المساعد الشخصي الرقمي

مشاهدة النسخة كاملة : حوار خاص جدا مع الطالب عبد الرحمن عبد السلام الفاائز بالمركز الاول


نداء الجنة
21-07-2009, 12:10 AM
السلام عليكم ورحمة الله وبركاته
جئت اليكم بمفاجأة ستسركم إن شاء الله
شخصية كلنا جميعا شغوفين للتعرف عليها
شخصية خلوقة متفوقة كان لى الشرف بالتعرف عليها
الطالب الفائز بجائزة الموبايل والمقدمة من المهندس عبد العظيم
الطالب / عبد الرحمن عبد السلام طه


You can see links before reply
قمت بالاتصال به تليفونيا لتهنئته وتحدثت معه وكان لى شرف
التحدث مع والدته التى تعد بحق أما مثالية
حنونه بسيطة أصيلة أحسست وانا أتحدث معها وكأنها أمى
أكرمها الله وبارك لها ورزقها الجنة


الان أترككم للتعرف أكثر على تلك الشخصية الخلوقة والتى تعد بحق
صورة مشرفة للطالب المصرى


ممكن تعرفنا بنفسك

الاسم خماسى :
عبد الرحمن عبد السلام طه أبو النجا الجزار
محل الاقامة : قرية برما – طنطا – محافظة الغربية
طالب بالثانوى العام ( قسم علمى رياضة )


ترتيبك بين أخواتك ؟
الخامس من اصل ستة
بس بلاش ستة واحد ديه


ليه انت زملكاوى ؟
الحمد لله


كلمنى عن اخواتك ؟
نبدأ من الأصغر للأكبر
أختى الصغيرة- السادسة
داخلة أولى ثانوى
مدمنة كونان: و مثقفة أكتر منى
ذكية و لكن هتبقى أذكى إن شاء الله
هى اللى هتسد الفراغ فى العيلة ده
الرابعة د/ايمان
كلية صيدلة
إن شاء الله رايحة البكالوريوس السنة دى
الثالثة د/منى
اللى مأجلة عشانى و إن شاء الله رايحة 6 طب
و طبعًا من الدحيحة اللى بيرتبوا على الدفعه علطول
الثانى أخويا محمد
الفتى الأسطورة كان عبقرى و ما زال
بس ظلمه التنسيق و دخل علوم
و هو خلص و معاه بكالريوس
بيدور على شغل ربنا يكرمه


الأولى د/ فاطمة
دوكتورة فى التكليف جايبه امتياز مع مرتبة الشرف
و مرتبه على الدفعة
و احتمال ربنا يكرمها و تبقى نايبة جامعة
كم ساعه تقريبا للمذاكرة والتحصيل ؟
انا كنت بذاكر بشكل بسيط ومش كنت متقيد بعدد ساعات معينة
لانى ملكة الفهم عندى عاليه أكثر من الحفظ
ولهذا السبب نقصت فقط هذا العام فى العربى والانجليزى


من مثلك الأعلى فى حياتك ؟
الرسول صلى الله عليه وسلم


اوصف لى شعورك ليلة النتيجة ؟
و الله و أنا جاى
لقيت اللى طالع من البلكونة: تعالى تعالى النتيجة ظهرت
هاه جبت كام عملت ايه
تعالى بس )مع علامة كده (
و المهم أختى الصغيرة هى اللى جبيتها


معلم أثر فى حياتك ولم تنساه إلى الأن ؟
معلم معنوى ( عن طريق النت )
الاستاذ أسامة عز – معلم لغة عربية وله منتدى خاص به تعلمت منه الكثير واستفدت منه
معلم فعلى أستاذى فى الابتدائى عونى خليفة اللى حببنى فى العلم صراحة و ما نساش أستاذى عبدالغفار عمى اللى الحمد لله بعد فضل ربنا كان ليه فضل إن أجيب نهائيات فى كل امتحانات الرياضة السنة دى


ماالسبب فى حبك للرياضيات – هل شخصية معلمك أم طريقته فى التدريس ؟
الاثنين معا (بحبها أساسًا طول عمرى)


احكى لنا عن طفولتك ؟
كنت الحمد لله مدلع فى نظر اخواتى : بس كنت متخلف دراسيًا
شاطر فى حاجة واحدة الرياضيات
و كان بيعتبرونى المدرسين احم فاشل العيلة ده
بس كنت بلعب أتارى كتير
مش ماريو طبعًا ده لعبة مكنتش بحبها
طفولتى كنت عايش فى السعودية : مولود هناك كمان
: و كنا بنيجى فى الأجازات طبعًا مكنتش أعرف حد من مصر
أساسًا كنت صغير و فى السعودية كانوا الجيران هم اللى بيهزروا معانا
ولادهم طبعًا
و كنت بحب ألعب فى الكهربائيات
: أول حياتى قولت عايز ابقى دكتور
لكن بعدها بفترة قصيرة
كرهت الطب و الدكاترة
و بقيت من الابتدائى بشمهندس
: بشمهندس كهرباء
و بعد ما كبرت اتوسعت بقى
مش بصلح كهربا بس
و بقيت بحب الرياضة
و بقت الهندسات كلها واحدة فى نظرى


اى الالعاب كنت تفضلها ؟
ذكاء سرعة بديهة كل حاجة تقريبًا
كنت افتكر مرة شريط لعبة مع
: أصحابى سنتين
مش عارفين يعدوا مستوى
أدهونى يوم
عديت المستوى و مستويات بعده كتير لعبة عربيات
كانت العربية بتتحول طيارة فى الآخر
على فكرة أختى مولودة بعدى سنتين
: و اتكلمت قبلى و يمكن ده سبب من الأسباب انهم أخرونى سنة
و ما بدأتش دراسة فى السعودية


موقف طريف لك فى الطفولة ولم تنساه الى الان ؟
بما انى كنت متأخر عن حضور المدرسة فيه
مدرس حاول يخلينى أجى المدرسة بدرى
حطنى فى الإذاعة المدرسية
و طبعًا قولتله هاجى 7 إلا ربع
لأ سبعة إلا تلت لأ سبعة إلا نص: الفصل كله ضحك المهم روحت المدرسة الحصة التانية


علمت أن والدك متوفى ووالدتك هى من تولت رعايتك
ممكن تحكى لنا عن ست الحبايب ؟
أمى لا يوجد مثلها اثنين انا تفوقت ببركة دعائها ليا
مش عارف أبدأ منين أمى من عيلة جنه
يا رب يدخلنا كلنا الجنه بتشتغل فى الداخلية
مدير عام و رغم كده
أمى كانت قاعدة فى البيت و احنا فى السعودية
ما بتشتغلش و تركت عملها
عشان تربينو لما جات هنا اشتغلت بقى عشان تربيينا
و بتقوم بشغل البيت برده أصلى اخواتى دكاترة مش فاضيين
أمى دى مفيش زيها اتنين هى اللى بتعانى منى و من أخواتى
مرة كنت بطلع فى الشتا علطول: مع أنى عندى حساسية
طبعًا زعقتلى و قالت لو عييت مش هتعبرنى: عييت و كان عندى امتحان
سهرت جنبى طول الليل
: أصلى مكنتش نمت: و هى مكنتش بتسهر
: و طبعًا بقعد على النت كتير
: تيجى تشيل الفيشة و تقولى قوم نام
هى سبب تفوقى من غيرها مكنتش هوصل للمكانة دى


كلمة تحب تقولها لوالدتك ؟
ربنا يعطيكى طولة العمر وتحجى معايا ان شاء الله


كلمة توجهها لاخواتك ؟
ربنا يخليكم ليا ويجازيكم كل خير على اللى عملتوه معايا


كلمة توجهها لزملائك وطلاب الثاوية العامة ؟
خد الأمور ببساطة و ربنا كون قريب منه ،يكون معاك ربنا


ما دعائك الثابت دبر كل صلاة ؟
الحمد لله وربنا يوفق الجميع


هل كنت تتوقع مجموعك هذا أم اكثر منه ؟
لا داعى للتوقعات الحقيقة هى التى تتحدث فى عالمنا
و الحمد لله على كل حال


فى النهاية أوجه خالص تحياتى وتقديرى
للطالب عبد الرحمن عبد السلام
وأهنئنه بفوزه بجائزة الموبايل
وايضا بتكريمه لانه من الأوائل على قطاع
محافظة الغربية
وخالص تحياتى واحترامى لوالدته الكريمة
الحبيبه الغالية بارك الله فيك اماه
وايضا ابارك واهنىء اخوته الافاضل
أيضا اشكر المهندس عبد العظيم لإتاحته
وتيسيره للتواصل مع عبد الرحمن ومشاركته
وايضا اشكر الاستاذ طارق
واتمنى من الله عز وجل أن يوفق جميع الطلاب لما فيه الخير والصلاح ان شاء الله


اتمنى ان اكون وفقت فى الموضوع
فى امان الله
MR.LoneLy
21-07-2009, 12:22 AM
الف الف مبروك يا عبد الرحمن

ربنا يكتر من امثالك و يوفقك في حياتك ان شاء الله
باسم ابو المجد
21-07-2009, 12:23 AM
حوار اكثر من رائع اخت نداء بارك الله لكى .. ومبروووك للطالب الخلوق عبد الرحمن طه وشكرا للاستاذ عبد العظيم
طارق ممدوح ذكي محمد
21-07-2009, 12:25 AM
حوار ممتاز وممتع استاذة رانيا

اكرمك الله وبارك لك

:27:
ِ
MohammeD el_SadaT
21-07-2009, 12:28 AM
تسلم إيدك ميس رنيا بجد مش قادر أوصفلك أنا إستمتعت أد إيه وأنا بقرأ لقاء حضرتك الشيق ده
بالمناسبه أنا ناسى من ساعتها أقول إن أول قطاع الغربيه عندنا من البلد من عندنا وهو ناقص واحد من عشره وكان هيطلع من العشره الأوائل على الجمهوريه
من قريتى
البندره مركز السنطه الغربيه
إسمه
مرتضى منصور
ميس صافيا
21-07-2009, 12:30 AM
ما شاء الله واضح انه من عيله اساسا متفوقه
ربنا يوفقك يا عبدالرحمن
وشكرا ليكى نداء الجنه
كريم ماضي
21-07-2009, 12:32 AM
مشاء الله حقا يستحق الجميع ان ينبهر بهاذا الطالب الخلوق وهذه الام المثاليه اللهم لا حسد والف مبروك وجزاكم الله كل خير
كريم ماضي
21-07-2009, 12:37 AM
إسمه
مرتضى منصور


ايه ياسادات الاسم صحيح ولا
الاستاذة
21-07-2009, 12:46 AM
حوار رائع فعلا استاذة رانيا

والف الف مبروكـــــ لعبد الرحمن
محمد بن عباس
21-07-2009, 12:47 AM
ألف مبروك لعبد الرحمن وما شاء الله الاستاذة رانيا انفراد رائع ولازم تشرفينى وتعملى معى بقسم الاخبار إيه رأيك
zizo2_2
21-07-2009, 12:50 AM
:27::27::27::27::27::27::27:


احترام وتقدير لعبد الرحمن واسرته

وايضا يا استاذة رانيا حينما تحدثت مع والدته شعرت بكل فخر واعتزاز انسانة بسيط ام رائعة ام مثالية اسرة ربنا يبارك فيها


واشكرك استاذة رانيا على هذا الحوار الرائع
MohammeD el_SadaT
21-07-2009, 12:51 AM
إسمه
مرتضى منصور


ايه ياسادات الاسم صحيح ولا


والله يا حبى أنا بسمعه بيندهو له مرتضى لكن أخوه بيقول راضى
الله وأعلم بس غالباً راضى
عمتاً بالكره بالكتير هجبلك الإسم كامل ورقم الجلوس وكل حاجه عنه أخوه زميلى وقاعد معايا ليل نهار والمفروض إنه كان هيجيلى النهاره عشان الرغبات لكن مش عارف مش جه ليه شكله راح يحطها من حته تانيه
كريم ماضي
21-07-2009, 12:59 AM
والله يا حبى أنا بسمعه بيندهو له مرتضى لكن أخوه بيقول راضى
الله وأعلم بس غالباً راضى
عمتاً بالكره بالكتير هجبلك الإسم كامل ورقم الجلوس وكل حاجه عنه أخوه زميلى وقاعد معايا ليل نهار والمفروض إنه كان هيجيلى النهاره عشان الرغبات لكن مش عارف مش جه ليه شكله راح يحطها من حته تانيه



خلاص ياغالي اصل الراجل زمالكاوي افتكرك دخلت في الكوره اسف علي الازعاج:18:
abdelRhman772007
21-07-2009, 01:00 AM
الف الف مبروك يا عبد الرحمن

ربنا يكتر من امثالك و يوفقك في حياتك ان شاء الله


الله يبارك فى حضرتك ، و يكثر من آمثالك أيضًا ، و يوفقك آخرة و دنيا


حوار اكثر من رائع اخت نداء بارك الله لكى .. ومبروووك للطالب الخلوق عبد الرحمن طه وشكرا للاستاذ عبد العظيم


الله يبارك فى حضرتك





حوار ممتاز وممتع استاذة رانيا

اكرمك الله وبارك لك

:27:
ِ


الله يبارك فى حضرتك



تسلم إيدك ميس رنيا بجد مش قادر أوصفلك أنا إستمتعت أد إيه وأنا بقرأ لقاء حضرتك الشيق ده
بالمناسبه أنا ناسى من ساعتها أقول إن أول قطاع الغربيه عندنا من البلد من عندنا وهو ناقص واحد من عشره وكان هيطلع من العشره الأوائل على الجمهوريه
من قريتى
البندره مركز السنطه الغربيه
إسمه
مرتضى منصور



على فكرة أنت ما بركتليش أنا زعلان منك ^_^ و يا ريت تعرفنى على مرتضى منصور ^_^ بقى كده ماشى شكلك أهلاوى



ما شاء الله واضح انه من عيله اساسا متفوقه
ربنا يوفقك يا عبدالرحمن
وشكرا ليكى نداء الجنه


ربنا يوفق حضرتك آخرة ودنيا



مشاء الله حقا يستحق الجميع ان ينبهر بهاذا الطالب الخلوق وهذه الام المثاليه اللهم لا حسد والف مبروك وجزاكم الله كل خير


الله يخليك على ذوق حضرتك البالغ ، الله يبارك فى حضرتك ، جزانا و إياكم



إسمه
مرتضى منصور


ايه ياسادات الاسم صحيح ولا



^_^




حوار رائع فعلا استاذة رانيا

والف الف مبروكـــــ لعبد الرحمن


الله يبارك فى حضرتك


ألف مبروك لعبد الرحمن وما شاء الله الاستاذة رانيا انفراد رائع ولازم تشرفينى وتعملى معى بقسم الاخبار إيه رأيك



الله يبارك فى حضرتك
abdelRhman772007
21-07-2009, 01:07 AM
:27::27::27::27::27::27::27:


احترام وتقدير لعبد الرحمن واسرته

وايضا يا استاذة رانيا حينما تحدثت مع والدته شعرت بكل فخر واعتزاز انسانة بسيط ام رائعة ام مثالية اسرة ربنا يبارك فيها


واشكرك استاذة رانيا على هذا الحوار الرائع


بل احترامى و تقديرى لشخصك الكريم
و أستاذة رانيا بكل أمانة فرحت بمعرفتكم أكتر و ربنا يخلى أمى ليا إن شاء الله
MohammeD el_SadaT
21-07-2009, 01:15 AM
على فكرة أنت ما بركتليش أنا زعلان منك ^_^ و يا ريت تعرفنى على مرتضى منصور ^_^ بقى كده ماشى شكلك أهلاوى



حكايه إنى مش بركتلك دى ياحبى فبجد سقطت منى لكن أنا قولت إنى إستمتعت بالقراءه
وباركتلك فى موضوع تانى

تانى حاجه إنت عارف كويس إن من قبل ما أعرف حتى إن الكلام ده كله عليك إنت
أبديت إعجابى بإسلوبك وبطرقتك الجميله فى الكلام

أما ليه بقه أنا كنت مستبعد إنه يطلع إنت رغم إن الشك كان واخدنى ليك
السبب بسيط جدااً


و لكن المدنى فى طنطا و لا أحب الدراسة فى طنطا (بلد الأونطا ^_^ )
وده يا سيدى خلانى قولت إنك مش من طنطا خالص
أنا من ساعتها نفسى أعرف مين عبدالرحمن بس محروج أسأل

عمتاً كده زياده الخير خيرين وكويس إنك طلعت طنطاوى وللتك وحسابك معايا عسير
على الجمله اللى إنت قولتها

وياسيدى بما إنى نسيت أقول مبروك فى الموضوع
يبقى إيه رأيك أنا إحتمال كبير أتقابل أنا وواحد بردو من طنطا أسمه محمود طه هبقى أقولك هو مين بعدين على الخاص بقه دا طبعاً بعد ما هاخد إيميلك
إيه رأيك تنورنا
ونتقابل سوى
abdelRhman772007
21-07-2009, 01:20 AM
حكايه إنى مش بركتلك دى ياحبى فبجد سقطت منى لكن أنا قولت إنى إستمتعت بالقراءه
وباركتلك فى موضوع تانى

تانى حاجه إنت عارف كويس إن من قبل ما أعرف حتى إن الكلام ده كله عليك إنت
أبديت إعجابى بإسلوبك وبطرقتك الجميله فى الكلام

أما ليه بقه أنا كنت مستبعد إنه يطلع إنت رغم إن الشك كان واخدنى ليك
السبب بسيط جدااً

وده يا سيدى خلانى قولت إنك مش من طنطا خالص
أنا من ساعتها نفسى أعرف مين عبدالرحمن بس محروج أسأل

عمتاً كده زياده الخير خيرين وكويس إنك طلعت طنطاوى وللتك وحسابك معايا عسير
على الجمله اللى إنت قولتها

وياسيدى بما إنى نسيت أقول مبروك فى الموضوع
يبقى إيه رأيك أنا إحتمال كبير أتقابل أنا وواحد بردو من طنطا أسمه محمود طه هبقى أقولك هو مين بعدين على الخاص بقه دا طبعاً بعد ما هاخد إيميلك
إيه رأيك تنورنا
ونتقابل سوى





ربنا يسهل يا بش مهندس
ماجد
21-07-2009, 02:06 AM
شـكــ وبارك الله فيك ـــراً لك يا أستاذة رانيا

لقد أتحفتنا بهذا الحوار الرائع مع شخصية أكثر من رائعة

ونتمنى لك يا أخي / عبد الرحمن دوام التفوق والنجاح وإعتلاء القمة

و التوفيق في حياتك و عملك

و بارك الله في والدتك و حفظها

تحيـــــــاتي
abdelRhman772007
21-07-2009, 02:40 AM
شـكــ وبارك الله فيك ـــراً لك يا أستاذة رانيا

لقد أتحفتنا بهذا الحوار الرائع مع شخصية أكثر من رائعة

ونتمنى لك يا أخي / عبد الرحمن دوام التفوق والنجاح وإعتلاء القمة

و التوفيق في حياتك و عملك

و بارك الله في والدتك و حفظها

تحيـــــــاتي





بارك الله فيك و حفظك
و شكرًا جزيلاً لكلاماتك الرقيقة
شمس بياض
21-07-2009, 03:03 AM
وراء كل عظيم
ام عظيمه


لاحرمك الله من ست الحبايب ولا جميع المسلمين
بارك الله فيكم بنى
وجعلكم ذخرا وزاخرا بالعلم والتقى
شكرا استاذتنا الخلوقه رانيا
واستاذنا عبد العظيم وكل من قام على هذا الانجاز الرائع
وعقبال جميع ابناء المسلمين
اسعدكم واسعدهم فى الدارين:18:
س ا يوسف
21-07-2009, 10:23 AM
مبارك عبد الرحمن
شكرا نداء الجنة
abdelRhman772007
21-07-2009, 02:28 PM
وراء كل عظيم
ام عظيمه


لاحرمك الله من ست الحبايب ولا جميع المسلمين
بارك الله فيكم بنى
وجعلكم ذخرا وزاخرا بالعلم والتقى
شكرا استاذتنا الخلوقه رانيا
واستاذنا عبد العظيم وكل من قام على هذا الانجاز الرائع
وعقبال جميع ابناء المسلمين
اسعدكم واسعدهم فى الدارين:18:


آمين ، آمين ، آمين
و لك مثله أستاذتى


مبارك عبد الرحمن
شكرا نداء الجنة


الله يبارك فى حضرتك
نداء الجنة
21-07-2009, 03:19 PM
حوار اكثر من رائع اخت نداء بارك الله لكى .. ومبروووك للطالب الخلوق عبد الرحمن طه وشكرا للاستاذ عبد العظيم
اكرمك الله وأعزك
شكرا لمرورك
نداء الجنة
21-07-2009, 03:35 PM
حوار ممتاز وممتع استاذة رانيا


اكرمك الله وبارك لك


:27:


ِ

اعزك الله وأكرمك
جزاك الله خيرا على مشاركتك الطيبة
dream
21-07-2009, 04:08 PM
مبارك عبد الرحمن


وما شا الله حوار رائع يا اختى

اكرمك الله
نعمه محمود
21-07-2009, 05:16 PM
تسلم ايدك اختى رانيا حوار رائع والف مبروك لعبد الرحمن ربنا يبارك فيك ويجعلك بار بوالدتك دائما

وتحياتى لهذه الأم العظيمة:27:
:27::27::27:
You can see links before reply
راحل مع الراحلين
21-07-2009, 06:46 PM
مبروك يا عبد الرحمن تستحق اكتر من كده و شكرا للاستاذة الغالية اللي تعبت معانا كتير . استاذة رانيا
abdelRhman772007
21-07-2009, 07:12 PM
مبارك عبد الرحمن


وما شا الله حوار رائع يا اختى

اكرمك الله


الله يبارك فى حضرتك
و يكرم حضرتك كمان



تسلم ايدك اختى رانيا حوار رائع والف مبروك لعبد الرحمن ربنا يبارك فيك ويجعلك بار بوالدتك دائما

وتحياتى لهذه الأم العظيمة:27:
:27::27::27:
You can see links before reply

الله يبارك فى حضرتك و يخليلى أمى إن شاء الله و يارب أكون عند حسن ظنها ^_^

مبروك يا عبد الرحمن تستحق اكتر من كده و شكرا للاستاذة الغالية اللي تعبت معانا كتير . استاذة رانيا

الله يبارك فى حضرتك ، أنت تستحق أكثر أخى مما تتصور ، أنت من الشخصيات التى أعتز بمعرفتها من على هذا المنتدى الرائع
و فعلاً ميس رانيا تستحق كل خير تعبت معانا كتير جدًا
نداء الجنة
21-07-2009, 10:57 PM
تسلم إيدك ميس رنيا بجد مش قادر أوصفلك أنا إستمتعت أد إيه وأنا بقرأ لقاء حضرتك الشيق ده


بالمناسبه أنا ناسى من ساعتها أقول إن أول قطاع الغربيه عندنا من البلد من عندنا وهو ناقص واحد من عشره وكان هيطلع من العشره الأوائل على الجمهوريه
من قريتى
البندره مركز السنطه الغربيه
إسمه
مرتضى منصور



اعزك الله واكرمك يا محمد
مرورك اسعدنى وشرفنى
wala
21-07-2009, 11:56 PM
حوار جميل طبعا

والف مبروك يا عبد الرحمن وعقبال الدكتوراه

انت وكل المتفوقين امثالك

:27::27::27::27:
امل لاشين
22-07-2009, 01:21 AM
الف الف مليون مبروك يا عبد الرحمن ....

وربنا يوفقك دائما ....ويفرح دايما ست الحبايب بيك ...

وحوار جميل جدااااااااااا يا رانيا ..بارك الله فيكي
:27::27:
نداء الجنة
22-07-2009, 08:14 PM
ما شاء الله واضح انه من عيله اساسا متفوقه
ربنا يوفقك يا عبدالرحمن
وشكرا ليكى نداء الجنه
جزاكم الله خيرا
سعدت بمرورك
نداء الجنة
24-07-2009, 03:42 AM
مشاء الله حقا يستحق الجميع ان ينبهر بهاذا الطالب الخلوق وهذه الام المثاليه اللهم لا حسد والف مبروك وجزاكم الله كل خير
وجزاكم مثله
شكرا لمرورك
نداء الجنة
24-07-2009, 07:11 PM
حوار رائع فعلا استاذة رانيا




والف الف مبروكـــــ لعبد الرحمن

الأروع مرورك اخيتى
اعزك الله واكرمك
نداء الجنة
24-07-2009, 10:42 PM
ألف مبروك لعبد الرحمن وما شاء الله الاستاذة رانيا انفراد رائع ولازم تشرفينى وتعملى معى بقسم الاخبار إيه رأيك
اعزك الله أستاذى الفاضل وأكرمك
شرف ليا إنى أعمل مع حضرتك
كلام حضرتك وسام على صدرى
mazlom
24-07-2009, 11:00 PM
الف مبروك يا عبد الرحمن وربنا يبارك فيك وفي اسرتك

واشكر كل القائمين على هذا العمل الرائع
نداء الجنة
25-07-2009, 09:32 PM
:27::27::27::27::27::27::27:


احترام وتقدير لعبد الرحمن واسرته


وايضا يا استاذة رانيا حينما تحدثت مع والدته شعرت بكل فخر واعتزاز انسانة بسيط ام رائعة ام مثالية اسرة ربنا يبارك فيها




واشكرك استاذة رانيا على هذا الحوار الرائع

جزاكم الله كل خير
واعزك واكرمك
ورزقك الحلال الطيب
Blanche Neige
25-07-2009, 10:57 PM
بارك الله فيكى يارانيا بجد حوار اكثر من رائع

والف الف مبروك لعبد الرحمن تمنياتى له بمزيد من التفوق والتوفيق

خالص حبى واحترامى وتقديرى لهذه الاسره الجميله

وبالاخص لهذه الام الرائعه اكرمها الله واعزها يارب وبارك لها فى ابنائها جميعا
نداء الجنة
28-07-2009, 03:53 PM
شـكــ وبارك الله فيك ـــراً لك يا أستاذة رانيا



لقد أتحفتنا بهذا الحوار الرائع مع شخصية أكثر من رائعة


ونتمنى لك يا أخي / عبد الرحمن دوام التفوق والنجاح وإعتلاء القمة


و التوفيق في حياتك و عملك


و بارك الله في والدتك و حفظها


تحيـــــــاتي




اعزك الله واكرمك
ووفقك لما فيه الخير
نداء الجنة
28-07-2009, 11:13 PM
وراء كل عظيم

ام عظيمه


لاحرمك الله من ست الحبايب ولا جميع المسلمين
بارك الله فيكم بنى
وجعلكم ذخرا وزاخرا بالعلم والتقى
شكرا استاذتنا الخلوقه رانيا
واستاذنا عبد العظيم وكل من قام على هذا الانجاز الرائع
وعقبال جميع ابناء المسلمين

اسعدكم واسعدهم فى الدارين:18:


اللهم امين

ربنا يبارك فى حضرتك
وعقبال ابنائك ان شاء الله
طائر الغد الحزين
31-07-2009, 11:55 PM
ثبيبييبرؤرؤرئلاؤصشصصضيبثلبسيبللاص3ضف2تغتفتفلاالاتت ا3قف3ق2
طائر الغد الحزين
01-08-2009, 12:09 AM
حوار جميل جدا استاذة رانيا بس ياريت من ادارة الموقع يوفروا فرصة منحة للطالب ده بجد عشان المستوى بتاعة ياريت يتكفلوا بدخولة منحة من الجامعة البريطانية او الامريكية للدراسة وتدولوا المنحة دي مع الجايزة بتاعته وخصوصا انه جايب 100% يعني ليه نص المنحة من الجامعة البريطانية و60% من الامريكية او ممكن تتكفلو ا وتخلوا المهندس فريد خميس تدعوه للحفلة ويتكفل هو شخصيا بالمنحه خصوصا انه مدي 30 منحة لاوائل الجمهورية خاصة بيه هو بس من اصل حوالي 150 منحة مجانية. ياريت اسمع ردود المنتدى ودودكم
نداء الجنة
01-08-2009, 05:10 PM
حوار جميل جدا استاذة رانيا بس ياريت من ادارة الموقع يوفروا فرصة منحة للطالب ده بجد عشان المستوى بتاعة ياريت يتكفلوا بدخولة منحة من الجامعة البريطانية او الامريكية للدراسة وتدولوا المنحة دي مع الجايزة بتاعته وخصوصا انه جايب 100% يعني ليه نص المنحة من الجامعة البريطانية و60% من الامريكية او ممكن تتكفلو ا وتخلوا المهندس فريد خميس تدعوه للحفلة ويتكفل هو شخصيا بالمنحه خصوصا انه مدي 30 منحة لاوائل الجمهورية خاصة بيه هو بس من اصل حوالي 150 منحة مجانية. ياريت اسمع ردود المنتدى ودودكم
السلام عليكم ورحمة الله وبركاته
جزاك الله كل خير
وان شاء الله سوف اناقش هذا الموضوع فى مجلس الاداره
اعزك الله واكرمك
أبوبكر أحمد العملة
31-03-2010, 08:45 PM
ذكريات مؤثرة وطيبة جدا

منذ انشاء الموقع الكريم

شكرا وبارك الله فيكم جميعاً

اعضاء بوابة التعليم المصرى