مصروف البيت ــ مع مين ؟ الراجل والا الست ؟ قضية مهمة تحتاج لمناقشة واسعة النطاق

[محمد عبد العظيم وسية]

الزوج : إنتي يا وليه >>>>>>>>>
فين القميص الأزرق بتاعي ؟
والبنطلون ما تكواش ليه ؟
ومين اللي قطع الشراب الكحولي ؟
والأكل ما جهزش ليه لحد دلوقتي ؟
ومين اللي جاب طبق الفول في دولابي يا ولاد الـــــــ ( تييييييييييييييييييييت ) .

الزوجة : إييييييييييييييييييييييييييييييييييييييييييييييييي ييه ..
ارحم شويه ...
إنت فاكر نفسك .................... ( أعزائي المشاهدين ـــ نلتقي بعد الفاصل ) ..


أولا : المفروض مين معاه مصروف البيت ؟؟

زوجه هتقول :
الست طبعا ... هيه اللي عارفه كل متطلبات البيت ( خضار ــ لحمة إن وجدت ــ فاكهة ــ لبس العيال ومصاريف العيال )
يعني الراجل يديها المرتب كله أول ما يقبض ، ويحاول يخنصر منه أي حاجه لمصاريفه الشخصية
والست معاها كل حاجه تتصرف هيه ... والراجل يستريح من القصة دي
بدل ما كل شوية الست تقوله : هات ــــــــــ هات ــــــــــــ هات ........... لحد ما ربت في دماغه الهيتهات ..

ــــــــــ
لكن زوج يرد ويقول :
لااااااااااااااااااااااااااااااااااااااا
المصروف مع الراجل ... والست تاخد اللي هيه عايزاه بالقطاره ... وهم الستات يعرفوا يدبروا يا حضرت ... انسى
انت بتديها المرتب من هنا ، ويعجبها ملايه تشتريها ، يعجبها طقم للبت الصغيره تشتريها ...
يا ستي هوه دا مطلوب دلوقتي ؟؟؟ يا ستي في أهم منه ؟
ترد ببرود وتقول : يا سيدي ليقتها لقطه ، ومش هلاقيها بالسعر دا أبدا .
ــــــــــ يا سلام ... بقا انت عايزني اديها المرتب كله تفتركه قبل نص الشهر .
لاااااااااااا
مفيش رجاله في البيت والا ايه ؟؟
ـــــــــــــــــ

يرد عليه زوج تاني مطحون ويقول :
ما تعملش نفسك عنترة بن شداد يا حضرت ..
مراتك لو بتشتغل وبتجيب فلوس هيبقى عينها أد كده .. ومش هتقدر تمشي كلمه عليها ...
وهتقولك مرتبي دا أنا حره فيه أنا اللي بتعب فيه أصرفه زي ما أنا عايزه ... انت مالك .. انت اللي مسئول عن البيت يا راااااااااااااااااااااجل ....... مش أنا .
ـــــــــــــــــ
ويرد زوج مطحون آخر ويقول :
لا وايه ......... لو عملت حسابك يا حضرت انك تاخد مرتب زوجتك وتحطه على مرتبك .. هتتعود عليه ... ولو تعبت زوجتك وعايزه تقعد في البيت ... مش هتقدر .. هتبقى خلاص اتعودت على دخل معين ..
ــــــــــــــــ

يرد زوج غضنفر ويقول :
لااااااااااااا مفيش عندنا زوجه تشتغل
ربنا خلقهن للبيت ....... ترعى الأولاد وتدير شئون المنزل
يا عالم اتقوا الله ..... هيه الست هتطحونها في الشغل بره ....... وكمان جوه البيت ..
ولما تيجي تقولها : إنتي قصرتي ليه في البيت ........ : ايه الغسيل دا ما تغسلشي ليه ؟
الهدوم دي ما اتكوتش ليه ؟ فين الشراب البني يا وليه ؟
وايه اللي جاب طبق الفول في دولابي يا ولاد الــــــــــــ ( تييييييييييييت )
ما يسكتش وما يقفلش زوره
إلا لما تطلع فيه مراته : إيييييييييييييييييييييييييييييه ....
إييييييييييييييييييييييييه .. اهدا شويه ... انت ايه ما بترحمش ؟ هلاقيها منين ولا منين ؟ من الشغل والمدير الرخم ومشاكل الشغل ولا من عيالك ولا من البيت ولا الغلا ولا من السوق ولا من الطماطم ولا ايه ...
لعلمك بقا انت اللي ( تيييييييييييييييييييت )

ـــــــــــــــــــــ
زوج آخر يرد ويقول :
يا جماعة اهدوا شوية ... موضوع مصروف البيت وشغل الزوجة خارج منزلها دا كله عايز مناقشة كبيرة

تعالوا ناخد رأي المتزوجين والمتزوجات في بوابتنا ...
ونعرف كل واحد وكل واحده ممشيه بيتها ازاي ؟؟؟
وهل يا ترى ( سي السيد ) لسه موجود ؟؟ ولا اتعبا في كياس وانتهى من زمان ؟

وهل لسه فيه في الزمن دا ( الست أمينة ) بتاعة : سيدنا الحسين دعاني يا سي السيد والسوارس صدمتني ........ أيييييوه هيه السوارس ــــــــــــــ
لمي هدومك وهدوم العيال وهدومي وعلى بيت أمك يا أمينة ........... آآآآآآآسف قصدي على بيت والدتك يا أمينة .
........ والا أمينة دي انتهت ............ ومابقاش موجود دلوقتي غير ريا وسكينة ؟؟

والآن :
أجب على هذه الأسئلة إجباري بس براحتك يعني :
الأول : من معه مصروف البيت ؟ ولماذا ؟
الثاني : هل تعمل زوجتك خارج المنزل ؟ وهل تستطيع ( تقدر يعني ) أن تقعدها من العمل خارج المنزل ؟
الثالث : هل ترين ( أختي الزوجة العزيزة ) أن عمل المرأة خارج المنزل واجب لمساعدة الزوج ؟ أم تتمنين أن تكوني ربة منزل فقط لترعي أولادك ؟

لا تنسوا أن تشاركوا في الاستطلاع أعلى الموضوع ..

منتظر المناقشات والحوارات الشرسة بين المتزوجين والمتزوجات ..
وهات هات هات .
لعلنا نتعلم من مشكلاتنا ومن طريقة إدارة المنزل من بعضنا البعض

وعايزين الدم للركب
والكليو 99

[Mr Gomaa Ashour]

بسم الله الرحمن الرحيم
والصلاة والسلام على أشرف المرسلين سيدنا محمد صلى الله عليه وسلم أجمعين
أستاذى العزيز محمد عبد العظيم وسية
:18:
بصراحة موضوعك رائع
والموضوع ده يعتبر من أهم الموضوعات التى يجب أن تأخذ حقها فى إبداء الآراء وفى النهاية يجب عمل توصيات من خلال الآراء المشتركة حتى نجد طريقة مثلى لمصروف البيت
:7:
طبعاً الحمد لله أخدناه
والأشية بقت معدن والحمد لله
وبصراحة الواحد بقى مهم جداً
أصبح مطلوب للتسليف ما إحنا بناخده طبعاً
بعد هذا الرواج العام للكل
لازم الأثر يبان
هيبان ازاى طبعاً بزيادة المصروف
:28:
هحكى لكم قصتى مع المصروف بصراحة
من سياسة الحاج الوالد ربنا يعطيه الصحة والعافية أنه مالوش دعوة بأى حسابات علشان كده كل اللى بعمله يدفع الفلوس وملوش دعوة بأى حاجة
وكذلك أيضا الست الحاجة ربنا يعطيها العافية ملهاش دعوة بأى حسابات
لأن البداية كانت فى العيلة
والعيلة لها نظام
بعد الإنفصال عن العيلة
طبعاً أنا كبير الأولاد وطبعاً اللى بتعلم وطبعاً كنت شاطر فى الحسابات علشان كده طلعت مدرس رياضيات والحمد لله
تحملت المسئولية وبدأت أنظم وأرتب المصروفات وطبعاً أجمع الواردات من جميع الجهات هذا فى سن صغير جداً
الحمد لله كانت إدارتى لماليات البيت جيدة جداً
الحمد لله جوزنا 5 بنات ربنا يصلح حالهم جميعاً
وغلطتى الوحيدة إنى لم آخذ دورى فى الزواج لأنى كنت شايل هم جواز إخوتى جميعاً
ساعتها الحاج قال يلا نجوزك اسمع الكلام
( طبعاً كان بيتكلم وخلاص ماهو مش شايل هم حاجة )
المهم اتجوزت بعد كده ب 9 سنوات بالتمام
لأنى بعمل حساب لكل شىء
على رأى المثل اللى يحسب الحسابات فى الهنا يبات
الحمد لله اتجوزت وظللت فترة داخل نظام العائلة لمدة 5 سنوات
وأخير ومنذ سنتين ونصف أصبحت مستقلاً عن نظام العائلة ( يعنى قعدت لوحدى ) وطبعاً ده يعتبر غلط فى تقاليدنا
أول شىء عملته قلت للمدام الست أم محمد ربنا يعطيها العافية
أنا مليش دعوة بالمصاريف أنا هديلك المرتب والحوافز البدلات ومكافأة الإمتحانات وفلوس الدروس والمجموعات وانت ترتبى نفسك براحتك قلت أرمى الكرة فى ملعبها ما أنا عاوز أريح دماغى كالعادة عدى أسبوع والأسبوع الثانى بدأت تقول عاوز فلوس ثانى قلت لها أجيب لك منين قالت أنا مليش دعوة
بعد كده تعطينى اللى أنا عاوزاه وخلاص
رمت الكرة فى ملعبى ثانى
استمر هذا لمدة سنتين
المهم بعد ما أخدناه بدأت العيون علينا دلوقتى
بدأت تقول ادينى المرتب وملكش دعوة بحاجة
المهم بعد فترة أنا قاصدها
لأنى نفسى أريح دماغى
نفذت طلبها هذا الشهر
مر بالضبط 14 يوم وخلص المرتب وطبعاً قالت اتصرف فى فلوس علشان نكمل بيها الشهر
لم تنجح فى هذا الاختبار فى هذه المرة
بكده استنفذت جميع المرات فى تنظيم المصروفات
طبعاً مين اللى هيشلها تانى
طبعاً العبد لله
:38:
أنا من رأى ان القائم بالمصاريف يختلف من واحد للتانى ومن وست لأخرى
بعض الرجل ناجحين فى الإدارةالمالية للبيت
بعض الستات ناجحات فى إدارة المنزل
المهم الذكاء الإدارى ان كل واحد شاطر فى حاجة يعملها
القفة أم ودنين يشلوها اتنين
على الأقل يوجد مدير مالى ناجح فى البيت
المفروض انه يتحمل المسئولية وما يهربش ويتحمل التبعات
أهم شىء انه ينظم نفسه على قد دخله
على قد لحافك مد رجليك
بعد هذا المشوار الطويل أتمنى من السادة المشاهدين لهذا الموضوع أن يدلى بدلوه فى هذا الموضوع عسى أن ينفعنا أو نتخذه دليلاً لإرشادنا مالياً
أتمنى من الجميع التوفيق
وياريت كل واحد يحكى لنا بجزء من الصراحة التى تعودناه فى هذا المنتدى الجميل
كل عام وأنت فى أتم صحة وأسعد حال
وكل عام وأنتم بخير بمناسبة شهر شعبان وحلول شهر رمضان
أعاده الله علينا وعلى الأمة الإسلامية بالخير واليمن والبركات
آمين يارب العالمين
شكر خاص للمبدع محمد وسية
متعك الله بالصحة والعافية
:38:
هى دى الموضوعات

[طارق ممدوح ذكي محمد]

شوف يا استاذ محمد

لو الزوجة بتعمل .... يبقى المصروف يكون مع الراجل

ولو الزوجة ربت منزل .... يبقى المصروف معاها

والسلام وعليكم ورحمة الله وبركاته

[عز وحيد]

أجب على هذه الأسئلة إجباري بس براحتك يعني :

طيب من عنيا استاذ وسية
شوفت القافية
الأول : من معه مصروف البيت ؟ ولماذا ؟

ببساطة كده انا ارى ان المكان الحقيقى للمرأة هو بيتها
وبالتالى فانها تدبر لوازم البيت واحتياجاته بس مصروف البيت مش يبقى معاها بشكل تام
الزوج يوفر احتياجات البيت وهى تقول احتياجات البيت

الثاني : هل تعمل زوجتك خارج المنزل ؟ وهل تستطيع ( تقدر يعني ) أن تقعدها من العمل خارج المنزل ؟

زى ما قولت فى البداية ان الست مكانها الطبيعى المنزل
وانا من شاد المعارضين لعمل المرأة
فلولا هذا الاختراع ما سمعنا عن بطالة للشباب
وما سمعنا عن عنوسة التى تحدث بسبب البطالة
ببساطة كده عمل المرأة سبب فى مصائب كتيرة بتحصل فى عالمنا هذا
يعنى لو تتبعت اغلب مشاكل عصرنا هتلاقى ان الحل ان الست ترجع لمكانها الطبيعى
الا وهو المنزل طبعا
طبعا اكيد هيتم وقفى بعد الراى ده انا عارف
انما بقى نقول اخر كلامنا ونسلم امرنا لله

الثالث : هل ترين ( أختي الزوجة العزيزة ) أن عمل المرأة خارج المنزل واجب لمساعدة الزوج ؟ أم تتمنين أن تكوني ربة منزل فقط لترعي أولادك ؟


هو السؤال ده مش ليا
بس بجد افضل عمل للمرأة هو ان تكون ربة منزلها
تقوم بعملها السامى وهو تخريج الابطال وصناعتهم
وذلك الدور الكبير للمرأة قد ضاع فى ايامنا هذه
وبالتالى فنحن نفتقد بشدة لذلك الدور وان تقوم به كل سيدة وتساعد فى النهوض بالامة
طبعا اذا كانت المرأة طوال اليوم فى العمل والباقى فى تلبية احتياجات البيت
فمن يخرج لنا الابطال والعلماء

لا تنسوا أن تشاركوا في الاستطلاع أعلى الموضوع ..

منتظر المناقشات والحوارات الشرسة بين المتزوجين والمتزوجات ..
وهات هات هات .
لعلنا نتعلم من مشكلاتنا ومن طريقة إدارة المنزل من بعضنا البعض

وعايزين الدم للركب
والكليو 99


ايه يا استاذ وسية
انت حضرتك نسيت ولا ايه
العذراء
على فكرة انت لازم تعلمنا موضوع بخصوص الكلمتين دول

[MohammeD el_SadaT]

والله أنا رأيى إن دى مش مشكله نهائى
رأيى إن الفلوس هتنقسم لقسمين قسم مع الزوجه وقسم مع الراجل
أصلا كبيره أووى أووى فى حقى لما أبقى راجل وأروح أخد من مراتى المصروف

يبقى قسمين
القسم الأكبر مع الراجل والمرأه تحدد المصروف الإسبوعى للبيت كام وتاخد كل بدايه أسبوع والرجل مسؤل عن
إن كل بدايه أسبوع المبلغ يكون جاهز

ويفضل لو يبقى فيه ميزانيه خاصه للبيت فيه إدخار ولا الحاله لا تسمح
ميزانيه البيت شكلها عامل إيه
طريقه الحياه اللى الفلوس اللى معانا هتفرهلنا هيبقى شكلها إيه

كل حاجه بتيجى براحه وبالتفاهم لا أمينه ولا حتى سى السيد
بالنقاش المسمر وتفهم الوضع اللى إحنا فيه والتعايش والتكيف عليه هما الحل

[شريف]

ريح دماغك و اديها المصروف و عيش زاهد في الحياة و فيها شخصيا
و هوا ده طبيعي
و هكذا يكون البشر
و الموضوع واضح وضوح الشمس من دم ابن يعقوب
و ليت الجميع هناك فوق سبخات الفلاشي
ملحوظة : حينها لن تتواقش المواليح فوق كئوس الخروب

[نداء الجنة]

السلام عليكم ورحمة الله وبركاته
موضوع مصروف البيت بالطبع مووضوع هام وخطير
هذا يتوقف على شخصية الزوجة
لو كانت متزنة مدبرة غير مسرفة - حينها سواء كانت تعمل أو ربة منزل
الافضل يكون المصروف معها
أما لو كانت مسرفة ولا تستطيع التكيف مع ظروف المعيشة وقت الأزمات
الافضل ان يكون المصروف مع الزوج ويعطيها النفقات بقدر الحاجة وأولا بأول
هذا رأيى
على فكرة ماما هيا مسئولة عن مصروف البيت

أحييك مستر محمد على موضوع حضرتك
جزاكم الله خيرا
فى أمان الله

[ميس صافيا]

اللى بيحدد مصروف البيت يكون مع مين هو الزوج اولا واخيرا
ومش كلهم زى بعض
كل واحد غير التانى
فيه زوج ما بيعرفش حاجه عن الشرا ولا عن السوق ولا التعاملات دى خالص فبيقرر يدى المصروفللزوجه
وفيه زوج بخيل وجلده ما يقدرش اساسا يدى المصروف للزوجه ويتولى هو امور الشرا والميزانيه باكملها وربنا يعافينا يعنى يجيب هو باه على مزاجه بالقطاره ربنا يعافينا
وفيه زوج بيعرف يشترى كويس اوى لكن مش عاوز يوجع دماغه وما صدق انه اتجوز عشان يرتاح فيدى الزوجه مصروف البيت
وفيه زوج سواء ليه فى الميزانيه او لا شايف ان دى مسئولية الزوجه اولا واخيرا عشان كده بيديها هى المصروف
وفيه زوج باه عينى عليه بيضطر هو يمسك الميزانيه عشان زوجته مسرفه وبتفرتك المرتب من يوم عشره فى الشهر

شكرا استاذ محمد على طرح الفكره بس حضرتك ما قلتلناش الميزانيه معاك والا مع المدام ؟وعشان انت اى زوج من الازواج اللى انا قلت عليهم ؟


نسيت اقول ان مصروف البيت معايا انا طبعا لانى بفضل الله ناجحه نجاح ساحق فى الاداره الماليه بشهادة الجميع اولهم زوجى حفظه الله
واقولكم هو من اى نوع من الازواج
طبعا لانه زوجى فهو زوج غير عادى
انا زوجى حاله خاصه 2 فى 1 يعنى هو قرر يدينى مصروف البيت لانه من النوعين :

فيه زوج ما بيعرفش حاجه عن الشرا ولا عن السوق ولا التعاملات دى خالص فبيقرر يدى المصروف للزوجه

وفيه زوج سواء ليه فى الميزانيه او لا شايف ان دى مسئولية الزوجه اولا واخيرا عشان كده بيديها هى المصروف

[ميس صافيا]

ريح دماغك و اديها المصروف و عيش زاهد في الحياة و فيها شخصيا
و هوا ده طبيعي
و هكذا يكون البشر
و الموضوع واضح وضوح الشمس من دم ابن يعقوب
و ليت الجميع هناك فوق سبخات الفلاشي
ملحوظة : حينها لن تتواقش المواليح فوق كئوس الخروب


هههههههههههه
ليه حق البيض يتفرس والله
الله يكون فى عونها

[محمد عبد العظيم وسية]

أنا قولت أرد زي أي زوج رد في الموضوع
وبعد كده ... أرد على كل أحبابنا اللي قالوا آراءهم الجميلة واللي بعضها خطيرة وتودي في ( تيييييييييييييييت )

المهم

قبل ما أقولكم موضوع المصروف عندي ماشي ازاي ..
هحكيلكم حكاية غريبة عن جدي ( علي ) أبو جدي ( إبراهيم )
اصل إسمي محمد عبد العظيم إبراهيم علي ..
أهوه جدي ( علي ) دا رحمه الله من بعض حكاياته العجيبة مع زوجته ( اللي هيه جدتي ) وبالمناسبة كان اسمها ( ست الدار )

في يوم جدي جاب خمسه كيلو لحمة ــ وانتوا عارفين الخير زمان كان عامل ازاي
والعائلة كانت كبيرة ما شاء الله وعايشين كلهم في بيت واحد ( بيت العائلة ) .
ـــــــ
والمهم ما اطولشي عليكم ... قولوا طوّل .
ـــــــ
دخل على جدتي وقالها خدي الخمسه كيلو لحمة دي اطبخيهم للعيال ..
راحت ستي وبانفعال شديد ولا إرادي قايل له : ايه اللي خلاك تجيب لحمة يا حاج ؟ ما جبتش فراخ ليه ؟
ــــــــ
رد فعل جدي ( علي ) كان عجييييييييييييييييييييييييييب ..
ناس هتقول : رفع ايده وسلم على وشها ، وخاصة ان صوت علي عليه قدام العيال .
ناس هتقول : رمى عليها يمين الطلاق .. ما جاش فيها ... جه في لمبة الجاز .
ناس هتقول : قتلها ..
ـــ لكن اللي حصل غير متوقع .

المهم ما اطولش عليكم .. قولوا : طول ...

ياااااااااااااااه ... المخرج الرخم بيقولي فاصل إعلاني ..

طيب يا جماعة .. انتظروا رد فعلي جدي

بعد الفاصل إن شاء الله .

[شريف]

انجز عشان اول ما بنشوف الاعلانات في اي قناة بنغير المحطة
نياظي بيتخنق بسرعة

[رودينا]

ماشاء الله واضح ان حضرت مبقوق جدااااااااااا

بس اسلوب حضرت فوق الهايل جزا الله خيرا

انا رايى ان ده اتفاق بين ازوجين يعنى لو فى

اتفاق ع ل شىؤء فى حياتهم مش هيختلفوا ع حاجة

قيمتها بتروح وتيجى بارك الله فيك

[محمد عبد العظيم وسية]

المهم

ما أطولش عليكم .... قولوا : طوّل ..

لما جدي ( علي ) قال لجدتي ( ست الدار ) خدي الخمسة كيلو لحمة دول اطبخيهم للعيال ..
فردت عليه قدام العيال : لييييييييه جبت لحمة احنا كنا عايزين فراخ ..

كان رد فعل جدي وبمنتهى الهدوء ....

اتعدل تاني ناحية باب البيت ... وفتح الباب ... وشاور لكل الكلاب اللي كانت في الشارع تتجمع

اتجمعت الكلاب كلها قدام الباب ........ راح رامي اللحمة قدامهم ..

صرحت جدتي : ليه كده ... طيب ليه ... كنت سيب العيال يا كلوها خسارة ...

قالها : علشان تاني مرة لما أجيب حاجه للبيت .... ما ترديش عليا الرد دا ..

ومش كده وبس ........ بقا يذل فيها

ووقف يبص على الكلاب .......... الكلااااااااااااااااب .. وهيه بتاكل اللحمة ويقولهم بكل مودة وحب : كلوا يا كلاب ... خد يا كلب الحته السمينة دي ........ وانت يا كلب ادي حته لاخوك ..
وانت ما بتكلش الحته الحمرا دي ليه ... كلوا .. كلوا يا كلاب ..
ــــــــ لحد ما جدتي كانت هتموووووووووووت من الحسرة والندم .

ــــــــــ
أيا كان تصرف جدي ( علي ) ... غلط ؟ صح ؟
مش هيه دي القضية ..
لكن شوفتوا رد الفعل السريع والجريء ..
فيه راجل دلوقتي حتى ولو سي السيد ... يقدر يضحي بخمسه كيلو لحمة ياناس .. عشان يعلم مراته درس ......... خمسه كيلو لحمة ايه .... نقول مثلا يضحي بربع كيلو لحمة مجمدة اللي فيها نسبة أنفلوانزا الخنازير قليلة حوالي 20 % بس ..
فيه راجل يقدر يعمل كده ؟ حد يرد عليا .......... ؟
ايه ؟ الرجاله اتخرسوا خلاص ؟
ولا واحد رفع ايده ...
ليه ما تقدرش تعمل زي جدي ( علي ) ؟
ما تقوليش بقا : أصل اللحمة غالية ، وجدك زمان كان بيشترى اللحمة بتمن بيضيتن ( واخده بالك يا شريف ) ..
لا يا اخويا انت وهوه ...
ما تقدرش تعمل كده ... علشان ::::

الرجاله ماااااااااااتوا في الحرب ........... خلاص ..

ــــــــــــــــ

تعالوا بقا لحفيد ابن جدي ( علي ) اللي هوه العبد الفقير اللي قدامك ( محمد عبد العظيم ) ..

طبيعي ان دم جدي ( علي ) يجري في عروق ابنه ( إبراهيم ) ويجري في عروق أبويا الغالي المهندس ( عبد العظيم ) وطبيعي برضه يعني يعني

يتبقى شويه دم يجروا في عروقي ............. دا لو عندي دم أساسا .

وعلشان أبويا الغضنفر ( عبد العظيم ) اللي زوجته موظفه ... وأول ما تقبض مرتب الشهر بتقوله اتفضل يا سي عبد العظيم ...... وأبويا هوه اللي معاه مصروف البيت كاملا ...
وأمي ربنا يبارك في عمرها يارب ......... ست طيبة وعملة نادرة .. وغير كل الحريمات بتوع اليومين دول ..... ما بتقولش لأ ......... وما بتقولش مش ........... وما بتقولش حاجه ...
فالبيت والحمد لله كان ماشي تمام ..

لقيت نفسي اللي هوه ( محمد ) يعني
برضه معايا مصروف البيت كاملا ... واللي هما عايزينه بيطلبوه حتى ولو كيلو طماطم ......... برغم إن زوجتي لا تعمل وهي ليسانس آداب قسم إنجليزي .......... وبرغم إني ما بعرفش اشتري حاجه خالص ، ولا أقف على طابونة عيش ولا أعرف الطماطم من الفلفل بتلخبط بينهم ، ولو اشتريت حاجه مرة كده والا حاجه ........ بتطلع بايظه والبياعين ولاد الــــــــ ( تييييييييييييييت ) بيغشوني ...........
تقدروا تقولوا : دا خيابه برضه مني .......... لكن دا اللي حاصل ..

يبقى أخوكم محمد وسية
زوجته لا تعمل ..... وهذا بفضل الله ....... ورغم كل الإغراءات لعملها حتى ولو مدرسة إنجليزي بعقد أو حتى تدي دروس لبنات الجيران والعائلة ......... رفضت رفضا باتا ..

وبالنسبة لمصروف البيت فهو للأسف معي بالوراثة ........... رغم ان جالي ( الهيتهات ) بسبب
هات .......... هات .............. هات .

وما أطولش عليكم .............. قولوا : طوّل .

ونلتقي بعد الفاصل .

[محمد عبد العظيم وسية]

بسم الله الرحمن الرحيم
والصلاة والسلام على أشرف المرسلين سيدنا محمد صلى الله عليه وسلم أجمعين
أستاذى العزيز محمد عبد العظيم وسية
:18:
بصراحة موضوعك رائع
والموضوع ده يعتبر من أهم الموضوعات التى يجب أن تأخذ حقها فى إبداء الآراء وفى النهاية يجب عمل توصيات من خلال الآراء المشتركة حتى نجد طريقة مثلى لمصروف البيت
:7:
طبعاً الحمد لله أخدناه
والأشية بقت معدن والحمد لله
وبصراحة الواحد بقى مهم جداً
أصبح مطلوب للتسليف ما إحنا بناخده طبعاً
بعد هذا الرواج العام للكل
لازم الأثر يبان
هيبان ازاى طبعاً بزيادة المصروف
:28:
هحكى لكم قصتى مع المصروف بصراحة
من سياسة الحاج الوالد ربنا يعطيه الصحة والعافية أنه مالوش دعوة بأى حسابات علشان كده كل اللى بعمله يدفع الفلوس وملوش دعوة بأى حاجة
وكذلك أيضا الست الحاجة ربنا يعطيها العافية ملهاش دعوة بأى حسابات
لأن البداية كانت فى العيلة
والعيلة لها نظام
بعد الإنفصال عن العيلة
طبعاً أنا كبير الأولاد وطبعاً اللى بتعلم وطبعاً كنت شاطر فى الحسابات علشان كده طلعت مدرس رياضيات والحمد لله
تحملت المسئولية وبدأت أنظم وأرتب المصروفات وطبعاً أجمع الواردات من جميع الجهات هذا فى سن صغير جداً
الحمد لله كانت إدارتى لماليات البيت جيدة جداً
الحمد لله جوزنا 5 بنات ربنا يصلح حالهم جميعاً
وغلطتى الوحيدة إنى لم آخذ دورى فى الزواج لأنى كنت شايل هم جواز إخوتى جميعاً
ساعتها الحاج قال يلا نجوزك اسمع الكلام
( طبعاً كان بيتكلم وخلاص ماهو مش شايل هم حاجة )
المهم اتجوزت بعد كده ب 9 سنوات بالتمام
لأنى بعمل حساب لكل شىء
على رأى المثل اللى يحسب الحسابات فى الهنا يبات
الحمد لله اتجوزت وظللت فترة داخل نظام العائلة لمدة 5 سنوات
وأخير ومنذ سنتين ونصف أصبحت مستقلاً عن نظام العائلة ( يعنى قعدت لوحدى ) وطبعاً ده يعتبر غلط فى تقاليدنا
أول شىء عملته قلت للمدام الست أم محمد ربنا يعطيها العافية
أنا مليش دعوة بالمصاريف أنا هديلك المرتب والحوافز البدلات ومكافأة الإمتحانات وفلوس الدروس والمجموعات وانت ترتبى نفسك براحتك قلت أرمى الكرة فى ملعبها ما أنا عاوز أريح دماغى كالعادة عدى أسبوع والأسبوع الثانى بدأت تقول عاوز فلوس ثانى قلت لها أجيب لك منين قالت أنا مليش دعوة
بعد كده تعطينى اللى أنا عاوزاه وخلاص
رمت الكرة فى ملعبى ثانى
استمر هذا لمدة سنتين
المهم بعد ما أخدناه بدأت العيون علينا دلوقتى
بدأت تقول ادينى المرتب وملكش دعوة بحاجة
المهم بعد فترة أنا قاصدها
لأنى نفسى أريح دماغى
نفذت طلبها هذا الشهر
مر بالضبط 14 يوم وخلص المرتب وطبعاً قالت اتصرف فى فلوس علشان نكمل بيها الشهر
لم تنجح فى هذا الاختبار فى هذه المرة
بكده استنفذت جميع المرات فى تنظيم المصروفات
طبعاً مين اللى هيشلها تانى
طبعاً العبد لله
:38:
أنا من رأى ان القائم بالمصاريف يختلف من واحد للتانى ومن وست لأخرى
بعض الرجل ناجحين فى الإدارةالمالية للبيت
بعض الستات ناجحات فى إدارة المنزل
المهم الذكاء الإدارى ان كل واحد شاطر فى حاجة يعملها
القفة أم ودنين يشلوها اتنين
على الأقل يوجد مدير مالى ناجح فى البيت
المفروض انه يتحمل المسئولية وما يهربش ويتحمل التبعات
أهم شىء انه ينظم نفسه على قد دخله
على قد لحافك مد رجليك
بعد هذا المشوار الطويل أتمنى من السادة المشاهدين لهذا الموضوع أن يدلى بدلوه فى هذا الموضوع عسى أن ينفعنا أو نتخذه دليلاً لإرشادنا مالياً
أتمنى من الجميع التوفيق
وياريت كل واحد يحكى لنا بجزء من الصراحة التى تعودناه فى هذا المنتدى الجميل
كل عام وأنت فى أتم صحة وأسعد حال
وكل عام وأنتم بخير بمناسبة شهر شعبان وحلول شهر رمضان
أعاده الله علينا وعلى الأمة الإسلامية بالخير واليمن والبركات
آمين يارب العالمين
شكر خاص للمبدع محمد وسية
متعك الله بالصحة والعافية
:38:
هى دى الموضوعات


يا سلام عليك يا أستاذ جمعة عاشور يا شرقاوي يا أصيل يا حمّال الأسية والمسئولية
بارك الله فيك يا كبير .
ورزقك الخير أينما كنت .

وحلوه : القفه ام ودنين يشلوها اتنين ..

بس أنا كده عندي قفه بودن واحده ........ يعني سمعها تقيييييييل أوي

وعجبني جدا أنك سمحت للزوجتك المصون .. أنك تديها فرصة ..
عشان تاني مره ما تتكلمش في الموضوع تاني ااااااااااابببببببببببببببببدااااااااااا هههههههههههههههههههههههههههه
شكرا على مشاركتك ورأيك يا ابن بلدي يا غلي .

[محمد عبد العظيم وسية]

شوف يا استاذ محمد

لو الزوجة بتعمل .... يبقى المصروف يكون مع الراجل

ولو الزوجة ربت منزل .... يبقى المصروف معاها

والسلام وعليكم ورحمة الله وبركاته


يا سلام عليك يا أيها الطارق دائما بالخير
بتجيب من الآخر

بس ما قولتش ... إدارة المصروفات على مين عندكم ؟
مين اللي شايل الليله
علشان نتعلم .

[محمد عبد العظيم وسية]

ايه يا استاذ وسية
انت حضرتك نسيت ولا ايه
العذراء
على فكرة انت لازم تعلمنا موضوع بخصوص الكلمتين دول


ماشي يا عز

لما نشوف سياستك الداخلية دي

هتتغير بعد الجواز والا لأ .

وبمناسبة العذراء والكيلو 99
هاعمل بنصيحتك الغالية ونعملهم موضوع مخصوص
حاضر
وسلم على وادي العطشان أحد أحد ... شربة ماء .

[محمد عبد العظيم وسية]

والله أنا رأيى إن دى مش مشكله نهائى
رأيى إن الفلوس هتنقسم لقسمين قسم مع الزوجه وقسم مع الراجل
أصلا كبيره أووى أووى فى حقى لما أبقى راجل وأروح أخد من مراتى المصروف

يبقى قسمين
القسم الأكبر مع الراجل والمرأه تحدد المصروف الإسبوعى للبيت كام وتاخد كل بدايه أسبوع والرجل مسؤل عن
إن كل بدايه أسبوع المبلغ يكون جاهز

ويفضل لو يبقى فيه ميزانيه خاصه للبيت فيه إدخار ولا الحاله لا تسمح
ميزانيه البيت شكلها عامل إيه
طريقه الحياه اللى الفلوس اللى معانا هتفرهلنا هيبقى شكلها إيه

كل حاجه بتيجى براحه وبالتفاهم لا أمينه ولا حتى سى السيد
بالنقاش المسمر وتفهم الوضع اللى إحنا فيه والتعايش والتكيف عليه هما الحل



فعلا كبيرة في حقك انك تبقى راجل وتاخد المصروف من المدام ...
وخاصة ان فيه صورة أسد على اليمين ....... وصورة أسد مرعب في التوقيع


يااااااااااااارب

يفضل توقيعك زي ما هوه يا سادات ــــــــــ بعد الجوااز ــــــ يارب ..

[محمد عبد العظيم وسية]

ريح دماغك و اديها المصروف و عيش زاهد في الحياة و فيها شخصيا
و هوا ده طبيعي
و هكذا يكون البشر
و الموضوع واضح وضوح الشمس من دم ابن يعقوب
و ليت الجميع هناك فوق سبخات الفلاشي
ملحوظة : حينها لن تتواقش المواليح فوق كئوس الخروب


شريف ــــــــــــ
هرد عليك بعدين
لأنك عايز رد خصووووووووووصي .. عند الكيلو 99 والعذراء
وخاصة بعد صورة التوقيع العبقرية بتاعتك دي ( صورة البيض ) وإن دلت .. فإنما تدل على أن الإنسان عندما يـــــــ ............ فيتحول إلى ...............
واخد بالك .
وأنا لن أتزحح ، ولن أتنحنح ....... ولن أقول : ( كلمة ما ينفعش تتقال قدام الناس ) .