الضيف السادس اشرف السيد عبقرينو المنتديات التعليمية [الأرشيف] - المنتديات التعليمية

مسيو وليد عسكر

01-08-2009, 02:25 PM

هذه المرة مختلفة000
لان صاحب الفكرة هو من سيجلس علي كرسي الاعتراف ولن يكون المحاور هذه المرة00
معنا ومعاكم اشرف السيد00
الشهير بعبقرينو000
او ابوادم 000
واتحملني لاني هكون معاك محاور في منتهي الرذاله000
وعلشان ده كرسي الاعتراف لازم تقر وتعترف وتتكلم بكل صدق000الحلقة دي غير عادية 000وده من سوء بختك :)اني انا المحاور 000
اولا :عرفنا بنفسك بالاسم الرباعي
ثانيا :ايه سبب شهرتك بعبقرينو ؟ ولسه بتحب الاسم ده ولا بيفكرك بذكريات مؤلمة؟
وياريت تجاوب من الان فصاعدا بدون تفكير
عاوزك تلقائي وانت ممدد علي الشزلونج بتاعي 00

اتظلمت واتحاربت وطلع عليك اشاعات ولكنك تحديت الجميع وخرجت باكبر موقع تعليمي في زمن قياسي تفسر ده بايه ؟

وتقول ايه لكل من ظلمك وافتري عليك ؟

ياتري نادم علي تجربتك السابقه في الثانوية ؟

موقع بوابة التعليم المصري حاليا يحقق ربح مادي افضل من بوابة الثانوية لانه وصل الي مكانه رفيعه في زمن قصير واصبح يصنف مع الكبار وده بشهادة الجميع 000تفتكر ازاي ممكن ترد الفضل ده لكل عضو سجل مشاركه في الموقع ؟

شغلك في مركز التدريب والتطوير التكنولوجي ياتري بيحقق لك دخل افضل من بوابة التعليم ورزاله لو عرفنا متوسط الربح الشهري لبوابة التعليم المصري ودخلك الشهري ؟ مش بقولك محاور رذل 000

قرار اخدت وندمت عليه وقرار تتمني تاخده في اللحظه دي

ايه رايك في بوابة الثانوية حاليا ؟

تفتكر ازاي ممكن اشرف السيد يكون محبوب من الجميع بلا استثناء؟

ليه مابتحبش تزعل حد منك واحيانا بتهرب من مواجهه بعض المشكلات ؟

تحب تقول ايه لكل من ساذكر اسمائهم 00
ا-محمد وسية
ا-شريف
ا-دعاء شديد
ا-نداء الجنة
ا-جمال عوض
ا-وليد عسكر
ا- dream
ا-نعمه محمود
ا-جمعه الدهشان
ا-محمد عباس
ا-طارق ذكي
ا-عبد الحميد
ا-محمد السادات
ا-عصام علي
ا-احمد نجم
ا-محمود سرحان
كفايه عليك كده النهارده ولي معاك عودة في اسئله اكثر سخونة
وحلقة غير عادية00
انتظرونا 00

شريف

01-08-2009, 02:55 PM

يانهار ابيض يا جدعان
اسئلة في الجون
تسلم ايدك يا مسيو
منتظر الاجابات بشغف اكتر من انتظاري للمكافأة كل سنة

عز وحيد

01-08-2009, 03:03 PM

اوبس
اهلا اهلا بيك يا ابو ادم
على الكرسى بتاعك
انا هأجل بقى اسئلتى لحد ما ماحضرتك ترد على اسئلة المسيو وليد
انت عارف بقى انى عندى اسئلة كتيييييييييييير

ننتظر شوية عادى

مسيو وليد عسكر

01-08-2009, 03:37 PM

ممكن ان يشارك الجميع في الموضوع باسئله من الان والاستاذ اشرف طلب تاجيل الرد لانه مرهق من رحله الامس ويريد ان يسترد انفاسه لانه بذل مجهود يفوق البشر في رحلة الامس ونلتمس له جميعا كل العذر

دعاء شديد

01-08-2009, 05:57 PM

انا هسأل اسئلة سهله جدا

ايه عيوبك؟

ايه الغلطة الي انت ندمان عليها؟

والغلطة الي مندمتش عليها... رغم انها غلطة؟

ظلمت حد قبل كده؟

الي اى مدى يمكنك الاعتراف بالخطأ؟؟؟؟

قولنا فكرة شريرة خطرت مرة على بالك
ونفذتها ولا لأ؟ وليه؟

دى اسئلة بشكل مؤقت

مسيو وليد عسكر

02-08-2009, 03:09 PM

منتظرين الاستاذ اشرف لليوم الثاني لعل المانع خير
واتمني ان لا يشغلك كرسي الاعتراف مع الاستاذ احمد حمدي عن كرسي الاعتراف مع وخاصة ان لدي حوار مطول معك
اللهم اني بلغت اللهم فاشهد

مستر أحمد حمدى

03-08-2009, 12:55 AM

منتظرين الاستاذ اشرف لليوم الثاني لعل المانع خير
واتمني ان لا يشغلك كرسي الاعتراف مع الاستاذ احمد حمدي عن كرسي الاعتراف مع وخاصة ان لدي حوار مطول معك
اللهم اني بلغت اللهم فاشهد

لا متقلقش يا قمر

مش معقولة نبنى الدور السابع قبل الدور السادس

من أجل ذلك أنا حضرت ردودى على أسئلة كرسى الاعتراف

لكنى لن أجيب إلا بعد أستاذ أشرف

يعنى اللى علية الدور الأول

ولما الكل يخلص أسئلة معاة حبقى أنزل ردودى على الأسئلة الموجهة لى على كرسى الإعتراف

ولك جزيل الشكر أخى الحبيب

مسيو وليد عسكر

03-08-2009, 02:41 AM

لا متقلقش يا قمر

مش معقولة نبنى الدور السابع قبل الدور السادس

من أجل ذلك أنا حضرت ردودى على أسئلة كرسى الاعتراف

لكنى لن أجيب إلا بعد أستاذ أشرف

يعنى اللى علية الدور الأول

ولما الكل يخلص أسئلة معاة حبقى أنزل ردودى على الأسئلة الموجهة لى على كرسى الإعتراف

ولك جزيل الشكر أخى الحبيب

اشكرك اخي الغالي احمد علي ادبك الجم وهذا عو عهدي بكم دائما
وفقك الله الي مايحب ويرضي:27:

أشرف السيد

03-08-2009, 08:55 AM

أجاباتي هتكون باللون الاحمر

هذه المرة مختلفة000
ولا مختلفة ولا حاجة دي هتكون احلى حلقة لانك المحاور
لان صاحب الفكرة هو من سيجلس علي كرسي الاعتراف ولن يكون المحاور هذه المرة00
معنا ومعاكم اشرف السيد00
الشهير بعبقرينو000
او ابوادم 000
واتحملني لاني هكون معاك محاور في منتهي الرذاله000
بالعكس حضرتك محاور في منتهى الذوق
وعلشان ده كرسي الاعتراف لازم تقر وتعترف وتتكلم بكل صدق000الحلقة دي غير عادية 000وده من سوء بختك :)اني انا المحاور 000
ده من حسن حظي ان حضرتك المحاور
اولا :عرفنا بنفسك بالاسم الرباعي
أشرف سيد عبدالله السيد
ثانيا :ايه سبب شهرتك بعبقرينو ؟
نظام تشغيل ويندوز 2000 كنت من أوائل من قام بتنصيبه على جهاز لصاحبي في الفيوم وده ساعد صاحبي في تعريف كروت الصوت والشاشة دون الرجوع لاسطوانات التعريف فمن وقتها اطلق عليا الاسم اصحابي اللي ماتوا وسافروا برا مصر وتركوني وحيد
ولسه بتحب الاسم ده ولا بيفكرك بذكريات مؤلمة؟
بيفكرني بكارتون كعبول وعبقرينو وأي ذكرى مؤلمة يجب الاستفادة وتحويلها للنقاط قوة
وياريت تجاوب من الان فصاعدا بدون تفكير
عاوزك تلقائي وانت ممدد علي الشزلونج بتاعي 00
شكلي داخل عيادة نفسية ماشي

اتظلمت واتحاربت وطلع عليك اشاعات ولكنك تحديت الجميع وخرجت باكبر موقع تعليمي في زمن قياسي تفسر ده بايه ؟
من وقف عند كلام الناس وقف مكانه طوال العمر

وتقول ايه لكل من ظلمك وافتري عليك ؟
بقول له شكرا لك لانك بتقويني وتعطيني جرعات حماسة عالية

ياتري نادم علي تجربتك السابقه في الثانوية ؟
عمري ما ندمت على تجربة ابدا لان اي تجربة بتعطيك خبرة كبيرة وتفيدك في القادم

موقع بوابة التعليم المصري حاليا يحقق ربح مادي افضل من بوابة الثانوية لانه وصل الي مكانه رفيعه في زمن قصير واصبح يصنف مع الكبار وده بشهادة الجميع 000تفتكر ازاي ممكن ترد الفضل ده لكل عضو سجل مشاركه في الموقع ؟
نفسي بجد اقدر اعمل قسم خاص بكل عضو واعطي له موقع مجاني هدية وممكن كمان نوقفهم (ههههه)

شغلك في مركز التدريب والتطوير التكنولوجي ياتري بيحقق لك دخل افضل من بوابة التعليم ورزاله لو عرفنا متوسط الربح الشهري لبوابة التعليم المصري ودخلك الشهري ؟ مش بقولك محاور رذل 000
من أعمالكم سلط عليكم ولا هو علشان قلت لك انت بتعطي حصة الفرنساوي بكام تقولي انت دخلك كام
الحمد لله مستورة بفضل الله

قرار اخدت وندمت عليه
مش في اي قرار اخذته وندمت عليه
وقرار تتمني تاخده في اللحظه دي
انشاء مبنى كبير جداااااا يكون في وسط القاهرة يحمل عنوان بوابة التعليم المصري ويكون كل المشرفين والاداريين والاعضاء داخل هذا المبني وننجز الاعمال اسرع فاسرع

ايه رايك في بوابة الثانوية حاليا ؟
رأئي ممكن تشوفه من آراء اعضاء موقع الثانوية في قسم صوت الاعضاء بموقع الثانوية هتلاقي الناس بتقول واحد بالمئة من رأئي

تفتكر ازاي ممكن اشرف السيد يكون محبوب من الجميع بلا استثناء؟
بلا استثناء ( ان يحبني الله ) فيجعل حبي في اهل السماء ومنها لاهل الارض جميعا دون استثناء
وللعلم لن يجمع الجميع على شخص ابداااااا

ليه مابتحبش تزعل حد منك واحيانا بتهرب من مواجهه بعض المشكلات ؟
هنأخذ آيه من المشاكل الا التفرقة وهذا ما يريده الشيطان

تحب تقول ايه لكل من ساذكر اسمائهم 00
ا-محمد وسية
مسرحي عبقري يحب الجميع يحاول التميز في اعماله ومواضيعه
ا-شريف
دكتور نفساني
ا-دعاء شديد
حاجة كدا ( دكتورة آخر حاجة ) بتاع كله
ا-نداء الجنة
تقف على الحق وتبحث عنه دائما وتجمع الشمل
ا-جمال عوض
هو جمال الدين بما تحمل الكلمة من معاني وابن بلد فعلا
ا-وليد عسكر
حريف وخفيف ومحاور ومش بيسكت على حقه وروحه حلوة
ا- dream
عندها أفكار كثيرة جداااااااا
ا-نعمه محمود
وزيرة لو اصبح الطموح جاد جدااااا
ا-جمعه الدهشان
طيب جدااااااااا
ا-محمد عباس
المرح والصديق فعلا
ا-طارق ذكي
النشيط بكل المقاييس
ا-عبد الحميد
الذوق والذكي لدراجات عالية في مواقف اكتشفتها بنفسي
ا-محمد السادات
شاب بيحب اصدقائه ويجاري الكبار ويفقد اصدقائه بسهولة في اول موقف
ا-عصام علي
من القليوبية
ا-احمد نجم
من بورسعيد
ا-محمود سرحان
أكيد من بورسعيد
كفايه عليك كده النهارده ولي معاك عودة في اسئله اكثر سخونة
وحلقة غير عادية00
انتظرونا 00
شوفت حلقة عادية ازاي

أشرف السيد

03-08-2009, 09:02 AM

الاجابة هتكون باللون الاخضر

انا هسأل اسئلة سهله جدا

ايه عيوبك؟
اثق بكل الناس بسهولة جدا ومن اول معاملة

ايه الغلطة الي انت ندمان عليها؟
مش في

والغلطة الي مندمتش عليها... رغم انها غلطة؟
عملي بمجال الحاسب لاني كان نفسي اكون مهندس مدني

ظلمت حد قبل كده؟
مش ظلم في حقه ولكن ظلم في طريقة اخذ حقي ولكن سريعا اعتذر

الي اى مدى يمكنك الاعتراف بالخطأ؟؟؟؟
الحمد لله اعترف بالخطأ في كل موقف ولا اخاف ولا يهمني عواقب الاعتراف مادام الاعتراف سيجعلني اكبر

قولنا فكرة شريرة خطرت مرة على بالك
ونفذتها ولا لأ؟ وليه؟
الأفكار الشريرة كثيرة جدااااا ومش بتقف عندي
بس افكار شريرة لن تؤذي أحد
وأخرها فكرة ( ولا بلاش احسن تتسرق )

دى اسئلة بشكل مؤقت

اظن مش هيكون لك نفس تساليني بعد كدا بعد ردودي الصريحة دي

mazlom

03-08-2009, 11:00 AM

حوار رائع ولي بعض الاسئلة

ارجو عدم الغضب والثورة فلقد وجدا في اجاباتك انها دبلوماسية وليست اجابات صريحة ومباشرة وهذا كرسي الاعتراف . ده اول تعليق

تاني حاجة مش شايف ان انت لما بتيجي تكلم واحد بتقوله السلام عليك هل ده حب اختلاف عن الغير ولا ايه ؟

تاني حاجة لقد قلت انك لم تظلم احد من قبل في حين انك ظلمت كثيرون في منتدى الثانوية وانا اعرف الكثير وولكن عفا الله عما سلف لانك قررت ان تغير من نفسك فلماذا اجابتك على هذا السؤال بانك لم تظلم ؟؟؟

تالت حاجة يا ابا العمدة معلش بقى اصلي صعيدي على حج

لماذا دائما تتهرب من المواجهة وحين وقوعك في اي مشكلة تتطرحها على الاخرين وتقول سيكون رايي في النهاية بعد سماع راي الاعضاء هل ذلك لانك لا تملك القدرة على موازنة الامور ؟؟؟

واذا كنت مقتنع بمبدا الشورى لماذا لا تعرض رايك اولا وبعدها تنتظر باقي الاراء ؟؟؟

سؤال اخر يا ابو ادم ومتزعلش يا ابوي مني انا واد دغري وصريح

الم تفكر في يوم ان تعطي مدرسي الموقع جزء من دخل الموقع كنوع من انواع الحافز مع العلم انهم هم من يتعبون ويبذلون قصارى جهدهم يعني تجيب لده حتة لاب توب صغير كدة وتجيب لدي مثلا يعني هارد اكسترنال ولا حتى توزع عليهم فلاشات ولا شوية تمر من بتوع رمضان حتى؟؟

كان من باب التكريم لاعضاء الموقوع وا الذين هم بجانبك ويساندوك ان تكون رحلتا الاسكندرية والفيوم مجانا بالكامل بدون اي رسوم فلماذا لم تفعل ذلك ؟

رابعا الا تشعر بان ادارة الموقع بالكامل اصبح يسودهها نوع من عدم التجانس ؟؟؟

اخر سؤال ولي عودة مرة اخرى ان شاء الله بعد يا باشا ما تدور على الاي بي بتاعي وتشوف مين العضو اللي قال الكلام ده ههههههههههه بس لو عرفتني خليها في سرك ربنا ستار

بما ان انت بتؤمن بمبدا الديمقراطية لماذا لا تقوم بعمل انتخابات في فترة الاجازة ويكون مجلس الادارة بالانتخاب وليس بالتعيين اي مجلس ادارة في العالم بيكون بالانتخاب ويسلام لو تكون انتخابات قوائم تبقى احلى واحلى الا ترى انه ليس عدلا ان تكون ادارتك بتعيينك وربما لا يريدها الاعضاء ؟؟؟؟

لي عودة يا ابو ادم يا غالي

للاستفسار والتواصل

صعيدي دوت كوم يا ابوي

صديقي هو من يهديني عيوبي

وانا اتكلمت بصراحة شديدة

وسلام عليك ورحمة الله وبركاته

أشرف السيد

03-08-2009, 12:24 PM

الاجابة باللون الاحمر

حوار رائع ولي بعض الاسئلة

ارجو عدم الغضب والثورة فلقد وجدا في اجاباتك انها دبلوماسية وليست اجابات صريحة ومباشرة وهذا كرسي الاعتراف . ده اول تعليق

تاني حاجة مش شايف ان انت لما بتيجي تكلم واحد بتقوله السلام عليك هل ده حب اختلاف عن الغير ولا ايه ؟
السلام عليك
تاني حاجة لقد قلت انك لم تظلم احد من قبل في حين انك ظلمت كثيرون في منتدى الثانوية وانا اعرف الكثير وولكن عفا الله عما سلف لانك قررت ان تغير من نفسك فلماذا اجابتك على هذا السؤال بانك لم تظلم ؟؟؟
هو ليس ظلم انما هو مفهوم الظلم ولا ايه

تالت حاجة يا ابا العمدة معلش بقى اصلي صعيدي على حج

لماذا دائما تتهرب من المواجهة وحين وقوعك في اي مشكلة تتطرحها على الاخرين وتقول سيكون رايي في النهاية بعد سماع راي الاعضاء هل ذلك لانك لا تملك القدرة على موازنة الامور ؟؟؟
لان الاعضاء دائما افضل مني فيجب سماع كلامهم قبلي

واذا كنت مقتنع بمبدا الشورى لماذا لا تعرض رايك اولا وبعدها تنتظر باقي الاراء ؟؟؟
لان رائي في البداية قد يفهم البعض على انه قرار

سؤال اخر يا ابو ادم ومتزعلش يا ابوي مني انا واد دغري وصريح
اسئل يا عمي وحلوة الرسالة الطويلة اللي بعتها على الموبيل الصبح والحمد لله انا كويس

الم تفكر في يوم ان تعطي مدرسي الموقع جزء من دخل الموقع كنوع من انواع الحافز مع العلم انهم هم من يتعبون ويبذلون قصارى جهدهم يعني تجيب لده حتة لاب توب صغير كدة وتجيب لدي مثلا يعني هارد اكسترنال ولا حتى توزع عليهم فلاشات ولا شوية تمر من بتوع رمضان حتى؟؟
ولما لا نفكر فبالتأكيد سنفكر لان كلامك سليم وادعوا لنا ان يوفق الله الجميع

كان من باب التكريم لاعضاء الموقوع وا الذين هم بجانبك ويساندوك ان تكون رحلتا الاسكندرية والفيوم مجانا بالكامل بدون اي رسوم فلماذا لم تفعل ذلك ؟
العملية المادية لا تسمح هذه الفترة ولكن بأذن الله سيكون ذلك في جميع الرحلات القادمة

رابعا الا تشعر بان ادارة الموقع بالكامل اصبح يسودهها نوع من عدم التجانس ؟؟؟
ليس صحيح وبعدين احنا لسا ما كملناش 4 شهور يعني لسا بنقول يا هادي

اخر سؤال ولي عودة مرة اخرى ان شاء الله بعد يا باشا ما تدور على الاي بي بتاعي وتشوف مين العضو اللي قال الكلام ده ههههههههههه بس لو عرفتني خليها في سرك ربنا ستار
من غير ما ندور ( الهيبة بتقول )
بما ان انت بتؤمن بمبدا الديمقراطية لماذا لا تقوم بعمل انتخابات في فترة الاجازة ويكون مجلس الادارة بالانتخاب وليس بالتعيين اي مجلس ادارة في العالم بيكون بالانتخاب ويسلام لو تكون انتخابات قوائم تبقى احلى واحلى الا ترى انه ليس عدلا ان تكون ادارتك بتعيينك وربما لا يريدها الاعضاء ؟؟؟؟
هنعرض المقترح على المجلس وربنا ييسر

لي عودة يا ابو ادم يا غالي

للاستفسار والتواصل

صعيدي دوت كوم يا ابوي

صديقي هو من يهديني عيوبي

وانا اتكلمت بصراحة شديدة

وسلام عليك ورحمة الله وبركاته

abdo4101

03-08-2009, 02:49 PM

الاجابة باللون الاحمر

[center]هه الاجابات برضو دبلوماسية اكتر وما فيها كلام بصراحة مباشرة .... اعذرنى بس ده اللى انا شايفه .. /center]
ليه تم غلق مركز البراق لخدمات الكمبيوتر والانترنت ؟؟ :28:ا
ولنا عودة باسئلة اكتر

مسيو وليد عسكر

03-08-2009, 03:13 PM

ده كرسي الاعتراف يا ابا ادم
مش كرسي الدبلوماسية

كريم ماضي

03-08-2009, 03:17 PM

السلام عليكم ورحمة الله وبركاته

ادخل في الاسئله علي طول

اتفضل اقعد علي الكرسي

You can see links before reply***********/%D9%83%D8%B1%D8%B3%D9%8A%2520%D8%A7%D9%84%D8%A7%D8 %B9%D8%AA%D8%B1%D8%A7%D9%81.jpg (You can see links before reply***********/%D9%83%D8%B1%D8%B3%D9%8A%2520%D8%A7%D9%84%D8%A7%D8 %B9%D8%AA%D8%B1%D8%A7%D9%81.jpg&imgrefurl=You can see links before reply 58A%2B%25D8%25A7%25D9%2584%25D8%25A7%25D8%25B9%25D 8%25AA%25D8%25B1%25D8%25A7%25D9%2581%26hl%3Dar%26c lient%3Dfirefox-a%26channel%3Ds%26rls%3Dorg.mozilla:en-GB:official%26sa%3DN%26um%3D1)

\شرف السيد عليه جدل كبير ؟

وليه اشرف السيد لما يدخل مجال بيخربه وفاكر اللي عملته في مجال الاتصاللات ؟

ممكن تهمل شيئ في العمل لأجل شيئ أخر ؟

شايفك مختلف شويه عن الملتزمين :) ايه هو الالتزام من وجهة نظرك ؟

بالنسبه للاشراف انا حاسس ان الموضوع سايب في بعضيه

مجلس الاداره كبييييييييير جدا
تقدر حضرتك تقولي دوره بالضبط

مين المسؤل عن قسم الدعم الفني (You can see links before reply) وانا شايف ان فيه اهمال ؟

ونغير بقي شويه علي الماشي

عضو توقيعه روعه
عضو نشيط
عضو مفقود.
عضو تفرح بوجوده
عضو تحسه واثق من نفسه
عضو يغيضك
عضو مثقف
عضو تخاف يوم أتشوف اسمه موجود.
عضـو أحيانا ينرفزك بـ ردوده
عضو أتحس انه طموح
عضو مواضيعه من الاخر
شخص تقوله (( الله يسامحك )) ..

ولي عوده ان شاء الله

أشرف السيد

03-08-2009, 05:39 PM

طبعا الاجابة باللون الاحمر

[center]هه الاجابات برضو دبلوماسية اكتر وما فيها كلام بصراحة مباشرة .... اعذرنى بس ده اللى انا شايفه .. /center]
ليه تم غلق مركز البراق لخدمات الكمبيوتر والانترنت ؟؟ :28:ا
انت شايف ليه يا عبده المركز اتقفل
ولنا عودة باسئلة اكتر

أشرف السيد

03-08-2009, 05:56 PM

طبعا الردود باللون الاحمر

السلام عليكم ورحمة الله وبركاته

ادخل في الاسئله علي طول

اتفضل اقعد علي الكرسي

You can see links before reply***********/%d9%83%d8%b1%d8%b3%d9%8a%2520%d8%a7%d9%84%d8%a7%d8 %b9%d8%aa%d8%b1%d8%a7%d9%81.jpg (You can see links before reply***********/%d9%83%d8%b1%d8%b3%d9%8a%2520%d8%a7%d9%84%d8%a7%d8 %b9%d8%aa%d8%b1%d8%a7%d9%81.jpg&imgrefurl=You can see links before reply 58a%2b%25d8%25a7%25d9%2584%25d8%25a7%25d8%25b9%25d 8%25aa%25d8%25b1%25d8%25a7%25d9%2581%26hl%3dar%26c lient%3dfirefox-a%26channel%3ds%26rls%3dorg.mozilla:en-gb:official%26sa%3dn%26um%3d1)

\شرف السيد عليه جدل كبير ؟
جدل ايه ( ليه محسسني ان برشلونة وريال مدريد بيتخانقوا عليه )

وليه اشرف السيد لما يدخل مجال بيخربه وفاكر اللي عملته في مجال الاتصاللات ؟
انا مش خربته انما انا تحديت من اراد وقفي من البداية ولم اكن انافس احد ولكن المنافسين سعوا بكل الطرق لايقاف المشروع ولكن بفضل الله ثم الاصرار والتحدي صنعت ما اردت وعرفوا ان المجال ليس حكر على احد ولا ايه
ممكن تهمل شيئ في العمل لأجل شيئ أخر ؟
انت شايف كدا ممكن بس هو مش اهمال انما هو اهتمام بالافضل

شايفك مختلف شويه عن الملتزمين :) ايه هو الالتزام من وجهة نظرك ؟
اكيد انا مقصر والالتزام من وجهة نظري ان تتبع الفرائض والسنة ولا تتبع الجماعات

بالنسبه للاشراف انا حاسس ان الموضوع سايب في بعضيه
يعني ايه سايب في بعضه

مجلس الاداره كبييييييييير جدا
تقدر حضرتك تقولي دوره بالضبط
دوره زي اي دور مجلس ادارة لاي منتدى

مين المسؤل عن قسم الدعم الفني (You can see links before reply) وانا شايف ان فيه اهمال ؟
اكيد الدعم الفني وقولي ايه الاهمال في القسم

ونغير بقي شويه علي الماشي

عضو توقيعه روعه
د دعاء شديد
عضو نشيط
ا وليد عسكر
عضو مفقود.
كثير
عضو تفرح بوجوده
ا علي الدين يحيي
عضو تحسه واثق من نفسه
ا نعمة محمود
عضو يغيضك
كريم ماضي
عضو مثقف
ا شمس بياض
عضو تخاف يوم أتشوف اسمه موجود.
انا
عضـو أحيانا ينرفزك بـ ردوده
كثير
عضو أتحس انه طموح
نداء الجنة
عضو مواضيعه من الاخر
ا شريف
شخص تقوله (( الله يسامحك )) ..
انا

ولي عوده ان شاء الله
يا سيدي كفاية السنة دي اسئلة وكمل الموسم القادم

شريف

03-08-2009, 06:23 PM

بص يا عم اشرف باشا
ركز معايا كده و اتعدل غير طريقتك خالص
لاني مش هسيبك الا لما تجاوب زي ماحنا عايزينك تجاوب
يعني تجاوب باستفاضة و باسهاب
و بدون ديبلوماسية
و خلي بالك
الجرئ في الردود
الصريح في الردود
اللي الناس تحس فيه الصدق و الشجاعة الادبية
الناس بتحترمه اوي
و الناس بتحبه اوي
اما الديبلوماسية
هتخلي الموضوع ده في قسم كرسي الاعتراف مالوش لازمة
و كانه لم يكن
لأن كان ممكن اي حد نائب عنك يقوم بالدور ده
و يجاوب اجاباتك
لان اجاباتك اللي فاتت
ديبلوماسية اوي
و تقليدية لاي واحد عايز يكروت الموضوع
لا

خد السؤال ده
و اما نشوف
هتستمر في الديبلوماسية
و لا هتعترف بقا

السؤال :

1- مسيو وليد سألك عن ربحك من الموقع و اعلاناته
و بذكاء مفقوس هربت م الاجابة
جاوب بالارقام لو سمحت و فورا

2- و انا بتجول في الموضوع
لاقيت ناس سألتك أسئلة مستفزة جدا و تكاد تصل الي درجة السب العلني
و اجاباتك عليها أصابتني بالاحباط
لاني ماتوقعتش رد الفعل ده نهائي
ايه النظام؟
دانا لو حد سألني سؤال من دول ممكن امسك في خناقه
انت هادي للدرجاتي؟ ايه الهدوء ده؟ هههههههههههه
اوعي تقولي متسامح
مالوش علاقة بالتسامح خلاص
و اوعي تقولي بمتص الناس
لان اللي يفضل ع الحال ده يمتص
هيفضل يمتص طول عمره
هههههههههه

3- هل مدير موقع ناجح لازم يكون قوي؟ ولا ممكن يكون متهاون
و عنده نقاط ضعف و يعتمد علي الاخرين؟|

دعاء شديد

03-08-2009, 06:58 PM

ارجو اعادة الاجابه على اسئلتى

بشكل مباشر

:16:
بلاش طريق راس الرجاء الصالح

ولا طريق صلاح سالم

كريم ماضي

03-08-2009, 08:33 PM

بالنسبه للاشراف انا حاسس ان الموضوع سايب في بعضيه
يعني ايه سايب في بعضه

بعني حضرتك موضوع توقيع لعضو التوقيع اعتقد انه مخالف

والموضوع اتعمل في الدعم الفني وخد فتره ومحدش رد عليه الا لما قابلت حضرتك واتكلمت معاك

وكمان تقدر حضرتك تقولي ايه رئيك في توقيع العضو _mazlom

mazlom

03-08-2009, 09:03 PM

اولا انتم مالكم ومال توقيعي لو مش عاجبكم شيلوه

اما اشرف باشا هقولك يا ابوي انت لم تجب على اي سؤال بصفة مباشرة

السؤال هنا ضمن اسئلة كرسي الاعتراف طالما لن تجيب باستفاضة واعتراف لماذا انت هنا على كرسي الاعتراف ؟ انا لو مكانك اسميه كرسي الدبلوماسية ؟؟ ما تزعل مني يا ابوي

اما بقى اخر حاجة
اقسملك بالله لم ارسل لك اي رسالة اليوم لا طويلة ولا قصيرة

كريم ماضي

03-08-2009, 09:10 PM

اولا انتم مالكم ومال توقيعي لو مش عاجبكم شيلوه

اولا شكرا لرد حضرتك الجميل

هقول لحضرتك انا مالي
انا عضو هنا في المنتدي
وشايف ان التوقيع غلط ومخالف للقوانين
ولما تشوف حاجه غلط وانت في مكان المفروض عليك انك تتكلم عنها \
مش تطنشها

عرفت حضرتك انا مالي

عز وحيد

03-08-2009, 09:10 PM

اوبس

شكلك يا ابو اتدبست
ربنا يستر عليك يا ابو ادم
عامة هو تعاطفى وحده مش كفاية
ان شاء الله فيه شوية اسئلة جاهزين لحضرتك
بس اشوف بس ان الدبلوماسية مشيت
انزل بيهم على طول
انما لو بالنظام الى ماشى ده
انا بقى عارف الاجابة
هسأل ليه واتعب نفسى

mazlom

03-08-2009, 09:44 PM

عرفت حضرتك انا مالي

انا اسف اذا كان ردي وحش بس والله مش قصدي حاجة انا من البداية قلت لاحد المشلرفين في رسالة خاصة لو شايفين ان توقيعي مخالف تقدروا تحذفوه بدون زعل

اعتذر ليك جدا لو تعديت حدودي وارجو عدم الخروج عن الموضوع الاصلي حتى لا تصير مشكلة

كريم ماضي

03-08-2009, 10:00 PM

انا اسف اذا كان ردي وحش بس والله مش قصدي حاجة انا من البداية قلت لاحد المشلرفين في رسالة خاصة لو شايفين ان توقيعي مخالف تقدروا تحذفوه بدون زعل

اعتذر ليك جدا لو تعديت حدودي وارجو عدم الخروج عن الموضوع الاصلي حتى لا تصير مشكلة

لا اسف ولاحاجه احنا اخوات وده بعد اذن حضرتك يعني
اما عن موضوع الرساله التي وصلت للمشرف يبقي الغلط مش عند حضرتك الغلط عند المشرف اللي وصلت ليه الرساله

mazlom

03-08-2009, 10:29 PM

لا عليك اخي الفاضل نكمل الموضوع وننتظر اجابات عمدتنا الكبير اوي اشرف باشا

أشرف السيد

03-08-2009, 10:33 PM

طبعا الاجابة باللون الاحمر

بص يا عم اشرف باشا

ركز معايا كده و اتعدل غير طريقتك خالص
ماشي هجيب شعري على جتب
لاني مش هسيبك الا لما تجاوب زي ماحنا عايزينك تجاوب
يعني تجاوب باستفاضة و باسهاب
و بدون ديبلوماسية
و خلي بالك
الجرئ في الردود
الصريح في الردود
اللي الناس تحس فيه الصدق و الشجاعة الادبية
الناس بتحترمه اوي
و الناس بتحبه اوي
اما الديبلوماسية
هتخلي الموضوع ده في قسم كرسي الاعتراف مالوش لازمة
و كانه لم يكن
لأن كان ممكن اي حد نائب عنك يقوم بالدور ده
و يجاوب اجاباتك
لان اجاباتك اللي فاتت
ديبلوماسية اوي
و تقليدية لاي واحد عايز يكروت الموضوع
لا

خد السؤال ده
و اما نشوف
هتستمر في الديبلوماسية
و لا هتعترف بقا
دبلوماسية ايه يا سيدي حد قالك عليا الرئيس

السؤال :

1- مسيو وليد سألك عن ربحك من الموقع و اعلاناته
و بذكاء مفقوس هربت م الاجابة
جاوب بالارقام لو سمحت و فورا
مش سهل حسابها بسهولة في البداية فلسا بدري على اسئلة زي كدا

2- و انا بتجول في الموضوع
لاقيت ناس سألتك أسئلة مستفزة جدا و تكاد تصل الي درجة السب العلني
و اجاباتك عليها أصابتني بالاحباط
لاني ماتوقعتش رد الفعل ده نهائي
ايه النظام؟
خلي اللي يسئل يسأل ده كرسي الاعتراف ولازم نجواب على الجميع
دانا لو حد سألني سؤال من دول ممكن امسك في خناقه
انت هادي للدرجاتي؟ ايه الهدوء ده؟ هههههههههههه
ده الهدوء الذي يسبق الهدوء برضوا
اوعي تقولي متسامح
مالوش علاقة بالتسامح خلاص
و اوعي تقولي بمتص الناس
لان اللي يفضل ع الحال ده يمتص
هيفضل يمتص طول عمره
هههههههههه
حد قال لك عليا اني سفنجة

3- هل مدير موقع ناجح لازم يكون قوي؟ ولا ممكن يكون متهاون
طبعا لازم يكون قوي ولا يتهاون
و عنده نقاط ضعف و يعتمد علي الاخرين؟|
اي شخص في العالم لديه نقاط ضعف واي شخص لا يعتمد على الاخرين لن ينجح بمفرده ابدااااااا

مسيو وليد عسكر

03-08-2009, 10:45 PM

ندخل في الجد 000وياريت تذكر اسماء 000في الاسئه التي تبدأ بمن
(او التي تسال عن اشخاص )
ولن اتقبل الدبلوماسية هذه المرة00

1- هل تثق في المرأة

2- باقة ورد لمن تهديها؟

3- باقة شوك لمن تهديها؟

4- أسوأ خبر سمعته؟

5- شخص لا ترفض له طلبا؟

6- من يطربك ؟

7- ما هي التجربة التي تتمنى تكرارها؟

8- من هو توأم روحك؟

9- ماهو أكثر شيء تخشاه؟

10- ما الشيء الذي يشعرك بأكبرقدر من الإحراج؟

11- اكلتك المفضلة ايه ؟

12- حمام زاجل استقر على نافذتك يحمل رسالة من مجهول ممن تتمنى أن تكون؟

13- صديقك ارتكب جرية ولا يعلم احد سواك 000ممكن تبلغ عنه ؟

14- قطعة فحم وجدار نظيف ماذا سترسم عليه،وماذا ستكتب تحت الصورة؟

15- ايه اجمل قصة حب في حياتك ؟

16- شخص وعدك بشي مهم جدا ثم اخلف ماذا تقول له ؟

17- من هو العضو اللى نفسك تخنقه ؟

18- من هو العضو اللي شايف فيه نفسك ؟

19- من هو العضو اللي يستحق انه تقول عنه محبوب بين الاعضاء ؟

20-مين بنظرك بيعمل بجهد بالمنتدى ؟

21-مين مقصربالمنتدى بنظرك ؟

أشرف السيد

03-08-2009, 11:12 PM

يا عم مش انت رايح اسكندرية امشي بقي وزي ما قلت لك بأذن الله اقابلك يوم الاربعاء هناك

وكفاية اسئلة

بس شكل الاسئلة اللي جاية كويسة قوي

ندخل في الجد 000وياريت تذكر اسماء 000في الاسئه التي تبدأ بمن
(او التي تسال عن اشخاص )
ولن اتقبل الدبلوماسية هذه المرة00

1- هل تثق في المرأة
لا

2- باقة ورد لمن تهديها؟
لكل من غدر بي

3- باقة شوك لمن تهديها؟
لنفسي

4- أسوأ خبر سمعته؟
وفاة الاحباب وبالذات الشباب ( يرتجف قلبي وافهم انها رسالة الي لكي استعد )

5- شخص لا ترفض له طلبا؟
صوت ضميري

6- من يطربك ؟
صوت الأذان

7- ما هي التجربة التي تتمنى تكرارها؟
رحلة الفيوم (ههههههه)

8- من هو توأم روحك؟
بصدق انتم والله

9- ماهو أكثر شيء تخشاه؟
الغدر

10- ما الشيء الذي يشعرك بأكبرقدر من الإحراج؟
ان اتفق لشخص على شيء مع شخص ولا يفئ الاخر مع من اتفته معه
فمن ايام طلب مني مستثمر اعرف في الفيوم ان احدد له موعد مع المحافظ وحدد له موعد مع مدير المكتب كموعد مبدئي ومن يومها لا يرد عليا المستثمر وشكلي بقي وحش جدااااااا

11- اكلتك المفضلة ايه ؟
البطاطس ( البشاميل ) الفراخ ليس اللحمة ( الفتة ) القرنابيط ( الفول النابت ) القرع العسلي . بس

12- حمام زاجل استقر على نافذتك يحمل رسالة من مجهول ممن تتمنى أن تكون؟
من حورية بالجنة تنتظري على شوق

13- صديقك ارتكب جرية ولا يعلم احد سواك 000ممكن تبلغ عنه ؟
لو لم يندم ويتغير ويبعدها عنها مستقبلا .. سابلغ عنه

14- قطعة فحم وجدار نظيف ماذا سترسم عليه،وماذا ستكتب تحت الصورة؟
هرسم وجه القمر واكتب تحته ( اتمنى الصلاة والموت هناك)

15- ايه اجمل قصة حب في حياتك ؟

16- شخص وعدك بشي مهم جدا ثم اخلف ماذا تقول له ؟
كثيرا جدااا ما يحدث ذلك معي وأقول ( الحمد لله ) فليس لي النصيب واقول الحمد لله لانه ليس الخير في هذا الوعد ( وهو لا اقول له اي شيء واتجنبه نهائيا)

17- من هو العضو اللى نفسك تخنقه ؟
كثير ومظلوم اولهم

18- من هو العضو اللي شايف فيه نفسك ؟
د عبدالحميد حافظ

19- من هو العضو اللي يستحق انه تقول عنه محبوب بين الاعضاء ؟
ا محمد وسية

20-مين بنظرك بيعمل بجهد بالمنتدى ؟
الاساتذة ( طارق ذكي - محمد عباس - رضا الغريب )

21-مين مقصربالمنتدى بنظرك ؟
انا

هي دي الاسئلة ( حلو قوي كدا )

عز وحيد

04-08-2009, 04:58 AM

أشرف السيد

04-08-2009, 07:33 AM

السلام عليكم ورحمة الله وبركاته
اهلا بك يا ابو ادم على كرسى الاعتراف
احب فى البداية بس اقول ان لحد دلوقتى الدبلوماسية ما زالت موجودة
انما انت عارف بقى
انا اصلا مش هسئل اسئلة تحتاج لدبلوماسية :)
لأنك انت عارف كويس انى صريح ومش بحب لا الف ولا ادور
اسئلتى هتبقى صريحة
واكيد اجابتك بردوه هتبقى صريحة
مش كده ولا ايه :)

بس حابب اقول لكل الى هيقرأ الموضوع
ابو ادم بالنسبة ليا حد اعتز بيه
وان كنت هسال اسئلة ممكن تكون رزلة
فهذا لا يدل على اى شىء سوى انى احبه فى الله
واحب ان امازحه
وانتظر منه ايضا اجابات
هذا كل شىء

نتوكل على الله ونبدأ الاسئلة

1- هذه الايام يخدث تغيير فى مسار الموقع بما تفسره
وهو اظنه ليس تغيير سار
لانه بصراحة تامة لا يتماشى مع ما كنا نأمل ان نراه فى بوابة التعليم
بإختصار تام وحتى لا اطيل
بدأ الموقع يستقبل ما كان غير مسموح بالسابق
وبالذات الموسيقى وصور النساء
لما دخل هولاء موقعنا
وقد كنا بعيدين تماما عنهم
وهل تعتبرهم شىء عادى
ام ان هناك وقفة
لما حضرتك تلاقي موضوع او صور مخالفة للشرع او موسيقي ادخل الدعم الفني واعمل موضوع بكدا

2- اوقات يصدر منك تصريحات واقاويل وفى النهاية لا تنفذ ما السبب ؟
ما هي التصريحات ونحن لدينا قرارات من مجلس الادارة وتكتب في قسم اخبار المنتدى وكل ما بقسم اخبار المنتدى من قرارات للمجلس تم تنفيذها بفضل الله

3- فى اخر صورة رمزية لك فى منتدى ما كنت ترتدى البدلة وكانت واضحة اللحية واضحة تماما جدا جدا هل كنت تقصد شىء بذلك علما ان صورتك الرمزية لم تكن كذك ؟
في المنتدى ما الذي تتحدث عنه كانت صورة كبيرة في التوقيع وليست صورة رمزية صغيرة فأكيد حضرتك مش شايف الصورة بوضوح

4- عكس السؤال السابق لم غيرت صورتك الحالية والتى ارى ان اللحية قد اختفت بعض الشىء ليست ظاهرة بوضوح مثل الصورة السابقة ؟
نوع من التغيير مش لازم كل الصور ببدلة ( وللعلم اللحية تظهر كضوء النهار ) في الصورة
واظن تقدر تشوف اللحية بوضوح ( في صور رحلة الفيوم) الصورة كبيرة وواضحة
شكلك جايب لي عروسة

5- هل تتذكر ايام ما كنت مدرسا للحاسب الالى فى مدرسة العدوة الاعدادية بالطبع تتذكر
احكى لنا كيف اصبحت مدرسا هناك وماذا استفدت من عملك مدرسا فى هذا المكان
ولما تركت هذه الوظيفة ؟
انتهت وقت الوظيفة لاني من الشخصيات التي تتدرج في العمل حتى ولو كان خاص او كان مشروع خاص (يجب التدرج) ولست ممن يقف عن نقطة معينة واطمح بالأكثر والأكبر دائما

6- هل تتذكر الاستاذ محمد سعدون (واحشنى اوى والله بالله عليك ابقى سلملى عليه لو اتصلت بيه) هذا الشخص اثر فى حياتك كثيرا على ما اعتقد كيف اثر فى حياتك وهل استفدت منه ام لا وماذا كان يمثل لك فى حياتك
طبعا استفدت منه وأي شخص بعقد معاه بستفاد ومحمد سعدون (أبو احمد) تعلمت منه الكثير في مجال الكمبيوتر
غير انه ابن عمتك ؟
هو ابن خالي ( للعلم)

7- اشرف سيد عبد الله هل تتذكره ليس اشرف السيد ؟ فرق بين الشخصين وما التغيير الذى ادى الى ذلك
أشرف سيد عبدالله السيد = أشرف السيد ( لا تعديل ولا فرق ) فلم أكن اركب المواصلات والان اركب التيوتا كامرلي ولكن ما زلت اركب المواصلات وبأكل عيش بمساميره وبسكن في العدوه بلدي

8- لو أن اقرب الناس اليك اخطأ وتستطيع ان تحاسبه هل ستحاسبه دون اى اعتبار لما بينكم من صداقة او اخوة او قربة حتى لو كان هذا الشخص انت هل ستحاسبه الحساب الذى يستحقه ؟
اترك حساب الاخرين لله رب العالمين ( فقد يعجل الله له الحساب في الدنيا او يؤخره له في الأخرة ) وثق دائما ان القدرة على عدم الانتقام قدرة فائقة من القوة

9- ان كان الجواب نعم فى السؤال السابق لما لم تحاسب من اخطأ وانت تعلم من اخطأ جيدا وانتظرت عليه كثيرا وفى النهاية ايضا لم يحاسب بما تسمى هذا
هل هو نوع من الواسطة ام خوف من مشاكل تدخل الى الموقع ام صداقة ام اخوة ام قرب الى القلب ؟
لا يوجد واسطة وبلاش احس اني وزير ولا رئيس الوزارء

10- هل احزنك فى موضوع تخيل انك منتدى للأستاذ شريف ان كل من تخيل مدير للمنتدى لم يختارك كمديرا للمنتدى ............ وبما تفسر هذا وكل من قال هذا هم اعضاء مجلس ادارة (خلى بالك من نفسك احسن.....:)) ؟
استنى كدا لسا ما شفت الردود بتاع الناس في الموضوع
وطبعا هناك الكثير أفضل مني لادارة اكبر من هذا الموقع

ولى عودة اخرى ان شاء الله

والله الموفق

كريم ماضي

04-08-2009, 12:30 PM

أشرف السيد

04-08-2009, 12:47 PM

بما انك تجاهلت السؤال ده

ممكن حضرتك تجاوبني علي
وتوضح لي سبب تجاهلك للسؤال

تم الرد على حضرتك في الدعم الفني على موضوع التوقيع المخالف في غضون 48 ساعة وكمان توقع مظلوم جميل جدااااااا

mazlom

04-08-2009, 02:43 PM

تم الرد على حضرتك في الدعم الفني على موضوع التوقيع المخالف في غضون 48 ساعة وكمان توقع مظلوم جميل جدااااااا

الله يسترها معاك يا ابو ادم يا رافع من معنوياتي

بس انت ليه تجاهلت اسئلتي برده ؟؟؟؟؟؟؟

MOUMEN

05-08-2009, 09:23 AM

ازي حضرتك يا استاذ اشرف
شوية اسئلة على الماشي كده
استاذ اشرف حضرتك جبت كام في االثانوية؟؟(سؤال رخم))

السؤال التاني حضرتك شايف ان غرفة واحدة صوتية كفاية علشان نستفاد منها ؟؟؟؟

السؤال الثالث:دلوقتي بوابة الثانوية واحلى ثانوية وبوابة التفوق يعتبروا بقوا موقع واحد كلهم تبع بعض
ليه شايفين بوابة التعليم المصري موقع مستقل ؟؟؟
هل مفيش موقع يستحق ان حضرتك تتحد معاه ولا حضرتك شايف ان الافضل تكوون لوحدك ولا ايه راي حضرتك؟؟؟
وهل يوجد موقع تتمنى يتحد مع حضرتك؟؟؟

السؤال الرابع حضرتك لما عملت الموقع ده كان للرد على الشائعات والكلام الي كان متوجه لحضرتك ولا كان ايه الهدف؟؟؟؟؟

كفاية كده يا استاذ اشرف وربنا يبارك في حضرتك ويجازيك كل خير على الي حضرتك بتعمله معانا

أشرف السيد

05-08-2009, 09:54 AM

طبعا الاجابة باللون الاحمر

ازي حضرتك يا استاذ اشرف
شوية اسئلة على الماشي كده
استاذ اشرف حضرتك جبت كام في االثانوية؟؟(سؤال رخم))
المهم انت مجموعك كام ورحت فين وجامعتك
السؤال التاني حضرتك شايف ان غرفة واحدة صوتية كفاية علشان نستفاد منها ؟؟؟؟
اكيد مش كفاية لو زاد العدد للطلبة عليها طبعا هتزيد عدد الغرفة انما هي في الوقت الحالي
السؤال الثالث:دلوقتي بوابة الثانوية واحلى ثانوية وبوابة التفوق يعتبروا بقوا موقع واحد كلهم تبع بعض
ليه شايفين بوابة التعليم المصري موقع مستقل ؟؟؟
هل مفيش موقع يستحق ان حضرتك تتحد معاه ولا حضرتك شايف ان الافضل تكوون لوحدك ولا ايه راي حضرتك؟؟؟
وهل يوجد موقع تتمنى يتحد مع حضرتك؟؟؟
ارى ان المنافسة الذكية بين المواقع تصب في مصلحة الطالب وولي الامر فلتستمر المنافسة وليستفيد الطالب والمعلم وولي الامر ( فلو مثلا اتحدت شركات المحمول لا نجد اي منافسة ولا اي عروض وبالتالي سيتكون هناك نوع من الهبوط بين الجميع )

السؤال الرابع حضرتك لما عملت الموقع ده كان للرد على الشائعات والكلام الي كان متوجه لحضرتك ولا كان ايه الهدف؟؟؟؟؟
لا مش رد على الشائعات ولا الكلام ولكن لانه مجال عملت به طوال 6 سنوات واخذت حبرات كويسة فبالتالي هكمل فيه بس وكمان مش انا اللي عملت الموقع اللي عمل الموقع بجد كل عضو مخلص هنا وبعدين الموقع لسا صغير خاااااااالص ليه كل الناس بتقارنا بمواقع قديمة واحنا لسا يا دوب ما كملناش 4 شهور

كفاية كده يا استاذ اشرف وربنا يبارك في حضرتك ويجازيك كل خير على الي حضرتك بتعمله معانا

محمد بن عباس

06-08-2009, 06:52 PM

أخى الحبيب أشرف السلام عليكم ورحمة الله وبركاته استحلفك بالله أن تكون الإجابة بكل أمانة وصراحة ووضوح
1-هل تغيرت فكرتك عن أعضاء بوابتنا الحبيبة بعد رحلة الفيوم
2- بصفتى مدير لقسم الأخبار بالبوابة ما الذى يعجبك بقسم الأخبار وما الذى لا يعجبك وبكل أمانة كيف ترى دور قسم الأخبار بالبوابة علما بأنه قسم غير تعليمى
3- الإجابة على السؤال الأتى إجبارية
كيف يرى هؤلاء من وجهة نظرك الشخصية أشرف السيد الاستاذ جمال الدين عوض . الاستاذة نعمة . الاستاذ عبد الحميد.الاستاذ محمد وسية .العمدة. الأستاذ طارق زكى. الاستاذ شريف . الاستاذ وليدعسكر. الأستاذمحمد السادات .عز وحيد.كريم ماضى .الاستاذة أمل لاشين.دعاء شديد.الاستاذة رانيا. الأستاذة أحلام .أحمد حمدى.محمد عباس
4-ما الشىء الذى ينقص بوابتنا
5-كيف ترى الأخبار بقسم الأخبار
6- ما الذى ترجوه من أجل مصلحة البوابة ل الاستاذ جمال الدين عوض . الاستاذة نعمة . الاستاذ عبد الحميد.الاستاذ محمد وسية .العمدة. الأستاذ طارق زكى. الاستاذ شريف . الاستاذ وليدعسكر. الأستاذمحمد السادات .عز وحيد.كريم ماضى .الاستاذة أمل لاشين.دعاء شديد.الاستاذة رانيا. الأستاذة أحلام .أحمد حمدى.محمد عباس
7- كيف يرى أشرف السيد أشرف السيد
8- هل تفكر فى رحلة أخرى للبوابة
9-ستذهب لاداء العمرة فى رمضان ما أهم دعاء ستدعوه أمام الكعبة
10- نريد وعد منك لنا نحاسبك عليه إذا لم يتحقق
11- ماذا تفعل لو طلبوا منك العمل فى بوابة الثانوية العامة
12- ما الشىء الذى حدث لقسم الأخبار بالبوابة وكنت لا تتوقع حدوثه
13-هل ترى قسم الأخبار مفيد تعليمياً
14-بعد ما حدث لمدير قسم الأخبار من مضايقات بحفل اوائل الثانوية كيف سيتم تطوير القسم :18::6::38: :17:

mr.osama

06-08-2009, 09:52 PM

الأستاذ/ أشرف

السلام عليكم ورحمة الله وبركاته
الله يكون في عونك .. وعاوز اجابات واضحة وصريحة على تلك الاسئلة والآراء:

- أين فكرة المندوب الرسمي للموقع في المحافظات؟ .. هل ستتحقق رسمياً ويكون مع المندوب كارنية موثق للتحدث بأسم الموقع مع المسئولين؟

- هناك بعض الأقسام بلا مشرفين .. أين المشرفين على تلك الأقسام؟ ومن يتابع المشرفين ويقيم عملهم؟

- طالما البعض سألك عن رأيك في بعض الأسماء وطنش أو تناسى أو نسي البعض .. - فهل هناك أسماء لأشخاص ترى أن لهم دور بالموقع ولم يذكر أحد اسمائهم؟ وماهو رأيك فيهم؟ وفي وجهه نظرك لماذا تجاهلوهم؟

- هل البعيد عن العين بعيد عن القلب؟

- هناك من يقول أنه توجد ظاهرة أصبحت موجودة بين أعضاء موقع بوابة التعليم المصري حالياً .. حيث بدأت توجد الشللية والمجموعات وليس التوحد أو الاتفاق بين بعض الأعضاء .. لأنه كما يقولون تجدهم يردون على بعض في موضوعاتهم ويتجاهلون موضوعات لأعضاء آخرين .. لأنهم يشعرون بأنهم هم الأقوى والباقي دون المستوى أو لسبب مجهول ..

- هل لاحظت ذلك؟ وإذا كان بالفعل هذا الكلام حقيقي ماذا سيكون رد فعلك؟

أشرف السيد

06-08-2009, 11:12 PM

طبعا الاجابة بأذن اله باللون الاحمر

أخى الحبيب أشرف السلام عليكم ورحمة الله وبركاته استحلفك بالله أن تكون الإجابة بكل أمانة وصراحة ووضوح
1-هل تغيرت فكرتك عن أعضاء بوابتنا الحبيبة بعد رحلة الفيوم
ابداً لاني اعرف الجميع من وقت سابق وليس اول مرة
2- بصفتى مدير لقسم الأخبار بالبوابة ما الذى يعجبك بقسم الأخبار وما الذى لا يعجبك وبكل أمانة كيف ترى دور قسم الأخبار بالبوابة علما بأنه قسم غير تعليمى
يعجبني المتابعة الجيدة والسريعة لاخبار
لا يعجبني النقل الحرفي في بعض الاخبار بل يمكن كما تحدث مع حضرتك على طرق انشاء الخبر من لدينا ولا ننتظره من الجرائد والتعليقات فقط
انما حضرتك مكسب رائع وكبير لاي موقع
3- الإجابة على السؤال الأتى إجبارية
كيف يرى هؤلاء من وجهة نظرك الشخصية
أشرف السيد
طموح لايعرف اليأس لو بدأ من الصفر
الاستاذ جمال الدين عوض .
ابن بلد ولا يخشى احد في رأيه
الاستاذة نعمة .
وزيرة
الاستاذ عبد الحميد.
ذكي وفاهم
الاستاذ محمد وسية .
جمهوري
العمدة.
لا يتدخل فيما لا يعنيه
الأستاذ طارق زكى.
طموح
الاستاذ شريف .
دكتور نفساني
الاستاذ وليدعسكر.
مدير
الأستاذمحمد السادات .
شاب يجاري الكبار ويفقد الاصدقاء بسهولة
عز وحيد.
بيفهم بسرعة وعنده هدف
كريم ماضى .
بيخطط للمستقبل بس ببطئ شويا
الاستاذة أمل لاشين.
خيرة
دعاء شديد.
بتاع كله
الاستاذة رانيا.
تقف على الحق
الأستاذة أحلام .
صاحبة الافكار الجديدة
أحمد حمدى.
يبحث عن حب الاخرين
محمد عباس
الضحوك والخلوق والراضي بما قسم الله ولا تسمع منه كلمة ( لا )
4-ما الشىء الذى ينقص بوابتنا
كثيراً هو احنا لسا عملنا حاجة بأذن الله ينقصنا 99% مما نحلم

5-كيف ترى الأخبار بقسم الأخبار
أخبار
6- ما الذى ترجوه من أجل مصلحة البوابة ل الاستاذ جمال الدين عوض . الاستاذة نعمة . الاستاذ عبد الحميد.الاستاذ محمد وسية .العمدة. الأستاذ طارق زكى. الاستاذ شريف . الاستاذ وليدعسكر. الأستاذمحمد السادات .عز وحيد.كريم ماضى .الاستاذة أمل لاشين.دعاء شديد.الاستاذة رانيا. الأستاذة أحلام .أحمد حمدى.محمد عباس
سؤال بشكل مكرر او طويل بقي الاجابة
7- كيف يرى أشرف السيد أشرف السيد
طموح
متسامح
غير عصبي
يحاول تنسيق مواعيده وليس دائما
صاحب هدف
صبور جداااااااااا
لا يحب الجدال
كثير الذنوب
به عيب هو يحب ان يفعل كثيرا من الاعمال بنفسه ولكن هذا ليس عدم ثقة بالاخرين ولكن حب للعمل وقد يفقده الكثير من الاخرين ولكن من يقترب منه يعرف انه لا يتدخل في الاعمال ليس لعدمه ثقته بالاخر ولكن لان هذا من طباعه التي يبذل الكثير لتغيرها .
8- هل تفكر فى رحلة أخرى للبوابة
بأذن الله سيكون هناك رحلة في نصف العام ورحلتين بالصيف في كل عام بأذن الله وبأذن الله ستدعم من حسابات الموقع بالكامل
9-ستذهب لاداء العمرة فى رمضان ما أهم دعاء ستدعوه أمام الكعبة
ان يغفر الله ما مضى من العمر وان يتقبلها وان اعود وكأني مولود وأن يدخل كل من قال ( لا اله الا الله محمد رسول الله ) الجنة بدون حساب او سابقة عذاب
10- نريد وعد منك لنا نحاسبك عليه إذا لم يتحقق
أن يذكركم الله حينما تذكروه
11- ماذا تفعل لو طلبوا منك العمل فى بوابة الثانوية العامة
لن اوافق
12- ما الشىء الذى حدث لقسم الأخبار بالبوابة وكنت لا تتوقع حدوثه
ضم اخبار الموقع لخدمة google news
13-هل ترى قسم الأخبار مفيد تعليمياً
طبعا تقدر تشوف عدد مشاهدات الاخبار التعليمية بالصفحة الرئيسة والتعليقات وتعرف هل مفيدة ام لا
You can see links before reply (You can see links before reply)
14-بعد ما حدث لمدير قسم الأخبار من مضايقات بحفل اوائل الثانوية كيف سيتم تطوير القسم
ليس تطوير للقسم ولكن التطوير يشمل توثيق العلاقة مع الوزارة وهنبدأ حملة المراسلين مع لقاء مع مساعد الوزير قريباً ومحافظ الفيوم خلال فترة قصيرة وشد حليك معانا لانك ذو وجه صاحب قبول بفضل ربك عليك . :18::6::38: :17:

أشرف السيد

06-08-2009, 11:25 PM

طبعا الاجابة مش بالاحمر هتكون بالازرق

الأستاذ/ أشرف

السلام عليكم ورحمة الله وبركاته
الله يكون في عونك .. وعاوز اجابات واضحة وصريحة على تلك الاسئلة والآراء:

- أين فكرة المندوب الرسمي للموقع في المحافظات؟ .. هل ستتحقق رسمياً ويكون مع المندوب كارنية موثق للتحدث بأسم الموقع مع المسئولين؟
طبعا وللعلم بدأ المطبعة بفضل الله في تجهيز الكارنيهات لمجلس الادارة ومديري الموقع ومديري المواد التعليمية وبالنسبة للمراسلين كحضرتك ستكون بعد رمضان وذلك بعد الانتهاء من اعتماد فريق المراسلين بالكامل بأذن الله

- هناك بعض الأقسام بلا مشرفين .. أين المشرفين على تلك الأقسام؟ ومن يتابع المشرفين ويقيم عملهم؟
حضرتك هتلاحظ اننا من اسبوع بنوه ان في حملة للمشرفين قريباً ونرجوا من الجميع ان يجهز نفسه للتقديم للاشراف على الاقسام

- طالما البعض سألك عن رأيك في بعض الأسماء وطنش أو تناسى أو نسي البعض .. - فهل هناك أسماء لأشخاص ترى أن لهم دور بالموقع ولم يذكر أحد اسمائهم؟ وماهو رأيك فيهم؟ وفي وجهه نظرك لماذا تجاهلوهم؟
اولا لا يمكن لاحد ان يتجاهل احد ولكنه سهو بلا ادنى شك
ومن الناس الكثير يمكن الكلام عنهم بكل الخير كحضرتك كرجل سريع الحركة ومراسل ناجح وواجهة مشرفة بعد لقائك بالوزير ووزير التنمية الادارية ومن الاشخاص ايضا فارس الحاسب الالي الاستاذ سيف سالم والاستاذ جمعة عاشور صاحب الروح الخفيفة والاستاذة شمس بياض صاحبة تأليف القلوب والاستاذة miss math وزيزو المهندس عبدالعظيم والكثير جداااااا

- هل البعيد عن العين بعيد عن القلب؟
ممكن

- هناك من يقول أنه توجد ظاهرة أصبحت موجودة بين أعضاء موقع بوابة التعليم المصري حالياً .. حيث بدأت توجد الشللية والمجموعات وليس التوحد أو الاتفاق بين بعض الأعضاء .. لأنه كما يقولون تجدهم يردون على بعض في موضوعاتهم ويتجاهلون موضوعات لأعضاء آخرين .. لأنهم يشعرون بأنهم هم الأقوى والباقي دون المستوى أو لسبب مجهول ..
ليس صحيح لان العدد ليس كثير لتقسيمه بالمجموعات والمشاركين بالمواضيع الجديدة ليس عدد كبير فليس هناك مجال للمجموعات وقد لا يكون هناك اي مجموعات بالشكل المفهوم ولكن كثرة الكلام في هذه النقاط هو ما يصنع فعلا المجموعات

- هل لاحظت ذلك؟ وإذا كان بالفعل هذا الكلام حقيقي ماذا سيكون رد فعلك؟
اظن الاجابة في السؤال الماضي والحمد لله الجميع منذ ضربة البداية يعمل بصمت ولوجه الله وبحب في الله بين الجميع ولن يصنع اي مشاكل الا كثيرة الكلام

محمد بن عباس

06-08-2009, 11:45 PM

أشكرك أخى الحبيب أشرف على وعد بتلافى السلبيات وبذل أقصى الجهد من أجل الصالح العام لبوابتنا الحبيبة

السيد سليم

16-08-2009, 11:48 PM

منتدى بوابة التعليم يصعب علي قول هذه الكلمات ولكن لصالح المنتدى يجب ان اتحدث:16:
فهناك بعض الامور التي يجب مراعاتها حتى لا تسبب الشيخوخة المبكرة للمنتدى وهذا من منطلق حرصي عليه
1- اهمال الاعضاء الجدد وعدم الرد على موضوعاتهم
2- الهرولة للاشادة باي موضوع او رد للسادة اصحاب الالقاب الفخمة داخل المنتدى حتى وان كان الموضوع لا يستدعي ذلك مما يحبط باقي الاعضاء
3- توزيع الالقاب والاوسمة على بعض الصفوة (المعارف)وخاصة من اعضاء مجلس الادارة ونوابها والمديرين وغيرهم ولم نسمع في يوم من الايام ان جائزة من الجوائز تعطى لاحد اعضاء اللجنة التى تقرر منح الجائزة والا كانوا وزعوا الجوائز على بعضهم البعض ولم يعد للجائزة قيمة(مينفعش نوزع اوسمه على بعض ونترك الاعضاء لا يجوز شرعا كمجلس ادارة)
4- بزوغ نجم بعض الاشخاص والانعام عليهم بالالقاب لمجرد انهم اتوا من منتدى اخر (x) في حين اهمال اعضاء اخرين حملوا على اكتافهم اقسام كامله في الموقع وخاصة الاقسام التعليمية وضحوا بالوقت والجهد من اجل النتدى
5- الاهتمام بالنواحي المادية من اعلانات وغيرها بصورة مبالغ فيها جدا على حساب خفة الموقع وناحيته الفنيه
6- عناوين الصفحة الرئيسية للموقع التي تشبه عناوين الصحافة الصفراء من اثارةومبالغة كبيرة وتعتمد في ذلك على نقل الاخبار من صحف معينة
7-عدد مشاركات اي شخص ليس المعيار الوحيد لتقييمه والا كل واحد ياجر شوية اولاد في سيبر ويقعدوا يكتبوا مشاركات باسمه ويبقى نجم المنتدى
8-.........
.
.
.

وارجوا الا يغضب كلامي هذا ادارة الموقع ولكن هذا من اجل صالح المنتدى ومن قبيل النقد البناء ولكم مني خالص الامنيات بالتوفيق
:6::38:

alfares3000

07-04-2010, 07:09 PM

سبحان الله انت اجبت على كثير من الاسئلة التى عندى ولكن اسمح لى احكى لك هذه الواقعة . كنت عضو نشيط فى بوابة الثانوية وكتبت فيها مواضيع هامة فى رابطة معلمى وانت فاهم الباقى وفجاءة حزفوا هذا القسم المهم حبى للمعلمين وانا واحد منهم بحثت عن منتدى اخر وبحثت فى جوجل فوجدت هذا الصرح وسجلت فيه وفجاءة وجدت رسالة من الادارة ترحب بى بتوقيع الاخ اشرف السيد عبقرينو واول مشاركة كتبت مقالة باسم سيادة الوزير ليس بالجلد وحده يعمل المعلم وقامت بالرد الاستاذة نعمه محمود واليوم وجدت اسماء عزيزة على مثل الاخ وليد عسكر والاخ محمدوسيه فعرفت ان هدفنا واحد واللى جمعنا هو الله لان هدفنا خدمة المعلم المصرى . وسوءالى الى عبقرينو هو ايه الموضوع بالضبط ؟ وهايستمر هذا الموقع ولا مش عاوز اكمل ؟ وفين باقى الاخوة مثل الاستاذ ممدوح مصطفى الانصارى ؟ حبيت اراسلك على الخاص لكن مشاركاتى لم تكتمل فأرجو الرد على ياعبقرينو حتى لو على الخاص اذا كان هناك اسرار وأسف على الاطالة ياعمى وليد