دعوة للتسامح

[مستر أحمد حمدى]

بسم الله الرحمن الرحيم

والصلاة والسلام على خير الخلق أجمعين

ورحمة الله للعالمين سيدنا محمد خاتم النبيين


فال تعالى " وان تعفوا أقرب للتقوى " وقال الرسول الكريم " أوصانى الله بسبع اوصيكم بها أن أعدل فى الحلم

والغضب وأن اعطى من حرمنى وأن أصل من قطعنى وأن أعفو عمن ظلمنى و0000"

وقال الرسول الكريم أيضاً " أفضل أخلاق أهل الدنيا والاخرة أن تعطى من حرمك وان تصل من قطعك و تعفوا عمن ظلمك "

وأسأل سؤال هل للغل والحسد أثار على الانسان ؟

بالطبع فذلك الانسان لا يهنأ له عيش فهو دائم التزمر فلا يعجبه حاله ولا يشكر الله لأنه دائما ينظر إلى ما فى يد غيره

بل ويتمنى زوال النعمة من عند غيرة مما يجعلة فقيرا ولو ملك الدنيا لأن الغنى من استغنى وهو لم يستغنى

وما جزاء ذلك فى الآخرة ؟

النار

نعم النار فقد قال الرسول صلى الله علية وسلم " لا يدخل الجنة حاسد "

وما الجزاء فى الدنيا ؟

سيؤثر الحسد والحقد على الجهاز المناعى ويزيد من إضطراب القلب ويؤدى إلى الجلطة الدماغية ومرض السكر


وارتفاع ضغط الدم ومشاكل فى الكبد وغيرها من الامراض

و هل للتسامح آثار ؟

بالطبع فالشخص المتسامح هادئ الطبع بشوش الوجه راض بما قسم الله يتمنى للناس كل الخير

وما جزائه فى الآخرة ؟

المغفرة والجنة

فقد قال الله تعالى (وَلْيَعْفُوا وَلْيَصْفَحُوا أَلاَ تُحِبُّونَ أَنْ يَغْفِرَ اللَّهُ لَكُمْ)

وما جزائة فى الدنيا ؟

يعيش عيشة السعداء ويحبة الناس

وفى النهاية

أقول للجميع

إننى أشهد الله تعالى ثم أشهدكم أننى أسامح كل من ظلمنى وأخطأ فى حقى

وأتمنى من كل من ظلمته أو أسأت إلية أن يسامحنى لوجه الله تعالى

وأدعوا الجميع إلى التسامح ونبذ الحقد والحسد والبغضاء

[امل لاشين]

طبعا مفيش احسن من العفو والتسامح

لانها دايما من صفات المسلم ...

وربنا بيغفر دايما ويسامح ...ونسال الله العفو المغفره دائما...

[مستر أحمد حمدى]

طبعا مفيش احسن من العفو والتسامح

لانها دايما من صفات المسلم ...

وربنا بيغفر دايما ويسامح ...ونسال الله العفو المغفره دائما...



:27::27::27:


جزاك الله خيرا

[mazlom]

والله موضوع كويس ورائع يا احمد بس يا ترى مين يملك القدرة على التسامح هي دي المشكلة

وكل انسان في الدنيا له طاقة ممكن يسامح مرة واتنين وثلاثة بس لما يوصل حد الاهانة الى وضع لا يسمح بالتسامح فيه اعتقد انه صعب جدا ان الواحد يسامح

عارف يا احمد في ناس كتير اوي نفوسها ضعيفة ودايما بتجادل على باطل وتغلط وتسب وتهين يا ترى الناس اللي اتغلط في حقهم دول هيقدروا يسامحوا الناس اللي اهانتهم

اعتقد ان المسامحة صعبة جدا لازم اللي يسامح بجد يكون بيمتلك القدرة

وعلى قدر الاهانة تكون المسامحة

لما تكون في الكرامة اعتقد ان صعب اوي تسامح يا احمد وخصوصا لو كان اللي اهان كرامة الشخص التاني متكبر ومغرور ويابى الاعتذار

عموما ربنا يجعلك ممن يملكون القدرة على التسامح

[مستر أحمد حمدى]

والله موضوع كويس ورائع يا احمد بس يا ترى مين يملك القدرة على التسامح هي دي المشكلة

وكل انسان في الدنيا له طاقة ممكن يسامح مرة واتنين وثلاثة بس لما يوصل حد الاهانة الى وضع لا يسمح بالتسامح فيه اعتقد انه صعب جدا ان الواحد يسامح

مين اللى وضع حد الاهانة الأقصى ؟ نفوسنا الضعيفة وشيطاننا

قال تعالى " لقد كان لكم فى رسول الله اسوة حسنة لمن كان يرجو الله واليوم الاخر وذكر الله كثيرا "

والرسول الكريم عفا عن قريش بعد ان أذوه واخرجوه وأهانوه وسلطوا عليه سفهائهم وقاتلوه

فأى حد يا أخى تتكلم عنه تتحدث عن الاهانة ؟ فالرسول اهين وطرد من بلده وحُرب ومع ذلك عفا وقال اذهبوا فأنتم الطلقاء

فلعفوه هذا ولتسامحه دخل فى الاسلام 10 الاف شخص بالحب والتسامح

ماذا تظن انه كان سيحدث اذا ما قام الرسول بمذبحة ؟

لخاف الناس من الاسلام وقالوا انه دين التعصب والانتقام


عارف يا احمد في ناس كتير اوي نفوسها ضعيفة ودايما بتجادل على باطل وتغلط وتسب وتهين يا ترى الناس اللي اتغلط في حقهم دول هيقدروا يسامحوا الناس اللي اهانتهم

اللى اتغلط فى حقهم ان لم يسامحوا صاروا ذا نفوس ضعيفه هم الاخرون وليس معنى أن شخصاً سفيها جادلنى وغلط

فى حقى أن اكون أن الآخر عنيد متكبر غليظ القلب حقود وألا اسامحة

اعتقد ان المسامحة صعبة جدا لازم اللي يسامح بجد يكون بيمتلك القدرة

من يعتقد أن المسامحة صعبة فهذا دليل على أنه نفسة هو الحقود لأنه لو أخطأ فى شخص فيتمنى أن يسامحة فلما هو لا يسامح

وعلى قدر الاهانة تكون المسامحة

اذن كان الرسول مخطأ لعفوة عمن قاتلوه وأخرجوه من دياره وأهانوه ؟

لما تكون في الكرامة اعتقد ان صعب اوي تسامح يا احمد وخصوصا لو كان اللي اهان كرامة الشخص التاني متكبر ومغرور ويابى الاعتذار

والله دا رأى حضرتك أنا عن نفسى سامحت شخص كنت اعمل معة فى مجموعتة إفترى

على وشهر بى وأهاننى وجعل كل المجموعات لا تأخذنى وأخذ يسبنى ويكره الطلاب

فيا ويقول على ما لم يحدث ومع انى لم افعل شئ سوى انى تركت المجموعة لمعاملتة

السيئة لى وعدم احترامه لأحد لإعتقادة اننا نجوع بدونه

ومع ذلك حينما علمت ان امه مريضة ذهبت اليه ووقفت الى جانبة وحينما مرض هو نفسة

مع انى عشت اصعب لحظات حياتى بسببه والى الان اعانى من الطلاب الذين كنت احبهم يتجاهلوننى لأنه طلب منهم

ان رأونى فى الطريق الا يكلمونى والا سيطردهم

فوالله الذى لا اله غيرة سامحتة وبالرغم من كل ما فعل

شخص آخر كان شمت فية حينما مرض وأمه مرضت

لكن رسولنا لم يعلمنا ذلك

عموما ربنا يجعلك ممن يملكون القدرة على التسامح


ربنا يخليك يا بشمهندس عبدة ويجعلك أنت الآخر ممن يملكون القدرة على التسامح

[محمد بن عباس]

على فكرة الحمد لله الايام بتثبت انى عمرى ما صادقت خطأ اشكرك اخى احمد على موضوعك الرائع ولمستك الانيقة يارب يباركلك فى اية وتشوفها دكتورة

[س ا يوسف]

دعوة جميلة
ياريت الكل يتسامح

[Blanche Neige]

موضوع رائع مستر احمد باحييك عليه بجد

ودا فعلا افضل وقت لعرضه خصوصا اننا فى ايام زى

دى محتاجين لاننا نتسامح مع بعض لاقصى درجه عشان

يجى شهر رمضان الكريم والكل متصالح ومتسامح مع بعض

حتى يتقبل الله منا كل اعمالنا ونؤدى الفرائط بشكل صحيح مش

ظاهريا بس وجوانا فى خصام وحقد وحاجات تمنعنا من رحمة الله

اللهم طهر قلوبنا جميعا واقلبا عندك وتقبل منا اعمالنا أمين .

[مستر أحمد حمدى]

على فكرة الحمد لله الايام بتثبت انى عمرى ما صادقت خطأ اشكرك اخى احمد على موضوعك الرائع ولمستك الانيقة يارب يباركلك فى اية وتشوفها دكتورة


افهم من كلامك انى صديقك ؟؟؟؟

دا لو كدة يبقى النهاردة عيد العمال

شكرا اخى العزيز محمد وانا اللى اتشرفت بصداقتك مش انت

ويا رب يديم المعروف وما يدخل بين المسلمين شيطان ابدا

وبالنسبة لأية

دى عايزة دكتورة تعدلها دماغها المقلقسة مش هى اللى تبقى دكتورة

[mazlom]

مين اللى وضع حد الاهانة الأقصى ؟ نفوسنا الضعيفة وشيطاننا

قال تعالى " لقد كان لكم فى رسول الله اسوة حسنة لمن كان يرجو الله واليوم الاخر وذكر الله كثيرا "


صدق الله العظيم الحمد لله فاننا جاهدين نحاول الاقتداء بالرسول صلى الله عليه وسلم ولكن من منا بقوة صبر الرسول عليه الصلاة والسلام فقد كان للرسول صلى الله عليه وسلم ما ليس لبشر
والرسول الكريم عفا عن قريش بعد ان أذوه واخرجوه وأهانوه وسلطوا عليه سفهائهم وقاتلوه

وايضا رسول الله صلى الله عليه قال ل ( وحشي ) وهو العبد الذي قتل سيدنا حمزة عم الرسول واخرج كبده واعطاه لهند ثم جاء للرسول بعد فترة يعلن اسلامه ويطلب العفو قال له رسول الله (غيب عني وجهك ) طلب منه الا يريه وجهه بعد ذلك اليوم لفظاعة ما قام به ... ....الله عز وجل جعل العفو والصفح والمسامحة مراتب ولم يفرضها على عباده وهذا واضح في الايات القرانية ...1)اعفوا واصفحوا الاتحبون ان يغفر الله لكم ...( يحبب خلقه بالصفح ).......2)العين بالعين والسن بالسن والجروح قصاص ......ولكم في القصاص حياة يا أولي الألباب ...وهذه الاية لو تمعنا فيها جيدا لفهمنا الكثير .لماذا قال تعالى لكم في القصاص حياة ولم يقل لكم في الحياة قصاص .....احيانا القصاص يحيي الروح والنفس اذا ظلمت ويريحها احيانا القصاص لاغنى عنه فمثلا عندما يقتل انسان انسانا اخر ولا يطبق عليه حد القتل الرادع لغيره فهذا يشجع غيره على استسهال القتل ...وينطبق هذا على قتل الجسد وقتل الروح والكثير من الاذيات ......,,,,,,,الله عز وجل لم يعنف من لم يسامح ولم ينعته بأي صفة سيئة (كما يفعل بعض البشر ..يتوقعون منك ان تسامح مهما كانت درجة الاذية ولو حتى لم يتأسف المسيئ ولم يتراجع عن اساءته ولا يكتفون بذلك بل يكيلون لك الاتهام انك حقود ..ويا ليتهم هم انفسهم يسامحون عندما يدوس لهم احد على طرف )ولو عادوا لايات الله تلك لعلموا انهم يتألون على الله ......ودائما وابد من كانت يده في الماء ليس كمن كانت يده
فنستخلص من هذا يا احمد ان النبي لم يعنف من لم يسامح في حقه وهنا كان القصاص في كل الامور وهذا ليس ضعف نفس بالعكش قمة القوه ولا تخالف شريعتك فهناك امور بسيطة يمكن التسامح والعفو فيها وهناك امور عقائدية لا يمكن التسامح فيها الا من تاب وامن وعمل صالحا

فأى حد يا أخى تتكلم عنه تتحدث عن الاهانة ؟ فالرسول اهين وطرد من بلده وحُرب ومع ذلك عفا وقال اذهبوا فأنتم الطلقاء

لقد قلت لك كان لرسول الله صلى الله عليه وسلم ما ليس لبشر

فلعفوه هذا ولتسامحه دخل فى الاسلام 10 الاف شخص بالحب والتسامح

ماذا تظن انه كان سيحدث اذا ما قام الرسول بمذبحة ؟

لخاف الناس من الاسلام وقالوا انه دين التعصب والانتقام


اللى اتغلط فى حقهم ان لم يسامحوا صاروا ذا نفوس ضعيفه هم الاخرون وليس معنى أن شخصاً سفيها جادلنى وغلط فى حقى أن اكون أن الآخر عنيد متكبر غليظ القلب حقود وألا اسامحة


وليه قلت عليهم نفسهم ضعيفة التسامح صفة وليست فريضة اذا كان الله تعالى قال ولكم في الحياة قصاص يا اولي الالباب فمن عفا واصلح فاجره على الله وهنا الله ترك لك الامر وخيرك ان عفوت فلك الثواب وان لم تعفوا فلا وزر عليك فاتهامك لمن لا يسامح انه ضعيف النفس اتهام غير مشروع وغير مستند على ادلة علمية .
من قال ان عدم المسامحة في الحقوق هي عند وحقد وتكبر الله تعالى لم يقل ذلك ولا رسوله بل قالوا لنا من يسامح فاجره على الله ومن لم يسامح فلا اثم عليه فكيف يا احمد تقول هذا كان بامكانك ان تقول من لم يسامح فهو لا يملك تلك القدرة وانه لا وزر عليه ولكن التسامح صفة طيبة وصانا بها الله هكذا اكون دعوت الانسان للتسامح باسلوب مهذب هي دي الطريقة الصحيحة لما اكون عايز ادعي واحد للتسامح مقلوش انك لو مسامحتش تبقى وتبقى وتبقى .... لا انا اعرض عليه اجمل صفة وهي التسامح واسيبه هو يختار طالما انه لو اختار عدم القدر على التسامح فلا عليه ذنب

اما اذا كان الموضوع في العقيدة او في مصادر التشريع السماوي حينها يجب ان تستخدم أي اسلوب لانك حينها تدفع عن عمود من اعمدة الدين صح يا ابو حميد ولا انا غلطان


من يعتقد أن المسامحة صعبة فهذا دليل على أنه نفسة هو الحقود لأنه لو أخطأ فى شخص فيتمنى أن يسامحة فلما هو لا يسامح

طبعا ان رديت على اتهامك الغير مسنود بادلة وبراهين على النقطة دي مينفعش اقول عليه كدة

اذن كان الرسول مخطأ لعفوة عمن قاتلوه وأخرجوه من دياره وأهانوه ؟

والله دا رأى حضرتك أنا عن نفسى سامحت شخص كنت اعمل معة فى مجموعتة إفترى

على وشهر بى وأهاننى وجعل كل المجموعات لا تأخذنى وأخذ يسبنى ويكره الطلاب

فيا ويقول على ما لم يحدث ومع انى لم افعل شئ سوى انى تركت المجموعة لمعاملتة

السيئة لى وعدم احترامه لأحد لإعتقادة اننا نجوع بدونه

ومع ذلك حينما علمت ان امه مريضة ذهبت اليه ووقفت الى جانبة وحينما مرض هو نفسة

مع انى عشت اصعب لحظات حياتى بسببه والى الان اعانى من الطلاب الذين كنت احبهم يتجاهلوننى لأنه طلب منهم

ان رأونى فى الطريق الا يكلمونى والا سيطردهم

فوالله الذى لا اله غيرة سامحتة وبالرغم من كل ما فعل

شخص آخر كان شمت فية حينما مرض وأمه مرضت

لكن رسولنا لم يعلمنا ذلك

ده طبعا شيء كويس انك تمتلك تلك القدرة على التسامح
وانك تقدم السيئة بالحسنة ده اروع

بارك الله فيك وهداك الى طريق الثواب

ربنا يخليك يا بشمهندس عبدة ويجعلك أنت الآخر ممن يملكون القدرة على التسامح

تقريبا انت غلطت في الرد او مخدتش بالك انا مظلوم مش عبده
ولكن لو افترضنا جدلا انك تقصد ربنا يخليك يا مظلوم ويجعلك ممن يملكون القدرة على التسامح وان الدعوة دي تقصدها لي وان الاسم جه بالغلط


اقولك يا ابو حميد اللهم امين

[اسامه القزاز]

موضوعك جميل يا استاذ احمد بس المشكلة بقى لو فيه انسان بيفهم اخوه الإنسان خطأ وبيزرع الشيطان فى عقل الأول إن أخوه بينقده بيوجه لأخطائه لأنه بيحسده أو بيكرهه فيتحجر قلبه ناحية اخيه ومن هنا يأتى الظلم . لكن والله العظيم انا قلبى مسامح كل من ظلمنى واساء فهمى وكذلك ادعو الله ان يسامحتى كل من ظلمته فى يوم من الأيام .

[عز وحيد]

????????????????????????????????????????
?????????????????????????????????????????
?????????????????????????????????????????????????
??????????????????????????????????????????????????

بصراحة بقى فيه كلام بيتقال

مش عارف ليه اللسان بس هو اليومين دول الى بقى يتحكم فينا وبقى بيقول وبس

فعلا يا استاذ احمد لازم نسامح

انما كمان عشان نسامح لازم نعرف الى لينا والى علينا

وعلى فكرة السماح مش بس انك تسيب حقك

مش هو ده معنى السماح او بمعنى اصح مش المعنى الكامل فيه

انما فيه كمان ساعات الانسان بيكون محتاج يسامح نفسه

وده اصعب شىء انك تسامح نفسك على شىء فعلته

اتمنى لك ان تكون مسامح

بس مش عارف هو موضوع (فتوة) كان فيه سماح بردوه

ولا الموضوع الى قبله حضرتك استخدمت السماح فيه بردوه اصل عشان نقول شىء لازم نعمله ولا ايه

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لوكتبت ملايين علامات الاستفهام فانها غير كافية

بالعقل نتكلم لا باللسان

[wala]

التسامح كلمة كبيرة قوى

طبعا من صفات المسلم انه يسامح

وربنا عز وجل بيسامح ويغفر لعباده

بس المشكلة ان التسامح احيانا بيخلى اللى قدامك يفهمك غلط

:16:

يفهم انك ضعيف عشان كده تسامحت معاه
ومبيقدرش يفهم ان ده كرم اخلاق منك

بس ده مش معناه ان احنا منتسامحش

لكن لازم نفهم اللى قدمنا اننا اتسمحنا عن قوة مش عن ضعف

القوة ده اللى خلتنا ندرك الموقف اللى ضيقنا ونتغاضى عنه

بس المهم ان التسامح يكون بصدق مش تقضية واجب او تمشية للامور وخلاص

[ممدوح الأنصارى]

وفى النهاية


أقول للجميع


إننى أشهد الله تعالى ثم أشهدكم أننى أسامح كل من ظلمنى وأخطأ فى حقى


وأتمنى من كل من ظلمته أو أسأت إلية أن يسامحنى لوجه الله تعالى



وأدعوا الجميع إلى التسامح ونبذ الحقد والحسد والبغضاء

وأقولها معك اخى الكريم ابا اية
لعل الله ان يتقبل منا ويغفر لنا جميعا.
فتلك مكارم الاخلاق التى قالها ابى ضمضم فى التسامح منذ 1400عام بل يزيد ، وكان ابى ضمضم رجل معدم لا يملك ما يتصدق به ،فكان يقول : (اللهم انى اتصدق بعرضى على عبادك )
موضوع رائع أخى الاستاذ / احمد.