اه يا مرراتي يا اااااااني....هو لسه فيه كده ؟

[مسيو وليد عسكر]

موضوع قراته بس حسيت ان اللي كاتباه عايشه في عالم تاني
هو للامانه موضوع مميز وافكاره جميله ولكن السؤال هل فعلا الزوجات ممكن يعملوا بالنصائح دي ؟
قضيه للمناقشه وللضحك من اعماق القلب...
واللي مرراته اتفقعت زي حالاتي ياريت مايدخلش الموضوع....


ماتيجوا نشوف افكار الاخت الكريمه ونناقشها سوا
******************
1ـ بروزي بطاقة زواجكم وضعيها بجانب السرير من جهة الزوج على مفرش جميل



2 ـ سجلي صوتك في جواله وأضبطيه حتى يدق وهو خارج المنزل ليسمع عبارات الحب


3 ـ أكتبي ورقه صغيرة وضعيها في محفظته مكتوب عليها ( ياليتني بدل المحفظة لأكون قريبة من صدرك ومعك في كل مكان )


4ـ أمسكي بيده فجأة في السيارة (او حتي في الميكروباص دي من عندي علشان اللي ماعندوش عربيه مايتعقدش)أو في البيت وقولي له ( والله إني أحبك )


5 ـ أكتبي عبارات حب على مرأة الحمام وغرفة النوم مثلا(أول مرة أشوف قمر يطالع نفسه في المراية )


6ـ أفرغي زجاجة دواء وأملايها بأوراق صغيرة مكتوب بها أشعار وعبارات حب وضعي على الزجاجة عبارة
( مسكن رومنسي يؤخذ عند اللزوم ) و ضعيها بجانب السرير(الصبر من عندك يا رب )


7ـ غيري شاشة التوقف في جوال زوجك وكمبيوتره بعبارات حب وهيام
You can see links before reply


8 ـ أكتبي بالكمبيوتر كلمة ( أحبك ) ثم فرغيها وضعيها على سقف الأبجورة وأطفئ النور سيظهر على سقف الغرفة كلمة أحبك بخط كبير مثل طريقة ( البروجكتر )


9 ـ غيري لون لمبة الأبجور بصباغتها بالمناكير


10ـ غيري أسمك في جواله مثلا ( حبيبتك ،حياتك ، قمرك .......)


11ـ علقي على ثوبه ببطاقة قبل خروجه للعمل مكتوب عليها ( لا تنسى أن تقبلني قبل الخروج )


12ـ أنثري الورد على وسادته


13 ـ عندما يذهب للإستحمام جهزي له ملابسه وعطريها وضعي عليها بطاقة مكتوب عليها ( أحسد هذه الملابس التي ستحضن جسدك )


14 ـ أرسلي على بريده الألكتروني بطاقات حب وأناشيد جميله


15ـ عندما يكون خارج المنزل ضعي بطاقات كثيرة بقبلاتك من الباب وحتى المكان الذي يعلق فيه ملابس
وأكتبي عبارة (حبيت أقبل الأرض التي تمشي عليها )


16 ـ حصني زوجك قبل خروجه من المنزل بالأذكار فهذا يشعره بحبك وخوفك عليه


17 ـ أملئ البانيو بالماء الدافئ والرغوة ثم فاجئيه عند قدومه من العمل بعمل حمام جميل له ثم عمل مساج بالزيوت العطريه وسيدعي لك من أعماق قلبه


18 ـ جهزي له اناء (طشت )ماء دافي مع الملح وعمل مساج للقدمين بعد قدومه من العمل



19 ـ أخرجا في رحلة رومنسية بدوووووووون الأولاد



20ـ ضعي رساله في جواله ثم أضبطي المنبه بحيث يدق وهو خارج المنزل



21ـ علقي قلوب حمراء في كل مكان في المنزل ومكتوب عليها (أحبك )



22ـ علقي مجموعة زهور مقلوبة على الدش وأكتبي عليه (حبيت أغسل جسمك بالزهور )



23ـ ضعي بطاقات كثيرة مكتوب بها عبارات حب ووزعيها في جميع أرجاء المنزل



24ـ طرزي كلمة ( أحبك ) على فوطتة الخاصة



25ـ ضعي جهازه على الصامت ثم دقي عليه مثلل200 مرة ثم أرسلي له مسج ( مشتااااااااقة لك )




26 ـ صوري زوجك بالجوال وهو نائم وضعيها خلفيه للجوال أو الكمبيوتر وأكتبي عبارة (الملاااااااك النائم ):39:



27 ـ أختاري له ملابسه بنفسك




29ـ جهزي عدة النزهة والشاي والدجاج المبهر والفحم وأخرجا في نزهة شواء

[طارق ممدوح ذكي محمد]

وتفتكر بعد ده كله هيحبها .... ما اعتقدش

هي بتعمل ده كله علشان ما يتجوزش عليها

لكن اي راجل مكانه هيقول ... الله ده الجوزا حلو قوي

وهيجوز تاني وتالت ورابع كمان

ياعم وليد ده انا ضغطي علي .. كتر خير الستات اللي هيقروا الموضوع

ويا ويلك من اختنا شمس لما تدخل ... نصيحة الحق استخبى بسرعة

[مسيو وليد عسكر]

وتفتكر بعد ده كله هيحبها .... ما اعتقدش



هي بتعمل ده كله علشان ما يتجوزش عليها


لكن اي راجل مكانه هيقول ... الله ده الجوزا حلو قوي


وهيجوز تاني وتالت ورابع كمان


ياعم وليد ده انا ضغطي علي .. كتر خير الستات اللي هيقروا الموضوع



ويا ويلك من اختنا شمس لما تدخل ... نصيحة الحق استخبى بسرعة


ههههههههههههههه
اطمن انا واخد ساتر ومامن نفسي كويس
وعارف ان اول حاجه هتعملها اختي الغاليه احلام عقابا ليا هو نقل الموضوع لنون النسوه
ومتوقع رد اختي الغاليه نور وهي بتقولي ضغوط الحياه والعمل والاعباء والبيت وبعدين الرجاله مابتشكرش علي حاجه حتي لو ايدنا صوابعينا العشره شمع ....
ومتوقع مرور البعض دون تعليق:)
رد واحد يعجبني اجمل من الف رد تقليدي
ياجماعه انا بتمني والله ان الستات والرجاله في بيوتهم يكون بينهم جو الحب ده
بتمني.....
ولكن ليس كل ما يتمناه المرء يدركه...
نورت يا طارق باشا ولكن برضه انا منتظر تعليقاتك الجامده علي كل جمله
ومش هسيبك الا لما تعمل اقتباساتك الناريه
نورت ياباشا وربنا مايحرمني من ردودك الجميله:18:

[عز وحيد]

يا سلام يا مسيو على الاحلام الوردية
ايه الدنيا الى مش موجودة ديه
على ما اعتقد لو ده بيحصل او حتى الزوجة بتحاول تعمله
ما كانش بقى ده حالنا فى حالات الطلاق الى زادت اوى عن الحد
ديه النظرة المنطقية للموضوع
اما بالنسبة بقى لغرض الموضوع الاساسى وهو ...............
ولا بلاش انا قصدى اهدى النفوس بس فعلا يا مسيو انت كده جاى على الاخوات جامد بس على ما اعتقد يا مسيو كاتب الموضوع الاساسى مش واحدة عادية ديه حالمة اوى اوى لا تنتمى الى عالمنا ولا تعرف ما يحدث فيه
بجد التعليق الوحيد الى ممكن يتقال ولا فى الاحلام
شكرا يا مسيو على الموضوع الجميل ده

[مسيو وليد عسكر]

******************
توقعاتي لرد فتكات وهي زوجه مصريه جداااااااااااااا
1ـ بروزي بطاقة زواجكم وضعيها بجانب السرير من جهة الزوج على مفرش جميل
ابروز ايه ؟دي صوره فرحنا المنيل ماهان عليه يبروزها
ال ابروز ال



2 ـ سجلي صوتك في جواله وأضبطيه حتى يدق وهو خارج المنزل ليسمع عبارات الحب
انت عبيطه يا بنت انتي اسجل ايه؟ده تليفونه مقيح زيه ويادوب بيجيب اظهار رقم الطالب


3 ـ أكتبي ورقه صغيرة وضعيها في محفظته مكتوب عليها ( ياليتني بدل المحفظة لأكون قريبة من صدرك ومعك في كل مكان )

يارتني اعرف معاك كام في المحفظه متهيالي احسن هاخد منه ايه غير النكد

4ـ أمسكي بيده فجأة في السيارة (او حتي في الميكروباص دي من عندي علشان اللي ماعندوش عربيه مايتعقدش)أو في البيت وقولي له ( والله إني أحبك )
والله لو مسيبت ايدي دلوقتي لهصوت والم عليك الناس ال يمسك ايدي ال


5 ـ أكتبي عبارات حب على مرأة الحمام وغرفة النوم مثلا(أول مرة أشوف قمر يطالع نفسه في المراية )
ايش تعمل الماشطه في الوش العكر


6 ـ أفرغي زجاجة دواء وأملايها بأوراق صغيرة مكتوب بها أشعار وعبارات حب وضعي على الزجاجة عبارة
( مسكن رومنسي يؤخذ عند اللزوم ) و ضعيها بجانب السرير(الصبر من عندك يا رب )
نعم؟افرغ ازازه دوا بشيء وشويات علشان المنيل ده
ده انا احط له فيها سم فيران ومسكن رومانسي كمان
فيه مسكن في مقابر الغفير اريح له


7 ـ غيري شاشة التوقف في جوال زوجك وكمبيوتره بعبارات حب وهيام
بقولك معاه موبايل خارج بيت جايبه ب20 جنيه وسالفهم مني كمان تقولي لي اغير شاشه التوقف ؟
You can see links before reply


8 ـ أكتبي بالكمبيوتر كلمة ( أحبك ) ثم فرغيها وضعيها على سقف الأبجورة وأطفئ النور سيظهر على سقف الغرفة كلمة أحبك بخط كبير مثل طريقة ( البروجكتر )
انتي متخيله ان بيتنا فيه الحاجات دي
روحي يا بنتي الله يسهلك


9 ـ غيري لون لمبة الأبجور بصباغتها بالمناكير
ايه المناكير ده ؟ده دوا كحه ولا علاج للحموضه ؟


10ـ غيري أسمك في جواله مثلا ( حبيبتك ،حياتك ، قمرك .......)
مش هينفع لان الاسماء دي كلها اكيد موجوده علي موبايله بس بارقام تانيه وتلاقيه مسيفني بالحكومه او امنا الغوله


11 ـ علقي على ثوبه ببطاقة قبل خروجه للعمل مكتوب عليها ( لا تنسى أن تقبلني قبل الخروج )
ده مابيطقش يبص في خلقتي اصلا وبعدين انا بكون نايمه الصبح مش هصحي مخصوص علشانه يعني


12ـ أنثري الورد على وسادته
ا سم النبي حارسك
ورد...هي الحلوه منين ؟


13 ـ عندما يذهب للإستحمام جهزي له ملابسه وعطريها وضعي عليها بطاقة مكتوب عليها ( أحسد هذه الملابس التي ستحضن جسدك )
والله الله يكون في عون الهدوم بتاعته اشتكت من كتر الرقع وبتوع الرفا ...الله يكون في عون الهدوم دي فعلا...


14 ـ أرسلي على بريده الألكتروني بطاقات حب وأناشيد جميله
وعلي ايه ارسل
ماهو لما يجي ارص همله في وشه خبط لزق


15 ـ عندما يكون خارج المنزل ضعي بطاقات كثيرة بقبلاتك من الباب وحتى المكان الذي يعلق فيه ملابس
وأكتبي عبارة (حبيت أقبل الأرض التي تمشي عليها )
ماناقص تقولي لي اقوله هتوحشني
ده انا مش برتاح الا بيكون بره
المركب اللي تودي بلا قرف يا شيخه


16 ـ حصني زوجك قبل خروجه من المنزل بالأذكار فهذا يشعره بحبك وخوفك عليه
وافكره احسن يجيب معاه اكل لان التلاجه فاضيه


17 ـ أملئ البانيو بالماء الدافئ والرغوة ثم فاجئيه عند قدومه من العمل بعمل حمام جميل له ثم عمل مساج
بالزيوت العطريه وسيدعي لك من أعماق قلبه
ماعندناش حمام اصلا تقولي لي بانيو
ده حمام عمومي وبنحجزه بالدور ده لو استحمينا اصلا


18 ـ جهزي له اناء (طشت )ماء دافي مع الملح وعمل مساج للقدمين بعد قدومه من العمل
ريحه رجليه بتكون مش كويسه وبعدين هو مش عويل مايعمل لنفسه



19 ـ أخرجا في رحلة رومنسية بدوووووووون الأولاد
عملناه من يومين وروحنا جنينه الحيوان وكنت هطلق لما قلت له القرد ده بيفكرني بيك(كنت بهزر معاه ) وقالي انا قرد يا بومه روحي انتي.... والحمد لله عطس وقتها ...



20 ـ ضعي رساله في جواله ثم أضبطي المنبه بحيث يدق وهو خارج المنزل
ماقلنا تليفونه اساسا يادوب بيقول الو



21ـ علقي قلوب حمراء في كل مكان في المنزل ومكتوب عليها (أحبك )
زوجي زمالكاوي لو عملتها هيطلقني



22 ـ علقي مجموعة زهور مقلوبة على الدش وأكتبي عليه (حبيت أغسل جسمك بالزهور )
يغسلوه بدري البعيد هو انا شوفت منه ايه علشان اعمله ده كله



23ـ ضعي بطاقات كثيرة مكتوب بها عبارات حب ووزعيها في جميع أرجاء المنزل
وممكن اعمل بطاقه مكتوب عليها ابحث مع الشرطه واحط صورته وهو بيضحك باسنانه الصفرا المقرفه



24 ـ طرزي كلمة ( أحبك ) على فوطتة الخاصة
بيمسح في هدومه مالوش في الفوط



25ـ ضعي جهازه على الصامت ثم دقي عليه مثلل200 مرة ثم أرسلي له مسج ( مشتااااااااقة لك )
الصبر من عندك يا رب




26 ـ صوري زوجك بالجوال وهو نائم وضعيها خلفيه للجوال أو الكمبيوتر وأكتبي عبارة (الملاااااااك النائم )
ملاك ايه بس ؟ هو فيه ملاك بيشخر
ده شخيره مسمع للقاهره وضواحيها وعلي المقيمين خارجها مراعاة فروق التوقيت



27 ـ أختاري له ملابسه بنفسك
هم طقمين عمي بيحك فيهم جته نيله المقيح





29 ـ جهزي عدة النزهة والشاي والدجاج المبهر والفحم وأخرجا في نزهة شواء
هههههههههههههههههههههههههههه
ههههههههههههههههههههههههه
هههههههههههههه
دجاج وفحم ؟ والفول اللي هري بدنا نعمل فيه ايه ؟
جتنا نيله في حظنا الهباب

دي ردود زوجه مصريه اسمها فتكات
وانا غير مسئول عن اي كلام قالته

[غفران]

الأخ الفاضل أستاذ وليد
موضوع جميل وشكرا لك على نقله لنا
ولكن هو غير واقعى بالمرة ليس لأنه
غير قابل للتحقيق أو لا توجد الزوجة الرومانسية
التى تفعل ذلك ولكن لأن الرجل نفسه لن يتقبل كل
هذه المبالغات من زوجته بل سيكون أهو ول من يسخر
منها وسيتهمها بأنها مراهقة ولم تنضج بعد بل
وسيطالبها بالكف عن ذلك لأنها خنقته بطوق الحب هذا

وفعلا خير الأمور الوسط وهناك أمور كثيرة ذكرتها
يجب على الزوجة القيام بها وتنفيذها وذلك من باب
حسن التبعل لزوجها وللحفاظ على المودة والرحمة بينهما .
ولكن ليس بهذا الشكل المبالغ فيه والزائد عن الحد .

[مسيو وليد عسكر]

الأخ الفاضل أستاذ وليد
موضوع جميل وشكرا لك على نقله لنا
ولكن هو غير واقعى بالمرة ليس لأنه
غير قابل للتحقيق أو لا توجد الزوجة الرومانسية
التى تفعل ذلك ولكن لأن الرجل نفسه لن يتقبل كل
هذه المبالغات من زوجته بل سيكون أهو ول من يسخر
منها وسيتهمها بأنها مراهقة ولم تنضج بعد
وسيطالها بالكف عن ذلك لأنها خنقته بطوق الحب هذا

وفعلا خير الأمور الوسط وهناك أمور كثيرة ذكرتها
يجب على الزوجة القيام بها وتنفيذها وذلك من باب
حسن التبعل لزوجها وللحفاظ على المودة والرحمة بينهما .
ولكن ليس بهذا الشكل المبالغ فيه والزائد عن الحد
.


موضوع السخريه اختي الفاضله غير وارد بالمره وانا كما ذكرت في البدايه بعتبره موضوع للبسمه ونوع من التغيير والخروج من حده الملل وتغير نوعيه الموضوعات الجاده يحدث اثراء في موضوعات القسم العام واعتقد ان الزوج الذي يسخر من زوجته التي تهتم به زوجا احمق ولا يستحق ان تكون له زوجه محترمه تراعي ربها فيه
الموضوع كله دعابه خفيفه وكلنا احترام للزوجه لانها الام والاخت والصديقه والابنه
اشكرك اختي الفاضله علي مرورك الكريم:)

[مسيو وليد عسكر]

يا سلام يا مسيو على الاحلام الوردية
ايه الدنيا الى مش موجودة ديه
على ما اعتقد لو ده بيحصل او حتى الزوجة بتحاول تعمله
ما كانش بقى ده حالنا فى حالات الطلاق الى زادت اوى عن الحد
ديه النظرة المنطقية للموضوع
اما بالنسبة بقى لغرض الموضوع الاساسى وهو ...............
ولا بلاش انا قصدى اهدى النفوس بس فعلا يا مسيو انت كده جاى على الاخوات جامد بس على ما اعتقد يا مسيو كاتب الموضوع الاساسى مش واحدة عادية ديه حالمة اوى اوى لا تنتمى الى عالمنا ولا تعرف ما يحدث فيه
بجد التعليق الوحيد الى ممكن يتقال ولا فى الاحلام
شكرا يا مسيو على الموضوع الجميل ده



يارب اشوفك يا عز متجوز واحده كده تخليك دايما عايش في عز وهنا
بشكرك اوي علي مرورك العطر
ومعلش بقي الاتحاد علق منكم بطوله دوري السله:)

[راحل مع الراحلين]

احم سلامة مرارتك يا استاذ وليد

[مسيو وليد عسكر]

احم سلامة مرارتك يا استاذ وليد

الله يسلمك

[دعاء شديد]

انا هدخل فى الموضوع علطول

اولا: وفقا للافكار المطرقعة .... يعد الكثير من الافكار السابقة "مطرقعة"

ثانياً: لن تأتى تلك الافكار ثمارها الا بين اثنين اتفقوا على ان "يكونوا مختلفين"

ثالثاً: تلك الافكار لا تنفذ بشكل مستمر والا فقدت معناها وهو "كسر روتين الحياة"

رابعاً: لا يدرك المعانى التى وراء معانى بعض تلك الافكار الا "المحبين" و"اصحاب العقول المختلفة"

خامساً: اخذت العلاقة بين الرجل والمرأة حيز كبير من موضوعاتنا بشكل ملاحظ ... فلننحيها جانباً ونرى ما فى الدنيا من قضايا اخرى ... لعلنا نجد افكار نناقشها

اخيرا ميرسى يا مسيو وليد على الموضوع بس والله ميفقعش المرارة ولا حاجة
بالعكش ده وفقا لموضوع شريف "فكرة مطرقعة " دى افكار مطرقعة بجد وجديد

[عز وحيد]

يارب اشوفك يا عز متجوز واحده كده تخليك دايما عايش في عز وهنا
بشكرك اوي علي مرورك العطر
ومعلش بقي الاتحاد علق منكم بطوله دوري السله:)


ربنا يخليك يارب يا مسيو على الدعوة جزاك الله خيرا
اما بالنسبة بقى لموضوع الاتحاد :)
فانا كنت ساكت وقولت استنى اما تخلص الامتحانات
يعنى عشان تكون فاضى تماما ونفتح حلقة النقاش عشان مش بحب اضغط على الخصوم فى وقت ماهما مشغولين يعنى اخلاق زملكاوية
انما باين ان الفكر هيتغير
يلا ربنا يسهل
انتظروا القادم

[MohammeD el_SadaT]

بجد يا أستاذ وليد بالرغم من إن حضرتك حاطط الموضوع على سبيل الدعابه
أو حاسس إنه مبالغ فيه
بس بجد أنا مش عارف ليه أنا وأنا بقرأ الموضوع حسيت بدقه فى قلبى
وإتمنيت إن ربنا يرزقنى بإنسانه بالشكل ده

تحسس الواحد بالأمان والحنان بجد ياريت فعلاً
ربنا يرزقنى بواحده تكون فيها ولو جزء بسيط من الموضوع ده

بس زى ما ميس دعاء قالت

ثالثاً: تلك الافكار لا تنفذ بشكل مستمر والا فقدت معناها وهو "كسر روتين الحياة"

[شريف]

بصراحة و بكل وضوح
ـــــــــــ
بدأت منذ فترة وجيزة
بعد ما عشت كده فترة عايش في دور الرومانسي
مع واقع الحياة الذي لا يتجمل
بدأت أحس أن الكلام ده كله هجس فعلا
و ما بيحصلش الا علي كوكب المريخ
مش عندنا خالص
او علي الاقل مش في مصر
و الكل داير في ساقية الحياة
و جو الرومانسية ده
ما هو الا اوهام
و اضغاث احلام
بنعيشه فترة كده قبل الجواز
و بعد الجواز
يا ويلنا يا سواد ليلنا
محمد الساادات قلبه دق و هوا بيقرا الموضوع
انا بقا
حسيت اني عايز أقع ع الأرض من كتر الضحك
لما افتكرت الواقع اللذيذ اللطيف الجميل الأمور
اللي بين الازواج و الزوجات في مصر
حاجة كده خلتنى أقول
و الله والله عايش في نعمة
كل من لم يتزوج الي الان

هتقولي يا مسيو
((( اومال الشعر اللي انت قارفنا بيه ده ايه يا عم شريف ؟)))

أقولك يا سيدي
حكمة بتقول
((( ينتهي الحب فورا بمجرد عقد القران )))
ههههههههههههههه
You can see links before reply D8%AC%D8%A7%D8%AA.jpg
و انا بكتب للحب العذري
الحب بمعناه المطلق
المثالي
اللي مش موجود أساسا
إلا نادرا جدا
يعني ممكن أقولك ان العلماء اكتشفوا
حالتين تلاتة بالكتير حب
في العالم كله
خلال المائة سنة الاخيرة
حتي قبضوا عليهم كمان
لأنهم خرجوا عن المألوف
هييييييييييييييييييييييييه
دونيا

[شمس بياض]

انا بصراحه اتخرعت على حضرتك
لكن بعد ماقريت الموضوع
اصابتنى هستيريا من الضحك المتواصل
وحمدت الله ان ابا اسلام ليس موجودا بالدار
ومافيش غير العيال
المهم (اقسم بالله العظيم -قسما احاسب عليه يوم القيامة )
انى قمت بتنفيذ معظم هذه الافكار عشقا وغراما لزوجى الذى مهما فعل فهو مالكا قلبى

الا اننى لم اجد منه ما يقابله
من -----------------------
المهم با استاذنا الظاهر اننا فعلا كما قال الاستاذ شريف اننا لسنا فى زمن الحب والعواطف
الا اننى مازال لدى امل
وابتغى رضا الله
حتى مرة هو سالنى بتعملى كده ليه انت خابفه انى اتجوز عليك
فالهمنى ربى بقولى
(حسن تبعل المرأه لزوجها يعادل الجهاد فى سبيل الله )
وانا احب اكون ممن يجاهدون فى سبيله
استاذى لى رد بعد ان تهدأ نفسى لان سبب الضحك ماهو الا ضحك هستير ى محزن

[مسيو وليد عسكر]

انا هدخل فى الموضوع علطول

اولا: وفقا للافكار المطرقعة .... يعد الكثير من الافكار السابقة "مطرقعة"

ثانياً: لن تأتى تلك الافكار ثمارها الا بين اثنين اتفقوا على ان "يكونوا مختلفين"

ثالثاً: تلك الافكار لا تنفذ بشكل مستمر والا فقدت معناها وهو "كسر روتين الحياة"

رابعاً: لا يدرك المعانى التى وراء معانى بعض تلك الافكار الا "المحبين" و"اصحاب العقول المختلفة"

خامساً: اخذت العلاقة بين الرجل والمرأة حيز كبير من موضوعاتنا بشكل ملاحظ ... فلننحيها جانباً ونرى ما فى الدنيا من قضايا اخرى ... لعلنا نجد افكار نناقشها

اخيرا ميرسى يا مسيو وليد على الموضوع بس والله ميفقعش المرارة ولا حاجة
بالعكش ده وفقا لموضوع شريف "فكرة مطرقعة " دى افكار مطرقعة بجد وجديد
شكرا اخت دعاء علي مروركم الكريم وتشريفكم للموضوع
وان كنت اتحفظ علي نقطه كثر موضوعات العلاقه بين الطرفين وانها جانب سلبي
اعتقد ان المناقشه تثري اي موضوع ونحن نتبادل الاراء والخبرات وكل يعبر عن وجهه نظره ونحن نتناقش بشكل راقي ولا نسيء الي اي احد وفي رايي المتواضع ان اي قضيه يتم طرحها يكون من ورائها جدوي افضل الف مره من موضوعات نقراها ولا نعرف ماهو الهدف الاساسي لكتابتها
مروركم العطر اسعدني للغايه
بارك الله فيكم

[امة الرحمن]

طب مهي ممكن تعمل كده مش حقول كل الحاجات حتي ولو بعضها

بس لو لقت منه نفس الاهتمام

مهو لا كله حيكون علي الزوجه ولا كله حيكون علي الزوج

ليه الرجاله بيرموا الحمل علي الست والست بترمي الحمل علي الراجل

واسااسا اصلا يعني الجواز مشركه بين الاتنين

لو واحده عملت حاجه من اللي في الموضوع ولقت الراجل عادي ولا فرق معاه حاجه

حتحبط ومش حتعمل حاجه تانيه

البيت اللي بيجمع الست والراجل محتاج علي طول للامان عشان يستمر

فالحب يكون كمان مستمر بين الطرفين

الراجل زي مهو عايز لما يرجع من الشغل مهدود يلاقي البسمه في بيته

الست كمان عايزه من جوزها الاهتمام والحنان

مهو مشاركه البيت ده بردو

ياستاذ وليد انا عندي كامل الاستعداد اني اعمل كده بس لو لقيت رد فعل

احس فيها انه فرحان بيا وسعيد بيا

مش عملت زي معملتش

وبراحه علينا شويه ده احنا طيبين اوي


شكرا علي النصايح الجميله ديه

[Blanche Neige]

تفتكر اذا فى زوجه عملت كل الحاجات دى لجوزها

هايقول عليها ايه؟؟؟؟؟ اكيد هايقول الست دى اتجننت

كمان المفروض بقى الست تسيب شغل البيت وتربية الاولاد

ومافيش ماتع كمان انها تسيب شغلها اذا كانت بتشتغل

عشان تتفرغ بس لانها تدلع سى السيد اللى هيه متجوزاه

وتفضل تحب فيه ليل ونهار ... دا الراجل بجد كان يزهق منها

ويروح يدور على واحده غيرها ماانت عارف بقى الراجاله

مش بيعجبهم العجب. بجد حاجه تجيب الضغط العالى

بس اكيد هو موضوع لذيذ وكسر حده الملل والروتين

الف شكر مسيو وليد على الموضوع الجميل .

[رودينا]

هههههههههههههههه
ماشاء الله الموضوع رائع جدا
بس فى حاجة مش كل الزوجات كدى
ياجماعة فى زوجات بطلع عين زوجها
وبيضطر انه يتجوز ولو المراة فعلا ملت عين
زوجها استحالة بعد كل دوت يبص بره
يبقى مفترى وحسبى الله ونعم الوكيل فيه
بس لازم الزوج يقدر ويحترم اللى هى بتعمله عشانه
ولايبقى ميستهلهوش

رودى

[zizo2_2]

والله برافوا عليها

صدقني استاذي الفاضل الراجل مننا بيحتاج للحنية والإهتمام واللي بتقوله ده بيقرب مش بيبعد

هو الراجل مننا محتاج ايه غير واحدة تحبه وتخاف عليه
واحدة تهتم بيه

وبعدين مش عيب ولا غلط ان الواحدة تعمل كدة

بس برده الراجل لازم يعمل كدة

كام واحد فينا عزم زوجته في مرة بره على العشاء مثلا

كام واحد اخد زوجته وراحوا قعدوا في مكان هاديء يتبادلوا أطراف الحديث مع بعض في جو رومانسي

وللحديث بقية لاني هقابل واحد صاحبي الان ولما ارجع يبقى ربنا يحلها ونكمل الرد

[مسيو وليد عسكر]

بجد يا أستاذ وليد بالرغم من إن حضرتك حاطط الموضوع على سبيل الدعابه

أو حاسس إنه مبالغ فيه
بس بجد أنا مش عارف ليه أنا وأنا بقرأ الموضوع حسيت بدقه فى قلبى
وإتمنيت إن ربنا يرزقنى بإنسانه بالشكل ده


تحسس الواحد بالأمان والحنان بجد ياريت فعلاً
ربنا يرزقنى بواحده تكون فيها ولو جزء بسيط من الموضوع ده


بس زى ما ميس دعاء قالت




ربنا يرزقك بانسانه تسعدك وتقر عينيك وتكون لك نعم الزوجه والاخت والصديقه
دعائي لك بالتوفيق وربنا يوفقك:38:

[طارق ممدوح ذكي محمد]

بس بجد أنا مش عارف ليه أنا وأنا بقرأ الموضوع حسيت بدقه فى قلبى





دقة ايه بس يا محمد ايه الافلام القديمة اللي انت عايش فيها دي

بكرة لما تتجوز يابني قلبك هيدق من الجوع ويمكن من الخوف ... انت ونصيبك :)

[مسيو وليد عسكر]

بصراحة و بكل وضوح

ـــــــــــ
بدأت منذ فترة وجيزة
بعد ما عشت كده فترة عايش في دور الرومانسي
مع واقع الحياة الذي لا يتجمل
بدأت أحس أن الكلام ده كله هجس فعلا
و ما بيحصلش الا علي كوكب المريخ
مش عندنا خالص
او علي الاقل مش في مصر
و الكل داير في ساقية الحياة
و جو الرومانسية ده
ما هو الا اوهام
و اضغاث احلام
بنعيشه فترة كده قبل الجواز
و بعد الجواز
يا ويلنا يا سواد ليلنا
محمد الساادات قلبه دق و هوا بيقرا الموضوع
انا بقا
حسيت اني عايز أقع ع الأرض من كتر الضحك
لما افتكرت الواقع اللذيذ اللطيف الجميل الأمور
اللي بين الازواج و الزوجات في مصر
حاجة كده خلتنى أقول
و الله والله عايش في نعمة
كل من لم يتزوج الي الان


هتقولي يا مسيو
((( اومال الشعر اللي انت قارفنا بيه ده ايه يا عم شريف ؟)))


أقولك يا سيدي
حكمة بتقول
((( ينتهي الحب فورا بمجرد عقد القران )))
ههههههههههههههه
You can see links before reply d8%ac%d8%a7%d8%aa.jpg
و انا بكتب للحب العذري
الحب بمعناه المطلق
المثالي
اللي مش موجود أساسا
إلا نادرا جدا
يعني ممكن أقولك ان العلماء اكتشفوا
حالتين تلاتة بالكتير حب
في العالم كله
خلال المائة سنة الاخيرة
حتي قبضوا عليهم كمان
لأنهم خرجوا عن المألوف
هييييييييييييييييييييييييه
دونيا





ايه ياعم شريف سودتها كده ليه
الحكومه تعرف بالكلام ده ولا ايه
حاسب مني
انا مش هسكت وهعمل تقرير يوديك ابوغريب
الحق عدل رد واكتب كلمتين حلوين كده
انت حر بقي:16:

[امل لاشين]

ههههههههههههههه

جميل اوي رد الزوجه المصريه فتكات ههههههههه

والغريب انها هتلم عليه الدنيا لو مسك ايديها .......بتحبه جداااااا .......ههههههههههه

بس من غير مراراه ولا حاجه يا وليد ......ممكن يحصل ده في عالم رومانسي جدااااا وبين اتنين

رومانسين اوي ......في دنيا بنحلم بيها ....

لكن في دنيتنا بيحصل كده لكن مش بالطريقه دي.....

جميل جدااااااا الموضوع .......ميرسي جدااا عليه

[المبدع 2010]

موضوع رائع مسيو وليد
ويارب يرزقنى بواحده تكون رومانسيه كده وتتقى الله فيا