مفاجئة سارة للمتعاقديين التربويين

[محمد مرشدى]

صرح وزير التربية والتعليم اليوم 13/7/2009 الاثنين مساءا باحد القنوات الفضائية بانة سوف يتم تعيين 80 الف معلم وذلك من المتعاقديين بالتربية والتعليم وذلك بشروط منها الحصول على icdl وان يكون تربويا . وسوف يتم التعاقد مع 80 الف بدلا من المعينين المثبتين واكد السيد الوزير بانة تم توفير الميزانية الخاصة بذلك .وصرح بانة لمم تكن هناك اى تعيينا ت بالسنوات الاخيرة وهذة هى الاولى من نوعها
وشكرا

[mike]

طيب سؤال
انا امتحنها الايام دى . بس امامى شهر ونصف حتى انتهى منها . هل سوف تطلب منى شهادة ال icdl قبل هذا التوقيت؟

[اشجان]

عندى سؤال
انا حاصلة على بكالريوس تجارة ولسه هعمل دبلومة تربوية عامة انشاء الله والسؤال هل بعد ما اخد الدبلومة دى اتساوى مع خريجين كلية تربية ام سيكون لهم مميزات بليز محتاجة الرد ودا ايميلى مستنية الرد مع الشكر
myname_ashjan@yahoo.com

[اشجان]

رجاء
اللى عمل الدبلومة التربوى العامة يقولنا ايه نظام الامتحانات فيها وكام مادة واسمائهم ايه وايه هى الاوراق المطلوبة فى التقديم ولو عنده معلومات اخرى يا ريت يفيدنا وله جزيل الشكر او يبعت لى الرد على ايميلى الخاص
myname_ashjan@yahoo.com
وشكرا مقدما

[عماد عبد الحميد]

هم بيشترطوا الحصول على مؤهل تربوى وليس ان يكون خريج تربية يعنى الي بيذاكر وبياخد دبلومة تربية اصبح مؤهل تربويا ولو العملية مش كدة امال الناس بتاخد دبلومة تربية ليه .
هذا والله أعلم

[دعاي]

متقلقيش دبلومه التربوي هتساويكي بالحاصل علي مؤهل تربوي بس ربنا يعينك عليها يعني الموضوع مش هزار مزاكرة بجد

[mena gerges 123456]

صرح وزير التربية والتعليم اليوم 13/7/2009 الاثنين مساءا باحد القنوات الفضائية بانة سوف يتم تعيين 80 الف معلم وذلك من المتعاقديين بالتربية والتعليم وذلك بشروط منها الحصول على icdl وان يكون تربويا . وسوف يتم التعاقد مع 80 الف بدلا من المعينين المثبتين واكد السيد الوزير بانة تم توفير الميزانية الخاصة بذلك .وصرح بانة لمم تكن هناك اى تعيينا ت بالسنوات الاخيرة وهذة هى الاولى من نوعها
وشكرا


ياجماعه مش دة كلام الدكتور يسري الجمل
ولا نا غلطان

انهاردة 18-6-2010

[عماد عبد الحميد]

كلامك صح استاذ مينا هم بيقولوا هنتثبت من حوالى سنة يارب ما نستنى كمان سنة عقبال ما ينفذوا وعدهم

[عماد عبد الحميد]

واكد السيد الوزير بانة تم توفير الميزانية الخاصة بذلك .وصرح بانة لمم تكن هناك اى تعيينا ت بالسنوات الاخيرة وهذة هى الاولى من نوعها
وشكرا[/QUOTE]
والميزانية موجودة بقالها سنه امال هي فين ؟ باين القطة اكلتها .

[وسام غانم]

المشكله ان احنا مش لحقناها فى السنه اللى فاتت
و الميزانيه اتصرفت خلاص
بس ربنا يكرمهم
بدأوا يحوشوا لينا فى الميزانيه الجديده
و ربنا يستر

[english]

الكلام دة لية فترة كبيرة .....................

[sherif2020]

رجاء
اللى عمل الدبلومة التربوى العامة يقولنا ايه نظام الامتحانات فيها وكام مادة واسمائهم ايه وايه هى الاوراق المطلوبة فى التقديم ولو عنده معلومات اخرى يا ريت يفيدنا وله جزيل الشكر او يبعت لى الرد على ايميلى الخاص
myname_ashjan@yahoo.com
وشكرا مقدما
اولا لازم تعرفى انا اسمى شريف محافظه سوهاج معلم مساعد فصل حصلت على الدبلومه العامه فى التربيه بتقدير جيد جدا وحصلت على الدبلومه الخاصه بتقدير جيد جدا وحصلت على 2 اى سى دى ال وحده منحه من وزاره الاتصالات والتانيه خاصه من اليونسكو نفسه ولو حابه انك تعرفى معلومات عن اى حاجه يمكنك التواصل معى عن طريق الموبيل 0176699738 لانى مبخشش على النت كتير
بخصوص الدبلومه العامه فى التربيه
اولا فى منها نوعين وحده سنتين والتانيه سنه واحده ومفيش فرق مابين الاتنين لان الاتنين عباره عن14 ماده ولكن السنه الواحده بيضاف عليها تربيه عملى (تدريب طلابى باحد المدارس يوم فى الاسبوع) عن السنتين وذلك ايضا لان الدبلومه السنتين للموظفين فقط وبيبقوا قسمين المواد 7فى السنه الاولى و7 فى السنه الثانيه وانصحك تعملى الدبلومه السنه الواحده مش السنتين لانك لوعملتى السنتين مش هتلحقى تخلصى الدبلومه وهتكونى فصلت من العمل وهيكون عقدك انتهى لان الدبلومه بتبدء فى شهر 9 والامتحانات بتكون فى 8 يعنى سنتين كاملين ده لوعملتيها نظام العامين واوعى تنسى ان عقدك فى العمل لمده عامين قابله للتجديد لمده عام واحد فقط ثم يفصل المتعاقد ولا يحق لاى شخص تجديد العقد مهما كانت الاسباب وشوفى نفسك بقى عدى قد ايه من العقد
طريقه التقديم
فى شهر 8 تروحى كليه تربيه تسحبى ملف تقديم للدبلومه العامه فى التربيه نظام العام الواحد وتملى البيانات المطلوبه وهتلقى 3 اقرارات فى الورق هتمضى اتنين موظفين معرفه عليهم من اى جهه حكوميه وتختميهم بختم النسر من جهه عملهم مع شهاده الميلاد مع صوره البطاقه مع 6 صور مع اصل مؤهل التخرج و600ج مصاريف كارنيه وتقدميهم هيقولو ليك ان فى معاد اختبار شخصى والله كلام فاضى ده مقابله عاديه بسألوا فيه اسمك ايه خريجه كليه اه وهدف المقابله انهم هيحددوا التخصص اللى هتكونى عليه فى الدبلومه لان ال14 ماده فيهم ماده تخصص اسمها طرق تدريس(عربى -انجليزى -حاسب الى- رياضيات....الخ)بس كده والله والله والله كل اللى بيقدم بتاخد لا اكثر ولا اقل يعنى المقابله كلام فاضى وبعد ما تبدء الدراسه هتشترى الكتب بحوالى 600ج وخلى بالك هيفضلوا طول السنه يخوفوكى لازم تحضرى واللى ما هيحضرش هيحرم من الامتحانات والله كلام فاضى لانك هتلاقى نص الدبلومه نظام العام الواحد موظفين ومحدش بيحضر وكله هيخش الامتحان واللى هيكتب اى حاجه هينجح بس اللى عاوز تقدير يذاكر كويس والمواد سهله مفيهاش اى مشكله واخر محاضره هيكون فيها حزف فى كل المواد ده طبعا بعد ما يطلعوا عنيكم ويوهموكم ان مفيش حذف وامتحانات الدبلومه فى شهر 8يوم اه ويوم لأ خلى بالك ان ال4 ماده فى الشهاده والامتحانا هتلاقيهم11 لان فى مواد بتدمج مع بعض فى الامتحانات على سبيل المثال(تاريخ التربيه ده ماده لها دكتور وكتاب وتاريخ التربيه كذلك فى الامتحان هما مادهع وحده اسمها تاريخ تربيه وتعليم وهتمتحنيهم مع بعض فى نفس اليوم فى نفس الوقت ومجمعهم بيضاف على بعض)
اما نظام العامين فالاختلاف فى التقديم فى شكل الملف انك بتجيبى موافقه جهه العمل بتاعتك والموافقه بتكون من المدرسه والاداره والعلاقات العامه بمدريه التربيه والتعليم يعنى لفه وبعدين بتجيبى بيان حاله واخر العام بتطلب الكليه منك تقرير الاداء بتاعك من المدرسه وده مكان التربيه العملى وان كان تقريرك اقل من جيد متخشيش الامتحان لان ده بالنسبه للكليه مكان التربيه العملى بتاعت العام الواحد وخلى بالك التربيه العملى محدش بيرحها غير مره او مرتين طول السنه لان محدش فاضى وحتى المدارس عرفه انكم موظفين فريحى نفسك وخشى نظام العام الواحد احسن ليكى
احب اعرفك انى انا عملت كلده وكما المدام حاليا بتعمل نفس الدبلومه و
لو عاوزه اى استفسار ممكن الموبيل او الاميل وشكرا

[sherif2020]

اللى باخد الدبلومه العامه فى التربيه بيبقى اتساوى مع خريجى كليه التربيه وكمان مستواه العلمى قنونا اعلى لانه اولا اكاديمى يعنى فى التخصص اعلى وبعد الدبلومه يكون حصل على شهاده دراسات عليا يعنى برضك مؤهله اعلى من اى كليه حتى ولو كانت كليه تربيه

[مايكل نادر]

ياجماعه ده فى مصيبه وقعت فيها ادارة جرجا التعليميه وهى انها فصلت المعلم المساعد الذى اجتاز اختبار الكادر وذلك باخلاء طرف المعلم المساعد يوم 30/6/2010 واقامته بالعمل يوم 5/7/2010 اى فصلتهم 6ايام بدون وجه حق ولا يتاقضون عليها راتب وذلك بسبب قرارات موظفه التعينات وهى تدعى وتقول بتتخانقوا علشان 20 جنيه وتقولها بسخريه اى اصبح المعلم المساعد بلا كرامه يتبهدل حتى من الفراش يسخر مننا ويقولنا يخرب بيوتكم مليته البلد بيمشوا بدماغهم هذا لان ليس لنا احد يسال عنا غير الله وهو قادر ان ياتى لنا حقنا ان شاء الله قريبا