كان زمن جميل

[ديار]

كلمة بتتقال كتير لما تفكر فى ايام زمان ودلوقتى تلاقى الفرق كبير.

اولا زمان تلاقى الشوارع شكلها جميل وفيها مساحة خضراء اكتر اما دلوقتى اشكال مختلفة للمبانى وغير منسقة و المساحة الخضراء اقل .

ثانيا ودة الاهم الناس وحط خط كبير تحت الناس زمان الناس كانت مختلفة فى حاجات كتير كانت رغم الحالة

الاقتصادية القليلة تلبس بشكل مهندم وكانوا يتكلموا بشكل كويس وبصوت منخفض وفية لغة عربية فصحى

فاكرين يوسف وهبى وكلامة باللغة العربية الفصحى لما تتابع الافلام زمان تحس ان الناس كان لديها رقى اكثر

واحساس بالغير وتلاقية يعرض المساعدة بقلب قوى مش دلوقتى تخاف تكلم الغريب لانك متعرفش اية الى

ممكن يحصل وياسلام وانت ماشى بقى دلوقتى تسمع كلام و الفاظ من الاطفال او الكبار عمرك ما كنت تتخيل

انك تسمعها كهزار او مجرد كلام والصوت دلوقتى بقى عالى وانتى ماشى تسمع خناق مش كلام والملابس شىء عجيب سواء للصبيان او البنات .

ثالثا البائعين زمان كان البائع يتكلم بذوق وينادى على السلعة بشكل جميل اما دلوقتى يا حفيظ يزعق ويكون مش طايق نفسة .

وحاجات تانية كتير اكيد انتوا برضة حاسين باختلاف بين زمان ودلوقتى بس السؤال ياترى هنرجع زى زمان تانى ولا هيكون زمن وانتهى كنت بقول ياريت نرجع زى زمان تانى فى كل شىء حلو وكويس .وانتوا اية رأيكم

[rohelroh]

ليهم حق يسموه الزمن الجميل
اجمل مافيه كانت الناس عندها احساس كبير ببعضها
الجار يحس بجاره وكذلك الاخ يحس باخوه . يمكن عجلة الحياة غيرت حاجات كتير
حتي الفن . كان زمن الفن الجميل
نفسي الزمن يعود للوراء وتكون كل حاجة جميلة
كانت حياة كلها مليانة بركة فى كل شىء حتي الحب كان كله بركة ووفاء واخلاص

[دعاء شديد]

والله يا ديار
العيب فينا احنا

كل لما ربنا ينعم علينا بوسائل راحه
نستغلها احنا اسوأ استتغلال للضرر بانفسنا

فكلما زادت الرفاهيه واراحله فى حياة الانسان ... كلما زادت حيرته والاساءه لنفسه قبل الاخرين
((( راي شخصى)))

يا ريت الناس ترجع لنفسها
مش الزمن هو الي يرجع

احنا الي محتاجين الجمال فى ارواحنا
علشان نعيش زمن جميل

موضوع حلو ومهم يا ديار

[ديار]

معاكى حق يا دودو الناس اتغيرت كتير فى الكلام والتصرفات بس تفتكرى

السبب اية من الاعلام الى ظهر الخناق والالفاظ انها شىء عادى ولا من

الاهل تركوا اولادهم للاصدقاء وميعرفوش بيتكلموا فى ايةانا سمعت ناس

قالت احنا بقينا فى زمن القبح الكلمة جامدة مش كدة بس ارجع واقول

السبب ما نمر بة يوميا اية رأيك مادام الموضوع عجبك نشوف اية ممكن

نعملة انا بتكلم مع الطلبة فى المدرسة بس عايزين نفكر فى شىء اقوى

[دعاء شديد]

بصى يا ديار
انا احب الاول اعرف المرض وبعدين اشوف العلاج

المرض ايه بقى ... هقولك

زمان كان الوقت كتير اوى عند الناس
للاسره الصغيره والعائلات والزيارات
كان الواحد اول مبيرتبط ويصاحب ... من العيله
ولما يبدأ يصاحب من المدريه بيبقى على استحياء

فكان سهل على الاهل احكام السيطره على علاقات الابناء

الابناء دول كبروا ... وبقوا هم اهالى
بس امكانيات العصر اختلفت ... فالوقت قل
والترابط العائلى تباااااااااااااعد
وزادت مساحه الاصحاب والبحث عن شخص يسمع ... الابنااااااء

كبر الابناااء وبقوا اهالى
بس مش اى اهالى ... دول جايين من علاقات سمتها الاساسيه (((البعد والمناسبات)))
فى نفس ذات الوقت ... زادت رفاهيات الحياه
وبقى فى غساله توماتيكى ومكنسه توماتيكى وست تيجى تنضف البيت
وطبعا ست البيت بقى الوقت كتير بس للاسف
انشغلت بنفسها وبالفلوس اكتر من انشغالها بالبيت
وبالتالى نتج عن ده زوج بيدور على اى حاجه تشغله ... ده لو عنده وقت
وابناء دائما خارج المنزل حتى وهم اعدين فيه

((( كلامى ميخصش الامهات المطحونات)))
كلامى على الامهات الي اسرهم مخوخه واولادهم مرتبطين بيهم بالاسم فى شهاده الميلاد فقط

كانت النتيجه ... ان معنى الاسره تغير
مابقتش بابا وماما واخواتى والعيله واصحابى

بقت ايه
اصحابى والكمبيوتر والتلفزيون
اوضتى وانا اعد لوحدى
وبعدين بابا وماما علشان المصروف
والعيله فى الاعياد والمناسبات غير السعيد ه هههههههههه ومش دايما

من الاخر وده رايي

استقرار البيت والاسره وصلاح الابناء = الام يعنى المرأه

هى الي سمحت لان بيتها يبقى ولا عصر السماوات المفتوحه

ده باختصاااااااااااااااار
اتمنى يكون رايي به شيء من الصواب

[دعاء شديد]

كده احنا وصلنا للمرض وبعض اسبابه
نتناقش وبعدين نتكلم فى العلاج

[ديار]

فعلا انتى كدة وصلتى للنخاع زى ما بيقولوا

لان كتير بشوف اولياء امور عندنا فى المدرسة تحسى انهم فى الباى باى علشان كدة بتكلم مع

الاطفال فى المدرسة عندى لان هما الجيل القادم فالمحاولة معاة من دلوقتى افضل علشان يبقى

فى اساس نبنى علية اما بقى الاهل نحاول نشوف معاهم برامج نقدمها

[ديار]

نحاول نحل الاسباب

اولا الاعلام بالنسبة للاعلام فهو شىء لا نستطيع التحكم فيما يعرضة من افلام او برامج وخاصة

بعدما صورت الافلام المجرم بشكل بطل مما يؤثر على تكوين فكر الطفل لكن

نقدرنتحكم فى ما يشاهدة الطفل ليعتاد على رؤية الاشياء المفيدة منذ الصغر ومش معنى كدة انة لا

يوجد ترفية للطفل لا هناك الكثير من القنوات التى تعرض الكارتون او برامج مفيدة ويلاحظ الكبار البرامج

التى يشاهدونها لان الطفل طبيعى سوف ينظر الى الاب والام ويتعلم منهم والتنبية على الامهات

خاصة المسلسلات التى تتابعها ويشاهدها الطفل بالتبعية هيكون لها تأثير علية لان الطفل فى هذة المرحلة يكتسب من الاخرين وسوف يقوم بالتقليد بالكلام والتصرفات

لذلك لابد ان ينتبة اولياء الامور لما يشاهدوة وبعد كدة نتناقش فى الاسباب الاخرى

[دعاء شديد]

نحاول نحل الاسباب

اولا الاعلام بالنسبة للاعلام فهو شىء لا نستطيع التحكم فيما يعرضة من افلام او برامج وخاصة

بعدما صورت الافلام المجرم بشكل بطل مما يؤثر على تكوين فكر الطفل لكن

نقدرنتحكم فى ما يشاهدة الطفل ليعتاد على رؤية الاشياء المفيدة منذ الصغر

نتناقش فى الجزء ده الاول

هوافقك على تحديد نوعيه ما يراه الطفل
بس ده هيكون جوه البيت وبس
لكن بمجرد زياره عند طنط فلانه الي ولادها بيشوفوا اى حاجه
تبقى هتعملى ربكه للطفل

كمان لو طنط وولادها جم عندك
ههههههههههههههههههه
وتقولك وتحرجك هاتى قناة كذا للولاد
بيحبوها
ولما تقوليلها ازاى تسبيهم يتفرجوا عليها
بكل هدوء يشلك وانتى مطوئنه تقولك
انا بسيبهم يتفرجوا علشان يريحوا دماغى من شقاوتهم

اظن بيحصل ههههههههههههههههه

ها ايه رأيك ؟؟؟؟

[ديار]

شوفى يادودو بالنسبة للاقارب او الاصحاب نتكلم بصرلحة فيها اية لما يعرفوا نظامى وينال القبول

منهم وبالتالى لا يكون هناك حرج وبدل الاطفال ما تتفرج على اى حاجة طيب يكون من غير زعل

ويلعبوا اى لعب او يشاهدوا نفس القناة حلو الكلام
:patch_baskt:

[جهاد 2000]

موضوعك فوق الرائع يا ديار

زمان كل شيئ كان جميل وكل شيئ كان له طعم جميل

الفرحة كان لها مذاق جميل

الضحكة كانت من القلب

حلاوة الإيمان كان لها مذاق أخر غير الأن

حتى الصحة كانت فيها بركة والأطفال كانت صحتها جيدة

وسوف أحكى لكى قصة غريبة

فى المدرسة إدارة المرسة خيرت البنات بين نشاط المكتبة والتربية التفسية والتربية الرياضية

إحتارات البنات هل تختار المكتبة أم التربية الرياضية وعدد لا بأس به إختار المكتبة

بجد صعبوا على لأنى أعلم أنهم يريدون اللعب فقررت أن أخصص جزء من فترة النشاط بالمكتبة

لممارسة التمرينات الرياضية عدد الطالبات فى فترة من الفترات كان 28 طالبة وعند أول تمرين نصف العدد

تعبوا وجلسوا وعند التمرين الثانى جلس نصف النصف وعند التمرين الثالث جلس الجميع

مع العلم إن التمرينات كانت بسيطة جداً وعندما سألت عن السبب قالوا أنهم متعبون ولا يستطعون

ممارسة التمرينات .

الجيل للأسف جيل تعبان والأغذية الموجودة حالياً منزوعة الفائدة سواء الفاكهة أو الخضروات

وطعمها ليس الطعم الذى نعرفة .

من الأخر كل شيئ زمان كل أفضل من الأن .

إستطاع أعداء الإسلام أن يفسدوا علينا حياتنا فى كل شيئ

فى المأكل والمشرب وجعلو المادة هى أساس كل شيئ

جوعو ا الشعب حتى لا يكون همة سوى جمع المال حتى يطعم أبناءة

حتى يعلم أبناءة لابد أن يحرم نفسة من كل شيئ

ومنعوة من تربية أبناءة لأنه ليس لدية وقت

فالوقت كله يقضية فى جمع المال من أجل أبناءة

فأنا مازلت أتذكر أبى عندما كان يجلس معنا ويحكى لنا تاريخ مصر

ويحكى لنا القصص التاريخية التى تنمى الإنتماء للإسلام وتجعلنا نعتز ونفخر بأننا مصريين وبأننا

مسلمين

كل شيئ زمان كان له طعم أخر ومذاق جميل أشتاق إليه الأن ولكنى لا أجده

ولكن مازال لدى أمل فى أن يكون هذا الزمن أفضل بإذن الله وذلك بالعودة إلى كتاب الله وسنتة

وبوجود حاكم عادل يعطى كل ذى حق حقة

[ديار]

شكرا عزيزتى جهاد على المرور و الأضافة

ومعاكى حق فالاطعمة كما ذكرتى كلها بها هرمونات تلاقى مش بس

طعمها غريب لا كمان شكلها اغرب وحجمها الضعف وبمناسة التاريخ اية


رأيك مع صديقتنا دعاء ان نقوم بالتحدث عن التاريخ مع الطلاب زى حصص التربية القومية التى كانت موجودة من فترة


قولوا لى رأيكم اية

[Mr. Ali]

كلمة بتتقال كتير لما تفكر فى ايام زمان ودلوقتى تلاقى الفرق كبير.

اولا زمان تلاقى الشوارع شكلها جميل وفيها مساحة خضراء اكتر اما دلوقتى اشكال مختلفة للمبانى وغير منسقة و المساحة الخضراء اقل .

ثانيا ودة الاهم الناس وحط خط كبير تحت الناس زمان الناس كانت مختلفة فى حاجات كتير كانت رغم الحالة

الاقتصادية القليلة تلبس بشكل مهندم وكانوا يتكلموا بشكل كويس وبصوت منخفض وفية لغة عربية فصحى

فاكرين يوسف وهبى وكلامة باللغة العربية الفصحى لما تتابع الافلام زمان تحس ان الناس كان لديها رقى اكثر

واحساس بالغير وتلاقية يعرض المساعدة بقلب قوى مش دلوقتى تخاف تكلم الغريب لانك متعرفش اية الى

ممكن يحصل وياسلام وانت ماشى بقى دلوقتى تسمع كلام و الفاظ من الاطفال او الكبار عمرك ما كنت تتخيل

انك تسمعها كهزار او مجرد كلام والصوت دلوقتى بقى عالى وانتى ماشى تسمع خناق مش كلام والملابس شىء عجيب سواء للصبيان او البنات .

ثالثا البائعين زمان كان البائع يتكلم بذوق وينادى على السلعة بشكل جميل اما دلوقتى يا حفيظ يزعق ويكون مش طايق نفسة .

وحاجات تانية كتير اكيد انتوا برضة حاسين باختلاف بين زمان ودلوقتى بس السؤال ياترى هنرجع زى زمان تانى ولا هيكون زمن وانتهى كنت بقول ياريت نرجع زى زمان تانى فى كل شىء حلو وكويس .وانتوا اية رأيكم


كل الناس تقريباً تتذكر أيام زمان وتود ان عادت مرة أخري .
استمعي لوالدك أو لعمك أو لخالك وستجدينه يود ذلك . استمعي لجدك أو لمن هم في سنه وستجدينه أيضاً يود ذلك .
هذه طبيعة وعادة في الشعب المصري . وأعتقد أن السبب الرئيسي فيها عائد إلي الحاكم وسياسته الخاطئة .
أولاً : كان عدد السكان أقل مما هو عليه الحال الأن كثيراً , والمساحة المأهولة بالسكان مازالت كما هي تقريباً ( لا يوجد أي تناسب بين المساحة وبين عدد السكان الأن )
اتساع الشوارع كان يتناسب مع عدد السكان , ولم يكن في الحسبان زيادة السكان وهذا سوء تخطيط ( معتاد ) من المسئولين . فنجد الشوارع الأن حتي في المدن الكبري لا تتسع لا للمركبات ولا للأشخاص !! وهذا بالتأكيد يؤدي إلي قبح المشهد وضيق النفس وسرعة الغضب !
ثانياً : حينما يكون العدد قليل مع الحالة الاقتصادية السيئة يختلف الوضع كثيراً عنه في حالة كثرة العدد في نفس المساحة ( هذا يسبب اختناق وتدافع أشد , فتخرج النفس عن طبيعتها )
فهل فصل دراسي به عدد 25 طالب سيكون بنفس حاله ان كان العدد 55 طالب ؟!!
نعم توجد أخلاقيات افتقدها الشعب المصري بمرور الزمن وكثرة مشاكله وتفاقمها يوماً تلو الأخر , ولكن مازال الكثير من هذه الأخلاقيات الحميدة موجودة حتي وان كانت مغطاة ببعض الأتربة . وقد رأينا الكثير منها في بدايات ثورة يناير , فقد رأينا عودة الشهامة والنخوة ومساعدة الغير ( لوجه الله تعالي ) ورأينا النصراني يسكب الماء للمسلم ليتوضأ به ويحميه وقت أداء الصلاة , ورأينا المسلم يحمي النصراني وهو يؤدي صلاته , ورأينا غالبية الشعب المصري يتكاتف ويشكل لجان شعبية من أجل حماية الشارع والحي الذي يسكن فيه , بل وربما شوارع وأحياء أخري .
لدينا الكثير من الأخلاقيات الحميدة ويمكننا أن ننميها ونؤصلها ونجعلها تسود مجتمعنا مرة أخري , فقط يجب التخلص من كبار الفاسدين الذين يحولون دون حدوث هذا الأمر ويبذلون قصاري جهدهم من أجل ذلك .
ولنا في التاريخ عبرة وتأكيد علي ما ذكرته لكِ . فقبل أن يتولي عمر بن عبد العزيز خلافة المسلمين , كان يُقال بأن الأرض ملئت جوراً ( لوجود الوليد بن عبد الملك والحجاج بن يوسف الثقفي وولاة الوليد في كافة بقاع الدولة الأموية ) وظن الجميع أن الظلم هو السائد وأن الزمن الماضي بعدله لن يعود مرة أخري !!
ولكن بعد تولي عمر بن عبد العزيز وتخلصه من كل الولاة الفاسدين واقامة العدل بين الرعية , عاد العدل والأمان مرة أخري .
فتش عن الحاكم وحاشيته !!
ثالثاً : البائعين أغلبهم من أقل الناس ثقافة , ولكن لديه عقل ووعي ( حتي وان قل ) وحينما يري من لديهم الثقافة والوعي في غير صورتهم وحالتهم المفروضة , فلا نتوقع منه أن يكون أفضل حالاً منهم !
بالتأكيد موضوعك يشمل جوانب عديدة جداً يمكن التحدث والاستفاضة بشأنها .

شكراً علي هذا الموضوع .
تقبلي مروري .

[ديار]

شكرا لحضرتك يا مستر على مرورك الكريم والا ضافة الرائعة

بس هى المشكلة مش فى الثقافة طيب زمان لم يكن لديهم قدر كبير من الثقافة لكن كان

فى ذوقيات بشكل عام.

وبالطبع يسعدنى مرورك ومشاركتك الكريمة

جزاك الله خيرا

[نعمه محمود]

عندك حق ياديار كل شيء زمان كان أجمل حتى الذوق العام للاشخاصلو تشوفى افلام الابيض والاسود تشوفى شكل المبانى تحسي براحة نفسية عميقة من تناسق الالوان والاشكالتصدقى حتى نفسيات الناس كانت احسن من لوقتى موضوع جميل ومنورة المنتدى

[Mr. Ali]

شكرا لحضرتك يا مستر على مرورك الكريم والا ضافة الرائعة

بس هى المشكلة مش فى الثقافة طيب زمان لم يكن لديهم قدر كبير من الثقافة لكن كان

فى ذوقيات بشكل عام.

وبالطبع يسعدنى مرورك ومشاركتك الكريمة

جزاك الله خيرا



لم أقل بأن الثقافة هي المشكلة الوحيدة فقط , هذا مع أهميتها الكبيرة .
ومن قال بأن أناس الزمن الماضي لم يكونوا علي قدر كبير من الثقافة ؟
بالتأكيد كان لديهم ثقافة ( تتفاوت كما هو الحال عليه الأن وفي كل عصر )
الثقافة هي ما يكتسبه الانسان في شتي المجالات لكي يستخدمه في حياته ويتواءم معها . وهذا الأمر كان يحدث في كل عصر ووقت بما يتناسب معه .
وبما أن مصر ( قري ومدن ) كانت منعزلة في الماضي , فلم يكن يهم أهل كل منطقة إلا مشاكلهم وهمومهم هم فقط , بل لم يكونوا علي علم بما يحدث في المدينة المجاورة لهم . ومع هذا ستجدين في أفلام زمان انتقاد شديد من أهل القري لأخلاقيات أهل المدينة وسلوكيات أفرادها !
ولكننا الأن لدينا التكنولوجيا الحديثة التي تتيح لأي فرد في أي مكان أن يعلم بما يحدث في كل أنحاء مصر , بل ويتعداها ليتعرف علي ما يحدث في الدول الأخري .
وفي هذا اكتساب لثقافات أخري لا تناسبنا نحن ( لهم أعراف وتقاليد ولنا غيرها ) ولكن مع كثرة المشاكل وانتشار الفساد في كل المجالات بصورة لا يمكن أن تثمر إلا عن كل سوء , بل ويتم التشجيع علي هذا الفساد وايجاد مسميات أخري له , كل هذا وغيره أدي إلي قلب الموازين . ولا يوجد من يهمه أمر الرعية فيعمل علي تصحيح الأخطاء ومحاسبة المخطئ , والضرب علي القوي الظالم , والوقوف بجانب الحق واحقاقه .
زمان كان يوجد ما يسمي ( بمجلس عرب ) وخصوصاً في القري . وكانت كلمة هذا المجلس وكبيره يُعمل لها كل حساب ويُعمل بها فوراً ( وبالتأكيد كان يتواجد به الحكماء والعقلاء من أهل القرية وكان لديهم الثقافة التي يحتاجونها في حل مشاكلهم )
أما الأن ومنذ زمن ونحن نسير علي مقولة ( اللي له ضهر ما ينضربش علي بطنه ) و ( يا بخت من كان النقيب خاله ) !! فمن هو المسئول الأول عما آل إليه هذا الأمر ؟!!
الحــــــــــــــــــــــــاكم وحاشيته
فتشي عنهم وراء كل كارثة تحدث في مصر . فما بالنا إن كانت تتكرر وتتفاقم يوماً تلو الأخر ؟!!
بالطبع لا أنفي المسئولية عن الشعب , ولكن من يَحكم ليس كمن يُحكَم ! ومن بيده السلطة ليس كمن لا يملكها .
دمتي بكل الود والخير .

[ديار]

تحياتى لك عزيزتى نعمة

انا كمان زيك لما بشوف ايام زمان ببقى مبسوطة من شكل الناس والشارع كل شىء جميل يخليكى تبتسمى

نورتى الموضوع بمشاركتك الجميلة :30:

[ديار]

فعلا زى ما حضرتك تفضلت زمان كانت فى اعراف كتير وتقاليد وعادات

زى دايما كانوا يقولوا لنا اهلنا اول لما تشوف عمك الحج تقف وتخلية يعقد او كل شخص كبير بصفة عامة بس بقول مثل

كل دة وغيرها يتفق مع مبدأ الأيثار واصبح فى المجتمع الان قلة التى تطبق هذا المبدأ

فعندما يطبق كل شخص مبدأ تفضيل غيرة علية فى كل شىء من اول الطابور ، للمترو فى الجلوس

لكل كبيرة وصغيرة سوف يصبح السمة السائدة للشعب الله تخيل كدة قد اية هيكون المجتمع فى

حالة من الهدوء النفسى مش كلة صراع وجرى علشان يلحق( رأى بسيط)

تحياتى لحضرتك