريخ تعاقدهم 1/1/2008 ومدة العقد زى ما انتى عارفة سنتين وزى ما هو مكتوب فى العقد ان بعد السنتين يتم فسخ العقد مباشرة اذا لم يحصل المتعاقد على شهادة الصلاحية اللى محدش عارف هى فين ولا فى المدريات ولا تكون ازاى
مفكرتيش انك ممكن تكونى واحدة منهم وبعد شهرين يقولولك روحى اقعدى فى بيتكم واطبخى ولا تتخيلى لية كلها سنة بالكتير لو ما كنش قبلها وهتكونى مش عارفة تعملى اية
ثالثا بالنسبة للمرتب اللى انتى بتقولى انه بقى كويس وبقينا ناخد حوافز وبدلات وحاجات كتير ممكن تقوليلى مرتبك كام بالكتير 355 جنيه
انا مثلا مرتبى 355 مواصلاتى كل يوم الى المدرسة 3 جنيه يعنى 90 جنية فى الشهر وهنقول فطار وكوب شاى يا ستى هنقول 5 جنيه فى اليوم وبعدين عاوز البس واتجوز احوش
منين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟
وبعدين الحكومة دى علمتنا حاجة كويسة جدا انها لا تستمع اللا للناس اللى صوتها عالىوالدليل كل االى حصل قبل كدة
طيب هما الناس دى احسن مننا احنا مش عاوزين حقنا عاوزين ننام ونقوم واحنا عارفين ان لينا شغل محدد ولو متنا يبقى دا امر ربنا
:16::16::16::16::16::16:كلامك مش مظبوط استاذة لؤلؤة:16::16::16::16::16::16:

[لــؤلــؤة]

يا جماعة انتوا ليه فهمتوني على اني مبسوطة قوي بإلي كلنا فيه

انا بقول نرضي بإلي احنا فيه وربنا يحلها

انا شفت ظلم كتير

من اول ما اتخرجت

انا كان مكاني معيده في الكلية

فتخيلوا لما انزل من معيدة لمدرسة وكمان بالأجر في اول تخرجي

فدي كانت الصدمة الكبيرة

فانا بالنسبة لي اي صدمة بعد كده اهون بكتير من صدمتي الاولى بعد التخرج

فكنت حابه انكم ترضوا بإلي انتوا فيه بدل ما تشوفوا الصدمات واحده وراى التانية

وده هيتعبنا كتير لإننا لسه هنشوف وبنشوف دلوقتي

وكلامي مش معناها الاستسلام او الخضوع

انا بقول احنا لازم نكون مقتنعين بنفسنا سواء الحكومة قدرت كده او لأ

سواء الوسط إلي احنا فيه مقدر كده او لأ

صدقوني انا مش شايفه أي فايدة اننا نرفع شعارنا " احنا المظلومين "

مش بحب اكون ضعيفه قدام حد حتى لو كان مسلوب حقي

انا اثبت نفسي بكفأتي وقدراتي

ده إلي في إيدي

طيب لو بصينا دلوقتي للي تقديرهم مقبول مثلا وملهومش تعاقد حتى

دول يعملوا ايه بقى

والله انا اكتر زميلاتي لأن تقديرهم قليل مش لاقيين حتى حصص بالأجر

يبقى احنا احسن ولا هما

وعن أبي ذر (You can see links before reply) رضي الله عنه قال أوصاني خليلي صلى الله عليه وسلم: أن أنظر إلى من هو أسفل مني، ولا أنظر إلى من هو فوقي) ].

تعتقدوا ان الحديث ده مش مناسب جدا لحالتنا

احنا طول ما احنا بننظر للي فوق مننا اكيد هنتعب

يا جماعة كل واحد مش بياخد غير نصيبه

وانا مش عارفة ليه دايما تقولوا هيتخلوا عنناا

إزاي بس هو في غيرنا إلي مشغل المدرسة

دا بقى اغلب المدارس تعاقدات

اعتقد ان كلامي وضح اكتر ليكم

وانا مش بقول للمرة التانية نستسلم

لألألألألألألأ

انا بقول الرضا

[salmaahmed]

الاستاذ اللى بيقول المسابقى اتلغت فى محافظة الغربية حضرتك بتتكلم عن الظلم هل من العدل انى استغنى عن ناس كانت شغالة بالفعل واطردهم فى الشارع واجيب ناس لاول مرة تشتغل وتاخد عقد مميز والناس اللى اشتغتلت بالمكافاة الشاملة ورضيوا بقليلهم نرميهم فى الشارع انا معلم مساعد حاسب الى من الغربية عايز الناس اول ميشتغلوا يشتغلوا معلم مساعد شوف احنا شوفنا الغلب وشغل بالحصة وقرف وفين وفين على متثبتنا وهم فلحظة يتساوا بينا

فين العدل اللى بتتكلم عنه حضرتك وبالنسبة للعقد هو سنتين قابلة للتجديد سنة وغير كدة هيستغنوا عنك ويسبوا المدارس فاضية من غير مدرسين احنا لولانا كان زمانهم عندهم عجز شديد

لن يحدث شئ اذا اشتكيت محنا ياما اشتكينا ومبيحصلش غير اللى هم عايزينه احمد ربنا على اللى انت فيه غيرك مرمى فى الشارع من غير شغلانة والعذر مفيش عجز

وربنا معانا قادر ينصرنا ويرد حقنا ولك جزيل الشكر والاحترام

[رحمة حسن]

لؤلؤة
برافو على التفائل ربنا يباركلك كلامك جميل
لكن لازم نعبر عن عدم الرضا عن الاستخفاف بنا كمعلمين
You can see links before reply

[متعاقد مظلوم]

الاخت لؤلؤة
علي فكرة انا بحييكي علي التفائل اللي انتي عايشة فية انما انا بصراحة شايف الحياه سودة ومعدش شايف قدامي ولو لمتر واحد وربنا يسترها ومايجيليش ضغط ولا سكر انتي عارفة يعني اية واحد كل احلامة وطموحاتة تتحطم قدام عينية انتي عارفة انا دخلت كلية تربية جامعة عين شمس قسم فيزياء وكنت جايب 94 % واتخليت عن كليات كتير وكان املي اني اتخرج واتعين زي الناس والواحد يعيش زي الناس اللي عايشة مش عايز عربية ولا عايز رصيد في البنك بس عايز احس بالاستقرار النفسي ليه ولاولادي اللي عمرهم ما هييجو طول ما احنا في الهم ده ومحدش حاسس بينا اشغلت بالاجر املا في التعيين حتي لم جم يعملو التعاقدات عملولنا عقد علي مدرسة ابتدائي انتي عارفة يعني ايه مدرس فيزياء يشتغل مدرس ابتدائي المصيبة ان خريجي تربية مالهمش شغلانة تانية غير التدريس ولما حاولت اقول يا ناس انا تخصص فيزياء عام عايز عقد اعدادي او ثانوي كاني بادن في مالطة ولا حياة لمن تنادي فين العدل وفين جودة التعليم اللي بيتكلمو عنها
لنا الله ...............................:28::28::28::28::28 ::28::28::28::28:

[لــؤلــؤة]

الاستاذ اللى بيقول المسابقى اتلغت فى محافظة الغربية حضرتك بتتكلم عن الظلم هل من العدل انى استغنى عن ناس كانت شغالة بالفعل واطردهم فى الشارع واجيب ناس لاول مرة تشتغل وتاخد عقد مميز والناس اللى اشتغتلت بالمكافاة الشاملة ورضيوا بقليلهم نرميهم فى الشارع انا معلم مساعد حاسب الى من الغربية عايز الناس اول ميشتغلوا يشتغلوا معلم مساعد شوف احنا شوفنا الغلب وشغل بالحصة وقرف وفين وفين على متثبتنا وهم فلحظة يتساوا بينا

فين العدل اللى بتتكلم عنه حضرتك وبالنسبة للعقد هو سنتين قابلة للتجديد سنة وغير كدة هيستغنوا عنك ويسبوا المدارس فاضية من غير مدرسين احنا لولانا كان زمانهم عندهم عجز شديد

لن يحدث شئ اذا اشتكيت محنا ياما اشتكينا ومبيحصلش غير اللى هم عايزينه احمد ربنا على اللى انت فيه غيرك مرمى فى الشارع من غير شغلانة والعذر مفيش عجز

وربنا معانا قادر ينصرنا ويرد حقنا ولك جزيل الشكر والاحترام


اشكرك استاذه سلمى

انا كمان بقول نفس الكلام

مش هيقدرو يستغنوا عننا

وبجد يا جماعة والله احنا في نعمة كبيرة

ولو شوفنا إلي مش لاقيين شغل هتلاقيهم بيحسدونا على اننا معانا شغل

[لــؤلــؤة]

لؤلؤة
برافو على التفائل ربنا يباركلك كلامك جميل
لكن لازم نعبر عن عدم الرضا عن الاستخفاف بنا كمعلمين
You can see links before reply


اشكرك استاذة رحمة على مرورك وتعليقك

والتفاؤل ده اهم حاجة لينا

من غيره مش هنقدر نحقق اي حاجة

[لــؤلــؤة]

الاخت لؤلؤة
علي فكرة انا بحييكي علي التفائل اللي انتي عايشة فية انما انا بصراحة شايف الحياه سودة ومعدش شايف قدامي ولو لمتر واحد وربنا يسترها ومايجيليش ضغط ولا سكر انتي عارفة يعني اية واحد كل احلامة وطموحاتة تتحطم قدام عينية انتي عارفة انا دخلت كلية تربية جامعة عين شمس قسم فيزياء وكنت جايب 94 % واتخليت عن كليات كتير وكان املي اني اتخرج واتعين زي الناس والواحد يعيش زي الناس اللي عايشة مش عايز عربية ولا عايز رصيد في البنك بس عايز احس بالاستقرار النفسي ليه ولاولادي اللي عمرهم ما هييجو طول ما احنا في الهم ده ومحدش حاسس بينا اشغلت بالاجر املا في التعيين حتي لم جم يعملو التعاقدات عملولنا عقد علي مدرسة ابتدائي انتي عارفة يعني ايه مدرس فيزياء يشتغل مدرس ابتدائي المصيبة ان خريجي تربية مالهمش شغلانة تانية غير التدريس ولما حاولت اقول يا ناس انا تخصص فيزياء عام عايز عقد اعدادي او ثانوي كاني بادن في مالطة ولا حياة لمن تنادي فين العدل وفين جودة التعليم اللي بيتكلمو عنها
لنا الله ...............................:28::28::28::28::28 ::28::28::28::28:


استاذي متعاقد مظلوم


انا كما ذكرت في ردودي السابقة


اني انا شوفت ظلم كبيرررررر


تخيل تخرجت من الكلية بتقدير عام جيد جدا مع مرتبة الشرف ( الثانية على الدفعة )


ولم يتم تعيين غير الاولى فقط


وانا في الباي باي


شوف بقى لما تكون عايش 4 سنين على حلم انك تكون معيد بالكلية


حتى كل الدكاترة كانوا متوقعين ده وبيشجعوني دائما


وفي الآخر


تساويت بإلي كانوا يطلعوا رحلات ويشيلوا مواد


وانا حرمت نفسي من كل حاجة علشان احقق ذاتي واشتغل معيده


وفي الآخر اتخرج من الكلية ولم اجد شغل


وبعد كده اشتغلت بالأجر وكانت نفسيتي محطمه كما تقول


اصبحت لا أرى غير السواد امام عيني ولكني كان عندي امل ان ربنا هيعوضني


والحمد لله صممت اكمل الماجستر وانا مش ناقص دلوقتي غير تعديلات بالرسالة واخد الماجستر


والله كان نفسي اخد الماجستر وانا معيدة مش وانا مدرسة


والحمد لله ربنا كرمني بالعقد إلي عمري ما حلمت انه يجي علشان انا شايفة ان التعيينات اتلغت وكله عايش بالأجر


فوالله العظيم انا بحمد ربنا دلوقتي على اني تعاقد


صدمتي كانت الاولى بعد التخرج ولن اجد صدمه اكبر من كده


وان شاء الله نتثبت


وربنا يسعد الجميع


بس المهم نظرة التفاؤل فيكم


لأن التشاؤم والاحتجاج لن يجدي بشئ

[nosnos]

يارب أكون متفائله ذيك بس لما الواحد يسمع إن مدرسين الفصل الواحد اثبتوا واحنا اللي طاع عنيننا أعدين مستنين الفرج وكل شويه ورق وإمضاءات مختلفه بصراحه أنا تعبت ومحتاجه شويه تفائل.

[رحمة حسن]

يارب أكون متفائله ذيك بس لما الواحد يسمع إن مدرسين الفصل الواحد اثبتوا واحنا اللي طاع عنيننا أعدين مستنين الفرج وكل شويه ورق وإمضاءات مختلفه بصراحه أنا تعبت ومحتاجه شويه تفائل.

تعرفى ان فى محافظتى كتير من مدرسين الفصل الواحد معاهم دبلومات وما شاء الله اتثبتو

[مدرسة علوم]

السلام عليكم

الغريب ان زمان اللى كان بيرفض التعيين كان لازم يدفع مبلغ و قدره تعويضا عن انه ضيع مصاريف البلد عليه على الفاضى
:abdoog8::16:

لكن دلوقتى يا حرام الناس بتدفع دم قلبها علشان تاجد دورات و كورسات و ياريته نافع

:26:

يعنى زمان ماكنش فيه حاجة اسمها ان خريج التربية المطحون يفضل سنين مايتعينش لغايط ما ينسى اللى اتعلمه كله :39:

ده كان بيتاخد من ايده على الشغل عدل و الوزارة بتفرش له الارض رمل :1:

ايه اللى خلى الوزارة تقلب علينا كده:16::040vk0: ؟؟؟؟؟؟؟؟؟؟؟؟؟؟

مانعرفش:19::19:

[naylovepoet]

ما شاء الله كلام حكيم يتوافق مع الرضا بقضاء الله وقدره وهو من لوازم الإيمان ويتوافق مع الشكر لله على نعمه ويتوافق مع قوله صلى الله عليه وسلم ( انظر الى من هو دونك فانه احرى الا تزدرى نعمة الله عليك)

[لــؤلــؤة]

اشكركم جميعا على مروركم الكريم

وتعليقاتكم

وان شاء الله ما دمنا راضيين بحالنا فربنا ان شاء الله مش هيضيع تعبنا

وياريت لو تشوفوا الخبر ده

اكيد هتلاقوا شوية تفاؤل

You can see links before reply (You can see links before reply)