أن كبر أبنك خاوية ! ولا آيه

[أشرف السيد]

السلام عليكم

اهلا بكم في القسم اللي الناس بتخاف تكتب فيه

وسايبني لوحدي اعمل مواضيع

موضوع اليوم بيسأل فيه عن

هل سيدي الفاضل / السيدة الفاضلة

تعاملون الاولاد كأخوات وليسوا كابناء

ومن سنة كام نبدا نعامل الاولاد والبنات على شكل الاخ وليس الولد والبنت

وهل هناك الامكانية الداخلية التي تجعلك كأب او كام تتحدث مع ابنك وبنتك وكانه أخوك

وانتم يا شباب يا اولاد ويا بنات هل ترغب في ان يعاملك والدك ووالدتك كأنك أخ له

ومن سنة كم ترغب ان يتم معاملتك كأخ

وهل في صالح الاولاد المعاملة كأخ

وهل ( أن كبر ابنك خاوية )

منتظر الاجابات من الاباء والامهات والابناء والبنات عن موضوع ( أن كبر أبنك خاوية )

[ميس صافيا]

انا بنتى لسه صغيره والله
بس انا فى نيتى احاول اصاحبها ان شاء الله عشان اقدر احافظ عليها
بالذات فى زماننا ده ربنا يستر
اما من سن كام دى اعتقد مش كله زى بعضه لكن صدقنى انت من نفسك هاتعرف امتى المفروض تخاوى ابنك او بنتك
لما تحس انهم بداوا يكبروا ويكون ليهم اهتمامات تانيه خالص غير الالعاب والفسح والكلام ده
يعنى الوقت دى هايبان لوحده انت هاتعرفه بسهوله
وانا عن نفسى كنت ساعات ساعات يعنى باتكلم مع والدتى فى حاجات تخصنى بس ما اعتقدش ابدا انى كنت باعملها زى اختى لا كان فيه حاجز كبير لانه متهيالى ما ينفعش نكون اخوات
لكن احنا على قد ما نقدر نحاول نعمل ده مع اولادنا بقدر الامكان مع الرقابه باه من غير ما هم يحسوا اننا بنراقبهم

[MohammeD el_SadaT]

أنا من رأيى المتواضع ياأستاذ أشرف
إن الإنسان بيمر براحل نمو متعدده يعنى وهو صغير لازم يكون الأب له قدوه حسنه لأنه بيتعلم منه كل حاجه
وبيقلده فى كل حاجه

بعد ما يكبر شويه يبدأ الأب يثبت فيه الرواسخ والأسس الفاضله ويبقى قوى معاه فى وقت الجد
وميتساهلش معاه لحد الطفل ما يعى ويدرك كل شىء

يبدأ الأب ياخد إبنه كأخ وصديق له مش كوالد يعنى الأبن يحس بالأمان معاه يحكى يفضفض ميبقا فيه بمهم خوف
ولا مسافات ولا حواجز

وقت الخطأ يبقى الأب بدور الناصح والواعظ ويديله النصيحه ويفهمه الموضوع بشكل سلس والإبن هيتقبل لو فعلاً
حاسس إن الأب أخوه

وإلا إزاى تفسر إن الواحد بيتقبل نقد صاحبه بطريقه سلسه ويتكلم معاه ومش بيطيق مجرد نقد أو كلمه من والده

بجد التربيه السليمه هى إمته أحسس إبنى إنى صاحبه وإمته يحس برهبه منى وكل مرحله ليها طريقه

[دعاء شديد]

السلام عليكم

وعليكم السلام


ومن سنة كام نبدا نعامل الاولاد والبنات على شكل الاخ وليس الولد والبنت

منذ ان تستطيع الحديث مع ابنك او بنتك تحدث معهم لكن كأصدقاء

وهل هناك الامكانية الداخلية التي تجعلك كأب او كام تتحدث مع ابنك وبنتك وكانه أخوك

انا عن نفسى الحمد لله انعم الله على بوالدين كانوا ومازالوا اصدقاء لى

ادام الله عليهم الصحة ورجاحة العقل

وانتم يا شباب يا اولاد ويا بنات هل ترغب في ان يعاملك والدك ووالدتك كأنك أخ له

يا سلام طبعا ... النتيجة والله ابن او بنت سوى النفس

اخطاؤه محدوده ويملك من العقل والقدرة على التفكير ما تحميه

من الانسياق فى اى طريق خطأ ... وحتى لو تعرض لموقف صعب او مشكلة

يكون لدية القدرة على توقع موقف والدية وبالتالى يمكنه الحكم على الامور بشيء

من الحكمة او على الاقل يكون لدية القدرة على التحكم فى تصرفاته حتى لا يقع فى ازمات

ومن سنة كم ترغب ان يتم معاملتك كأخ

من غير اى حد ميستغرب منذ العام الاول للطفل فى دنيانا

وهل في صالح الاولاد المعاملة كأخ

طبعا تنمى فى الطفل منذ الصغر الثقة بالنفس والقدرة على التفكير السليم

وتحمل المسئولية لان من لا يقوى على تحمل مسئولية نفسىه ... لن يتحمل اى مسئولية

وحينما يعامل الاباء ابنائهم كاخوه او كاصدقاء يحمل ذلك الابناء مسئوليه امام الاباء ... ودى حاجة مش سهله والله

وهل ( أن كبر ابنك خاوية )

انا اعترض على المقوله ... لان ده المفروض يحدث منذ الصغر

وقت تشكيل ملامح الشخصية ونحت المبادئ ... التعليم فى الصغر كالنقش على الحجر

منتظر الاجابات من الاباء والامهات والابناء والبنات عن موضوع ( أن كبر أبنك خاوية )

طبعا الموضوع مهم جدا خصوصا فى هذا الزمن

[wala]

انا بقى لى راى مختلف شوية


انا شايفة ان الصداقة احسن من الاخلاء فى حالة الابناء
لن الاخوات ممكن يكون بينهم اسرار وممكن يخجلوا من بعض فى حاجات معينة
من منطلق حبهم وخوفهم الشديد على بعض

اما الاصدقاء بينهم صراحة بشكل اكبر ونصائح مباشرة وسريعة وهتيجى اكتر بحب وبسلامة اما تكون من الاب والام

ان حاسة ان افضل تربية بتكون عن طريق ان يكون الاب صديق لابنائوا
ولكن مع جزء من الخوف مع الاحترام بنفس القدر
وده هيخلق نوع من الصداقة مختلف هيجنب الابناء من الوقوع فى الخطا
لانهم هيخافوا من غضب والدهم
:16:

وتكون الصداقة من جانب الام اكتر بطبيعة انها بتكون مع الولاد اكتر

ولازم تعرف كل حاجة عنهم وطبعا مش هتقدر تعرف حاجة
الا اذا صحبتهم وقربتهم منها عشان تقدر تحلللهم مشكلهم وتقويهم على اتخاذ قرارتهم بعد كده بنفسهم بسهولة
:6:

واهم الحاجات اللى لازم تعرفها اصحابهم وكيفية حياتهم واسلوب تربيتهم
كل اللى بيحصل لهم فى المدرسة وفى النادى وفى كل مكان بيذهبوا ليه
كمان مهم جدا نعرف طلباتهم ورغباتهم واحساسهم والاهم اننا نحترامها
ومهم قوى ان نحافظ على مواهبهم ونناميها ونكبرها
لان هى دى اللى ممكن تشكل حياتهم
:7:
اما عن السن المناسب لكده فهو من الصغر
طبعا لان الابن فى الوقت ده هيكون لسه متشكلش
وممكن اننا نغير فيه الحاجات اللى مش عجبانا او مريحاننا

:006et4: