المساعد الشخصي الرقمي

مشاهدة النسخة كاملة : سعدونى فى اتخاز القرار


momo momo
25-07-2009, 06:04 PM
انا معلم مساعد من تاريخ 1/4/2008
وقد وفقت فى الحصول على فرصة عمل مدرس فى احدى المدارس فى السعودية
وقد حددت موعد السفر يوم 15/8/2009
لكن انا دلوقتى فى قمة الحيرة
اعمل اية ؟
***اروح اسافر واضيع فرصة التثبية ( على الرغم من عدم ثقتى فى ذلك الامر)الراتب يكون 10 اضعاف الراتب المصرى فى التربية و التعليم
*** ولى الغى فكرة السفر و استعوض ربنا فى الفلوس الى صرفتها فى تخليص الاوراق الخاصة بسفر ( خمسة الف جنية ) و انتظر التعين
ارجو منكم ان تفيدونى بارائكم
المستر مادوو
25-07-2009, 06:17 PM
ياعم كلام الحكومة سمك فى مية روح وارزق وان شاء الله خير
doaa26979
25-07-2009, 06:27 PM
توكل على الله و سافر
س ا يوسف
25-07-2009, 06:37 PM
اذا عزمت فتوكل على الله
انت بتطلب الاستشارة بعد ما انتهى كل شئ
momo momo
25-07-2009, 07:03 PM
اذا عزمت فتوكل على الله
انت بتطلب الاستشارة بعد ما انتهى كل شئ
حضرتك موضوع التثبت دة انا ما كنت اعرفة علشان كدة مشيت فى اجراءت السفر
علشان كدة بطلب المشورة
س ا يوسف
25-07-2009, 10:03 PM
حضرتك موضوع التثبت دة انا ما كنت اعرفة علشان كدة مشيت فى اجراءت السفر
علشان كدة بطلب المشورة
طب العقد كويس
ام مدارس خاصة درجة تالتة
ام 1500 ريال
مخصوم منها شهرين الصيف
momo momo
25-07-2009, 10:30 PM
لا عقد كويس تقريبا 2700ج الراتب الاساسى طول السنة المرتب شغال
شهر اجازة براتب
تذكرة ذهاب وعودة
ومكافة اخر السنة
وحوافر و بدلات و سكن
سام سام
25-07-2009, 10:41 PM
انصحك لله اوعى تسافر تقولى ليه .؟
اولا هاتسافر كام سنة وهاتحوش كام ؟ طب اما ترجع بعد الغربة والزل
؟ هاتبتدى من الاول تانى ساعتها مش هاتلاقى فاتبتدى تصرف من اللى حوشتة ويبقة الله جاب الله خد الله عليه العوض
وتعالى بعد غربة وتحويش ومزلة والدول العربية مش زى زمان دلوقت بيبصونا على اننا عبيد لا اهليهم لكن لو انت شغال ب300 جينية فى مصر احسن من 200 ريال برة لانك بجرد
انك هاترجع هاتبتدى من الصفر وخلى بالك ساعتها مش ها تقدر تشتغل اى
شغلانة لانك ببساطة
هاتعيش فى مستوى عالىو مش هاتسمح لنفسك بالمرمطة
اخوك فى الله سامى
:16::16:
س ا يوسف
25-07-2009, 10:42 PM
في السفر سبع فوائد
اما عن كون الوظيفة مضمونة
الوظيفة دي من الحكومة
اول ما الحكومة باي باي الوظيفة باي باي
اما الضمان الاكيد
فليتقوى الله
علاء محمدالمهدى حامد
26-07-2009, 06:24 PM
انا رايء فكرة السفر مطلوبة وخصوصا فى فترة الشباب الكل عنده حماس ونفسه يطلع ويحصل على رزق افضل اوى مستوى اعلى بس مهما عمل الانسان ياخد من التل يختل لانه الفلوس مش دايمة الى اذا فكر الانسان باستغلالها فى عمل شيء للزمن لكن الوظيفة مطلوبة فى الزمن الحالى مطلوبة اكثر من السفر لانه مهما الانسان سافر هيجى يوم يتمنى ظفر وظيفة بس ساعتها يكون فات الاوان وبردو الخارج اصبح غير زمان اصبح منتهى الزل والمهانة وعدم التصديق فيه مش زى زمان فنصيحة اصبر شويا فات يعتبر نصف المطاف على العقد وباقى النصف الاخر وانا ارى انه اول مرة دول هيدخلوهم فى نظام التثبيت هيكون انشاء الله ما فيش تعقيد غير يمكن الى جاى لانه دول اول تجربة وبتالى لازم تنجح على القل بنسبة 90 % فانا بقولك انك تصبر شويا
( علاء المهدى )
اسماعيل
27-07-2009, 08:37 AM
يا اخي انت اذا اخترت اي اختيار راح تندم عل الاختيار الاخر واذا اختر ت السفر راح تندم طول العمر علي الوظيفة لان السفر اصبح في منتهى الذل والمهانة والاستعباد زي ما بيقول الاخ علاء وعن تجربة ومن ناحية ثانية متفكرش ان الـ1800 ريال دول حاجة كبيرة لان المصاريف في السعودية اصبحت غالية جدا والمعلم السعودي بيوصل راتبة الي 14و16و18 الف ريال ويا اخي استشير الناس اللي سافروا في نفس المنطقة الي انت رايح عليها لان لو في جدة او الرياض هيبقي الوضع كويس لان الطلاب بتاخد دروس خصوصية واما اذا كان في مكان اخر فلازم تفكر الف مرة لان الدروس تكاد تكون معدومة ولو اتكلت علي الراتب هتندم وهتندم علي انك سافرت لان مش هتوفر منة كتير وافضل شيء انك تستشير الناس اللي سافروا واستغل فرصة نزول المدرسين في السؤال والاستفسار واتمنا ان ييسر لك رب العالمين ما فية الخير وتطمنا علي اخبارك وتوفق في الاختيار ولا تندم علي شيء لأن الرزق مقدر ومكتوب من قبل ان يلد الانسان