المساعد الشخصي الرقمي

مشاهدة النسخة كاملة : تخيل انك صحيت لقيتك نفسك شبه الرئيس مبارك !


أشرف السيد
06-08-2009, 05:59 PM
السلام عليكم

تخيل حضرتك صحيت من النوم

وبتغسل وشك لقيت وجهك اصبح وجه الرئيس مبارك

وبعدها جيت تلبس لقيت اللبس اتغير وبقي لبس الرئيس ونفس المقاس

وحبيت تتكلم لقيت صوتك بقي صوت الرئيس

بمعني آخر حضرتك شبه الرئيس في كل حاجة عدا العقل هو عقلك انت

هتعمل ايه في الموقف وهتتصرف ازاي وهل تستغل الموقف ده ازاي ورد فعلك

احكي لنا سيادة شبه الرئيس
شريف
06-08-2009, 06:24 PM
هنظم رحلات غير منظمة للفيوم للشعب المصري كله نفر نفر
و اعذبهم واحد واحد في عز الشمس في وادي الريان
و اقطع عنهم الميه
و اركبهم كلهم
التمانين مليون
في اتوبيس غير مكيف الهواء
و اعملهم برنامج للرحلة
يخليهم يندموا علي اليوم اللي اتولدوا فيه
و اخلي كل واحد منهم يدفع خمسين جنيه ضرايب
حق العذاب
و بعدين انتظر منهم يظبطولي كل المنتديات التعليمية في مصر
ههههههههههه
مجرد خيال
أوعا مخك يروح لبعيد:006et4:
مساء الجمال
دعاء شديد
06-08-2009, 11:57 PM
[quote=أشرف السيد;79308]السلام عليكم

تخيل حضرتك صحيت من النوم

وبتغسل وشك لقيت وجهك اصبح وجه الرئيس مبارك

بما انه خيال ... اوكيه


وبعدها جيت تلبس لقيت اللبس اتغير وبقي لبس الرئيس ونفس المقاس

شياكة حد ميحبش يبقى شيك شياكة الريس


وحبيت تتكلم لقيت صوتك بقي صوت الرئيس

صوت مميز وقوى واللغه سليمة


بمعني آخر حضرتك شبه الرئيس في كل حاجة عدا العقل هو عقلك انت

هتعمل ايه في الموقف

بما انى بتخيل وصحيت من النوم لاقيت نفسى كده
اكيد هتجيلى صدمة حضارية ... وهحاول اكون مثالى

وهتتصرف ازاي


هحاول ابدأ بحل المشكلات الي كنت بعانى منها قبل ما اصحى وابقى ريس
بس كان غيرى اشطر

هل تستغل الموقف ده ازاي ورد فعلك

احكي لنا سيادة شبه الرئيس

الكرسى بيغير وبيفرض قيود كتير ... وفى الاخر دى سياسة بلد
انما الي يفرق شخص عن شخص ... مقدار التغيير واتجاهه
انما معتقدش انى هعمر فى المكان ده

تصدق مش قادرة اتخيل ... اصل الخيال بيخفف عن الواحد حدة الواقع
انا الخيال ده هيحمل الواحد ذنوب ودعوات مظلومين ربنا يكفينا شرها
أشرف السيد
07-08-2009, 08:07 AM
ياجماعة حضرتك بقيت شبه الرئيس مع العلم ان الرئيس الحقيقي موجود ويرأس الدولة في نفس الوقت الذي اصبحت انت شبه له
ميس صافيا
07-08-2009, 06:26 PM
لو انا اصبحت شكل الرئيس عمرى ما هاروح اقعد مكانه
لانها مسئوليه كبيره جدا
وكمان انا مش مستعده اتحاسب واتسال عن 70 مليون انسان
بس ممكن استغل الشبه ده باه فى تحقيق بعض المصالح الشخصيه
اللى للاسف دوما محتاجه واسطه فى بلدنا
منى عبد الحافظ
20-09-2009, 08:39 PM
أبكى بكاء شديدا
لاننى سوف أحاسب على
كل عباد الله فاجرهم وتقيهم
عالمهم وجاهلهم
شيخهم وطفلهم
غنيهم وفقيرهم
و.......و,............
7asnaa kareem
08-01-2010, 12:33 AM
لو انا شبه الريس
فى نفس التوقيت
اللى الريس ريس فيه


هههههههه

همثل مسرحيه الزعيم



تخيل ظريف
من شخص محترم

وهبلغ القياده
احمد الشلقامى
26-01-2010, 07:55 PM
You can see links before reply
ميس سوزان
27-01-2010, 05:22 AM
أمممممممم
بما ان اسمى سوزان
حتخيل نفسى شبه مرات الريس
حنزل بقى الشارع
بس حلبس النقاب
علشان محدش يعرفنى
بما انى شخصية مهمة يعنى
وحجيب ورقة وقلم
وحكتب كل حاجة وحشة بشوفها
ومعايا بقى الموبايل بتاعى
وحصور بلالالالالالاوى الشارع المصرى
وطبعا القلم حيفضى والورق حيخلص والموبايل زاكرته حتتملى وانا لسه ماخلصتش
حنكتفى بهذا القدر
وحاخده وأروح لجوزى بقى
((حسنى))
وحوريله الحاجات دى
طبعا حيزعق فى وشى
ويقولى هو انا خلفتهم ونسيتهم
انتى طاااااالق.......

ده طبعا كله خبال مش أكتر
علشان محدش يبلغ عنى ولا حاجة
انا ماليش فى السياسة
برىء يا بيه
ميس سوزان
27-01-2010, 05:25 AM
You can see links before reply



هههههههههههههههههههههه
جميل اوى الفيديو ده
فعلا نفس طريقة كلامه
والمنخير وكله
ههههههههههههههههههه
اجمل بنت
08-03-2010, 10:56 PM
هههههههههههههههه

يعنى من الاخر اكون انا الريس

هعمل ايه هعمل ايه؟؟؟؟؟

تصدقوا مش عارفة هعمل ايه
مستر أشرف فوده
09-03-2010, 12:42 AM
أعطى أمر بالقبض فوراً على الأصل
اجمل بنت
09-03-2010, 07:09 AM
أعطى أمر بالقبض فوراً على الأصل
ههههههههههه
تصدق فكره يا مستر

بس مش دلوقتى بقى عشان انا رايحة المعهد
والاصل فى المانيا اما يرجع هنقبض عليه
مستر أشرف فوده
09-03-2010, 12:35 PM
ههههههههههه
تصدق فكره يا مستر

بس مش دلوقتى بقى عشان انا رايحة المعهد
والاصل فى المانيا اما يرجع هنقبض عليه

و الله باين هنروح فى داهيه أنا و أنت
ربنا يستر و أحنا اللى هيتقبض علينا
اجمل بنت
09-03-2010, 03:14 PM
خلينا ساكتين احسن

هسسسسسس
سيف محمد
21-06-2010, 04:22 AM
أنا هريح نفسي وأنام تاني