المساعد الشخصي الرقمي

مشاهدة النسخة كاملة : تحسبها صح ..................تعيشها صح


مستر احمد يحيى
09-03-2009, 01:38 AM
مفيش حاجة واجعة قلبى ومسببالى انتفاخات زى الاعلان الغريب اللى بيطاردنى فى شوارع المحروسة بالاضافة للتلفزيون واللى شعارة تحسبها صح ... تعيشها صح ... مستفزززززز جدا .... واحد بيوفر فى استهلاك الكهرباء واللقطة اللى بعدها المحروس بيجرى ورا عياله فى الشالية بتاعه فى بورتو السخنة !!! وبعدين رمش العين وفرت من مصروفها وجابت لاب توب !!! مصروف اية فى ليلتكم الزرقا على دماغكم اللى بيجيب لاب توب !!! وطبعا فى الاخر الجملة الاكثر استفزاززززززززز فى المجرة الارضية واللة متعديش حتى على الهنود ( على فكرة احلى تحية للهنود بتوع النووى ) .... احسبها صح ... تعيشها صح ....

وعلية خدوا عندكم بقى هى جات على يعنى ....


توتى وفر فى فلوس المخدرات بتاعته وجاب عربية هامر جديدة
تحسبها صح .... تعيشها صح

نوسة وفرت من فلوس الديسكو وسافرت 3 شهور فرنسا الصيف اللى فات وفى الغالب مش رجعة
تحسبها صح .... تعيشها صح

سهير بتشرب علبة سجاير واحدة بس بدل اتنين وبفلوسها حجزت شهر فى الفورسيزووووون فى الرويال سويت
تحسبها صح .... تعيشها صح

حنكش قلب بقيت فلوس العيش اللى مامتة كانت بتيدهلوا وبيهم دفع مصاريف الجامعة الامريكية
تحسبها صح .... تعيشها صح

عم حسين بواب العمارة وفر التبيس اللى بياخدوا من السكان واشترى رينالدو بتاع البرازيل
تحسبها صح .... تعيشها صح

عادل صاحب شركة استيراد خصم من كل الموظفين 10 ايام وبيهم جاب خاتم سوليتر للفيونكة بتاعتة
تحسبها صح .... تعيشها صح

صبحى وفر فى اكل الجبنة الروووومى وجاب فيلا فى التجمع الخامس بالبسين وجاب عوامة وزة كمان
تحسبها صح .... تعيشها صح

طأطأ بطل يجيب الكارت ابو 25 جنية وبيجيب الكارت ابو 10 جنية وبالفرق دفع المهر والشبكة وعمل فرحة فى لندن وبيقضى شهر العسل فى الكاريبى
تحسبها صح .... تعيشها صح


نداء الى اصحاب القلوب الرحيمة وجمعيات الرفق بالانسان والحيوان.... اوقفوا الاعلان دة او وفرولنا ادوية مكافحة الحمووووووضة ... بدل ما نموت احنا صح


إذا أعجبك موضوع من مواضيعي فلا تقل شكـراً ... بل قل الآتـي ::
اللهم اغفر له ولوالديه ماتقدم من ذنبهم وما تأخر..
وقِهم عذاب القبر وعذاب النار..
و أدخلهم الفردوس الأعلى مع الأنبياء والشهداء والصالحين ..
واجعل دعاءهم مستجاب في الدنيا والآخرة ..
اللـهم آميـن
شريف
09-03-2009, 01:41 AM
ههههههههههههههههههههههههههههههه
مستر احمد يحيى
09-03-2009, 01:52 AM
شكرا لمرورك شريف باشا
leprince
09-03-2009, 01:53 AM
كلام عاوز اللى يقرأه صح علشان يفهمه صح
MohammeD el_SadaT
09-03-2009, 02:10 AM
اللهم إنى لا أسألك رد القضاء ولكنى أسألك اللطف بى
خلو إيمانكم بالله كبير ياجماعه

وبإذن الله كل شىء هيتعدل مع الصبر والجهد والعمل والإيمان والتوكل على الله
كريم ماضي
10-03-2009, 05:22 PM
هههههههههه
شكرا لموضوع حضرتك
عز وحيد
11-03-2009, 01:12 AM
هههههههههههههههههه
بجد موضوع بيناقش حاجة كلنا مخنوقين منها اوى اوى اوى
انا مش عارف الناس ديه فكرانا ايه
مش بنفهم للدرجة ديه
انت نسيت بقى اهم حاجة يا مستر احمد
بتاع الراجل الى قفل الحنفية ودخل ولاده الحضانة الى عاوزها
ههههههههههههههههههههههههههههههه
حاجة ................تخنق بلاش التانية
ممدوح الأنصارى
11-03-2009, 01:18 AM
اللهم اغفر له ولوالديه ماتقدم من ذنبهم وما تأخر..
وقِهم عذاب القبر وعذاب النار..
و أدخلهم الفردوس الأعلى مع الأنبياء والشهداء والصالحين ..
واجعل دعاءهم مستجاب في الدنيا والآخرة ..
اللـهم آميـن
zizo2_2
17-03-2009, 05:56 PM
شر البلية ما يضحك


شكرا ليك
dream
20-03-2009, 09:38 AM
ههههههههههه

هم يضحك وهم يبكى

ربنا يهدى

الفلوس بتعمل اكتر من كده


اللهم اغفر لمستر احمد ولوالديه ماتقدم من ذنبهم وما تأخر..
وقِهم عذاب القبر وعذاب النار..
و أدخلهم الفردوس الأعلى مع الأنبياء والشهداء والصالحين ..
واجعل دعاءهم مستجاب في الدنيا والآخرة ..
اللـهم آميـن
أشرف السيد
20-03-2009, 09:51 AM
تحسبها صح تعيشها صح

صح يا ريس

نوفر في مساحة المرفقات لكل مدرس نعمل 100 موقع

واحسبها صح
ناصر الفخرانى
20-03-2009, 06:06 PM
اللهم اغفر له ولوالديه ماتقدم من ذنبهم وما تأخر..
وقِهم عذاب القبر وعذاب النار..
و أدخلهم الفردوس الأعلى مع الأنبياء والشهداء والصالحين ..
واجعل دعاءهم مستجاب في الدنيا والآخرة ..
اللـهم آميـن




بهذا الدعـــاء

تحسبها صـــح .... تلاقيــا صـــح