عيب

[مستر أحمد حمدى]

بسم الله الرحمن الرحيم


والصلاة والسلام على أشرف المرسلين سيدنا محمد الصادق الأمين


فى موضوعنا المطروح للنقاش هو


ما العيب فى شخصيتك ؟؟؟


وبما أننا لن نتقدم إلا بإقرارنا بالذنب عما إقترفنا من أخطاء


وبقناعتنا بعيوبنا


وبمحاولتنا تغيير أنفسنا إلى الأحسن


فلا عيب فى أن نخطئ لأن كل ابن ادم خطاء وخير الخطائيين التوابون


وهنا أريد من كل عضو أو عضوة


أن ينتقد الصفة السيئة فية بصدق


وأبدأ بنفسى وأقول


عندى بعض الصفات السيئة وأهمها


1- الصراحة اللى تودى فى داهية


طبعا دى كارثة مبقدرش أنافق حد ودة بيتعبنى قوى فى الدروس


لأن كل صاحب معهد أو مجموعة بيبقى عايزنى انافقة وأحيانا


يكون الامر أكبر من ذلك فيكون رأيى وبالا على مثلا هنا فى


المنتدى كان فية استطلاع للرأى عن خطابات السيد الرئيس


وللأسف فية أشخاص - مجاملين - ومش عايز أقول شئ تانى


قالوا رأيهم بأن الريس مفيش منه اتنين وان النساء عقمت على


ان يلدن مثلة وانه العالم العلامة الترعة الغرقانة القلة


العطشانه وهو المنقذ وهو القائد وهو الزعيم وهو الفلتة



فطبعا غلى الدم فى راسى كالعادة لأن مبيعجبنيش الحال المايل



طبعا هو حر فى رأيه بان الرئيس كويس لكن مش المفروض


يقصر الخير والذكاء والكفاءة والعدل وحسن التصرف علية


وكأنه يتحدث عن النبى صلى الله علية وسلم


وينسى اننا 80 مليون فتبقى كارثة لما 80 مليون مفيهمش راجل


فرديت علية طبعا رد لاذع وذكرته بحديث الرسول صلى الله


علية وسلم الخير فى وفى أمتى إلى يوم القيامة


فرد تانى بأن الرسول ربى الصحابة وقال شئ ملوش علاقة


بالموضوع " أو من قلة نحن يا رسول الله 000


المهم رديت انا كمان وفى النهاية ارد وهو يرد لحد ما استاذ


اشرف قفل الموضوع وحذفة كمان


لدرجة انى كنت مزهول للردود والدفاع وان لو مات القائد


الضرورة حنروح فى داهية حتى لو ابنة القائد الصغير تولى


مكانة و هالنى الامر لأننى احسست اننى لا اعيش فى مصر


أو انه يتحدث عن بلد أخرى



بلد يأكل العسل والزبادى ولا مشاكل ولا شئ



الشباب بيصرف وبيتفسح وبيشتغل وبرفنات ونظام


طبعا مدرس زميلى اسمه حاتم فتحى شاف الموضوع والرد


على الموضوع فقالى ربنا يحشره معاة


واتفق معى اخى العزيز حاتم انه يكلمنى ولما ملقنيش على النت


عشان كنت بنزل ويندوز


اتصل بى هاتفيا الساعة 1 مساء وقالى قلقتنى عليك


طبعا هو افتكرنى رحت أمن الدولة بعد الكلام اللى قلتة


حتى انا نفسى فكرت فعلا انى حروح لا محالة


فقلتلة ان ا / اشرف لغى الموضوع قال احسن


2- حقانى قوى


فمبحبش حد يمس كرامتى وأموت لو حد أخد حقى غصب عنى


فبحب اخد حقى وادى كل واحد حقة وبالمناسبة دى كنت


اتمسكت مرة فى الامن العام 0000



ولا اقولكم خليها قصة لوحدها إبقوا فكرونى اقولهالكم


3- حساس قوى


ودى بقى كارثة الكوارث لأن بقت الدنيا دلوقتى محتاجة البارد



اللى اعصابة فى تلاجة 300 قدم ودة بيخلينى سريع الغضب


لكن ببساطة بسألى نفسى لية غيرى يهين كرامتى مع انى لم


أهن كرامته ؟


4- طلقى حامى


يعنى قلبى حامى أحب أنجز بكرة جدا كلمة طول بالك لأن بالى


مش طويل ولا حاجة بل بالعكس


5- متمسك بالمبادئ لدرجة التهور


ودا كان نتيجة اختبار نفسى الدرجة العيا فية كانت من 50 أنا


جبت فية 54 وكانت الدرجة العليا 50 بتقول انت متمسك


بالمبادئ لدرجة التهور ودى حقيقة مقدرش أتنازل عن مبدأى


أبدا لأن بعتبر دة نفاق


طبعا فية ناس كتير حتقول ان اللى انا ذكرتة دا مش عيوب


حقولهم دا قمة العيوب لأننا فى زمان إنقلبت فية المفاهيم



فبكون صريح الناس بتزعل من الصراحة



مبعرفش انافق الناس تقول دا جلياط ومعندهوش ذوق



بحب المتدينين وبنصح تلاميذى الناس تقول عاملى فيها شيخ


لدرجة انى بمنع البنات من 4 ابتدائى من لبس البنطلونات


وعدم ارتداء الحجاب فالناس تقول دا تذمت وتشدد



وهاكذا



:38::38::38:

[نعمه محمود]

مع احترامى لرأيك لكن دى مش عيوب حتى لو انقلبت المبادىء فنحن ملتزمون بان نسير وفق مبادئنا وليست الناس بهذا السوء كى يروا الحق باطل فالخير في وفي امتى الى يوم الدين أو كما قال صلي الله عليه وسلم .
بالمناسبة من عيوبي العصبيه الشديدة
التسرع
ياااااااااااااااااااه
دول طلعو كتير كفايه اتنين

[اسامه القزاز]

استاذ احمد موضوعك صعب صعب صعب

[dream]

وانا باؤيد راى استاذه نعمة

ان المبادئ لا تتغير بالزمن

اهم عيوبى

النرفزة خصوصا مع ابنائى

ردود فعلى للمواقف المفاجاة ضعيفة جدا

يعنى باصدم ومش باعرف ارد فى حينها

كثيرة التفكير فى كل شئ

والمفاجاة الكبرى

انى لا احب الاعمال المنزلية:)

[شمس بياض]

وانا باؤيد راى استاذه نعمة

ان المبادئ لا تتغير بالزمن

اهم عيوبى

النرفزة خصوصا مع ابنائى

ردود فعلى للمواقف المفاجاة ضعيفة جدا

يعنى باصدم ومش باعرف ارد فى حينها

كثيرة التفكير فى كل شئ

والمفاجاة الكبرى

انى لا احب الاعمال المنزلية:)

طبعا طبعا صاتش أ ّذ
مثلهما طبعا
بالاضافه الى انى متسامحه وانسى انى زعلت من حد بسرعه

كمان الصوت العالى مشكله
والضحك برضو مشكله
بفكر اعمل عمليه للاحبال الصوتيه تبقى فى رقه وهدوء نانسى كده

[محمد عبد العظيم وسية]

شكرا يا أحمد باشا على موضوعك اللي طريقه أخضر إلى أمن ................. محطة القطر .

بالنسبالي
أخطر عيوبي ............. المواعيد .......... صعب جدا أقدر أنظم مواعيدي .. مش عارف والله حاسس اني عندي أصحاب كتيييييييييييييييييييير جدا في كل المجالات سواء تدريس في المدرسة أو مدارس أخرى ــــــ وسواء في المسرح ،ـــــ وسواء أصدقاء الجامعة ــــــ واصدقاء بلدتي الشبراوين التي ولدت وتربيت فيها ـــــــ طبعا غير أصدقائي عبر المواقع .

ولكن أدعو الله جاهدا أن أستطيع أن أوفق بينهم وأسأل عنهم ........ لأنني دائما أشعر أنني دائما مقصر في حقهم جميعا
فليسامحوني .

[س ا يوسف]

الانسان كله عيوب
وانا شخصيا ملأن بذلك
ولكن الاخطر فيهم ومش عارف اتخلص منها
اسلوب مش عارف ان كان صح ولا خطأ
ولكن لازم في بعض الاوقات
اما في مصر فلازم كل الاوقات
اسلوب
ذق انك انت العزيز الكريم
إنك لأنت الحليم الرشيد
الكلام واضح جدا
المشكلة ان تجد من يقرأه
هكذا
ذق انك انت العزيز الكريم
إنك لأنت الحليم الرشيد

اللهم اصلح امر المسلمين

[dream]

اسلوب
ذق انك انت العزيز الكريم
إنك لأنت الحليم الرشيد
الكلام واضح جدا
المشكلة ان تجد من يقرأه
هكذا
ذق انك انت العزيز الكريم
إنك لأنت الحليم الرشيد


اللهم اصلح امر المسلمين




تانى كده استاذ سيف

ياريت توضيح لهذا الاسلوب

[Blanche Neige]

اولا باحييى حضرتك مستر احمد على الموضوع الاكتر من رائع
ثانيا انا باعتبر ان من اهم عيوبر هيه العصبيه والنرفزه وانى سريعه الانفعال
كمان اوقات باكون متردده بعض الشئ فى اتخاذ القرارات بس دا مش دايما
انا كمان صريحه جدااااااااا وزياده اوى عن اللزوم لدرجه احيانا الناس اللى ماتعرفنيش كويس
بيزعلوا منى باس انا مش باعرف اعمل غير انى اقول رايى بصراحه ولو هايحصل ايه
كمان بحب الحق جداااااااا ولا اخاف قى قول كلمة الحق لومة لائم فى زمن
بقى اللى يقول كلمة حق فيه ممكن يروح جونتانمو بس برضه مااقدرش اعمل غير كده
باكرر لحضرتك شكرى واعجابى الشديد بالموضوع مستر احمد تقبل تحياتى .

[س ا يوسف]

تانى كده استاذ سيف

ياريت توضيح لهذا الاسلوب


اسلوب شهير
واحد الطرق العظيمة في التخاطب
واخرون يقولوا لا دا اسلوب مش كويس
يعني بفرض انه يوجد في الغرفة الصوتية 80 طالب بدون معلم
قام طالب اخذ المايك بطريقة او باخرى
واخذ يتحدث ويمجد في نفسه
و79 ما احد فتح فمه
بس للامانة حوالي 5
تحدثوا على الخاص مع بعض
ايه دا هو مفيش اللى هو دا احنا 79 وفينا وفينا
عندما نصف هذا الوضع
نقول
او من قلة يا رسول الله
فيه كثير من الناس
ستقرأها هكذا
او من قلة يا رسول الله
واخرون سيقولوا
ايه اللي جاب دا في ده


ارجو ان يكون قد وضح ما قصدت

[مستر أحمد حمدى]

مع احترامى لرأيك لكن دى مش عيوب حتى لو انقلبت المبادىء فنحن ملتزمون بان نسير وفق مبادئنا وليست الناس بهذا السوء كى يروا الحق باطل فالخير في وفي امتى الى يوم الدين أو كما قال صلي الله عليه وسلم .
بالمناسبة من عيوبي العصبيه الشديدة
التسرع
ياااااااااااااااااااه
دول طلعو كتير كفايه اتنين



بس دا حديث النبى صلى الله علية وسلم بأنه سيأتى زمان على امتى يصدق فية الكاذب ويكذب فية الصادق ويخون فية الامين ويؤمن فية الخائن وينطق فية الرويبضة - الرجل التافهه يتكلم فى امور العامة - ولا يتنافى الحديث مع حديث الخير فى وفى امتى

لكن حديث سيأتى زمان على امتى المقصود الغالبية واما حديث الخير فى وفى امتى المقصود
انه سيكون هناك الخير الى يوم القيامة لكن قليل من هم

حتى ان ربنا سبحانة وتعالى قال " وقليل من عبادى الشكور "

[مستر أحمد حمدى]

استاذ احمد موضوعك صعب صعب صعب


شكرا لمرورك استاذنا لكن مش فاهم الموضوع صعب لية ؟

[مستر أحمد حمدى]

وانا باؤيد راى استاذه نعمة



ان المبادئ لا تتغير بالزمن


اهم عيوبى


النرفزة خصوصا مع ابنائى


ردود فعلى للمواقف المفاجاة ضعيفة جدا


يعنى باصدم ومش باعرف ارد فى حينها


كثيرة التفكير فى كل شئ


والمفاجاة الكبرى



انى لا احب الاعمال المنزلية:)


والله فعلا مفاجأة باب النجار مخلع

اما بالنسبة للنرفزة فكلنا كدة لكن النرفزة مع الاطفال ويا ريت تسامحينى دليل عدم قدرة على التصرف معهم

[اسامه القزاز]

شكرا لمرورك استاذنا لكن مش فاهم الموضوع صعب لية ؟

صعب لانه من وجهة نظرى لايوجد انسان يقدر يحدد كل عيوبة
عموماً موضوعك عرفنى بيك انت انسان طيب خلوق
ان شاء الله معرفة خير

[مستر أحمد حمدى]

وانا باؤيد راى استاذه نعمة



ان المبادئ لا تتغير بالزمن


اهم عيوبى


النرفزة خصوصا مع ابنائى


ردود فعلى للمواقف المفاجاة ضعيفة جدا


يعنى باصدم ومش باعرف ارد فى حينها


كثيرة التفكير فى كل شئ


والمفاجاة الكبرى


انى لا احب الاعمال المنزلية:)


طبعا طبعا صاتش أ ّذ
مثلهما طبعا
بالاضافه الى انى متسامحه وانسى انى زعلت من حد بسرعه


كمان الصوت العالى مشكله
والضحك برضو مشكله

بفكر اعمل عمليه للاحبال الصوتيه تبقى فى رقه وهدوء نانسى كده



اختنا العزيزة شمس التسامح من اسمى الصفات واجلها عند الله

فقد قال تعالى " فليعفوا وليصفحوا " اما بالنسبة للصوت العالى وان كان خطأ الا انه ينم عن طيبة و على نفس تلقائية

بالنسبة لنانسى انتى عندنا وعند الله تعالى أفضل منها ونحسبك كذلك والله حسيبك ولا نذكى على الله احدا

[مستر أحمد حمدى]

شكرا يا أحمد باشا على موضوعك اللي طريقه أخضر إلى أمن ................. محطة القطر .

بالنسبالي
أخطر عيوبي ............. المواعيد .......... صعب جدا أقدر أنظم مواعيدي .. مش عارف والله حاسس اني عندي أصحاب كتيييييييييييييييييييير جدا في كل المجالات سواء تدريس في المدرسة أو مدارس أخرى ــــــ وسواء في المسرح ،ـــــ وسواء أصدقاء الجامعة ــــــ واصدقاء بلدتي الشبراوين التي ولدت وتربيت فيها ـــــــ طبعا غير أصدقائي عبر المواقع .

ولكن أدعو الله جاهدا أن أستطيع أن أوفق بينهم وأسأل عنهم ........ لأنني دائما أشعر أنني دائما مقصر في حقهم جميعا
فليسامحوني .


بالنسبة للمواعيد يا ريت تظبطها عشان دى خصلة من خصال الوحشين

بالنسبة للأصدقاء طبعا كتييييييييييييييييييييييييييييير

بالنسبة للتقصير انت فعلا مقصر وخصوصا معى انا

[مستر أحمد حمدى]

الانسان كله عيوب

وانا شخصيا ملأن بذلك
ولكن الاخطر فيهم ومش عارف اتخلص منها
اسلوب مش عارف ان كان صح ولا خطأ
ولكن لازم في بعض الاوقات
اما في مصر فلازم كل الاوقات

قال رسول الله صلى الله علية وسلم " لايكن احدكم امعه اذا احسن الناس احسن واذا اساء الناس اساء ولكن وطنوا انفسكم
اذا احسن الناس ان تحسنوا وان اساءوا ان تجتنبوا اسائتهم "

يبقى الاسلوب بنحتاجة فى بعض الاوقات او كل الاقات فى مصر شئ خاطئ لأن كل انسان هو من يصنع خلقة وليس شخص تتحكم فية الموجة السائدة فى المجتمعات والمجتمع المصرى

اسلوب
ذق انك انت العزيز الكريم
إنك لأنت الحليم الرشيد
الكلام واضح جدا
افهم من كلام سيادتك ان السادات مات مسموم ؟
طبعا مش واضح ولا حاجة
ثم اية علاقة الكلام اللى بنقولة بالاية الكريمة ؟

الاية نزلت في أبي جهل لما قال ما فيها أعز مني ولا أكرم ، فقيل له ، ( ذق إنك أنت العزيز الكريم ) حيث التقى النبي صلى الله عليه وسلم وأبو جهل فقال النبي صلى الله عليه وسلم : إن الله أمرني أن أقول لك أولى لك فأولى ، فقال : بأي شي تهددني ! والله ما تستطيع أنت ولا ربك أن تفعلا بي شيئاً ، إني لمن أعز هذا الوادي وأكرمه على قومه ، فقتله الله يوم بدر وأذله " ونزلت هذه الآية ، أي يقول له الملك : ذق إنك أنت العزيز الكريم بزعمك ، وقيل : هو على معنى الاسخفاف والتوبيخ والاستهزاء ، والإهانة والتنقيص ، أي قال له : إنك أنت الذليل المهان ، وهو كما قال قوم شعيب لشعيب : " إنك لأنت الحليم الرشيد " [ هود : 87 ] ، يعنون السفيه الجاهل في أحد التأويلات على ما تقدم

المشكلة ان تجد من يقرأه
هكذا
ذق انك انت العزيز الكريم
إنك لأنت الحليم الرشيد


اللهم اصلح امر المسلمين


لو انا فهمت صح فحضرتك تقصد الاستخفاف لكن ممن الله اعلم

[مستر أحمد حمدى]

تانى كده استاذ سيف




ياريت توضيح لهذا الاسلوب



يعنى مش انا بس اللى مش فاهم ؟

الحمد لله فية غيرى كتيييييييييييير مش فاهميين

[مستر أحمد حمدى]

اولا باحييى حضرتك مستر احمد على الموضوع الاكتر من رائع

حياك الله اختى العزيزة وشكرا على المرور

ثانيا انا باعتبر ان من اهم عيوبر هيه العصبيه والنرفزه وانى سريعه الانفعال

بالنسبة للعصبية والنرفزة كلنا كدة لأن العيش والعيشة واللى عيشينها تفور الدم

كمان اوقات باكون متردده بعض الشئ فى اتخاذ القرارات بس دا مش دايما

اجمدى وخدى قرارك عشان متندميش

انا كمان صريحه جدااااااااا وزياده اوى عن اللزوم لدرجه احيانا الناس اللى ماتعرفنيش كويس
بيزعلوا منى باس انا مش باعرف اعمل غير انى اقول رايى بصراحه ولو هايحصل ايه
كمان بحب الحق جداااااااا ولا اخاف قى قول كلمة الحق لومة لائم فى زمن
بقى اللى يقول كلمة حق فيه ممكن يروح جونتانمو بس برضه مااقدرش اعمل غير كده

شبهى يعنى بس خدى بالك دا شئ كويس هو اينعم بيزعل مننا

المنافقين اللى مبيحبوش الحق لكن مش مهم المهم رضا ربنا

مش رضا الناس

باكرر لحضرتك شكرى واعجابى الشديد بالموضوع مستر احمد تقبل تحياتى .


اشكرك على مرورك العطر

[مستر أحمد حمدى]

اسلوب شهير

واحد الطرق العظيمة في التخاطب
واخرون يقولوا لا دا اسلوب مش كويس
يعني بفرض انه يوجد في الغرفة الصوتية 80 طالب بدون معلم
قام طالب اخذ المايك بطريقة او باخرى
واخذ يتحدث ويمجد في نفسه
و79 ما احد فتح فمه
بس للامانة حوالي 5
تحدثوا على الخاص مع بعض
ايه دا هو مفيش اللى هو دا احنا 79 وفينا وفينا
عندما نصف هذا الوضع
نقول
او من قلة يا رسول الله
فيه كثير من الناس
ستقرأها هكذا
او من قلة يا رسول الله
واخرون سيقولوا
ايه اللي جاب دا في ده



ارجو ان يكون قد وضح ما قصدت


طبعا وضح يا ريس قصد حضرتك بالطالب اللى بيمجد نفسة ( انا ) وقصدك بالمدرس اللى مجاش ( حضرتك ) وقصدك بالخمسة اللى اتكلموا على الخاص الأعضاء اللى انا مش عاجبهم وبينتقدونى وقصدك بباقى الطلاب اللى سكتوا باقى الأعضاء الكتيييير اللى سكتوا على ولم ينتقدونى

يعنى حضرتك شايف انى بمجد فى نفسى على الفاضى وان المفروض ان الناس تكون ذى حضرتك عاقلة وتنتقضنى وتقول
اية الطالب دة اللى بيمجد فى نفسة اية ده هو مفيش الا دة ؟

ولو ان الطلاب الخمسة دول جبناء لية مقالوش انت بتمجد فى نفسك ؟ لية مغيروش المنكر ؟ لية منصحونيش ؟ لية تواروا عن العيون فى الخاص وقعدوا يجيبوا فى سيرتى وياخدوا سيئات لأنهم اغتابونى ؟

ولكن انا بيتهيئلى انى ممجدتش فى نفسى ولا شئ

لأنى لو من النوع دة كنت تكبرت من زمان

لكن الحمد لله نعلم أن من يشكر الله ويتواضع يزيدة الله رفعة

ومن يتكبر يذله الله

على أى حال الرأى ليس رأى حضرتك وحدك فأنا أقبل برأيك ولو

أننى متأكد من عدم صحتة وللأعضاء الحكم

ولكن أعلم أن رضاء الناس غاية لا تُحقق

فلذلك لم ولن أغضب من كلامك

[س ا يوسف]

لو انا فهمت صح فحضرتك تقصد الاستخفاف لكن ممن الله اعلم

ان كان هذا احد الفهم
فطبعا ليس احد من الاعضاء
بس فيه
وتقرأ هكذا



هل تعلم اسباب موت بعض السادات السم

[نعمه محمود]

على فكرة انا مش فاهمة حاجه ؟؟؟؟؟؟؟؟؟؟؟؟؟؟؟
ادى عيب كمان

[س ا يوسف]

طبعا وضح يا ريس قصد حضرتك بالطالب اللى بيمجد نفسة ( انا ) وقصدك بالمدرس اللى مجاش ( حضرتك ) وقصدك بالخمسة اللى اتكلموا على الخاص الأعضاء اللى انا مش عاجبهم وبينتقدونى وقصدك بباقى الطلاب اللى سكتوا باقى الأعضاء الكتيييير اللى سكتوا على ولم ينتقدونى

يعنى حضرتك شايف انى بمجد فى نفسى على الفاضى وان المفروض ان الناس تكون ذى حضرتك عاقلة وتنتقضنى وتقول
اية الطالب دة اللى بيمجد فى نفسة اية ده هو مفيش الا دة ؟

ولو ان الطلاب الخمسة دول جبناء لية مقالوش انت بتمجد فى نفسك ؟ لية مغيروش المنكر ؟ لية منصحونيش ؟ لية تواروا عن العيون فى الخاص وقعدوا يجيبوا فى سيرتى وياخدوا سيئات لأنهم اغتابونى ؟

ولكن انا بيتهيئلى انى ممجدتش فى نفسى ولا شئ

لأنى لو من النوع دة كنت تكبرت من زمان

لكن الحمد لله نعلم أن من يشكر الله ويتواضع يزيدة الله رفعة

ومن يتكبر يذله الله

على أى حال الرأى ليس رأى حضرتك وحدك فأنا أقبل برأيك ولو

أننى متأكد من عدم صحتة وللأعضاء الحكم

ولكن أعلم أن رضاء الناس غاية لا تُحقق

فلذلك لم ولن أغضب من كلامك

مطلقا سيدي
بس انت ربطها كدا ازاي
المهم
انا ضربت مثل
وقلت عند وصفه

نقول
او من قلة يا رسول الله
فيه كثير من الناس
ستقرأها هكذا
او من قلة يا رسول الله
واخرون سيقولوا
ايه اللي جاب دا في ده


بعني الموضوع كله على بعضه
وصف للاسلوب
اللي هو في الاساس
عيــــــــــــــــــــــــــــــــــــــــــــــــ ـــــــــــــــب
في شخصي

[س ا يوسف]

على فكرة انا مش فاهمة حاجه ؟؟؟؟؟؟؟؟؟؟؟؟؟؟؟
ادى عيب كمان

حفظك الله من عدم الفهم الاخت الفاضلة
الموضوع عيوب في البشر
واللي مش مفهوم دا
احد انواع العيوب
بس ممكن الا يكون عيب

[مستر أحمد حمدى]

مطلقا سيدي

بس انت ربطها كدا ازاي
المهم
انا ضربت مثل
وقلت عند وصفه

نقول
او من قلة يا رسول الله
فيه كثير من الناس
ستقرأها هكذا
او من قلة يا رسول الله
واخرون سيقولوا
ايه اللي جاب دا في ده


بعني الموضوع كله على بعضه
وصف للاسلوب
اللي هو في الاساس
عيــــــــــــــــــــــــــــــــــــــــــــــــ ـــــــــــــــب
في شخصي



اضم صوتى لصوت استاذة نعمة محمود واقولك من ضمن عيوبى اللى اول مرة اخد بالى منه انى الان والان فقط مش فاهم حاجة
هههههههههههههههههههههههههههههههه

[س ا يوسف]

اضم صوتى لصوت استاذة نعمة محمود واقولك من ضمن عيوبى اللى اول مرة اخد بالى منه انى الان والان فقط مش فاهم حاجة
هههههههههههههههههههههههههههههههه

شفت بقى
اسلوبي في بعض الاحيان مثمر ازاي
وبيكشف عيوب بعض الناس لانفسهم
بس على فكرة القضية مش عدم فهم
القضية اننا فهمنا هكذا
مع انه كان يجب ان نفهم هكذا

[محمد محمود]

طيب ممكن حضرتك تكلمنا بالعامية علشان الكلام ده يصعب على امثالى فهمة

[س ا يوسف]

طيب ممكن حضرتك تكلمنا بالعامية علشان الكلام ده يصعب على امثالى فهمة

المفروض
عند كتابة شئ مجرد بدون اقتباس
يكون المقصود صاحب الموضوع
فهل ما فهمته صح
ام كنت تقصد
هكذا

[نعمه محمود]

[quote=سيف سالم;68245]
شفت بقى

اسلوبي في بعض الاحيان مثمر ازاي
وبيكشف عيوب بعض الناس لانفسهم
بس على فكرة القضية مش عدم فهم
القضية اننا فهمنا هكذا
مع انه كان يجب ان نفهم هكذا

أستاذ سيف بصراحه مشاركات حضرتك هنا غير مفهومة

[محمد محمود]

المفروض



عند كتابة شئ مجرد بدون اقتباس
يكون المقصود صاحب الموضوع
فهل ما فهمته صح
ام كنت تقصد
هكذا


ايه علاقه الرد بكلامى؟ بصراحة انا مش فاهم حضرتك عايز ايه من اول الموضوع

[منار السيد]

الانسان كله عيوب
وانا شخصيا ملأن بذلك
ولكن الاخطر فيهم ومش عارف اتخلص منها
اسلوب مش عارف ان كان صح ولا خطأ
ولكن لازم في بعض الاوقات
اما في مصر فلازم كل الاوقات
اسلوب
ذق انك انت العزيز الكريم
إنك لأنت الحليم الرشيد
الكلام واضح جدا
المشكلة ان تجد من يقرأه
هكذا
ذق انك انت العزيز الكريم
إنك لأنت الحليم الرشيد

اللهم اصلح امر المسلمين



هو الكلام ده عربي ولا ايه؟؟؟؟؟؟؟؟؟؟؟

[س ا يوسف]

[quote=سيف سالم;68245]
شفت بقى

اسلوبي في بعض الاحيان مثمر ازاي
وبيكشف عيوب بعض الناس لانفسهم
بس على فكرة القضية مش عدم فهم
القضية اننا فهمنا هكذا
مع انه كان يجب ان نفهم هكذا

أستاذ سيف بصراحه مشاركات حضرتك هنا غير مفهومة


العيوب اللي في البشر
اللي هو رأس الموضوع
عيب
دا ملخص مشاركاتي
ان كان هناك كلمة او جمله مش مفهومة
انا تحت امر الجميع
بس مش دي العيب او المشكلة
العيب الفهم في طريق اخر - هكذا مش هكذا -

[س ا يوسف]

ايه علاقه الرد بكلامى؟ بصراحة انا مش فاهم حضرتك عايز ايه من اول الموضوع

الكلام المجرد مثل المشاركة رقم 27
يفهم منها انه موجه للمستر احمد حمدي
اما اذا تم الاقتباس
زي ما عملت الان فالكلام موجه لي انا
وعلشان نعمل عربون معرفة
هو دا الموضوع
سوء الفهم
(كلام يقال
تقوم انت يغلي الدم في عروقك وترد
ما سبب غليان الدم
هل هو
الكلام المكتوب
ام فهمك للكلام المكتوب)
هو دا الموضوع

[منار السيد]

[quote=نعمه محمود;68252]

العيوب اللي في البشر
اللي هو رأس الموضوع
عيب
دا ملخص مشاركاتي
ان كان هناك كلمة او جمله مش مفهومة
انا تحت امر الجميع
بس مش دي العيب او المشكلة
العيب الفهم في طريق اخر - هكذا مش هكذا -


آآآآآآآآآآآآآآآآآآآآآآآه فهمت مش كنت تقول كده من الصبح انا كنت فاكرة انى انا اللي غبية طلعت المسألة هكذا أو هكذا

[س ا يوسف]

[quote=سيف سالم;68255]

آآآآآآآآآآآآآآآآآآآآآآآه فهمت مش كنت تقول كده من الصبح انا كنت فاكرة انى انا اللي غبية طلعت المسألة هكذا أو هكذا

اسف جدا
لو كنت متواجد الصبح كنت قلت من الصبح
بس انا متواجد من الظهر

[س ا يوسف]

هو الكلام ده عربي ولا ايه؟؟؟؟؟؟؟؟؟؟؟

طبعا
الان طلع عربي

[محمد عبد العظيم وسية]

أنا بقا فااااااااااااااااااااااااااااااااااااااااااااااااا هم كل حاجة

وفاهم الموضوع من أوله

وبقول وباختصار يا أستاذ ( س ) ويا أستاذ ( ص ) :


وخيركم من بدأ بالسلام

[س ا يوسف]

أنا بقا فااااااااااااااااااااااااااااااااااااااااااااااااا هم كل حاجة

وفاهم الموضوع من أوله

وبقول وباختصار يا أستاذ ( س ) ويا أستاذ ( ص ) :


وخيركم من بدأ بالسلام


انت كدا فاهم هكذا
مش هكذا
بارك الله فيك

[مستر أحمد حمدى]

استاذ سيف


بارك الله فيك وفى ثقافتك ولغتك الجميلة


اللى هى بالطبع مش فصحى ولا عامية


والدليل ان كلنا مش فاهمين كلامك


وأكيد حضرتك نفسك مش فاهم


والله فكرتنى بالأعرابى اللى راح للطبيب فقال له


انى اكلت من لحوم الجوازل فطئست طسأة فأصابنى وجع ما بين الوابلة إلى داية العنق فلم يزل يربو وينمو حتى خالط الحلب والشراشف فهل عندك من دواء ؟


فقال الطبيب : نعم 00 خذ خربقا وشلفقا وشبرما فزهزقة ززقزقة واغسلة ببول بعير واشربة


فقال الاعرابى لم افهم فقال الطبيب افهمتك كما افهمتنى

[س ا يوسف]

استاذ سيف


بارك الله فيك وفى ثقافتك ولغتك الجميلة


اللى هى بالطبع مش فصحى ولا عامية


والدليل ان كلنا مش فاهمين كلامك


وأكيد حضرتك نفسك مش فاهم


والله فكرتنى بالأعرابى اللى راح للطبيب فقال له

انى اكلت من لحوم الجوازل فطئست طسأة فأصابنى وجع ما بين الوابلة إلى داية العنق فلم يزل يربو وينمو حتى خالط الحلب والشراشف فهل عندك من دواء ؟

فقال الطبيب : نعم 00 خذ خربقا وشلفقا وشبرما فزهزقة ززقزقة واغسلة ببول بعير واشربة

فقال الاعرابى لم افهم فقال الطبيب افهمتك كما افهمتنى


هههههههههههههههه
جميل مستر احمد
بس
الكلام مش زي الاعرابي
دا
مثل
قصيدة
على صوت صغير البلبلي هيج قلبي الثملي
واستاذنا محمد وسية يكمل علشان دا ملعبه

[محمد عبد العظيم وسية]

والله يا أستاذ سيف فكرتني بأيام جميلة

صوت صفير البلبل هيج قلبي الثمل
الماء والزهر معا مع زهر لحظ المقل
وأنت يا سيد لي وسيدي وموللي
فكم فكم تيمن غزيل عقيقل
قطفته من وجنة من لثم ورد الخجل
فقال : لا لا لا لا وقد غدا مهرول
ــــــــــ
والبقية مفاجأة ....... هقولها صوت وصورة قريب جدا إن شاء الله

وبعدين أنا عاجباني الحرب الباردة .

لما نشوف أخرتها ايه معاكم .

وماتنسوش ............ خيركم من يبدأ بالسلام

[أفنان أحمد]

فى الحقيقة الموضوع جميل جدا شكرا أستاذنا الكريم
وتقريبا عيوبنا كلها متقاربة أو متشابهة
لكن عيب ..
نتقرطس ( لم أجد لها بديلا بالفصحى ) معذرة لغتنا الجميلة
***************************
أكمل بعد إذن فارس اللغة العربية
والخوذ مالت طربا من فعل هذا الرجل
فولولت وولولت ولى ولى يا ويللى
فقلت لا تولولى وبينى الؤلؤ لى
قالت له حين كذا : انهض وجد بالنقل ...
وللحديث بقية إن شاء الله

[سقراطه]

ههههههههه
ها هى هو

[س ا يوسف]

السلام عليكم
ما اجملها صوتا
نحن في الانتظار

[أفنان أحمد]

هذا رابط القصيدة


You can see links before reply

[مستر أحمد حمدى]

والله يا أستاذ سيف فكرتني بأيام جميلة

صوت صفير البلبل هيج قلبي الثمل
الماء والزهر معا مع زهر لحظ المقل
وأنت يا سيد لي وسيدي وموللي
فكم فكم تيمن غزيل عقيقل
قطفته من وجنة من لثم ورد الخجل
فقال : لا لا لا لا وقد غدا مهرول
ــــــــــ
والبقية مفاجأة ....... هقولها صوت وصورة قريب جدا إن شاء الله

وبعدين أنا عاجباني الحرب الباردة .

لما نشوف أخرتها ايه معاكم .

وماتنسوش ............ خيركم من يبدأ بالسلام




صوت صفير البلبلي *** هيج قلبي الثملي


الماء والزهر معا *** مع زهرِ لحظِ المٌقَلي


و أنت يا سيدَ لي *** وسيدي ومولي لي


فكم فكم تيمني *** غُزَيلٌ عقيقَلي


قطَّفتَه من وجنَةٍ *** من لثم ورد الخجلي


فقال لا لا لا لا لا *** وقد غدا مهرولي


والخُوذ مالت طربا *** من فعل هذا الرجلي


فولولت وولولت *** ولي ولي يا ويل لي


فقلت لا تولولي *** وبيني اللؤلؤ لي


قالت له حين كذا *** انهض وجد بالنقلي


وفتية سقونني *** قهوة كالعسل لي


شممتها بأنافي *** أزكى من القرنفلي


في وسط بستان حلي *** بالزهر والسرور لي


والعود دندن دنا لي *** والطبل طبطب طب لي


طب طبطب طب طبطب *** طب طبطب طبطب طب لي


والسقف سق سق سق لي *** والرقص قد طاب لي


شوى شوى وشاهش *** على ورق سفرجلي


وغرد القمري يصيح *** ملل في مللي


ولو تراني راكبا *** على حمار اهزلي


يمشي على ثلاثة *** كمشية العرنجلي


والناس ترجم جملي *** في السوق بالقلقللي


والكل كعكع كعِكَع *** خلفي ومن حويللي


لكن مشيت هاربا *** من خشية العقنقلي


إلى لقاء ملك *** معظم مبجلي


يأمر لي بخلعة *** حمراء كالدم دملي


اجر فيها ماشيا *** مبغددا للذيلي


انا الأديب الألمعي من *** حي ارض الموصلي


نظمت قطعا زخرفت *** يعجز عنها الأدبو لي


أقول في مطلعها *** صوت صفير البلبلي


لكن لى ملاحظة


الاستاذ الفذ سيف سالم


ويا رب دايما سيف وديايما سالم وآمن


الاستاذ سيف ليس الأصمعى ولسنا ابو جعفر المنصور


هناك فارق كبير


الاصمعى كان يدافع عن الشعراء لأن ابو جعفر كان يجعل جائزة الشعر وزن ما كتبت علية ذهبا


وكان عندة غلام يحفظ من مرتين وفتاة تحفظ من ثلاث مرات وهو يحفظ من اول مرة


فكان الشاعر ينشد قصيدتة فيجد ثلاث يحفظونها الغلام والفتاة وابو جعفر


وهذة هى القصة


يعنى الاصمعى نظم شعرا لكى لا يفهمة الأمير ابو جعفر فيأخذ منه الذهب لصالح الشعراء


فكان يدافع عن الشعراء وعن الحق


لكن استاذ سيف أمنه الله يوم العرض


ينظم كلاما لا يفهمة احد حتى هو لا يفهمة


لأنه ببساطة كلام لا يفهم


والهدف منه ايقاع الناس فى حيص بيص


يمكن لأى شخص ان يقول كلام غير مرتب وغير مترابط


فيجعل من يسمعة يقول ان القائل فيلسوف وهو ليس كذلك

[MohammeD el_SadaT]

موضوع رائع أستاذ أحمد
أنا بقه أكتر حاجه وحشه فيا العصبيه الزياده عن اللزوم
بتعصب جداااً جداااً
ولما بخرج عن شعورى بعمل تصرفات وبقول ألفاظ لما بهدى مش بصدق
إن أنا فعلاً عملت كده

طبعاً الإنسان مليان عيوب وأنا أكتر الناس أخطاء وعيوب لكن ده أكتر حاجه
بتنرفزنى من نفسى