نتشرف جميعاً بالضيف الثامن على كرسى الإعتراف الاستاذ سيف سالم [الأرشيف] - المنتديات التعليمية

س ا يوسف

10-08-2009, 11:00 PM

تتشرف إدارة المنتدى والأعضاء اليوم بضيف عزيز كريم الأصل والأخلاق صاحب حضور مميز وأراء صائبة ودراية بمعظم الأشياء ومشاركات أكثر من رائعة ونحسبه على خير ولا نزكى على الله أحدا ضيفنا اليوم الاستاذ الفاضل سيف سالم

بل يشرفي ان اكون في ضيافتكم
وكم اسعدني ان محاوري يكون الاستاذ محمد عباس وهو يعلم كم احبه في الله
وان كان مبالغا الى حد كبير -تقول - الضعف في تقديمه اياي
وان حذفنا - كم هي كلمة مؤلمة - اللون الاخضر
تكون المبالغة في الحدود المسموح به
وان كان لي تعليق
ظننت ان لن نرقم الضيف بعد احمد رضا
اقر انا الموقع اعلاه الساكن في العنوان اياه ان اعترف

Mr Gomaa Ashour

10-08-2009, 11:21 PM

بسم الله الرحمن الرحيم
:18:
أهلاً وسهلاً ومرحباً بمستر سيف سالم
نورت كرسى الإعتراف
طبعاً أسئلتى بسيطة جداً
أولاً : أول لقاء بيننا كان يوم افتتاح المنتدى
ما الذى استفدته من هذا اليوم ؟
كفية كدة دلوقتى
:38:

محمد بن عباس

10-08-2009, 11:29 PM

1-ما أكثر الاشياء التى أعجبتك فى بوابتنا؟
2-سنعرض عليك بعض الصفات بعض أذنك أختر أمام كل صفة عضو تعرفه؟
طموح؟
مجتهد؟
نشيط؟
تشعر بوجوده؟
تحتاج إليه؟
لا تستغنى عنه؟
مميز؟
محب للأخرين؟
3-ما الشئ الذى تحبه بنسبة 100% وتكره فى نفس الوقت؟
4-ما رأيك بقسم الاخبار بالمنتدى؟
5-كيف ترى سيف سالم الذى لا نراه؟
6-هل أنت راضى عن كادر المعلمين؟

س ا يوسف

10-08-2009, 11:30 PM

بسم الله الرحمن الرحيم
:18:
أهلاً وسهلاً ومرحباً بمستر سيف سالم
اهلا بك mr gomaa ashour
نورت كرسى الإعتراف
صراحة الكرسي انا جيت وجده منور من كل من سبقوني بالجلوس عليه
طبعاً أسئلتى بسيطة جداً
انا تحت امرك اخي الفاضل
أولاً : أول لقاء بيننا كان يوم افتتاح المنتدى
ما الذى استفدته من هذا اليوم ؟
كتير
على سبيل المثال لا الحصر
عرفت مكان مستشفى الاطفال 57357
وتشرفت بمعرفتكم
وفرحة الاعلان عن بوابة التعليم المصري
كفية كدة دلوقتى
انا معاك اي وقت
:38:

شرفت بسؤالك البسيط
وفي انتظار المتوسط والاصعب

س ا يوسف

10-08-2009, 11:49 PM

1-ما أكثر الاشياء التى أعجبتك فى بوابتنا؟

لمة - compact - cover الاعضاء فيما بينهم في البداية

2-سنعرض عليك بعض الصفات بعض أذنك أختر أمام كل صفة عضو تعرفه؟

المشكلة انى ضعيف جدا في تذكر الاسماء
واسأل الاستاذ اشرف السيد لما سألني عن شئ قلت له مش فاكر فلان ام فلان
رجع انت بس قائمة الاعضاء وانا بسرعة شدية يكون الاعتراف على التالي

طموح؟
مجتهد؟
نشيط؟
تشعر بوجوده؟
تحتاج إليه؟
لا تستغنى عنه؟
مميز؟
محب للأخرين؟
3-ما الشئ الذى تحبه بنسبة 100% وتكره فى نفس الوقت؟

في الآن - اي نفس اللحظة - مفيش
بس بعد مرور وقت
كتيييييييييييييييييييييييييييير
انا الحب عندي 100 %
وكذلك الكره

4-ما رأيك بقسم الاخبار بالمنتدى؟

بدون مجاملة رائع - ما اجمل ان تأتيك الاخبار فور صدورها -
والدليل تعليقاتي عليها

5-كيف ترى سيف سالم الذى لا نراه؟

هو ما يراه الاخرون
فقط الاختلاف في الدرجة
يعني سيف سالم في اوقات اقل حدة واوقات متوسط الحدة وفي الغالب اشد حدة

6-هل أنت راضى عن كادر المعلمين؟

من اي ناحية

الطريقة
العائد المادي
امتحاناته
الاسئلة دي عايز كثير من الكلام
حدد شئ اول قل من كله وستجد الاعتراف

انا فى الانتظار

ميس صافيا

11-08-2009, 12:14 AM

اهلا استاذ سيف
اسمحلى اسال حضرتك كام سؤال كده ع الماشى
1-من انت؟
2-هل حضرتك متشائم ؟
3-ان لم تكن كذلك ليه باحس فى معضم ردودك ع المواضيع بكده ؟
4-اكمل مكان النقط :-
أ- لو لم اكن منوفيا لوددت ان اكون ................
ب- لو لم اكن شنوانيا لوددت ان اكون..............
4-سؤالى الاخير ليه شنوان بالذات ما فيهاش شبكة محمول خالص
كل ما نبقى معديين تطلع عينينا على ما نعرف نتصل بحد رغم ان شنوان بلد كبيره بالمقارنه ببلاد اصغر منها وفيها شبكه احسن ؟

كفايه كده وربما لى عودة

س ا يوسف

11-08-2009, 12:32 AM

اهلا استاذ سيف
اسمحلى اسال حضرتك كام سؤال كده ع الماشى
بكل سرور
1-من انت؟
عبد من عباد الله
اسمه
سيف سالم
معلم اول أ
متزوج ويعول ثلاثة وربنا يزيد
عادي جدا
........
2-هل حضرتك متشائم ؟
اطلاقا
ولكن هناك اشياء الناس بتظن انها تشائم
مثال للتوضيح - علشان الغموض -
يقال انه ان شاء الله
الجمل - ليس جملنا كلنا او جمل البدو - طالع النخل
وانا قلت مستحيل
كثير سيقول متشائم
واخرون سيقول صح
مثال اخر
فلان شديد المجاملة لفلان
ولن يتغيير
انا اقول ان شاء الله يتغيير
كثير سيقول غير متشائم
اخرون سيقول بيتكلم غلط
هذا هو الفرق بين تقرير واقع والتشائم
3-ان لم تكن كذلك ليه باحس فى معضم ردودك ع المواضيع بكده ؟
انا اعترف في احساسي انا وما اشعر به
بس ممكن اتوقع
علشان الواقع المصري ليس جميلا على الاطلاق - بلاش فاسد - الا من رحم ربي ودا تقرير واقع
4-اكمل مكان النقط :-
أ- لو لم اكن منوفيا لوددت ان اكون عمري ما وددت ان اكون في محافظة اخري كلهم في مصر
ب- لو لم اكن شنوانيا لوددت ان اكون لا انا بحب شنوان جزء كبير جدا مني
4-سؤالى الاخير ليه شنوان بالذات ما فيهاش شبكة محمول خالص
كل ما نبقى معديين تطلع عينينا على ما نعرف نتصل بحد رغم ان شنوان بلد كبيره بالمقارنه ببلاد اصغر منها وفيها شبكه احسن ؟
دا احنا بلديات بقى
اكيد 012
فيه حد يشترك في 012 سواء شنوان او غير شنوان
كفايه كده وربما لى عودة

لعل الاخضر يحذف
شرفت بمرورك

محمد بن عباس

11-08-2009, 12:45 AM

1-ماذا تمثل لك الكلمات الاتية؟
الحب؟
الامانة؟
العدل؟
الثقة بالنفس؟
نعمة الامن؟
الكراهية؟
الخيانة؟
الابناء؟
المرأة؟
الام؟
الاب؟
الاصدقاء؟
2-كيف ترى هولاء (الاجابة أجبارى)
أشرف السيد؟
الأستاذة نعمة؟
مسيو وليد؟
أستاذ شريف؟
أستاذ محمد وسية؟
نداء الجنة؟
دعاء شديد؟
أستاذة أحلام؟
محمد عباس؟
3-لو كنت وزيراً للتعليم ما أهم قرار سيكون لك؟
4-لو كنت وزيراً للصحة ما أهم قرار سيكون لك؟
5-لو كنت وزيراً للدفاع ما أهم قرار سيكون لك؟
6-لو كنت وزيراً للمالية ما أهم قرار سيكون لك؟
7-لو كنت وزيراً للتعليم العالى ما أهم قرار سيكون لك؟

س ا يوسف

11-08-2009, 01:20 AM

هههههههههههههههه
ايه دا بقى

1-ماذا تمثل لك الكلمات الاتية؟
الحب؟

رابطة بين افراد بدونها - واذا الاحباب كلا في طريق -

الامانة؟

راحة لجميع البشر

العدل؟

ان شاء الله في اقرب مما نظن

الثقة بالنفس؟

تخرج عمل رائع

نعمة الامن؟

دي لو موجودة الان كانت مصر فوق

الكراهية؟

سوس الرابطة بين الافراد

الخيانة؟

مرض

الابناء؟

اجمل ما في الدنيا على الاطلاق

المرأة؟

ان كانت صالحة هي متاع الدنيا وان لم تكن كانت الدنيا نفسها

الام؟

الحنان

الاب؟

الامان

الاصدقاء؟

نفسي

2-كيف ترى هولاء (الاجابة أجبارى)

كم تؤلمني تلك الكلمة

أشرف السيد؟

لا ييأس

الأستاذة نعمة؟

سفيرة المنتدي

مسيو وليد؟

محب مساعدة الغير من يوم ما سهر طوال الليل لرفع محاضرة للمعلمين

أستاذ شريف؟

دائما جاي معاي شمال

أستاذ محمد وسية؟

احبه وهو معطاء

نداء الجنة؟

مجهود غير عادي مع الطلاب

دعاء شديد؟

ربنا يكون في عونها المسموع اصعب بكثير من ما يرى

أستاذة أحلام؟

تقصد dreem لو انا لن اسمح باحد ان يتدخل في عملي انا من يفعل

محمد عباس؟

رئيس نحرير من الطراز الاول

3-لو كنت وزيراً للتعليم ما أهم قرار سيكون لك؟ ليه نزعل الناس ونقول متشائم
وضع كاميرات مراقبة في لجان الامتحان بها عدسة ومخرج طلقات مع كمبيوتر مبرمج بمعرفتي في اي مكان خلاف مصر او العالم التالت طبعا

4-لو كنت وزيراً للصحة ما أهم قرار سيكون لك؟
عودة الكشف والعلاج مجانا 24 ساعة في اليوم ومحاسبة العاملين بشدة

5-لو كنت وزيراً للدفاع ما أهم قرار سيكون لك؟

لا ممكن وزير حربية مش دفاع لاني اؤمن ان الهجوم خير وسيلة للدفاع

6-لو كنت وزيراً للمالية ما أهم قرار سيكون لك؟

خصم تكلفة الكاميرات ذات المدفع من اجر المعلم وزيادة راتب الطبيب المتواجد دائما بالمستشفى من ميزانية .........

7-لو كنت وزيراً للتعليم العالى ما أهم قراسيكون لك؟

الغاء موضوع الاقليمي دا علشان الظلم
الجميع اخذ نفس الفرصة في الاختبار فيكون نفس الفرصة في التوزيع

تحت امرك يا افندم

أشرف السيد

11-08-2009, 11:09 AM

السلام عليك

يعني ايه كمبيوتر

وهل حضرتك معلم كمبيوتر ام انت هاوي كمبيوتر ام حضرتك موجه كمبيوتر

ايه حكاية فيلا العاشر من رمضان

لماذا هزم فريق وسية في المنتزه بالاسكندرية

كيف تستعد للرمضان

س ا يوسف

11-08-2009, 01:47 PM

السلام عليك
وعليكم السلام ورحمة الله وبركاته
يعني ايه كمبيوتر
الكمبيوتر هو احد وسائل التعارف بيننا
وهل حضرتك معلم كمبيوتر ام انت هاوي كمبيوتر ام حضرتك موجه كمبيوتر
معلم اول أ كمبيوتر واعمل موجه كمبيوتر ولا فرق بين الاثنين ولست هاوى كمبيوتر
ايه حكاية فيلا العاشر من رمضان
معرفش
لماذا هزم فريق وسية في المنتزه بالاسكندرية
لم يهزم فريق وسية في المنتزة بالاسكندرية ولكن الفريق المنافس هو من فاز
كيف تستعد للرمضان
لم استعد حتى تاريخه
لسه الوضع على ما هو عليه

تشرفت بدعوتك

أشرف السيد

11-08-2009, 02:56 PM

هل سافرت خارج مصر

هل تعشق مصر

هل لديك طموح بأذن تكون وكيل وزارة

هل لديك امل في تأخذ مادة الحاسب وضع افضل الاعوام القادمة في المدارس

هل ترى ان الطلبة بدأت تهتم بمادة الحاسب الالي لانها تضاف للمجموع ام لانها طريق العمل مستقبلا

س ا يوسف

11-08-2009, 03:18 PM

هل سافرت خارج مصر
مرة واحدة فقط استمرت شهرين لا غير الى احد الدول العربية

هل تعشق مصر
مصر دي حكاية غرام منذ المراهقة والمشكلة انها استمرت للان
بس هتاك فرق شاسع بين والمصريين
يا مصر وانت الحقيقة وانت اغترابي وشقائي
هل لديك طموح بأذن تكون وكيل وزارة
في بداية تعينني كان هناك مشكلة في المدرسة وانا مصمم على موقفي وووكيلة كانت تعزني يا سيف ممكن كدا تروح شئون قانونية قلت لها انا لا اطمع في منصب وكيل وزارة مش مهم وكتبت قصة قصيرة بعنوان ش ق
هل لديك امل في تأخذ مادة الحاسب وضع افضل الاعوام القادمة في المدارس
بالتأكيد في محافظات عدة
البداية ستكون للطالب المتفوق فقط والاحرص على الدرجة
ثم المتوسط غيرة من المتفوق
ثم الضعيف واهما ان يكون متفوق
هل ترى ان الطلبة بدأت تهتم بمادة الحاسب الالي لانها تضاف للمجموع ام لانها طريق العمل مستقبلا
لا طبعا مصر كلها الا من رحم ربي
تؤمن ان الدرجة في الامتحان هي النجاة للمستقبل
والكل يشهد بالمنتج
بس هناك القليل فقط ودا غالبا ولي امره فاهم المستقبل ازاي
وعرف ان الهنود افضل منا في علم البرمجيات وانها تمثل كثير في الدخل القومي الهندي

بارك الله لك

أشرف السيد

11-08-2009, 03:31 PM

هل كرسي الاعتراف لعبة ولا حقيقة ولا خيال ولا ايه بالنسبة لك

هل ترى ان مصر ستصل لكأس العالم

كيف ترى النمو التكنولوجي الصحيح للطالب المصري

س ا يوسف

11-08-2009, 03:42 PM

هل كرسي الاعتراف لعبة ولا حقيقة ولا خيال ولا ايه بالنسبة لك
حقيقة - اعتراف هيكون لعبة هيكون خيال طبعا لأ - بس ممكن في عالم النت ومنه المزيف
هل ترى ان مصر ستصل لكأس العالم
حساب الارقام
واي حد مقيم للموقف
طبعا لأ
بالعاطفة
اكد لك سنحرز كأس العالم مش سنصل كأس العالم
كيف ترى النمو التكنولوجي الصحيح للطالب المصري
نمو تكنولوجي ايه استاذنا الفاضل
نتيجة الدبلوم كانت كام السنة دي
امن عدم غش لا سمح الله
شوف قاعدة
طالما هناك معلم بيقول ان الكمبيوتر هذا ما هو الا دعوة للجهل
وطالما تسمع الطالب يقول دا امتحان عملي مش مهم
لا تسأل عن النمو التكنولوجي الصحيح او الباطل

الله المستعان

مسيو وليد عسكر

11-08-2009, 07:20 PM

منور كرسي الاعتراف اخي الفاضل000
اسمح لي بطرح بعض الاسئله البسيطة:

-من هو مثلك الاعلي؟
-تحبي تهدي باقة ورد لمين
-وباقة شوك لمين
-ايه رايك في الزمالك
-بتحب الغموض ولا الوضوح؟
-وليه اخر موضوعاتك كانت مبهمه
-رساله تحب توجهها لشخص ---مين ده وتحب تقوله اية
-ايه مفهومك للعدل وللظلم
-تفتكر مين العضو مظلوم
ا- أ يه رايك في عمل المراه و بوابة التعليم تمثل لك ايه وناوي تفيدها ازاي؟

س ا يوسف

11-08-2009, 10:24 PM

منور كرسي الاعتراف اخي الفاضل000
الكرسي زاد ببتشريفك نور
شكرا لك
اسمح لي بطرح بعض الاسئله البسيطة:
تفضل اخي الفاضل
-من هو مثلك الاعلي؟
مثل اعلى لا يجوز اطلاقه على الانبياء
بس نقدر نقول الشخصية التى توقفت عندها ومتقدرش تحلم انك تكون زيها
بن لادن ترك عيشة يتمناها اي شخص وذهب لعيشة مختلفة تماما
انظر الايمان بفكرة والاصرار على تنفيذها - ولسنا هنا بصدد التقييم - فقط الفكرة

-تحبي تهدي باقة ورد لمين
لمستر شريف
- تهادو تحابو -
-وباقة شوك لمين
كثير علشان كده نوصفهم
للجهلاء
-ايه رايك في الزمالك
فريق كويس ومجتهد
ولازم كلنا نحيي الفرق دي
الطموح شئ جميل
وانا متأكد لو الروح اللي لعبوا بيها امام انبي تستمر ممكن بنسبة كبيرة يرجع تاني في الدوريات المصري في المستقبل القادم
-بتحب الغموض ولا الوضوح؟
طبعا بدون تردد الوضوح الغامض
-وليه اخر موضوعاتك كانت مبهمه
مينفعش تكون صريح في مواقف معينة ولازم يكون الكلام موجه بطريقة لا يفهمها الا المراد الارسال اليه وان كانت الرسالة خطأ يبقى المشكلة في التأويل والتفسير وليس في الرسالة
وكمان تنشيط للاعضاء للتفكير والبحث
-رساله تحب توجهها لشخص ---مين ده وتحب تقوله اية
الاستاذ محمد وسية
الرسالة
انت زعلان مني في شئ
-ايه مفهومك للعدل وللظلم
الكل يطبق عليهم نفس القانون دا العدل- سواسية -
اما الظلم يطبق على فلان ويترك فلان
مع ملاحظة ان المساوة في الظلم ظلم
-تفتكر مين العضو مظلوم
اي كان هو
لا يهمني اسمه ولا يهمني عنوانه ولا مكانه
يهمني ما يقول هجوم قبل تأييد في كلاهما استفادة
بس ممكن يكون مين
اكيد شخص مقرب لكثرة ما يعرفه
بس هو شخصية محترمة
ا- أ يه رايك في عمل المراه و بوابة التعليم تمثل لك ايه وناوي تفيدها ازاي؟
والله دي اراء فقط لا غير عمل المرأة احد اسباب انهيار الاقتصاد المصري
عمل المرأة له شروط
اولا الشباب اولا
ثانيا اما تعليم الفتيات
اما الطب وما يحوى للنساء
بعد كدا لما نعدم الرجالة
استاذي
اخر دفعة قمت بتوزعها العام الماضي بادارتي في تخصص واحد 90% نساء و 10% رجال
لازم يكون هناك كوته للرجال

شرفت بيك استاذي الفاضل

اسامه القزاز

11-08-2009, 11:00 PM

ربنا معاك يا استاذ سيف كل الحبايب معاك وبصراحة الإمتحان صعب قوى وطبعاً لأننا حبايب من زمان مش هطول عليك :
س1 لماذا سميت نفسك زمان أيام بوابة الثانوية ( الغلبان أوى ) ؟

س2 ما هى الكلمة التى توجهها لمن ظلمك يوماً ؟

س3 ما هى الكلمة التى توجهها لكل محبيك وأولهم العبد لله ؟

س4 ما هى الكلمة التى توجهها لكل طلاب المرحلة الإعدادية بشأن تخصصكم الحاسب ؟

س5 ما هى أكتر حاجة مزعلاك فى منتدانا التعليم المصرى ؟

س6 ما هو شعورك فى أول يوم تقابلنا فيه ؟

س7 بكلمة واحدة فقط قلنا من هو سيف سالم ؟

س ا يوسف

11-08-2009, 11:41 PM

تصويب
معذرة انا كنت في مهمة عقب الرد لمسيو وليد
مثل اعلى لا يجوز اطلاقه الا على الانبياء

س ا يوسف

12-08-2009, 12:00 AM

ربنا معاك يا استاذ سيف كل الحبايب معاك وبصراحة الإمتحان صعب قوى وطبعاً لأننا حبايب من زمان مش هطول عليك :
استاذي الفاضل ولا يمهمك احنا منافية ميتخفش علينا
س1 لماذا سميت نفسك زمان أيام بوابة الثانوية ( الغلبان أوى ) ؟
لا دي حكاية ظريفة جدا
طبعا انا لا كنت بهتم بالنت ولا غيره
ولا كنت بدخله الا فقط لتعليم المدرسين النت بتاع icdl
المهم مطولش عليك ايام هوجة الجمل بتاع الكادر الكل بيقول دا امتحانات الكادر على النت بالحرف
زميل عزيز علينا جاب كمبيوتر واشترك في النت الاسلكي وقالي تعالي دخلي موقع كذا علشان مش عارف ادخل ازاي المهم عندك اميل قال لأ ماشي انا عارف اميل بتاع واحد كان تجربة في التدريب حسجلك عليه
قلت بتسمي نفسك ايه
قال انا اعرف
قلت دا انت غلبان اوي كل حاجة متعرفش
خلاص حسميك الغلبان اوي
هو استخدمه اسبوع مفيش غيره ومعجبوش النظام
بس عجني انا النظام واتعرفنا عليكم
وصرت انا الغلبان اوي
س2 ما هى الكلمة التى توجهها لمن ظلمك يوماً ؟
مش مهم ربنا يهدينا كلنا محنا برده اكيد ظلمنا حد تاني
س3 ما هى الكلمة التى توجهها لكل محبيك وأولهم العبد لله ؟
ربنا يبارك لكم ويبلغكم رمضان علشان تدعولي بالمغفرة والرحمة
س4 ما هى الكلمة التى توجهها لكل طلاب المرحلة الإعدادية بشأن تخصصكم الحاسب ؟
كل الطلاب
لأ
الطلاب اللي على البوابة التعليم المصري
اول ما الاستاذ اشرف ينظم الاقسام التعليمية ويعمل قسم تابعونا تحصل على النهائية
اما باقي الطلاب
اقول ربنا يكون في عونكم
لا تستهينوا بالكمبيوتر واسأل سابقيك
س5 ما هى أكتر حاجة مزعلاك فى منتدانا التعليم المصرى ؟
مش دا اللي بدأ - واللي يزعل من الحق لا تعليق - المفروض يكون افضل من البداية وليس مساو او اقل
س6 ما هو شعورك فى أول يوم تقابلنا فيه ؟
كان شعور جميل لما تقابل شخص تقاربت منه وصار لك اخ على النت في الواقع
رغم انك كنت تراه كل شهرة مرة قبل ذلك ولا تعرفه ولا هو يعرفك
ربنا يزيد بينا المحبة وجميع المسلمين
س7 بكلمة واحدة فقط قلنا من هو سيف سالم ؟
سيف

حبيب قلبي
سلمي على الاستاذ ابراهيم عامر

mr.osama

12-08-2009, 12:30 AM

أهلا بك أستاذ / سيف على كرسي الاعتراف ..

- جاوب على الأسئلة الموجودة في الموضوع ده:

You can see links before reply (You can see links before reply)

وياريت تعمل من الأسئلة والاجابة بتاعتك Copy هنا

- فاكر موضوع الحضري .. أنت كنت متأكد من قرار إدارة الأهلي بعدم السماح له بالعودة لصفوف الأهلي مرة أخرى .. حفاظاً على المباديء؟ بس بصراحة هل عدم رجوع الحضري خسارة أم ولا يفرق في شيء؟

س ا يوسف

12-08-2009, 12:56 AM

أهلا بك أستاذ / سيف على كرسي الاعتراف ..

- جاوب على الأسئلة الموجودة في الموضوع ده:

You can see links before reply (You can see links before reply)

وياريت تعمل من الأسئلة والاجابة بتاعتك copy هنا

تعالوا أحبائي في الله ..
نتخيل معاً بعد أن يوضح كل واحد فينا وظيفته الحقيقية ..
موجه حاسب آلي

ثم يوضح هل كان يتمنى أن يعمل بها؟
لا لم اتمني
انا تم تكليفي
نفذت

بتحب مهنتك :6: ولا مابتحبهاش :16:
طبعا بحبها

وماهي أفضل المواقف التي عايشها في تلك المهنة؟ وما هو أطرف موقف تعرض له؟

تدريبي للمعلمين من عام 2000
اطرف المواقف ان المعظم منهم مش عايز يتدرب
كله عايز يجري لاكل العيش

وما هي أصعب المواقف التي مرت عليه في مهنته الحالية؟

مشاكل تدريس المادة بدون مدرس متخصص
وكل عام نفس المشكلة
بالدراع

وإذا أراد أن يختار مهنة أخرى فماذا يفضل؟

التدريس
دا متعة
وانا حاليا بفكر بجدية
رغم ان مفيش فرق بين الاتنين

- فاكر موضوع الحضري .. أنت كنت متأكد من قرار إدارة الأهلي بعدم السماح له بالعودة لصفوف الأهلي مرة أخرى .. حفاظاً على المباديء؟ بس بصراحة هل عدم رجوع الحضري خسارة أم ولا يفرق في شيء؟

نتكلم بالارقام
الحضري باقي له كام سنة
هل الافضل يتواجد ام يخرج اخر مثل احمد عادل
طب احتمال اصابة او اي ............ اخري كام في المية
50% على الاقل
مش مضمون
وكان خلاص بقى
نشيل صورة الخمرة من خيلنا ازاي
ربنا يسهله في الاسماعيلي
طبعا عدم رجوعه مكسب
لم الشمل

سعدنا بمرورك استاذ اسامة

mr.osama

12-08-2009, 01:06 AM

[quote=سيف سالم;80778][quote=mr.osama;80160]

ثم يوضح هل كان يتمنى أن يعمل بها؟
لا لم اتمني
انا تم تكليفي
نفذت

طيب كنت تتمنى تكون أيه؟

وماهي أفضل المواقف التي عايشها في تلك المهنة؟ وما هو أطرف موقف تعرض له؟

تدريبي للمعلمين من عام 2000

أنا عاوزك أستاذ / سيف تحدد أفضل المواقف يعني قولنا موقف معين حصلك وأنت بتدرب المعلمين

اطرف المواقف ان المعظم منهم مش عايز يتدرب
كله عايز يجري لاكل العيش

برضه انا عاوز موقف طريف حصل معاك في مهنتك

وما هي أصعب المواقف التي مرت عليه في مهنته الحالية؟

مشاكل تدريس المادة بدون مدرس متخصص
وكل عام نفس المشكلة
بالدراع

هل وجدت حل لها؟ هل لا يوجد متخصصين لشغل وظيفة مدرس حاسب آلي؟ وفين العقود للخريجين المتخصصين من كليات الحاسبات والمعلومات؟

وإذا أراد أن يختار مهنة أخرى فماذا يفضل؟

التدريس
دا متعة
وانا حاليا بفكر بجدية
رغم ان مفيش فرق بين الاتنين

هل كنت بتدرس للطلبه قبل تعيينك موجه ؟ وهل حضرتك متخصص في الحاسب الآلي أي درسته في الكلية أم ماذا؟

س ا يوسف

12-08-2009, 01:30 AM

[quote=mr.osama;80786][quote=سيف سالم;80778][quote=mr.osama;80160]

ثم يوضح هل كان يتمنى أن يعمل بها؟
لا لم اتمني
انا تم تكليفي
نفذت

طيب كنت تتمنى تكون أيه؟

افضل معلم
دا التوجيه ادراي وفني ومسؤل على المدارس والمدرسين والرد على الفاكسات
والمدرسين وبلا استثناء كله عايز مدرسة داخل البيت بتاعه

وماهي أفضل المواقف التي عايشها في تلك المهنة؟ وما هو أطرف موقف تعرض له؟

تدريبي للمعلمين من عام 2000
مقدرش احدد موقف معين

أنا عاوزك أستاذ / سيف تحدد أفضل المواقف يعني قولنا موقف معين حصلك وأنت بتدرب المعلمين

اطرف المواقف ان المعظم منهم مش عايز يتدرب
كله عايز يجري لاكل العيش

برضه انا عاوز موقف طريف حصل معاك في مهنتك
كنا في تدريب تحويلي لمعلمي المواد التجارية عام 2001
في شهر سبتمر
يوم 11
الملمون كلهم فرحي
شفت يا استاذ سيف اه اللي حصل في امريكا
قلت ايه اللي حصل يعني
لا انت مسمعتش مشفتش
ايه يا جماعة
دا مركز التجارة والبيت الابيض والبنتاجون انضربوا
قلت وايه يعني دا اقل ما ينبغي
طبعا وانا عامل الحوار الناس كانت حتكلني
مثل الان كدا
الغموض ده اللي مزعل الناس كلها

وما هي أصعب المواقف التي مرت عليه في مهنته الحالية؟
احد المدرسين مرة واحدة
استاذ سيف لو سمحت
بلاش الاسلوب دا
الكلام المتغطي دا
خليك مباشر
احنا بالعربي كدا جاين التدريب تنفيذ اوامر لا اكتر ولا اقل
وكانت مشكلة
وبعدين هدي والحمد المشكلة عدت

مشاكل تدريس المادة بدون مدرس متخصص
وكل عام نفس المشكلة
بالدراع

هل وجدت حل لها؟ هل لا يوجد متخصصين لشغل وظيفة مدرس حاسب آلي؟ وفين العقود للخريجين المتخصصين من كليات الحاسبات والمعلومات؟
حل فين
المرحلة الاعدادية فقط تم التعاقد وسد العجز
ودا طبعا بعد اضافة المادة للمجموع خوفا من اولياء الامور
اما الابتدائي انسى
علشان مفيش ولي امر الى الان بما فيهم اعضاء المنتدي
قال دا انا ابني ملوش معلم كمبيوتر
نشاط بقى وكل سنة وانت طيب
ولا مشاكل

وإذا أراد أن يختار مهنة أخرى فماذا يفضل؟

التدريس
دا متعة
وانا حاليا بفكر بجدية
رغم ان مفيش فرق بين الاتنين

هل كنت بتدرس للطلبه قبل تعيينك موجه ؟ وهل حضرتك متخصص في الحاسب الآلي أي درسته في الكلية أم ماذا؟
طبعا كنت معلم حاسب الي ثانوي
لا انا خريج علوم رياضيات
نعم
درست البرمجة الخطية
ولغة البسيك او البيزك
وبعض اوامر dos

شمس بياض

13-08-2009, 11:35 PM

السلام عليكم ورحمته وبركاته
اهلا بحضرتك استاذنا الفاضل
كل عام وحضرتك والمسلمين بخير
بلغكم والمسلمين رمضان اعواما عديده مديده
سعدت جدا بردودكم على الاسئله
واسمح لى بمشاركه الاخوة فى المناقشه او الحوار
هل تحب الفلسفه ؟
لماذا كل ردودك فلسفيه ؟
اذا كانت الاجابه عن السؤال الاول بنعم
فمن قرات له وتأثرت بفلسفته
ومن من الفلاسفه ترفض اسلوبه
ولماذا
ما رايك فى امرأه سقراط ؟؟

- أ يه رايك في عمل المراه و بوابة التعليم تمثل لك ايه وناوي تفيدها ازاي؟
هذا السؤال تم توجيهه لحضرتك
من قبل مسيو وليد فكانت الاجابهاخر دفعة قمت بتوزعها العام الماضي بادارتي في تخصص واحد 90% نساء و 10% رجال
لازم يكون هناك كوته للرجال
فسر لنا الاجابه اكتر
اعذرنى
مفهوم الكوته الى الان لم ادرك مغزاه الحقيقى
هل لديك تفسير ا اوضح لهذه الكلمة
بدون فلسفه من فضلك قصدى باجابه تحتمل احتمالا واحدا
ارحم :28:

س ا يوسف

14-08-2009, 12:09 AM

السلام عليكم ورحمته وبركاته
وعليكم السلام ورحمة الله وبركاته
اهلا بحضرتك استاذنا الفاضل
اهلا بيك استاذة شمس
كل عام وحضرتك والمسلمين بخير
وحضرتك بخير
بلغكم والمسلمين رمضان اعواما عديده مديده
وبلغكم
سعدت جدا بردودكم على الاسئله
انا اسعدت بكم
واسمح لى بمشاركه الاخوة فى المناقشه او الحوار
تفضلي
هل تحب الفلسفه ؟
الفسلفة جميلة عامة
لماذا كل ردودك فلسفيه ؟
هناك فرق كبير ( كلام واضح وصريح )
بين المكتوب
وبين قراءته
قد تبدو ردودي فلسفية
وانا اكتبها عملية
اذا كانت الاجابه عن السؤال الاول بنعم
فمن قرات له وتأثرت بفلسفته
اول علاقة بي بالفلسفات كدراسة 94
والحمد لله لم اتأثر بأحد
وان كنت القب بجون ديوي
ومن من الفلاسفه ترفض اسلوبه
ولماذا
مفيش رفض لاحد
وقبول احد
دي افكار قد تناسب فلان اليوم
ولا تناسب نفس الفلان في الغد
ما رايك فى امرأه سقراط ؟؟
لا اعرفها

- أ يه رايك في عمل المراه
عمل المراة بشروط حتى يحدث توازن
و بوابة التعليم تمثل لك ايه
زمان ولا الان
وناوي تفيدها ازاي؟
انا صفتي هيئة تدريس اول ما القسم الخاص بمادتي يفتح ومن خلال بوابة التعليم المصري اساعد الطلاب
هذا السؤال تم توجيهه لحضرتك
من قبل مسيو وليد فكانت الاجابهاخر دفعة قمت بتوزعها العام الماضي بادارتي في تخصص واحد 90% نساء و 10% رجال
لازم يكون هناك كوته للرجال
فسر لنا الاجابه اكتر
معذرة لم اراجع الاجابة فكانت للشق الاول من السؤال والخاص بالمرأة
و التفسير
هناك خلل الان في التوزيع بين الرجل والمراة واصبحت المراة الان تحتل المكانة الاكثر في العدد
وعليه لابد من حجز جزء للرجال
لاحداث التوازن
اعذرنى
مفهوم الكوته الى الان لم ادرك مغزاه الحقيقى
هل لديك تفسير ا اوضح لهذه الكلمة
حسب ما فهمت حجز جزء للمغلوب على امره
حتى لا يسيطر الاخر على الامر
بدون فلسفه من فضلك قصدى باجابه تحتمل احتمالا واحدا
انا لا اتحدث بالفلسفة على الاطلاق

ارحم :28:
شكرا:18:

بارك الله لك