مشاهدة النسخة كاملة : الاستاذ شريف على كرسي الاعتراف : نبدأ مع الضيف الخامس
أشرف السيد
23-07-2009, 11:29 AM
السلام عليكم
الضيف الخامس والحلفة الخامس من برنامج كرسي الاعتراف
والان مسئول كل حاجة والمفكر والشاعر والذكي والحريف والمذيع و و و و
الاستاذ شريف
اهلا بك
عرفنا بنفسك
وقولنا رأيك في الزواج بما انك عريس الموقع الايام القليلة الماضية
وكمان قلنا ايه اخر اخبار البرنامج ( الصراحة احلى ) وهل لديك استعداد تكمله في الصيف
وكمان هل لديك ما يجعل قسم ( غير حياتك ) يكون اقوى الاقسام وسهمه يطلع في البورصة
كما مرة قلت كلمة ( اقعد يا واد في الفصل ) وهل بتحب العصا
هل ترى هروب لاعبين مصريين بعد تحقيق ميدلية في بطولة ايطاليا حل لمشكلتهم الاجتماعية ام غباء منهم
مش هطول وهسيب اللي نفسهم يسألوا براحتهم
والان مسئول كل حاجة والمفكر والشاعر والذكي والحريف والمذيع و و و و
تسلم يا ابو ادم
الكلام ده كبير أوي علي أمثالي
عرفنا بنفسك
شريف محمد راغب
مدرس لغة انجليزية
30 سنة
1/1/1980
القاهرة
وقولنا رأيك في الزواج بما انك عريس الموقع الايام القليلة الماضية
سكن و استقرار ....و لكن اذا اخترت بشكل صحيح
وكمان قلنا ايه اخر اخبار البرنامج ( الصراحة احلى ) وهل لديك استعداد تكمله في الصيف
اعتذر عنه للأسباب التالية
1- كان هناك بعض العيوب الفنية في الراديو فلم يكن الاستماع اليه بشكل يرضيني و يحفزني علي العمل
2- فكرة البرنامج لم تكن واضحة بالشكل الكافي و كانت مؤقتة كبداية للراديو
و لكن الان يمكن تطوير الفكرة و تنظيمها و تجديدها بشكل اكثر حرفية
3- لست أهلا لهذا المكان و أري ان هناك من هم أكفأ مني بكثير
و ها هم متواجدون الان
4- اري ان هناك افكار لبرامج كثيرة مهمة جدا ستكون أكثر نفعا
لكن انا معاكم في اي حاجة تانية ان شاء الله
وكمان هل لديك ما يجعل قسم ( غير حياتك ) يكون اقوى الاقسام وسهمه يطلع في البورصة
هتشوف بنفسك ان شاء الله
لوحدي لا
انما بمشاركة الجميع
كما مرة قلت كلمة ( اقعد يا واد في الفصل ) وهل بتحب العصا
كتير طبعا في البداية
لكن دلوقتي طرق جذب انتباه الاطفال كتير الحمد لله
ممكن بنغمة الصوت the tone تقدر تتحكم فيهم بسهولة
و اعتقادي ان المعلم اللي عنده المادة العلمية و اسلوب التدريس الحديث الجذاب
و عنده ما يشغل التليمذ طوال الحصة
عمره ما هيحتاج الجملة دي و لا العقاب بالعصا
و علي فكرة
في انواع عقاب نفسي ممكن تكون اشد بكتير من الالم الناتج من اتخدام العصا
جربته بنفسي
و جاب نتايج مذهلة
دعاء شديد
23-07-2009, 12:30 PM
:friendsxs3:
شريف
1- اذا مكنتش مدرس ... كنت عايز تبقى ايه؟
2- انت شاعر
يملك ادواته فعلا
ليه متحاولش تستثمر موهبتك
"على الاقل كنوع من انواع التغيير"
وكهوايه مش مهنه؟؟؟؟؟؟؟؟؟؟؟
3- what about your dreams?????
4- how you see the life?????????
:friendsxs3:
شريف
نعم
1- اذا مكنتش مدرس ... كنت عايز تبقى ايه؟
أي مكان ابقا فيه حر طليق
بعيد عن الروتين و اللوائح و القوانين
2- انت شاعر
يملك ادواته فعلا
ليه متحاولش تستثمر موهبتك
"على الاقل كنوع من انواع التغيير"
وكهوايه مش مهنه؟؟؟؟؟؟؟؟؟؟؟
بستمتع أكتر و انا بكتب مع نفسي
و لاني كمان ماوصلتش للمرحلة دي
و لان الحياة واخده الواحد في طريق تاني
و ليس كل ما يتمناه المرء .......
شكرا علي المجاملة الرقيقة
3- what about your dreams?????
بحلم أعيش كطير
و فيه مليون جناح
يطوف علي كل وادي
و ف كل حتة راح
بحلم أطير بجنون
طير مفكوك السراح
بحلم و بدون قيود
بالفرح بدون جراح
بحلم من غير ما نام
انام في جنة براح
4- how you see the life?????????
i see the life in the same way the Quran see it
i know what our God says about that clearly
دعاء شديد
23-07-2009, 06:48 PM
اكمل اسئلتى
ولا انت فاكر هسأل سؤالين وخلاص
ها بقى
:friendsxs3:
لما بيكون بينك وبين شريف ميعاد
بتقلق ولا مبتخافش منه؟
انت ولا شريف الي بيقتنع برأى التانى؟
طيب
:25:
ايه رأيك فى الاختبارات النفسية؟
كمان
:42:
كيف ترى التربية والتعليم؟
:16:
فلنكتفى بهذا القدر
الان فقط
امل لاشين
23-07-2009, 11:42 PM
مبروك الجلوس علي كرسي الاعتراف....يامستر شريف
هنا هتتسال مش هتسال ....وهتجاوب علي الاسئله
ومش هتستني للاخرلانها ليك وبس...
مفيش غيرك موجود الان علي كرسي الاعتراف
هتجاوب ....هتجاوب....:16::16:
1-عاوز توصل بقسم ( غير حياتك ) لايه؟؟؟؟
2- ايه اللي نفسك تعمله ولسه معملتوش لغايه الان في المنتدي ؟؟؟
3- ليه بتميل لتحليل الشخصيات ومعرفه اسرارها ؟؟؟؟وايه هدفك من كده ؟؟؟
4- ولما بتقابل حاله نفسيه بتاثر فيك..... بتعمل ايه؟؟؟؟وبتساعدها ازاي ؟؟؟؟
5-ايه التجربه اللي عشتها وندمت انك عشتها مع انك كنت عاوز تعيشها ؟؟؟
6-ايه الشروط الكافيه انك تاخد قرار الارتباط بالشخص ده عن غيره ؟؟؟؟؟؟؟
7-الشعر اللي بتكتبه بيعبرعن تجربه خاصه بيك ولا شعر من خيال الشاعر ؟؟؟؟؟؟؟
8- ولانك شاعر حصل معاك او رايت ان ممكن يحصل انك تحب شخص بجنون وانت
تعلم انك له لن تكون ؟؟؟؟؟؟؟؟
9-ماذا تعني لك هذه الكلمات
الشعر
الصداقه
الصراحه
الصدق
المراه
الاطفال
كفايه كده علي ما اظن طولت عليك .......وربنا معاك :friendsxs3: :friendsxs3:
اكمل اسئلتى
(((((ولا انت فاكر هسأل سؤالين وخلاص)))))
ـــــــــــــــــــــــــــــ
انا تحت أمركم أعملوا فيا اللي انتو عايزينو
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ
(((((لما بيكون بينك وبين شريف ميعاد
بتقلق ولا مبتخافش منه؟)))))
ـــــــــــــــــــــــــــــــــ
أذكي سؤال قريته بجد
برافو عليكي يا دعاء
لما بيكون بيني و بين شريف ميعاد
أعصابي كلها بتبوظ
و ضغطي بيعلا
و يصيبني الاكتئاب
و غالبا بيبقا موعد بلا سابق تنسيق
تري....أهناك أصعب من أن تواجه نفسك
و تبادرها سلسلة من عبارات اللوم و العتاب
بل و الجلد و العقاب؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
(((((انت ولا شريف الي بيقتنع برأى التانى؟)))))
في أغلب الأحيان شريف هو اللي بيقنعني
حاكم أن كثير الجدل
لكنه بيتكلم بالمنطق
فبيغلبني بحجته
و بضميره
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
((((ايه رأيك فى الاختبارات النفسية؟))))
ـــــــــــــــــــــــــــــــــــــــ
استاذة يا دعاء
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ
((((كيف ترى التربية والتعليم؟))))
ـــــــــــــــــــــــــــــ
في مصر
أري التربية و التعليم
سفينة تغرق في عرض البحر
قبالة سواحل برمودا
تنادي منذ ستين عاما
أن أنقذوني
و أهلها يحتضرون
و يموتون في اليوم الواحد ألف مرة
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ
((((فلنكتفى بهذا القدر
الان فقط))))
ـــــــــــــــــــــ
هل من مزيد؟
You can see links before reply***********/ahlan_1_.gif
1-عاوز توصل بقسم ( غير حياتك ) لايه؟؟؟؟
السر الخطير
عايز أغير حياتي بيه معاكم
You can see links before reply
2- ايه اللي نفسك تعمله ولسه معملتوش لغايه الان في المنتدي ؟؟؟
ــــــــــــــــــــــــــــــــــــــــــــــــــ ـــــــــــــــــــــــــــــــــــ
نفسي يوصل عدد الاعضاء الي مليون
نفسي نجتمع علي الحلوة و المرة
نفسي نكون أسرة واحدة فعلا بمعني الكلمة
نفسي نطلع رحلات
نفسي نزور مريضنا
نفسي نفرح لفرحنا
نفسي نتطمن علي بعض كل يوم
نفسي في مليون عضو عارفين بعض كويس أوي
نفسي نتبادل الخبرات
نفسي مانكسلش عن المشاركة
نفسي نتبادل الاراء
نفسي نسافر مع بعض
نفسي نبقا شخص واحد في مجموعة
نفسي يبقا الموقع رقم واحد في العالم
نفسي اعمل قسم يستفيد منه الجميع بجد
نفسي أفيد الغير مقتدرين من الطلبة مجانا و دوما
نفسي الواحد مننا يكتب موضوع و في خلال ساعة
توصل المشاركات فيه لنص مليون
نفسي لما نبدأ حوار في موضوع ما ينتهيش
علشان كل عضو اتعود يكتب مشاركة واحدة في الموضوع الواحد و يجري
نفسي نتواصل
نفسي نعرف مشاكل بعض و نقف جنب بعض و نعالجها
نفسي في حاجات كتير لو اتكلمت عنها
ورق صفحات النت كله هيخلص
You can see links before reply
3- ليه بتميل لتحليل الشخصيات ومعرفه اسرارها ؟؟؟؟وايه هدفك من كده ؟؟؟
و الله أبدا ...و المصحف ما انا :006et4:
بدون تخطيط
يمكن علشان عاطفي شوية
و القلب عندي بيغلب دايما العقل
و بميل لمعرفة الناس من عيونهم
و بما اني مش شايفكوا
فمن خلال الحوار بركز علي الشعور و الشخصية
و الهدف
نقرب من بعض و نتواصل اكتر طبعا
You can see links before reply
You can see links before reply
4- ولما بتقابل حاله نفسيه بتاثر فيك..... بتعمل ايه؟؟؟؟وبتساعدها ازاي ؟؟؟؟
أنا مش دكتور نفساني أوي للدرجاتي
دنا غلبااااااااااااااان
You can see links before reply
5-ايه التجربه اللي عشتها وندمت انك عشتها مع انك كنت عاوز تعيشها ؟؟؟
هيا مش تجربة واحدة
ممكن تكون اكتر من تجربة
لأني للأسف
بتصرف بطبيعتي
و بمشاعري
و مافكرش كتير في النتايج
علي حسب ما يمليه عليا قلبي
و بالتالي
تجارب كتير ممكن أكون حسيت بعدها
أني كنت مخطئ
لكن في النهاية
مافيش خطوة بيخطوها الانسان
سواء صح أو غلط
إلا و بتأثر في مشوار حياته
و بتضيف له رصيد تجارب و خبرة
و بتعرفه الدنيا ماشية ازاي
و لازم نعرف الغلط علشان نعرف معني الصح
و في النهاية
انا مستفيد خبرة و معرفة
حتي من التجارب الخاطئة
You can see links before reply
6-ايه الشروط الكافيه انك تاخد قرار الارتباط بالشخص ده عن غيره ؟؟؟؟؟؟؟
ــــــــــــــــــــــــــــــــــــــــــــــــــ ــــــــــــــ
ضيعت وقت كتير و طول عمري بكتب شروط علشان اخد القرار ده
لكن الموضوع مش بالشروط و الحسابات نهائي
ارتباط يحكمه الحب و التفاهم
أفضل من مليون عقد اتفاق
و امضا و ختم نسر
You can see links before reply
7-الشعر اللي بتكتبه بيعبرعن تجربه خاصه بيك ولا شعر من خيال الشاعر ؟؟؟؟؟؟؟
غالبا من الخيال
و لكن حاسس بيه جدا و بجنون
You can see links before reply
8- ولانك شاعر حصل معاك او رايت ان ممكن يحصل انك تحب شخص بجنون وانت
تعلم انك له لن تكون ؟؟؟؟؟؟؟؟
You can see links before replyطبعاYou can see links before reply
You can see links before reply
You can see links before reply
9-ماذا تعني لك هذه الكلمات
الشعر : درب من الانطلاق في مدائن الخيال
الصداقه : لا يمكن أن تكون هي العلاقة الان بيني و بين شخص أعشقه
الصراحه : أحلي من العسل و أمر من الصبر
الصدق : عصير منجي
المراه : نفسي التي بين جنبي
الاطفال : نعمة و نقمة وولاد كلب جابولي صداع
You can see links before reply
كفايه كده علي ما اظن طولت عليك .......وربنا معاك
بالعكس
اسئلتك رائعة و فوق الممتاز
و استمتعت جدا بها
تسلم ايدك بجد
ميس صافيا
24-07-2009, 08:44 PM
استاذ شريف
يهمنى انا شخصيا انك تجاوب ع السؤال ده بصراحه
ليه دخلت قسم انجليزى بالتحديد؟
بصدق هل تفعل دوما ما انت مؤمن به ؟
هل تلجا الى النفاق احيانا ؟
بما انك عريس جديد هل جوازتك تقليديه يعنى ابو العروسه قعد كتبك قايمه بستين سبعين الف جنيه وقالك لازم تمضى عليها ؟
واشترطوا عليك تجيب شبكه بالشىء الفلانى ؟
والفرح لازم يكون فى النادى العلانى ؟
لو ده حصل فعلا معاك فكرت للحظه انك لا قدر الله ما تممش الجوازه ؟
وسواء دا حصل والا لا تقول ايه للاباء اللى بيغالوا فى طلباتهم على العريس؟
وبرضه لو دا كان حصل معاك بشكل يضايقك كان ايه تاثيره على علاقتك بزوجتك اللى كانت لسه خطيبتك ساعتها ؟
استاذ شريف انا اسفه جدا ع الاسئله لان كرسى الاعتراف ده المفروض انه اسئلته تخنق وده اللى قاله الاستاذ اشرف
فحبيت انا اكون خنيقه زى ما الكتاب بيقول
اسفه للاطاله
ليه دخلت قسم انجليزى بالتحديد؟
بحبه جدا
بصدق هل تفعل دوما ما انت مؤمن به ؟
ليس دائما
الظروف بتحكم طبعا
هل تلجا الى النفاق احيانا ؟
مش هقولك بقا لا
نفاق ايه
و بتاع ايه
انا عمري ما نافقت
و عمري و عمري
لالالالا
النفاق كلنا مارسناه في مواقف مختلفة
و مواقف أجبرنا عليها
و أتحدي أي حد يقول لا
مش شرط يكون النفاق بصورته الفجة المعروفة
لا
النفاق ليه اشكال كتيرة جدا
و كتير بنبقا مجبرين علي أنواع منه
علشان نمشي مصالحنا
و نشوف حالنا
للأسف
بما انك عريس جديد هل جوازتك تقليديه يعنى ابو العروسه قعد كتبك قايمه بستين سبعين الف جنيه وقالك لازم تمضى عليها ؟
واشترطوا عليك تجيب شبكه بالشىء الفلانى ؟
والفرح لازم يكون فى النادى العلانى ؟
لا محصلش نهائي
لأني مش من النوع اللي يقبل الشروط اللي من النوعية دي
حتي لو كانت السفيرة عزيزة
أجيب اللي انا عايزه بمزاجي
محدش يمليني أجيب ايه في بيتي
و الحمد لله أهل العروسة عارفني كويس
و بيعاملوني بالطريقة اللي أحب أتعامل بيها
ما يجبش معانا الكلام ده
دانا لبط
لو ده حصل فعلا معاك فكرت للحظه انك لا قدر الله ما تممش الجوازه ؟
فعلا لو ده كان حصل
مكنتش الجوازة هتتم
البنات كتير ما شاء الله
:006et4:
وسواء دا حصل والا لا تقول ايه للاباء اللى بيغالوا فى طلباتهم على العريس؟
ارحموا بناتكم
وبرضه لو دا كان حصل معاك بشكل يضايقك كان ايه تاثيره على علاقتك بزوجتك اللى كانت لسه خطيبتك ساعتها ؟
هخلع طبعا
مش طالبة خالص اساسا
فحبيت انا اكون خنيقه زى ما الكتاب بيقول
اسفه للاطاله
خدي راحتك ع الاخر
انا تحت امركم
نعمه محمود
24-07-2009, 11:08 PM
استاذ شريف اهلا بيك على الكرسي وعقبال كرسي الوزارة
ممكن تعرفنا على شريف الذى لايعرفه أحد ؟
ماهى التجربة التى تتمنى تكرارها؟
هل تشعر أحيانا بأنك مقصر بحق من حولك؟
Mr Gomaa Ashour
25-07-2009, 12:36 AM
بسم الله الرحمن الرحيم
:18:
نورت كرسى الإعتراف يا مستر شريف
:38:
وطبعاً أسئلتى بسيطة جداً لأنى ما بحبش الأسئلة اللى تخنق مش عارف ليه
:6:
أولاً : أول لقاء بيننا كان أمام ماسبيرو وإحنا الإثنين اللى إلتزمنا بالمكان
ماذا يمثل هذا اليوم بالنسبة لك ؟
ثانياً : ثانى لقاء بيننا يوم الإفتتاح الرسمى لهذا المنتدى
ما الذى استفدته من هذا اليوم ؟
كفاية كدة دلوقتى ربنا يكون فى عونك ويقدرك على الرد على كل الأسئلة بصراحة
على فكرة
عدد الذكور أكثر من عدد الإناث حسب التعداد الرسمى
الردود دى مش صحيحية لأنك أكيد مضيت على القايمة وأكيد فى شبكة ومؤخر
وطبعاً مضيت بمزاجك
بس غصب عنك
بما انك عريس جديد هل جوازتك تقليديه يعنى ابو العروسه قعد كتبك قايمه بستين سبعين الف جنيه وقالك لازم تمضى عليها ؟
واشترطوا عليك تجيب شبكه بالشىء الفلانى ؟
والفرح لازم يكون فى النادى العلانى ؟
لا محصلش نهائي
لأني مش من النوع اللي يقبل الشروط اللي من النوعية دي
حتي لو كانت السفيرة عزيزة
أجيب اللي انا عايزه بمزاجي
محدش يمليني أجيب ايه في بيتي
و الحمد لله أهل العروسة عارفني كويس
و بيعاملوني بالطريقة اللي أحب أتعامل بيها
ما يجبش معانا الكلام ده
دانا لبط
لو ده حصل فعلا معاك فكرت للحظه انك لا قدر الله ما تممش الجوازه ؟
فعلا لو ده كان حصل
مكنتش الجوازة هتتم
البنات كتير ما شاء الله
استاذ شريف اهلا بيك على الكرسي وعقبال كرسي الوزارة
ميرسي
ممكن تعرفنا على شريف الذى لايعرفه أحد ؟
أنا
انسان تتحكم فيه المشاعر أكثر مما استطاع أن يتحكم فيه العقل
انسان يعشق أن يتواضع لأنه أدرك أن الانسان أصله نطفة
انسان يسعد سعادة أكثر من سعادة اسعد السعداء لأنه أسعد انسانا كان يتمني
طوال حياته أن يكون سعيدا أو لأنه رأي انسانا سعيدا سعادة كان يتمناها
انسان يغلب عليه الجنون و الاختلاف عن الناس و الخروج عن المألوف
انسان يهوي الحب و يحب الهوي
انسان تنتهي حياته فورا إذا شعر أن الحياة حوله تحولت إلي مادة و مصالح و فقط
انسان يهوي أن يعذب نفسه من أجل الاخرين
انسان مغرم بالابتسامة و لكن علي وجوه الاخرين
انسان يحلم بالمدينة الفاضلة في زمن انتحر فيه أفلاطون !
ماهى التجربة التى تتمنى تكرارها؟
السفر للاسكندرية
هل تشعر أحيانا بأنك مقصر بحق من حولك؟
ليس أحيانا بل دوما
مقصر جدا و اعترف
و في حق أقرب الناس
و لكن ان شاء الله سأعطي كل ذي حق حقه عن قريب
بجد و الله تسلم ايدك
بالرغم من قلة اسئلتك
إلا إنها رائعة
و في الجوووون بجد
و مش اي حد يسأل الاسئلة الجامدة دي
شكرا جزيلا
نورت كرسى الإعتراف يا مستر شريف
منور بوجودكم
ماذا يمثل هذا اليوم بالنسبة لك ؟
طبعا كان لأول مرة هشوف
الناس اللي حبيتهم و اتكلمت معاهم كتير علي النت
حيث لا يري أحد أحدا
فطبعا لقاء له مذاق خاص
و كثيرا ما تضع في مخيلتك لفولان الذي تحدث معه في عالم النت تصور معين
قد يكون من المثير جدا لك
أن يتملكك الفضول لأنك ستراه بشحمه و لحمه
علي أرض الواقع
و بالتالي كان يوم رائع
الإفتتاح الرسمى لهذا المنتدى
ما الذى استفدته من هذا اليوم ؟
بجد كان يوم رائع
بكل معاني الكلمة
كفاية انه يوم شوفت فيه أحبابي
اللي كان نفسي أشوفهم بجد
و كفاية المكان اللي يشرف
أي حد انه يتواجد فيه
الردود دى مش صحيحية لأنك أكيد مضيت على القايمة وأكيد فى شبكة ومؤخر
وطبعاً مضيت بمزاجك
بس غصب عنك
ههههههههههه
لا والله أبدا
أنا انسان مختلف شوية
مش غرور و لا حاجة لا سمح الله
و لكن لان اللي حواليا
يعرفوني كويس
اني قمة التواضع الحمد لله
و التفاني في اسعاد الاخرين
و لكن بمزاجي
فلم يمل أحد علي شريف شروطه
اذا لم أفعل الشئ من نفسي
فلا أشعر بقيمته
و اذن سأشعر أنني مجبر علي عمل شئ
فتجدني قد انسحبت فورا و بهدوء شديد
فالحمد لله
هذا كله لم يحدث
لأنهم بيشتروا راجل:)
ألف شكر علي اسئلتك الجميلة
و اسمحلي اسألك سؤال واحد بس من نفسي
هوا انت بتحب تكتب بخط كبير أوي كده ليه؟
هل الخط الكبير علامة علي القوة؟:006et4:
شمس بياض
25-07-2009, 10:42 PM
السلام عليكم ورحمة الله وبركاته
أيها النمر اهلا بك على كرسى الاعتراف
والله وجالك يوم
تعترف ههههههههه
شويه بقى غيره تقولشى حقد تقولشى استفزاز
اهو
سؤال هل لديكم تفسيرا
للمقدمة التى خصكم بها
الاستاذ اشرف دونا عمن جلسوا
على كرسى الاعتراف قبلك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وهى
الاستاذ شريف على كرسي الاعتراف : نبدأ مع الضيف الخامس
السلام عليكم
الضيف الخامس والحلفة الخامس من برنامج كرسي الاعتراف
والان مسئول كل حاجة والمفكر والشاعر والذكي والحريف والمذيع و و و و
0----------------------------------------------------------------
ايها النمر من صفاتك الجراءة
متى تكون جريئا ؟
ممن اكتسبت هذه الجراءه ؟
هل الجراءه مطلوبه فى كل الاوقات وبنفس الدرجة ؟
متى يكون الحب جنونا ؟
88888888888
انت شاعر تملك نواصى الفن الشعرى
من فضلك اذكرلنا
اى انواع الشعر تفضل ؟
افضل شاعر تحب القراءة لهوتأثرت به فى كتاباتك
انسب عصر كنت تتمنى ان تعيش فيه كشاعر مشهور
---------------
أنت تهوى الحريه-اكيد نعم
وكما قلت لاتستطيع العيش دون انطلاق وبلا قيود
من وجهه نظرك
هل من حق شريك الحياه
ان يتمتع بالحريه التى تعيشها
دون اجبار ؟
اى قدر تسمح به ؟
هل انت رجل ديمقراطى طالما تقدس الحريه ؟
ارجو الصراحه والصراحه احلى
لكم تحياتى الى ان نلتقى فى اسئله اخرى
تقبل تحياتى
سؤال هل لديكم تفسيرا
للمقدمة التى خصكم بها
الاستاذ اشرف دونا عمن جلسوا
على كرسى الاعتراف قبلك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مجاملة ليس أكثر يا اخت نور
علشان يرفع معنوياتي بس
كل من كانوا علي كرسي الاعتراف قبلي
علي رأسي
و ناس رائعة بجد
و أفضل مني مليون مرة
0----------------------------------------------------------------
متى تكون جريئا ؟
عندما يتضح أمامي بوضوح شديد
لون الشعرة التي تفصل بين الجرأة
و الحماقة و التهور و الاندفاع
ممن اكتسبت هذه الجراءه ؟
لست بالجرأة التي تعتقدينها أختي العزيزة
قد تكون حماسة ليس أكثر
يكتسبها البعض من الدم الحامي
هل الجراءه مطلوبه فى كل الاوقات وبنفس الدرجة ؟
الجرأة ان لم تقترن بالحكمة
فهيهات أن يطلق البعض عليها جرأة
متى يكون الحب جنونا ؟
الحب الصادق لم يفارقه الجنون لحظة
اى انواع الشعر تفضل ؟
الشعر الذي تحتوي كلماته
علي ما يمس العقل
و حروفه علي ما يحيي القلب
افضل شاعر تحب القراءة لهوتأثرت به فى كتاباتك
قرأت للجميع و تأثرت بنفس الدرجة
انسب عصر كنت تتمنى ان تعيش فيه كشاعر مشهور
لم اتمن يوما ان اكون مشهورا
---------------
هل من حق شريك الحياه
ان يتمتع بالحريه التى تعيشها
دون اجبار ؟
من حقي و من حقي شريك الحياة
ان نتمتع بنفس القدر من الحرية
التي لا نخجل منها أمام الله يوم الحساب
هل انت رجل ديمقراطى طالما تقدس الحريه ؟
نعم
في حدود الشرع و الغيرة الطبيعية
ارجو الصراحه والصراحه احلى
لكم تحياتى الى ان نلتقى فى اسئله اخرى
تقبل تحياتى
شكرا جزيلا و تسلم ايدك
منتظر اسئلة حضرتك
السيد سليم
26-07-2009, 01:16 AM
بسم الله الرحمن الرحيم
:18:
نورت كرسى الإعتراف يا مستر شريف
:38:
هو سؤال واحد اسأله بس طويل شوية
هل تعرضت في احد الايام لموقف محرج بالفصل؟ وكيف تصرفت مع هذا الموقف؟ وهل اعتزرت لاحد التلاميذ في يوم ما؟ ولماذا؟
شمس بياض
26-07-2009, 03:01 PM
اخى السلام عليكم ورحمته وبركاته
عدت كما وعدت
سؤال هل لديكم تفسيرا
للمقدمة التى خصكم بها
الاستاذ اشرف دونا عمن جلسوا
على كرسى الاعتراف قبلك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مجاملة ليس أكثر يا اخت نور
علشان يرفع معنوياتي بس
كل من كانوا علي كرسي الاعتراف قبلي
علي رأسي
و ناس رائعة بجد
و أفضل مني مليون مرة
اجابتكم على السؤال
اثبتت ان
الاستاذ اشرف فعلا
عبقرينوووووووو
تخيل اننى لم اتوقع الاجابة عن الاسئله كما اجبت لكن كانت مفاجأه
وابداع
و
اسمح
لى بطرح بعض الاسئلة
اخى تحب الاسكندريه
ارتباطا بالمكان
ام الزمان ام الانسان
؟؟؟؟؟؟؟؟؟؟؟؟؟؟؟
اذا كان عندك ورقه فاضيه فماكثر شي تحب ترسمه عليها؟ ولماذا ؟
قطار حياتك الى اين يتجه ؟
احد علماء النفس قال ذات مرة : أنه باستطاعة الانسان العيش من دون اصدقاء فما رايك أنت ؟
ما أجمل شيء أحببته فـي المنتدى ؟
متى يعاندك النسيان ؟
متى يقسو قلبك؟
في زمن البحث عن المادة عن ماذا تبحث أنت؟
انت ليه بتكتب بخط صغير ؟؟؟
هل تعرضت في احد الايام لموقف محرج بالفصل؟
قمت من النوم الصبح مرة متأخر جدا
و كان لازم اروح المدرسة في اليوم ده
مش عارف اتوضيت و صليت و لبست ازاي
كنت نايم بغباوة
حتي بعد ما صحيت م النوم
و روحت جري ع المدرسة
و يومها كنت هتفرم فرمة لذيذة اوي من عربية نقل
بس الحمد لله
المراية بتاعة العربية زغزغت ودني بس
كنت هتباع بعدها لحمة مفرومة
بالكيلو
المهم روحت مدرسة و انا شايف كل حاجة اتنين
و دخلت الفصل
و قضيت اليوم و شرح في الفصل ده
و شرح في الفصل ده
و اليوم مشي عادي جدا
و علي الساعة واحدة تقريبا
كنت واقف بشرح
و اذا بولي امر جاي يكلمني
وقفت اتكلم معاه و انا واقف في الفصل
و طفل جميل مقطقط راحت واقعة منه الاستيكة بتاعته
و أنا بقا ببراءة الاطفال
روحت موطي علي الارض عشان اجيب الاستيكة
و اديهاله
و اذا بي وانا بوطي علي الارض
ألاقي نفسي لابس جزمة بلونين
لابس فردة سودة و فردة بني
كان شكلي وحححححححححححش
المهم مقدرتش امسك نفسي
روحت مسخسخ من الضحك
و أمة لا اله الا الله اتلمت عليا وانا بضحك
يعني فضحت نفسي بنفسي
و اذا بتلات اربع المدرسة مسخسخين علي روحهم
م الضحك
و بقا فرح
و الله صورت نفسي بالموبايل
و ادي الصورة
You can see links before reply
وهل اعتزرت لاحد التلاميذ في يوم ما؟ ولماذا؟
لا محصلش الحمد لله
كفاية الموقف اللي فوق
هههههههههه
نورت يا مستر
و قلبت عليا المواجع
ههههههههههه
اهلا بيك استاذ شريف فى كرسى الاعتراف
:18:
بما ان دى اسئلة مش عادية لا ديه اسئلة فى كرسى الاعتراف
يبقى اسأل براحتى
:7:
مش عرفة احساسى ده صح ولا
انا حاسة ان فى جزء حزين او فيه غموض فى شخصية حضرتك
رغم ان ظاهر فى كلامك انها سعيد لو ينفع تقولنا ايه اللى مخليك حزين او ايه اللى ممكن يخليك حزين فى يوم من الايام ؟؟
سؤال حلو ولا رخم ؟
:16:
دعاء شديد
26-07-2009, 08:58 PM
تخيل انك فى صالون الاعتراف
والصالون صالونك
جلست انت على اكبر كرسى اعتراف
الكرسى الذى يحظى صاحبه باكبر عدد من الاسئلة
لكن ... جنبك كراسى اعترافات صغنططة
خمس كراسى
اختار خمس ضيوف فى صالونك الاعترافى
بس ايه بما ان كراسيهم صغننه
فكل واحد هتوجهله سؤال واحد بس
:friendsxs3:
Go
اخى تحب الاسكندريه
ارتباطا بالمكان
ام الزمان ام الانسان
؟؟؟؟؟؟؟؟؟؟؟؟؟؟؟
ارتباطا بالمكزمنسان :)
ثلاثة في واحد
اذا كان عندك ورقه فاضيه فماكثر شي تحب ترسمه عليها؟ ولماذا ؟
بما اني خطاط فهكتب
و اللي هكتبه حكمة تقول :
لا داعى للخوف من صوت الرصاص .. فالرصاصة التى تقتلك لن تسمع صوتها
قطار حياتك الى اين يتجه ؟
الي الاسكندرية
هههههههههههههه
احد علماء النفس قال ذات مرة : أنه باستطاعة الانسان العيش من دون اصدقاء فما رايك أنت ؟
انا معه في رأيه
فانسان بدون اصدقاء يمكنه ان يعيش
فعلا
و لكن حياة غير سوية
عنوانها
(((حياة مريض نفسي )))
ما أجمل شيء أحببته فـي المنتدى ؟
أنتم
متى يعاندك النسيان ؟
عندما تعاندني زحمة الحياة
متى يقسو قلبك؟
عندما يقسو من في قلبي
في زمن البحث عن المادة عن ماذا تبحث أنت؟
عن المادة برضه
هههههههههههههه
انت ليه بتكتب بخط صغير ؟؟؟
طب و ليه اكتب بخط كبير؟
علي فكرة انا بكتب بخط متوسط
المعقول
بتنرفز جد من الخط الكبير اوي
و الخط الصغير اوي
بكل أمانة
أسئلتك رائعة
اهلا بيك استاذ شريف فى كرسى الاعتراف
اهلا و سهلا بالدكتور
بما ان دى اسئلة مش عادية لا ديه اسئلة فى كرسى الاعتراف
يبقى اسأل براحتى
طبعا
مش عرفة احساسى ده صح ولا
انا حاسة ان فى جزء حزين او فيه غموض فى شخصية حضرتك
رغم ان ظاهر فى كلامك انها سعيد لو ينفع تقولنا ايه اللى مخليك حزين او ايه اللى ممكن يخليك حزين فى يوم من الايام ؟؟
حزين اه
طبعا
قوليلي ايه في حياتنا مايحزنش
ده الطبيعي بتاع الشعب المصري
و عموما
انا في الغالب حزين داخليا
مرح خارجيا
ممكن تسميه تمويه
الاسباب كتير اوي
ابرزهم
العجز عن عمل شئ مهم بيخليني حزين
الحلم بشئ لا استطيع تحقيقه بيخليني حزين
سؤال حلو ولا رخم ؟
:16:
حلو طبعا و زي الفل
شكرا و تسلم ايدك
تخيل انك فى صالون الاعتراف
والصالون صالونك
جلست انت على اكبر كرسى اعتراف
الكرسى الذى يحظى صاحبه باكبر عدد من الاسئلة
لكن ... جنبك كراسى اعترافات صغنططة
خمس كراسى
اختار خمس ضيوف فى صالونك الاعترافى
بس ايه بما ان كراسيهم صغننه
فكل واحد هتوجهله سؤال واحد بس
:friendsxs3:
Go
ـــــــــــــــــــ
لا يا دعاء
مش هقدر فعلا
مافيش حد في المنتدي كله ينفع يقعد علي كرسي
صغير
كلهم ما شاء الله مقامهم عالي
انما لو غيرنا الوضع
و انا قعدت علي كرسي صغير
و هختار خمس اشخاص يقعدوا علي أشيك و اغلي الكراسي
ممكن
دي سهلة
أوعدك في المشاركات القادمة هنا في الموضوع
هختار الخمسة و اوجهلهم الاسئلة
فكرة روعة
تسلم ايدك
دعاء شديد
27-07-2009, 03:18 PM
:16: توضيح علشان متوقعناش فى الغلط
لم اقصد ان الكراسى الصغيرة ... لصغر ضيوفها
انما ... لقلة عدد الاسئلة التى ستوجه للجالسين عليها
يعنى هتوجه سؤال واحد بس لكل ضيف ... انما انت اتسألت كتير
يعنى الفرق فى عدد الاسئلة ها ... ها ... ماشى يا شريف مااااااااااااااااااشى
مسيو وليد عسكر
28-07-2009, 12:38 AM
اخي الحبيب شريف
اهلا بيك علي كرسي الاعتراف
الحمد لله النهارده اليوم الاول للنت في منزلي
وعلشان وشك حلو عليا اتحمل اسئلتي شويه
وياريت بنفس صراحتك المعهوده تنطلق وتبدع في الرد
************************************************** ********
*ايه اخبارك بعد الجواز ؟وايه تقييمك لتجربة الزواج وانت عريس جديد ؟
*نزار قباني شاعر المرأه وحافظ ابراهيم شاعر النيل واحمد شوقي اميرهم جميعا 000
يا تري انت شاعر من ؟وماهي مصادر تجاربك الشعريه ؟وهل كان لبوابة التعليم المصري دور في تطوير ثقافتك ونضجك الشعري ؟
*ماهي الجريمة التي تتمني ارتكابها ولن تندم عليها ابدا ؟
*صفعه تلقيتها وندمت لانك لم ترد الصاع صاعين ؟
*شخص تعشقه بجنون في بوابة التعليم المصري وشخص اخر لا تطيق سماع اسمه
*حلم عشته حتي هذه اللحظه واكتشفت انه سراب وكابوس تتمني ان ينتهي بسرعه
*عضوه في بوابه التعليم تمنيتها ان تكون شقيقة لك00 وعضو تمنيت ان يكون معك في نطاق العمل000
*ماهي التجربة التي تتمني تكرارها في حياتك؟وماهو اسوأ قرار اتخذته ؟
لي عوده معك ان شاء الله
:16: توضيح علشان متوقعناش فى الغلط
لم اقصد ان الكراسى الصغيرة ... لصغر ضيوفها
انما ... لقلة عدد الاسئلة التى ستوجه للجالسين عليها
يعنى هتوجه سؤال واحد بس لكل ضيف ... انما انت اتسألت كتير
يعنى الفرق فى عدد الاسئلة ها ... ها ... ماشى يا شريف مااااااااااااااااااشى
مفهوم مفهوم
واضح واضح
عادي عادي
فاهمين فاهمين
شكرا شكرا
انتي برضه معقولة يبقا قصدك كده يا دعاء
اخي الحبيب شريف
اهلا بيك علي كرسي الاعتراف
الحمد لله النهارده اليوم الاول للنت في منزلي
وعلشان وشك حلو عليا اتحمل اسئلتي شويه
وياريت بنفس صراحتك المعهوده تنطلق وتبدع في الرد
يا أهلا يا حبي
وحشتنا جدا
تسلم ايدك
************************************************** ********
*ايه اخبارك بعد الجواز ؟وايه تقييمك لتجربة الزواج وانت عريس جديد ؟
الحمد لله بمب
أخوك سبع
دبحت القطة من اول يوم
و مافيش شك ان الجواز استقرار طبعا
لكن عندما يكون الاختيار في محله
*نزار قباني شاعر المرأه وحافظ ابراهيم شاعر النيل واحمد شوقي اميرهم جميعا 000
يا تري انت شاعر من ؟وماهي مصادر تجاربك الشعريه ؟وهل كان لبوابة التعليم المصري دور في تطوير ثقافتك ونضجك الشعري ؟
كل ما استطيع قوله
انني في نظري أصغر بكثير من أن أجيب علي هذا السؤال
لم أصل بعد الي هذه المرحة و لا نصفها ولا ربعها حتي
*ماهي الجريمة التي تتمني ارتكابها ولن تندم عليها ابدا ؟
أن أسطو علي بنك فيه مليارات مسروقة من اللصوص الكبار و أقسمها
علي فقراء ويتامي و ارامل مصر
*صفعه تلقيتها وندمت لانك لم ترد الصاع صاعين ؟
موقف ما أظهرت فيه حسن النية و وثقت في شخص ما
و لكن اكتشفت أن الخسة تجري مجري الدم في عروقه
فكم وددت أن أعيد المشهد من جديد
*شخص تعشقه بجنون في بوابة التعليم المصري وشخص اخر لا تطيق سماع اسمه
شخص واحد؟ قل أشخاص
و الله العظيم أعشق بوابة التعليم بمن فيها جميعا
لا أطيق سماع اسم بعض الاعضاء الذين قاموا بدور المتجسسين لحساب الغير
و الذين أظهروا لنا حسن النية و كتموا في صدورهم ما الله به عليم
*حلم عشته حتي هذه اللحظه واكتشفت انه سراب وكابوس تتمني ان ينتهي بسرعه
لا لم يحدث
*عضوه في بوابه التعليم تمنيتها ان تكون شقيقة لك00 وعضو تمنيت ان يكون معك في نطاق العمل000
الاستاذة نعمة محمود ....و الاستاذ وليد عسكر
*ماهي التجربة التي تتمني تكرارها في حياتك؟وماهو اسوأ قرار اتخذته ؟
تجربة اتمني تكرارها ...اي رحلة معكم
اسوأ قرار .... الاشتغال بالتدريس في زمن اللاكرامة
لي عوده معك ان شاء الله
في انتظارك و تسلم ايدك
تنفيذا للاقتراح اللي اقترحته العبقرية دعاء شديد
مضطر اختار خمس اشخاص زي ما طلبت دعاء
و اسأل كل واحد منهم سؤال واحد بس
و تحقيقا للعدالة الاجتماعية
و تطبيقا لمبدأ اللي يلحق
و امعانا في المثل الشعبي اللي بيقول ((( اللي بيقدم السبت يلاقي الحد )))
هسأل أول خمسة سألوني في الموضوع ده علي كرسي الاعتراف
و بالترتيب هم مع حفظ الالقاب
اشرف السيد
دعاء
امل
ميس ماث
نعمة محمود
و هبدأ باستاذ اشرف السيد
كلمنا من فضلك عن وظيفتك الاساسية و خريج ايه و درست ايه و حاليا بتشتغل ايه؟
طيب واضح ان الاخ اشرف منفض للمنتدي
و السؤال الثاني
أوجهه لدعاء شديد
ايه أسعد لحظة في حياتك؟
ايه اجمل اسم بنت و اجمل اسم ولد بتحبيهم؟
برنامجك ايه في رحلة الفيوم ؟
mazlom
29-07-2009, 09:46 PM
ممكن ابقى اشترك معاكم ولا لازم اكون عضو من زمان ممكن حد يفهمني لانها شكلها لعبة حلوة
دعاء شديد
29-07-2009, 11:03 PM
[quote=شريف;77728]طيب واضح ان الاخ اشرف منفض للمنتدي
و السؤال الثاني
أوجهه لدعاء شديد
ايه أسعد لحظة في حياتك؟
يوم 21/5/2009 الساعة 7 صباحاً
ايه اجمل اسم بنت و اجمل اسم ولد بتحبيهم؟
نسمه "هههههههههههههههههه"
شويه جدا بقى
رولا : فى مقام بنتى واحدى صديقاتى المقربات وعملى الاسود فى الدنيا
حمادة : 8 سنين وبيغير عليا جدا
برنامجك ايه في رحلة الفيوم ؟
برنامج "ما وراء الكواليس"!!!!!!!
[quote=شريف;77728]طيب واضح ان الاخ اشرف منفض للمنتدي
و السؤال الثاني
أوجهه لدعاء شديد
ايه أسعد لحظة في حياتك؟
يوم 21/5/2009 الساعة 7 صباحاً
ايه اجمل اسم بنت و اجمل اسم ولد بتحبيهم؟
نسمه "هههههههههههههههههه"
شويه جدا بقى
رولا : فى مقام بنتى واحدى صديقاتى المقربات وعملى الاسود فى الدنيا
حمادة : 8 سنين وبيغير عليا جدا
برنامجك ايه في رحلة الفيوم ؟
برنامج "ما وراء الكواليس"!!!!!!!
ههههههههههههههههههه
شكرا علي سرعة ردك
تسلم ايدك يا باشا
السؤال الثالث الي أمل بعد اذنها
1- بتعملي ايه دلوقتي حالا ؟ ( تطفل )
2- ايه اهم حاجة عملتيها الاسبوع اللي فات ؟ ( تطفل برضه )
3- ايه اهم حاجة هتعمليها الاسبوع اللي جاي ؟ ( استمرارا في مسلسل التطفل )
امل لاشين
30-07-2009, 06:19 PM
السؤال الثالث الي أمل بعد اذنها
1- بتعملي ايه دلوقتي حالا ؟ ( تطفل )
حالا بتخانق ..مع مريم عاوزة تلعب علي النت وانا
عاوزة اكون علي المنتدي ....وبشرب شاي كمان
2- ايه اهم حاجة عملتيها الاسبوع اللي فات ؟ ( تطفل برضه )
كنت في الكورس انجليزي وكانت اخر محاضره
وقال المحاضر ذاكروا علشانfinal exam
الامتحان جاهز ..وبعد محاولات من الاقناع
اقنعته اني امتحن حالا واللي معايه قلدوني وامتحنوا كمان
وخدت الامتحان وامتحنت من غير مراجعه ...
وكده خلصت من المذاكره ومن الكورس
ومستنيه نتيجه الجنان اللي عملته..
3- ايه اهم حاجة هتعمليها الاسبوع اللي جاي ؟ ( استمرارا في مسلسل التطفل )
هسافر اسكندريه ...بعد الرحله
ولا تطفل ولا حاجه ياشريف واهلا باسئلتك في اي وقت ....
ولا تطفل ولا حاجه ياشريف واهلا باسئلتك في اي وقت ....
تسلم ايدك
يا سلام علي الروح الريااضية
عايز أقر عليكي
اسكندرية بعد الفيوم؟
ما شاء الله
اجمل بقعة علي وجه البسيطة
السؤال اللي بعده ل
ميس ماث
ياريت تتكلمي عن نفسك من أانتي؟ في فقرة لا تقل عن ثلاث اسطر من النوع الطويل
ميس صافيا
30-07-2009, 09:07 PM
السؤال اللي بعده ل
ميس ماث
ياريت تتكلمي عن نفسك من أانتي؟ في فقرة لا تقل عن ثلاث اسطر من النوع الطويل
هههههههههههههه
لازم من النوع الطويل
حاضر استاذ شريف هاحاول
انا مدرسة رياضيات اساسا من المنوفيه تعيين 2004 فى قريه صغيره جنب القناطر وساكنه فى القاهره تحديدا فى المعادى , انسانه بسيطه جدا ,حالمه وطموحه متسامحه جدا لدرجة انى كتير باضيع حقى ومش قادره اتغير للاسف ,مش اجتماعيه اوى يمكن شويه باحب العزله ,كرامتى اهم شىء عندى ,عنيده ,باحب كل شىء جميل
الميه والخضره واخيرا باحب جميع الحلويات بكل انواعها لما الرجيم مش بيجيب معايا نتيجه خالص ههههههههههههه
شكرا استاذ شريف على الاستضافه وشكرا لدكتور دعاء صاحبة الفكره
هههههههههههههه
لازم من النوع الطويل
حاضر استاذ شريف هاحاول
انا مدرسة رياضيات اساسا من المنوفيه تعيين 2004 فى قريه صغيره جنب القناطر وساكنه فى القاهره تحديدا فى المعادى , انسانه بسيطه جدا ,حالمه وطموحه متسامحه جدا لدرجة انى كتير باضيع حقى ومش قادره اتغير للاسف ,مش اجتماعيه اوى يمكن شويه باحب العزله ,كرامتى اهم شىء عندى ,عنيده ,باحب كل شىء جميل
الميه والخضره واخيرا باحب جميع الحلويات بكل انواعها لما الرجيم مش بيجيب معايا نتيجه خالص ههههههههههههه
شكرا استاذ شريف على الاستضافه وشكرا لدكتور دعاء صاحبة الفكره
تسلم كيبوردك
و شكرا جزيلا علي سرعة الاستجابة
و اتشرفنا بيكي
مع اني عن نفسي لسه برضه معرفش اسم حضرتك
لكن نورتي الصفحة و الموضوع
الف شكر
و السؤال الان
للاستاذة نعمة محمود
ماذا تتمني لعمر و حبيبة؟؟؟؟ ايه المجال اللي تحبي يتجه كل واحد منهم ليه ؟
امتا بتكون اسعد لحظات حياتك؟
و متي تشعرين انك قد حققتي كل اهدافك؟
نعمه محمود
31-07-2009, 12:01 AM
و السؤال الان
للاستاذة نعمة محمود
ماذا تتمني لعمر و حبيبة؟؟؟؟ ايه المجال اللي تحبي يتجه كل واحد منهم ليه ؟
مش انا اللي بحب المهم هما عاوزين ايه
عمر نفسه يكون مهندس الكترونيات ويقدر يخترع حاجة
حبيبة بتقول انها دكتورة بس شكلها ميديش اخرها مرشدة سياحية
امتا بتكون اسعد لحظات حياتك؟
اللي بشوف فيها نظرة حب ورضا من امى وزوجى واولادى
وقبلهم كلهم كان والدى الله يرحمه
و متي تشعرين انك قد حققتي كل اهدافك؟
قصدك متى ستشعرين؟؟؟؟
طبعا لما احقق كل اهدافي
ميرسي ياشريف انك استضافتنى وسمحت لى بالاعتراف
ميرسي ياشريف انك استضافتنى وسمحت لى بالاعتراف
و ميرسي جزيلا ليكي علي سرعة الرد
في مديرين موقع سألتهم من عشر سنين و لا ردوا لحد دلوقتي
هههههههههههه
ميس سوزان
05-11-2009, 05:11 AM
جميل يا استاذ شريف
الاسئلة والاجابات دى
تسلم الايادى
عايزة اسألك اى حاجة بس مش عارفة
............
اه
لو كان عندك هدف او حلم وعايز تحققه ومعرفتش بتعمل ايه؟ بتستسلم ولا بتفضل تحاول تحاول لحد ما تحققه ؟ وايه الشعور اللى بيبقى مسيطر عليك ساعتها ؟ خوف ، قلق ، تفاؤل ،،،،،،،
وقولنا زى ايه اذا امكن
تحـــــــــــ:18::27:ـــــــــــــــياتى
اه
لو كان عندك هدف او حلم وعايز تحققه ومعرفتش بتعمل ايه؟ بتستسلم ولا بتفضل تحاول تحاول لحد ما تحققه ؟ وايه الشعور اللى بيبقى مسيطر عليك ساعتها ؟ خوف ، قلق ، تفاؤل ،،،،،،،
وقولنا زى ايه اذا امكن
ربنا يعزك يا ميس سوزان
منورة الدنيا و المنتدي و كل مكان
شكرا علي اهتمامك و تشريفك
لو عندي هدف معرفتش احققه بفضل وراه طبعا في اغلب الاحوال
و بشوف طرق تانية تخليني اعرف اوصل له
الا لو كان شئ انا متاكد انه مستحيل تنفيذه
و الشعور ساعتها بيكون رغبة في التحدي كبيرة
mr.osama
05-12-2009, 10:07 PM
معلش بقى مستر شريف .. تسمحلي أخنقك أنا بقى بالأسئلة .. معلش تسمح لي أحرجك بس من غير زعل:
* أعترف .. أفصح .. أجب بصراحة وبدون فلسفة
تحدثت عن الزواج والحب وقلت الآتي:
* سكن و استقرار ....و لكن اذا اخترت بشكل صحيح
* و مافيش شك ان الجواز استقرار طبعا .. لكن عندما يكون الاختيار في محله
سؤالي: هل اختيارك لشريكة حياتك جاء تقليدياً أم بعد قصة حب؟ وأيهما تفضل؟ ويا ترى ما رأيك في الزواج الآن بعد مرور فترة على زواجك؟
==========================================
* ضيعت وقت كتير و طول عمري بكتب شروط علشان اخد القرار ده لكن الموضوع مش بالشروط و الحسابات نهائي ارتباط يحكمه الحب و التفاهم أفضل من مليون عقد اتفاق و امضا و ختم نسر
* لا محصلش نهائي لأني مش من النوع اللي يقبل الشروط اللي من النوعية دي حتي لو كانت السفيرة عزيزة أجيب اللي انا عايزه بمزاجي محدش يمليني أجيب ايه في بيتي
و الحمد لله أهل العروسة عارفني كويس و بيعاملوني بالطريقة اللي أحب أتعامل بيها
ما يجبش معانا الكلام ده دانا لبط
* فعلا لو ده كان حصل مكنتش الجوازة هتتم البنات كتير ما شاء الله
* وبرضه لو دا كان حصل معاك بشكل يضايقك كان ايه تاثيره على علاقتك بزوجتك اللى كانت لسه خطيبتك ساعتها ؟
هخلع طبعا مش طالبة خالص اساسا
* لا والله أبدا أنا انسان مختلف شوية مش غرور و لا حاجة لا سمح الله و لكن لان اللي حواليا يعرفوني كويس اني قمة التواضع الحمد لله و التفاني في اسعاد الاخرين و لكن بمزاجي فلم يمل أحد علي شريف شروطه اذا لم أفعل الشئ من نفسي فلا أشعر بقيمته
واذن سأشعر أنني مجبر علي عمل شئ فتجدني قد انسحبت فورا و بهدوء شديد فالحمد لله هذا كله لم يحدث لأنهم بيشتروا راجل
سؤالي: هل تعرف المبلغ الذي وقعت عليه في قايمة الزواج أم لم تهتم بذلك الأمر ..؟
وهل موقفك مرتبط بشخصيتك أم كان سيتغير إذا ما كان الزواج ممن تحب وأنه إذا لم توقع على القايمة حتى وأن كان مبالغ فيها كانت ستنتهي؟ يعني إذا ما كنت وضعت في ذلك الموقف هل كان الحب أهم أم قيمة قايمه الزواج؟ أم الأمر قابل للمناقشة والخلاف؟
=============================================
* متى يكون الحب جنونا ؟
الحب الصادق لم يفارقه الجنون لحظة
سؤالي: هل من جنون الحب التضحية؟ وبماذا؟
=============================================
* ولانك شاعر حصل معاك او رايت ان ممكن يحصل انك تحب شخص بجنون وانت
تعلم انك له لن تكون ؟؟؟؟؟؟؟؟
You can see links before replyطبعاYou can see links before reply
سؤالي: هل حدث ذلك؟ إذا كانت الاجابة بنعم .. فمتى؟ وما المانع؟ وهل هذا سر لا تستطيع البوح به لأحد؟
وإذا كانت اجابتك لا .. فبماذا تفسر اجابتك بطبعاً؟
=============================================
وتحدثت عن الحرية والتدريس وقلت الآتي:
* اذا مكنتش مدرس ... كنت عايز تبقى ايه؟
أي مكان ابقا فيه حر طليق بعيد عن الروتين و اللوائح و القوانين
* ((((كيف ترى التربية والتعليم؟))))
في مصر أري التربية و التعليم سفينة تغرق في عرض البحر قبالة سواحل برمودا
تنادي منذ ستين عاما أن أنقذوني و أهلها يحتضرون و يموتون في اليوم الواحد ألف مرة
* اسوأ قرار .... الاشتغال بالتدريس في زمن اللاكرامة
سؤالي: ما معنى الحرية من وجهه نظرك؟ وهل تتمتع بالحرية؟ إذا كانت الاجابة بلا فما هي القيود التي تمنعك من التمتع بها؟
لماذا تستمر في مهنة لا تحبها؟ وهل إذا ما واتتك الفرصة بعمل آخر تحبه ولكن بمرتب أقل .. هل ستقبل؟ وما هو؟ ويا ريت تأخذ Copy من اجابتك على هذا السؤال وتضعها في هذا الموضوع وتجاوب على الاسئلة الموجودة به؟
You can see links before reply
=============================================
وتحدثت عن الشعر وقلت الآتي:
* بستمتع أكتر و انا بكتب مع نفسي
و لاني كمان ماوصلتش للمرحلة دي
و لان الحياة واخده الواحد في طريق تاني
و ليس كل ما يتمناه المرء .......
سؤالي: هل معنى كلامك الاستسلام للواقع؟ وماذا كنت تتمنى ولم تدركه؟
=============================================
وتحدثت عن علم النفس وقلت الآتي:
* ليه بتميل لتحليل الشخصيات ومعرفه اسرارها ؟؟؟؟وايه هدفك من كده ؟؟؟
و الله أبدا ...و المصحف ما انا :006et4: بدون تخطيط يمكن علشان عاطفي شوية و القلب عندي بيغلب دايما العقل و بميل لمعرفة الناس من عيونهم و بما اني مش شايفكوا فمن خلال الحوار بركز علي الشعور و الشخصية والهدف نقرب من بعض و نتواصل اكتر طبعا.
* ولما بتقابل حاله نفسيه بتاثر فيك..... بتعمل ايه؟؟؟؟وبتساعدها ازاي ؟؟؟؟
أنا مش دكتور نفساني أوي للدرجاتي دنا غلبااااااااااااااان
* ايه التجربه اللي عشتها وندمت انك عشتها مع انك كنت عاوز تعيشها ؟؟؟
هيا مش تجربة واحدة ممكن تكون اكتر من تجربة لأني للأسف بتصرف بطبيعتي و بمشاعري و مافكرش كتير في النتايج علي حسب ما يمليه عليا قلبي و بالتالي تجارب كتير ممكن أكون حسيت بعدها أني كنت مخطئ لكن في النهاية مافيش خطوة بيخطوها الانسان سواء صح أو غلط إلا و بتأثر في مشوار حياته و بتضيف له رصيد تجارب و خبرة و بتعرفه الدنيا ماشية ازاي و لازم نعرف الغلط علشان نعرف معني الصح
و في النهاية انا مستفيد خبرة و معرفة حتي من التجارب الخاطئة
* ((((ايه رأيك فى الاختبارات النفسية؟))))
سؤالي: هل تعرضت لموقف غلبت فيه العاطفة العقل؟ وما هو؟ وهل ندمت على ذلك؟ وياريت تجاوب على السؤال الثاني الخاص بالتجربة التي عشتها وندمت .....؟ ولماذا لم تجاوب على السؤال الأخير الخاص بالاختبارات النفسية؟
==============================================
سؤالي: ماذا تتوقع أن أسئلك في أقوالك الآتية؟
الاطفال : نعمة و نقمة وولاد كلب جابولي صداع
انسان يهوي الحب و يحب الهوي
انسان يحلم بالمدينة الفاضلة في زمن انتحر فيه أفلاطون !
نفسي لما نبدأ حوار في موضوع ما ينتهيش
علشان كل عضو اتعود يكتب مشاركة واحدة في الموضوع الواحد و يجري
نفسي نتواصل
نفسي نعرف مشاكل بعض و نقف جنب بعض و نعالجها
*صفعه تلقيتها وندمت لانك لم ترد الصاع صاعين ؟
موقف ما أظهرت فيه حسن النية و وثقت في شخص ما
و لكن اكتشفت أن الخسة تجري مجري الدم في عروقه
فكم وددت أن أعيد المشهد من جديد
العجز عن عمل شئ مهم بيخليني حزين
الحلم بشئ لا استطيع تحقيقه بيخليني حزين
شمس بياض
05-12-2009, 11:07 PM
يالهوووووووووووووووى
يااااااااااااااااااااااخراشىىىىىىىىىى
الله يكون فى العون ياخوووى شريف
دا انتقام
بس انت نمر قدها وكدود
انت وقعت مع واحد صريح جدا و جرئ جدا يا مستر اسامة اسال ولا يهمك
سؤالي: هل اختيارك لشريكة حياتك جاء تقليدياً أم بعد قصة حب؟ وأيهما تفضل؟ ويا ترى ما رأيك في الزواج الآن بعد مرور فترة على زواجك؟
المفاجأة يا مستر أسامة ان زواجي غلب عليه العقل أكثر من العاطفة و لكني لا انكر وجود العاطفة
لكن انا دايما كان ليا مواصفات معينة لاقيتها في زوجتي حرفيا
اتقابلنا في تدريب لانها هيا كمان مدرسة انجليزي و كان تدريب بصفة يومية لمدة اسبوعين
و منذ اليوم الاول و في اول لحظة شوفتها فيها ... حسيت بنوع غريب من الألفة
و ما شاء الله بعد ما سمعتها طول فترة التدريب و هيا بتتكلم بالانجلش و بتناقش و بتجادل بصورة عقلانية جدا
و بكلام مقنع ... مع اني كنت اكتر واحد بجادلها و بنختلف كثيرا في التدريب الا اني حسيت ان عقلها راجح جدا و يوزن بلد ...و ده اهم شئ بيلفت انتباهي في اي انثي .... بعد الانوثة طبعا
وطبعا بفضل قصة الحب عن الزواج التقليدي
اما بالنسبة لرايي الان في الزواج بعد مرور خمسة اشهر
فبقول ان ربنا سبحان الله انعم عليا بنعمة لن استطيع ان اؤدي شكرها
فهي زوجة فوق الوصف في كل شئ و كأن امي دعت لي
فضلا عن ان حماتي انسانة كالملاك صعيدية اصيلة ... علمت بنتها يعني ايه حق الزوج و يعني ايه المودة و الرحمة
و يعني ايه تقديس الرجل الحمد لله
==========================================
سؤالي: هل تعرف المبلغ الذي وقعت عليه في قايمة الزواج أم لم تهتم بذلك الأمر ..؟
وهل موقفك مرتبط بشخصيتك أم كان سيتغير إذا ما كان الزواج ممن تحب وأنه إذا لم توقع على القايمة حتى وأن كان مبالغ فيها كانت ستنتهي؟ يعني إذا ما كنت وضعت في ذلك الموقف هل كان الحب أهم أم قيمة قايمه الزواج؟ أم الأمر قابل للمناقشة والخلاف؟
=============================================
قلت لحضرتك ان الناس اللي انا ناسبتهم
سبحان الله خلوني لا افكر في اي شئ من الحاجت دي اطلاقا و عملت كل حاجة بحب و بمزاجي برضه و يمكن انا اللي عرضت كمان اكتر من المطلوب تخيل؟
و زي ما قولت قبل كده... لو لاقيت تعنت من البداية كنت هنسحب فورا
سؤالي: هل من جنون الحب التضحية؟ وبماذا؟
طبعا .... التضحية هي الاصل في الحب و علامة عليه ... التضحية بالوقت و بالجهد و بالسعادة الشخصية و بالايثار و بتفضيل مصلحة الطرف الاخر
=============================================
* ولانك شاعر حصل معاك او رايت ان ممكن يحصل انك تحب شخص بجنون وانت
تعلم انك له لن تكون ؟؟؟؟؟؟؟؟
You can see links before replyطبعاYou can see links before reply
سؤالي: هل حدث ذلك؟ إذا كانت الاجابة بنعم .. فمتى؟ وما المانع؟ وهل هذا سر لا تستطيع البوح به لأحد؟
وإذا كانت اجابتك لا .. فبماذا تفسر اجابتك بطبعاً؟
حدث بالفعل ان احببت و بجنون ... و للاسف لم استطع وقتها ان اضحي بشئ من اجل هذا الحب
لان الوقت الذي كانت تنفع فيه التضحية كان قد انتهي بالفعل ...و دي اقدار بقا ... ظروف ما احيانا تمنعك عن ان يستمر حبك....خارجة عن ارادتك ولا تقل لي انه لم يكن حبا
لا بل حب و بجنون و لكن يد القدر أقوي من كل الايادي
باقي الاجابات تباعا عشان اسئلة كتير
سؤالي: ما معنى الحرية من وجهه نظرك؟ وهل تتمتع بالحرية؟ إذا كانت الاجابة بلا فما هي القيود التي تمنعك من التمتع بها؟
لماذا تستمر في مهنة لا تحبها؟ وهل إذا ما واتتك الفرصة بعمل آخر تحبه ولكن بمرتب أقل .. هل ستقبل؟ وما هو؟ ويا ريت تأخذ Copy من اجابتك على هذا السؤال وتضعها في هذا الموضوع وتجاوب على الاسئلة الموجودة به؟
الحرية أن أفعل ما أريد في اطار الشرع و العرف و دون أن أؤذي نفسي أو غيري
نعم الحمد لله أتمتع بها فأنا انسان بالغ عاقل ما الذي يمنعني من التمتع بها؟
التدريس مهنة اعشقها يا مستر اسامة و لكن ما قلته انها في زمن أهين فيه المعلم المصري...بمرتب اقل لن اقبل لانك عارف ظروف المعيشة و لنكن واقعيين
سؤالي: هل معنى كلامك الاستسلام للواقع؟ وماذا كنت تتمنى ولم تدركه؟
للاسف نعم ... استسلمت للواقع و ظروف الحياة المادية و هذا اجبار و ليس اختيار
فان لم استسلم كنت ساضحي باشياء اخري كثيرة منها الاستقرار و الزواج قبل الثلاثين و تكوين اسرة .... كنت اتمني ان اصبح كاتبا او شاعرا معروفا او صحفيا ... كلمتي هي سلاحي
=============================================
سؤالي: هل تعرضت لموقف غلبت فيه العاطفة العقل؟ وما هو؟ وهل ندمت على ذلك؟ وياريت تجاوب على السؤال الثاني الخاص بالتجربة التي عشتها وندمت .....؟ ولماذا لم تجاوب على السؤال الأخير الخاص بالاختبارات النفسية؟
يوووووووووه كتير
دايما العاطفة عندي تغلب علي العقل عشان كده حقي ضايع
يعني ممكن اتنازل عن حقي في سبيل مدرس جديد مثلا غلبان لسه جاي المدرسة
احيانا اندم عندما تدمر العاطفة الزائدة حياتي و احيانا اشعر بكل فخر و انا احس بالاخرين و اراعيهم
هجاوب حاضر بس سيبها للاخر دي
لا التوقعات دي صعبة اوي
هات ما عندك
انا في الحالة دي عايزني اتوقع كمان
ههههههههههه
اسئلتك مركبة و كذا سؤال في بعض و قوية جدا اعترف
و شخصية جدا في بعض الاحيان
لكن رائعة جدا يا مستر اسامة و في الجون
و لا تصدر الا من شخص بقوتك و قدرك
تسلم ايدك وانا معاك للاخر
==============================================
mr.osama
05-12-2009, 11:49 PM
يالهوووووووووووووووى
يااااااااااااااااااااااخراشىىىىىىىىىى
الله يكون فى العون ياخوووى شريف
دا انتقام
بس انت نمر قدها وكدود
لا تعليق ..
mr.osama
05-12-2009, 11:59 PM
انت وقعت مع واحد صريح جدا و جرئ جدا يا مستر اسامة اسال ولا يهمك
لا التوقعات دي صعبة اوي
هات ما عندك
انا في الحالة دي عايزني اتوقع كمان
ههههههههههه
اسئلتك مركبة و كذا سؤال في بعض و قوية جدا اعترف
و شخصية جدا في بعض الاحيان
لكن رائعة جدا يا مستر اسامة و في الجون
و لا تصدر الا من شخص بقوتك و قدرك
تسلم ايدك وانا معاك للاخر
أحييك مستر شريف على
صراحتك المتناهية وجرأتك وصدقك ..
واتفق معك في معظم الآراء والمواقف التي تحدثت عنها ..
وأعجبني تقبلك لتلك الاسئلة بصدر رحب وبشجاعة ..
وأعتز برأيك .. وللحديث بقيه أن شاء الله ..
ومنتظر توقعاتك لأني بصراحة عاوزك أنت
اللي تعبر وتعلق على كلامك في الفقرة الأخيرة ..
Powered by vBulletin® Version 4.2.2 Copyright © 2024 vBulletin Solutions, Inc. All rights reserved, TranZ by Almuhajir