ما هو مستوى امتحان اللغة الانجليزية للمرحلة الثانية ؟

[أشرف السيد]

السلام عليكم

ما رايكم في امتحان اليوم

ما هو مستوى الامتحان

هل هناك اسئلة طويلة

هل الوقت كافي / غير كافي

هل القطعة تتكلم عن موضوع يصعب فهمه

هل هناك اي حالات غش في لجنتك

هل تجلس على كرسي ومقعدك سليم ام غير ذلك

هل عند طلبك للماء او الخروج لدورات المياه متيسر او هناك اي موانع من المراقبين

هل المراقب يتساهل معكم في تبادل الادوات ام لا

هل الامتحان يمثل ما تم دراسته ان هناك قواعد واسئلة تم دراستها في اعوام سابقة

هل هناك اي اسئلة خارج المنهج

وبالله التوفيق

[medostar60]

الامتحان سهل انفلونزا الخنزير فى ترجمه

[medostar60]

- جاءت المحادثة عن حوار بين فتاه وجيرانيها تشتكى لهم الضوضاء التى تصدر منهم

السؤال الثانى
Speaker a , speaker b

يدور الأول فى مستشفى
والثانى فى محل للملابس

جمل الإحتيارى سهلة ومباشرة

جمل القواعد
الخمس جمل مباشرة
وان كانت هناك جملة طلب فيها since ولكن ليس بمعنى منذ ولكن بمعنى ( لان )


الــ quotation فى القصة
Yes I worked with Dr Hafez before but don't get the...

اما البراجراف عن الانترنت

دارت الترجمة الى العربى عن حزام الامان

اما الى انجليزى

يسعى العالم جاهداً لإكتشاف علاج لإلفلوانزا الخنازير

[mostafa ali]

السلام عليكم

ما رايكم في امتحان اليوم

كويس وياريت كل الامتحانات تبقى زيه

ما هو مستوى الامتحان

الحمد لله الامتحان كان سهل


هل هناك اسئلة طويلة

لا الاسئله كلها كويسة وحلنها قبل كدا

هل الوقت كافي / غير كافي

كافى جدا معظمنا خلص فى نصف الوقت

هل القطعة تتكلم عن موضوع يصعب فهمه

لا فالموضوع كان واضح جداا

هل هناك اي حالات غش في لجنتك

للاسف اه كان فيه حالات غش كتير

هل تجلس على كرسي ومقعدك سليم ام غير ذلك

اه كله الكراسى سليمة

هل عند طلبك للماء او الخروج لدورات المياه متيسر او هناك اي موانع من المراقبين

لا المراقبين كويسين وكله تمام

هل المراقب يتساهل معكم في تبادل الادوات ام لا

هو مكنتش متساهل فى تبادل الادوات بس كان متساهل كمان فى تبادل الاجابات

هل الامتحان يمثل ما تم دراسته ان هناك قواعد واسئلة تم دراستها في اعوام سابقة

هل هناك اي اسئلة خارج المنهج

لا كله من المنهج

[elhazim]

المتحان سهل بس الترجمة انا عملت انفلونزا الخنازير (h1n1) ينفع ؟
يا ريت نشوف نموذج اجابة سريعا من اساتذة النجليزى
:38::38::38::38::38::38::38::38::38::38::38:

[لؤلؤة المحيط]

الامتحان كان لذيذ اوي يا استاذ اشرف
والوقت كان زياده او
لجنتي كلها خلصنا قبل ما نكمل ساعه ونصف
والمراقبين كانوا مريحين جدا

[amr essam]

الامتحان كان جميل وسهل وكمان مباشر وربنا يكرم ال حطط الامتحان يا رب وتقريبا الامتحان دهه متعدل عشان جه فيه انقلونزا الخنازير لكن الامتحان كان جميل وخلصنا بدرى اوى يا ريت نلاقى اجابات لللامتحان عشان نتاكد لان فى جمل عليها اختلاف مثل جملهafew more_less ايا منهم وشكرا على اهتمامكم بينا وبارانا

[masterazeb]

The exam is simple any 1 can pass it .I Thank the person who put it .

[mohammedfawzy]

انا اشكوا من وجود عمليات الغش في الامتحان وكده حرام فيه ناااااس مبتعرفش تحل غشت وهتجيب الدرجه النهائيه ارجو التحذير من الغش في اللجان ومعاقبه المراقبون علي التليفزيون او اخبارهم بصوره رسميه لان ده اتكرر مرتين مره في التفاضل وتاني مره في الانجليزي واشكر كل من يسعى لتحقيق اهدافنا نحن الطلبه وشكر خاص للاستاذ اشرف السيد وربنا يكرمك

[mahmoudbakry]

على فكرة يا جماعة انا كنت متوقع حاجات كثيرة وخاصة موضوع انفلونزا الخنازير وموضوع حزام الأمان وكما ن موضوع ال qutation بتاع ال Novel .

ياريت اى حد يكون عنده نماذج علم النفس والإجتماع وتكون محلولة واى توقعات مهمة حزاكم الله خيرا وانشاء الله سنة حلوة علينا كلنا يا حبايبى ..

[ابراهيم طارق]

الامتحان كان حلو وسهل بس فى شوية تركات بسيطة مش كتير هما فى الاختيارى و سؤال فى الRewrite لكن باقى الامتحان سهل والصراحة القصة كلها جت من جريدة الدستور والله العظيم ( ارجو الكل يركز على جريدة الدستور لأنها بتجيب اسئلة مهمة وبتيجى فى الامتحان زى امتحان العربى والانجليزى ):38:

[ابراهيم طارق]

يا ريت اى حد عندة مراجعة نهائية علم نفس واجتماع يحطهلنا على الموقع يكون مشكور اوى ويجيب اسئلة مهمة

[أشرف السيد]

يا رب تكون الامتحانات كنت على طول

وانا مش مدرس لغة

بس اظن ان ترجمة انفلونزا الخنازير الى h1n1 صح

وعموما هيكون في نموذج اجابة متاح قريباً بأذن الله

[ابراهيم طارق]

والله لو حسن شحاتة يبطل الاعلانات كلها هناخد كاس العالم

[ابراهيم طارق]

انا ترجمت انفلونزا الخنازير flew khanzer

[ابراهيم طارق]

ياريت باقى الامتحانات تكون حلوة كده

[عمر عبد اللطيف]

انا استاذ انجليزي والحقيقه من وضع الامتحان يستحق لقب خبيييييييييييييير بعد كل البعد عن التعقيد او السهوله فهو امتحان جمع من الوحده الاولي للاخيره للاحاث الجاريه للتكنولوجيا للصحه للمعمار والهندسه شكرا لواضع الامتحان

[mido92]

الامتحان كويس مع وجود بعض التكات لكن هو امتحان ثانوية

[نعمه محمود]

Swine flu انفلونزا الخنازير

[منى محمود]

الامتحان كان سهل كتير بس كان فيه دكات صغيره
وياريت باقى الامتحانات تيجى سهل كده
ويايت يكون فيه نموذج اجابه للامتحان
وانا عايزه اعرف ترجمه انفلونزا الخنازير ؟
ويارب يوفق جميع الطلاب ويحقق لهم امانيهم

[JUBA]

ما رايكم في امتحان اليوم

الحمد لله سهل
بس في حاجات تركات كتير


ما هو مستوى الامتحان
متوسط بس أسئلة التميز أكتر من 15 %



هل هناك اسئلة طويلة
لا الحمد لله



هل الوقت كافي / غير كافي
كافي جدا وطلعنا قبل الوقت ما يخلص كمان



هل القطعة تتكلم عن موضوع يصعب فهمه
لأ كانت بسيطه وسهله



هل هناك اي حالات غش في لجنتك
كان هناك غش شبه جماعي
وتبادل الأجابات



هل تجلس على كرسي ومقعدك سليم ام غير ذلك
لأ الحمد لله تمام التمام



هل عند طلبك للماء او الخروج لدورات المياه متيسر او هناك اي موانع من المراقبين
في دورات المياه المياه منقطعه عندها
مما يجعلنا نضطر إلا ندخل الدورة



هل المراقب يتساهل معكم في تبادل الادوات ام لا
أها
بس كلوا كان معاه أدواته




هل الامتحان يمثل ما تم دراسته ان هناك قواعد واسئلة تم دراستها في اعوام سابقة
طبعا بس ركز على جزء مخفي في المنهج
وجاب فيه جزء كبير يعني مكنش الأمتحان مغطي المنهج بالتوازن




هل هناك اي اسئلة خارج المنهج
أزاي برا المنهج
مفيش حاجه أسمها برا المنهج



============
مصطفى زين الدين
منوف - المنوفية
============


تقرير منوف :
خرج العديد من الطلاب يختلفون على إجابات جزيئات تعد بـ 4 جزيئات في الـ choose
2-7-13-6
والجزء الأخير في المحادثه رقمــ 4
كلمة أنفلونزا الخنازير كلمة علمية ومصطلح علمي ويمنع وضع مصطلحات علميه في الترجمة
أما غير ذلك الأمتحان سهل

أما عن حلي أنا فأنا حليت كويس الحمد لله
وفرحان ومبسوط لكن نقلت لكم لسان حال الطلاب

[amr essam]

انا عملتها fig flue لكن الاصحpig flue

[koko616]

Pigs' flu انفلونزا الخنازير

[babycat]

ياريت يا استاذ تحل الامتحان عشان نتاكد من اجابتنا

[amira_09]

الامتحان مفيش اسهل من كده الحمد لله انفلونزا الخنازير يعنى swine flu والله خير حافظ ويا ريت الامتحانات كلها تيجى سهله كده قولوا يارب

[amira_09]

لو حد عنده مراجعات جيولوجيا يجبها الاسئله المتوقعه يعنى

[nono love]

الانجليزى سهل لكن الريريت كان صعب وقطعة الفهم

[amira_09]

يا مس نعمه انا امبارح كتبت كلمة swine flu على الصفحه دى والله والحمد لله انها طلعت صح

[amira_09]

الحمد لله رب العالمين

[amira_09]

:27::18::38::14::24::039uw8:
الحمد لله رب العالمين

[abdo4101]

الامتحان كان تماام وسهل وبالذات البراجراف. يمكن امتحان السنة اللى فاتت ثانية ثانوى اصعب ...
انا الحمــــــــــد لله _اولى ثانوى_ وحليت اسئلة كاملة من الامتحان الحمد لله الحمد لله اسئلة كاملة( المينى ديالوج , القطعة 1 , الترجمة , البراجراف - كان اسهل ما يمكن -)
والمتبقى من الامتحان يعنى.
_---_
انفلونزا الخنازير (swine flu) شفتها فى الاهرام ويكلى