أرجو الافادة من فضلكم وبسرعة..

[أخصائى مكتبات]

السلام عليكم ورحمة الله وبركاته..

دلوقتى هما قالوا ان اختبار الكادر هيكون فى ثلاث أشياء وهم : اللغة العربية - المواد

التربوية - وأخيرا مادة التخصص..

فيه هنا بقى نقطة مهمة عايز أعرفها..

أنا مؤهلى ليسانس آداب علم نفس 2006.

وبشتغل بوظيفة معلم مساعد مكتبات..

وفيه جزء من اختبار الكادر هيكون حول مادة التخصص..

هنا بقى هيمتحنونى فى المكتبات ( التخصص بتاع العمل يعنى )

ولا هيمتحنونى فى علم النفس ( التخصص الدراسي يعنى )؟؟؟

أرجو الافادة من فضلكم.....

[رحمة حسن]

اكيد هتمتحن فى المجال اللى بتشغل فيه لان هو ده المهم فى الوقت الحالى اما اللى درسته فانت مش بطبقه يبقى خلاص كانه لم يكن

[شموع]

السلام عليكم ورحمة اللة وبركاتة
انا عندى نفس المشكلة ........ انا خريجة اداب تاريخ عين شمس 2006 وبشتغل مدرسة رياض أطفال
بس أنا النهاردة كنت فى غرفة الاحصاء علشان أتأكد من بياناتى قبل ما يبعتوها لقيت ان انا متسجلة رياض أطفال والموظفة تفضلت مشكورة واتصلت بالمديرية وقالولها ان انا همتحن فى التخصص المكتوب فى العقد المميز يعنى رياض الاطفال
والحمد للة معرفش عنة أى حاجة خالص علشان ما درستوش:28:

[رحمة حسن]

ازاى يا شموع فى محافظتنا كل معلمات رياض الاطفال الغير متخصصين عينوهم فى مجالتهم يعنى كل خريجى اداب وخدمة اجتماعية تم توزعهم كاخصائيات للروضات

[أخصائى مكتبات]

والله أنه نظام عقيم ووزارة عقيمة وزارة التربية والتعليم دى..

أدرس 4 سنين تخصص معين وأشتغل فى حاجة تانية خالص..

وعـــــــــجـــــــبي..

شكرا ليكى يا أستاذة رحمة ويا أستاذة شموع

[bebo_aref]

انا بقى عندى الرد لانى انا خريجه تربيه قسم علم نفس ومتعاقده (معلم مساعد فصل ابتدأئى)
وأنا قدمت روقى فى الاكاديميه وسألت قال لى العقد شريعه المتعاقدين ماده التخصص بتعتك أصبحت معلم فصل وأنسى اللى درستيه ؟؟؟؟؟؟؟؟؟؟؟
ولنا الله

[شموع]

انت محافظة اية يا رحمة؟
احنا عندنا عجز فى رياض الاطفال والموجهة مش راضية تخلينى ارجع لتخصصى علشان هى محتجانى وبعتت للمديرية وبلغت ان هى مش هتتنازل عن اى حد شغال معاها

[رحمة حسن]

انا فى محافظة بنى سويف
وعندنا عجز فعلا بس فيه تعيينات باستمرار وده طبيعى علشان الدفعات الجديدة
كان الافضل تخصصك حاولى تانى لان ده مش قرار الموجهة ده قرار الموجة العام فى المحافظة
وطبعا بيكون طلب وبيعتمد من الوزارة

[ابو الفاروق]

انا كمان اخصائى مكتبات مساعد وخريج كلية الاداب قسم جغرافيا- شعبة مساحة وخرائط .
اشتغلت اول سنتين مدرس دراسات ثم تحولت لاخصائى مكتبات بالاجر ودة نظرا لظروف صحية ثم تم التعاقد بناءا على نسبة ال 5 % لذوى الاحتياجات الخاصة
ودلوقتى هما طالبيين التربوى طيب ازاى يطلبو تربوى من الاخصائيين وكان اصلا فى شروط تعاقدهم كأخصائيين:-
1- التخصص خريجى كلية التربية قسم مكتبات او خريجى كلية الاداب قسم وثائق ومكتبات .
2- الاعلى تقديرا من الكليات الاخرى بأقسامها المختلفة ( ودة طبعا فى حالة عدم استكمال نسبة العقود المطلوبة من المتخصصين )
3- القائم على رأس العمل فى تاريخ الاعلان عن التعاقدات ( اللى شغاليين فعلا )
يعنى فى الشروط دى مجبوش سيرة التربوى اطلاقا لان الاخصائى بيعمل فى مجال تخصصة فقط سواء مكتبات او نفسى او اجتماعى .. الخ وفى حالة عدم استكمال نسبة العقود من المتخصيين يتم التعاقد من تخصصات اخرى ولكن الافضلية تكون لخريجى التربية اقسام مختلفة او اى مؤهل عالى مناسب +التربوى

وكمان فى الاكاديمية فى التخصصات المختلفة للاختبار مفيهاش ابدا سيرة اخصائى المكتبات ولا النفسى فى مواد التخصص كل اللى مذكور عن المكتبات عبارة عن مهارات وليست تربويات
الوزارة دى اللى هى المفروض وزارة التربية والتعليم عبارة عن (( تخبط وجهل وتعسف )) لان وزيرها ميعرفش حاجة عن المعلم لانوا مدخلش فصل فى حياتة ولا كان فى يوم من الايام يشغل منصب تعليمى مطلقا

[edu_mf]

يا جماعه معلش حد يفهنى .... هو تخصص الكليه (عربى ... أو علوم مثلا ) حاجه والتعاقد حاجه أنا متعاقده معلم فصل ابتدائى !!!!! عايزه اعرف التخصص اللى همتحن فيه اللى درسته 4 سنين ولا باعتبار انى معلم فصل

[edu_mf]

كمان نسيت اوضح بالنسبه للمشاركه الاولى احنا بما اننا مميزين طبعا هنمتحن فى شئ رابع وهو اللغة الانجليزيه وهذا للمتخصصين وغير المتخصصين .............. ربنا مع الجميع

[مدرسة علوم]

والله أنه نظام عقيم ووزارة عقيمة وزارة التربية والتعليم دى..

أدرس 4 سنين تخصص معين وأشتغل فى حاجة تانية خالص..

وعـــــــــجـــــــبي..

شكرا ليكى يا أستاذة رحمة ويا أستاذة شموع




السلام عليكم

طبعا فى اليداية مع خالص احترامى للجميع و انا عارفة ان كلنا تعبنا و ذاكرنا لكن حضرتك عاوز تشتغل مثلا مدرس علم نفس و فلسفة .. طيب المساكين خريجى تربية قسم علم نفس و فلسفة . يروحو فين ؟؟؟
و معلش دى هيه سنة و لا اتنين تربوى تيجى ايه جنب اربع سنين تربوى و اكاديمى درسناهم
مع احترامى الشديد المفروض انك واخد مكان واحد خريج اداب قسم مكتبات و لو ما فيش المفروض ياخدو خرجى تربية لانهم على الاقل درسو تربوى و تربية عملى سنتين و تلاتة و على فكرة تقديرات كلية تربية تقديرات فى الغالب مرتفعة
و كانت كلية تربية امام الجميع لكن الناس احتقروها و فضلو البريستيج و المظهر فى الكليات الاخرى

ياجماعة احمدو ربنا انتم احسن من غيركم كتير