المساعد الشخصي الرقمي

مشاهدة النسخة كاملة : اكتب اسمك او اسم من تحب وهتلاقي معني اسمك(متجدد ان شاء الله )



مسيو وليد عسكر
12-08-2009, 02:12 PM
كتير منا يختار اسماء لمولوده ولا يعرف ماهو مدلولها في اللغة فمثلا مروة تاتي من المرو والمرو هو نوع من الحجر الصوان الصلب ولذا يجب ان نستحسن في اختياراتنا وخير الاسماء ما( حمد وعبد) اي احمد -محمد-محمود 00الخ وكذلك عبد الرحمن -عبد الوهاب 000الخ
والان اي عضو عاوز يعرف معني اسمه هرد عليه من خلال كتاب قيم لدي في معاني الاسماء وكذلك بمساعدة فارس اللغة العربية مستر محمد وسية00
هنبدا مثلا ببعض الاسماء 0000
شريف0000وياتي من الشرف وعلو المجد والرفعة
شادي 00علشان خاطر الاستاذه نور :هو من يشدو او من يقول الشعر
طارق :هو من ياتي ليلا وبتفسير اخر اي النجم لان كل نجم بسبب طلوعه بالليل
ذكي :طاهر من الذنوب والتقي الصالح او زائد الخير والفضل
نعمة :اليد البيضاء الصالحة ولها معني اخر وهو الخير الوفير والمال الكثير
هستكمل معاكم بقية الاسماء بعد صلاة الظهر 000

شريف
12-08-2009, 02:50 PM
أولا : صورة التوقيع جامدة أوي....طبعا دول الطلبة بتوعك....ما شاء الله ربنا يزيد و يبارك
ثانيا : واحدة كانت صديقة ليا في الكلية اسمها ((( أسيل )))
افتكرت اسمها دلوقتي و كان نفسي أدور علي معني الاسم ده
فقلت اعمل سبوبة في موضوع مسيو وليد

ميس صافيا
12-08-2009, 02:57 PM
عندى اسم غريب شويه يارب يكون معناه عندك مسيو وليد

" ريتال "

مسيو وليد عسكر
12-08-2009, 02:57 PM
الله :الذات الالهية وقد ورد 2697 مرة في القران الكريم
الرحمن :ذو الرحمة والرافة والنعمة
الرحيم :ذو الرحمة العظيمةوالنعم الجليله
الملك :صاحب السلطه والمتصرف بملكوت السموات والارض
القدوس :المنزه عن كل العيوب والنقائص
السلام :واهب الامن والسلامة لعباده
المؤمن :واهب الامان والطمانينه لعباده المطيعين والصالحين
المهيمن :الغالب والمسيطر علي كل شيء
العزيز :صاحب العزة والرفعة
الجبار:ذو القوة والجبروت والعظمة
المتكبر : ذو الكبرياء والعظمة المتفرد بهما
0000000000000000000000
كل مشاركة احد عشر اسما ان شاء الله

مسيو وليد عسكر
12-08-2009, 03:00 PM
أولا : صورة التوقيع جامدة أوي....طبعا دول الطلبة بتوعك....ما شاء الله ربنا يزيد و يبارك

ثانيا : واحدة كانت صديقة ليا في الكلية اسمها ((( أسيل )))
افتكرت اسمها دلوقتي و كان نفسي أدور علي معني الاسم ده

فقلت اعمل سبوبة في موضوع مسيو وليد

اسيل اي اللين الاملس يقال خد اسل
والف شكر علي مجاملتك الرقيقة

مسيو وليد عسكر
12-08-2009, 03:07 PM
عندى اسم غريب شويه يارب يكون معناه عندك مسيو وليد

" ريتال "
للامانة لم اجده في الكتاب معي ولكن ببحثي وجدت ان له خمس معاني
المعنى 1
أنه رتل، رتلة مؤنث مفرد، والمصدر رتال... والمعنى كما ذكرت: حسن الكلام..
المعنى 2
معنى اسم ريتال : التي تجيد ترتيل القران
المعنى 3
نهر من أنهار الجنة
المعنى 4
فهو في اللغة يرجع الى الرتل والتي تعني المجموعه من الشيئ كا رتل من الناس او رتل من الطائرات وهي الاعداد ما بين الخمسين والمئتين
المعنى 5
وهو من الترتيل
معناه صوت تلاوة القران

مسيو وليد عسكر
12-08-2009, 03:20 PM
الخالق :من خلق جميع مخلوقات السماء والارض
الباريء: خالق كل شيء فيه روح ومبرئها من العييوب والافات
المصور :المانح لكل شيء صورة تميزه عن سواه
الغفار : كثير المغفرة لذنوب عباده
القهار :القاهر لكل من يعاديه ويخاصمه
الوهاب: ذو العطايا الكثيرة والنعم الوفيرة
الرزاق :واهب الرزق لعباده وموزعها بحكمته
الفتاح :فاتح خزائ رحمته لعباده
العليم : الحائط بكل شيء والعارف لكل المعلومات
القابض:القابض للارواح ولكل شيء
الباسط : ذو الرزق الواسع علي عباده

محمد عبد العظيم وسية
12-08-2009, 03:30 PM
يا سلام يا وليد باشا

على موضوعاتك المتجددة

أنا أحب دايم الصااااااااااحي دايما

وخصوصا في الرحلات

ومستر شريف شاهد علينا

محمد عبد العظيم وسية
12-08-2009, 03:32 PM
أولا : صورة التوقيع جامدة أوي....طبعا دول الطلبة بتوعك....ما شاء الله ربنا يزيد و يبارك
ثانيا : واحدة كانت صديقة ليا في الكلية اسمها ((( أسيل )))
افتكرت اسمها دلوقتي و كان نفسي أدور علي معني الاسم ده
فقلت اعمل سبوبة في موضوع مسيو وليد


أحترم
أحترم
أحترم
ذاكرتك القوية يا مستر شريف

ياااااااااااااااه
من أيام الجامعة

دا وإن دل .. فإنما يدل على

على

على تحالف قوى الشعب

وعلى
ايه
ايه

آه

على ان ذاكرتك قوية

كلمة السر : الكليو 99

محمد عبد العظيم وسية
12-08-2009, 03:35 PM
بالمناسبة

اسم ( أسيل )

ذكرني بأبيات جميلة من الشعر الحر بعنوان : يقول الدم العربي
كانت علينا نص أيام ثانوية عامة واحنا طلاب

كان بيقول :

يقول الدم العربي :
أسيل فلا يتداعي ورائي النخيل ـــــــــ ولا ينبت الشجر المستحيل

بس ما شاء الله عليك ــ ذاكرتك قوية .

مسيو وليد عسكر
12-08-2009, 03:36 PM
الباسط :ذو الرزق الواسع علي عباده
الخافض: يخفض من يشاء من عباده
الرافع :يرفع من يستحق من عباده
المعز :المعز لمن اراد من عباده
المذل :يذل اعداءه والعاصين لاوامره ونواهييه
السميع : يسمع لدعوات عباده ويستجيب لهم
البصير : العالم بكل شيء
الحكم : ذو القرار في الحكم
العدل : لا ينافسه احد في عدالته
اللطيف : البار بعباده الرحيم بهم
الخبير :ذو علم بخبايا الامور

مسيو وليد عسكر
12-08-2009, 03:45 PM
ثانيا : واحدة كانت صديقة ليا في الكلية اسمها ((( أسيل )))
افتكرت اسمها دلوقتي و كان نفسي أدور علي معني الاسم ده




تصدق ما اخدتش بالي من العبارة دي:):):)
نهارك اسود معايا
هتعيد فيلم الحب الاول بعد ماتجوزت:6:
لاااااااااااااااا لااااااااااااااااااا
وعلنا كده0000مش خايف من الحكومة
انت مستبيع بقي0000
عموما لينا كلام تاني 0000
بالمناسبه0000الكيلو 99 بيسلم عليك


أحترم
أحترم
أحترم
ذاكرتك القوية يا مستر شريف

ياااااااااااااااه
من أيام الجامعة

دا وإن دل .. فإنما يدل على

على

على تحالف قوى الشعب

وعلى
ايه
ايه

آه

على ان ذاكرتك قوية

كلمة السر : الكليو 99
انت ماصدقت تلاقي حاجه ياعم محمد وتهدده بيها!!!!:16:
ماتسيبه باللي هو فيه ولا خلاص مافيش بطيخه عندك000؟
وانت مافيش اسم من ايام الجامعه محتاج تعرف مدلوله ايه ؟ 00000:friendsxs3::friendsxs3::friendsxs3:
ابعتي علي الخاص وماتخفش سرك في بير غويط
اوعي تقولي مافيش وانك كنت ماشي جنب الحيط وبتقول ياحيط داريني داريني ياحيط وانك كنت ((بتتكثف)):006et4::006et4::006et4::006et4:
عموما لنا لقاء يجمعنا عند الكيلو 99
:38::38:

مؤمن المالكى
12-08-2009, 03:59 PM
لو سمحت عايز معنى سارة ونهى

محمد عبد العظيم وسية
12-08-2009, 04:06 PM
لو سمحت عايز معنى سارة ونهى

سارة ونهى يا مؤمن ــ الاتنين ؟؟؟

ربنا يقويك

محمد عبد العظيم وسية
12-08-2009, 04:07 PM
سارة ونهى يا مؤمن ــ الاتنين ؟؟؟

ربنا يقويك

ومعاك اتنين سارة ونهى يا مسيو وليد ــ واتوصى

ــــــــــــــــــــــــــــــــــــــــــــــــــ ــــــــ

مسيو وليد عسكر
12-08-2009, 04:09 PM
سارة :من تبعث السرور والرضا عند رؤيتها
نهي اي العقل والحكمة

رودينا
12-08-2009, 04:16 PM
رودينا

انابحب اسماء ملك وشهد وهنا

وفكرة الموضوع جامدة جدا

والتوقيع اجمد جدا جدا

محمد عبد العظيم وسية
12-08-2009, 04:18 PM
تصدق ما اخدتش بالي من العبارة دي:):):)

هتعيد فيلم الحب الاول بعد ماتجوزت:6:
على فكره يا مسيو وليد ـــــ
شكله مش الحب الأول بس

ما علينا ..... ما علينا

لاااااااااااااااا لااااااااااااااااااا
وعلى كده0000مش خايف من الحكومة
انت مستبيع بقي0000
عموما لينا كلام تاني 0000
بالمناسبه0000الكيلو 99 بيسلم عليك


انت ماصدقت تلاقي حاجه ياعم محمد وتهدده بيها!!!!:16:
ماتسيبه باللي هو فيه ولا خلاص مافيش بطيخه عندك000؟
وانت مافيش اسم من ايام الجامعه محتاج تعرف مدلوله ايه ؟ 00000:friendsxs3::friendsxs3::friendsxs3:
ابعتي علي الخاص وماتخفش سرك في بير غويط

طبعا هتقولي ............. البير بتاعك غويييييييييييط ومخروم ومنفد على كل منتديات العالم

اوعي تقولي مافيش وانك كنت ماشي جنب الحيط وبتقول ياحيط داريني داريني ياحيط وانك كنت ((بتتكثف))
:006et4::006et4::006et4::006et4:
الكسوف نص الجدعنة ، وخاصة كسوف الشمس .

وبالمناسبة أنا عندي من أيام الجامعة أسماء كتيييييييييييير جدا
لا حصر لهم كلهم أصحابي وحبايبي وقضينا مع بعض أجمل أوقات عمرنا ــــــــ بقول الكلام دا من غير كسوف ــ بجد ــ عادي
الحب دا شيء أساسي في حياتنا

وهقولك بعض الأسماء عشان ما تقولشي اني بتكسف ، واللي يتكسف من بنت عمه .. يروح يقول لعمه ..... انت عارف

واللي يتكسف من الغربال ، يا مأمنه للرجال

المهم
الأسماء يا سيدي أهي

محمد صالح
فريد عبد الرحمن
محمد عبد الله محمد سعد
علاء نجيب
محمد السيد عبد الفتاح
محمد السنجري
عمرو الدسوقي
رضا العدوي
أشرف الصادق
أشرف نبيل
وناس كتير
تحب تعرف أكتر ؟
عموما لنا لقاء يجمعنا عند الكيلو 99
:38::38:

ــــــــــــــــــــــــــــــــــــــــــــــــــ ـــــــــــــــــــــ

مسيو وليد عسكر
12-08-2009, 04:31 PM
رودينا

انابحب اسماء ملك وشهد وهنا

وفكرة الموضوع جامدة جدا

والتوقيع اجمد جدا جدا
اشكرك اختي الغاليه
اولا اهديكي معني كلمة رودينا
سيف من سيوف الرسول صلي الله عليه وسلم .. اسم رودينا: في المعجم اسم اول امراة قامت بتصنيع السهام والرماح ولكن سمعت كتير ان اصلا معناها: اسم السحابة التي غطت على الرسول (صلى الله علية وسلم) وهو في طريقة لغار حراء والله اعلم00
وملك وهو الملاك اي احد الارواح السماوية
هنا :اي فرح وسرور

طارق ممدوح ذكي محمد
12-08-2009, 04:58 PM
موضوع حيوي يكسر حدة الملل في المنتدى

ويساهم في التواصل والتفاعل بي الجميع

بارك الله فيك مسيو وليد

وبالنسبة للأسماء

فأنا عايز معنى ( ريهام ، ميادة ، حسنية )

مسيو وليد عسكر
12-08-2009, 05:07 PM
فأنا عايز معنى ( ريهام ، ميادة ، حسنية )

نهارك مش فايت من محمد وسية
ده اعد للساقطه واللاقطة
تلاته مرة واحد ياطارق الخير
عموما انت حر معاه والحق جهز نفسك يابطل
وسية منتظرك عند الكيلو 99:)

مسيو وليد عسكر
12-08-2009, 05:13 PM
ريهام :المطر الضعيف الدائم صغير القطر
ميادة :كثيرة الدلع والميل اثناء السير
حسنيه تاتي من الحسن والجمال وهي مؤنث لحسني نسبه الي الحسن والجمال

مسيو وليد عسكر
12-08-2009, 05:19 PM
ــــــــــــــــــــــــــــــــــــــــــــــــــ ـــــــــــــــــــــ
موعدنا عند الكيلو 99

طارق ممدوح ذكي محمد
12-08-2009, 05:20 PM
نهارك مش فايت من محمد وسية
ده اعد للساقطه والاقطة
تلاته مرة واحد ياطارق الخير
عموما انت حر معاه والحق جهز نفسك يابطل
وسية منتظرك عند الكيلو 99


و انا مالي ومال محمد وسية

انا فعلا عايز معاني الاسماء دي

ولو حضرتك مصر وعايز تعرف مين حسنية ؟؟

هقولك دي مواطنة مصرية ... من احد الاحياء الشعبية

طارق ممدوح ذكي محمد
12-08-2009, 05:23 PM
ريهام :المطر الضعيف الدائم صغير القطر
ميادة :كثيرة الدلع والميل اثناء السير
حسنيه تاتي من الحسن والجمال وهي مؤنث لحسني نسبه الي الحسن والجمال


اشكرك مسيو وليد

واتمنى اني اخدمك في اسمين تلاتة اربعة

بس ما يزيدوش طبعا عن اربعة ..

مسيو وليد عسكر
12-08-2009, 05:26 PM
ولو حضرتك مصر وعايز تعرف مين حسنية ؟؟


هقولك دي مواطنة مصرية ... من احد الاحياء الشعبية


اشمعني حسنيه اللي مسكت فيها ولا علشان غلبانه ومن الاحياء الشعبية
وسبت مياده وريهام ليه علشان هاي جلاس وبيستعملوا فير اند تافلي
لازم تصر علي التلاته سوا
ماينفعش تفرق بينهم يا جميل

مسيو وليد عسكر
12-08-2009, 05:39 PM
اشكرك مسيو وليد



واتمنى اني اخدمك في اسمين تلاتة اربعة



بس ما يزيدوش طبعا عن اربعة ..

لا ياعم شكراا ومنجلكاش في حاجه وحشه
كفايه عليا اسم واحد اتقفشت فيه واخدت اللي فيه النصيب
طبعا قصدي قسم ثان المنصورة :)

ميس صافيا
12-08-2009, 05:43 PM
للامانة لم اجده في الكتاب معي ولكن ببحثي وجدت ان له خمس معاني
المعنى 1
أنه رتل، رتلة مؤنث مفرد، والمصدر رتال... والمعنى كما ذكرت: حسن الكلام..
المعنى 2
معنى اسم ريتال : التي تجيد ترتيل القران
المعنى 3
نهر من أنهار الجنة
المعنى 4
فهو في اللغة يرجع الى الرتل والتي تعني المجموعه من الشيئ كا رتل من الناس او رتل من الطائرات وهي الاعداد ما بين الخمسين والمئتين
المعنى 5
وهو من الترتيل
معناه صوت تلاوة القران

merci beaucop monsieu




يا رب يكون الايبيل صح
احسن انا اساسا ما كنتش باقبل الفرنساوى خالص

مسيو وليد عسكر
12-08-2009, 05:48 PM
يا رب يكون الايبيل صح


احسن انا اساسا ما كنتش باقبل الفرنساوى خالص


زي الفل:18:
ولو ان فيه حرفين طايرين بس فداكي
merci beaucoup monsieur
اي خدمة سيدتي الفاضله وشاكر جداا لمرورك العطر

شريف
12-08-2009, 07:35 PM
بس ما شاء الله عليك ــ ذاكرتك قوية .

الحمد لله
ذاكرتي قوية جدا طبيعي من غير نعناع
قصدي من غير حبوب مقوية للذاكرة



نهارك اسود معايا
هتعيد فيلم الحب الاول بعد ماتجوزت
لاااااااااااااااا لااااااااااااااااااا
وعلنا كده0000مش خايف من الحكومة
انت مستبيع بقي0000



ليه بس نهاري اسود يا سعادة الباشا
انا عندي ابن عمي معاه بطاقة والله
و بعدين حب أول ايه
دي أسيل دي أختي أختي أختي
أختي بغباوة يعني
هههههههههههههههه

و بعدين حكومة ايه يا مسيو
احنا برضه هنخاف ولا ايه؟
الحمد لله أخوك في بيته
زي الأسد في عرينه

ابقا عدي عليا
هتسمع من ع الباب
زئير للصبح
أسد بقولك

سارة ونهى يا مؤمن ــ الاتنين ؟؟؟

ربنا يقويك

ههههههههههههههه
يا عم بيقولك عايز اسماؤهم بس
مش طالع قمة افرست هوا
ههههههههههههه


لا ياعم شكراا ومنجلكاش في حاجه وحشه
كفايه عليا اسم واحد اتقفشت فيه واخدت اللي فيه النصيب
طبعا قصدي قسم ثان المنصورة :)

لا نعرف بقا القصة
و مش هسكت الا اما اعرف
هتقولي مالك و مال اهلك
ماليش دعوة هعرف يعني هعرف
هههههههههههههههه
حلوة اوي اخدت اللي فيه النصيب دي
يا مسيو
الراجل له الحرية
يفعل ما يشاء
عنصرية بقا:006et4:

مسيو وليد عسكر
12-08-2009, 08:56 PM
الحمد لله
ذاكرتي قوية جدا طبيعي من غير نعناع
قصدي من غير حبوب مقوية للذاكرة

اما نشوف كلهم بيقولوا كده وبعد كده بينسوا اسمهم


ليه بس نهاري اسود يا سعادة الباشا
انا عندي ابن عمي معاه بطاقة والله
و بعدين حب أول ايه
دي أسيل دي أختي أختي أختي
أختي بغباوة يعني
هههههههههههههههه
مش باين
النحنحه اللي رافقت سؤالك وتهدج صوتك لما سالت
بيقولوا انها اختك بس بذكاوة :18:
وعلي راي المثل 000
ورب اخ لم تلده اختك:)

و بعدين حكومة ايه يا مسيو
احنا برضه هنخاف ولا ايه؟
الحمد لله أخوك في بيته
زي الأسد في عرينه
You can see links before reply


ابقا عدي عليا
هتسمع من ع الباب
زئير للصبح
أسد بقولك
You can see links before reply


ههههههههههههههه
يا عم بيقولك عايز اسماؤهم بس
مش طالع قمة افرست هوا
ههههههههههههه

خلاص بقي ياعم شريف عديها المرة دي


لا نعرف بقا القصة
و مش هسكت الا اما اعرف
هتقولي مالك و مال اهلك
ماليش دعوة هعرف يعني هعرف
هههههههههههههههه
حلوة اوي اخدت اللي فيه النصيب دي
يا مسيو
الراجل له الحرية
يفعل ما يشاء

عنصرية بقا:006et4:

خلاص خلي القصة دي في موضوع مستقل
الا قولي
اسد اسد ؟؟؟

شريف
12-08-2009, 09:16 PM
الا قولي

اسد اسد ؟؟؟




اه والله أسد أسد

و حياة ربنا
و حياة الأخوة
ههههههههههههههههههه


:028ja7:

شريف
12-08-2009, 11:15 PM
عندي فضول رهيب اعرف معاني الاسماء دي :
سالي
جيهان
شيرين
ريتاج

هنتعبك معانا يا مسيو
و هتندم انك عملت الموضوع انا حاسس
معلش
عشمنا فيك كبير

مسيو وليد عسكر
12-08-2009, 11:29 PM
عندي فضول رهيب اعرف معاني الاسماء دي :

سالي
جيهان
شيرين
ريتاج


هنتعبك معانا يا مسيو
و هتندم انك عملت الموضوع انا حاسس
معلش

عشمنا فيك كبير

اربعه حته واحده
انت ماشي شرعي بقي
ماشي ياجميل
المشاركة القادمه اهي فرصه اذود مشاركات:)

Blanche Neige
12-08-2009, 11:34 PM
ايه الموضوع الهايل ده يامسيو وليد :27:

بجد تحفه الموضوع لا وفكرته جديده ياوليد

زى العاده ... انا بقى عاوزه اعرف معنى كام اسم كده

خد عندك ياسيدى

اياد وأزاد واوعى تفهم غلط دول ولدين اخوات عندى فالفصل

كمان اسم جودى دا اسم بنت على فكره

كمان اسم سمندا ودا برضه اسم بنت هى البنت بتقول

ان معناه سما وندا مش عارفه ليه الناس بتحير روحها

بس انا عاوزه اتأكد من معناه ممكن البنت مش عارفه ولا حاجه

كفايه كده دلوقتى على اما اشوف اسامى تانيه

مسيو وليد عسكر
12-08-2009, 11:39 PM
سالي تاني من التسلية واللعب
جهان معناها شابه وهو ايضا اسم لجارية
شرين اسم فارسي يعني الحلوة
ريتاج باب من ابواب الكعبة المشرفة

مسيو وليد عسكر
12-08-2009, 11:41 PM
ايه الموضوع الهايل ده يامسيو وليد :27:



بجد تحفه الموضوع لا وفكرته جديده ياوليد


زى العاده ... انا بقى عاوزه اعرف معنى كام اسم كده


خد عندك ياسيدى


اياد وأزاد واوعى تفهم غلط دول ولدين اخوات عندى فالفصل


كمان اسم جودى دا اسم بنت على فكره


كمان اسم سمندا ودا برضه اسم بنت هى البنت بتقول


ان معناه سما وندا مش عارفه ليه الناس بتحير روحها


بس انا عاوزه اتأكد من معناه ممكن البنت مش عارفه ولا حاجه



كفايه كده دلوقتى على اما اشوف اسامى تانيه

هو ايه اصله ده؟؟
الحاجات دي ماخدنهاش ومن برة المنهج
ربنا يعني علي الاجابة

مسيو وليد عسكر
12-08-2009, 11:52 PM
اياد: الجبل العالي المنيع
ازادكلمة عراقية معناها العزيز
جودي اسم جبل رست عليه سفينه سيدنا نوح

محمد عبد العظيم وسية
12-08-2009, 11:57 PM
ريهام :المطر الضعيف الدائم صغير القطر
ميادة :كثيرة الدلع والميل اثناء السير
حسنيه تاتي من الحسن والجمال وهي مؤنث لحسني نسبه الي الحسن والجمال

هنعدي ريهام ــــــــــــ معناها بريء ــــــــــــــــ عدي يا ريهام ــــــــ عدي .

لكن مياده ......... مش هتعدي ......... دلع ايه ........ مش عايزين دلع مرقققققققق . ، وبعدين تميل أثناء السير ليه .......... اتظبطي يا بنت وانتي ماشية ..... ايه الكلام الفارغ دا ... اتطبطي ...

ماشي يا أستاذ طارق يا ممدوح يا ذكي يا محمد ــ يطلع منك انت دا كله ..

تلاته ــــــ تلاااااته ........... فكرتني بثروت في يوميات ونيس ( تلااااااااااااااته ) .


والمصيبة الكبرى ( حسنية )

مصيبة ليه ؟؟؟

كفايه إنها مؤنث حسني

مسيو وليد عسكر
12-08-2009, 11:58 PM
سما اي الصيت والخير
ندي الطل والمطر الكرم والجود

مسيو وليد عسكر
12-08-2009, 11:59 PM
هنعدي ريهام ــــــــــــ معناها بريء ــــــــــــــــ عدي يا ريهام ــــــــ عدي .

لكن مياده ......... مش هتعدي ......... دلع ايه ........ مش عايزين دلع مرقققققققق . ، وبعدين تميل أثناء السير ليه .......... اتظبطي يا بنت وانتي ماشية ..... ايه الكلام الفارغ دا ... اتطبطي ...

ماشي يا أستاذ طارق يا ممدوح يا ذكي يا محمد ــ يطلع منك انت دا كله ..

تلاته ــــــ تلاااااته ........... فكرتني بثروت في يوميات ونيس ( تلااااااااااااااته ) .


والمصيبة الكبرى ( حسنية )

مصيبة ليه ؟؟؟

كفايه إنها مؤنث حسني



شكلك هتحبسنا عند الكيلو 99
بسم الله الرحمن الرحيم 00000
بطيخة

محمد عبد العظيم وسية
13-08-2009, 12:01 AM
عندي فضول رهيب اعرف معاني الاسماء دي :
سالي
جيهان
شيرين
ريتاج





ربنا يزودك فضولك يا سيدي

بس كده كتيييييييييييير

مش ملاحظ يا حاج وليد ـــــــــ

الأسماء كلها علم على مؤنث ............

ايه خلاص ــــــــــ مابقاش فيه رجاله والا ايه ؟

يظهر ان صاحبك كان مقضي حياته أثناء الكلية في الكافيتريا

طارق ممدوح ذكي محمد
13-08-2009, 12:03 AM
هنعدي ريهام ــــــــــــ معناها بريء ــــــــــــــــ عدي يا ريهام ــــــــ عدي .

لكن مياده ......... مش هتعدي ......... دلع ايه ........ مش عايزين دلع مرقققققققق . ، وبعدين تميل أثناء السير ليه .......... اتظبطي يا بنت وانتي ماشية ..... ايه الكلام الفارغ دا ... اتطبطي ...

ماشي يا أستاذ طارق يا ممدوح يا ذكي يا محمد ــ يطلع منك انت دا كله ..

تلاته ــــــ تلاااااته ........... فكرتني بثروت في يوميات ونيس ( تلااااااااااااااته ) .


والمصيبة الكبرى ( حسنية )

مصيبة ليه ؟؟؟

كفايه إنها مؤنث حسني





عايز اقولك ان معاني الاسماء تنطبق تماماً على ....

بس خايف لتفهمني غلط

اتمنى انك تعدي الكل مش ريهام بس ...

ورمضان كريم يا عم وسية

عدي يا ليلة ...

محمد عبد العظيم وسية
13-08-2009, 12:05 AM
نهارك مش فايت من محمد وسية
ده اعد للساقطه واللاقطة
تلاته مرة واحد ياطارق الخير
عموما انت حر معاه والحق جهز نفسك يابطل
وسية منتظرك عند الكيلو 99:)


لا لا لا يا مسيو وليد ــ

وسية قاعد للساقطة واللاقطة ..

دا وسية غلبان جدا ...

وبالأمارة

العذراء ــ والكيلو 99 ــ وبطيخه ــ رمله .


ـــــــــــــــــ

أنا وراكم والزمن طويل يا شعب ..

محمد عبد العظيم وسية
13-08-2009, 12:18 AM
عايز اقولك ان معاني الاسماء تنطبق تماماً على ....

بس خايف لتفهمني غلط

اتمنى انك تعدي الكل مش ريهام بس ...

ورمضان كريم يا عم وسية

عدي يا ليلة ...




حاضر ــ عشان خاطرك انت بس

الكل هيعدي

بس قول لريهام وهي بتعدي بلاش تتمايل وتدلع ....... الشباب مش ناقص .

طارق ممدوح ذكي محمد
13-08-2009, 12:24 AM
حاضر ــ عشان خاطرك انت بس

الكل هيعدي

بس قول لريهام وهي بتعدي بلاش تتمايل وتدلع ....... الشباب مش ناقص .


ربنا ما يحرمنا منك يارئيس كمين .............. الكيلو 99

بس خلي بالك ميادة هي اللي بتتمايل مش ريهام

لكن هقولها حاضر .... واهو نكسب ثواب فيها وفي الشباب

Blanche Neige
13-08-2009, 12:24 AM
اياد: الجبل العالي المنيع
ازادكلمة عراقية معناها العزيز
جودي اسم جبل رست عليه سفينه سيدنا نوح


ميرسى يافندم على الافاده

افادكم الله بس ياريت بقى تكمل جميلك

وتقولى الجبل اللى استقرت عليه سفينة نوح ده

فين بالظبط فى العراق ولا فى تركيا عشان عاوزه افتكر بس

ولكم جزيل الشكر

wala
13-08-2009, 12:38 AM
موضوع حلو قوى يا مسيو وليد

طب ايه يعنى معنى اسم مروان

مسيو وليد عسكر
13-08-2009, 12:47 AM
ميرسى يافندم على الافاده

افادكم الله بس ياريت بقى تكمل جميلك

وتقولى الجبل اللى استقرت عليه سفينة نوح ده

فين بالظبط فى العراق ولا فى تركيا عشان عاوزه افتكر بس

ولكم جزيل الشكر
فالجوديّ هو إسم الموقع او الجبل الذي إستوت عليه أقدم سفينة في العالم، والتي لم يتمكن أحد حتى الآن من العثور عليها.وقد ذكرت التوراة التي أضاعها اليهود وعبثوا بها،أن سفينة نوح عليه السلام قد رست على جبال أراراط ، وهي جبال توجد بأقصى شرق تركيا عند حدودها مع إيران وأرمينيا.وهناك إقتباسات أقدم من نسخ أخرى من التوراة تذكر موقعها في جبل الكردي/الجردي ، وهي جبال الأكراد المعروفة بالعراق وإيران. وقد حدد المفسرون المسلمون موقعها بناء على ما قالته التوراة او قريباً من ذلك، بمنطقة الموصل او ما حولها من جبال الأكراد. ولكن القرآن ذكر إسم الموقع بكلمة الجوديَ،وهكذا جاء بتوراة موسى،ولكن اليهود عبثوا بالكلمة الأصلية لأنهم لم يفهموا معناها أو يستدلّوا على مكانها، فحرفت كلمة الجودي لديهم الى كردي/جردي وهي جبال الأكراد بالعراق.وعندما ترجمت التوراة الى اليونانية والتي هي أصل التوراة الحديثة اليوم ، ضاعت كلمة الكردي المحرفة ، واستبدلت بجبال الأرمن ، منابع دجلة والفرات،أو ما يعرف بجبال أراراط. والبعثات الإستكشافية الأمريكية المحمومة لا تكاد تنقطع عن المجيء الى هذه المنطقة بغية العثور على فلك نوح.وقد تبع المسلمون أهل الكتاب في ذلك ووافقوا اليهود على تحديدهم للمنطقة بجبال العراق ولكن اختلفوا قليلاً في تسمية الموقع او تحديده فربما جعلوا جبال الأكراد هي جبل الجودي الذي إعتبروه قرب الموصل او ما حوله.ونحن لا نكذب اليهود ولا نصدقهم كما أمرنا الرسول الكريم (صلى الله عليه وسلم). والتوراة في أصلها كلام الله ولكن اليهود غيّروا فيها كثيراً وحرَفوها كما ذكر القرآن.وقد رحمنا الله بحفظه القرآن العظيم الذي قضى سبحانه أن لا يأتيه الباطل والتحريف أبداً.فقد حفظ لنا القرآن الكلمة الأصلية منذ نزوله قبل 1400 سنة بدون أي تغيير وهي الجودي.وقد يبدو الأمر غريباً لو قلنا أن الجودي هو مكان او منطقة بقلب جزيرة العرب.فجميع الآراء والتحديدات لليهود والنصارى والمسلمين لموقع السفينة، تتفق انها بجبال شمال شرق العراق بجبل الجودي حول الموصل،او جبال الأكراد او أراراط.ولنحدد أكثر، فإن منطقة الجودي هي في جبال الجزيرة التي توجد بين مكة وصنعاء.فسفينة نوح قابعة هناك تنتظر من يكتشفها منذ آلاف السنين.والآن لنسوق المؤشرات التي تدعم هذا الحدس . قوم نوح لابد أن يكونوا بغرب الجزيرة العربية، لأن خلفائهم عاد وثمود كانوا باليمن والحجاز.فعاد بالأحقاف وهي رمال اليمن وثمود بالحجر وهي بشمال الحجاز. ويتضح من أسماء آلهة قوم نوح التي ذكرها القرآن و هي: ود،سواع،يغوث،يعوق،نسر،وكذلك من أسماء الأنبياء والشعوب والمواطن الأولى مثل:هود،صالح،عاد،ثمود،إرم،الحجر،أحقاف،أن قوم نوح بجزيرة العرب.فالأسماء لا تترجم فالفرس هم الفرس والروم هم الروم.فلو كان تلك الأسماء من خارج جزيرة العرب لرأينا ذلك واضحاً فيها،ولكنها أسماء لها إشتقاقاتها لدى العرب مثل الإغاثة والإعاقة والصلاح والحقاف وغيرها.بينما الفرس والروم مثلاً أسماء ليس لها إشتقاقات تتعلق بها لأنها أعجمية. والشعوب التالية لقوم نوح، كلها لا تبعد عن مكة، فقوم عاد باليمن ، وثمود بالحجاز، ومقام إبراهيم بمكة، وقد بنى وابنه إسماعيل عليهما السلام الكعبة بمكة ومكثوا بها، وقوم لوط قرب قوم مدين بشمال الحجاز والأردن، ويعقوب وبنيه من بادية الحجاز المتاخمة لمصر، كما تواجد أصحاب الرس وقوم تبّع ،بالحجاز واليمن، وبنو إسرائيل تواجدوا بمصر وسيناء ومدين و فلسطين، ومزّق الله قوم سبأ باليمن، واخيراً العرب قوم خاتم الأنبياء ورحمة البشرية (عليه أفضل الصلاة والسلام). وتكثر البراكين والحرار بغرب الجزيرة. وهناك حرات مشهورة بالحجاز مثل:حرة رهاط وحرة البقوم وحرة ليلى وحرة خيبر وحرة النواصف وحرة قشب وحرة العويرض والحرة جنوب الشام كما تمتليء عسير بالحرار،اما اليمن فتكاد تكون كلها صخور بركانية، كما ان مدينة عدن عبارة عن فوهة بركان خامد.وهذه البراكين والحرار تفسر معنى التنّور ،المذكور بالقرآن.فالتنّور هو بركان يفور بالحمم والنار. ويوجد في جزيرة العرب خزان ضخم من المياه الجوفية الأحفورية الذي لعله أكبر خزان مائي أحفوري بالعالم. والمياه الأحفورية هي مياه تكونت قبل أكثر من بضعة آلاف السنين، والتي قد يكون سببها الطوفان العظيم بجزيرة العرب، حيث ابتلعت أرض الجزيرة مياه الطوفان. كما تكتظ الجزيرة بالعيون والينابيع من اقصى الشمال الى اقصى الجنوب عند سفوح الجبال، فلعلها بقايا العيون التي تفجرت منذ الطوفان،وهي من الكثرة بحيث لا يضاهيها اي مكان آخر على الأرض. ومن الناحية التاريخية، ظهر بمصر إله الجبال الذي نسبوه للشرق وهو " سوتي " وهو مستعار من جبال شرق مصر وجزيرة العرب السروات.ونلاحظ أن لفظ "سوتي" شديد القرب من "جودي". ويبدو شكل رأس الحيوان الذي يرمز "لسوتي" كرأس الجمل،مما قد يعني أن سوتي يمثل جبال بلاد العرب.وسمّى العرب جبال السراة بإسم آخر من نفس الأصل وهو الطود.فالطود تسمية أخرى للسراة وذكرت النقوش اليمنية كلمة طود بوضوح تام وتعني بها جبال السراة عموماً وربما جبال عسير خصوصاً.وكثيراً مايرد بالنقوش اليمنية اللقب الملكي " ملك سبأ وحمير وحضرموت ويمنة وأعرابهم طود وتهامة" أي ملك كل مناطق اليمن المعروفة ،بالحواضر والبوادي،بالجبال (طود) والسواحل(تهامة).والسلسلة الجبلية من عرفات ومكة الى أقاصي اليمن تعرف بالطود والسراة.وقد حدد الهمداني أرض طود في كتابه صفة جزيرة العرب: والدارة وابها والحللة والفتيحا فحمرة وطبب فاتانة والمغوث فجرشة بالايداع اوطان عسير من عنز وتسمى هذه ارض طود.والنقوش اليمنية تسمي تلك المناطق بكلمة دوأت فلعلها لهجة في كلمة طود التي عناها الهمداني.والكلمة الشديدة القرب من الجودي أتت في إسم خولان الشام.ففي نقوش اليمن ظهرت أسماء مثل خولان صعدة او الأجدود،فخولان الجنوبية وهي الأصلية تسكن غرب مأرب،أما الشمالية وهي الفرع فسكنت بمنطقة الجودي التي تسمت خولان بإسمها، فعرفوا بالأجدود.وخولان الأجدود يسكنون صعدة التي تبدو لفظياً قريبة من جودي. وقال الهمداني: ثم يتصل بها سراة خولان ويسمى القد.والقد يبدو لهجة في الجُد (جودي). وقد سمّى القرآن الجبال بكلمة جُدُد ،والجدد جبال ومفردها ربما جُد أي جبل. وأعرق قبيلة سكنت تلك المناطق الجبلية او السراة وأشهرها هي الأزد.وإسمها الأقدم والأفصح والذي جاء بنقوش اليمن هو الأسد ثم لفظ الأزد.فكلمة أسد/أزد ليست إلاّ لهجة في أجد. فسبب التسمية لهذه القبيلة الكبرى هو وجودها بمنطقة الجودي. وهناك تسمية حديثة لأكبر جبال عسير عند مدينة أبها،وهو جبل السوده أو جبل سوده.فنجد أنه قريب كثيراً من الجودي(السودي). وقريباً من جبال السراة نحو الشرق ظهرت قبيلة شهيرة وهي كندة،وأصل إسمها كما جاء بالمسند هو كدّة من كدّ ،لهجة في جد (جودي). وهناك إضافة مهمة في معنى الجودي،حيث ان الكلمة مرتبطة كذلك بالماء او الساحل كما في جدة ساحل مكة

شريف
13-08-2009, 12:54 AM
يظهر ان صاحبك كان مقضي حياته أثناء الكلية في الكافيتريا
مش عارف ليه شعور بيراودني
ان ده أر أو حسد حضرتك
أنا أساسا حتي بعد الكلية و انا في الكافتيريا
:006et4:
هوا في في الدنيا أحلي م الكافتيريات ؟

الكيلو 99
عذراء يتقدم

مسيو وليد عسكر
13-08-2009, 01:14 AM
مش عارف ليه شعور بيراودني
ان ده أر أو حسد حضرتك
أنا أساسا حتي بعد الكلية و انا في الكافتيريا
:006et4:
هوا في في الدنيا أحلي م الكافتيريات ؟


الكيلو 99

عذراء يتقدم

ايه يامستر محمد الحقد والغل ده
وايه يعني لما يعد علي الكافتريا يطلب كابتشينو ونعناع
الرجل اجرم يعني ؟
ربنا يوفقك لمصر يا مستر شريف
ونشوفك عند الكيلو 99

كريم ماضي
13-08-2009, 01:27 AM
السلام عليكم
موضوع كالعاده

وطبعا حضرتك عارف الباقي


عايز معاني الاسماء دي

بما انها اول مشاركه

رمضان

كريم

علي
تامر
طارق
عز
احمد
محمد
محمود
هدي
الاء
ساره
جزاكم الله خيرا
وافكر بقي في الباقي ان شاء الله

مسيو وليد عسكر
13-08-2009, 04:36 AM
السلام عليكم
موضوع كالعاده

وطبعا حضرتك عارف الباقي


عايز معاني الاسماء دي

بما انها اول مشاركه

رمضان الرمض هو الحر الشديد وهو الشهر التاسع من الشهور القمرية وشهر الصعند المسلمين

كريم وهو ذو الكرم والجود والحسب

علي اي الشريف الرفيع القدر
تامر كل ذي تمر وفير الخير
طارق سبق ذكرها
عز اي صاحب المال والجاه
احمد اتي او فعل ما يحمد عليه
محمد من كثرت خصاله الحميدة
محمود من اثنيت عليه وشكرته
هدي الرشاد والاستقامة ولها ايضا معني النهار والطاعه والطريق
الاء اي النعم ولها معني اخر الشجر حسن المنظر
ساره من تبعث عند رؤيتها علي السرور والرضا
جزاكم الله خيرا
وافكر بقي في الباقي ان شاء الله
تحت امرك يا جميل انت تؤمر بس

المهندس هشام كمال الدين
13-08-2009, 04:10 PM
الاستاذ وليد
شكرا علي الموضمع الجميل ده
وعايز أعرف معني أسمي: هشام
لك التحيه وربنا يستر الظاهر ان الاستاذ/ محمد عارف حاجات كتير
وهيفتح عليك فتحه.

مسيو وليد عسكر
13-08-2009, 04:16 PM
الاستاذ وليد
شكرا علي الموضمع الجميل ده
وعايز أعرف معني أسمي: هشام
لك التحيه وربنا يستر الظاهر ان الاستاذ/ محمد عارف حاجات كتير
وهيفتح عليك فتحه.
اشكرك اخي العزيز
وتحت امرك في اي شسء
هشام معناه الجود والكرم
وده طبيعي جداا علي اهل الشرقية الكرام

شمس بياض
13-08-2009, 04:41 PM
كتير منا يختار اسماء لمولوده ولا يعرف ماهو مدلولها في اللغة فمثلا مروة تاتي من المرو والمرو هو نوع من الحجر الصوان الصلب ولذا يجب ان نستحسن في اختياراتنا وخير الاسماء ما( حمد وعبد) اي احمد -محمد-محمود 00الخ وكذلك عبد الرحمن -عبد الوهاب 000الخ
والان اي عضو عاوز يعرف معني اسمه هرد عليه من خلال كتاب قيم لدي في معاني الاسماء وكذلك بمساعدة فارس اللغة العربية مستر محمد وسية00
هنبدا مثلا ببعض الاسماء 0000
شريف0000وياتي من الشرف وعلو المجد والرفعة
شادي 00علشان خاطر الاستاذه نور :هو من يشدو او من يقول الشعر
طارق :هو من ياتي ليلا وبتفسير اخر اي النجم لان كل نجم بسبب طلوعه بالليل
ذكي :طاهر من الذنوب والتقي الصالح او زائد الخير والفضل
نعمة :اليد البيضاء الصالحة ولها معني اخر وهو الخير الوفير والمال الكثير
هستكمل معاكم بقية الاسماء بعد صلاة الظهر 000

اشكرك شكرا جزيلا اخى الفاضل
لتذكركم اختكم وشاديها

هو فعلا يشدو شعرا
بس دا كان زمان:bosyht9:


بجد موضوع من روائعكم
اخى الفاضل يضم كوكتيل
رائع
ادخلتم البهجه والسرور على نفسى وزدتم معلوماتى
واثريتموها
وممكن اعرف معنى اسمين
لتلميذتين كانتا لدى فى مدرسه بالسعوديه
بجد كانتا ممتازتين هما
شبشا =ومشعا
وياريت بالمرة هيفا =وروميساء=ونانسى= وروان =ورانى
معلهش بقى استحمل
اه
نسيت هو كل واحد ياجى من الرحله يقول فزورة
ولا ايه حكايه ال99
ولا بقى بتشوقونا نكون معاكم فى رحله ادعولنا
بجد موضوع هايل وتعليقات دمها خفيف :27:

مسيو وليد عسكر
13-08-2009, 05:06 PM
[center]اشكرك شكرا جزيلا اخى الفاضل

لتذكركم اختكم وشاديها


هو فعلا يشدو شعرا
بس دا كان زمان:bosyht9:



بجد موضوع من روائعكم
اخى الفاضل يضم كوكتيل
رائع
ادخلتم البهجه والسرور على نفسى وزدتم معلوماتى
واثريتموها
وممكن اعرف معنى اسمين
لتلميذتين كانتا لدى فى مدرسه بالسعوديه
بجد كانتا ممتازتين هما
شبشا =ومشعا
وياريت بالمرة هيفا =وروميساء=ونانسى= وروان =ورانى
معلهش بقى استحمل
اه
نسيت هو كل واحد ياجى من الرحله يقول فزورة
ولا ايه حكايه ال99
ولا بقى بتشوقونا نكون معاكم فى رحله ادعولنا

بجد موضوع هايل وتعليقات دمها خفيف :27:

اعزك الله اختي الكريمة
شبشا اي جمال الوجه وسواد الشعر ومنها شيبوب وشبيب
مشعا :زاهيا متالقا
هيفاء :ضامرة البطن من النساء اي ذات الخصر النحيل
روميساء:قليلة الكحل في العين وكانت اسم لاحدي الصحابيات
نانسي:من اسماء الازهار وهي زهرة ذات رائحه عطرة جميله
روان: من اسماء الجنة ولها معني اخر من تطيل النظر الي وجهه لشدة حسنه
راني :من القرب ومؤنثها رانيا وهو من انواع الزهور الجميلة
رنا (علشان اسم بنتي ):):)اي الطرب اومن ينشغل به القلب حبا واصغاء

مسيو وليد عسكر
13-08-2009, 05:24 PM
آثار: ما بقي من الشيء
أريج: ريح طيبه
آلاء: نعم
اسامه: من اسماء الاسد
أنس:من يؤنس به
الياس: انقطاع الرجاء
أيمن: مبارك
ايهاب: الجلد
آسيه: دواء
آيه: علامه
إبتهال: دعاء و تضرع
أروى: أنثى الوعل وهو حيوان جبلي
أفنان: الغصن
أمل: رجاء
أغاريد: غناء الطائر
الهام:وحي
إيمان: تصديق
آمنه: مطمئنه
أسيل: ناعمه(( واخد بالك ياعم شريف :):18:))
بشار: من يبشر كثيرا
بكر: فتي من الجمال
بلال: ماء
بتول: منقطعه عن الزواج الى العباده
بثينه: اللارض السهله
بدور: القمر
يسمه: ضاحكه دون صوت
بشرى: خبر مفرح
بادي:ظاهر
تمام: تام الخلق
توفيق: نجاح
ثامر: شجر طلع ثمره
جاسم: عظيم
جعفر: نهر
جواد: كريم
تاله: نخله صغيره
تماضر: ناعمه
ثريا: مجموعه كواكب
جويريه: تصغير جار
جمالات: جمال وجمال وجمال :):)(اي جمالها 3في واحد )
حاتم: حاكم و قاض
حسام: سيف
حازم: ضابط الامر
حمزه: الاسد
خزيمه: زهر طيب الرائحه
حصه: نصيب
حواء: سواد ضارب الى الحمره
خديجه: مولوده قبل تمام ايامها
داني: قريب
دريد: من ذهبت اسنانه
زاهي: متكبر
دانه: حجر كريم
ديمه: مطره دائمه في سكون
زهره: ثمر النخل
زينب: شجر جسن المنظر
راجح: غالب برايه على غيره
راغب: مريد و محن
رزان: هادئ الطبع
رامز: مشير
رامي: اسم كوكب
رائد: رسول القوم
رضوان: القبول
ريان: من ابواب الجنه
رانيه: مديمه النظر
رباب: السحاب الابيض
ربى: التله
رحاب: الارض الواسعه
رشا: ولد الظبيه
رنده: شجره طيبه الرائحه
رنين: صوت حزين
رهام: أمطار خفيفه
رويدا: الرفق في المشي
ريم: ظبي ابيض
رؤيا: مما يراه النائم
سامر: ساهر بالليل يتحدث
سامي: مرتفع
سلمان: برئ من العيوب
ساره: الفرح
سندس: الحرير
سحر: اخر الليل
سماهر: الرمح الصلب
سمر: حديث الليل
سهى: احد الكواكب
سوسن: زهر معروف
صوان: حجر شديد
طارق: اتى في الليل او نجم ساطع في السماء
طلحه: شجر و شوك
شاديه: منشدة الشعر
شيماء: من ظهرت عليها شامه
صبا: حب و حنين
ضحى: وقت الشروق
عارف: عالم
عاصم: مانع
عامر: ساكن الدار
عدنان: مقيم في مكان
عزام: جاد في الامر
عمار: ريحان يزين به مجلس الشراب
عنان: سحاب
عنتر: الذباب الازرق
عهد: وفاء
عبلة: ضخمة
عزة: بنت الظبيه
علياء: قمة الجبل
غسان: ميعة الشباب وحدته
فادي: منقذ غيره بفديه
فراس: مفترس
فيصل: سيف قاطع
قيس: قاس أي قدر
غادة: لينة
غداف: شعر طويل أسود
كاظم: كاتم غيظه
لؤي: بطء
ليث: اسد
نايف: مرتفع
نزار: قليل
كوثر: ماء العذب
لبابه: ذات حسن كريم
لبنى: شجرة لها لبن كالعسل
لجين: فضه
لمى: اسمرار الشفه
لميس: لينة اللمس
ليلى: نشوة الخمر
نجلاء: ذات عينين واسعتين You can see links before reply
نجود: جمع نجد وهو المرتفع
نهى:عقل
نوف: الارتفاع
نسرين: ورد أبيض قوي الرائحة
نوال: عطاء
مازن: مسرع في طلب لاحاجة
مرعي: محروس
مروان: الحجر الابيض الرقيق
مشعل: سراج
مصطفى: مختار
معاذ: ملاذ
معن: جري الماء جري سهلا
مهند: سيف
مها: نوع من الغزلان
هاشم: كاسر
هدير: صوت الرعد
هشام: كرم
هيثم: صقر
وائل: طالب النجاة
يامن: مبارك
هتون: انصباب المطر
هيام: عطش شديد
هيفاء: ضامرة البطن
وداد: حب
يحيى: يعيش
يسرا: اليسر والسهولة
ايوب:اسم عبري معناه التائب الي الله او الصابر
ايناس :من الانس ولها معني االيقين ايضا
باسل : اي شجاع
جابر :اي محسن او الم:اغني بعد الفقر
جعفر :اسم نهرولها معني الناقة غزيرة اللبن
ونلتقي في مداخلة اخري 000

مسيو وليد عسكر
13-08-2009, 07:33 PM
فين اسمائك يا مستر وسية ؟
ولا مكنش عندكم كافتريا في جامعه الزقازيق ؟:)

نعمه محمود
13-08-2009, 11:07 PM
موضوع جميل مسيو وليد تسلم ايدك
كنت عاوزة اعرف معنى
مرام
شادن
لؤى

مسيو وليد عسكر
14-08-2009, 02:33 AM
موضوع جميل مسيو وليد تسلم ايدك

كنت عاوزة اعرف معنى
مرام
شادن
لؤى

مرام: اي مطلب او مقصد
شادن: ولد الغزال والجمع شوادن
لؤي :ده اللي جه في فيلم صعيدي رايح جاي :)ومعناه الثور الوحشي ههههههههه تخيلي 000
نورتي الموضوع يالللي مشرفانا ورافعة راسنا

شمس بياض
14-08-2009, 03:07 AM
رنا (علشان اسم بنتي ):):)اي الطرب اومن ينشغل به القلب حبا واصغاء
حفظها الله لكم وحفظكم لها
ورايتها كماتتمنى
اللهم امين
شكرا جزيلا لحضرتك

مسيو وليد عسكر
15-08-2009, 01:31 AM
رنا (علشان اسم بنتي ):):)اي الطرب اومن ينشغل به القلب حبا واصغاء
حفظها الله لكم وحفظكم لها
ورايتها كماتتمنى
اللهم امين
شكرا جزيلا لحضرتك


ربنا يبارك فيكي
وهي بتبعت لك سلام وبتقولك الف شكر ياماما نور

عز وحيد
15-08-2009, 02:00 AM
الا يعنى ايه اسم
وليد يا مسيو وليد
مش معقول يا جماعة يعنى صاحب الموضوع ما نعرفش اسمه
ههههههههههههههههه

مسيو وليد عسكر
15-08-2009, 02:06 AM
الا يعنى ايه اسم
وليد يا مسيو وليد
مش معقول يا جماعة يعنى صاحب الموضوع ما نعرفش اسمه
ههههههههههههههههه

مولد ياسيدي يعني المولود ساعة ولادته
تخيل ؟؟:7:
بس خليها في سرك لاحسن مش راكبة مع هيئتي الحالية باي صورة
وربنا ستار بعباده:)

مسيو وليد عسكر
15-08-2009, 02:10 AM
بالشكل ده انا هبدا اسأل بعد ما وفقني الله للرد علي اسئلتكم واجهزوا 00
ونشوف مين اللي هيجاوب اسرع 000
علي بركة الله 00
نبدأ000
ايناس
ايهاب
ايهم
جيداء
جويرية
جورج
جعجاع
جلنار
كنعان
كوكب
كاميليا
كلثوم

ميس سوزان
19-10-2009, 05:15 AM
السلام عليكم
تسلم ايدك موضوع جميل جدا

انا كنت سألت على اسمى suzan ولقيته اجنبى مالوش معنى !!
عندى واحدة صحبتى اسمها iven ومعناها الحلوى بس باليابانى
وفيه اسامى مفهومة زى احلام وامانى وحاجات دينية زى سندس وكوثر و جنة زمردة ومرجان وهبه ودعاء ومنى
ومحمود ........

مسيو وليد عسكر
20-10-2009, 04:21 PM
السلام عليكم

تسلم ايدك موضوع جميل جدا


انا كنت سألت على اسمى suzan ولقيته اجنبى مالوش معنى !!
عندى واحدة صحبتى اسمها iven ومعناها الحلوى بس باليابانى
وفيه اسامى مفهومة زى احلام وامانى وحاجات دينية زى سندس وكوثر و جنة زمردة ومرجان وهبه ودعاء ومنى

ومحمود ........

فعلا اسم سوزان اسم غير عربي وليس له دلالة معجمية وكنت اتمني اقدر افيدك فيه ولكن كما قلتي فهو اسم غير عربي ومتشكر جداا علي مرورك العطر واهلا وسهلا بيكي في المنتدي

omnia & star
08-11-2009, 05:30 PM
:18::38:
thank you master waleed but i want know
any thing about the name gana:6::6:

sir_wyvern
09-11-2009, 02:03 AM
مسيو انا عاوز اسمى [فداء] وده كمان[لجين]

ايناس عباس
28-01-2010, 03:44 PM
ايناس*محمد

nadyalmsry
29-01-2010, 11:06 PM
نادى المصرى

امة الرحمن
01-02-2010, 03:56 PM
وأسماء وأسماء يعني جت عليه

جايب كل الاسماء دي وسايب اسماء

انا بحب اسمي جدا

انا عارفه معناه بس لما اعرفه من حضرتك هيكون اجمل

بنوته كاجول
11-03-2010, 11:10 PM
اللهم صلى على كامل النور
جميلة أوى الاسئلة دى
وشاملة لكل حياة الرسول عليه أفضل الصلاة والسلام
جزاك الله خيرا

الفقير الى الله مولاه
28-09-2011, 11:56 AM
على فكرة ليست حديث حكاية ماعبد وماحمد دى وانما هيا مقولة عادية كمثل شعبى اشتهرت على السن الناس لا اصل لها ولاتعرف
و ليست بحديث وانما مقولة عادية وليست حديث اكرر ليست حديث وانما مقولة عادية اشتهرت على السن الناس ولا اصل لها ولاتعرف
وليست بحديث اللهم بلغت اللهم فاشهد

عرووو به
18-11-2018, 12:57 AM
اسماء بنات (You can see links before reply) واولاد رائعة يسلموا على الافكار الرائعة