سؤال مهم

[دعاي]

يا جماعه في حد قبض بعد زياده شهر سبعه يقولي لينا زياده والا لا طبعا الموضوع مش موضوع المليمين الزياده بس دي مساله معناويات مش اكتر:28:

[rehab_desokey]

احنا لسه بس المسئول عن الاستمارات قالنا انتوا ليكوا زيادة اكيدة عشان كده الاستمارات اتاخرت دى المعلومات اللى عندى
وطبعا الموضوع مش موضوع زيادة موضوع اننا بقا لينا فى موضوع العلاوات والحاجات دى وده معناه اننا بقا لينا وضع تانى

[sally2009]

السلام عليكم....
الزياده يا جماعه ... بجد حاجه تكسف جداااااااااااااااااااااااااااااااااااا هى تقريبا 7 جنيه أو 7.5 جنيه بمقدار عشره فى المائه من الاساسى ......حسبى الله ونعم الوكيل.....

[rehab_desokey]

استاذة سالى حضرتك قبضتى فعلا

[mike]

مش قولتلكم من اسبوع الزيادة فقط سبعة جنيه !
حسبى الله ونعم الوكيل

[احمدمصطفى]

احنا قبضنا بالفعل الزيادة ومرتبات شهر سبعة الزيادة 14 جنيه ونصف

[mike]

يبقى حضرتك لست مشترك نقابة

[rehab_desokey]

يبقى حضرتك لست مشترك نقابة

احنا لسه مش عندنا نقابه لسه هيعملوها خلال الشهرين القادمين

[ياسر الدقاق]

القبض زاد فعلاً 10 جنيه كلهم

[mike]

احنا لسه مش عندنا نقابه لسه هيعملوها خلال الشهرين القادمين
معروف ان النقابة بتخصم فلوس بس كده كده الزيادة هتبقى فى حدود 7 جنيه : زينا فى اسيوط

[محمود محمد كامل القوصى]

احنا مرتبنا زاد حوالى 15 جنية وانا من اسيوط يا استاذ مايكل كان الاساسى 273 من غير الحوافز اصبح 288

[mike]

الاساسى كان 149 فأصبح 154 بعيد عن كله
بخصوص كله بالحوافز فكان 306 فأصبح 313 يعنى زاد 7 جنيه لكن الاساس اصلا مزادش غير 5 جنيه
ارجوك يا استاذ محمود اقرأ مفردات المرتب لتعرف الفرق بين الاساسى والكل وبرضه شوف حضرتك ادارة القوصية زى ادارة اسيوط ولا ايه الحكاية واذا شكيت فى حاجة معاك التليفون

[مستر أحمد خليل]

ياخوانا المرتبات بالذياده364,90ادارة نقاده

[bob1111]

المرتب 345 بعد الزياده واشتراك النقابه

محافظة قنا / ادارة قفط

[احمدمصطفى]

يا جماعة انا لسه قابض ومشترك فى النقابة المرتب بعد الزيادة 316 جنيه

[rehab_desokey]

طيب احنا مرتبنا 322 يا ترى الزيادة هتبقى كام مش هنعرف الا لما نقبض
بس اشمعنا المرتبات متغيرة كده يعنى ناس تقول 364 وناس تقول نقابه والمرتب 313 احنا مش عندنا نقابه

[mike]

والله هى الا مركزية دى هتعمل نصب فى كل محافظة شوية .

[doaa26979]

الزياده عندنا فى بورسعيد 14 جنيه و نص بس بياخد الراجل اللى بيصرف الشيك

[ashraf elmasry 5]

يا اخوة محافظ كل اقليم هو الذى يتحكم فى الزيادة حسبما يرى و ذلك واضح فى التفاوت فى المرتبات فى كذا محافظة مختلفة وربنا يكرم الجماعة بالزيادة وكما قال البعض ان من وقع عقده فى شهر 7 الماضى هو من سيحظى بالزيادة

[mike]

يا اخوة محافظ كل اقليم هو الذى يتحكم فى الزيادة حسبما يرى و ذلك واضح فى التفاوت فى المرتبات فى كذا محافظة مختلفة وربنا يكرم الجماعة بالزيادة وكما قال البعض ان من وقع عقده فى شهر 7 الماضى هو من سيحظى بالزيادة
انا تعيين شهر 7 الماضى يعنى اول دفعة ومحافظنا فى اسيوط بيسرق تمام ولم نزيد سوى سبعة جنيهات ونصف راتبى حاليا 313 وخمسة عشر قرشا بعد حوالى 306

[mus2008eg]

يا جماعة مفيش حاجة اسمها كل محافظ يتحكم في الزيادة لان المرتب بيتحسب وفق معايير معينة واللي فاهم في مفردات المرتب هيعرف كده كويس انما المرتب بيختلف من محافظة لمحافظة زي ما هو بيختلف بالنسبة للمعينين بمعنى انه مثلا في المحافظات النائية بيكون فيه بدل جذب وبدل إقامة يضاف الى المرتب عشان كده بتلاقي التفاوت في المرتبات واحنا مرتبنا زاد تقريبا 16 جنيه .

[mike]

والله صح بعد ال icdl بس حكاية الفلاشة دى صعبة جدا لانها هتكلف ميزانية حتى لو فلاشة من الصين وثمنها 5 جنيه : عموما مش ده الموضوع ال محيرنى
انا دلوقتى ال تعبنى موضوع النصب فى المرتبات بين كل محافظة والثانية ازاى نفس الدرجة ونفس وقت التعيين ونفس مفردات المرتب بأساسى الراتب اتبعتت فى الاول من فوق من الوزارة ونلقى فرف الراتب يوصل ال 50 جنيه دى حاجة لم اراها فى مصر ابدا فى اى عصر لان دى حسابات من فوق مش قطاع حاص يعنى موحدة على مستوى الجمهوريه (ده المفروض ) نعمل ايه نشتكى ؟ الحرامى منه لربنا احنا قبضنا شهر 11 الماضى 322 بالملى قبل م يخصموا النقابة بس بعد كده رجعوها 306 تانى ثم بعد زيادة شهر 7 بقيت 313 .

[مياده3]

طيب هى فلوس النقابه بتتخصم واحنا لسه معملناش الكارنيه

[mus2008eg]

عادي لانه طالما اتخصم مننا نقابة فنقدر نروح لمقر النقابة ونعمل طلب ونطلع الكارنيه

[bob1111]

النقابة بتتخصم من سنة التخرج مش التعيين واحنا هنا قدمنا طلب لكارنيه النقابه ودفعنا عليه 11 جنيه

[mike]

النقابة بتتخصم من سنة التخرج مش التعيين واحنا هنا قدمنا طلب لكارنيه النقابه ودفعنا عليه 11 جنيه
انا خريج 2002 وخدوا منى 200 جنيه ساعة م ذهبت اشترك نقابة فى شهر 11 الماضى يعنى بيحاسبو فعلا من ساعة م الواحد بيتخرج

[rehab_desokey]

انا خريج 2002 وخدوا منى 200 جنيه ساعة م ذهبت اشترك نقابة فى شهر 11 الماضى يعنى بيحاسبو فعلا من ساعة م الواحد بيتخرج

احنا بقا روحنا عشان نشترك فى النقابه قالوا لازم تكون متعيين مش متعاقد
بس بيقولوا خلال الفترة الجاى هيفتحوا باب الاشتراك فى النقايه
وعشان كده بقول هو ده سبب اختلاف المرتب

[mike]

احنا بقا روحنا عشان نشترك فى النقابه قالوا لازم تكون متعيين مش متعاقد
بس بيقولوا خلال الفترة الجاى هيفتحوا باب الاشتراك فى النقايه
وعشان كده بقول هو ده سبب اختلاف المرتب
هقولك بالضبط :
كل سنه فوق سن ال 25 بيأخذوا عليها 90 جنيه واى جد تحت ال 25 بيأخذوامنه فقط 19 جنيه :مثلا
انا لما اشتركت نقابه اخدوا منى ال 19 جنيه + كان سنى 27 فأخذوا 180 جنيه يبقى المجموع 199 جنيه _ وهى دى الحسبه وبعد كده الخصم العادى من المرتب والمكافأة

[ehab mohamed sayed osman]

انا لسة قابض من ادارة فى محافظة القاهرة و مفيش زيادة والمرتب 305جنية

[sayed ahmed ali]

لا إله إلا أنت سبحانك إني كنت من الظالمين

[سما روميو]

انا من محافظة الشرقية و ادارة غرب وقبضنا شهر 7 من يومين و بدون اى زيادة وبالعكس ناقص منه النقابة و صندوق الزمالة اى بعد 322 اخذنا 307.50 و ما زال الاساسى 148.80 وقالوا لنا ان ما فيش زيادة لان زيادة الاساسى فوق 150 جنية يعنى دخولنا شريحة ثانية فى المكأفأة

[oo2009]

يا جماعة احنا فالبحيرة كنا بنقبض قبل الزيادة297 وبعد الزيادة 310 ومعندناش نقابة بس فية استقطاع تأمينات ومعاشات والأساسي 148 وعمرنا مقبضنا أكثر من 297 الا الشهر الجاري بعد الزيادة

[العريف]

:28:
ياجماعه انا من محافظة قنا ومش عندنا اشتراك نقابه ممكن حد يوضح لى ازاى اشترك فى النقابه ومع العلم ان مرتبى قبل الزياده 348.26
:6:ارجو افادتى لو تكرمتوا:6:

[نداء الجنة]

لم تصل اى منشورات بخصوص الزيادات
فى محافظة الدقهليه
حتى ان مرتب شهر 7 لم نصرفه بعد
عادى معلم مساعد !!!!!!!!!

[رحمة حسن]

الزيادة حسب الاساسى تبعك وهى 10% يعنى مثلا انا كنت بقبض 306 وشهر 7 قبضته 322 يعنى وكام قرش كده

[رحمة حسن]

انا تعيين شهر 7 الماضى يعنى اول دفعة ومحافظنا فى اسيوط بيسرق تمام ولم نزيد سوى سبعة جنيهات ونصف راتبى حاليا 313 وخمسة عشر قرشا بعد حوالى 306 المفروض يكون 322 تقريبا بصرف النظر عن القروش