الضيف الثالث في كرسي الاعتراف ( السادات) ربنا يكون في عونه [الأرشيف] - المنتديات التعليمية

أشرف السيد

03-07-2009, 07:48 PM

السلام عليكم

اهلا من جديد

ومع ضيف جديد ولمدة اسبوع اسئلة سرية جداااااا واسرار جديدة عن محمد السادات عضو مجلس الادارة بالموقع

في البداية كان من المفترض ان يكون الاستاذ وليد ضيف هذا الاسبوع ولكن لم استطيع التوصل اليه اليوم فتم تأجيله حلقة لاسبوع آخر وتقديم حلقة السادات لهذا الاسبوع

ونبدأ مع الاسئلة البسيطة خالص جداااااا

ومش عايز جد يسيبه الا لما يسلم عليه باسئلة بسيطة زي اسئلتي

------ الاسئلة --------

تعريف بحضرتك

قلنا اسمك بالكامل لحد الجد التاسع

بلدك وعنوانك وبالتفصيل

محمد ليه توقفت عن قسم ( اعلام وشخصيات مع السادات ) مع العلم ان المسابقة بتلاقي اقبال كبير

محمد السادات هو انت ليه كنت معانا من اول وهلة في الموقع

بما تفسر اختيارك من اول لحظة كعضو مجلس ادارة بالموقع ممثل عن الشباب مع العلم بأنك اصغر شخص بمجلس ادارة الموقع

لماذا وانت عضو مجلس ادارة الموقع لم تحضر افتتاح الموقع

محمد انت بتحب اي بنت في الجامعة او بلدكم او ع النت وناوي تخطبها ولا مش بتفكر خالص في الموضوع ده الايام دي

محمد اخبار اجاباتك في الامتحانات السنة دي

محمد كفاية شوية الاسئلة البسيطة دي واسيبك ترد والناس تسئلك اسئلة بسيطة زي كدا

ناصر الفخرانى

03-07-2009, 08:08 PM

كان الله فى العون أستاذ / محمد

أسئلة الأستاذ / أشرف .... إجابتها عايزة أسبوع لوحدها .

MohammeD el_SadaT

03-07-2009, 08:10 PM

السلام عليكم

وعليكم السلام ورحمه الله وبركاته

اهلا من جديد

ومع ضيف جديد ولمدة اسبوع اسئلة سرية جداااااا واسرار جديدة عن محمد السادات عضو مجلس الادارة بالموقع

إسبوع يا خبر أبيض يعنى 7 أيام يعنى 168 ساعه يعنى 10080 دقيقه يعنى 604800 ثانيه
ياخراب بيتك يا محمد إيه السواد المغلى ده
:28:
يلا مش مهم ضرب الحبيب زى أكل الزبيب

في البداية كان من المفترض ان يكون الاستاذ وليد ضيف هذا الاسبوع ولكن لم استطيع التوصل اليه اليوم فتم تأجيله حلقة لاسبوع آخر وتقديم حلقة السادات لهذا الاسبوع

يا بخته نفد بجلده

ونبدأ مع الاسئلة البسيطة خالص جداااااا

ومش عايز جد يسيبه الا لما يسلم عليه باسئلة بسيطة زي اسئلتي

------ الاسئلة --------

تعريف بحضرتك

إسمى محمد واحد زى كل الناس من أسره متوسطه وتقدر تقول كده فلاح
أرياف وكلام من ده
فى تانيه كليه تجاره مش بحب الدراسه أوووى أو بمعنى أصح مليش تقل عليها
بس لما بتزنق بذاكر غصب عنى عشان أخلص بعشق المغامره وبحب الحياه

قلنا اسمك بالكامل لحد الجد التاسع

التاسع ياخبر دى ليله مورته أخرى معاك الخامس عشان نبقى على نور
الإسم : محمد هاشم محمد محمد السادات

بلدك وعنوانك وبالتفصيل

قريه البندره ودى قريه ريفيه تبع مركز إسمه السنطه والمحافظه الغربيه
طنطاوى يعنى

محمد ليه توقفت عن قسم ( اعلام وشخصيات مع السادات ) مع العلم ان المسابقة بتلاقي اقبال كبير

أنا مش توقفت عن القسم أنا كنت توقفت عن النت تماماً بسبب شويه مشاكل كده فى البيت
وكمان فتره الإمتحانات وضغط الشغل لكن دلوقتى الحمد لله بدأ الأمر يستقر شويه وقاعد على قلبكم وهكمل المسابقه بإذن الله

محمد السادات هو انت ليه كنت معانا من اول وهلة في الموقع

لإنى إرتحت هنه فى الموقع أنا عمرى ما دورت لا على سلطه ولا جاه ولا منظر ولا أى حاجه من دى
أنا كل اللى محتاجه إحساس بالأمان
وأحس إن موجود فى وسط ناس بتقدرنى مش أكتر يعنى أحس إنى مع ناس شعورى تجاهم متبادل حب وإخاء
وبصراحه حسيت الإحساس ده هنه من البدايه
كمان أنا بحب أبدأ من الصفر لحد العالميه بإذن الله وبصراحه حشد زى ده صعب إنى ألاقيه فى مكان تانى
والفرصه لإثبات الذات مش بتتعوض

بما تفسر اختيارك من اول لحظة كعضو مجلس ادارة بالموقع ممثل عن الشباب مع العلم بأنك اصغر شخص بمجلس ادارة الموقع

والله مش أنا اللى أجاوب على السؤال ده بيتهألى حضرتك والأخوه اللى وضعم ثقتهم فيها هما أحق بالإجابه عنى
ولا إيه
؟!

لماذا وانت عضو مجلس ادارة الموقع لم تحضر افتتاح الموقع

غصب عنى والله إنت مش ممكن تتخيل الحسره اللى أنا كنت فيها لما مقدرتش أحضر بسبب الدراسه وإمتحانات الميد ترم اللى إتطبقت ديد فى كليه التجاره

محمد انت بتحب اي بنت في الجامعة او بلدكم او ع النت وناوي تخطبها ولا مش بتفكر خالص في الموضوع ده الايام دي

أنا بحب فعلاً وإن شاء الله أخطبها فى يوم من الأيام وربنا يسهل وتبقى من نصيبى

محمد اخبار اجاباتك في الامتحانات السنة دي

والله يا أستاذ أشرف ليس فى الإمكان أبدع مما كان
وعملنا اللى علينا علينا والباقى على الله
يـــــــــــــــــــــــــــــــــــــــــــارب

محمد كفاية شوية الاسئلة البسيطة دي واسيبك ترد والناس تسئلك اسئلة بسيطة زي كدا

هههههههههههههه فعلاً أسئله بسيطه
معظمها جاى من المنهج
ههههه
وبإذن الله فى إنتظار أى سؤال وربنا يقدرنى على الإجابه

:17:

MohammeD el_SadaT

03-07-2009, 08:14 PM

كان الله فى العون أستاذ / محمد

أسئلة الأستاذ / أشرف .... إجابتها عايزة أسبوع لوحدها .
رينا يخليك أستاذ ناصر على الروح المعدنيه دى
شوفت الإفتره بتاع الأستاذ أشرف بينتقم منى إزاى لكن له يوم يقعد مكانى وأخلص القديم والجديد

وفى إنتظار أى سؤتا بإذن الله

دعاء شديد

03-07-2009, 08:41 PM

السلام عليكم

بما تفسر اختيارك من اول لحظة كعضو مجلس ادارة بالموقع ممثل عن الشباب مع العلم بأنك اصغر شخص بمجلس ادارة الموقع

والله مش أنا اللى أجاوب على السؤال ده بيتهألى حضرتك والأخوه اللى وضعم ثقتهم فيها هما أحق بالإجابه عنى

ولا إيه
؟!

إيه

اسمحولى اكون واحده من الي يجاوبوا على السؤال ده

محمد شاب فكره متميز ومثقف وواعى

و يفتخر الموقع ان محمد ضمن اعضائه الشباب

اعتقد من حقى اسأل بقى

محمد انت مختلف جداااااااااااااا فى تفكيرك واراءك
عن كتير من شباب جيلك

كيف اصبحت مختلفا؟
فى مثل اعلى لك ام باختيارك لخط معين فى الحياة؟

شايف مستقبلك ازاى؟
مخطط ليه ولا ايه؟

كفايه كده بس اذا فكرت فى اسئله تانى
هرجع واسألها

امل لاشين

03-07-2009, 11:05 PM

حمدالله علي السلامه ...و فعلا ربنا يكون في عونك .في

الاسئله بس لازم تجاوب .....

انا هسأل سؤال واحد بس .................(بسيطه )

والاجابه اجباري.....:16:

What do you do when the only person who can make you stop

crying is the person who made you cry

???

MohammeD el_SadaT

04-07-2009, 12:36 AM

إيه

اسمحولى اكون واحده من الي يجاوبوا على السؤال ده

محمد شاب فكره متميز ومثقف وواعى

و يفتخر الموقع ان محمد ضمن اعضائه الشباب

بجد قدام ذوق حضرتك أنا مش عارف أقول إيهيكفينى فخرأ إنى فرد فى موقع إنتو أعضاؤه
اعتقد من حقى اسأل بقى
طبعاً إتفضلى
محمد انت مختلف جداااااااااااااا فى تفكيرك واراءك
عن كتير من شباب جيلك
كيف اصبحت مختلفا؟
هو مش إختلاف ولا حاجه بالعكس أنا زى معظم شباب جيلى لكن للأسف قليل مننا جداااً اللى بيلاقى فرصه يثبت فها نفسه
عارفه ناس كتير جدااااً بيفهمو شخصيتى غلط يعنى ساعات بيقولو عقد وأكتر من مره
ألاقى حد بعد ما أتعرف عليه بفتره يقولى أنا كنت ببقى خايف وإنت بترد عليا وكلام غريب جداااً جداااً مش عارف ليه
فى مثل اعلى لك ام باختيارك لخط معين فى الحياة؟
بينى وبينك أنا بخاف آخد شخص معين مثل أعلى ليا لأن دائماً أو غالباً الأمثال العليا بتنهار
فبفضل آخد من كل شخص الحاجه الكويسه اللى فيه وأحاول بقدر الإمكان أبعد عن الحاجه الوحشه اللى فيه
شايف مستقبلك ازاى؟

أكتر حاجه قلقانى فى ظل الظروف اللى إحنا فيها شايفه عتمه وضلمه خايف منه جداااً
بحمل حساب بكره لرجه إن ممكن مقدرش أتحرك فى النهارده

مخطط ليه ولا ايه؟

بحاول بقدر الإمكان بس أنا مؤمن بالمقوله اللى بتقول
كل واحد على قد حلمه
يعن لو حلمت إنك يبقى عندك عربيه ودى أقصى طموحك هيبقى عندك عربيه ولو حلمت تبقى وزير ودى أقصى طموحك هتبقى وزير بسبعد تحقيق الحد الأقصى من حلمك أو الفشل فيه
هيجيلك نوع من الإحباط
عشان كده أنا أحلامى ملهاش حدود وطموحى ملهوش أد وبحاول أتنقل من حلم لحلم أكبر

كفايه كده بس اذا فكرت فى اسئله تانى
هرجع واسألها

وأنا منتظر أى سؤال

MohammeD el_SadaT

04-07-2009, 12:44 AM

حمدالله علي السلامه

الله يسلم حضرتك

و فعلا ربنا يكون في عونك .في

الله يسلم حضرتك

يــــــــــــــــــــــــــــــــــــــــــــارب
الاسئله بس لازم تجاوب .....
هههههههههههه
شر لابد منه
هههههههههههههههه
بإذن الله جاهز لأى سؤال وربنا يعنى للنهايه
انا هسأل سؤال واحد بس .................(بسيطه )

والاجابه اجباري.....:16:

What do you do when the only person who can make you stop

crying is the personwho made you cry

???

أصعب سؤال بالنسبه ليا لأن بجد دا السؤال اللى أنا محتار فيه ومش لاقى له إجابه
لكن توصلت
لــ
" من حبنا حبناه وسار متعنا متاعه ومن كرهنا كرهناه ويحرم علينا إجتماعه "

أنا طول ما أنا راضى عن نفسى وحاسس إنى مش مقصر وعملت اللى عليا فمش بفكر فى حاجه تانيه عشان مش أتعب نفسى على حاجه مش تستاهل
لأنى اللى يبعنى أبيعه

أنا مؤمن جداااً بقضاء ربنا وقدره وإن كل شىء مقدر ومكتوب أى نعم بزعل وبحزن لكن
بطلع من حالى ده سريع سريع لأنى مؤمن بإن الدنيا منفاته منفاته
والعياط على المنفات نقصان عقل

Mr Gomaa Ashour

04-07-2009, 12:47 AM

:18:
بسم الله الرحمن الرحيم
أخى العزيز / محمد السادات
:18:
الحمد لله إننى تقابلت معك فى أحد الرحلات النيلية الممتعة
:39:
أقسم بالله أنى أحببتك فى الله من أول مرة تقابلنا
:38:

طبعاً أنا هسألك بعض الأسئلة البسيطة جداً
:bosyht9:

ما سبب الخناقة اللى كانت على المركب اللى كانت بينك وبين واحد حبيبنا ؟
:38:

على فكرة الخناقة موثقة بالصور عندى
:16:

أين الصور التى إلتقطت من على كبود عربية الأخ ( ....) أثناء رحلة التوهان اللى وصلنا لمحطة المترو ؟
:27:
كفاية كدة دلوقتى
:18:
وإلى لقاء آخر مع أسئلة أخرى لأنى شايفك بتقرأ الموضوع
:38:

شمس بياض

04-07-2009, 10:28 AM

السلام عليكم
استاذ محمد

انا لست مشفقه عليك
من كرسى الاعتراف دهوت
لانك قدها وقدود
وعندك القدرة على الرد المذهل

ولو انى معترضه على الاسم
ممكن يكون اسمه فضفض مع اخوتك
او كلمة
الاعتراف دا معناه ان الواحد
مذنب وبيعترف بذنب او حاجه كده
بتفكرنى بالمحكمه والمحامين ووكلاء النيابه
وحاجات كده بتضايقنى ههه

ممكن نتناقش
بلاش نسال دى
اخى العزيز محمد

هل يوجد صله قرابة بينك وبين الرئيس محمد السادات ولا تشابه عائلات ؟

حضرتك قولت
انك من طنطا
بلد الشيخ السيد البدوى

واكيد زرت مولد السيد البدوى

اذكر لنا مظاهر هذا المولد ؟

هل شاركت فى هذه المظاهر بأى صورة كانت ؟
هل انت راض عما يحدث فيه ؟
واذا لم تكن راض

فما الذى لا يعجبك فى المولد ؟

ماذا فعلت لتغيير بعض معتقدات
زائرى المولد ؟

هل فكرت انت وزملاء بك فى عمل ندوه او محاضره او لافتات
لتغيير
بعض
المفاهيم الخاطئه عن الموالد فى مصر ؟
كفايه كده
اخوى محمد
الله معك:18:

MohammeD el_SadaT

04-07-2009, 03:49 PM

بسم الله الرحمن الرحيم
أخى العزيز / محمد السادات
الحمد لله إننى تقابلت معك فى أحد الرحلات النيلية الممتعة
والله أستاذ جمعه أنا اللى نولت شرف مقابلت حضرتك يا أستاذنا
أقسم بالله أنى أحببتك فى الله من أول مرة تقابلنا
ربنا يخليك يا أستاذنا
طبعاً أنا هسألك بعض الأسئلة البسيطة جداً
وأنا تحت أمر حضرتك
ما سبب الخناقة اللى كانت على المركب اللى كانت بينك وبين واحد حبيبنا ؟
هههههههههههههههههههههه
والله يا أستاذنا أنا هرد عليك بالصور وإنت تفهم بقه
You can see links before reply
دا آدم بن الأستاذ أشرف وإحنا بنحاول نغتاله طبعاً الأستاذ أشرف شافنا فحب بقه إيه
هههههههههه
على فكرة الخناقة موثقة بالصور عندى
للأسف صوره المعركه الكبرى مش عندى حضرتك اللى حتحطها
أين الصور التى إلتقطت من على كبود عربية الأخ ( ....) أثناء رحلة التوهان اللى وصلنا لمحطة المترو ؟
ياخبر بس كده أنا تحت أمرك ياباشا
قفص التخشيبه
You can see links before reply
دى صوره الراجل اللى أنقذنا لما توهنا
وطبعاً الأستاذ أشرف ضرب معاه صحوبيه
صحيح هو ساعدنا بس عشان خاطرآدم
فلسطينى على فكره
You can see links before reply
الأستاذ وليد وهو بيتوهنا فى المترو
You can see links before reply
لما ربنا كرمنا وركبنا المترو الحمد لله
You can see links before reply
أنا والأستاذ شريف عريس الغد
You can see links before reply
الأستاذ وليد وهو منور والأستاذ شريف معاه
You can see links before reply
صوره الأستاذ أشرف والأستاذ آسامه
You can see links before reply
بن الأستاذ أشرف آدم بيه لما فيص مننا
فيص أى فرفر
You can see links before reply
كفاية كدة دلوقتى
وإلى لقاء آخر مع أسئلة أخرى لأنى شايفك بتقرأ الموضوع
وأنا فى إنتظار حضرتك بإذن الله بس مش تنسى صوره المعركه الكبرى

MohammeD el_SadaT

04-07-2009, 03:59 PM

السلام عليكم
وعليكم السلام ورحمه الله وبركاته
استاذ محمد
مصممه على أستاذ بردو ما علينا
انا لست مشفقه عليك
من كرسى الاعتراف دهوت
لانك قدها وقدود
وعندك القدرة على الرد المذهل
ربنا يكرم حضرتك على المجامله الرقيقه اللى بإذن الله هحاول أكون قدها
ولو انى معترضه على الاسم
ممكن يكون اسمه فضفض مع اخوتك
او كلمة
الاعتراف دا معناه ان الواحد
مذنب وبيعترف بذنب او حاجه كده
بتفكرنى بالمحكمه والمحامين ووكلاء النيابه
وحاجات كده بتضايقنى ههه
يلا بقه إستحملى إعتراف فضفضه مش هتفرق بس لايق عليها إعتراف أكتر على فكره النفر من دول
بيجى هنه يتعصر فى الأسئله
ممكن نتناقش
بلاش نسال دى
اخى العزيز محمد

هل يوجد صله قرابة بينك وبين الرئيس محمد السادات ولا تشابه عائلات ؟
لا تشابه أسماء بس تشابه لطيف جداااً بيفدنى فى أوقات كتير جدااً جدااً
فوق ما تتخيلى
حضرتك قولت
انك من طنطا
بلد الشيخ السيد البدوى
أى نعم بس هو إشتراها إمته
واكيد زرت مولد السيد البدوى
آه روحت مره واحده بس فى حياتى وبعد كده مفكرتش أروحه تانى من اللى شوفته فيه
اذكر لنا مظاهر هذا المولد ؟
حاجه بشعه جداااً فوق ما تتخيلى
سرقه نهب إغتصاب كل شىء سىء ممكن تتخيليه ممكن تلاقيه هناك خطف نصب حاجات بشعه
هل شاركت فى هذه المظاهر بأى صورة كانت ؟
لاء خالص المره اللى روحته خمس دقائق ومشيت من المنظر
هل انت راض عما يحدث فيه ؟
لاء طبعاً
واذا لم تكن راض
فما الذى لا يعجبك فى المولد ؟
كل على بعضه كده مش عاجبنى
ماذا فعلت لتغيير بعض معتقدات
زائرى المولد ؟
ولا حاجه
هل فكرت انت وزملاء بك فى عمل ندوه او محاضره او لافتات
لتغيير
بعض
المفاهيم الخاطئه عن الموالد فى مصر ؟
بصراحه لاء
كفايه كده
اخوى محمد
الله معك
يـــــــــــــــــــــــــــــــــــارب

عز وحيد

05-07-2009, 04:03 AM

هههههههههههههههههههه
اهلا اهلا بحيب قلبى الغالى

نورتى بيتك يا شابة
ده احنا هنكرموكى
ههههههههههههههههههههههههههه
طبعا فى الاول احب اسلم على حبيبى وصديقة
محمد السادات فينك يا راجل من زمان
واحشنا بجد
ومفاجأة الاعتراف ده
طيب المهم بقى
ندخل على المفيد
انا بقى عندى شوية اسئلة كده بسيطة جدا جدا جدا
اتمنى انها ما تضايقكش

1- ليه دايما حضرتك مش ملتزم بمواعيدك
ودايما يا اما تقول اه جاى وما تجيش
يا اما بتعتذر قبل ما يكون فيه اسباب للاعتذار

2- بما اننا بقى شباب زى بعض
وطلعا عارفين الطابع العام للشباب
سؤال بقى
هل انت تستخدم كلمات الشاب بتاع اليومين دول
زى مثلا تغيير الكلام
من ولا يهمك الى ولا يهزك
مثلا حبى واعتزازى غسالة كريازى
الكلام ده كلام مين
وهل انت بتستخدم الكلام ده ولا ايه

3- انت لما بتكلم حد صاحبك صاحبك اوى يعنى وواخدين على بعض
هل ممكن تشتمه من قبيل الصداقة الشديدة
زى الالفاظ الى بيقولها الشباب
طبعا عارف الالفاظ مش شاب حضرتك ولا ايه

4- بتحس ساعات انك مغرور
طيب ساعات حد بيقولك ده

5- مين الى بتلجأ ليه تشكيله
الاهل ولا الصديق

اسئلة رزلة صح
عارف عارف وطبعا اقصد

طبعا الاجوبة معايا دليل الاجابة النموذجى
يعنى لو لقيته غير متوافق
يبقى النتيجة هتتكتب
ههههههههههههههههههههههه

حبيب قلبى والله يا سادات
بس كان لازم اخنقك مش بايدى لزوم القسم بقى نقول ايه لابو ادم

ممدوح الأنصارى

05-07-2009, 08:44 AM

كم اتمنى يكون أبنى فى احترامك
ودماثة خلقك ووعيك وفكرك واتزانك
وسؤالى ؟؟؟؟؟؟؟؟؟؟؟
بسيط ومش محرج
ما هى مصادر ثقافتك ؟؟؟
وأيه أقصر الطرق للوصول الى المعرفة ؟؟؟
هل ذهبت الى كتاب القرية فى طفولتك ؟؟؟؟
ما هى العادات التى تعجبك فى اهل قريتك؟؟؟
وما هى العادات التى لا تعجبك ؟؟؟
خالص احترامى لحضرتك أستاذ / محمد .

dream

06-07-2009, 12:42 AM

يا اهلا يا اهلا يااهلا

طبعا علشان السادات مش اى حد

وتكريما للاسم الباحبه جدا

احب اريحك قبل ما تقعد على الكرسى

وتجيب على اسئلتى

علشان يبقى مش عندك اى حجة

اتفضل بقى حضرتك

اختار بين هذه الكراسى

You can see links before reply

You can see links before reply***********/%D9%83%D8%B1%D8%B3%D9%8A%20%D8%A7%D9%84%D8%A7%D8%B 9%D8%AA%D8%B1%D8%A7%D9%81.jpg

You can see links before reply

كده تمام؟:)

اسال بقى براحتى انا كمان

ايه بقى موضوع حبيبه القلب دى؟

احكى واطربنا

تانى حاجة بقى

ايه العيب الخطير الفيك ومش قادر تغيره

انا عارفة عيب طبعا وانت عارفه(فاكر):bosyht9:

تفتكر ان اهل طنطا كرماء!!!!!!!!!!!!!!!!!!!!!!!!!!!

ايه سبب تفوقك الدارسى؟:confused:

من وجه نظرك

انت شاب متزن ولا هوائى ولا سطحى ولا هادف وليه؟

ياترى لو شفت موضوع فى مكان تانى وعجبك بتبدع فيه وبتنقله ولا ممكن تنقله زى ماهو؟

ايه بقى امنيتك فى الايام القادمة

ووايه المشاكل الابعدتك فترة واختفت وخلتنا ننادى عليك فى الميكروفونات:(

كفاية كده واكيد راجعة انتظرنى

MohammeD el_SadaT

06-07-2009, 12:55 AM

هههههههههههههههههههه
داخل تضحك وأنا مطحون يا وااااااااااااااااطى
اهلا اهلا بحيب قلبى الغالى
وحشنى والله يا عز
نورتى بيتك يا شابة
ده احنا هنكرموكى
كى قوام قوام خلتنى كى يلا زيى بعضه
ههههههههههههههههههههههههههه
طبعا فى الاول احب اسلم على حبيبى وصديقة
ــ ة ــ
بردو دا إنت مصمصم بقه لببتك بيضه
محمد السادات فينك يا راجل من زمان
فى الدنيا الواسعه بحاول أعيش وأتعايش
واحشنا بجد

والله إنت أكتر يا دزمه

ومفاجأة الاعتراف ده
يلا أى خدعه رب صدفه خير من أخ لم تلده أختك
:7:
طيب المهم بقى
أم هند يا سيدى
ندخل على المفيد
هـــا
انا بقى عندى شوية اسئلة كده بسيطة جدا جدا جدا
اتمنى انها ما تضايقكش
لا ولا يهزك
1- ليه دايما حضرتك مش ملتزم بمواعيدك
ودايما يا اما تقول اه جاى وما تجيش
يا اما بتعتذر قبل ما يكون فيه اسباب للاعتذار
أنا والله أبداً أنا يمكن من أكتر الحاجات المعروفه عنى إنى دقيق جداااً فى مواعيدى
وعشان كده لما بتخلف عن معاد بيبقى لسبب قوى جداااً وغالباً ببقى قايل قبلها ومعتزر إنى مش هقدر أجى
2- بما اننا بقى شباب زى بعض
وطلعا عارفين الطابع العام للشباب
هههههههه شاب زيكم يا رجال أنا كنت قربت أنسى ــ ة ــ وصديقه وكلام غيرب كده
ههههههه
سؤال بقى
هل انت تستخدم كلمات الشاب بتاع اليومين دول
زى مثلا تغيير الكلام
من ولا يهمك الى ولا يهزك
مثلا حبى واعتزازى غسالة كريازى
الكلام ده كلام مين
وهل انت بتستخدم الكلام ده ولا ايه

أنا آه طبعاً بستخدم الكلام ده كتير جدااً جدااً جدااً وخصوصاً لما أبقى قاعد مع صحابى بقه فى سنى وكده
بنقول كلام غريب ومصطلحات عجيبه بس طبعاً بتبقى فى المعقول مش جارحه
3- انت لما بتكلم حد صاحبك صاحبك اوى يعنى وواخدين على بعض
هل ممكن تشتمه من قبيل الصداقة الشديدة
زى الالفاظ الى بيقولها الشباب
طبعا عارف الالفاظ مش شاب حضرتك ولا ايه
أنا مش بشتم غير الشخص اللى بحبه أووووى وأحس إنه فعلاً فاهمنى وعارف إنى مهما أقول من ألفاظ مهما بدى سوءها وعمرها ما هيفهمها غلط ولا هيخدها على صدره
4- بتحس ساعات انك مغرور
طيب ساعات حد بيقولك ده
يعنى ساعات بس مش مغرور بالمعنى التقليدى بحس كتير إنى ليه وجهة نظر غالباً ما تكون صحيحه مختلفه عن
معظم وجهات النظر وغالباً بتكون مختلفه مع وجهات نظر الجماعه رغم إنى صد ده إلا إنى ضد مبدأ خدوهم بالصوت قبل ما يغلبوكى يعنى بحب الإقناع

أما من حيث حد قالى إنك مغرور
فطبعاً كتيييييييييييييير جدااً وغالباً مش بيبقى عارفنى نهائى لأنى معظمهم بتقلب بعلاقات صداقه حميمه مصحوبه بأسف
بعد المعرفه الشخصيه
وده شىء أنا بعتز به جدااً جدااً فى نفسى

5- مين الى بتلجأ ليه تشكيله
الاهل ولا الصديق
لا الأهل ولا الصديق أنا مؤمن جداااً بالمقل القائل دمعتك لن تمسحها سوى يداك

اسئلة رزلة صح
لاء يا حبى عيب عليك إسأل برحتك
عارف عارف وطبعا اقصد

طبعا الاجوبة معايا دليل الاجابة النموذجى
يعنى لو لقيته غير متوافق
يبقى النتيجة هتتكتب
ههههههههههههههههههههههه
إسكت مش الإمتحان إتسرب
هههههه
حبيب قلبى والله يا سادات
بس كان لازم اخنقك مش بايدى لزوم القسم بقى نقول ايه لابو ادم
يلا ليك يوم يا حبى وسوف تندم ندماً شديداً لما ترى مثله من قبل أو من بعد
ها ها ها

عز وحيد

06-07-2009, 01:18 AM

الاسئلة التانية جاااااااااااااااية كتير

وعرفت ان الدليل معايا جاوبت بصراحة طيب ماشى

طالما صراحة بقى

انتظرنى يا صديقى

انا قادم اليك ومعى ما تبغى

MohammeD el_SadaT

06-07-2009, 03:42 AM

كم اتمنى يكون أبنى فى احترامك
ودماثة خلقك ووعيك وفكرك واتزانك
بجد أستاذى الفاضل لقد أخجلتم تواضعنا أنا مش عارف أقول إيه بصراحه أنا ليا الفخر وكل الفخر
إنى أحوز على شهاده أعتز بيها من حضرتك
وسؤالى ؟؟؟؟؟؟؟؟؟؟؟
بسيط ومش محرج
ما هى مصادر ثقافتك ؟؟؟
القراءه أنا بقرأ كتير جداااً بس طبعاً المعظم خارج المناهج الدراسيه
ههههههه
وأيه أقصر الطرق للوصول الى المعرفة ؟؟؟
إن الواحد يقعد مع ناس فاهمه وواعيه ودارسه وقاريه ولو مستمع فقط ليس إلا بجد هيستفاد كتير وهيعرف كتير
ممكن فى ساعه واحد يستفاد خلاصه قراءه ودراسه العمر كله البهاريس زى ما بيقولو وده أقصر طريق من وجهة نظرى
هل ذهبت الى كتاب القرية فى طفولتك ؟؟؟؟
هههههههههههههههههههههههههههههههههههههههه
أجمل أيام حياتى مين فى قريه مش راح كتابها مين مش إتفلق من الشيخ بتاعه ياااااااااااااه كانت أيام
أنا عمرى ما إتفلكت أوعى حد يفهمنى غلط
بجد من أجمل السمات اللى بتميز القرى فى الريف كتاب القريه
ما هى العادات التى تعجبك فى اهل قريتك؟؟؟
إن البلد بحالها عارفه بعضها يعنى مينفعش واحد غريب ينزل البلد ويسأل على بيت شخص معين ويتقاله مش عارف البيت ولا مش عارف الشخص ده
يعنى بإختصار جو الحب والأولفه والطيبه اللى الواحد بقى مفتقدهم فى أماكن كتير لكن للأسف بدأت العاده دى فى التلاشى
وما هى العادات التى لا تعجبك ؟؟؟
والله العادات اللى مش بتعجبن مش قريتى بس هى عادات متفشيه فى مصر بحالها بل العالم أجمع
وهى الموضه بتاعه اليومين دول التبرج والحاجات القمه فى الإنحطاط بتاعت اليومين دول
خالص احترامى لحضرتك أستاذ / محمد

شرفنى مرورك الكريم أستاذى الفاضل
بجد مرور حضرتك
شرفنى جدااً وكلام حضرتك الجميل ده وسام أوضعه على صدرى

MohammeD el_SadaT

06-07-2009, 04:03 AM

يا اهلا يا اهلا يااهلا

طبعا علشان السادات مش اى حد

وتكريما للاسم الباحبه جدا

احب اريحك قبل ما تقعد على الكرسى

وتجيب على اسئلتى

علشان يبقى مش عندك اى حجة

اتفضل بقى حضرتك

اختار بين هذه الكراسى

أنا عارف المقدمه دى وإختار كرسى يبقى هنروح فى أبو بلاش
:28:

You can see links before reply

You can see links before reply***********/%D9%83%D8%B1%D8%B3%D9%8A%20%D8%A7%D9%84%D8%A7%D8%B 9%D8%AA%D8%B1%D8%A7%D9%81.jpg

You can see links before reply

كده تمام؟:)
هههههههههههههههههههههههههههههههه
من ناحيه تمام فهو تمام أوووى
بس من ناحيه إنى أختار كرسى منهم
فهقول
" تعددت الأسباب والموت واحدً "

اسال بقى براحتى انا كمان

أنا تحت أمرك ياخبر إسألى إسألى ليكى يوم ليكى يوم
:16:

ايه بقى موضوع حبيبه القلب دى؟
إيه حبيبه القلب دى ياخبر إنتى ماسكه الموضوع بفلايه منك لله يا أستاذ أشرف
الحكايه وما فيها
ان فيه إنسانه بحبها جدااً وبتمنى ربنا يقدرنى وتكون من نصيبى هى إنسانه بتضحى عشان كتير
بس للأسف أنا مش بقدر ده كويس

احكى واطربنا
إدينى أنشدتكم ياريت تدعولنا بقه وربنا يسمع منكم يارب
تانى حاجة بقى

ايه العيب الخطير الفيك ومش قادر تغيره

انا عارفة عيب طبعا وانت عارفه(فاكر):bosyht9:
والله أنا أكتير عيب فيه إنى بتعصب بسرعه جداااً ولما بتعصب مش بقدر أميز بين عدو وصديق ولا أب وأم
بطيح فى الكل

تفتكر ان اهل طنطا كرماء!!!!!!!!!!!!!!!!!!!!!!!!!!!

ايه سبب تفوقك الدارسى؟:confused:
هههههههههههههههههههههههههههههه
أعتبر دى تريقه
عمتاً أنا للأسف الشديد مش متفوق نهائياً فى دراستى والسبب
إنى للأسف مش بقدر أقعد قدام الكتاب 10 دقائق على بعض
وعارف ان دى مش حجه وإنى لو صممت هكون أحسن وبإذن الله ناوى خير إبتداء من العام الجديد
وربنا يعنى يــــــــارب أنا وجميع المسلمين

من وجه نظرك

انت شاب متزن ولا هوائى ولا سطحى ولا هادف وليه؟
والله مش عارف أنا شاب ممزوج بكل الحاجات دى ساعات بحس إنى هادىء وعاقل وراسى وساعات بحس انى مسروع ومش عارف أنا عاوز إيه ساعات منظم وساعات ملخبط الدنيا فى بعضها
يعنى بصراحه مش قادر أقرر
بس كل اللى أقدر أقوله إنى إنسان بيحاول يتعلم من أخطاؤه قدر الإمكان
ياترى لو شفت موضوع فى مكان تانى وعجبك بتبدع فيه وبتنقله ولا ممكن تنقله زى ماهو؟
أنا بحب الإبداع جداااً جداااً فى النقل مش بحب النقل الأعمى
زى نشره أخبار الخامسه والعشرون
نحن نرى الأخبار من وجهة نظرنا وننقلها إليكم
أنا بشوف الموضوع من وجهة مظرى لو عجبنا وبنقله بإسلوبى وبضيف عليه أفكارى وممكن أزود على هدفه أهداف
بحاول أخى الفكره أفكار وأخلى الموضوع شامل
ايه بقى امنيتك فى الايام القادمة
إنى أنهى دراستى وأشوف مستقبلى وأكمل نص دينى
دا جزء بسيط جدااً من حلمى لكن ده اللى فى بدايه المخطط
ووايه المشاكل الابعدتك فترة واختفت وخلتنا ننادى عليك فى الميكروفونات:(
يعنى مشاكل عائليه فى البيت وكنت شلت النت عشان كنت دبيت خناقه مع الشبكه وكان عندى إمتحانات فى الفتره دى ولما خلصت
كان عندى شويه شغل والحمد لله خلصت
وجبت خط نت خاص بيا
يعنى من النهارده قاعد على قلبكم
:17:
كفاية كده واكيد راجعة انتظرنى

هو لسه فيه تانى
:28:
ربنا على الظالم والمفترى ليك يوم ليك يوم

MohammeD el_SadaT

06-07-2009, 04:06 AM

الاسئلة التانية جاااااااااااااااية كتير

وعرفت ان الدليل معايا جاوبت بصراحة طيب ماشى

طالما صراحة بقى

انتظرنى يا صديقى

انا قادم اليك ومعى ما تبغى

هههههههههههههههههههههههههههههه
الخيل والليل والبيداء تعرفنى والرمح والسيف والقرطاس والقلمى
هع هع هع هع هع هع هع

حزارى أشوفك فى ميدان معركه
:16:

PrisOner Of Grief

06-07-2009, 04:31 AM

ازيك يا بوب
عامل ايه ؟
بقي انت قاعد هنا وانا طالع عين اهلي بدور عليك
اوكى .. عموما نفض لي برحتك ... بس عايزك تعرف انى بجد زعلان منك ع الاخر

نييجي بقي للاسئلة
1. محمد السادات ... ما مدي ارتباطك باسمك .. وهل بتفتخر باسمك .. ع اساس انه ع اسم الرئيس السادات
2. theparadise _now ما سبب اختيارك لهذا الاسم
3...........(.حذف بواسطتى.الادارة.......)... كم مرة وهمت نفسك انك عايز تشربه
4. كم واحد من اصحابك اللي نفسك تنزل فيهم ضرب عشان يبطل شرب (حذف بواسطتى )
5. كلمه " لفظ غير لائق(من فضلك ممنوع استخدام هذه الالفاظ) " اكيد تعرفها ... لو بنت قالتها لك .. هتعمل إيه ؟ عايز الصراحه
6. أحمد شوقي ... لو نفسك تعمل فيه حاجه ... (تغيظ .. تخنق .. تشل .. ألخ) ... هتعمل ايه
7. الاستاذ أشرف ... ايه اكتر حاجه ممكن تخليك تدايق منه ؟
8. محمد عميش ... لو ابوه قالك عايزك تموته م الضرب ... هتعمل ايه
9. البنوته اللي قلبك بيدق كل ما تحس بيها .... (لو قالتلك انا نفسي تحضني) هتعمل ايه
10. البنوته بردو اللي بتحبها ... اكتر حاجه بتشدك ليها ... واكتر حاجه تبحبها فيها ...
11. لما مسكت ايد حبيبتك لاول مرة ... حسيت بإيه ...
12. ايه اكتر كلمة بتحبها من حبيبتك ... وايه الكلمة اللي لو سمعتها من اى حد تفكرك بحبيبتك

انا بقول كفايا كدا
وبكرة رجعلك تاني
استناني بقي

(من فضلك راعى فى عبارتك ان تكون لائقة)الادارة

MohammeD el_SadaT

06-07-2009, 05:22 PM

MohammeD el_SadaT

06-07-2009, 05:30 PM

تفتكر ان اهل طنطا كرماء!!!!!!!!!!!!!!!!!!!!!!!!!!!

آسف إجابه السؤال ده سقط من سهواً معلش
نيبجى بقه للسؤال
أهل طنطا كرماء ولا لاء أنا بقول بكل فخر أنا من طنطا وأهل طنطا مفيش أكرم منهم فى أى مكان
لكن طبعاً فيه فى كل بلد الحلو والوحش
ومش معنى إنى أنزل بلد أتسرق فيها أخرج أقول البلد دى كلها حرميه أو أتعامل مع شخص
ويطلع بخيل أقول البلد دى الفأر يدخل عندهم يطلع ميت من الجوع

عز وحيد

08-07-2009, 12:30 AM

ايه ده انا مش شايف حد رزل عليك خالص
انا شايف ان كل الاسئلة عادية

طيب يلا نبتدى

الاول
انت ليه مش جاى اسكندرية ولا بتحضر اى تجمع بيكون الموقع عامله وده دايما بيحصل والامثلة كثيرة من ضمنها حفل افتتاح المنتدى
الغريب مش انك ما تحضرش
الغريب انك عضو مجلس ادارة المنتدى
يعنى المفترض تكون من اصحاب القرار
طيب ازاى ما تكونش موجود
ممكن ده يتفسر انك مش بتحب تكون ......................
يلا مش هكمل رد الاول

التانى بقى
عملت ايه فى الى كان بيسألك الاسئلة المحرجة
وايه شعورك انك السبب فى ......عضو فى المنتدى
وهل الى قال الكلام ده قاله بسبب انه هو كده
ولا بسبب انت الى خليته يقول كده
يعنى ببساطة ليه هو قال كده على ما اعتقد انا شايف انه صعب حد يقول الكلام ده لحد الا اذا كان واخد عليه اوى اوى كمان ولا ايه
طيب تصرفك معاه بعد الى حصل كان ايه

التالت بقى
انت هاوى للنقل ولكن بطريقتك
وديه حاجة طبعا جميلة وموهبة كبيرة
طيب عملت ايه لما واحد او واحدة من الى انت نقلت مواضيعهم
ودخلوا هنا عليك الموقع واتهموك انك سرقت موضوعهم
كان ايه احساسك فى الوقت ده
وتصرفك كان ازاى
كمان رد الاعضاء الى عرفوا المضووع ده كان ازاى وقالوا ليك ايه
وهل يا ترى فيه حد نظرته اتغيرت فيك بعدها

الرابع بقى والاخير
ايه احلامك الكبيرة
مش الأحالم التقليدية بتاع كل شاب
لأ احلامك الكبيرة الى انت نفسك تعملها
يعنى ابعد عن وظيفة وشقة وعربية وجواز والكلام ده
عاوزين الكلام الكبير

ده اسبوع فرصة
وانا معاك فى الموضوع مش هسيبك
صديقى بقى وبحبه مش معقول اخليه ساكت كده طول الاسبوع

MohammeD el_SadaT

09-07-2009, 04:46 AM

ايه ده انا مش شايف حد رزل عليك خالص
انا شايف ان كل الاسئلة عادية

هههههههههههههههه مش كفايه إنت يا حبى
:17:

طيب يلا نبتدى
يلا
الاول
انت ليه مش جاى اسكندرية ولا بتحضر اى تجمع بيكون الموقع عامله وده دايما بيحصل والامثلة كثيرة من ضمنها حفل افتتاح المنتدى
الغريب مش انك ما تحضرش
الغريب انك عضو مجلس ادارة المنتدى
يعنى المفترض تكون من اصحاب القرار
طيب ازاى ما تكونش موجود
ممكن ده يتفسر انك مش بتحب تكون ......................
يلا مش هكمل رد الاول

يعنى لكل واحد ظروفه وأنا للأسف معظم الإجتماعات دى بتبقى متعارضه مع مواعيد عندى غير قابله للتأجيل
يعنى عندك مثلاً الرحله بتاعه الإسكندريه
كنت بفكر جدياً إنى أجى لكن للأسف حصل ما هو آت
أولاً
أنا روحت الإسكندريه من يومين إتنين وهيبقى من الصعب عندى فى البيت إنى أقولهم أنا رايح تانى اليوم
ثانياً
السبب الأول من الممكن بسهوله عليا حله لو أنا مصمم إنى أجى وأنا كنت مصمم فعلاً وناوى أجى لكن للأسف
والدى راح بعد ما أنا جيت من الإسكندريه هو الإسكندريه والمفروض إنه هيجى بكره آخر اليوم وأخويا الكبير فى الشغل
يعنى البيت مفيش فيه أى حد غيرى مع والدتى وأختى فبيتهيألى مينفعش أسيب البيت وأمشى
ثالثاً
أنا عندى شغل كتير جداااً لسه مش خلته المفروض إنى هخلصه قبل ما والدى يجى يعنى آخر فرصه لإنجازه بكره
رابعاً
كفايه عليك التلات أسباب اللى فوق

يعنى يا أخ عز كل واحد له ظروف وأنا لو ظروفى سمحت ليا أكيد هحضر أما من حيث إنى عضو فى مجلس الإداره أو عضو عادى
فده مش هيفرق كتير الإتنين محصلين بعض ولا ظروفى بتختلف عشان أنا عضو مجلس إداره
التانى بقى
عملت ايه فى الى كان بيسألك الاسئلة المحرجة
ولا حاجه رفضت الإجابه وكان ردى كالتالى
أمتنع عن الإجابه لما فى الأسئله من ألفاظه سافره خارجه
وايه شعورك انك السبب فى ......عضو فى المنتدى

السبب فى إن أحد أعضاء المنتدى إتعمل له باند " إتوقف " بسببى
ولا حاجه
" كل واحد يتحمل نتيجه أخطاؤه "
وده أخطأ وإتوقف

وهل الى قال الكلام ده قاله بسبب انه هو كده
ولا بسبب انت الى خليته يقول كده
الله ورسوله والمؤمنين أعلم
أنا مش هبقى مسؤل عن كل إنطباع سىء ممكن أى شخص ياخدو عنى
يعنى ببساطة ليه هو قال كده على ما اعتقد انا شايف انه صعب حد يقول الكلام ده لحد الا اذا كان واخد عليه اوى اوى كمان ولا ايه
عندك حق أحمد فعلاً أنا أعرفه كويس لأن أحمد كان حضر معايا إجتماع القناطر
لكن إيه اللى خلاه ال كلام زى ده الله وأعلم
وزى ما قولتلك كل إناء ينضح بما فيه وأنا مش مسؤل عن أى فكره غلط ممكن شخص ياخودها عنى
إلا لو كنت تصرفت تصرف أعطاه الفكره دى
لكن أنا والحمد لله عمرى ما تصرفت تصرف زى ده غير إن أنا وأحمد قليل جداااً لما بنتكلم مع بعض
دا حتى ده سبب من أكبر الأسباب اللى بتخليه يزعل منى إنى بيعتقد إننا بنفضله أو بتكبر عليه ومش برده أكلمه رغم إن ده عمره ما حصل
طيب تصرفك معاه بعد الى حصل كان ايه
قولتلك إنى قليل لما بتكلم معاه ومن ساعت اللى حصل ده وأنا هو مش إتكلمنا أو بمعنى أصح مش جت فرصه وإتقابلنا فيها على الياهو فى وقت واحد
التالت بقى
انت هاوى للنقل ولكن بطريقتك
فعلاً
وديه حاجة طبعا جميلة وموهبة كبيرة
طيب عملت ايه لما واحد او واحدة من الى انت نقلت مواضيعهم
ودخلوا هنا عليك الموقع واتهموك انك سرقت موضوعهم
أولاً
فيه فرق بين النقل بالمفهوم العادى وبين اللى أنا بعمله
لأن أنا بعمل إيه
أنا أحياناً بيشغل فكرى موضوع ببحث عنه فى جوجل بيظهر ليا طبعاً نتائج كتيره جداااً بفتح أكبر قدر منها وبقرأه
والأشياء المميزه فيها هى اللى بتسيب أثر فى ذاكرتى
وبعد ما بلم بالموضوع
بقوم بعمل موضوع خاص بيا فيه خلاصه ما قرأت من الممكن أن تكون الخلاصه دى كلمه من كل موضوع فيهم
ومن اللممكن أن يكون معظم موضوعى من موضوع واحد
لكن فى النهايه بيبقى الكتابه بإسلوبى متأثر بالموضوع يعنى بيبقى موضوعى خلاصه تفكيرى وقراءتى
وعلى ما أعتقد ده عمره ما يبقى نقل أبداً
ولا إنت إيه رأيك
؟!
كان ايه احساسك فى الوقت ده
ولا حاجه لأنى عارف إنى مرتكبتش خطأ
وتصرفك كان ازاى
إتكلمت معاه بمنتهى الموضوعيه وفهمتها بوجهة نظرى اللى شرحتها لك هى إقتنعت أو لاء فده شىء ميخصنيش
كمان رد الاعضاء الى عرفوا المضووع ده كان ازاى وقالوا ليك ايه
ولا حاجه محستش بأى رد فعل سلبى نهائى
وهل يا ترى فيه حد نظرته اتغيرت فيك بعدها
لاء خالص الحمد لله

الرابع بقى والاخير
ايه احلامك الكبيرة
مش الأحالم التقليدية بتاع كل شاب
لأ احلامك الكبيرة الى انت نفسك تعملها
يعنى ابعد عن وظيفة وشقة وعربية وجواز والكلام ده
عاوزين الكلام الكبير
بص يا عز هقولك على حاجه
" أنا مؤمن جدااً بإن كل شخص على أد حلمه يعنى لو حلمك كبير هتبقى كبير يعنى لو فرضنا إن فيه شخص كل حلمه يركب عربيه هيركبها وبكده هتبقى أحلامه إنتهت لأن ده أكبر حلم له إن يركب عربيه
واحد حلمه يبقى غنى هيبقى غنى
لكن طبعاً مش معنى إن حلمه يبقى هيبقى لازم يسعى لحلمه عشان يقدر يحققه عشان بس مش تفهم كلامى غلط
وبما إنى مؤمن إنى كل شخص على أد حلمه
فأنا حلمى كبير جدااً جدااً لدرجه إنى مش قادر أعبر أو أسيطر على أحلامى أنا أحلامى متفرعه كل ما بحقق حلم
بيتجدد تلقى حلم جديد لكن عمرى ما حطيت لحلمى نهايه
ده اسبوع فرصة
وانا معاك فى الموضوع مش هسيبك
صديقى بقى وبحبه مش معقول اخليه ساكت كده طول الاسبوع
وأنا معاك للنهايه تقدر تسأل كل اللى إنت عاوزه وأنا هجاوبك

dream

09-07-2009, 10:43 AM

You can see links before reply

لا تحسبنّ رقصي بينكم طربا .. فالطير يرقص مذبوحا من شدة الألم

You can see links before reply

ياترى ايه حكاية التوقيع الجديد ده؟

وما هو تعريفك للمجنون؟؟

العاقل؟؟

المتكبر؟؟

المتواضع؟؟

المراة؟

ماهي اجمل اللحظات في حياتك ؟

ما رايك بمنتدى بوابه التعليم المصرى؟

مامعنى كلمة الصداقه في نظرك ؟

مامعنى كلمة الخيانه في نظرك؟ وهل مررت بتجربه نهايتها خيانه ؟

ياترى ايه المجال الذى تتمنى ان تشتغل به

بعد التخرج باذن الله؟

جواب يا بطل

ولسه فى كتيررررررررر

انتظرنى

يارب احمنى من نفسى

09-07-2009, 09:43 PM

السلام عليكم ورحمة الله وبركاتة
ان شاء الله تكون بخير اخى وحبيبى فى الله
السادات ويارب الاسئلة تكون سهله
وتقبل خالص احترامى وتقديرى
مع الاسئلة

كلمه لشباب المسلمين ؟
دعاء من قلبك لمن يكون ؟
لو جرحك انسان غالى عليك
ماذا يكون شعورك وماذا تفعل ؟
لمن كانت اغلة دمعه ؟
ولمن كانت اجمل ابتسامة ؟
هويتك المفضلة؟
اجمل وقت با النسبة ليك؟
اجمل لحظه فى حياتك؟
اجمل ابتسامة ؟
اجمل اسم ولد وبنت ؟
اجمل حرف ؟
اجمل رقم ؟
اجمل نكتة سمعتها ؟
اجمل نكتة انت قولتها؟
اجمل مكان تحب ان تجلس فيه ؟
هل تحب الوحده بدون اقرب الناس ليك؟
وبهديلك فى يوم الجمعة الجميل
اجمل تحية وتقدير
وتقبل خالص احترامى

MohammeD el_SadaT

09-07-2009, 10:06 PM

ياترى ايه حكاية التوقيع الجديد ده؟
يعنى تجديد وتقدرى تقولى كده حاله نفسيه يعنى
وما هو تعريفك للمجنون؟؟
المجنون ده اللى الأبلتين بتاعه لاسع
:26:
الجنون هو ما يتعدى حدود العقل ويسبح في غير المعقول من فعل أو كلام.
العاقل؟؟
الفرق بين الإنسان الوحيوان العاقل كبير القدر جليل الشأن تتابعه العيون وترغب فيه القلوب
المتكبر؟؟

يا مظهر الكبر اعجابا بصورته
انظر خلاءك إن النتن تثريب
لو فكر الناس فيما في بطونهم
ما استشعر الكبر شبان ولا شيب
هل في ابن آدم مثل الرأس مكرمة
وهو ببعض من الآفات مضروب
أنف يسيل وأذن ريحها سهك
والعين مرمصة والثغر ملعوب
والسهك رائحة كريهة وثغر ملعوب يعني يحمل داخله اللعاب الذي لايطاق حتى من صاحبه لو خرجت من فيه فهل لك بعد ذلك ان تتكبر

كمان فيه بتين شعر جمال فى المتكبر

انظر الى من حوى الدنيا بأجمعها
هل راح منها بغير القطن والكفن
المتواضع؟؟
التواضع أعظم نعمة ينعم الله بها على عبده
المراة؟
المرأه فى نظرى سلاح ذو حدين
ماهي اجمل اللحظات في حياتك ؟
مش عارف والله يمكن مفيش أى لحظه جميله فى حياتى إلا وعكرتها حاجه وحشه
لكن نقدر نقول لما خلصت ثانويه عامه
وروحت عشان أقدم فى الكليه الحربيه دى كانت أسعد لحظه فى حياتى لكن للأسف تأتى الرياح بما لا تشتهى السفن

ما رايك بمنتدى بوابه التعليم المصرى؟
من أجمل المنتديات اللى شاركة فيها فى حياتى منتدى فعلاً حسيت فيه بجو الأسره طقم متكامل
وبإذن الله فى فتره قصيره جدااً جدااً هيبقى له شأن كبير جدااً
لو إستمر بنفس النهج
مامعنى كلمة الصداقه في نظرك ؟
الصديق هو الشخص اللىتلاقيه جنبك وقت ما كل الناس تتخلى عنك
مامعنى كلمة الخيانه في نظرك؟ وهل مررت بتجربه نهايتها خيانه ؟
الخيانه فى نظرى أنا شخصياً إنى أحط ثقتى الكامله فى شخص وأعتبره شىء فى حياتى وفجأه أكتشف إنى فى حياته مجرد وسيله للوصول لهدف معين وبعد الهدف ده شخص عادى على الهامش
يااااااااااااااااااااااه كتيييييييييييير ومن كتر ما شوفت إتعلمت والحمد لله
ياترى ايه المجال الذى تتمنى ان تشتغل به
بعد التخرج باذن الله؟
أكيد مجال دراستى نفسى أبقى محاسب فى شركه محترمه

جواب يا بطل
جاوبت الحمد لله
ولسه فى كتيررررررررر
ياما فى جرابك ياحاوى
هههه
انتظرنى
منتظرك بإذن الله وربنا يقدرنى على الإجابه

MohammeD el_SadaT

09-07-2009, 10:31 PM

لسلام عليكم ورحمة الله وبركاتة
وعليكم السلام ورحمه الله وبركاته
ان شاء الله تكون بخير اخى وحبيبى فى الله
الحمد لله تمام
مش عارف ليه حاسس إنى أعرفك
؟!
السادات ويارب الاسئلة تكون سهله
وتقبل خالص احترامى وتقديرى
أهلاً بيك منور
مع الاسئلة
مش عارف ليه حاسس إنك بتقدم برنامج بس هتبقى مذيع شاطر
:27:
كلمه لشباب المسلمين ؟
إتقوا الله فى أفعالكم وأقوالكم
" وياريت نبطل التقليد الأعمى للغرب ونبطل نكون زى البغبغان بنقلد كل ما نراه دون تميز هل هو صحيح أم خطأ لكن حتى البغبغان أفضل مننا على الأقل هو بيقلد الصح والخطأ لكن إحنا بنقلد الخطأ فقط بل وبنتفنن فى إننا نزوده ونطوره ومغمضين عن الصواب يعنى محترفين نقل سلبيات فاشلين نقل إيجابيات "
دعاء من قلبك لمن يكون ؟
لوالدى ووالدتى
لو جرحك انسان غالى عليك
ماذا يكون شعورك وماذا تفعل ؟
على حسب الجرح رغم إن أصعب جرح جرح الحبيب
لمن كانت اغلة دمعه ؟
لله
ولمن كانت اجمل ابتسامة ؟
لله
هويتك المفضلة؟
السباحه
اجمل وقت با النسبة ليك؟
وقت الشعر بالرضا عن النفس
اجمل لحظه فى حياتك؟
لحظه التوبه إلى الله
اجمل ابتسامة ؟
لله كلاكت تانى مره
اجمل اسم ولد وبنت ؟
أجمل إسم ولد بالطبع اسم " محمد "
لكن أنا الأسامى اللى ناوى أسميها بإذن الله
" مازن ... هايدى "
اجمل حرف ؟
حرف ال نون n
اجمل رقم ؟
1
اجمل نكتة سمعتها ؟
كانت نكته بتقول إن الجماعه المخطوبين دول طول ما هما فى فتره الخطوبه تبص تلاقى الواحد من دول طول اليوم ماسك خطيبته أغانى حب ورومانسيه
وبعد الجواز هى أغنيه واحده وشريط واحد ومطرب واحد " غلطه وندمان عليها هانى شاكر "
اجمل نكتة انت قولتها؟
مش عارف الصراحه
اجمل مكان تحب ان تجلس فيه ؟
على شط البحر لما أبقى الإسكندريه وفى أى مكان لوحدى لما أبقى فى أى مكان تانى ولو فى بلدنا فى طريق كده بتمشى عليه بيربط بين بلدنا والبلد اللى جنبنا حوالى 3 كيلو بتمشاهم
هل تحب الوحده بدون اقرب الناس ليك؟
بحب الوحده فى البدايه أصفى فيها مع نفسى وأرتاح وبعد كده أقرب الناس ليا بيكون أول واحد بتكلم معاه

وبهديلك فى يوم الجمعة الجميل
اجمل تحية وتقدير
وتقبل خالص احترامى

بجد نورت الكرسى وأضفت له بسمه غريبه غير عاديه على الكرسى

يارب احمنى من نفسى

10-07-2009, 01:36 AM

يعنى بكل وضوح جواب سليم على كل الاسئلة
وان شاء الله نتعرف على بعض اكتر واكتر
اخى محمد السادات

MohammeD el_SadaT

10-07-2009, 02:27 AM

يعنى بكل وضوح جواب سليم على كل الاسئلة
وان شاء الله نتعرف على بعض اكتر واكتر
اخى محمد السادات

إن شاء الله وعن جد إنت نورتنى بأسألتك الجميله ومش عارف ليه
مازلت عندى إحساس إنى أعرفك قبل كده
:7:
***

ما زلت فى إنتظار الأسئله
:20:

dream

10-07-2009, 02:48 AM

عودنا

.هل انت مدمن تفكير؟

.من هو اكثر شخص تفكر فيه؟

.اذا تم تعيينك ملكا لجميع البلاد العربيه فما اول قرار ستتخذه ؟

.هل تكره شخص بشده في حياتك ؟

.ما هو اقتراحك الذي تتمنى ان يحدث في هذا المنتدى ولم يحدث الى الان ؟

.هل ملابس الشخص امامك تؤثر فيك لتأخذ عنه انطباع ؟؟

.ماالذي يلفت انتباهك بسرعه في الشخص لكي تعجب به ؟

اذا احببت شخصا في الوقت الخطأ وفي المكان الخطأ فماذا تفعل ؟؟

.حكمة تؤمن بها جدا؟؟

ولسه

شمس بياض

10-07-2009, 03:15 AM

MohammeD el_SadaT

10-07-2009, 03:35 AM

عودنا
أهلاً بيكم منورين ليكم وشحه والله
.هل انت مدمن تفكير؟
تقريباً ده سبب من الأسباب الأساسيه اللى بتسبب ليا إرهاق جامد جداااً وبتخلينى نادراً لما أأقدر أنام كويس
إنى بفكر فى كل حاجه وبفكر فى أدق التفاصيل وبفكر فى حاجات كتير ملهاش أى علاقه بيا ولا تمت ليا بصله
وبشغل بالى وبفكر فى أتفه الأمور حتى ولو حاجه وقفت قدامى ممكن مقدرش أتحرك من مكانى غير لما أحلها
.من هو اكثر شخص تفكر فيه؟
فى الشخص اللى حياتى بحالها فداه
.اذا تم تعيينك ملكا لجميع البلاد العربيه فما اول قرار ستتخذه ؟
أول قرار هتخذه إنى هوحد البلاد العربيه بصوره تامه هقدى على الخلل والفشاد اللى بقى طاغى فى البلاد وهحاول أطبق شرع الله
وده عباره عن تمهيد بسيط جداااً لأو قرار هتخذه وهو الدفاع عن دين الله ضد أعداء الله
أى هقوم بحرب شامله للتطهير حتى ولو إضريط إلى محاربه العالم أجمع
.هل تكره شخص بشده في حياتك ؟
أكيد كل واحد فينا فيه ناس كده مش بيحبها لله فى لله حتى ولو لم يتعامل معهم مطلقاً لكن ده شىء الواحد ملوش يد فيه
يعنى أنا فى ناس كده مش بقبلها لله فى لله ولما بشوفها مزاجى بيتعكر
.ما هو اقتراحك الذي تتمنى ان يحدث في هذا المنتدى ولم يحدث الى الان ؟
تنظيم البنيه الداخليه للمنتدى ووضع النقاط على الحروف وتحديد الأدوار عشان أنا بجد حاسس إنها عباره عن سلطه واللى بيقدر على حاجه بيعملها وده مينفعش على طول
لازم تبقى فيه خطه ومنهج منظم عن كده
.هل ملابس الشخص امامك تؤثر فيك لتأخذ عنه انطباع ؟؟
أكيد طبعاً أنا فيه ناس من أول لما بشوف منظر لبسها وطرقتها فى الكلام مش بعبره فى الجزمه وبتجاهله تماماً
.ماالذي يلفت انتباهك بسرعه في الشخص لكي تعجب به ؟
طريقته فى التعبير عن نفسه
مؤمن أنا بالمثل
القائل
" نكلم حتى آراك "
اذا احببت شخصا في الوقت الخطأ وفي المكان الخطأ فماذا تفعل ؟؟
الحب مش بإيد الواحد مننا فكل اللى هعمله إنى هحاول أعمل اللى عليا للحفاظ على الحب ده وإن لم يشاء الله فده قضاء وقدر
لكن أكيد مش هسلم بسهوله وهدافع للنهايه
.حكمة تؤمن بها جدا؟؟

الريش الجميل ليس كافيا ليصنع طائرا جميلا
أن تضيء شمعة صغيرة خير لك من أن تنفق عمرك تلعن الظلام
لا يحزنك إنك فشلت مادمت تحاول الوقوف على قدميك من جديد

ولسه

أنا مستنى بإذن الله

MohammeD el_SadaT

10-07-2009, 03:38 AM

اكيد يا استاذ محمد
طالما الاستاذه دريم
تحاصرك با اسلتها
يبقى ناويه على نيه
تعرفها؟؟؟
اكيد معجبه بشخصيتك وناويه تناسبك فى بنتها

شد حيلك عشان ازغرد فى الفرح

والمثل بيقول اخطب ابنتك؟
مش كده ولا ايه

المثل بيقول
" إخطب لبنتك ولا تخطبش لإبنك "

بس على فكره
أنا خاطب بنت ميس أحلام من زمان بس إياك بس مشتكون هى نسيه أنا أول الحاجزين
ويبقى ليا الشرف طبعاً
يكفينى فخراً إن حماتى تكون ميس أحلام
:17:

وبس بقه عشان بتكسف
هههههههههههههههههههههههههه

dream

10-07-2009, 03:52 AM

اكيد يا استاذ محمد

طالما الاستاذه دريم
تحاصرك با اسلتها
يبقى ناويه على نيه
تعرفها؟؟؟
اكيد معجبه بشخصيتك وناويه تناسبك فى بنتها

شد حيلك عشان ازغرد فى الفرح

والمثل بيقول اخطب ابنتك؟
مش كده ولا ايه

المثل بيقول
" إخطب لبنتك ولا تخطبش لإبنك "

بس على فكره
أنا خاطب بنت ميس أحلام من زمان بس إياك بس مشتكون هى نسيه أنا أول الحاجزين
ويبقى ليا الشرف طبعاً
يكفينى فخراً إن حماتى تكون ميس أحلام
:17:

وبس بقه عشان بتكسف

هههههههههههههههههههههههههه

لا مش ناسية

لكن حضرتك قريت واعترفت ان فى حبيبة اخرى

وانا بنتى يجب ان تكون الاولى والاخيرة

هههههههههههههه

MohammeD el_SadaT

10-07-2009, 10:05 AM

لا مش ناسية
لكن حضرتك قريت واعترفت ان فى حبيبة اخرى
وانا بنتى يجب ان تكون الاولى والاخيرة
هههههههههههههه

أهو عاجبك كده ياأستاذه نور دقيتى على الحديد وهو سخن
وضيعتى علينا الجوازه طب كنتى إصبرى شويه على ما الرد يتوه
عمتاً دى هتبقى فى عنيه ياأستاذ أحلام

والله شكلك كده هتبقى حمى فشر مارى منيب
هههههههههه

يارب احمنى من نفسى

10-07-2009, 12:49 PM

وثانيا ً
عوده جملة مع السادات
جوابك على الاسئلة جميل جدا
وانا شايف ان كل الاعضاء بيحبوك قوى
كلمة لكل اعضاء المنتدى؟
هل يوجد فى المنتدى عضو تحب ان تقابلة؟
منددى البوابة المصرية بمثل للسادات اية؟
قسم فى المنتدى تحب التواجد في؟
نصيحة لمشرفين المنتدى ؟
عاوك تكتب من واحد 10 وتهدى لكل عضو رقم وهدية منك لية ؟؟

dream

10-07-2009, 02:16 PM

وتانى تانى راجعين لل.....................

ازيك عامل ايه؟

حرما لصلاة الجمعه المباركة

باقة ورد لمن تهديها ...؟؟

- شخص لاترفض له طلبا ..؟؟
- من هو توأم روحك ...؟؟
-مالذي يشعرك بأكثر قدر من الحرج...
-حمامة زاجل استقرت على نافذتك تحمل رسالة من مجهول فممن تتمنى ان تكون...؟؟
-- من هو العضو اللي يستحق انه تقول عنه محبوب بين الاعضاء ؟
-مين بنظرك بيعمل بجهد بالمنتدى ؟

عاوز تتسال تانى ولا كفاية اسئلة منى؟:)

MohammeD el_SadaT

10-07-2009, 02:21 PM

]وثانيا ً
عوده جملة مع السادات
الأجمل هو مرورك مره تانيه يا.... بردو مش هتقول إنت مين دا إنت حتى معملتش موضوع ترحيب
جوابك على الاسئلة جميل جدا
دا بس من ذوقك
وانا شايف ان كل الاعضاء بيحبوك قوى
هذا من فضل ربى وأكيد مش زى ما أنا بحبهم
كلمة لكل اعضاء المنتدى؟
كل الكلام مش ممكن يعبر عن اللى جوايا ليهم لأنهم بجد يستحقو كل إحترام وتقدير
هل يوجد فى المنتدى عضو تحب ان تقابلة؟
أكيد كل أعضاء المنتدى نفسى أقابلهم اللى شوفته أشوفه تانى واللى مشوفتوش أشوفه
منددى البوابة المصرية بمثل للسادات اية؟
مكان برتاح فيه نفسياً وبنسى كل الهموم فى جو الأسره والحب والإخاء اللى فيه
قسم فى المنتدى تحب التواجد في؟
كل أقسام المنتدى أحب أتواجد فيها لأن بكل تأكيد أى قسم فى المنتدى هو قسم مفيد وأنا دائماً أسعى وراء المعلومه والمعلومه متوفره فى كل قسم بالتالى أنا بحب كل قسم فى المنتدى
نصيحة لمشرفين المنتدى ؟
مشرفين بوابه التعليم المصرى هم أهل النصيحه وأنا الذى ييجب عليا أنا أسألهم النصيحه
" إسألوا أهل الذكر إن كنتم لا تعلمون "
وبجد مشرفى البوابه كل شخص فى مكانه المناسب لذلك حقاً هم أهل الذكر لمناصبهم
عاوك تكتب من واحد 10 وتهدى لكل عضو رقم وهدية منك لية ؟؟
من واحــ1ـــد لعشــ1ـــره لا تكفى
فأنا هختار المنتدى بالكامل وأهديهم قلب كبير حبهم وكلهم وبيتمنى يحبوه ولو نص حبه ليهم

يارب احمنى من نفسى

11-07-2009, 01:42 AM

MohammeD el_SadaT

12-07-2009, 01:57 AM

يعنى معرفش الاعضاء ملهم كده فين الاسئلة انتم خلصتم ولا اية
بس اكيد سيبين الاستاذ محمد يريح شوية من المطر الى نازل عليه
نقول عودة ثالثا
مع استاذ جميل فى المنتدى من جوابه على الاسئلة عرفنا ان شخصيه رائعة
محترم يرد با اسلوب شيق وجميل على كل الاسئلة
حصل على درجة 100فى100 فى الماده الخطيرة وهى حب الاعضاء
وحصل على وسام الاسلوب الممياز باالرد الجميل على الاعضاء
وحصل على هدية العضو الرائع فى كل مواضيعة
واقدم ليه طلب الصداقة والمحبة فى الله
بجد ياأحمد أنا مش عارف أرد على كلامك الجميل ده أقول إيه أنا واقف عاجز عن أى كلام
لأنك بجد أخجلت تواضعى وأنا ليا الشرف إنى أكون صديق إنسان محترم زيك يا أبو حميد
وبجد إنت فخر لبوابه التعليم المصرى
بس ليا شرط بسيط
وهو إنك تطبل تقولى إستاذ محمد دى خالص وتقولى يا محمد
محمد وبس بدون أى ألقاب
لانك السادات مش هطول عليك ياريس
طول براحتك يا أبو حميد ردودك بجد بتسعدنى
ومش عاوزك تزهق منى خاااااااالصومع الاسئلة كيف كآن شعورك في بدآيه تسجيلك فى المنتدى؟
كان شعور بالفخر والعزه والكبرياء لأن حكايه المنتدى ده حكايه طويله أكيد هحكهالك فى يوم الأيام
لكن كل اللى أقول أقوله إنه كان أسعد يوم فى حياتى يوم ما دخلت المنتدى هنه
لأنى مقدرش أقول سجلت لإن الأستاذ أشرف هو اللى سجلى العضويه عشان ألحق ترتيب فى رقم العضويه زى ما كان وعدنى
ترتيبك بين أخوآنك؟
أنا التانى
إحنا أصلاً إتنــ2ـــين صبيان وبنت واحده
وأنا الأوسط
بيت شعر تردده دآئمآ؟
لا تأسفنّ على غدر الزمان لطالما رقصت على جثث الأسـود كلابُلا تحسبن برقصها تعلو على أسيادها فالأسد أسد والكلاب كلاب لا تأسفن على غدر الزمان لطالما رقصت على جثث الأسود كلابا لا تحسبن برقصها تعلو على أسيادها تبقى الأسود مخيفة في أسرها حتى وان نبحت عليها كلاب
قطآر حيآتك إلى أين يتجهـ؟
إلى طاعه الله بإذن الله وتحقيق ذاتى فى الحياه
دوله تحب زيارتها؟
مصر اللى قيت عنها طول عمرى نفسى أزروها وأشوفها بالشكل اللى الكتب مصوراها بيه
نفس ألاقى مصر اللى رسولنا الكريم قال فيها
" إذا فتح الله عليكم مصر فإتخذو منها جنداً كثيفً فذلك الجند فى رباط إلى يوم الدين "
آخر هدية وصلتك؟
ساعه من واحد زميلى
ماذا تعني لك دموع المرآة؟
المرأه كائن لطيف وأنا بحترم حنان وعطف المرأه جداااً وبجد بينزل من نظرى أى راجل ميقدرش المرأه ويحطها فى مكانها الصح
وعشان كده دموع المرأه غاليه عندى جدااً وتساوى كنوز الدنيا بحالها
لأن المرأه دى
هى أمى هى أختى هى حببتى هى كل حياتى
وأنا عمرى ما شوفت مرأه على إنها مرأه عاديه دائماً بشوفها كائن يجب التعامل مع بحزر شديد جدااً جدااً
لكل إنسآن عنوآن لحياته.. فماهو عنوان حياتك ؟
الوحده
مشآعرك تجآه المنتدى في هذه اللحظة؟
كل حب وفخر بإنتمائى ليه
عضو يعجبك ؟
الأستاذ محمد عبدالعظيم وسيه
عضو يشدك باسلوبه ؟
الأستاذ شريف
عضو ترتاح له ؟
كل أعضاء المنتدى
عضو نفسك تعرف عنه اكثر ؟
كل أعضاء المنتدى أنا من أكبر هوياتى إنى أعرف كل شخصيه قدامى حتى ولو تعاملى معاها شبه منعدم
عضو ودك تتقرب له ؟
كش شخص سجل معانا فى هذا الصرح العظيم
عضو تحبه بصدق ؟
بردو جميع أعضاء المنتدى بدون إثتثناء أى شخص حتى من يحمل فى نفسه ضغينه لى فالحب لله
عضو من اول ماشفت اسمه بالمنتدى ارتحت له ؟
مش هتصدقنى لو قلت ليك إنت " يارب احمنى من نفسى " حسيت إنى أعرفك من زمان
عضو تقول له شكرا على كل شي ؟
كل عضو قرأت له ولو حرف واحد وإستفدت منه ولو بجزء بسيط جداااً فهو صاحب فضل عليا
عضوتقول له يشرفني اني اعرفك ؟
" يارب احمنى من نفسى "
لأنى بجد فخر لكل شخص يتعرف عليك بجد إنسان محترم وخلوق
عضومبدع بمعنى الكلمه ؟
أعضاء المنتدى حقاً معظمهم مبدعين ولو ذكرتهم نصاً قد تخوننى ذاكرتى لكن بجد هم رف لأى صرح ينتمو إليه
عضو تفرح لما تشوفه بالمنتدى؟
كل أعضاء المنتدى أنا بجد لما بدخل وبشوف الأعضاء عدد كبير بيجيلى دفعه حماس غير عاديه وبحس إننا فعلاً ح
لذلك بفرح لما بشوف أى عضو جديد أو قديم أعرفه أو لاء ليا معاه علاقه أو لاء
عضو غاامض؟
أعضاءنا كلهم بيتميزو بالصراحه والحمدلله
عضو حساس؟
مس رنيا
عضو رهيب؟
الرهبه لله وحده
عضو مرح؟
بجد أعضاء المنتدى كلهم بيتميزو بروح الفكاهه والضحه الغير متكلفه أو مصطنعه ضحكه من القلب
عضو مثقف؟
عارف إنى دا المره الألــ1000ـــف اللى أشمل فيها أعضاء المنتدى بالكامل لكن صدقنى دى الحقيقه
هى دى الاسئلة ياريس واسف على كثرة الاسلة
وان شاء الله هتكون اخر اسئلة منى علشان مش اعملك ازعاج ياريس
ومع الف مليون سلام
لك منى اجمل تحية وتقدير

أولاً
أنا مش بحب كلمه آسف نهائى خصوصاً لما تبقى من غير وجه حق
ثانياً
إنت بجد وجودك فى الموضوع بينورنى
وأنا ممكن أفضل أجاوب عليك للصبح ومش هكل ولا همل

MohammeD el_SadaT

12-07-2009, 02:57 AM

بجد أنا فى بدايه ردى مش عارف أغتزر إزاى على إنى مش أخدت بالى من سؤال حضرتك يا ميس أحلام
بس بجد والله فعلاً أنا مش شوفت السؤال

وتانى تانى راجعين لل.....................

قصدك حضرتك وتانى منورين

ازيك عامل ايه؟
الحمد لله تمام بحاول أعيش وأتعايش مع الحياه
حرما لصلاة الجمعه المباركة
جمعاً إن شاء الله
أسمع على فكره إن الكلمه دى بدعه وعليها جدل وخلاف
ياترى ده صحيح
وهل هى أصح ولا
" تقبل الله "
باقة ورد لمن تهديها ...؟؟
لكل قلب نقى
- شخص لاترفض له طلبا ..؟؟
اللى قلبى يرتاحله لله فى لله
مش شخص معين
- من هو توأم روحك ...؟؟
مفيش أى حد
-مالذي يشعرك بأكثر قدر من الحرج...
لما حد يبص فى عينى مباشر فجأه وأنا ماشى رجلى بتلف حوالين بعضها مش عارف ليه بحس انى ملخبط
-حمامة زاجل استقرت على نافذتك تحمل رسالة من مجهول فممن تتمنى ان تكون...؟؟
ليس التمنى فيمن تكون بل التمنى فى المضمون وأكيد هتمنى تكون من شخص صالح ليكون المضمون مفيد
-- من هو العضو اللي يستحق انه تقول عنه محبوب بين الاعضاء ؟
كل عضو محترم بيراعى فى تعامله مع الآخرين ربنا سبحانه وتعالى
وبيعامل الناس بمثل ما يحب أن يعاملوه به وما أكثرهم فى منتدانا العزيز
-مين بنظرك بيعمل بجهد بالمنتدى ؟

بصراحه اللى أنا شايفه إن المنتدى بيعمل وفق لمنظومه رائعه كلهم إيد وحده ويارب نستمر على كده

عاوز تتسال تانى ولا كفاية اسئلة منى؟:)
أكيد عاوز أتمتع بأسألت حضرتك