1+1= 5 ــــــــ مجنون ده ولا ايه ؟

[شريف]

كلمة قالها المحاضر بتاعنا النهاردة في التدريب

It's your mistake !

غلطتك انت يا حبيبي
ردا علي شخص مستفز
متدرب معانا في التدريب
كل يوم يحضر التدريب متأخر
يوميا
مرة يتأخر نص ساعة
مرة ساعة
و النهاردة اتأخر ساعة و نص بحالها
و كل يوم عذره الوحيد
((( معلش ....المواصلات )))
و كل يوم يصمم المحاضر يكتبه تأخير
و لما نكلمه يقولنا
((( هوا عايز كده ))) ((( هوا حابب كده )))
لو متضايق من تأخيره يغير !!
سأله ادامنا
قاله انت ساكن فين؟
و اتفاجئنا كلنا انه ساكن قريب جدا من مركز التدريب
عشر دقايق بالمواصلات
أما المحاضر نفسه
اللي يوميا سبعة و نص بالدقيقة لازم يكون واقف في مكانه
فبييجي من رمسيس
يعني حوالي ساعة او ساعة و نص مواصلات
يا تري ايه الفرق بينهم
المشكلة الكبيرة ان ((( عصام ))) اللي هوا بيتأخر كل يوم
دايما مبرره المواصلات
مع انه ممكن يعمل حساب المواصلات
لكن اللي بيحصل انه دايما متخيل انه هينزل في نفس
ميعاده كل يوم متأخر و يوصل في يوم
من الايام بدري
ازاي يا عم عصام؟؟؟؟؟؟؟؟؟؟؟
انت مجنون يابني؟
انت مش عارف ان 1+1= 2 ؟
باسلوب تفكيرك ده بتحاول تثبت لنا
ان 1+1 أحيانا = 5 !!!!!
و ده مستحيل رياضيا
غير بقا
غير تفكيرك
اصحي بدري
غير مواعيدك
ازاي تقوم متأخر و عايز توصل بدري؟
أكيد انت مش طبيعي

و هكذا كلنا
نسعي الي التغيير
حاجات كتيرة أوي عايزين نغيرها في حياتنا
بس واقفين متسمرين في مكاننا
You can see links before reply
و مشكلتنا الكبيرة أو المصيبة الكبيرة
اننا بنعمل نفس الحاجات كل يوم
كل يوم كل يوم كل يوم
بروتينية شديدة و ملل فظيع
و الغريب
و العجيب
و الشاذ جدا
و الشئ اللي فوق الطبيعي
اننا متوقعين نتيجة مختلفة
متوقعيين تغيير في يوم من الايام
ايه ده؟
ايه الجنان ده؟
معادلة لن تتغير
عايز نتيجة مختلفة ؟
اعمل حاجات مختلفة
غير سلوكك
غير مرة واحدة بس و جرب
و علي جميع المستويات
You can see links before reply
جواك قوة جبارة كامنة اسمها قوة التغيير
و ده والله مش كلام و بس
ده حقيقة
و تنفيذها سهل جدا
جدا

اقرأ معايا كده

هذه القوة موجودة في كل واحد منا، وهي تنتظرك حتى توقظها من رقادها، لتستمتع بالحياة وتعيش وكأنك ولدتَ من جديد. ولكن هنالك بعض الحواجز التي تغلف هذه القوة وتمنعك من الوصول إليها، فما هو الحل؟


أولاً يجب أن تعلم بوجود قوة التغيير في أعماقك، وأن تثق ثقة مطلقة بأنك ستصل إلى هذه القوة. وتكون بذلك قد قطعت نصف الطريق نحو التغيير. ويمكنك الحصول على هذه الثقة بأن تقنع نفسك بأنك ستتغير لأن الله يطلب منك ذلك وأسرتك تطلب منك ذلك والحياة تطلب منك ذلك!


فالله تعالى يقول:
(إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)@@@

إن اتخاذك للقرارات الصحيحة سيقوي ثقتك في نفسك أكثر وستشعر بالنجاح والقوة بعد كل قرار صحيح. ثم تحسّ بأنك بدأت تسيطر على حياتك شيئاً فشيئاً، وستشعر بأنك بدأتَ تسيطر على عملية التغيير وأنه بإمكانك أن تطور نفسك نحو الأفضل.
هنالك تقنية هامة جداً وهي أن تفكر طويلاً وتقارن بين ما سيكون وضعك عليه إذا ظللتَ على حالك، وكيف سيكون وضعك فيما لو تغيرت أو قررت التغيير! تقارن مثلاً بين الحياة التعيسة التي تعيشها وبين الحياة السعيدة التي سيمنحها لك التغيير!
إن هذه المقارنة ضرورية جداً لتعطيك دافعاً مهماً في التغيير، ونتذكر بأن القرآن مليء بالمقارنات، مثلاً يقول تعالى:

(قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ؟)
[الزمر: 9]


الموضوع ده كتبته كمقدمة لنتعرف علي فكرة التغيير ليس أكثر
و علشان ماطولش عليكم
جاوب علي الاسئلة دي
بس علي فكرة
في حاجة مهمة كمان عايزين نغيرها و هتلاقي نتايجها مذهلة
و هي اعتقادنا جميعا
((( ان اي موضوع في المنتدي معناه
صاحب الموضوع يضرب
موضوع في اي قسم
و احنا نخش كل واحد يكتب رد واحد و مات الموضوع
علي كده
و بكده كل عضو حس انه أدي رسالته في الحياة
و عمل اللي عليه ....!!! )))
يا جماعة عايزين نغير المفهوم ده
موضوع في منتدي = discussion
مناقشة
حوار
أخذ و رد
و يستمر الحوار
You can see links before reply
مش عايزين نزهق بسرعة علشان نوصل
لنتيجة كويسة جدا في نهاية كل موضوع
و علشان نستفيد كويس أوي من القسم ده
لازم نتواصل
و نبتكر حوار مستمر دائم في كل موضوع
الي ان نصل الي قناعات واحدة
و نشجع بعض علي التنفيذ


و افتتح الجلسة بالاسئلة دي اللي اتمني حضرتك
تجاوب عليها و من ثم يبدأ الحوار

1- قولي علي شئ بتعمله كل يوم و بشكل
روتيني مضايقك و نفسك تغيره
2- غيرته ولا لسه؟
3- لو غيرته قولنا عملت ايه علشان تغيره....
أكيد عملت شئ جديد
4- لو ماغيرتوش ....ساكت ليه ؟ هتغيره امتي ؟
5- ايه رأيك التغيير شئ سهل بالنسبة لك ولا صعب و مرهق ؟
6- عندك ارادة؟
7- موهوم ان في يوم من الايام الدنيا هتتغير
وانت حاطط رجل علي رجل
ولا مؤمن بفكرة ان 1+1=2 !!
8- مين اكتر شخصية في حياتك عجبتك
كان عندها طاقة و قدرة هائلة علي التغيير ؟
9- في رأيك هل ممكن و هل يستطيع شخص تغيير العالم؟
10- سؤال فرعي للتنشيط .......
نفسك في ايه حالا دلوقتي؟

طب ما تعمل اللي في نفسك و فورا
You can see links before reply

[شمس بياض]

طب ما تعمل اللي في نفسك و فورا
فعلا هاعمل
هاقفل الكمبيوتر حالا واشوف مصالح مهمه ههههههههه
تسجيل فقط واتابع ان شاء الله برافو شريف

[جمال سراج]

طب عاوزة حد يقول حاجة بعد كل الشياكة دى
والله ما ينفع يا شريف
انتا لوحد بسم الله ما شاالله عليك
جامعة يا ابنى مش مدرسة
هههههههههههههه
تحياتى
ومتجرش رجلى ... !!!
بس عشان واحشنى
مش بس كدا وعشان غالى عندى قوى وبحترمك خاااااااااااااااالص

[Mr Gomaa Ashour]

بسم الله الرحمن الرحيم
الله عليك يا مستر شريف وعلى موضوعاتك الجميلة
موضوع التغيير
على فكرة أنا عرفت أنك بتترنفز من الخط الكبير وطبعاً علشان بحبك صغرت البنط شوية يا مستر
:18:
فى بداية عملى بالتربية والتعليم بعد فترة الجيش مباشرة
تعودت على النظام والإهتمام بكل كبيرة وصغيرة فى الذهاب مبكراً قبل الميعاد
سأكتب عن شىء وحيد وهو مسألة الذهاب مبكراً
حوالى 3 سنوات أذهب بدرى وهذا كان فى ظل يقدر العمل
إلى أن جاء أحد النظار اللى كله زى بعضه عندهم
بل يحمل كل شىء على الموجود
بصراحة حدث لى تغيير 180 درجة
قلت أجرب عكس ما كنت متعود
لدرجة أنى أجلس بعض الدقائق علشان أتأخر
استمريت على هذا الحال أكثر من 3 سنين
قلت فى نفسى أيه اللى بيحصل ده
فوجدت ان الحل الوحيد ان لازم أنتقل إلى مدرسة أخرى حتى أجد نفسى فيها
والحمد لله انتقلت ورميت كل السلبيات اللى وضعت نفسى فيها بمزاجى

بس غصب عنى

لأن الوضع كان عاوز كده
وللحديث بقية

[نعمه محمود]

- قولي علي شئ بتعمله كل يوم و بشكل
روتيني مضايقك و نفسك تغيره
قعدتى هنا على المنتدى
2- غيرته ولا لسه؟
مش عارفه ولو انى بحاول على الاقل قللت من جلوسي امامه
3- لو غيرته قولنا عملت ايه علشان تغيره....
أكيد عملت شئ جديد
رجعت لهوايتى القديمة التى احبها .... القراءة
4- لو ماغيرتوش ....ساكت ليه ؟ هتغيره امتي ؟
........................
5- ايه رأيك التغيير شئ سهل بالنسبة لك ولا صعب و مرهق ؟
دايما التغيير بيستتبع مقاومة لانه شيء صعب والنفس تركن الى الراحه
6- عندك ارادة؟
الحمد لله لدى ارادة من فولاذ
7- موهوم ان في يوم من الايام الدنيا هتتغير
وانت حاطط رجل علي رجل
مش ممكن لن يغير الله ما بقوم حتى يغيروا ما بأنفسهم
ولا مؤمن بفكرة ان 1+1=2 !!
مش شرط على فكرة
8- مين اكتر شخصية في حياتك عجبتك
كان عندها طاقة و قدرة هائلة علي التغيير ؟
بابا الله يرحمه قدر يغير فكر ناس كتير للافضل وكان سبب في تغيير حياة اسر بكاملها
9- في رأيك هل ممكن و هل يستطيع شخص تغيير العالم؟
وهو نابليون وهتلر وموسولينى وجيفارا مش كانوا افراد
10- سؤال فرعي للتنشيط .......
نفسك في ايه حالا دلوقتي؟
نفسي اتعشي

طب ما تعمل اللي في نفسك و فورا
حاضر حالا

[شريف]

طب ما تعمل اللي في نفسك و فورا
فعلا هاعمل
هاقفل الكمبيوتر حالا واشوف مصالح مهمه ههههههههه
تسجيل فقط واتابع ان شاء الله برافو شريف


في فرق كبير بين المصالح المهمة اللي واجب عليكي تعمليها
و الحاجة اللي نفسك تعمليها

فرق كبير بين الواجب
و الحلم

صباح الفل

[شريف]

طب عاوزة حد يقول حاجة بعد كل الشياكة دى
والله ما ينفع يا شريف
انتا لوحد بسم الله ما شاالله عليك
جامعة يا ابنى مش مدرسة
هههههههههههههه
تحياتى
ومتجرش رجلى ... !!!
بس عشان واحشنى
مش بس كدا وعشان غالى عندى قوى وبحترمك خاااااااااااااااالص



الاحترام متبادل و الحب متبادل منذ أمد بعيد يا مستر جمال
تسلم ايدك

لكن ماينفعناش الكلام ده خالص
عايزين مشاركة

و بعدين هجر رجلك لايه؟
لحاجة وحشة؟
ههههههههههههه
داحنا في قسم التنمية البشرية
علم له اصوله
تعالي بس
و ماتفكرش في اي اعتبارات تانية
و خليك فري

[شريف]

بصراحة حدث لى تغيير 180 درجة



لا تقل حدث لي تغيير
بل قل
أنا أحدثت تغيير
تسلم ايدك
برافو عليك يا مستر

[دعاء شديد]

1- قولي علي شئ بتعمله كل يوم و بشكل
روتيني مضايقك و نفسك تغيره

اه طبعا ... احساس الانتظار

2- غيرته ولا لسه؟

لسه للأسف لانه مش معتمد عليا لوحدى

3- لو غيرته قولنا عملت ايه علشان تغيره....
أكيد عملت شئ جديد

لو غيرته هبقى استسلمت :bosyht9:

4- لو ماغيرتوش ....ساكت ليه ؟ هتغيره امتي ؟

احيانا كثيرة يكون الصمت صديق الانتظار
حينما افقد قدرتى على الانتظار ... يعنى من الآخر مش هغيره :28:


5- ايه رأيك التغيير شئ سهل بالنسبة لك ولا صعب و مرهق ؟

لا الحمد لله لا اجده صعب لكنه ليس بالامر السهل
صعب اذا تعلق بالاخرين

6- عندك ارادة؟

مقاتله

7- موهوم ان في يوم من الايام الدنيا هتتغير
وانت حاطط رجل علي رجل

لا طبعا
احنا الدنيا ولن تتغير الدنيا الا اذا تغيرنا نحن !!!!!!

ولا مؤمن بفكرة ان 1+1=2 !!

مش كل شيء فى الدنيا يخضع للحسابات

8- مين اكتر شخصية في حياتك عجبتك
كان عندها طاقة و قدرة هائلة علي التغيير ؟

سيبد عبد الحفيظ ... الشهير "بسيد اوبرا"

9- في رأيك هل ممكن و هل يستطيع شخص تغيير العالم؟

احداث 11 سبتمبر خطط لها شخص ... وغيرت وجه العالم

10- سؤال فرعي للتنشيط .......
نفسك في ايه حالا دلوقتي؟

اسافر اسكندرية

طب ما تعمل اللي في نفسك و فورا

مش كل الي فى نفسنا ... نقدر نحققه

:friendsxs3:

هل لديك اسئلة اخرى؟؟؟؟؟؟؟؟؟؟؟؟؟؟
قول وانا قول

[امل لاشين]

1- قولي علي شئ بتعمله كل يوم و بشكل
روتيني مضايقك و نفسك تغيره.....

الشغل في الاجازة ممل جدااااااااااا.....وعلشان توجيه لازم اكتب خطه للمدارس

والمدارس فاضيه اروح لمين ؟؟؟؟؟؟؟ والجو حر جدااااولازم اروح علشان هو كده


2- غيرته ولا لسه؟
ايوه غيرت طبعا

3- لو غيرته قولنا عملت ايه علشان تغيره....
أكيد عملت شئ جديد...
هو شيء مش جديد اوي ...خدت اجازة 3 اسابيع
لكن جديد بالنسبه للتوجيه لان خروج الموجهين خطط
راحه اساسا في الصيف بيمضوا ويروحوا
وانا اساسا مش بحب اعمل كده...بحب يكون موجود الاخصائى
علي الاقل مش المدير وبس ...

4- لو ماغيرتوش ....ساكت ليه ؟ هتغيره امتي ؟
في فعلا حاجات مبنقدرشي نغيرها في حياتنات
حتي لو عاوزين كده..مش كل حاجه قابله للتغير
بس ممكن نتكيف عليها ونتمرد احيانا لكن برده بنرجعلها

5- ايه رأيك التغيير شئ سهل بالنسبة لك ولا صعب و مرهق ؟




لما بقدر عليه بيكون سهل جدااااا...ولما بعند بيكون مرهق نفسيا
وجسديا اوي

6- عندك ارادة؟
الحمدلله موجوده ..واقدر اعمل اللي عاوزاه..في حدود
قدراتي وامكانياتي ..


7- موهوم ان في يوم من الايام الدنيا هتتغير
وانت حاطط رجل علي رجل
ولا مؤمن بفكرة ان 1+1=2 !!

هي الدنيا فعلا بتتغير كل يوم وكل دقيقه
لكن التغير الخاص بيه محدش هيعمله الاانا وبس
ومش هيكون تغير مفروض..يعني 1+1=2

8- مين اكتر شخصية في حياتك عجبتك
كان عندها طاقة و قدرة هائلة علي التغيير
بصراحه مفيش غيري انا بشجع علي التغير وبكرة الروتين
واللي عندي بحاول اغير فيهم يا اما اغيرهم .........ههههههه

9- في رأيك هل ممكن و هل يستطيع شخص تغيير العالم؟
كل شخص ليه العالم الخاص بيه اللي يقدر هو بنفسه اللي
يغيره مش حد غيره وياثر ويتاثر بحياه الاخرين
لكن شخص واحد يغير العالم معتقدتشي..

10- سؤال فرعي للتنشيط .......
نفسك في ايه حالا دلوقتي؟
اروح اسكندريه حااااااااااااااالا
طب ما تعمل اللي في نفسك و فورا


مفيش عربيه واللي معاها العربيه مكبره دماغها ومش قادره
تسوق...علشان كده قررت اتعلم السواقه
يبقوا يدوروا عليه ............:friendsxs3:

موضوع فعلا ياشريف بيشجع علي التمرد ااقصد التغير...:)
والتجديد في الحياه ...:27::27:

[مسيو وليد عسكر]

كلمة قالها المحاضر بتاعنا النهاردة في التدريب


it's your mistake !


غلطتك انت يا حبيبي
ردا علي شخص مستفز
متدرب معانا في التدريب
كل يوم يحضر التدريب متأخر
يوميا
مرة يتأخر نص ساعة
مرة ساعة
و النهاردة اتأخر ساعة و نص بحالها
و كل يوم عذره الوحيد
((( معلش ....المواصلات )))
و كل يوم يصمم المحاضر يكتبه تأخير
و لما نكلمه يقولنا
((( هوا عايز كده ))) ((( هوا حابب كده )))
لو متضايق من تأخيره يغير !!
سأله ادامنا
قاله انت ساكن فين؟
و اتفاجئنا كلنا انه ساكن قريب جدا من مركز التدريب
عشر دقايق بالمواصلات
أما المحاضر نفسه
اللي يوميا سبعة و نص بالدقيقة لازم يكون واقف في مكانه
فبييجي من رمسيس
يعني حوالي ساعة او ساعة و نص مواصلات
يا تري ايه الفرق بينهم
المشكلة الكبيرة ان ((( عصام ))) اللي هوا بيتأخر كل يوم
دايما مبرره المواصلات
مع انه ممكن يعمل حساب المواصلات
لكن اللي بيحصل انه دايما متخيل انه هينزل في نفس
ميعاده كل يوم متأخر و يوصل في يوم
من الايام بدري
ازاي يا عم عصام؟؟؟؟؟؟؟؟؟؟؟
انت مجنون يابني؟
انت مش عارف ان 1+1= 2 ؟
باسلوب تفكيرك ده بتحاول تثبت لنا
ان 1+1 أحيانا = 5 !!!!!
و ده مستحيل رياضيا
غير بقا
غير تفكيرك
اصحي بدري
غير مواعيدك
ازاي تقوم متأخر و عايز توصل بدري؟
أكيد انت مش طبيعي


و هكذا كلنا
نسعي الي التغيير
حاجات كتيرة أوي عايزين نغيرها في حياتنا
بس واقفين متسمرين في مكاننا
You can see links before reply
و مشكلتنا الكبيرة أو المصيبة الكبيرة
اننا بنعمل نفس الحاجات كل يوم
كل يوم كل يوم كل يوم
بروتينية شديدة و ملل فظيع
و الغريب
و العجيب
و الشاذ جدا
و الشئ اللي فوق الطبيعي
اننا متوقعين نتيجة مختلفة
متوقعيين تغيير في يوم من الايام
ايه ده؟
ايه الجنان ده؟
معادلة لن تتغير
عايز نتيجة مختلفة ؟
اعمل حاجات مختلفة
غير سلوكك
غير مرة واحدة بس و جرب
و علي جميع المستويات
You can see links before reply
جواك قوة جبارة كامنة اسمها قوة التغيير
و ده والله مش كلام و بس
ده حقيقة
و تنفيذها سهل جدا
جدا


اقرأ معايا كده



الموضوع ده كتبته كمقدمة لنتعرف علي فكرة التغيير ليس أكثر
و علشان ماطولش عليكم
جاوب علي الاسئلة دي
بس علي فكرة
في حاجة مهمة كمان عايزين نغيرها و هتلاقي نتايجها مذهلة
و هي اعتقادنا جميعا
((( ان اي موضوع في المنتدي معناه
صاحب الموضوع يضرب
موضوع في اي قسم
و احنا نخش كل واحد يكتب رد واحد و مات الموضوع
علي كده
و بكده كل عضو حس انه أدي رسالته في الحياة
و عمل اللي عليه ....!!! )))
يا جماعة عايزين نغير المفهوم ده
موضوع في منتدي = discussion
مناقشة
حوار
أخذ و رد
و يستمر الحوار
You can see links before reply
مش عايزين نزهق بسرعة علشان نوصل
لنتيجة كويسة جدا في نهاية كل موضوع
و علشان نستفيد كويس أوي من القسم ده
لازم نتواصل
و نبتكر حوار مستمر دائم في كل موضوع
الي ان نصل الي قناعات واحدة
و نشجع بعض علي التنفيذ



و افتتح الجلسة بالاسئلة دي اللي اتمني حضرتك
تجاوب عليها و من ثم يبدأ الحوار


1- قولي علي شئ بتعمله كل يوم و بشكل
روتيني مضايقك و نفسك تغيره
شرب الشاي بشراهه
2- غيرته ولا لسه؟
لسه
3- لو غيرته قولنا عملت ايه علشان تغيره....
يعني ممكن احط ملح بدل السكر
أكيد عملت شئ جديد
اخدت الرخصه الدوليه للحاسب وان شاء الله ناوي اجتاز التويفل قريبا
4- لو ماغيرتوش ....ساكت ليه ؟ هتغيره امتي ؟
نفسي كل مدرس مصري يكون متميز في عمله ويجيد التعامل متغيرات العصر ويطور من نفسه بشكل مستمر وانا عموما ببدا حاليا بنفسي في الجانب ده
5- ايه رأيك التغيير شئ سهل بالنسبة لك ولا صعب و مرهق ؟
التغيير صعب لكن مش مستحيل وكل شيء ممكن بالارادة والعزيمة
6- عندك ارادة؟
الحمد لله
7- موهوم ان في يوم من الايام الدنيا هتتغير
وانت حاطط رجل علي رجل
ولا مؤمن بفكرة ان 1+1=2 !!
مؤمن ان من جد وجد ومن زرع حصد
8- مين اكتر شخصية في حياتك عجبتك
كان عندها طاقة و قدرة هائلة علي التغيير ؟
كل متحدي للاعاقة اصبح بطلا وقهر كل الصعاب
9- في رأيك هل ممكن و هل يستطيع شخص تغيير العالم؟
ممكن لو توفر لديه مقومات التغيير
10- سؤال فرعي للتنشيط .......
نفسك في ايه حالا دلوقتي؟
نفسي اشوفك حالا واقولك انت سابق زمانك بكتير


طب ما تعمل اللي في نفسك و فورا
ان هاجل ده ليوم الجمعه القادم ان شاء الله لما اشوفك

You can see links before reply

موضوع عظيم وتحليل دقيق للشخصيه المصريه ورؤيه مميزه للنفس البشريه
احييك وارفع لك القبعه اخي الحبيب شريف

[عز وحيد]

((( ان اي موضوع في المنتدي معناه
صاحب الموضوع يضرب
موضوع في اي قسم
و احنا نخش كل واحد يكتب رد واحد و مات الموضوع
علي كده
و بكده كل عضو حس انه أدي رسالته في الحياة
و عمل اللي عليه ....!!! )))
يا جماعة عايزين نغير المفهوم ده
موضوع في منتدي = discussion
مناقشة
حوار
أخذ و رد
و يستمر الحوار
You can see links before reply
مش عايزين نزهق بسرعة علشان نوصل
لنتيجة كويسة جدا في نهاية كل موضوع
و علشان نستفيد كويس أوي من القسم ده
لازم نتواصل
و نبتكر حوار مستمر دائم في كل موضوع
الي ان نصل الي قناعات واحدة
و نشجع بعض علي التنفيذ



و افتتح الجلسة بالاسئلة دي اللي اتمني حضرتك
تجاوب عليها و من ثم يبدأ الحوار


والله يا مستر شريف انت حضرتك مواضيعك من المواضيع الى هى
يعنى مواضيع من الاخر
مواضيع هادفة بجد
وبجد ديه اول نقطة اتمنى الكل يغيرها
حتى انا يعنى
اتمنى الموضوع يكون زى ما حضرتك
بتتمنى
يارب



1- قولي علي شئ بتعمله كل يوم و بشكل
روتيني مضايقك و نفسك تغيره


السهر منه لله بقالى يوووووووووووووه نقول سنين مش عارف اغير العادة ديه الا ايام معدودة وبرجع تانى
وحاجة تانية الى هى الكسل والنسيان
دول تلاتحاجات اتمنى بجد اغيرهم فيا

2- غيرته ولا لسه؟

للأسف ساعات بغيرهم وساعات بيرجعوا تانى

3- لو غيرته قولنا عملت ايه علشان تغيره....
أكيد عملت شئ جديد

بتبقى عزيمة واصرارا انى اغير بس سرعان ما تذهب تلك العزيمة
لاسباب كثيرة من ضمنها البيئة المحيطة

4- لو ماغيرتوش ....ساكت ليه ؟ هتغيره امتي ؟

دعواتك ادعيلى ربنا يكرمنى
بس بجد انا اكاد اكون قربت اتخلص منهم

5- ايه رأيك التغيير شئ سهل بالنسبة لك ولا صعب و مرهق ؟

سهل جدا بس على حسب الشخص بقى


6- عندك ارادة؟

اه طبعا ده شىء اساسى وهى ساعت الى بتخلينى اعمل حاجات بكون متوقع انى مش هقدر اعملها

7- موهوم ان في يوم من الايام الدنيا هتتغير
وانت حاطط رجل علي رجل
ولا مؤمن بفكرة ان 1+1=2 !!

طبعا 1+1=2
ده شىء مافيهوش كلام
ولو اى حد فاكر المعنى الاول يبقى يستنى بقى ربنا يديله طولة العمر

8- مين اكتر شخصية في حياتك عجبتك
كان عندها طاقة و قدرة هائلة علي التغيير ؟

كتير جدا مش هقدر احصرهم

9- في رأيك هل ممكن و هل يستطيع شخص تغيير العالم؟


بالطبع ممكن
مش هتقدر تحقق اكتر مما تحلم بيه
وكمان حلمك الى حلمته لو مشيت فى طريقه مش صعب انك تحققه

10- سؤال فرعي للتنشيط .......
نفسك في ايه حالا دلوقتي؟
عاوز اروح أكل
ههههههههههه
ولا اقولك
نفسى بجد فى حاجات كتير
من ضمنها انى اقدر اكمل الطريق الى ماشى فيه
ادعيلى ربنا يكرمنى

طب ما تعمل اللي في نفسك و فورا

You can see links before reply



موضوع هايل يا مستر شريف
جزاك الله كل الخير

[ميس صافيا]

هههههههههههه
حكاية عصام دى لما قريتها فكرتنى بحاجه
انا جوزى شغال فى شركه اسمها عمرو حلمى ديزاين
كان كل اما عمرو يعملهم ميتنج يقولهم ما هو تعريف الغباء ؟
ويرد هو عليهم يقولهم انك تعمل نفس العمل بنفس الطريقه وانت متوقع توصل لنتايج تانيه افضل



1- قولي علي شئ بتعمله كل يوم و بشكل
روتيني مضايقك و نفسك تغيره
تنفيض الشقه2-
غيرته ولا لسه؟
لسه طبعا
3- لو غيرته قولنا عملت ايه علشان تغيره....
عاوز اسكن فى شقه فوق شويه بعيد عن التراب عشان ما انفضش كل يوم
أكيد عملت شئ جديد
ايوه الحمد لله حجزت شقه بس لسه بتتبنى
4- لو ماغيرتوش ....ساكت ليه ؟ هتغيره امتي ؟

5- ايه رأيك التغيير شئ سهل بالنسبة لك ولا صعب و مرهق ؟
هو مش مرهق بس ممكن يكون صعب لان ببساطه ممكن الظروف ما تساعدكش
6- عندك ارادة؟
بفضل الله 7-
موهوم ان في يوم من الايام الدنيا هتتغير
وانت حاطط رجل علي رجل
لا اطلاقا
ولا مؤمن بفكرة ان 1+1=2 !!
فعلا مش ديما8-
مين اكتر شخصية في حياتك عجبتك
كان عندها طاقة و قدرة هائلة علي التغيير ؟
زميل عمل
9- في رأيك هل ممكن و هل يستطيع شخص تغيير العالم؟
اكيد
10- سؤال فرعي للتنشيط .......
نفسك في ايه حالا دلوقتي؟
نفسى انام

طب ما تعمل اللي في نفسك و فورا
ما ينفعش عشان ولادى لسه صاحيين

[س ا يوسف]

[quote=شريف;77244]
بسم الله ما شاء الله
كلمة قالها المحاضر بتاعنا النهاردة في التدريب

It's your mistake !

غلطتك انت يا حبيبي
ردا علي شخص مستفز
متدرب معانا في التدريب
كل يوم يحضر التدريب متأخر
يوميا
مرة يتأخر نص ساعة
مرة ساعة
و النهاردة اتأخر ساعة و نص بحالها
و كل يوم عذره الوحيد
((( معلش ....المواصلات )))
و كل يوم يصمم المحاضر يكتبه تأخير
و لما نكلمه يقولنا
((( هوا عايز كده ))) ((( هوا حابب كده )))
لو متضايق من تأخيره يغير !!
سأله ادامنا
قاله انت ساكن فين؟
و اتفاجئنا كلنا انه ساكن قريب جدا من مركز التدريب
عشر دقايق بالمواصلات
أما المحاضر نفسه
اللي يوميا سبعة و نص بالدقيقة لازم يكون واقف في مكانه
فبييجي من رمسيس
يعني حوالي ساعة او ساعة و نص مواصلات
يا تري ايه الفرق بينهم
المشكلة الكبيرة ان ((( عصام ))) اللي هوا بيتأخر كل يوم
دايما مبرره المواصلات
مع انه ممكن يعمل حساب المواصلات
لكن اللي بيحصل انه دايما متخيل انه هينزل في نفس
ميعاده كل يوم متأخر و يوصل في يوم
من الايام بدري
ازاي يا عم عصام؟؟؟؟؟؟؟؟؟؟؟
انت مجنون يابني؟
انت مش عارف ان 1+1= 2 ؟
باسلوب تفكيرك ده بتحاول تثبت لنا
ان 1+1 أحيانا = 5 !!!!!
و ده مستحيل رياضيا
غير بقا
غير تفكيرك
اصحي بدري
غير مواعيدك
ازاي تقوم متأخر و عايز توصل بدري؟
أكيد انت مش طبيعي

و هكذا كلنا
نسعي الي التغيير
حاجات كتيرة أوي عايزين نغيرها في حياتنا
بس واقفين متسمرين في مكاننا
You can see links before reply
و مشكلتنا الكبيرة أو المصيبة الكبيرة
اننا بنعمل نفس الحاجات كل يوم
كل يوم كل يوم كل يوم
بروتينية شديدة و ملل فظيع
ليس الاشكال ان نفعل نفس العمل يوميا
ولكن الاشكال عدم الاستفادة الجديدة
كما لو ما فعلتاه امس ليس ما فعلناه اليوم
مثال الصلاة
قراءة القرآن
عملية التدريس
المحاضر الذي يحاضر لك
هل تصدق ان نفس ما يفعله تكرر ويكاد يكون مشهد واحد كل فترة ( مدة التدريب)
ومع ذلك متغير تماما
و الغريب
و العجيب
و الشاذ جدا
و الشئ اللي فوق الطبيعي
اننا متوقعين نتيجة مختلفة
متوقعيين تغيير في يوم من الايام
هو فعلا متغير
ولا يشبه الامس
وان ظهر غير ذلك
ايه ده؟
ايه الجنان ده؟
معادلة لن تتغير
عايز نتيجة مختلفة ؟
اعمل حاجات مختلفة
غير سلوكك
غير مرة واحدة بس و جرب
و علي جميع المستويات
معك ان اردت نتيجة مختلفة
اعمل نفس الحاجات بطرق مختلفة
هناك الف صورة ومشهد
لحاجة واحدة
You can see links before reply
جواك قوة جبارة كامنة اسمها قوة التغيير
السؤال كيف تستغل
و ده والله مش كلام و بس
ده حقيقة
و تنفيذها سهل جدا
جدا

اقرأ معايا كده


الموضوع ده كتبته كمقدمة لنتعرف علي فكرة التغيير ليس أكثر
و علشان ماطولش عليكم
لا يااخي الموضوع جميل
جاوب علي الاسئلة دي
بس علي فكرة
في حاجة مهمة كمان عايزين نغيرها و هتلاقي نتايجها مذهلة
و هي اعتقادنا جميعا
(((ان اي موضوع في المنتدي معناه
صاحب الموضوع يضرب
موضوع في اي قسم
و احنا نخش كل واحد يكتب رد واحد و مات الموضوع
علي كده
و بكده كل عضو حس انه أدي رسالته في الحياة
و عمل اللي عليه ....!!! )))
حتى هذا لا يحدث في احيان كثيرة
لمواضيع: 6,315, المشاركات: 76,320, الأعضاء: 34,948
اقسم المشاركات على المواضيع 12 تقريبا
اقسم 12 على الاعضاء
بلاش كل الاعضاء على متوسط المتواجد
المتواجدون الآن (You can see links before reply): 254 (الأعضاء 25 والزوار 229)
تقريبا نصف مشاركة للمتواجد
يا ريت نغير اولا
لمبدأ المشاركة
ثم نغير مرة اخرى لتعدد المشاركة
ثم نغير مرة ثالثة للمناقشة
والا ننتظر نتائج مختلفة
وان نتوقع ان
1+1= 5 هنا

يا جماعة عايزين نغير المفهوم ده
موضوع في منتدي = discussion
مناقشة
حوار
أخذ و رد
و يستمر الحوار
You can see links before reply
مش عايزين نزهق بسرعة علشان نوصل
لنتيجة كويسة جدا في نهاية كل موضوع
و علشان نستفيد كويس أوي من القسم ده
تري ما الاسباب
حتى يمكن التغيير
او التغير
لازم نتواصل
و نبتكر حوار مستمر دائم في كل موضوع
الي ان نصل الي قناعات واحدة
و نشجع بعض علي التنفيذ
لا يمكن تكون هناك قناعات واحدة
هذا ضد قانون التغير

و افتتح الجلسة بالاسئلة دي اللي اتمني حضرتك
تجاوب عليها و من ثم يبدأ الحوار

1- قولي علي شئ بتعمله كل يوم و بشكل
روتيني مضايقك و نفسك تغيره
انا مفيش
واول ما بحس انه روتيني
اتوقف
حتى لو كان العمل
مش رايح
وحصلت اكتر من مرة
بس كلمة كل يوم
وايه اللي حيصبرني على كده
2- غيرته ولا لسه؟
فورا
3- لو غيرته قولنا عملت ايه علشان تغيره....
أكيد عملت شئ جديد
ايه علاقة هذا بذاك
توقفت عنه
ولما توقفت
اصبح التوقف ممل
فتوقفت عن التوقف
ورجعت له بمشهد مختلف
4- لو ماغيرتوش ....ساكت ليه ؟ هتغيره امتي ؟
5- ايه رأيك التغيير شئ سهل بالنسبة لك ولا صعب و مرهق ؟
سهل جدا
بس العواقب
هي المشكلة
6- عندك ارادة؟
من منا ليس عنده ارادة
دا اللي مضيع الانسان الارادة دي
دا انا عملت كذا وكذا وكذا
لا اله الا الله محمد رسول الله
7- موهوم ان في يوم من الايام الدنيا هتتغير
وانت حاطط رجل علي رجل
ولا مؤمن بفكرة ان 1+1=2 !!
اؤمن بالاثنين
التغير اساسي في الكون
ولكن لا اؤمن ان التغيير سيحدث
وانا واضع رجل على رجل
8- مين اكتر شخصية في حياتك عجبتك
كان عندها طاقة و قدرة هائلة علي التغيير ؟
محمد رسول الله
شئ مذهل
كم رجل تغير
على يده
ثم كم
ثم كم
ويظل ويستمر التغير والتغيير معا

9- في رأيك هل ممكن و هل يستطيع شخص تغيير العالم؟
الاجابة السابقة وقد امكن بالفعل
10- سؤال فرعي للتنشيط .......
نفسك في ايه حالا دلوقتي؟
استمر معكم شوية

طب ما تعمل اللي في نفسك و فورا
You can see links before reply

[شريف]

-
قعدتى هنا على المنتدى

لا
كله الا كده
احنا بنقول نغير عادة سيئة
انما بالشكل ده
هننسحب كلنا من الموقع
لا
كله الا كد2
شكرا جزيلا
و تحية كبيرة جدا
لأصحاب الإرادة الفولاذية
:27:

[شريف]

1
اه طبعا ... احساس الانتظار


خلاص
اسمعي نصيحتي
مادام الانتظار متعب
فيمكنك التنازل تماما مع التنفيض و تكبير الدماغ عن الشئ الذي تنتظريه


مقاتله


:27:

احداث 11 سبتمبر خطط لها شخص ... وغيرت وجه العالم


برافو عليكي

10- سؤال فرعي للتنشيط .......
نفسك في ايه حالا دلوقتي؟


اسافر اسكندرية
وانا والله

طب ما تعمل اللي في نفسك و فورا

مش كل الي فى نفسنا ... نقدر نحققه

طب ما تيجي نعمل رحلة تاني في المنتدي لاسكندرية
علي حساب ابو ادم



هل لديك اسئلة اخرى؟؟؟؟؟؟؟؟؟؟؟؟؟؟
قول وانا قول


اصبري عليا
هوا انا هرحمكوا ؟




ميرسي جزيلا يا فندم علي المشاركة القيمة
مشكوووووووووووووووورة

[شريف]

اروح اسكندريه حااااااااااااااالا



طب كويس أوي
انا وانتي ودعاء كده متفقين علي اسكندرية
تعالي نلعب في ودان باقي اعضاء المنتدي
و يسافروا معانا كلهم اسكندرية
و نخلي ابو ادم لوحده يتفسح في الفيوم

[شريف]

موضوع عظيم وتحليل دقيق للشخصيه المصريه ورؤيه مميزه للنفس البشريه
احييك وارفع لك القبعه اخي الحبيب شريف


العظيم و المميز و من يستحق ان نرفع له القبعة
هو وليد عسكر
نالني الشرف يا باشا انك شاركت في الموضوع
كده الواحد يموت مرتاح
تسلم ايدك

[شريف]

موضوع هايل يا مستر شريف
جزاك الله كل الخير

هايل بوجودك يا عز
تسلم ايدك
يا سلام لو تشرفني و تنورني في كل موضوع

[شريف]

طب ما تعمل اللي في نفسك و فورا

ما ينفعش عشان ولادى لسه صاحيين




لازم تحققي هدفك فورا
لازم تنامي حالا
حتي لو الاولاد صاحيين
خليهم يبهدلو الدنيا مع بعض
و انتي استمتعي بنوم هادئ
و اغلقي عليكي بابك
و خلي الدنيا تولع
بلا هم
هههههههههههههه
ميرسي عل المشاركة

[شريف]

[quote=شريف;77244]

محمد رسول الله
شئ مذهل
كم رجل تغير
على يده
ثم كم
ثم كم
ويظل ويستمر التغير والتغيير معا








برافو عليك يا مستر
هوا ده المثال الصح
صلي الله عليه و سلم

[دعاء شديد]

ميرسي جزيلا يا فندم علي المشاركة القيمة
مشكوووووووووووووووورة

[CENTER]طيب وفين باقى الفقرة
تقبل مرورى ... جزاك الله كل خير
هههههههههههههههههههه

ندخل فى الموضوع

خلاص
اسمعي نصيحتي
مادام الانتظار متعب
فيمكنك التنازل تماما مع التنفيض
و تكبير الدماغ عن الشئ الذي تنتظريه

كده مبقاش مقاتله
وبعدين تفتكر هنتظر حاجة مش مهمة
ولما انفض واكبر دماغى ... اغير حياتى ازاى
كده يبقى بنهى حياتى
اسفه ساظل انتظر ... الى ان انتصر

مش كده ولا ايييييييييييييييييييه :bosyht9:

[شريف]

[center]طيب وفين باقى الفقرة
تقبل مرورى ... جزاك الله كل خير
هههههههههههههههههههه

ندخل فى الموضوع

خلاص
اسمعي نصيحتي
مادام الانتظار متعب
فيمكنك التنازل تماما مع التنفيض
و تكبير الدماغ عن الشئ الذي تنتظريه

كده مبقاش مقاتله
وبعدين تفتكر هنتظر حاجة مش مهمة
ولما انفض واكبر دماغى ... اغير حياتى ازاى
كده يبقى بنهى حياتى
اسفه ساظل انتظر ... الى ان انتصر

مش كده ولا ايييييييييييييييييييه :bosyht9:

أوك
انا معاكي ان لو الهدف اللي بتنتظريه مهم جدا للدرجاتي
فعلا من حقك تنتظري
و لكن
اذا كان مستحيل لاي سبب كان
فانتي ممكن تبحثي عن هدف مماثل أو شبيه
حتي و ان كان أقل في نظرك قليلا
و توصليله بشكل ايسر
لازم تتوافر المرونة
فيمن يسعي الي هدف ما
((( طبعا بتكلم بشكل عام )))
مش علي حالة معينة

[دعاء شديد]

[QUOTE=شريف;77407][center] أوك
انا معاكي ان لو الهدف اللي بتنتظريه مهم جدا للدرجاتي
فعلا من حقك تنتظري
و لكن
اذا كان مستحيل لاي سبب كان

هو اصلا يعنى ايه مستحيل؟
طول ما ربنا موجود ... مفيش مستحيل
لكن فى حاجات ييسر الله للبشر امكانيات تحقيقها
وفى حاجات يحققها الله للبشر

فانتي ممكن تبحثي عن هدف مماثل أو شبيه
حتي و ان كان أقل في نظرك قليلا

وليه ادور على هدف انا اصلا شايفاه اقل ... لما عندى هدف يستاهل
لأ انتظر وانتظر وانتظر ........... لا لا لا يا شريف "تبجى منك انت"


و توصليله بشكل ايسر

للاسف مبحبش اخد حاجة سهله
Come easy ... Go easier

لازم تتوافر المرونة
فيمن يسعي الي هدف ما

المرونه مش انى اغير الهدف ... المرونه انى اعرف الوقت المناسب لتحقيقه

((( طبعا بتكلم بشكل عام )))

مش كنت تقول من الاول ان كلامك بشكل عام
عموما ردى هو هو سواء الكلام عام ... او شهر

يبقى ملاحظة اخيرة:
عامل حفلة وعازم الناس وعمال تقدملنا اسئلة واستجوابات
وحكايات .... ده حتى المثل بيقول "طباخ السم بيدوقه"
فين اجاباتك انت اصلا على الاسئلة ... ولا ايه!!!!

[أشرف السيد]

السلام عليك

انا اول مرة ادخل عندك هنا في دكانة التغير ولقيت بضاعة ممتازة وقدرا ده اول موضوع اقرئه هنا وفعلا موضوع رائع وهجاوب على اسئلتك


1- قولي علي شئ بتعمله كل يوم و بشكل
روتيني مضايقك و نفسك تغيره
الخروج متأخرا من البيت ( مع عدم ارتباطي بمواعيد ) ومعا العلم بأني صاحي مبكراً ولكن اريد الذهاب مبكراً والخروج مبكراً
2- غيرته ولا لسه؟
حاولت امس وخرجت بدري عملت جواز السفر لاداء مناسك العمرة وده كان الساعة سبعة الصبح ونفسي فعلا ابدء عملي بدري وقت الساعة سبعة كدا
3- لو غيرته قولنا عملت ايه علشان تغيره....
أكيد عملت شئ جديد
اول ما صحيت دش سريع مع لبس سريع وخرجت بدل الجلوس على الكمبيوتر مبكراً
4- لو ماغيرتوش ....ساكت ليه ؟ هتغيره امتي ؟
أكيد مع العملية التطويرية التي اصناعها في حياتي الفترة القادمة يجب التغير وبدأ العمل مبكراً
5- ايه رأيك التغيير شئ سهل بالنسبة لك ولا صعب و مرهق ؟
سهل جداااااا وده لازم لاني هكون مرتبط بتوصيل آدم لاتوبيس الحضانة مبكراً فبالتالي هخرج بدري وبالتالي هبدأ عملي مبكراً
6- عندك ارادة؟
بفضل الله
7- موهوم ان في يوم من الايام الدنيا هتتغير
وانت حاطط رجل علي رجل
ولا مؤمن بفكرة ان 1+1=2 !!
الدنيا بتغغير بنا وبتغيرنا مش هتغيير لوحدها ابدا
8- مين اكتر شخصية في حياتك عجبتك
كان عندها طاقة و قدرة هائلة علي التغيير ؟
دون ادنى شك صاحب الرسالة التي غيرت وجه العالم (محمد بن عبدالله) الرسول صلى الله عليه وسلم
9- في رأيك هل ممكن و هل يستطيع شخص تغيير العالم؟
طبعا كما غير الرسول الكريم صلى الله عليه وآله وسلم الكون من الجهل للنور فممكن ان يستيطع شخص ذو ارداة تغيير مناطق من العالم وليس العالم كله
10- سؤال فرعي للتنشيط .......
نفسك في ايه حالا دلوقتي؟
ابدأ خطوة في مشروعي الجديد
طب ما تعمل اللي في نفسك و فورا
ما انا مستني الشخص اللي هنعمل دراسة الجدوى المفروض انه يكون موجود من نصف ساعة بس مواعيده كثيرة وخارجة عن اردته
وشكل القسم بتاعك هيرتفع فوق وشكلي هكون زبون دائم هنا

[wala]

قولي علي شئ بتعمله كل يوم و بشكل[/COLOR][/SIZE][/FONT]
روتيني مضايقك و نفسك تغيره
معلش انا مش هقولك على حاجة بعملها كل يوم بشكل روتينى
لانى بحاول اغير دايمن على قد مقدر

لكن ممكن اقولك على حاجة بتضيقنى ممكن تبقى كل يوم
وهى انى باستفز بسرعة جدا
يعنى لو اتحطيت فى اى موقف يكون حد عايز يضيقنى
فعلا بيضيقنى بمنتهى البساطة
وطبعا بيبان انى اضيقت
يعنى معنديش شوية تريث فى انى اقدر متضيقش
او انى اخبى مضيقتى حتى

2- غيرته ولا لسه؟

بحاول لا ياس مع الحياة

3-
لو غيرته قولنا عملت ايه علشان تغيره....

مفيش بحاول اتكلم مع نفسى كتير جدا
وبقعد اقول اللى زعلانى ده حد مش مهم
او مكنش المفروض ازعل من كده ده شىء عادى وبسيط
ولو حد غيرى كان قابل الموضوع بشكل مضحك وكده

أكيد عملت شئ جديد

عاملت بحاول اتعلم البرود والهدوء
وأركز على حقيقة الامور مش مظهرها

4- لو ماغيرتوش ....ساكت ليه ؟ هتغيره امتي ؟
5-

هو انا بعد الكلام ده هسكوت لالا انت متعرفنيش

ايه رأيك التغيير شئ سهل بالنسبة لك ولا صعب و مرهق ؟

سهل بس مش فى كل الاحيان ومش فى كل الحالات

6- عندك ارادة؟
7-

طبعا ارداة جامدة جدا

موهوم ان في يوم من الايام الدنيا هتتغير
وانت حاطط رجل علي رجل

لا يمكن ازاى يعنى

ان مؤمنة جدا بان كل حاجة بتيجى يعنى بتيجى
لو الانسان عايزها بجد
وبشوية جد واجتهد عشان يوصل ليها

وحصلت معاى كتير
بس الموضوع عايز ايمان بالله وثقة بالنفس وقوة ارادة

ولا مؤمن بفكرة ان 1+1=2 !!
مختلفناش

طبعا 1+1=2 بس الابتكار مستمر ممكن بكرة يحصل تطور ويساوى حاجة تانية

8- مين اكتر شخصية في حياتك عجبتك


طبعا والدى لان فى حاجات كتير بفكر لو كان هو فى الموقف ده كان عمل ايه وبنفذ من غير تردد
برغم انه اقوى منى بكتير و ممكن طبعا يكون فى اختلافات بينا
بس انا بثق فى رايه جدا ومقنتعة انه صح حتى لو اى حد شاف غير كده

كان عندها طاقة و قدرة هائلة علي التغيير ؟
9-

تغير فيا انا تحديدا
حسا انه خلينى بشكل انا بفتخر بيه كل ما بكبر
رغم انى وانا اصغر من كده مكنش عندى نفس الاحساس ده

في رأيك هل ممكن و هل يستطيع شخص تغيير العالم؟
10- سؤال فرعي للتنشيط .......

طبعا ناس كتير غيروا العالم

نفسك في ايه حالا دلوقتي؟



نفسى اعمل حاجة مختلفة
طب ما تعمل اللي في نفسك و فورا
You can see links before reply[/QUOTE]


اوعدك بس مش حالا بعد شوية
:18:[/CENTER]

[شريف]

وشكل القسم بتاعك هيرتفع فوق وشكلي هكون زبون دائم هنا

تنور يا باشا
بيتك و مطرحك

[شريف]

نفسى اعمل حاجة مختلفة
اوعدك بس مش حالا بعد شوية






ها
ايه الاخبار ؟
عملتي الحاجة المختلفة ولا لسه؟

[Blanche Neige]

وافتتح الجلسة بالاسئلة دي اللي اتمني حضرتك[/COLOR][/SIZE][/FONT]
تجاوب عليها و من ثم يبدأ الحوار

اتفضل اسأل ولا يهمك ربنا يقدرنا نجاوب زى ماانت عاوز

قولي علي شئ بتعمله كل يوم و بشكل
روتيني مضايقك و نفسك تغيره
الالتزام الزياده عن اللزوم !!!!! شكلك مندهش من الاجابه بس بجد دى مشكلتى دا طبعا بالمقارنه بناس تانيه غير ملتزمين تماما والكل بيتساوى فالاخر وهاقولك السبب بعدين ان شاء الله
2- غيرته ولا لسه؟

لا لسه طبعااااااااااا
3- لو غيرته قولنا عملت ايه علشان تغيره....

حاولت ابقى غير ملتزمه فى مواعيدى فى شغلى فى كلمتى حتى بس مااعرفتش

أكيد عملت شئ جديد

قولت اصحى متاخر شويه عشان اوصل شغلى حتى فى المعاد بالظبط برضه ابدااااااا باوصل قبل معادى ب10 دقايق على الاقل قولت افضل فى حجرة التدريس لحد جرس الحصه مايضرب واطلع الكلاس بعد الجرس حسيت انى باعمل حاجه غريبه مااعرفتش بجد اغير طباعى دى ماهو اصل الالتزام ده طبع
4- لو ماغيرتوش ....ساكت ليه ؟ هتغيره امتي ؟

انت عارف ممكن الانسان يتغير للاحسن بس صعب جدااا حد كويس يتغير للاسوأ
5- ايه رأيك التغيير شئ سهل بالنسبة لك ولا صعب و مرهق ؟

التغير للاحسن دا شئ ممتع اكيد بس للاسوأ لا صعب عليا انا على الاقل
6- عندك ارادة؟
الحمد لله عندى اراده حاده وقويه جدااااااااااااا
7- [COLOR=darkred] موهوم ان في يوم من الايام الدنيا هتتغير

وانت حاطط رجل علي رجل
ولا مؤمن بفكرة ان 1+1=2 !!

هو مش وهم بس أمل فى غد افضل لكل الناس بما فيهم انا

8- مين اكتر شخصية في حياتك عجبتك
كان عندها طاقة و قدرة هائلة علي التغيير ؟

شخصية الرئيس الراحل رحمه الله محمد انور السادات شخصيه غيرت مجرى حياة شعب بأكمله بذكائه وحسن تخطيطه وفهمه الشديد لبواطن الامور يكفى انه بسبب ذكائه الشديد رجع لمصر والعرب العزه والكرامه واعطى الجيش الاسرائيلى درس لا ولن ينسى مهما طال الزمن او قصر افتكر لن يجود الزمان بمثل هذا الرجل .
9- في رأيك هل ممكن و هل يستطيع شخص تغيير العالم؟

شخص بمفرده لا صعب جدااااااا لكن ممكن اشخاص متحديين متعاونيين لان تغيير الاشخاص ياتى بالضروره بالنفع لمجتمعات كامله وبالتالى العالم كله
10- سؤال فرعي للتنشيط .......
نفسك في ايه حالا دلوقتي؟

نفسى اشرب ميه ساقعه جدااااااااااا

طب ما تعمل اللي في نفسك و فورا

والله كان بودى بس انا صايمه الحمد لله
You can see links before reply[/QUOTE]


موضوع رائع استاذ شريف كالعاده وكما تعودنا منك دائما باحييك عليه:27: [/CENTER][/CENTER]

[عماد عبدالوهاب عبدالعال]

موضوع أكثر من رائع
لعبقري التنمية البشرية
شــــــريف
التغيير سنة الحياة
و لكن بشرط أن يكون من الأسوء إلى الحسن
أو من الحسن إلى الأحسن
أين صاحب هذا الموضوع ؟؟؟
أين شــــــــــــــريف ؟؟؟؟؟
:39::39::39: