البدل النقدى للمعلم المساعد [الأرشيف] - المنتديات التعليمية

مشاهدة النسخة كاملة : البدل النقدى للمعلم المساعد

احمد الشلقامى

10-08-2009, 02:19 PM

المدرسين المتعاقدين بالأزهر الشريف صرفوا البدل النقدى مؤخرا فأين نحن المدرسين المتعاقدين بالتربية والتعليم من ذلك نرجوا المساواة واثارة الموضوع

احمد الشلقامى

11-08-2009, 09:44 AM

يتم الان على المستوى المعاهد الازهرية على مستوى الجمهورية للمحافظات التى تسحق البدل النقدى بتحرير وصرف شهرين بدل نقدى للمعلمين المتعاقدين بهذه المعاهد فأين المعلمين المساعدين بالتربية والتعليم من ذلك حتى يتحقق مبدأ تكافؤ الفرص ؟

العريف

11-08-2009, 01:28 PM

:28:
نحن فى ادارتنا لم نصرف راتب شهر 7 حتى الآن
:28:

wafaa sayed

12-08-2009, 11:49 PM

المتعاقدين في الأزهر صرفوا البدل النقدي ابتداء من شهر مايو ونحن متعاقدو التربية والتعليم لم نصرف فنرجو المساواة بالأزهر ( محافظة قنا )

نداء الجنة

13-08-2009, 01:06 AM

المتعاقدين في الأزهر صرفوا البدل النقدي ابتداء من شهر مايو ونحن متعاقدو التربية والتعليم لم نصرف فنرجو المساواة بالأزهر ( محافظة قنا )

ربنا يوفقكم

أبوعبدالله

13-08-2009, 03:02 AM

حسبى الله ونعم الوكيل

عيد خليفة

15-08-2009, 04:32 PM

انا متعاقد بالازهـــــــــــــــر واول مرة اسمع عن البدل النقدى ولا اخدنا اى حاجة وانتوا جبتوا الكلام ده من اين ياريت ياجماعة بلاش تأليف ومحدش يقول حاجة مش متأكد منها احنا خلاص تعبنا لا فيه بدل نقدى ولا فيه تثبيت ولا فيه كادر ولا فيه اجازة بدون مرتب ولا امتحانات شهادات ولا تصحيح ليه كله وفى الاخر يقولوا المتعاقدين اكفأ من المتثبتين طيب ثبتونا وصدقونى يااخوانى المتعاقدين مفيش تثبيت ده كلام كله تثبيت ولو فيه هيبقى مش تثبيت هيبقى اسمه تسكين على درجة معلم مساعد ورضوا ما ينفعش تعمل اجازة بدون مرتب 0 الحل فى ادينا وهو الاعتصام والاضراب وبلدنا مش هينفع فيها الا كده مثل الهيئات الاخرى اللى

محمود محمد كامل القوصى

15-08-2009, 06:12 PM

يسلم فمك يا اخ عيد

سامح سلام

16-08-2009, 01:13 PM

انا اتفق مع الاستاذ عيد بس نكون كلنا رجالهة ونكون كلنا ايد واحدة
حددوا الميعاد وانا اول واحد

احمد الشلقامى

16-08-2009, 03:03 PM

يا اساتذة الكلام مش تأليف هنا فى سوهاج جات نشرة تطلب اسماء المتعاقدين لضمهم الى البدل النقدى وجارى تحرير شهرين لهم هذا وقد سبق لهم قبل ذلك صرف البدل النقدى لشهور طويلة ثم توقف طب يا حضرة المتاعقد بالازهر تقدر تقول مرتبك بالحوافز كام علشان تبين مزايا بتوع الازهر عننا وبعدين انتى زعلان ليه ربنا يكرمنا كلنا وتبقى الحياه عال العال

ابراهيم كلحى

19-08-2009, 12:54 PM

الكلام ده فعلا مظبوط ( وتم صرف البدل النقدى لكل المتعاقدبن فى الزهر الشريف وتم تحريره لهم واخدوا شهرين ) وياريت لو حد معاه اى منشور او اى حاجه يرفعها علشان نقدمها
او يبعتها عل الاميل بتاعى hema20072008h@yahoo.com

أبوعبدالله

19-08-2009, 02:21 PM

اتفق مع الاخ عيد خليفة
يااخوانى المتعاقدين مفيش تثبيت ده كلام كله تثبيت

احمد الشلقامى

20-08-2009, 12:42 PM

على فكرة لحد ما أتأكد واحد شغال فى مديرية التربية والتعليم بسوهاج قال فيى كلام بخصوص صرف البدل النقدى للمتعاقدين لانه حقهم يا رب وكمان نصرف بدل الاقامة المحرومين منه

عيد خليفة

22-08-2009, 02:44 AM

يا جماعة لو فى حد فى الازهــــــر صرف فعلا شهرين بدل نقدى يقول ويقول هو من اى محافظة وهل البدل النقدى ليه شروط وا خده على اى اساس لان احنا فى الفيوم لم نسمع عنه شى بل بالعكس احنا اتخصم منا اكتر من اربعون جنيها

عيد خليفة

22-08-2009, 03:30 AM

ارجو الرد بسرعة من واحد متأكد

sally2009

22-08-2009, 03:42 AM

السلام عليكم....
ممكن لو سمحتوا أعرف ايه هو البدل النقدى ؟؟ ومن الذى يستحقه من المتعاقدين ؟؟؟

ehabalbarody

22-08-2009, 11:37 PM

السلام عليكم ورحمة الله وبركاته

بالنسبة لبدل النقدي يا جماعه فعلا احنا ملأنا الاستمارات الخاصه به وسيتم استلامه تقريبا في شهر 9 زي ما قالولنا انما لسه مفيش حد استلمه حتى الان
وبالمناسبة انا من محافظة اسيوط

وللأخ اللي بيسأل عن معنى بدل النقدي ده بيقولوا عليه انه بدل انتقال ليك ولأسرتك
وهو مبلغ 31.10 جنيه للفرد تذكرة كامله ولمن هم على الدرجة الثالثه ، لك ومثلها لزوجتك لو كنت متزوج ونصف تذكرة للطفل فوق 4 سنوات ونصف

وباله التوفيق

احمد الشلقامى

23-08-2009, 10:02 PM

الحمد لله واحد ازهرى اشار الى انهم فى محافظة اسيوط بيحرروا البدل النقدى الان للمتعاقدين ويبدوا ان الموضوع مختلف من محافظة لمحافظة

salama201043

25-08-2009, 02:01 PM

يسلم فمك يا اخ عيد
:17:

عيد خليفة

25-08-2009, 11:03 PM

bob1111

26-08-2009, 02:10 AM

رحمة حسن

26-08-2009, 10:05 AM

طيب تعرفو انا بقى ليا فرق مرتب لشهر 10و11و12و1 من السنة اللى فاتت وكل ما اسأل يقولولى مستنيين موافقة مالية وكمان ده بعد تخفيض المبلغ من 950 الى 520 وبعدين قالو 320 تصورو يعنى كل شويه فى النازل والله اعلم هيكونو كام على ما تيجى الموافقة ده لو جات اصلا يعنى كده كأنى اشتغلت حوالى 4شهور قبضت منهم شهو ونص او 2
الحمد لله على كل حال

wael99009

27-08-2009, 02:47 AM

يا استاذ عيد عندنا فى قنا خصموا حوالى 40 جنيه
ممكن حد يجاوبنى ليه

ehabalbarody

30-08-2009, 02:33 AM

شكرا للاخ ايهاب من اسيوط للرد على موضوع البدل النقدى وفهمنا معنى البدل النقدى بس محدش اخد فعلا حاجة حتى الان فمن الممكن ان يكون كلام وبس ومفيش تنفيذ ولا تفرحن حتى تقبضن
طبعا يااخ ايهاب انت ازهرى متعاقد هل فى اسيوط تم خصم حوالى اربعون جنيها من مرتبكم مثلما حدث عندنا فى الفيوم فنحن فى الفيوم تم خصم حوالى 15 %من المرتب ولكن لم يحدث فى المحافظات الاخرى وبذلك يوجد تفاوت فى المرتبات فهل حدث ذلك فى اسيوط
ارجـــــــــــــــــــــــــــــــــــــــــــــــ ـــــــــو الرد

العفو اخي الكريم عيد خليفة لا شكر على واجب ، نحن اخوة
وبالنسبة للخصم فقد تم ايضا عندنا نفس الخصم حوالى اربعون ( 40 ) جنيها من مرتبات المدرسين المتعاقدين بالأزهر ( الذي انا واحد منهم طبعا ) ولكن لا اقول الا حسبنا الله ونعم الوكيل وبهذه المناسبة اود ان تنضم الى الحملة ( الحملة الكبرى لإسترداد حقوق المدرسين المتعاقدين ( للإيجابيين فقط ) ) في موقع ثانوية دوت كوم You can see links before reply
وتخبر كل من لهم صلة بالموضوع حتى يكون الموضوع ذو اهميه تنقل هذه الحملة الى هذا الموقع الفعال في قضايا العلم والمتعلمين
وشكرا

ehabalbarody

02-09-2009, 02:18 AM

صيغة جاهزة لإرسال فاكس مقدم من المدرسين المتعاقدين بالازهر

مظلومون فأنصفونا
السيد الدكتور / أحمد درويش وزير التنمية الإدارية
( تحية طيبة وبعد )
نرفع إليك شكوانا نحن المدرسون المتعاقدون بالأزهر الشريف ونطلب من سيادتكم أن ترفعوا الظلم الواقع علينا وتعيدوا إلينا حقوقنا المهضومة فنحن من تم إختيارنا للعمل كمدرسين فى المعاهد الأزهرية عن طريق المسابقات الرسمية المنشورة فى الصحف القومية وأثبتنا كفاءة كبيرة فى أعمالنا بشهادة الرؤساء والتقارير الفنية للموجهين .

وبالرغم من متابعتنا المستمرة لتصريحات سيادتكم فى وسائل الإعلام بعدم التمييز بين الموظف المتعاقد والمعين فى الأجور والحوافز والبدلات والأجازات بأنواعها إلا أن الواقع الفعلى لا يؤيد ذلك للأسف الشديد فقد تم حرماننا في الفترة السابقة من بعض الحوافز المستحقة مثل البدل النقدى الذى يتقاضاه زملائنا الأساسيين كما تم حرماننا من دخول إمتحانات الكادر للمرحلة الثانية ولا نعلم لماذا ؟

وأخيراً فقد تم خصم مبالغ مالية من رواتبنا تتراوح ما بين ال (40) وال (50) جنيهاً وعندما قمنا بالإستفسار أخبرونا بأننا متعاقدون وأنهم كانوا يحسبون الزيادة في السنوات السابقة على اساس الأجر الشامل 148.80 جنيها كما كانوا يحسبونها للمثبتين ولأننا متعاقدون فلا يمكن ان نتساوى بالمثبتين ولذلك سوف يخصم ما كنا نتقاضاه ونحاسب على مربوط الدرجة والذي هو 48 جنيهاوبالتالى حسبوا كل زيادات السنوات السابقة على اساس 48 جنيها وخصموا الفرق ماعدا زيادة 30 %لأن لها حد ادنى بمعنى أن اي زيادة تأتي ليس لها حد أدنى سوف تحسب على أساس مربوط الدرجة 48 جنيه والله المستعان على ما يصفون . وبالتحديد فإن الخصم موضح في مفردات مرتبي في بند علاوة غلاء المعيشه ( ع غ م ( 4 ) ) تم الخصم من 20.88 جنيها الى 7.20 جنيها وفي بند ( ع غ م ( 5 ) ) تم الخصم من 43.20 إلى 14.40 جنيها أي خصم 42.48 جنيها شهريا من راتبنا نحن المتعاقدون من عام 2006. فهل هذا هو العدل ؟! ألسنا نحن ايضا نواجه الغلاء وجشع التجار وارتفاع الاسعار كزملائنا المثبتين ؟!! ألسنا مسئولون عن اسرنا وأولادنا واحتياجاتهم المتزايدة يوما بعد يوم ؟ !!

هذا بخلاف عدم أحقيتنا كذلك فى عمل أجازة بدون مرتب أو إستلام قروض من أى بنك بضمان جهة العمل وعند السؤال عن السبب يكون الرد الجاهز بأننا متعاقدون ليس لنا حقوق وأن أسمائنا مكتوبة بقلم رصاص استعداداً للشطب فى أى لحظة !!

لقد تعبنا وأصابنا الإحباط يا سيادة الوزير وأرسلنا شكاوانا وصرخاتنا إلى جميع الجهات بدون فائدة وعند مطالبتنا باسترداد كافة حقوقنا إستناداً إلى كلام سيادتكم يتهكمون علينا ويردون بأنه " كلام جرايد "
لذا نرفع هذه الشكوى إلى سيادتكم مطالبين بمساواتنا بزملائنا الأساسيين فى كافة الحقوق .

· نطالب برفع الخصم الجـائر من المرتبات
· نطالب بالحصول على أجازة بدون مرتب

"ونطالب بحقنا فى التثبيت لمن أمضى 3 سنوات فى العمل أسوة بباقى الهيئات والوزارات"
سيادة الوزير نحن شباب يعشق بلده ويقدس مهنته وكل ما نطمح إليه هو المساواة الكاملة بزملائنا الأساسيين فى كافة الحقوق ، وإجراء التثبيت لكل من أمضى 3 أعوام فى العملبناء على القانون الإدارى الصادر بهذا الشأن وذلك لحاجتنا الشديدة للإستقرار ولحاجة العمل الماسة لنا فى نفس الوقت
نرفع شكوانا إليك سيادة الوزير وكلنا ثقة فى وقوفك بجانبنا وإنصافنا من الظلم الواقع علينا

لأننا كلنا فى النهاية أبناء وطن واحد إسمه مصر

مقدمــه لسيادتكم /
الــــوظـــــيفـــــة /
الـــــعــــنــــــوان /

مدرسة علوم

14-09-2009, 06:02 PM

معلش يا جماعة انا لسه مش فاهمة يعنى ايه بدل نقدى ؟؟؟؟؟؟؟؟؟؟؟؟؟

يعنى هو مثلا للناس اللى بيسافرو من مكان اقامتهم لمكان عملهم ؟؟؟؟؟؟؟؟؟؟؟؟؟؟؟؟؟

احمد الشلقامى

19-09-2009, 02:21 PM

الى مدرسة العلوم البدل النقدى مبلغ من المال يصرف لكل من يقيم بالصعيد باعتباربعد العاصمة اى قيمة تذكرة سفر للموظف وزوجته واحد الابناء (3 تذاكر من بلده للقاهرة)

لــؤلــؤة

19-09-2009, 02:42 PM

يعني البدل النقدي ده للي بيسافروا بعيد عن بيوتهم؟؟؟؟؟؟؟؟؟

ولا اي مدرس بيركب مواصلات للذهاب لمدرسته بيصرف بدل نقدي؟؟؟؟؟؟؟؟

مدرسة علوم

19-09-2009, 05:19 PM

الى مدرسة العلوم البدل النقدى مبلغ من المال يصرف لكل من يقيم بالصعيد باعتباربعد العاصمة اى قيمة تذكرة سفر للموظف وزوجته واحد الابناء (3 تذاكر من بلده للقاهرة)

السلام عليكم و رحمة الله و بركاته

جزاك الله خير على الرد و الايضاح

احمد الشلقامى

19-09-2009, 09:25 PM

shallkami@yahoo.com

Mohammed khlawy

19-06-2010, 03:39 PM

[QUOTE=wafaa sayed;81115]المتعاقدين في الأزهر صرفوا البدل النقدي ابتداء من شهر مايو ونحن متعاقدو التربية والتعليم لم نصرف فنرجو المساواة بالأزهر
ياناس حرام عليكم احنا قلبنا معاكم ونفسنا تصرفو زينا
مع اننا والله العظيم ما شفنا حاجة حتى الان غير الاشاعات وبس
ما شفنا بدل ولا غيره وانا راجل ازهرى

Mohammed khlawy

19-06-2010, 03:45 PM

ياناس والله العظيم انا ازهرى احنا لسه ماشفنا بدل نقدى ولا غيره
كله كلام وبس حتى الان ما فى اى شى الرجاء من بتوع التربية والتعليم يسكتو شوية لما نشوف الكلام ده صح ولا ايه احنا ف الزهر بيقولولنا على المشوار ده لهم سنتين ولغاية دلوقتى ما فى اى شى كله كلام كدب

مستر أحمد خليل

19-06-2010, 04:31 PM

محافظة قنا تم تحرير سنة بدل نقدى للعقود فى الازهر

Mohammed khlawy

04-07-2010, 08:27 AM

ممكن افهم يعنى ايه قصدك من اثارة الموضوع؟
اولا لافى بدل نقدى ف الازهر ولاغيره هو نفس التعاقد ذى ما فى الازهر ذى ما فى التربية والتعليم بل بالعكس انتو مرتبكم يزيد علينا 15جنية ياناس بالعقل كدا انا راجل ازهرى حتى الان والله ما شفت بدل نقدى ولا غيره فكفاية كذب واشاعات
وبعدين يافقرى يابو قدم ناشف ياوش النحس طول مانت نجيت فيها وقلت وردحت
يبقى ماحدش هايشوف حاجة خالص سيب الناس ف حالها عشان ربنا يكرمك اتاكد الاول من الاخبار قبل ما تعمل بلبلة فى البلد ياناس ياللى الاشاعات دى هى اكل عيش معاكم جبتولنا الفقر جاكم الغم يافقريين ياولاد الكلب

hazem ali

04-07-2010, 08:35 AM

الخبر ده قديم

خالد سعد

04-07-2010, 10:13 AM

الشكر كل الشكر
لااستاذ احمد الشلقامى
على التنبية

أحمدالشلقامى

04-07-2010, 10:20 AM

الموضوع ده قديم يا جماعة علشان الاخوة مدرسى الازهر ما يزعلوش

مريم مدكور

01-03-2011, 11:15 PM

:30:جزاكم الله كل خير ورزقنا البركة في الصحة والمال