المساعد الشخصي الرقمي

مشاهدة النسخة كاملة : ادخل بسرعة واختار احلى نكتة ... نكت على الفرازه



محمد عبد العظيم وسية
06-05-2009, 06:55 AM
السلام عليكم ورحمة الله وبركاته

رسم البسمة على الوجوه في هذه الأيام أمر في غاية الصعوبة

نسأل الله أن يجعل كل أيامنا سعادة ونجاح وأفراح

ــــــــــــ
بسرعة اختار احسن نكتة لما نشوف ايه النكتة اللي كسبانه وتستاهل نيشان :

خد عندك :



اتنين بلدياتنا بيلعبوا شطرنج الملك مات مشلول


. واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية

· هل تعرف من هو أوفى مخلوق؟
أوفى مخلوق :
نملة مات زوجها الفيل وقعدت طول حياتها تدفن فيه


· زرافة و فيل وأسد وفأر وثعلب وارنب ماشيين في الغابة ، وقعوا كلهم في حفرة إلا الزرافة ،قالولها :جيبي لنا حبل. قالتلهم :ما فيش. قالولها :إحنا جعانين عايزين ناكل .قالتلهم: ماعرفش أجيب لكم أكل.
قالولها: والعمل؟
قالت لهم: كلوا أضعفكم .....
قام الفأر نط مفزوع وقال لهم : اللي حيقرب من الأسد حيعرف شغله

واحد أحول راح يجيب أبوه من المطار باس الشنطة وشال أبوه


· مرة 10 اغبياء بيلعبوا على الطريق الصحراوى واللي تخبطه العربية مرتين يطلع برة اللعبة



نكتة قانون المرور الجديد :

· سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية
قالة انا الفرفور الاحمر و عايز توصلنى
فقاله لا مبوصلش فرافير و مشى و سابه شوية لقى واحد لابس اصفر فى اصفر و بيشاورله فوقف و قاله انت مين و عايز اية قاله
انا الفرفور الاصفر و عايزك توصلنى
فقاله لا مبركبش فرافير و مشى و سابه شويه و قابله واحد لابس اخضر فى اخضر عمل معاه نفس الحكاية ف السواق سابة و مشى شو ية كمان كدة
و لقى واحد لابس ابيض فى ابيض بيشاورله
ف السواق وقف و قاله يا ترى انت بقى الفرفور الابيض ؟
فقاله الراجل فرفور ايه ؟ رخصك يا روح امك
( مع احترامنا للجميع احنا برضه في منتدى تعليمي ــــ قصده يقول : رخصك يا روح والدتك ، وبعدين العيبه ما تطلعش ابدا من الناس دي اللي لابسين أبيض في ابيض بس قلوبهم ربنا أعلم بيها )


واحد من اياهم أخذ شهادة دكتوراه فقال لزوجته والله ماخبرشى ليه
الناس بيضحكوا علينا أدينى جبت الدكتوراه. فقالت
له زوجته: دق على الخشب عشان العين. فدق على الخشب.
فقالت الزوجه مين على الباب؟ وقامت تفتح ... زوجها قالها : انتي غبية ؟؟؟ ماحدناش حريم تفتح ...... انا اللي هقوم افتح الباب

· بلدياتنا فتح محل انابيب غاز .. فجّر اسطوانتين فى وسط البلد .. دعاية


· واحدة راحت تخطب لابنها .. ام العروسة بتسألها ... وياترى ابنك بيدخن ؟؟؟ ردت عليها : لا لا لا الحمد لله ، ابنى ما بيدخنش..... الا لما يتسطل


ثعبان نظره ضعيف يوم ما حب واحده..... طلعت خرطوم


· بلدينا ماسك قنبله وعمال يحدفها من الإيد دى للايد دى ، قابله واحد تانى قال له :يخرب بيتك ولما تنفجر فى وشك ، قاله : ماتخافش معايه غيرها


· بلدياتنا نجح في انتخابات مجلس الشعب، ففي اول جلسة قاعد جنب واحد افندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟..
فرد بلدياتنا : والله أحسن من الكيلوبترا !!


· واحد قال لأبنه: نابليون وهو أدك كان أول واحد في الفصل،...
رد الواد اللئيم على أبوه : ونابليون وهو أدك يا بابا كان إمبراطور


· واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل ، وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى


مرة واحد بلدياتنا اشتري تاكسي وماشي بيه ومبسوط ، كل ما واحد يوقفه ويقوله : تاكسي ؟ يرد السواق : انت غبي ايوه تاكسي اومال شايفه اتوبيس



تلاتة بلدياتنا راكبين قطار واحد طلع راسه من الشباك جا قطار فى الاتجاه المعاكس طيرها. الثانى طلع ايده جا قطار وطيرها قعد يسرخ و يصوت الثالث قال أخوك راسه طارت ماسمعناش صوته وانت اًُُُُلى ايدك طارت عامل دوشه!!!!!!!

فرخة استحمت بهد اند شولدر باضت بيضة من غير اشرة*


مرة اتنين بلدياتنا حبوا يسرقوا بنك سرقوا بنك الدم *


مرة واحد بلدياتناوقع فى حفرة نزلولوا حبل طلع مخنوق* ( ذكي جدا على فكره هههههههههههه)

واحد احول امه ماتت دفن ابوة *

واحد بلدينا حط حجرين للراديو المذيع انسطل*


واحد بلديتنا دخل على واحد صحبه لقاه بيلعب دومينو مع الحمار قاله ياراجل بتلعب دومينو مع الحمار قاله الحمار الى مش عجبكده غالبنى عشرين دور


واحد بلدياتنا غنى قوى ..راح يصطاد فى افريقيا..ولما رجع سالوه صحابه اصطدت ايه قالهم3 غزلان و 2 حمار وحشى ويجى 60 او70 نوبليز..قالولو ايه نوبليز ده؟..قالهم معرفش حاجات بتتنطط لونها اسود قاعده تقولى نوبليز نوبليزنوبليز (no please)


نشر رجل سطر فى اعلانات مبوبه:
مطلوب زوجه
تانى يوم جاله ميت جواب فيهم نفس الرد : تاخد بتاعتى؟


مراهق قعد على القهوة مع أبوه نادى القهوجي على جنب وقالو بصوت واطي هاتلي واحد بيرة بس حطه فى فنجان شاي علشانأبويا مايخدش باله فصاح القهوجي وقال وعندك واحد بيره فى فنجان شاي وصلحووووووووووووو


مره واحد ابنه بلع فتاحة فكلم الدكتور و قال له ابنى بلع فتاحة فقاله الدكتور اقلبه لحد مأجى و بعدين الرجل كلم الدكتور و قاله ماتجيش يا دكتور ... أنا لاقيت فتاحه تانيه


كان فيه قرية كلها أغبياء وكان فيها حفرة كل الناس بتوقع فيها وبتتعورالعمدة جمع أذكى 3 فى القرية عشان يحلوا المشكلة أول واحد … إحنا نبنى مستشفى بجانب الحفرة الى يقع يدخل يتعالج العمدة …. أنت غبي آوى تانى واحد ….. إحنا نجيب إسعاف بجانب الحفرة الى يقع الإسعاف تشيلة للمستشفى العمدة …… أنت اغبى منة الثالث ……. يا حضرة العمدة إحنا نردم الحفرة دى ونعمل واحدة ثانية جنب المستشفى


دكتور عيون من بلدياتنا ........ أول واحد دخل عنده يكشف مرة قال له يا دكتور لما احط ايدى على عينى ما بشوفش حاجة ــــ الدكتور عملة عملية خرملة ايدة


راجل متجوز عنده دولاب فى البيت ممنوع أى حد يفتحه غيره مراته حيقتلها الفضول عاوزه تعرف الدولاب فيه ايه؟ لكنالرجل مش مديها أى فرصة، المهم فضلت طوال عشرين سنه منتظره الفرصه لحد ما فى يوم نسى يقفل الدولاب و نزل ففتحته فلقيت عشرين ألف جنيه و بيضتين فجريت على جوزها وسألته عن سر الموضوع ده و أصرت انها تعرف فقالها اقولك بستوعدينى انك تسامحينى، قالت أوعدك، فقالها الصراحه انا كنت كل ما أخونك أجيب بيضة و أحطها فى الدولاب، فالست قالت فى نفسها مرتين خيانه فى عشرين سنه ماشى سامحتك بس العشرين ألف جنيه دول بتوع إيه قال لها ابدا أنا كنت كل ما اكمل كرتونه أبيعها


واحد بواااااااااااااب كل يوم ينزل ينادى على مراته
ويقول لها : عاوزة حاجة قبل ما أروح الشغل
فتقوله : لا
يروح قاعد على الدكة
وبالمناسبة البواب اللي في النكتة دي مش هوه البواب اللي قاعد قدام بوابة التعليم المصري

واحد رخم اتحكم عليه بالاعدام هو وواحد ثانى فقالوا لهم كل واحد له طلب أخير قبل الموت فالأول قال اخر طلب لي في الدنيا اني اشوف امي ،
الرخم قال : اخر طلب لي في الدنيا ان الواد دا ما يشوفش امه


بلدياتنا سافر امريكا واصحابه نصحوه ياخد معاه 3 زلع مش علشان الاكل الامريكانى مش حلال بس نبهوه يسمى قبل ما ياكل احسن الشيطان ياكل معاه.اول شهر اكل اول زلعة بس نسى يسمى، تانى شهر برضه نسى يسمى، ثالث شهر طلع له الشيطان قال له:"ابوس ايدك سمى، صدرى اتحرق!"


جزمجى مات بالجذمة القلبية
عملوا له نعل فى الجرنال
جم يعملوا له الاربعين لاقوه ضيق عملوا واحد و اربعين



واحد بلدياتنا دخل محل أدوات كهربية فسأل صاحب المحل قالوا : عندك تلفزيونات ملونه قالوا : أيوا قالوا : طب أديني واحد أحمر



مرة واحد كان عنده 15 قملة فى شعره فراح للدكتور فقال له انت تروح تغسل شعرك بميه سخنة وتنام فعمل زي ما الدكتور قاله وراح فى الصبح
سمع قملتين بيتكلموا الأولى بتقول للتانية شفتى موجة الحر بتاعة إمبارح دى قتلت واحدة من عندنا.. فراح للدكتور تانى فقال له لازم تروح تغسل شعرك بميه باردة و تنام فعمل زي ما الدكتور قاله.. وفي الصبح سمع نفس القملتين بيتكلموا الأولى بتقول للتانية شفتى موجة البرد بتاعة إمبارح دى قتلت واحدة منا فراح للدكتور قاله مفيش غير حل واحد إنك تنام جنب واحد شعره مليان قمل فعمل زي ما الدكتور قاله الصبح سمع القملتين بيقولوا شفتى الحرب بتاعةإمبارح دى قتلت منا 7 قملات ففرح أوى.. فسمع التانية بتقول و إيه يعنى ما إحنا اسرنا 50


ظابط بيسأل عسكرى :السهرة إيه النهاردة
قاله:اخترنا لك
رد الظابط:أيه!!!؟
العسكرى: قصدي إخترنا لسياتك ياباشا!!!



عملوا مسابقة لاسرع واحد يصطاد ارنب برى من مغارة مهجورة
الامريكى دخل المغارة وخرج بعد 10 دقايق وفى ايده ارنب
الالمانى دخل المغارة وخرج بعد 7 دقايق وبرضه فى ايده ارنب
بلدياتنا دخل المغارة وغاب خمس ايام دخلوا يطمنوا عليه لقوه ماسك اسد بيضرب فيه وبيقول له : جول آنى ارنب 00جول آنى ارنب


عوضين عمال يخبط دماغه في الحيطة لحد ما دماغه اتفتحت
امه بتساله: مالك يا واد يا عوضين
ضحك اوي و بطل خبط دماغه و قال: ايييييييوه عوضيييييييييين



واحد فشار بيحكي مغامراته لصاحبه الغلس
الفشار : كنت ماشي مره في الصحره طلع عليا اسد فضلت اجري اجري لغايه ما لقيت عماره طلعت فيها
الغلس : يا كداب هو في الصحرة في عماره عماره
الفشار : اه اسف فضلت اجري اجري لغاية ما لقيت شجره طلعت فوقها
الغلس : قال له يا كداب هو في الصحرة في شجره
الفشار : اه اسف فضلت اجري اجري لغايه ما لقيت جراج دخلت فيه
الغلس : يا كداب هو في جراج في الصحرة
الفشار : فضلت اجري اجري لغاية ما أكلني ارتحت ؟


عملوا مسابقة لتعجيز الكمبيوتر كل ما حد يسأله سؤال يجاوب عليه فى اقل من دقيقة جه واحد بلدياتنا حط ورقة فيها السؤال بتاعه الكمبيوتر اتحرق وطلع دخان قالوا له : سؤالك كان ايه بلدياتنا : جلت له ابو جردان جبل ما يخلف جردان كان اسمه ايه؟



واحد بلديتنا رجع بيته لقى مراته فى السرير مع أثنين .. صرخ وهاج مراتى بتخونى ... بسرع رد عليه شاب منهماحنا الكاميرا الخفية لو مش عايز تذيع قول ما تذيعشى ... رد بلديتنا لأ ذيع خللى الناس تنبسط


واحد بلديتنا وصل مصر فبص على عمود نور مكتوب عليه للايجار فقعد يخبط على العمود فمردش عليه حد فسأل واحد مسطول معدى فى الشارع
بلدياتنا : هو مفيش حد هنا ولا ايه؟
المسطول : مش عارف مع ان النور مولع


مجموعة من الكلاب قاعدين مع بعض بيتكلموا فى موضوع
الأول قال: هوهو
التانى قال: هوو هو
التالت قال: هوووهوو

راح الرابع قايل :وووووووو
رد عليه واحد قاله لوسمحت ما تخرجش عن الموضوع

ليه بلدياتنا بيحط معلقة فى بقه وهو نايم؟
(عشان يتقلب صح)


ليه الفيل بيلبس شورت أخضر
(عشان لما يختبئ فى البطيخ ما يبانش)



ليه الفيل بيلبس شورت أحمر
(عشان الأخضر مغسول مع اعتذارنا للون الاحمر والأهلاوية الشرفاء .. وإلا مسيو وليد عسكر مش هيعديها على خير .



طالب بلدياتنا طلع من الامتحان دايخ، ليه ؟!
كان مبرشم على المروحة .*


شلة من بلدياتنا كان عندهم امتحان، تصعبوا كلهم من سؤال يقول : كم عدد أرجل البقرة ... ما أحد جاوب إلا واحد لما خلص الإمتحان بدؤوا يعاتبونه على الخيانة، فقال لهم : أنا آسف كنت عايز أساعدكم بس معرفتش اطلع البقره من القميص


كتكوت كان ماشي في الشارع يدخن سيجار، شافه ديك، قال له مش خايف من أهلك؟) قال له الكتكوت باطمئنان : (لا، لا تخاف أنا تفقيس مكن(


زهقان تزوج من وحدة زهقانة، خلفوا ولد سموه افففففف

وحدة فتحت جواز سفر جوزها شافت مكتوب عليه رجل اعمال. خربشت عليه وكتبت رجل سعديه.

مره اتنين ضربوا بعض بعض اتعور *
سباك نفسه اتسدت قام مسلكها *
ظابط مرور خلف واد بيتكلم بالاشارة *


مرة ابو العربى ساعه عصارى بيحكي حكايه وهوة قاعد فى الميناء :

طلبت معاه يروح قبرص يعوم هناك نط فى الفلوكه وفضل يجدف يجدف ــ بورسعيد بتبعد وقبرص تقرب ــ يجدف ــ بورسعيد تبعد وقبرص تقرب ــ
المهم وصل ورمى الهلب فى قبرص ونزل يعوم ويبلبط
وقبل الليل قام ناطط فى الفلوكه وفضل يجدف ــ بورسعيد تقرب وقبرص تقرب ــ
يجدف ــ بورسعيد تقرب وقبرص تقرب

من غير يمين ـــــــ بيبص لقى نفسه ناسى الهلب فى قبرص وسحبها وراه لبورسعيد


مرة كان في ماتش بين فريقين حشرات في الشوط الاول في فريق انهزم واحد صفر و

الشوط الثاني نزلت أم أربعه و اربعين دخلت 42 هدف
بعد الماتش صحفي بيسأل المدرب اللي فاز :ليه مانزلتش أم أربعه و أربعين من أول الماتش ٌ
قاله:كانت بتربط الجزمة

مرة واحد مخه تعبان شوية معاه كيس فشار
ف فشارة وقعت
من ايده.قالها اطلعى. ماطلعتش, اطلعى, مطلعتش.
راح رما الكيس كله و قال لهم هاتوه


واحد بلدياتنا بيهرج مع مراته فرماها من الدور العاشر فطلعت قالت له : ايه الهزار البااااااااايخ ده

صرصار فطسان على روحه من الضحك ليه عشان اللى بيضربه بالشبشب أحول


واحد مرة قال لأبوه علمنى يابا الهيافه ابوه قاله خليك يابنى زى ما أنت كده *

بلدياتنا راح يسوي معاشه لقي الفرن قافل
نجار نفسه انكسرت غراها و مسمرها *


واحد منحوس خبطته عربية ومات فروحه طلعت خبطتها طيارة


واحد مسطول بيلعب كورة اخذها على صدره طلعها من مناخيره

ــــــ
بلدياتنا سافر أمريكا قعد سنه واتصل بأبوه .. يا ابا انا اتجوزت وجالي إيدز يا ابا .
قالوا : يا ابن الواطي مش كنت تسميه على اسم جده .

ـــــــ
مذيعة بتسأل اتنين مساطيل
مصر بالنسبالك ايه ؟
الأول قالها : مصر .. مصر .. مصر دي أمي

فسألت التاني : وانت مصر بالنسبالك ايه ؟

قالها : أقولك ايه بقا ......... ام صاحبي ومش عايزين نغلط .

والآن مع نكت المدااااااااااااااااارس والتعليم ......

كان المدرس يشرح في درس تجمد الماء فسأل احد التلاميذ : اذا فتحت
الصنبور في بيتك ولم ينزل الماء فما السبب

التلميذ: ابي لم يسدد الفاتورة
-----------------------------------------------------------------
المدرس : لماذا سمي البحر الأسود بهذا الاسم ؟

الطالب: لأنة حزين على البحر الميت

-----------------------------------------------------------------

المدرس : ماذا فعل الرومان حين عبروا البحر الابيض المتوسط؟

الطالب: نشفوا هدومهم طبعا

-----------------------------------------------------------------

الطالب للمدرس: هل يعاقب الانسان على شيء لم يفعله ؟

المدرس: طبعا لا

الطالب: انا لم احل الواجب

-----------------------------------------------------------------
المدرس : اين ولد المتنبي؟

الطالب: في صفحة 34

-----------------------------------------------------------------

قال المدرس لتلميذة وهو يعاقبة على خطأ : اني اضربك لأني احبك.
الطالب:من المؤسف اني لا استطيع ان ابادلك نفس الشعور

-----------------------------------------------------------------
سأل مدرس العلوم ما فائدة الأذنين ؟

التلميذ: انها تمنع النظارة من السقوط يا استاذ

-----------------------------------------------------------------

الاستاذ: ما الذي يسبب نزول العرق وزيادة ضربات القلب؟

الطالب: اسئلتك يا استاذ

-----------------------------------------------------------------

قال الطفل لأمة : مدرس العلوم لا يعرف أي معلومات عن مادته.

الأم: وكيف عرفت؟

الطفل :لأنة دائما يسألنا ونحن نجيب

-----------------------------------------------------------------

سأل الأب المدرس: ماذا تتوقع نتيجة ولدي في الامتحان؟

المدرس : هذا يتوقف على شطارة الطالب الذي سوف يجلس بجانب ابنك في
الامتحان

-----------------------------------------------------------------

طلب مدير المدرسة معلومات من والد الطالب عن ابنه فقال: انه طيب القلب
خجول جدا، لا يحب العنف ، ولا نمد ايدينا علية الا في حالة الدفاع عن
النفس

-----------------------------------------------------------------

الأبن يسأل والده: هل تستطيع ان تكتب في الظلام يا ابي؟

الأب :نعم

الأبن: أذن اطفىء النور ووقع على شهادتي


الطفل لوالدته : مدرس الجغرافيا سألني مين اللي فتح قناة السويس فقلت له معرفشي ..... فضربني !!

الأم : انا عارفاك وعارفه شقاوتك والله ما حد فتحها غيرك


ــــــــ
والآن ....... انا عارف ان النكت كتير ........

لكن يا ترى اي نكتة كانت الأقوى من وجهة نظرك ؟

Mr Gomaa Ashour
06-05-2009, 07:26 AM
موضوع جميل
أحلى نكتة
نكتة مدرس العلوم اللى بسأل على طول

شريف
06-05-2009, 07:53 AM
واحد بلدياتنا غنى قوى ..راح يصطاد فى افريقيا..ولما رجع سالوه صحابه اصطدت ايه قالهم3 غزلان و 2 حمار وحشى ويجى 60 او70 نوبليز..قالولو ايه نوبليز ده؟..قالهم معرفش حاجات بتتنطط لونها اسود قاعده تقولى نوبليز نوبليزنوبليز (no please)





ههههههههههههههههههه
ههههههههههههه

انت متوصي ببلدياتنا أوي يا مستر
دي أجمد واحدة:18:

امة الرحمن
07-05-2009, 01:20 AM
طبعا شكرا لحضرتك لرسم البسمه لينا

ممكن اعلق علي حاجه ؟؟ لو تسمحلي حضرتك

النكته بتاعت الاحول (( هيه نكته اه بس بتتكلم عن الناس الحوله وحرام اننا نتريق علي خلق ربنا

انا مش بحب النكت اللي بتتريق علي الناس ديه زي نكته مثلا يقولوا فيها واحده تخينه اوي

احنا كده بنحرج معانا الناس اللي كده زائد اننا بنجرحهم ))



شكرا لحضرتك مره تانيه

المهندس هشام كمال الدين
07-05-2009, 04:06 PM
تصدق يامستر من كتر النكت اللي كتبتها انا محتار اضحك علي اي واحده فيهم
لذلك قررت تأجيل الضحك لبعد الأربعين.ههههههههههههههه
شكلك فاضي ورايق هذه اللأيام.
صديقك اللدود.

أبوبكر أحمد العملة
18-05-2010, 03:29 PM
عطاء متميز من شخصية متميزة

بارك الله في وقتك وصحتك ...اللهم آمين

ببوابة التعليم المصرى

وجزاكم الله خيراً

الخدمة الجيدة ....تحتاج الى التسويق الأجود

مع خالص تقديرى لشخصكم الكريم
ابوبكر احمد العملة
عضو فريق مجتمع المعرفة بالمنتدى الكريم