المساعد الشخصي الرقمي

مشاهدة النسخة كاملة : استفسار عن التعاقدات المميزه الجديده


بنتك يامصر
06-09-2009, 01:59 AM
السلام عليكم ورحمة الله وبركاته

انا الحمد لله بعدل طول صبر وعناء جالي العقد المميز والاسماء نزلت في الاداره ولقيت اسمي بس حبيت اسال عن الخطوات اللي بعد كده وفضلت احط الموضوع هنا في القسم ده بما انكم من حاملي العقود المميزه تقولولي جزاكم الله خير على الاوراق المطلوبه مننا وكمان الاجراءات اللازمه

وشكرا لكم مقدماً
محمد أحمد ناصف
06-09-2009, 03:34 AM
المطلوب يا استاذة
1- اصل المؤهل
2- أصل شهادة الميلاد
3- صورة البطاقة الشخصية
4- صحيفة حالة جنائية حديث ( فيش جنائي)
5- صور شخصية
ممكن يطلبو منك تصوريهم علشان يبقي فية اصل وصوره
وبعد كده بتمضي العقد وتتوزعي عالمدرسة اللي فيها عجز
والله الموفق
رحمة حسن
06-09-2009, 10:40 AM
بالاضافة الى المطلوبات اللى ذكرها استاذ ناصف فيه ملف مسوغات تعيين وهو ملف كامل بتشتريه من اى مكتبة وتملى البيانات وفيه ااستمارة بيتمضى من اثنين موظفين وبعض الاختام من الادارة
كمان الرقم التأمينى
وربنا يوفقك
محمد أحمد ناصف
06-09-2009, 09:31 PM
1. صورة بطاقة الرقم القومى .
2. شهادة جامعية + 3 صور شخصية .
3. نسخة من العقد المؤقت .
4. صحيفة الحالة الجنائية .
5. بيان تقييم الأداء داخل الفصل ( و هو عبارة عن ورقة من موجهك يشيد فيها موجهك بسلوكك و اجتهاديك و مختومة بختم التوجيه)
6. بيان تقييم المعلم داخل المدرسة ( و هو عبارة عن ورقة يشيد فيها مديرك بسلوكك و اجتهاديك و مختومة بختم المدرسة )
7. خطاب ترشيح من المدير موجه إلى فرع الأكاديمية التابع لها مع التوصية بإدراج المتقدم فى أول اختبار .
بنتك يامصر
07-09-2009, 12:09 AM
شكراً جزيلاً لكم

جزاكم الله ألف خير

واارجو منكم جميعا ومن كل من يدخل هذا الموضوع ان يدعو لي بالتوفيق

وكل عام وانتم بألف خيـــر
rehab_desokey
07-09-2009, 02:42 AM
هو حضرتك من اى محافظه بالظبط؟
ماروو
08-09-2009, 05:37 AM
ربنا يوفقك
بنتك يامصر
08-09-2009, 02:04 PM
يارب ربنا يخليكم

طيب لو سمحتم عندي استفسار عن الكشف الطبي

بيكون امتى ومراحله إيه ياريت حد يفيدني
sally2009
09-09-2009, 04:27 PM
يارب ربنا يخليكم

طيب لو سمحتم عندي استفسار عن الكشف الطبي

بيكون امتى ومراحله إيه ياريت حد يفيدني

أولا : ألف مليون مبرووووووووك للزميله الجديده على التعاقد ...وربنا يوفقك....
ثانيا : الكشف الطبى ممكن تعمليه بعد استلامك العمل وفى أى وقت.. وهو مهم علشان هتطلعى بصوره طبق الأصل منه البطاقه الصحيه بعد كده ....
ثالثا : الكشف الطبى هتروحى فى العياده الشامله تبع محافظتك تحجزى يوم للكشف الطبى وهو كشف عادى جداااااااا واجراء روتينى ولو انتى تخصصك علوم هتدفعى 100 جنيه علشان هيزيد على الكشف العادى تحليل مخدرات ....!!!
ولو انتى أى تخصص تانى هيبقى كشفك سهل وب 33 جنيه فقط......وربنا يوفقك....
koko12
09-09-2009, 07:45 PM
السلام عليكم ورحمة الله وبركاته

انا الحمد لله بعدل طول صبر وعناء جالي العقد المميز والاسماء نزلت في الاداره ولقيت اسمي بس حبيت اسال عن الخطوات اللي بعد كده وفضلت احط الموضوع هنا في القسم ده بما انكم من حاملي العقود المميزه تقولولي جزاكم الله خير على الاوراق المطلوبه مننا وكمان الاجراءات اللازمه

وشكرا لكم مقدماً

الم مبروك ياختى .........ممكن اعرف انتى من محافظة اية او تابعة لادارة اية علشان اقدر اقولك تشترى الملف الى بيحتوى على مصوغات التعين منين:18:
ahmedshitos
09-09-2009, 08:30 PM
طبعا الف مليون مبرووووووك
دى لها فرحة خاصة وطبعا الجماعة قاموا باللازم ومفيش كلام يتقال تانى ولو عاوزة تستفسرى عن اى حاجة تانى احنا فى الخدمة
ومبروك كمان مرة
بنتك يامصر
10-09-2009, 01:31 PM
شكرا ياجماعه بجد والله يبارك فيكم

دعواتكم ربنا يتمم لي على خير

بس عايزه اعرف بعد اذنكم هي الاسماء نزلت في الاداره 1-9 والنهارده 10 ولسه مخدوش مننا الاوراق المطلوبه اللي هي اوراق التعيينات هو عادي التاخير ده ولا هما بيخادو الاوراق دي امتى اصلا اصل انا قلقانه خايفه ليرجعو في كلامهم ههههههههههه

ياريت حد يجابوني
ahmedshitos
10-09-2009, 07:16 PM
طبعا انت تبع قسم اية وتشوفى الموجة بتاع التخصص وهو دة اللى هيفيدك
احنا المسابقة بتعتنا كانت اسبوع وتانى اسبوع خد الاوراق والاسبوع اللى بعدة رحنا المدارس كنا فى اجازة العيد اسبوع كمان بعدها روحنا استلامنا العمل
فكل شئ حسب الموجة اسألى الموجة بتاعك فى الادارة
بنتك يامصر
10-09-2009, 07:59 PM
طبعا انت تبع قسم اية وتشوفى الموجة بتاع التخصص وهو دة اللى هيفيدك
احنا المسابقة بتعتنا كانت اسبوع وتانى اسبوع خد الاوراق والاسبوع اللى بعدة رحنا المدارس كنا فى اجازة العيد اسبوع كمان بعدها روحنا استلامنا العمل
فكل شئ حسب الموجة اسألى الموجة بتاعك فى الادارة

استاذ احمد انا تبع ادارة شرق المحله انا تابعه لتوجيه الحاسب الالي والتوجيه بتاعنا منفصل عن الاداره التوجيه في مبنى والاداره في مبنى تاني المهم هما قالولنا في التوجيه تابعو قسم التعيينات في الاداره وشوفو هياخدو منكم الاوراق امتى بس كل مانروح نسال يقولو لسه القرار ماجاش باخد اوراقكم

انا مش عارفه بصراحه ايه العطله ديYou can see links before reply
ahmedshitos
11-09-2009, 04:40 AM
لازم تتطولى بالك يا استاذة ..... بس تابعى مع الاتنين قسم التعينات والتوجية كمان وخليكى متابعة معاهم علشان لو فية اخبار جديد واكيد انتى عارفة يوم الحكومة ب ...... هقلك حاجة انا اول ما اشتغلت المدير قلى كلمة حلوة هقولهالك قالى ما دام اشتغلت فى التعليم لازم تطول بالك اووووووى ياما دماغك هتلسع وانتى لازم تتطولى بالك بس مش اووووى
الاسماعيلية
06-09-2010, 01:59 AM
السلام عليكم
اعمل مدرس بالاجر منذ عام 2008 /2009
ولم تيم عمل عقود لنا
فهل يوجد اخبار تعاقدات جديدة بالاسماعيلية
ارجو الرد وجزاكم الله خير