يا ريت المساعده من طلبه كليه هندسه السابقين

[لؤلؤة المحيط]

انا كان عندي بعض الاستفسارات
انا الحمد لله كنت علمي رياضه وجبت مجموع عالي 98.2 وفي ناس قالولي ممكن تدخلي بيه هندسه بترول
بس انا للاسف معنديش اي خلفيه عن الكليه او الاقسام او الدراسه

او الاقسام المناسبه للبنات فيها

اما بالنسبه لهندسه العاديه

انا عندي معلومات عنها ودراستها وكل حاجه تمام
بس في مشكله صغيره

انا من الفيوم ولو دخلت هندسه عاديه يبقي لازم ادخل هندسه الفيوم الاول
وصراحه الكليه عندنا مفيهاش غير 5 اقسام وامنيتي مش فيهم خالص

انا باتمني هندسه طبيه يليها هندسه حاسبات يليها قسم عماره
وللاسف مفيش من الاقسام دي غير قسم عماره بس عندنا

وانا كنت عايزه احول هندسه القاهره

فازاي احول

احنا رحنا مكتب التنسيق الرئيس اخد اعادي من الفيوم واذا جبت جيد جدا او امتياز اقدر احول

وسمعت بعدها ان قسم هندسه حاسبات مش بيقبل التحويلات ومش بياخد غير عدد محدود اوي يعني بياخد طلبه هندسه القاهره بس

اعمل انا ايه دلوقتي
وانا محتاره جدا
ومش عايزه الفرصه تضيع من ايدي

[لؤلؤة المحيط]

يا ريت اي حد عنده معلومات يزودني بيها باسرع وقت

[dream]

الحل انك تتصلى بالاستعلامات التليفون

140

وتجيبى ارقام الكليات العاوزة تتعرفى عليها

وتتصلى بيهم وتسالى اى اسئلة انتى عاوزها


هم اكتر حد ممكن يفيدك بسرعة

[رائد عبده شطا]

إذا اختار الطالب إحدى الكليات خارج النطاق الجغرافي المحدد له فإن برنامج الحاسب سيخطره فورا بأن الرغبة تتعارض مع التوزيع الجغرافي وعليه تعديل الرغبة واختيار الرغبة الصحيحة باستخدام الأسهم ولن يقبل النظام رغبات الطالب إلا بعد استيفاء كل الرغبات وعددها 48 رغبة، وبدون وجود أي أخطاء.


في حالة وجود أي استفسار بشأن هذه الخدمة يمكنك الاتصال علي رقم 19468.
· الرقم السري الخاص بك ملصق مع استمارة الثانوية العامة ويتسلمه الطالب من المدرسة مع استمارة النجاح، تأكد من استلامه وحافظ عليه حيث يمثل هذا الرقم ضمان سرية بياناتك وعدم السماح لأي شخص بتعديل أي من رغباتك.

وممكن اكثر من هنا

تنسيق الثانوية العامة (You can see links before reply)

[abdelRhman772007]

مش عارف قريب جدًا من مشكلتى

و لكن كان نفسى فى الحاسبات و الإكترونيات و الكلام ده

و من ساعة ما كنت فى الابتدائى اللى يألنى هتدخل ايه أقوله هندسة

و الحمد لله نقدر نقول بقيت مهندس لكن هندسة ايه ده اللى محيرنى

لأن فى البيت مش مقتنعين بكلامى و بيقولوا ممكن تاخد كورسات و فى الكمبيوتر و الصيانة

و كل اللى عايزة كهواية كأن الكمبيوتر هو الهواية و هو فعلاً كذلك كنت أتمنى

أن يكون الكمبيوتر و كل ما يتعلق به هو هوايتى و عملى لكن يبدو أننى سأضطر

أن أحقق رغبة أهلى لأن كما يقولون خير الأمور الوسط

و مش هخسر كتير عمومًا هم قالوا ليه هندسة طبية و بترول و مدنى

و لكن المدنى فى طنطا و لا أحب الدراسة فى طنطا (بلد الأونطا ^_^ ) و شكلى هروح بترول

لأنها أحسن الوحشين ببساطة هحاول أبحث عن تفاصيل و أضعها هنا لإفادتك

[لؤلؤة المحيط]

شكرا جزيلا لكل من ساهم بالرد

[MohammeD el_SadaT]

بصى يا لؤلؤه
إنتى ممكن تكتبى رغباتك عادى جداااً حسب التوزيع الجغرافى عشان مش تضيعى على نفسك الفتره المسموح بيها وحاولى تختارى أفضل البدائل بالسنبه ليكى

وفى خلال الفتره دى حاولى تتحركى بأسرع ما يمكن للجهات المختصه وتقديم شكوه بطلبك بإن الأقسام اللى إنتى عاوزها
مش متوفره فى التوزيع الجغرافى عندك وده هيسهل عليكى الأمور جدااً جدااً

أما من حيث كليه هندسه التعدين والبترول فهى تنسقها على لكن مجموعك عالى بردو وإحتمال 90 % تلحقيها
وممكن تكتبيها فى الرغبات على ما أعتقد
لأنها خارج حسبه النوزيع الجغرافى لأن هى كليه واحده على مستوى الجمهوريه ومكانها السويس أنا أخويا متخرج منها
أما من حيث الأقسام اللى بتتعلق بالبنات فيها فأنا هحاول أسأله ليكى
بس على فكره بيتم التخصص فى سنه أولى بعد إعدادى هندسه وغالباً البنات هتبقى مستسناه من أهم قسم وأعلى قسم فيها
وهو قسم الحر تقريباً مش متذكر الإسم أوووى لأنه بيحتاج مجهود شاق فى العمل وطبيعه المرأه لا تصلح له

لكن هى كليه جميله جدااً جدااً وهحاول أجيب ليكى معلومات أكتر عنها من أخويا

لكن نصحتى ليكى مش تكتفى بالسؤال فقط حاولى تتحركى فى أسرع وقت وتسألى الجهات المختصه

[MohammeD el_SadaT]

و لكن المدنى فى طنطا و لا أحب الدراسة فى طنطا (بلد الأونطا ^_^ )



أوبا ليه كده بقه ياحج عبدالرحمن تغلط فى طنطا
ال أونطه ال

بكره تندم يا جميل إنك مجتش طنطا

[abdelRhman772007]

أوبا ليه كده بقه ياحج عبدالرحمن تغلط فى طنطا
ال أونطه ال

بكره تندم يا جميل إنك مجتش طنطا




أندم ليه يا جميل و بعدين احنا فيها فهمنى ليه
يمكن أقتنع بكلامك و أروح طنطا
على فكرة دلوقت لابس تى شيرت لأخويا مكتوب عليها جامعة طنطا
بس بأمانة بحس بالتعسف و الفهلوة فى كل ما يتعلق بتعليم الغربية و طنطا
يا ريت تفهمنى احنا لسة فيها

و بالنسبة ليكى يا لؤلؤة المحيط و احد صاحب أخويا فى هندسة بترول و هبقى أسأله إن شاء الله عن التفاصيل
ربنا يسهل

[MohammeD el_SadaT]

أندم ليه يا جميل و بعدين احنا فيها فهمنى ليه
يمكن أقتنع بكلامك و أروح طنطا
على فكرة دلوقت لابس تى شيرت لأخويا مكتوب عليها جامعة طنطا
بس بأمانة بحس بالتعسف و الفهلوة فى كل ما يتعلق بتعليم الغربية و طنطا
يا ريت تفهمنى احنا لسة فيها

و بالنسبة ليكى يا لؤلؤة المحيط و احد صاحب أخويا فى هندسة بترول و هبقى أسأله إن شاء الله عن التفاصيل
ربنا يسهل

أقولك يا سيدى
أولاً
أنا مش معترض على تعليمك فى طنطا أو لاء لأن دى مسأله بمزاجك لكن معترض
على إنك تغلط فى طنطا والسبب بسيط جداااً
أنا من طنطا

ثانياً
جامعه طنطا جامعه كويسه وكليه الهندسه فيها أسمع إن الناس بتشكر فيها
كويسه وبسيطه وسهله ونسبه النجاح فيها التقديرات عاليه
دى كل الحكايه

[لؤلؤة المحيط]

ِكرا يا محمد

وانا سجلت في موقع التنسيق دلوقتي وقدامي فتره للتعديل لحد نهايه المرحله الاولي

هافكر تاني

بس بالنسبه للمعلومات واني اسال انا نزلت القاهره وسالت في الفرع الرئيسي هناك بس معرفتش منهم غير المعلومات دي اللي كتبتها في الموضوع