المساعد الشخصي الرقمي

مشاهدة النسخة كاملة : بوابة التعليم المصري تتوجه الى الاسكندرية اعرف اكثير



أشرف السيد
26-06-2009, 06:37 PM
السلام عليكم

بكل الحب والفخر نسعد بوجودنا في الفترة من السابعة صباح يوم الخمس 9 يوليو وحتى الحادية عشر ليلا يوم السبت 11 يوليو 2009 في محافظة الاسكندرية

رحلة الصيف هذا التيرم ستكون في الاسكندرية كما رسم وخطط الاستاذ محمد وسية وكما حلم ودرس الاستاذ أسامة

سنكون ولمدة 3 ثلاثة ايام كاملة من فجر الخميس 9 والى ليل السبت 11 يوليو 2009 72 ساعة

وبالنسبة لهذا الموعد فهوا لاسباب كثيرة اهمها انتهاء امتحانات الثانوية وقبل اعلان نتيجة الثانوية وانشغال ادارة الموقع بالنتيجة وما يليها من تنسيق اليكتروني

وايضا سيكون قد مر 3 شهور على افتتاح موقع بوابة التعليم المصري لان افتتاح الموقع كان يوم 12 ابريل ومر 12 مايو ومر 12 يونية وسنحتفل هناك صباح الاحد 12 يوليو بمرور 3 شهور على افتتاح موقعكم

الحضور :

فريق الادارة والعمل والمشرفين والاعضاء والزوار

ورسالة لاهل الاسكندرية :

سنحل عليكم يا اهل الاسكندرية وسيكون مكان الاقامة في المنتزه بعمارة على شطء البحر في منطقة المنتزه وبالتأكيد سنقوم هنا بطرح برنامج الرحلة الذي سيقوم الاستاذ وسية وبقية المعلمين بتنسيقه هنا ومن يرافقنا من اهل الاسكندرية فلنا الشرف بالتعرف عليه

وللعلم لا نقبل اي اعذار نهائي نهائي نهائي نهائي من اي فرد واللي عايز يعتذر يقول للاستاذ حمال والاستاذ وسية والاستاذ وليد والاستاذ شريف ولو الاربعة وافقوا خلاص

اسيبكم بقي مع الاستاذ وسية والجميع في برنامج الرحلة

والله الموفق

ناصر الفخرانى
26-06-2009, 07:14 PM
بالتوفيق إن شــاء الله

ورحـلة موفقة بإذن الله

سأحرص على أن أكون متواجداً بإذن الله



لكن لى سؤال : هل الحضور عائلى أم شخصى ؟

والإقامة على حساب مين ؟

أشرف السيد
26-06-2009, 07:21 PM
عائلي وفردي

mr.osama
26-06-2009, 07:36 PM
السلام عليكم
بكل الحب والفخر نسعد بوجودنا في الفترة من السابعة صباح يوم الخمس 9 يوليو وحتى الحادية عشر ليلا يوم السبت 11 يوليو 2009 في محافظة الاسكندرية
رحلة الصيف هذا التيرم ستكون في الاسكندرية كما رسم وخطط الاستاذ محمد وسية وكما حلم ودرس الاستاذ أسامة
سنكون ولمدة 3 ثلاثة ايام كاملة من فجر الخميس 9 والى ليل السبت 11 يوليو 2009 72 ساعة
وبالنسبة لهذا الموعد فهوا لاسباب كثيرة اهمها انتهاء امتحانات الثانوية وقبل اعلان نتيجة الثانوية وانشغال ادارة الموقع بالنتيجة وما يليها من تنسيق اليكتروني
وايضا سيكون قد مر 3 شهور على افتتاح موقع بوابة التعليم المصري لان افتتاح الموقع كان يوم 12 ابريل ومر 12 مايو ومر 12 يونية وسنحتفل هناك صباح الاحد 12 يوليو بمرور 3 شهور على افتتاح موقعكم
الحضور :
فريق الادارة والعمل والمشرفين والاعضاء والزوار
ورسالة لاهل الاسكندرية :
سنحل عليكم يا اهل الاسكندرية وسيكون مكان الاقامة في المنتزه بعمارة على شطء البحر في منطقة المنتزه وبالتأكيد سنقوم هنا بطرح برنامج الرحلة الذي سيقوم الاستاذ وسية وبقية المعلمين بتنسيقه هنا ومن يرافقنا من اهل الاسكندرية فلنا الشرف بالتعرف عليه
وللعلم لا نقبل اي اعذار نهائي نهائي نهائي نهائي من اي فرد واللي عايز يعتذر يقول للاستاذ حمال والاستاذ وسية والاستاذ وليد والاستاذ شريف ولو الاربعة وافقوا خلاص
اسيبكم بقي مع الاستاذ وسية والجميع في برنامج الرحلة
والله الموفق

شكراً أستاذ / أشرف على تحديد الموعد والمكان .. ولكن لي بعض الاستفسارات بالنسبة للعمارة بالمنتزة كم عدد الشقق المحجوزة بها وكل شقة بها كم غرفة والغرفة تستوعب كم فرد؟ وهل هناك أماكن للعائلات؟ وأين؟ وبالنسبة للاحتفال بمرور 3 شهور على افتتاح الموقع سيكون متى؟ ومن سيحضره لأن المشاركين بالرحلة سيغادرون وكما حددت في الحادية عشر مساء السبت 11 يوليو؟
ونرجو تحديد موعد لمناقشة تفاصيل الرحلة في الغرفة الصوتية؟

شمس بياض
27-06-2009, 02:32 AM
اولا رحله موفقه

وجزاكم الله خيرا

لكن اتمنى ممن يقيمون على الرحله

دراسه الحاله الصحيه والجو الصحى فى المنطقه التى ستحل بها الرحله

ونتمنى لكم وقتا سعيدا مفيدا صحيا
لاحظوا ان الجميع من خيره وعمالقه المنتدى فيحب المحافظه عليهم

شكرا لكم

محمد عبد العظيم وسية
27-06-2009, 10:09 AM
بدون مقدمات
وبإذن الله
سيكون المسئول العام عن الرحلة وعن تحديد المكان والزمان هو أبو آدم أستاذ أشرف السيد ،
أما المشرف العام فهو أستاذنا جمال الدين عوض مع الأستاذ علي الدين
وطاقم الإشراف على الرحلة هم :
أ. وليد عسكر .
أ. أسامة .
أ. شريف
أ. محمد عبد العظيم وسية .
أ. عبد الحميد حافظ .
أ. نعمة .
أ. أحمد حمدي ـــــ ابن كفر الدوار .
وكل من يرغب في تحمل مسئولية الإشراف عن الرحلة فليتقدم مادام يحب أن يخدم غيره .
وبالمناسبة ... الإشراف على الرحلات مسئولية كبيرة ،

ـــــــ
نتمنى حضور الجميع ،
وبالنسبة لبرنامج الرحلة
سيتم إعلانه قريبا ..
وتفاصيل البرنامج ستكون بعد أن ينتهى أبناؤنا من امتحانات الثانوية العامة في المواد الأساسية ..
حتى يشاركونا ويفرحوا معنا بإذن الله .

وبإذن الله سنعقد اجتماعا مغلقا لمشرفي الرحلة يوم 7 ــ 7 القادم في الغرفة الصوتية حتى ننظم أنفسنا وتكون رحلة موفقة بإذن الله .

ولنعلم أنها لن تكون رحلة ترفيهية فقط لتضييع الوقت .. بل ستكون رحلة ترفيهية ثقافية رياضية فنية علمية أدبية ....
باختصار ............ رحلة غير عادية .

ــــــ ((((((((( وعلى فكرة البرنامج على مدار الثلاثة أيام سيكون مفاااااااااااااااااااجأة غير متوقعة ))))

mohab
27-06-2009, 02:28 PM
السلام عليكم و رحمه الله و بركاته

رحلة موفقه بإذن الله

أنا معاكم من الأسكندريه ..

محمد عبد العظيم وسية
27-06-2009, 02:42 PM
طلب عاجل من مهاب
ومن كل الطلاب والطالبات والمعلمين المقمين في الإسكندرية

نرجو ... إفادتنا عاجلا ـــــــــــــ بالحالة الصحية في الإسكندرية ، ونطلب رأي الناس في شوراع الإسكندرية والوقائع الأكيدة لانتشار أية أمراض سواء أنفلوانزا الخنازير أو طاعون ليبيا ..
ــــــــ هل هناك إصابات في الإسكندرية ؟
،، ونحن نصدقكم أنتم
لأنكم مصدر ثقة أقوى من وسائل الإعلام نفسها .

نرجو الرد سريعا .
لأنها بناء على ردكم
وتقريركم الموثوق فيه بإذن الله
سوف نقرر هل ستنفذ الرحلة إلى الإسكندرية ؟ أم لا ؟
وليطمئن الجميع ..

الرحلة بإذن الله ستنفذ حتى لو غيرنا الإسكندرية سنرى أماكن أخرى
ولكن حتى الآن .. نحن نود أن تكون الرحلة في الإسكندرية إن شاء الله .

mohab
27-06-2009, 02:55 PM
السلام عليكم و رحمه الله و بركاته

و الله يا أستاذ محمد أنا برضو لما سمعت عن الإصابه في الأسكندريه سمعت عن طريق وسائل الإعلام بس أنا شايف إن مفيش حاجه خطيره علينا مادام هنتبع تعليمات الأمان

انا سمعت إن الأطباء بيحذروا من السباحه في البحار لعدم الإصابه بالعدوى من شخص مريض سبق و سبح في مياه البحار و لكن مجرد الجلوس على البحر و الاستمتاع بالهواء العليل لا أظن أنه يشكل خطر على أحد ،،، و اساساً انا ملاحظ السنه دي إن الناس فعلاً بدأت ما ترحش البحر كتير للسباحه بس أنا شايفهم قاعدين طول الليل و النهااار.

أنا الي في الأسكندريه فضلت إني أروح البحر للاستمتاع فقط لا غير و لا أفضل السباحه بوجه عام هذا العام بالذات .

اسكندريه جميله جدا ً و لا أرى أنها مركز لأي مرض المهم أن نتبع التعليمات.

abdonansy
27-06-2009, 03:00 PM
اولا: السلام عليكم ورحمة الله وبركاته


احب ان اشكر كل من سيساهم فى الرحلة وهذا البرنامج الرائع وخاصة استاذى الاستاذ
محمد عبد العظيم وسية

وباذن الله هكون معاكم فى الرحلة
شكرا جزيناً

وجزاك الله كل خير
والسلام عليكم ورحمة الله وبركاته
:38:

:38:

:38:

باسم ابو المجد
27-06-2009, 03:05 PM
رحلة موفقة بأذن الله لكن هنسيب البوابه كده لوحدها ؟؟؟؟؟

محمد عبد العظيم وسية
27-06-2009, 03:21 PM
رحلة موفقة بأذن الله لكن هنسيب البوابه كده لوحدها ؟؟؟؟؟

لا طبعا يا أستاذ باسم

نسيب البوابة لوحدها إزاي

انا عايزك تشوف حد يتعين بواب لمدة 3 ايام

وولو اثبت جدارة ..

إن شاء الله هنخلي مجلس الإدارة يعينه بمسمى جديد جدا ...............

((((((((( البيه البواب )))))))))))

محمد عبد العظيم وسية
27-06-2009, 03:27 PM
يا شباب

خلال أيام بإذن الله

ستعرفون كل تفاصيل الرحلة

التي من أهمها ..

ضرورة حضور أسر الطالبات أو أحد أفراد العائلة معهن في الرحلة

وإن تم الاتفاق النهائي على الإسكندرية
ــ وإن تم الاتفاق النهائي على أن تكون مدة الرحلة ثلاثة أيام ...
فلا مشكلة في المبيت مع الطالبات اللائي من الإسكندرية لأنهن سيرجعن إلى بيوتهن مع أسرهن في نهاية كل يوم من الرحلة ثم نقابلهن صباح اليوم التالي لاستكمال البرنامج ــ
(( ويجب عليهن أيضا إحضار أحد أفراد أسرتهن ))
ــ أما الطالبات اللائي من خارج الإسكندرية فيجب على كل طالبة أن تحضر معها أسرتها أو على الأقل أخاها الأكبر أو أباها أو أمها ...
ونفضل أن تحضر الأسرة كاملة مع الطالبة لتشرفنا في رحلتنا الجميلة .
وهذا للأهمية
وستعرفون تفاصيل أكثر بإذن الله غدا ....... أو خلال أيام قلائل .

بارك الله فيكم



ولنعلم جميعا ـــــ أن الرحلة ترفيهيـــــــــــــــة ، وليست رحلة عمل أو مناقشات أو حوارات ....... بل هي رحلة ترفيهية لتخفيف عناء وكبت الثانوية العامية للطلاب والمعلمين

وانتظروا رحلة متميزة غير مسبوقة بإذن الله

Mr Gomaa Ashour
27-06-2009, 04:32 PM
ما شاء الله لا قوة إلا بالله
رحلة موفقة
إن شاء الله معاكم

هند الشامى
27-06-2009, 05:15 PM
رحله موفقه ان شاء الله
انا معاكم من الاسكندريه
واحب اطمنك يا مستر محمد ان مفيش اى مشاكل والجو جميل وكفايه ان اداره الموقع حتنور اسكندريه
ان شاء الله تكون رحله جميله

mr.osama
27-06-2009, 07:29 PM
السلام عليكم و رحمه الله و بركاته
و الله يا أستاذ محمد أنا برضو لما سمعت عن الإصابه في الأسكندريه سمعت عن طريق وسائل الإعلام بس أنا شايف إن مفيش حاجه خطيره علينا مادام هنتبع تعليمات الأمان
انا سمعت إن الأطباء بيحذروا من السباحه في البحار لعدم الإصابه بالعدوى من شخص مريض سبق و سبح في مياه البحار و لكن مجرد الجلوس على البحر و الاستمتاع بالهواء العليل لا أظن أنه يشكل خطر على أحد ،،، و اساساً انا ملاحظ السنه دي إن الناس فعلاً بدأت ما ترحش البحر كتير للسباحه بس أنا شايفهم قاعدين طول الليل و النهااار.
أنا الي في الأسكندريه فضلت إني أروح البحر للاستمتاع فقط لا غير و لا أفضل السباحه بوجه عام هذا العام بالذات .
اسكندريه جميله جدا ً و لا أرى أنها مركز لأي مرض المهم أن نتبع التعليمات.

شكراً أستاذ / محمد وسية على التفاصيل السابقة عن الرحلة .. وياريت تكون هناك اجابات عن الاسئلة التي سألتها في المشاركة السابقة.

وبالنسبة لمهاب .. هو ممنوع الخروج عندكم؟ .. لأنك في أغلب كلامك بتقول سمعت ..
هو أنت مش بتمتحن دلوقتي؟
طيب فين؟
وهل المدرسة التي تمتحن بها بعيدة عن البيت؟
وماذا ترى أثناء ذهابك ورجوعك من الامتحان؟
وهل يوجد توتر وقلق بين الناس؟
وهل يوجد ناس بتصيف في الاسكندرية هذا العام أم الأقبال ضعيف؟

وهو ينفع تكون رحلة اسكندرية من غير البحر .. ياريت يتم التأكد من الوضع العام والصحي الموجود بالاسكندرية حالياً.

مستر أحمد حمدى
27-06-2009, 08:34 PM
بص يا استاذ وسية

احنا شعب مبيظأثرش فينا شئ

متخفش

اسكندرية خالية من الاصابة ان شاء الله

ويا اخى خليك مؤمن

قل لن يصيبنا الا ما كتب الله لنا

اية يعنى انفلونزا الخنازير

ولا يهمك

احنا بناكل اكل فية بلاوى

طب خلى واحد من انجلترا ولا فرنسا ولا سويسرا ياكل اللى بناكلة

ولا اللى بنشربة

حيموت فى الحال

mohab
27-06-2009, 08:40 PM
السلام عليكم و رحمه الله و بركاته

أنا يا مستر أسامة سنه أولى ثانوي يعني الحمد لله خلصت من زمان و نجحت كمان الحمد لله و انا بنزل كتير جدا جدا و سمعت فعلا في التلفزيون زي بقية الناس ما سمعت و الخروج مش ممنوع خالص (مفيش حد قاعد في بيته عندنا في أسكندرية).

مفيش توتر خاااالص بين الناس و الناس بتسبح في البحر كتير جدا عندنا في اسكندريه مفيش اي مركز لأي مرض و زي ما انا قولت انا سمعت ان السباحه في مياه البحار مش ضروري السنه دي لما يحدث من بصق و ... إلخ في مياه البحار لكن مجرد الاستمتاع بمنظر البحر الجميل لا تضر و كمان مش البحر بس بيحذروا منه ده حتى في النوادي في حمامات السباحه توجد لافتات بمنع البصق في المياه ..

و بالنسبه للمصيفين كتييييييييييير جدا جدا جدا لدرجة إن المواصلات زحمه جدا جدا و بنتحرك في اسكندريه بالعافيه النااااااس كتير جدا جدا جدا عندنا ...

mohab
27-06-2009, 08:42 PM
و بجد بجد اسكندريه حتنور بيكم و اهلا بيكم في اي وقت و اي استفسار أنا موجود و إن شاء الله رحله جميله جدا

مستر أحمد حمدى
27-06-2009, 09:21 PM
بالمناسبة يا جماعة

الاخبار اللى بتقول بإنتقال الفيروس عن طريق البحر خاطئة

دا حتى أنفلونزا الطيور اللى فلقونا بيها الناس بقت تخاف تاكل بيض وفراخ

ودة غلط لأن الفراخ المصابة لا تبيض ولحمها اكيد بنغلية

فلا خطر

يا جماعة متقلقوش

الفيروس على الرغم من انه أكثر الكائنات الدقيقة فتكا :16:

إلا انه أقلها مناعة فهو يموت عند ارتفاع درجة الحرارة

يعنى الفيروس لو موجود فعلا حيموت لما نغلى الطعام

ثم البحر مائة مالح يعنى حيموت الفيروس :7:

غير الشمس الساطعة المطهر الاقوى على وجه الأرض

فلا داعى للقلق

وذى ما قلت قبل كدة

إحنا شعب ربنا ساترها معاة

ومبيتأثرش بشئ ودا كلام حقيقى

احنا عندنا مناعة من كتر الفقر

مستر أحمد حمدى
27-06-2009, 09:43 PM
يا ريت يا مستر اشرف نعرف التفاصيل المادية

عشان نحوش من دلوقتى ولو واحد ذىى مش حيخسركم مواصلات حيبقى بكام

واية نظام الوجبات واللى ميكفيهوش وجبة ذىى كدة حيدفع كام واللى حيبات فى العمارة حيدفع كام واللى ميباتش

يعنى تفاصيل

salma soudy
27-06-2009, 09:52 PM
السلام عليكم
انا سلمى من اسكندريه ان شاء الله هحكون معاكم فى الرحله وان شاء الله هتطلع رحله جميله جدا
والجو هنا فى اسكندريه حلو اوى ومفيش انتشار امراض ولا حاجات من دى خالص
يعنى تعالوا وانتوا مطمنين على الاخر
لازم نستمتع بعد الامتحانات
وطبعا لازام اشكر اداره الموقع ومستر محمد على الرحله الى هتبقى جميله ان شاء الله ومن غير مشاكل

أشرف السيد
27-06-2009, 10:00 PM
كل تفاصيل المصاريف هنكتبها بعد يومين بأذن الله

sir_wyvern
27-06-2009, 10:40 PM
معلش لمشاركتى متاخرا لكن اتمنى لكم رحلة موفقة ان شاء الله وانا اكيد معاكم باذ الله انا اساسا من رشيد اتمنى معلومات اكثر دقه عن الرحلة

مدرس الغد
27-06-2009, 10:49 PM
انا الى وصلت متاخر اول لان محدش قالى ان الاعلان اتحط رسمى بس حصل خير

اولا انا من اهالى رشيد واسكندريه واحب اطمنكم اسكندريه باذن الله تنور بالرحله ومش نخاف من حاجه

انا منتظر تحديد المصروفات من استاذ اشرف علشان اكون جاهز ولا اروح ابات فى شقتنا احسن :d

يلا كله ماشى المهم اقابل فريق البوابه الجميل داه مع تحياتى

الطالب : احمد مدرس بكره وبعده وكل الاوقات

اسامه القزاز
28-06-2009, 01:09 AM
أشكرك أخى الحبيب الغالى جدا والقريب من قلبى محمد وسية لأنك إنسان أصيل فعلت الكثير الذى أحس به ووصل عن طريق الإتصال الربانى وبالنسبة لهذه الرحلة فقد كانت فعلاً حلمى من زمان كما قال الأستاذ الفاضل اشرف السيد وان كنت لا اعرف هل يقصدنى ام يقصد اخى الفاضل مستر اسامه عموما أتمنى من حضرتك سواء كتب الله لى التمتع معكم بهذا الحلم أم لا أن يكون أول برنامجكم هو زيارة العزيزة الغالية علينا جميعاً أختى الكبيرة فى كل شئ الأستاذة / آمال عبد الهادى
مرة أخرى أشكرك أيها الرجل الأصيل .

محمد عبد العظيم وسية
28-06-2009, 02:05 PM
وصلتني أخبار خطيرة من مصادر موثوقة

إن شلة ( الكتكوت المرعب )

جاية الرحلة ..

اعملوا حسابكم في كشف هيئة قبل الاشتراك في الرحلة

وإذا تم اختياركم

هتبقوا فريق واحد ........ فريق الكتكوت المرعب

وإن شاء الله هتتهزموا من الفرق القوية الأخرى : فريقة المعلمين ـــــــ فريق المعلمات ـــــــ فريق المشرفين ـــــ فريق القلوب البيضاء .

أشرف السيد
28-06-2009, 08:16 PM
وفريق برشلونة جاي يا بطل

وفريق المعلم شحاته

في سرك في قيادات تعليمية في الاسكندرية هتشرفنا في اخر يوم ظبط الدنيا بقي

Redcar
28-06-2009, 08:18 PM
السلام عليكم رحله موفقه باذن الله وبما انى من سكان الاسكندريه احب اطمنكم مفيش اى حاجه خالص بس ابعدوا عن الاطعمه الخارجه وغير المضمونه والجو جميل جدا ومشمس دائما ولكن نتمنى مزيد من المعلومات عن الرحله كبرنامج الرحله ومين طالع الرحله

ah_alex
28-06-2009, 10:55 PM
السلام عليكم ورحم الله

احب اعرفكم بنفسى

انا احمد فتحى من اسكندرية

وانشاء الله اكون ماعكم واقبلكم فى اسكندرية

وبالنسبة الحالة الصحية كله تمام والحمد الله

والشوارع تمام يمكن ها تكون المدينة زحمة شويا بس مشكلة


وانشاء الله اكيد ماعكم

sir_wyvern
29-06-2009, 01:42 AM
ياااااااااااااااااااااااااااااااريت اكون فى فريق برشلونة علشان انا كتالونى وبحب كتالونيا

ah_alex
29-06-2009, 03:13 AM
اهم حاجة تكون قبل النتيجة

أشرف السيد
29-06-2009, 03:17 AM
بأذن الله من يوم 9 الى 11 يعني بعد الامتحانات وقبل النتيجة

sir_wyvern
29-06-2009, 04:22 AM
وامتى ان شاء الله حنعرف معلومات ادق عن الرحلةعلشان برده نعمل حسابنا

ah_alex
30-06-2009, 07:58 PM
طب خلاص

ياريت بس نتفق على النظام

عشان انا مثلا من اسكندرية

اينور
01-07-2009, 02:20 AM
السلام عليكم ورحمة الله وبركاته
انا الاء احمد من الاسكندريه ويشرف اهل الاسكندريه تشريفكم لينا
والله الاسكندريه حيزيد نورها بوجودكم معنا وياريت تفضلوا علي طول
علي فكره الجو عندنا جميل جدا نهاراويزداد جمال ليلا
بس كان لي استفسار بسيط عن تكاليف هذه الرحله
واين الاقامه في الاسكندريه
وازاي حنتقابل مع بعض وحنعرف بعض ازاي
ارجوا افادتي
ولكم جزيل الشكر
وان شاء الله رحله اكثر من موفقه

باسم ابو المجد
01-07-2009, 04:47 AM
رحلة موفقة بإذن الله

MohammeD el_SadaT
02-07-2009, 02:36 AM
بجد فكره جميله ربنا يوفقكم ويعينكم على إكمالها على أكمل وجه بإذن الله
لكن للأسف مش هقدر أكون موجود خصوصاً فى الموعد ده
لأنى عندى شغل مهم جداااً غير قابل للتأجيل من يوم 11/ ليوم 15 فى الفتره ده
والشغل ده محجوز من فتره طويله
لكن ممكن أجى يوم واحد صد رد

محمد عبد العظيم وسية
02-07-2009, 12:23 PM
يا شباب

خلال أيام بإذن الله

ستعرفون كل تفاصيل الرحلة

التي من أهمها ..

ضرورة حضور أسر الطالبات أو أحد أفراد العائلة معهن في الرحلة

وإن تم الاتفاق النهائي على الإسكندرية
ــ وإن تم الاتفاق النهائي على أن تكون مدة الرحلة ثلاثة أيام ...
فلا مشكلة في المبيت مع الطالبات اللائي من الإسكندرية لأنهن سيرجعن إلى بيوتهن مع أسرهن في نهاية كل يوم من الرحلة ثم نقابلهن صباح اليوم التالي لاستكمال البرنامج ــ
(( ويجب عليهن أيضا إحضار أحد أفراد أسرتهن ))
ــ أما الطالبات اللائي من خارج الإسكندرية فيجب على كل طالبة أن تحضر معها أسرتها أو على الأقل أخاها الأكبر أو أباها أو أمها ...
ونفضل أن تحضر الأسرة كاملة مع الطالبة لتشرفنا في رحلتنا الجميلة .
وهذا للأهمية
وستعرفون تفاصيل أكثر بإذن الله غدا ....... أو خلال أيام قلائل .

بارك الله فيكم



ولنعلم جميعا ـــــ أن الرحلة ترفيهيـــــــــــــــة ، وليست رحلة عمل أو مناقشات أو حوارات ....... بل هي رحلة ترفيهية لتخفيف عناء وكبت الثانوية العامية للطلاب والمعلمين

وانتظروا رحلة متميزة غير مسبوقة بإذن الله

شمس بياض
02-07-2009, 12:34 PM
اللهم وفق الجميع

الى خير الاعمال

واتمنى لكم رحله موفقه باذن الله تعالى

وساحضر معكم بدعواتى ان شاء الله

حفظ الله الجميع من كل سوء

عز وحيد
02-07-2009, 01:52 PM
السلام عليكم ورحمة الله وبركاته
طبعا الحمد لله ان انا كنت من اوائل الناس الى عرفوا عن الرحلة ديه
ان شاء الله ربنا يكتب لينا التوفيق فى الرحلة ديه
وطبعا ان شاء الله كمان
مش معقول انى افوت رحلة زى كده
ان شاء الله معاكم

مستر أحمد حمدى
02-07-2009, 11:57 PM
السلام عليكم ورحمة الله وبركاته
طبعا الحمد لله ان انا كنت من اوائل الناس الى عرفوا عن الرحلة ديه
ان شاء الله ربنا يكتب لينا التوفيق فى الرحلة ديه
وطبعا ان شاء الله كمان
مش معقول انى افوت رحلة زى كده
ان شاء الله معاكم



انا مبسوط قوى انى حشوف حبايبى

وحشوفك يا عز والحمد لله مش حتبقى وحيد

غادة عبدالسلام
04-07-2009, 11:55 PM
ربنا يوفقكم وتروحوا وتيجوا بالف سلامة

ورحلة سعيدة موفقة بأذن الله