تسجيل الدخول

مشاهدة النسخة كاملة : الست زيزي العايقة المعروفة في الوسط باسم زيزي 8 ريختر


شريف
03-09-2009, 08:29 PM
قرأت لك عن موائد الرحمن .... فأوعي تبخل برأيك بقا

You can see links before reply

You can see links before reply

المكان: مائدة زيزي العايقة في المهندسين بجوار ديسكو حمادة شنتح
الزمان: دلوقت أهو
You can see links before reply
الست زيزي العايقة المعروفة في الوسط باسم زيزي 8 ريختر، بتعمل حديث تليفزيزني مع المذيعة منى بلاي باك:
"إحنا النهارده قدام أكبر مائدة رحمن في حي المهندسين واللي بتعملها الفنانة الاستعراضية زيزي العايقة اللي كلكم عارفينها.. ست زيزي كل سنة وأنتِ طيبة!!"
تضع ست زيزي قطعة اللحمة بيمينها وسط حلة الشوربة قبل أن تعتدل وهي تزيل العرق من أعلى جبينها قائلة: "كل سنة وكلكم طيبين، مش لازم أقول لكم إنكم هنا بتشفوني واقفة على إيد الطباخين والسفرجية علشان مائدة الرحمن اللي باعملها كل سنة تكون على أعلى مستوى، يعني تبقى فايف ستارز، علشان الفقرا ياكلوا، هو ده واجبنا خصوصاً في رمضان شهر الخير.."
منى بلاي باك وهي تُحاول جاهدة أن تطبق فاها من هول منظر الطباخين والسفرجية وعصائر المانجة التي لا تنتهي:
آه آه آه.. ست زيزي نقدر نقول إن الفقرا بس هم اللي بييجوا المائدة بتاعتك ولا فئات كتيرة؟
ترد زيزي وعلامات الغباء ترسم لوحة رائعة على كل تقاسيم وجهها، وأطلقت (آه آه آه) طويلة تُعبر عن عدم فهمها لما قالته المذيعة: "إيه فئات دي، المائدة بتاعتي مفتوحة للكل والناس بتيجي ليها من كل حتة، حتى الناس اللي ساكنين في العمارات اللي أنتِ شايفاها دي بيحبوا يفطروا عندي هنا، وبيقولوا: أكل المائدة بتاعتِك يا ست زيزي أحسن ميت مرة من أكل البيت.."
لسه ما تستعجلش مش بس الست زيزي هي اللي عاملة مائدة فخمة لأ ده رجل الأعمال ظاظا بيه كده وكده عامل هو كمان يافتة طويلة عريضة على أول الشارع الواسع في حي الضاهر: "يا أهالي حي الضاهر الكرام.. هنا مائدة رجل الأعمال الكبير أوي ظاظا بيه كده وكده.. صوما مقبولا وإفطارا شهيا، ولا تنسونا في الانتخابات والعاقبة عندكم في المسرات".
واحد صايم: "الحق يا واد ده ظاظا بيه عامل مائدة هنا في الشارع ده"
صاحبه الصايم برضه: "مش ده اللي بيقولوا عليه حرامي ولسه راجع من بره بعد ما خلع بأموال البنك ده مش عارف اسمه إيه؟"
واحد صايم: "حرامي حرامي وإحنا ما لنا، وهو إحنا اللي هنحاسبه.. تعالى، البيت بعيد والأكل فيه ما فيهوش لحمة إحنا آخر الشهر بس هنا اللحمة موجودة كل يوم.. وهي فلوسنا اللي سارقها "الحرامي!!"

You can see links before reply
You can see links before reply


المكان: 6 أكتوبر..
بيت فوزي فرقعة المذيع في قناة فضائية حالها نايم في رمضان
You can see links before reply
فوزي بيتفرج على حوار الست زيزي العايقة، ونورت في دماغه فكرة مطرقعة جدا، مسك التليفون وقال:
"سماح عايزك تتفقي مع المفتي السابق علشان إحنا هنكلمه على الهوا النهارده في البرنامج و.."
سماح: "علشان إيه يا أستاذ؟ فيه حاجة جديدة؟!!"

فوزي فرقعة: "اسمعي اللي باقول لك عليه، وكمان كلمي الشيخ فتوح الراسي"
You can see links before reply
فوزي على الهواء مباشرة وماسك في إيده ورق كتير وعلى وشه نظرة جادة ولابس نضارة لزوم الموقف:
"فضيلة المفتي إيه رأي سيادتك في إقامة الراقصات ورجال الأعمال المشكوك في مصدر ثرائهم موائد للرحمن للفقراء في رمضان؟!"
You can see links before reply
المفتي السابق : "يا سيدي لا يجوز مقاطعة موائد الرحمن التي يقيمها الفنانون والمشاهير وغيرهم من رجال الأعمال، حتى ولو حامت من حولهم شبهات الفساد والمال الحرام خلال شهر رمضان الكريم، والحساب على هذه الموائد عند الله؛ لأنه المحاسب لكل واحد على نيته ومصدر ماله هل هو من حلال أم حرام!"

"كما أنه ينبغي ألا نصدر أحكامًا خاصة لها حكمها الخاص، وعلى المفطر أن يتحرّى الإفطار عن الطعام المعد من المال الحلال قدر استطاعته، لكنه ليس مطالبًا بأن يسأل صاحب المائدة عن مصدر ماله؛ لأن حسابه على الله".
فوزي فرقعة: "خليك معانا يا فضيلة الشيخ.. معانا دلوقتي الشيخ فتوح الراسي.. أهلا بيك، قول لنا إيه رأيك في الكلام اللي قاله فضيلة المفتي السابق؟"
فتوح الراسي: "أنا لست مع هذا الكلام -مع احترامي لفضيلة المفتي السابق- أولا لأن موائد الرحمن بدعة جديدة لم تكن على عهد رسول الله صلى الله عليه وسلم، وتحمل أكثر من خطأ أولها الفخر والمباهاة؛ فهذه مائدة فلان ابن فلان وتوضع لافتات وتقدم وجبات فاخرة وقد يستغني عنها الصائمون".
"كما أن فيها نوعاً من مخالفة الشرع؛ فهي إسراف وتبذير وفيها إنفاق المال الكثير في غير وجوهه، وإننا لا نحاسب النوايا أما إذا كان من يعد هذه الموائد أناس يستغلون ما صنعوا في الدعاية لهم كأن يكون أحدهم نجما أو ممثلا أو كان يكون أحدهم شخصية عامة أو أن تحظى بتأييد الذين اجتمعوا على هذه الموائد ومن هنا تبدو أن النية لم تكن خالصة لله"..

You can see links before reply

خلص الكلام .. وجه دورك دلوقتي علشان تقول لي رأيك بمنتهى الصراحة:

You can see links before reply

أنت بقى حكايتك إيه مع مائدة الرحمن؟
ممكن تقعد على مائدة في الشارع حتى لو ما كنتش فقير؟
ولا بتشوف إن ده شيء يسيء لك وسط الجيران؟
وهل موائد الرحمن زي ما هي دلوقتي فيها إهانة للفقير.. ولا لأ؟
You can see links before reply
ولو كانت فيها إهانة.. تفتكر نعمل إيه؟
اوعى تنسى.. لازم تكتب رأيك.. ورمضان كريم..




You can see links before reply
مسيو وليد عسكر
03-09-2009, 08:56 PM
موضوع جميل جداا يا شريف0000ايوه كده يا راجل بقالك كتير ماتحفتناش بمواضيعك الرائعه واسلوبك المرح واخراجك الفني البديع للموضوع000نفسي اعرف بتجيب الصور دي منين :)
وليا مع موائد الرحمن قصة كده 0000كان والدي معزوم في حفل افطار في احد دور الايتام ورحت معاه 00كنت تقريبا في اولي ثانوي00000والحفلة اصلا كان هدفها التبرع للايتام بس انا مكنش في دماغي الموضوع ده 00وبصراحة الافطار كان فاخر جداا0000 وكان المحافظ من ضمن الحضور 0000 المهم اخترت موقع استراتيجي مميز وكنت منتظر بس اشارة البدء المغرب 00وذهبنا الي المائدة وانا اسرعت الي المكان اللي اخترته اثناء المعاينة المبدئية00 المهم اعدت وسط اتنين غيلان واضح انهم بقالهم ست اشهر مادقوش طعم الاكل000وكان علي كل مائدة حوالي عشرين شخص اودامهم كل اصناف الطعام وديك رومي واحد فقط مقسم اربع اجزاء---انا لقيته الحاجة الوحيدة الي ماعرفهاش00 بادرت بالهجوم علي ربع الديك000 لاحظت ان الاخ الللي علي يميني بيبص ليا زي ماكون باكل حد من عياله0000وكان علي امل اسيب الربع وانقل علي حاجة تانية وهو يكمل المسيرة ورايا 000بس طبعا كان بيحلم :)0000المهم واحد من اللي اعدين بيهرج وبيقول خفوا ياجماعه ده مال ايتام000كنت انا تقريبا خلصت فقلت له مداعبا ياعم صديت نفسي انا هقوم مش هكمل 000لقيت الغول اللي علي يميني بيقولي مش اكلتك قلت له معلش بقي عامل دايت انما قولي؟ايه الهوبر اللي كنت باكل فيها دي ؟:) وعرفت بعدها انه رومي ودي كانت قصتي مع الرومي لاول ولاخر مرة في حياتي:):)
دعاء شديد
03-09-2009, 10:18 PM
استنى بس يا عم
هى الحكاية اسئلة واجابات

لالالالالالالا


الاول نشوف احنا فين من موائد الرحمن
وبعدين نجاوبك

مائدة الرحمن ثقافة مجتمع
عبارة عن ثلاث فئات


1- فئة القادرين على اعداد موائد الرحمن


* والفئة دى فيها من يعد المائده
لوجه الله واطعام الفقراء
وده بتلاقى يافطى مكتوب عليها فقط
"هنا مائدة رحمن"

* ومنهم من يتخدها سبيل للدعاية عما يقدمه من خير
واليافطة هنا بيتكتب عليها
"مائدة رحمن رجل البر فلان الفلانى"

* ومنهم من يتخذها سبيل لتطهير امواله
زى الست زيزى العايقة
هم قالولها كده ... مش ذنبها على فكرة


2- فئة زائري موائد الرحمن


* ودول فى منهم فعلا من يستحق لانه لا يملك قوت يومه

* ومنهم من يشتهى انواع طعام هو غير قادر على شرائها

* ومنهم من يجد لنفسه العديد من المبررات لتناول
طعام موائد الرحمن زى الصايم وصاحبة فى حكايتك



3- فئة الوسط

غير قادر على اعداد المائدة ... ولا يستحق زيارتها


دول الفئة التى تملك قوت يومها
ويمكنها اذا اذن المغرب عليها فى الشارع
ان تحصل على طعامها من حر مالها

**************************

ده باختصار مائدة الرحمن كما يراها الاخرون
دلوقتى اقدر اجاوبك على اشئلتك


علاقتى بموائد الرحمن هى فكرة مطرقعه
بفكر فيها من سنين بس للاسف منفذتهاش طبعا
نفسى اعد على جميع مستويات موائد الرحمن مش للاكل
انما لمراقيه الاخرين ... وملاحظة ردود الافعال
اثناء الاكل ... متستغربش
مهى موائد الرحمن الوجه الاخر "للاوبن بوفيه"
عندى فضول رهيب ارصد الظاهرة دى زى مرصدت التانيه


لا طبعا انى افكر اعد على مائدة رحمن واخد حق مش حقى
لا ... لانى من الفئة الثالثه
لا اقدر اعمل مادئة ... بس كمان مش حقى اعد عليها

الاهم من انه يسئ ليا ادام الجيران
ادام نفسى ... هشوفنى ازاى
وهى دى القضية
مش مهم شكلك ادام الناس ... الاهم ادام نفسك
علشان تقدر تواجه الناس


لا طبعا مفيهاش اهانه للفقراء والمحتاجين
ده نوع من التكافل الاجتماعى
واذا فى مشكله حقيقية تبقى فينا احنا
وفى نظرتنا لمن يستحقون تناول الطعام على تلك الموائد


اصعب سؤال هو سؤالك الاخير
لانك محتاج تغير ثقافة مجتمع بكل طبقاته


الله اكرم
اتمنى كلامى يكون واضح
فى انتظار موضوعاتك القادمة
امل لاشين
03-09-2009, 10:43 PM
أنت بقى حكايتك إيه مع مائدة الرحمن؟

مفيش حكايه مجربتهاش ....بس بجد بحاول اجربها

وطلبت فعلا من صديقه مطرقعه تعمل كده معايه ...

هو وافقت بس علشان نتفرج ومش ناكل

واخرتهاممكن نضرب....:)

اتكنسلت طبعا الفكره .,

ممكن تقعد على مائدة في الشارع حتى لو ما كنتش فقير؟
ولا بتشوف إن ده شيء يسيء لك وسط الجيران؟

لا مقعدتش طبعا ...لان في ناس تانيه احق بالمكان ده

لو فعلا معمول المائده للخير.....

لكن بالنسبه للجيران ميهمنيش حد طالما مقتنعه باللي

بعمله ..واللي بعمله خاص بيه انا ...يبقي انا حره في

تصرفاتي.....

وهل موائد الرحمن زي ما هي دلوقتي فيها إهانة للفقير.. ولا لأ؟
بجد انا مشفتش ازاي بتكون موائد الرحمن ونظامها علشان

احكم اذا كان فيها اهانه اولا ..

لكن اللي اعرفه طالما حاجه معموله للخير ...استحاله

يحصل فيها اهانه لانسان..

موضوع جميل جدا ياشريف...:27::27:
شريف
03-09-2009, 11:08 PM
المهم اخترت موقع استراتيجي مميز


أحلي حاجة فيك انك دايما تاخد موقع استراتيجي
و خلفيات مميزة
هههههههههههههههه
أضفيت روح حلوة مبهجة علي الموضوع بخفة دمك و الله يا حبي
تسلم ايدك
شريف
03-09-2009, 11:15 PM
1- فئة القادرين على اعداد موائد الرحمن


2- فئة زائري موائد الرحمن



3- فئة الوسط






تعرفي يا دعاء
اكتر حاجة بتعجبني فيكي ايه ؟
نظامك و الترتيب الجيد للافكار في مخك
دكتورة بجد
ردك دايما منمق وواضح و مفصل و مرتب
و بالارقام وواحد اتنين تلاتة كمان
ايه الجمال ده؟
تسلم ايدك يا باشا
انا عارف طبعا ان الموضوع جه ع الجرح
قصدي ع الفلكلور
و أضافتلنا معلومات قيمة جدا
أضفت علي الموضوع الروح الاكاديمية
مش عارف اشكرك ازاي
و اشكرك علي ايه ولا ايه
علي ايجابيتك ؟
علي مجهودك؟
علي سرعة تفاعلك؟
علي حضورك؟
علي سرعة بديهتك ؟
علي ايه ولا ايه؟
انا زهقت بصراحة

علي فكرة المرة دي كلامك واضح جدا
سبحان الله :)
شريف
03-09-2009, 11:20 PM
موضوع جميل جدا ياشريف...:27::27:


تسلم ايدك يا امل علي ردك المفصل
ربنا ما يحرمنا من روحك الحلوة
و افكارك المطرقعة
و اوعي تغيبي عن المنتدي تاني
عشان المنتدي من غيرك
ناقصه حاجة مهمة جدا
عز وحيد
04-09-2009, 12:36 AM
بجد اتمنى انى اشوف مواضيعك دايما يا مستر شريف
ابداعات فعلا مش مواضيع
اعتب عليك تأخيرك المرة دى علينا بالابداع ده

اما بخصوص بقى موائد الرحمن


أنت بقى حكايتك إيه مع مائدة الرحمن؟


حكايتى بسيطة بشوفهم واسمع عنهم بس
بس بصراحة ما جربتش خالص




ممكن تقعد على مائدة في الشارع حتى لو ما كنتش فقير؟



والله هى مش حكاية فقر وغنى انا شايف انى لو مضطر انى اعمل كده هعمل
يعنى نفترض مثلا لو انا كنت فى القاهرة وطبعا كده مش فى بلدى ومحاتج افطر ومش معايا فلوس كفاية
ايه الحل اكيد المائدة هى اجمل حل
بس بالنسبة ليا انا مش برتاح ولا بعرف أكل اى أكل غير فى البيت


ولا بتشوف إن ده شيء يسيء لك وسط الجيران؟

من ناحية الإساءة بقى فده يرجع لشخصية كل فرد
بس فعلا لو بعمل كده دناوة يعنى طفاسة يعنى
اكيد هتسىء ليا
وهل موائد الرحمن زي ما هي دلوقتي فيها إهانة للفقير.. ولا لأ؟

بصراحة بقى فيها اهانة كبيرة انا بجد بقيت بحس فيها دايما
بالاستعراض مش غير كده


ولو كانت فيها إهانة.. تفتكر نعمل إيه؟

والله كان عندنا فى بلدنا جمعية خيرية عملت فكرة جميلة اوى بجد فكرة تحل المشكلة ديه
الفكرة كانت ببساطة انهم بيعملوا الأكل فى الجمعية الخيرية
وبيوزعوا الأكل جاهز على الفقراء الى محتاجين ده
وبجد كانت فكرة جميلة
لو بجد كل الناس الى بتعمل موائد فكرت فى الفكرة ديه
وتعمل حصر لكل الناس الى يستاهلوا فعلا
هتبقى أفضل بكتير من الموائد
شريف
04-09-2009, 12:47 AM
اعتب عليك تأخيرك المرة دى علينا بالابداع ده



ربنا يكرمك و يعزك اكتر و اكتر يا عز
مانت عارف كنا مشغولين بايه

تسلم ايدك علي مشاركتك الممتازة
س ا يوسف
04-09-2009, 03:59 AM
أنت بقى حكايتك إيه مع مائدة الرحمن؟
شوف احيكلك الحكاية
دي من كام سنة
بلدنا مكنش لسه فيه موائد الرحمن دي ومكنش نعرف ثقافة موائد الرحمن فقط نعرف من افطر صائما عن طريق العزومة
المهم كنت في القاهرة في حي راقي كدا زي اسمها ايه دي 8 رختر
والمغرب اذن ورأيت هذه المائدة وكانت حاجة فخمة
انا فكرتها بالفلوس وحسبتها قلت اكيد دي بملغ جامد قلت افطر في حي شعبي احسن وارخص
المهم بعد ما مشيت وجد في الحي الشعبي مائدة متحركة سألني شخص فطرت قلت لا قال خذ
عادي انا لو اعرف انها من غير انا كنت دخلت فيها ايه يعني
ممكن تقعد على مائدة في الشارع حتى لو ما كنتش فقير؟
نعم لو مسافر اما ان كنت مقيم ممكن لو عارف صاحب المائدة صحبي يعتي
ولا بتشوف إن ده شيء يسيء لك وسط الجيران؟
لا اطلاقا
وهل موائد الرحمن زي ما هي دلوقتي فيها إهانة للفقير.. ولا لأ؟
هما الفقراء اللي بقدوا دا كله
ولو كانت فيها إهانة.. تفتكر نعمل إيه؟
انا شايف مفهاش اهانة
شريف
04-09-2009, 09:21 AM
أنت بقى حكايتك إيه مع مائدة الرحمن؟
شوف احيكلك الحكاية
دي من كام سنة
بلدنا مكنش لسه فيه موائد الرحمن دي ومكنش نعرف ثقافة موائد الرحمن فقط نعرف من افطر صائما عن طريق العزومة
المهم كنت في القاهرة في حي راقي كدا زي اسمها ايه دي 8 رختر
والمغرب اذن ورأيت هذه المائدة وكانت حاجة فخمة
انا فكرتها بالفلوس وحسبتها قلت اكيد دي بملغ جامد قلت افطر في حي شعبي احسن وارخص
المهم بعد ما مشيت وجد في الحي الشعبي مائدة متحركة سألني شخص فطرت قلت لا قال خذ
عادي انا لو اعرف انها من غير انا كنت دخلت فيها ايه يعني
ممكن تقعد على مائدة في الشارع حتى لو ما كنتش فقير؟
نعم لو مسافر اما ان كنت مقيم ممكن لو عارف صاحب المائدة صحبي يعتي
ولا بتشوف إن ده شيء يسيء لك وسط الجيران؟
لا اطلاقا
وهل موائد الرحمن زي ما هي دلوقتي فيها إهانة للفقير.. ولا لأ؟
هما الفقراء اللي بقدوا دا كله
ولو كانت فيها إهانة.. تفتكر نعمل إيه؟
انا شايف مفهاش اهانة

شكرا جزيلا اخي الحبيب علي مشاركتك الجميلة
و اتمني نعرف اسمك و نتعرف علي حضرتك و نتشرف بوجودك دوما
س ا يوسف
04-09-2009, 03:49 PM
شكرا جزيلا اخي الحبيب علي مشاركتك الجميلة
و اتمني نعرف اسمك و نتعرف علي حضرتك و نتشرف بوجودك دوما

You can see links before reply
ياسر الدقاق
04-09-2009, 04:20 PM
لالا والله بجد ما أجمل موضوعاتك يا أستاذ شريف
موضوعك لازم يشد ونكمله للأخر مهما كان طويل
الله ينور عليك . صياغه إيه . وإخراج ...و......
وبالنسبة لحكاية موائد الرحمن :
أنا حتي اليوم لم أجرب ولم أدخل علي مائده
حتي الحظ الوحش من ثلاثة أيام كنت في مشوار وأذن المغرب علي في الطريق
وأمام مائدة رحمن الناس إل كانوا معايا دخلوهم أصحاب المائدة وأنا محدش قالي نهارك أبيض مش عارف ليه وفطرت بعد المغرب بساعه
بس أعتقد لأني مكنتش ببص ناحية المائدة وماشي بسرعة ....يمكن
وبالنسبة للدخول علي المائدة وهل تسبب إساءة أعتقد لا فمن الناس من يكون مضطر لها
لكن لو كان غني ويستطيع الإفطار في بيته فهي تسئ له
You can see links before reply
ميس صافيا
04-09-2009, 09:01 PM
كل اللفه دى يا شريف عشان تعرف راينا فى موائد الرحمن
شوف يا سيدى
بالنسبه لى صعب اوى اقعد على مائدة رحمن
وهى مش اهانه للفقراء ولا حاجه
بس انا باشوف موائد رحمن معموله فى خيام دى متهيالى احسن من المكشوفه
ومتشكرين ع المواضيع الجميله
الاستاذ على الدين يحيى
05-09-2009, 01:42 AM
أنا عارف أن ردى حيكون هو الوحيد المختلف عن بقية الأعضاء ... وحقولك ليه
أنا فى كل رمضان أتناول طعام أفطارى على موائد الرحمن بمعدل كل خميس من كل أسبوع !
كل خميس من كل أسبوع تعودت أنا ومجموعة من أصدقائى والمشتركين فى هواية واحدة ( وهى صيد السمك ) نركب السيارة وننطلق فى حوالى الرابعة عصراً نحو مكان الصيد وهو غالباً مكان بالقرب من بنى سويف على أن نعود بعد آذان الفجر لليوم التالى . والمغرب دائماً يطالنا فى الطريق فننزل على أى مائدة من الموائد المنتشرة على طريق الصعيد الزراعى ننتاول الفطور مع عامة الناس ثم نكمل طريقنا وحتى أثناء الطريق نجدهم يوقفون السيارة بالعافية حتى يعطونا المشروبات والتمر . وكم تكون فرحتنا ومتعتنا ونحن نتناول الأفطار على البساط فى الشارع أو على الكراسى داخل الصوان أو فى الشارع فى الهواء الطلق وفى أحد المرات حاولنا جاهدين أن ندفع نقود للمشاركة فى عمل أحد الموائد للأيام التالية وكان الرفض شديداً من صاحب المائدة .
أما الموائد داخل القاهرة فطبعاً ليس لنا بها شأناً لأننا نكون فى بيوتنا ولسنا على سفر
الملاحظة الغريبة أن طريق الصعيد الزراعى كل مسجد تجد أمامه مائدة رحمن للصائمين وعابرى الطريق والغريب أن الأكل فيها كلها نفس النوع : لوبيا + أرز + قطعة لحم + سلطة . ومش عارف ليه طعهما بيكون من أروع مايمكن
ها فيه حد قال لك أنه كل على موائد الرحمن غيرى ؟!!
بس تعرف أنت انسان رائع يا شريف وخفيف الظل دائماً فى كل موضوعاتك
دة غير أنك مميز فى أسلوبك الصحفى البسيط الجميل السلس
ربنا يبارك لك فى صحتك وجهدك ويسعد كل أوقاتك يا حبيبى .
شريف
05-09-2009, 10:25 AM
لالا والله بجد ما أجمل موضوعاتك يا أستاذ شريف

موضوعك لازم يشد ونكمله للأخر مهما كان طويل




حبيبي .... نورت الدنيا بطلتك
أتمني أتشرف بردودك دايما
محمد عبد العظيم وسية
05-09-2009, 02:28 PM
طيب ايه رأيك يا مستر شريف

إن مجموعتنا هنا ناويين ننزل القاهرة يوم الخميس

ونفطر على مائدة رحمن ـــــــــ بس مائدة رحمن عادية مش بتاعة زيزي العايقه لأن الصيام مش هينفع اصلا لأني سمعت ان مائدة الرحمن بتاعة زيزي العايقه مافيهاش أكل ..........
أومال الناس بتفطر ايه ؟
أبدا أقولكم ببساطه
الناس بتقعد على الطرابيزات وأول ما المغرب يأذن ــ تنزل زيزي العايقه ترقص ... الناس تبص عليها تفطر ......... وكده برضه أوفر .
ــــــــ
وطبعا مش هنفطر على مائدة رحمن البيه الحرامي الكبير ....... عشان مش عايزين نحط في بطننا حرام
ــــــــــــ
لا يا سيدي
احنا هنشوف مائدة رحمن عادية جدا
ونقعد نفطر عليها إن شاء الله

حتى واحد مننا قال : طيب افرضوا التليفزيون جه يصور المائدة اللي احنا بنفطر فيها .. هنعمل ايه ؟
ناس قالت هنداري وشنا زي اللي محكوم عليهم بالإعدام
وناس قالت هنجري
وناس قالت هنكسر التليفزيون
وناس قال هندلق على الكاميرا صلصه وشوربه
ــــــــ
لكن انا اقترحت عليهم اننا ....................

نلتقي بعد الفاصل .
نعمه محمود
05-09-2009, 03:09 PM
موائد الرحمن في حد ذاتها فكرة نبيلة غرضها الاساسي مساعدة المحتاجين وعابري السبيل ظلت هكذا لفترة طويلة حتى أنك لم تكن لتعرف من هو صاحب المائدة هى مائدة الرحمن وحسبولكن تغير الحال كما تغيرت الثقافة والعادات وأصبحت هذه الموائد فن من فنون التباهى والتفاخر والدعاية وبتنا نرى صنوفا من موائد الرحمن وللاسف خرجت من مضمونها الاساسي واصبحت ظاهرة تحتاج الى دراسه ولكن الصورة ليست كلها سوداء فالحمد لله هناك من لايزالون يعملون لوجه اللله ولا تعلم يمناهم ماتنفق يسراهم
حكايتك إيه مع مائدة الرحمن؟
هى مش حكايتى لكن حكاية ظريفه لموظف عند زوجى في الشركة
الموظف ده كل سنه كان بيعزم اهل زوجته على الافطار في فندق شهرزاد .الفندق عامل خيمة رمضانيه وكل سنه يعزم اهله واهل زوجته مرة واتنين وثلاثه واتارى انها مش خيمة رمضانيه لكنه صوان منصوب لمائدة الرحمن وهو طبعاً عارف وبيستهبل الاظرف بقي ان اهله واهل زوجته مزعلوش منه بل اصروا انهم لايقطعوا هذه العادة ابدا
ممكن تقعد على مائدة في الشارع حتى لو ما كنتش فقير؟
متهيألى صعبه أوى انا احيانا بتضطرنى اشارات المرور اللعينه الى التاخير ولكن لااحب ابدا تناول شيء خارج المنزل
ولا بتشوف إن ده شيء يسيء لك وسط الجيران؟
لا مش عشان الاساءة وبس لكن مش بحب اكل حاجه من حد معرفوش بصراحه انا بقلق
وهل موائد الرحمن زي ما هي دلوقتي فيها إهانة للفقير.. ولا لأ؟
لا ما اعتقدش ان فيها اهانه لانها مش بتبقي للفقراء وبس هى ممكن تكون لاى عابر سبيل

ولو كانت فيها إهانة.. تفتكر نعمل إيه؟

اعتقد ممكن عمل وجبات مغلفه جاهزة افضل من منظر الناس كده
شريف
06-09-2009, 12:11 AM
كل اللفه دى يا شريف عشان تعرف راينا فى موائد الرحمن
شوف يا سيدى
بالنسبه لى صعب اوى اقعد على مائدة رحمن
وهى مش اهانه للفقراء ولا حاجه
بس انا باشوف موائد رحمن معموله فى خيام دى متهيالى احسن من المكشوفه
ومتشكرين ع المواضيع الجميله

طبعا
مس صفاء برضه تقعد علي مائدة رحمن ؟
ليه يعني ؟
هزلت؟
مس صفاء نفرشلها الارض ورد و نعزمها عزومة جامدة جدا
مع الشخصيات الهامة في البلد
وزير الاقتصاد
وزير البترول
محافظ الجيزة
زكي جمعة
كده يعني
نورتي يا ميس
تسلم ايدك
شريف
06-09-2009, 12:17 AM
بس تعرف أنت انسان رائع يا شريف .

و الله ما في أروع من حضرتك يا استاذ علي علي نت ربنا ده كله
حتي مشاركاتك في الموضوعات الخفيفة الضاحكة لها رونقها و بريقها و قيمتها
لساني يعجز عن شكرك عندما تكتب مجرد رد في أي موضوع في المنتدي
فما بالك عندما تشرفني و تزيدني فخرا
و تكتب ردا في أحد موضوعاتي المتواضعة
سلمت يدك أيها المحبوب
أفنان أحمد
06-09-2009, 01:53 AM
فعلا موضوع مميز كالعادة أستاذ شريف
أما حكايتى مع موائد الرحمن أول و آخر مرة شفتها كانت منذ سنوات كنت وزوجى فى الأسكندرية وتأخر بنا الوقت حتى أذان المغرب
لم نجد مواصلات لنعود ولم نجد محال مفتوحة لنشترى طعاما فوجدنا مائدة فترددنا وكنا مكسوفين جدا مش عارفة ليه
فدخلنا لكن كنت حسة إن حولنا موقعة
ومن يومها لا أدرى عنها شيئا إلا كما ذكرت حضرتك
البعض يقوم بها ابتغاء وجه الله للفقراء وعابرى السبيل
والبعض للوجاهة وتقديم السبت ...
والبعض لتطهير المال مع أن الله طيب لا يقبل إلا طيبا
والله أعلم بالسرائر
دمتم فى أمان الله
شريف
06-09-2009, 04:15 PM
إن مجموعتنا هنا ناويين ننزل القاهرة يوم الخميس

.

ياريت والله
طب ياللا انا مستعد و الله
بس ياريت تأكد علي كده
و تقرر
شريف
06-09-2009, 06:01 PM
اعتقد ممكن عمل وجبات مغلفه جاهزة افضل من منظر الناس كده



فكرة جميلة
بس متهيألي مش هتنفع
في الاماكن الشعبية
اللي بيغرفوا فيها الاطباق ع السريع
عشان يسدوا جوع الغلابة
اللمة حلوة برضه
شريف
06-09-2009, 06:03 PM
والبعض لتطهير المال مع أن الله طيب لا يقبل إلا طيبا
والله أعلم بالسرائر
دمتم فى أمان الله



تسلم ايديكي
شكرا جزيلا علي المشاركة القيمة
dream
06-09-2009, 10:40 PM
بصراحة مش اعرف اى شئ عن موائد الرحمن

غير من فترة بسيطة منذ عامين تقريبا

وكنت اعتقد ان الخيم الموجودة

لافراح مثلا

وسالت زوجى مرة هم عاملين فرح فى الشارع ليه

على احد الموائد قال لى دى مائدة رحمن

وبدا يشرح لى ماهي مائدة الرحمن

ومن يومها وانا عارفة انها فقط للفقراء

واصحابها متبرعين بها للفقراء وعابرى السبيل

وسمعت ان فيفى عبده بتعمل فى الحسين كل سنة مائدة رحمن

اوبن بوفيه بس فيف ستار

وحقيقى مش عارفة انا ممكن اكل فيها ولا

لانى مش اعرف حاجة غير من خلال السمع

ربنا يبارك فى من يفعل الخير لوجه الله


وشكرا جزيل على الموضوع الرائع والمنسق

واليفتح النفس
ميس صافيا
08-09-2009, 10:53 PM
طبعا
مس صفاء برضه تقعد علي مائدة رحمن ؟
ليه يعني ؟
هزلت؟
مس صفاء نفرشلها الارض ورد و نعزمها عزومة جامدة جدا
مع الشخصيات الهامة في البلد
وزير الاقتصاد
وزير البترول
محافظ الجيزة
زكي جمعة
كده يعني
نورتي يا ميس
تسلم ايدك


ههههههههههههههههههههه
ماشى يا شريف
اتريق براحتك
طب بالعند فيك باه
هاروح معاكم مائدة الرحمن اللى عازمنا عليها استاذ وسيه