تعاملك ....... اختيارك

[ديار]

اكون حذر دائما او اكون على الفطرة

كنا بنتكلم فى الموضوع دة فى الشغل وحبيت اعرف رأيكم انتوا كمان

بنلاحظ دايما ان لما يكون الشخص طيب او هلهلى او على الفطرة المصطلح اللى يعجبكم يكون مستهدف من

جانب عدد كبير من الناس يعنى يقولوا مدام طيب نرمى كل الحمل علية فرصة مش هيقول لا

صادفت الامر دة كتير ولما سألت زملائى يعنى انت تتعامل مع الاخرين بأى طريقة بطريقة حرص ولا تخونش؟

ولا تتعامل بسلامة نية الى ان يثبت العكس؟

وهنا السؤال الاختيار الاول فى الحرص مش هيكون منة ضرر

اما الاختيار الثانى لما يثبت العكس طب هيكون الشخص دة اتبهدل من ناس كتير تستغل طيبتة

ومش هيتقال علية طيب ويتقدر طيبتة لا هيكون مستغل من قبل الاخرين

ومع مرور الوقت تاثير الناس على الشخص دة هيبقى اية ؟

اما هيكتئب و يحس قد اية هو مستغل وتصعب علية نفسة

او يتغير الشخص ويتحول الى عصفور لة انياب شخص مختلف

والناس دايما تقول اصل الطيب دايما بياخد على

دماغة معاكم انة واقع بس الناس هى اللى عملت كدة لما تستغل الطيبة لمصلحتها كما ذكرنا

زمان كانت الناس مش كلها بس اغلبها كان بتتعامل بالفطرة والطيبة شىء عادى فى المجتمع وليست عملة نادرة كما هو الان

اما رأيى فأعتقد ان الفطرة والتعامل بتلقائية مش مع كل الناس يعنى كن حذر فى البداية وليس تلقائى وعندما يظهر الشخص الذى تتعامل معة من افعالة وتصرفاتة انة طيب اذن تعامل معة بفطرتك الطيبة

اما اذا كان غير ذلك رأيى ابعد عنة لكن لو اضطرت الظروف انك تعاملة لو فى الشغل مثلا اذن كن حذر من هذا الشخص

ياريت اعرف رأيكم انتوا كمان تتعامل مع الناس بالفطرة الطيبة ولا بالحذر خصوصا فى هذا العصر

[دعاء شديد]

هأقولك اول (((مشاركه ))) ليا فى الموضوع ده ... بخصوص تغير الناس

ليه الناس اتغيرن دلوقتى وبقى الاغلبيه مش على الفطره
لان الدراما الي هى الضيف المفروض على كتير من الناس
بتنقل ليكى اوحش وابشع ما فى المجتمع
بحجه ... ده الواقع وبنعالجه

لكن للاسف الحقيقه
انه بيكون واقع جزئى لفئة من المجتمع
انه بيعرض مشكله ومبيعرضش حل

فبتتحول
من سلوك او مشكله فئة للمجتمع كله

او بتأثر على المتلقى او المشاهد فى تعاملاته

واكيد سمعتى او قلتى فى يوم جمله
معقوله كل الناس حراميه وخاينين كده ؟؟؟؟

وبالتالى بيبدأ الفرد يتسلح بأسلحه دفاع عن النفس
بناء على ما اصبح بداخله تجاه الآخر

فبقى الكل حذر والكل شايف الكل خاين

الدرااااااااااااااااااما من اخطر المؤثرات على المجتمع

زمان كانت المسلسلات بتعرض للترابط الاسرى
بعد كده بقت تعرض الصراعات الاعائليه بين اسر العائله الواحده
حاليا مبقاش فيه عائلات وبقت تعرض للتفكك الاسرى فقط

حتى لو جابت نموذج اسره مترابطه هم حلقتين تلاته
ههههههههههههههههه وتتهد الاسره وتتشرد
لدرجه انى ممكن تعرض خدماتك علشان تحلى مشاكلهم الاسريه
ههههههههههههههه

بالقياس على ما فى المجتمع
هتعرفى ان النتيجه الحتميه المنطقيه ان الناس بقت وحشه مع بعضها
وبقى الحلو عمله نااااااااااااااادرة

موضوع مهم وحلو
تسلمى يا قمر

[دعاء شديد]

الرد التانى

انا ليا طريقتين فى التعامل مع الناس

الاولى
كيميا البشر وهى المحرك الاول لعلاقى بالناس
لو حصلت الكيميا تلاقى
علاقه ود وثقه واتزان واستقرار والحمد لله

الثانيه
الصمت والتأمل والتركيز قبل ان انطق بكلمه او اى تعامل
وده بيحصل لما التفاعل الكيميائى مش بيحصل
خلااااااص هنا ده بيكون مؤشر ليا انى استنى واشوف

بلتزم الصمت وبكون كلامى ... دايما رد على كلام الي حواليا
بركز اوى فى تصرفاتهم واتأملها وافكر فيها كويس
لحد مكون فكره عن كل شخصيه
وبعدين ابدأ فى وضع حدود التعامل
وبأفتح زى حساب كده
موقف يزود الرصيدوموقف يسحب من الرصيد
وتظل هناك حركه ع الرصيد ده الا ان ..............
تتحول المعامله للسحب ع المكشوف
ههههههههههههههه

هنا بأعلن افلاس الشخص هههههههههههه وخصت بقى

لانى بصراحه مبعرفش اتعامل وانا شاكه
اصل صعب دور الدبوس والشك ده طول الوقت ههههههههههه

يبقى 1+1 = 2

ده رايي من واقع بنفذه فعلا

[ديار]

تسلمى ياجميلة على مرورك الرائع

سعيدة بمشاركتك دايما بتكونى الاولى:41:

شوفى ياستى
اولا :بالنسبة للدراما والمسلسلات فهى محتاجة تغير كبيييييييييييييييير لان اغلبية المسلسلات والافلام

تعرض النماذج السلبية والنماذج الطيبة دايما يظهر مقهور ومتبهدل ايوة التليفزيون بينقل واقع بس لما

يكون الواقع دة سلبى طب ما نعرض تاثيرة على الفرد وانة كل مشاهد يضع نفسة بدلا من الشخصية

هل سيقبل بذلك ويعرض التغير الذى يجب ان يطرأ على المجتمع

اتفق معكى بخصوص الدراما

[ديار]

ثانيا :

بالنسبة للكميا بين الاثنين هى حقيقة وتؤثر فى التعامل مع الاخرين

الناس بتفسرها ان لما تتكلم مع شخص تلاقى تقارب فى التفكير او فى الاتجاهات

وطبعا بعد كدة من التعاملات بيظهر كل شخص وتصرفاتة المختلفة

اما لموضوع الشك هو مش شك بس حرص

وبتفق معاكى فى موضوع الرصيد

تسلمى على مشاركتك الجميلة

[Mr. Ali]

لا أري أي تعارض بين التعامل بالفطرة والتعامل بالحذر مع الأشخاص .
كوني أتعامل بحذر مع الأخرين , فهذا لا يعني ألا أتعامل معهم بطيبة قلب وصفاء النية .
بالتأكيد مع الحذر يكون هناك حدود , وهذا مطلوب ومستحب خاصة مع الأشخاص الذين نتعامل معهم في البداية .

مشكورة علي هذا الموضوع .
تقبلي مروري .

[ديار]

شكرا لمرور حضرتك الكريم

مع حضرتك انة لاتعارض بين الاثنين ولكن اتحدث عن ايهما اغلب فى التعامل مع الا شخاص فهناك من يغلب عليهم الفطرة وهناك من يكون حذر اكثر

اسعدنى مرور حضرتك ومشاركتك الكريمة

[Nm100]

منورة المنتدى يا ديار بأرائك الرزينة
وعن نفسي بأتفق مع دعاء أني لما أروح مكان جديد بتأمل الناس كوي وألاحظ تصرفاتهم واكون رأي بس رأي مبدأي لان المشاهدة حاجة والتعامل حاجة تانية خالص
بعدين أبدأ في التعامل والتفاعل لكن بحط خطوط حمرا في التعامل
والخطوط دي اما تنتهي مع كتر العامل واما تزيد على حسب الشخص اللي بتعامل معاه

[ديار]

منورة المنتدى يا ديار بأرائك الرزينة
وعن نفسي بأتفق مع دعاء أني لما أروح مكان جديد بتأمل الناس كوي وألاحظ تصرفاتهم واكون رأي بس رأي مبدأي لان المشاهدة حاجة والتعامل حاجة تانية خالص
بعدين أبدأ في التعامل والتفاعل لكن بحط خطوط حمرا في التعامل
والخطوط دي اما تنتهي مع كتر العامل واما تزيد على حسب الشخص اللي بتعامل معاه




المنتدى منور بيكى وتسلمى و يسعدى مرورك الكريم ومشاركتك

وحقيقى ان المشاهدة شىء والتعامل شىء تانى لان دايما الشخص يظهر بالتعامل وطريقة تفاعلة

بتصرفاتة مع الاخرين

تحياتى لحضرتك على المرور الكريم