محتارة ومش عارفة اعمل ايه في الاكاديمية

[لــؤلــؤة]

السلام عليكم ورحمة الله وبركاته

ازيكم يا متعاقدين

يارب عقبال ما اقول ازيكم يا متثبتين انا وانتم يارب قريبا

المهم انا عندي شوية اسئلة قبل ما اقدم ورقي في الاكاديمية

اولا : شهادة التخرج مش معايا الاصل

لأني وزعتهم على كليات كنت مقدمه فيهم

بس عندي صورة من شهادة التخرج

اختمها من الادارة انها صورة طبق الاصل ولا لازم اروح الكلية اطلع تاني شهادة تخرج؟؟؟

ثانيا : مش معايا دورة icdl ومش عايزة اقدم إلا لما اخدهم

تنصحوني بـ اني اقدم ومعايا الاقرار اني هاخد الدورة ولا استنى لما اخدها وبعدين اقدم

انا تعاقد 7 / 2008

وفي حاجة كمان

البطاقة الشخصية بتاعتي مكتوب فيها اني طالبة :006et4:

بس صلاحيتها لم تنتهي لسه ستنتهي في عام 2010م ان شاء الله

هيقبلوا بيها ولا لازم اطلع واحده جديدة مكتوب عليها معلم مساعد؟؟؟؟؟

ياريت تفيدوني

واكون شاكرة لكم

[emmy2021]

حبيبتى اولا اختمى الشهادة من المديرية انها طبق الاصل ودا كده مفهوش مشكلة

ثانيا انتى لازم تكتبى التعهد وكمان قدمى وخديها لانها بقت شرط اساسى فى كل المجالات حتى المعينين فانصحك اكتبى اتعهد عادى خالص

ثالثا البطاقة مفهاش اى مشكلة هما مجرد عاوزين الرقم القومى والاسم الى فيها ومدام انتى معاكى الشهادة مفيش مشكلة خالص يلا واى خدمة يا ستى وبالتوفيق ان شاء الله

[لــؤلــؤة]

اشكرك حبيبتي ايمي على ردك

جزاكِ الله خير

انا الصراحة كنت شايله هم مشوار للكلية علشان اطلع شهادة وكمان مشوار علشان اطلع بطاقة

لكن انتي طمنتيني يا قمر

اشكرك من كل قلبي

وان شاء الله اقدم ورقي قريب

وابشركم بالتثبيت لي ولكم

[عباس محمد على]

الرجاءتحميل نموذج من امتحان اساسيات اللغة الانجليزية

[مستر أحمد خليل]

السلام عليكم
اولا حضرتك الازم تروح الكلية وتجيب نسخ اصلية لشاهدة التخرج لانة هيطلعوا عليها حتىللو معاكى صورة طبق الاصل
ثانيا البطاقة خلاص انتهت حتى لو باقى 4 شهور حاولى تجددها بسرعة مش هتفرق طالبة من معلم مساعد
ثالثا قدمى من دلوقتى للحصول على الرخصة حتى تنتهى منها بسرعة وتريحىنفسك

[دينا احمد]

اولا لازم تستخرجى نسخ اصلية للشهادة لانهم بيقارنوا بين الاصل والصورة تانى حاجة من ضمن الورق ورقة الاقرار فطبيعى لازم تكتبى اقرار لحد ما تاخديها تالت حاجة بقى جددى البطاقة لان فى الاكاديمية التابعين ليها طلب منهم يكتبوا عليها طالبة حت يتم التجديد

[معلم زميل]

لازم تطلعي الشهادة الاصلية من الكلية لانهم في الاكاديميةخدوا مننا الاصل والبطاقة مش لازم تغيري المهنة وICDL قدمي علبها وخديها بسرعة علشان تخلصي من همها

[مصطفى الفوال]

ربنا يوفقك ومايكونش عندك مشكلة انشاء الله

[الأمير باشا]

لازم ولابد من استخراج الشهادة الأصلية وهي اللي كمان سوف تستلمها الاكاديمية ومفيش بقي حاجة اسمها صورة طبق الأصل لانهم بالفعل استلموا مننا في الاكاديمية أصل المؤهل