عندك الشجاعه تعتذر لها

[موناليزا]

السلام علي من اتبع الهدي:18:

حياكم الله جميعا وطابت أوقاتكم بكل حاجه حلوه

:)

((أنا أسف ))

بصراحه كلمة لو إتقالت كانت حلت
مشكله بين عمو (س) وطنت (ص)


كلمة ليها سحرها العجيب من الزوج للزوجه لما يخطئ في حقها
هتكسر كل الحواجز اللي بتزود النار وتشعللها

زوجتي أنا أسف

طيب ماهي سهله اهه أنا اسف


ولكن للاسف الرجل بيعتقد ان الاعتذار يقلل من قيمته ويكسر من هيبته

وانه لما يعتذر يبقي اكيد مش هيكون اسد البيت

لكن ممكن يحاول يلطف الجو اهو حاجه حوالين الاسف كده
يعني اسف مستهبل :)

الرسول عليه الصلاة والسلام قال" "خيركم خيركم لاهله وأنا خيركم لاهلى
لما تيجي تقول وتستند للقدوه

تلاقي صمت وردود مستفزه

فين سياسة الاحتواء ليه الشيطان يلاقي
وطن حلو يسيطر عليك بيه

صحيح فيه ستات نرفوزه
لكن صوت العقل فين؟؟

هل الاعتذار فيه تكلف ؟

دمتم بكل خير وربنا يكفيكم شر الشياطين وخصوصا
شياطين الانس
:)

[شريف]

للاسف ناس كتير بتتكبر انها تقول كلمة الاسف دي ... ازاي اعترف اني غلطان؟ لا ... لازم انكر اي غلط و لازم اعرف اللي ادامي ان هوا اللي غلطان مش انا ... انا فوق النقد و انا فوق القانون ... و انا فوق الاعتذار و انا فوق الخطأ و فوق كل حاجة و منزه عن الخطأ و ربما معصوم ... !! كتير مننا بيفكر بالطريقة دي ... مش ممكن يتخيل ابدا ان راي غيره محتمل يكون صح و رايه هوا غلط ... شكرا علي موضوعك الجميل

[دعاء شديد]

شوفى

انا مكنتش بعرف اعتذر قبل كده

وكان من رابع المستحيلات انى اقول كلمه "اسفه"

:20::20:
بس دوام الحال من المحال

لما ايقنت ان الاسف مش جريمه انسانيه

ولا هيقلل منى

اعترفت انى كنت غلطانه


:patch_no:
وبقت اعتذر بس بردو مش لاى حد

ومبقاش الاسف لمجرد الاعتذار

لااااااااا له هدف

:31:
يا حد له مكانه فيتوصلى المكانه دى

يا حد واجب عليكى تعتذرليه

يا اعتذار علشان احسس الي ادامى انه غلط

:D:D:D:D:D:D
بس ده برده لناس معينه

لها مكانه عندى واحترام ومعزه
:patch_sal:
لكن فى ناس

حتى لو غلطانه ههههههههههههههه

لاممكن اعترف حتى لو مش هعتذر
:41:
ده موقفى بكل صراحه ووضوح
بس على مستوى الزوجين
اتمنى
ان سواء انا غلطانه او هو غلطان

هو يقولى انا اسف
:25:
لو انا غلطانه هحس انى صغيره وعره هههههههههههههه

ولو هو غلطان هحترمه جدا ان مأنكرش
:18:
موضوع حلو ومهم

[حبيبه المصريه]

حلو الموضوع يا أميره
بداية الأعتذار من شيم الكرام
ومش بيقلل من كيان الانسان أبداااااا
بالعكس بيعليه فى نظرى
بس لما يكون مقتنع بيه
يعنى مقتنع إنه غلط
وبالتالى واجب عليه الإعتذار
لكن لو مش مقتنع
بس متغصب عليه يبقى إيه لازمته
المقصد من الإعتذار
إن الواحد حاسس بغلطه
وده المطلوب إننا نحس بغلطنا
وإن للآخرين حقوق علينا
مش لأى أسباب نطغى على حقهم ده
ونزعل أغلى الناس عندنا
وزى ما قالت دعاء
ساعات الواحد بيعتذر للى قدامه
مش من باب الإعتذار
ربما بيكون إعتذارك وقتها
للى أخطأ فى حقك هو إعتذار لنفسك
وكان واجب عليكى تفرقى إنك أسلوب
وهو أسلوب تانى
أو بتعتذرى لنفسك إن سماحتك وأدبك وذوقك
خلاه يتعامل معاكى بالشكل ده
وساعات بيكون إحراج للى قدامك
اللى مقدرش ذوقك وسماحتك
يعنى ليه معانى كتيررررررر

بس برضه يا أميره مش شرط
يكون الإعتذار كلمه بس
ساعات بيكون الفعل وقتها
أبلغ من أى كلمة آسف

قناعتى الشخصيه مهما كان أسلوب الأسف
سواء قولا صاحبه حاسس بغلطه فعلا
و شايف إن من واجبه يتأسف فعلا على غلطه
أو فعل منه
يبقى من شيم الكرام برضه
إننا نقبله سواء كان قول أو فعل
دون أن نشترط أن يكون قولا فقط أو فعلا فقط
المهم إنه حصل من الشخص بنفسه
من تلقاء نفسه بدون أى ضغوط خارجيه
لإنه لما يبقى نابع من الشخص نفسه
بيبقى ليه طعم تانى

بس تعرفى بعد كل ده مبحبش حد يعتذرلى
خصوصا لما يكون أكبر منى
بحس إنى صغيره أووووى
لما حد أكبر منى يعتذرلى
معرفش يمكن عشان
إتعودت إن للكبير إحترامه برضه وقدره معرفش

بس نصيحتى لينا عموما كنساء
حتى لو أخوكى أو زوجك أو خطيبك إعتذرلك بأفعاله
مش لازم تجبريه يقولها
لإن الإعتذار مش مجرد كلمه
ولازم تكونى ذكيه وتفهمى
مش لازم تحصريها فى كلمة آسف وبس
على فكره هتعلى فى نظره جدااااااا
و هيقدر ده جدااااااا
ومش عاوزين أكتر من كده

[شريف]

شوفوا معناة الكلام و اتلوه... الله الله علي رد دعاء و علي رد حبيبة

[جمال سراج]

الإعتذر فرصة عظيمة للتسامح والتواصل والبداية الجديدة والجميلة وهو مدعاةللثقة والأمانة والتواضع وهو من أجمل الصفات التي يمكن أن يتشاركها الناس.

وهو رائع جدا بالعلاقات الزوجية التي تنمو وتقوى بالمودة والرحمة والتسامح
وعلى كلا الطرفين أن يتساهل إلى حد ما ولا يتصيد أخطاء الإخر أو يرد الخطأ بخطأ أكبر عندما ينتظر اعتذار الطرف الآخر .

أنا شخصيا أعتذر وبكل تواضع إذا أخطأت وهى كذلك وكلانا يعترف بخطأه ويأسف له ...
أتمنى أن يكون الحال كذلك بين كل رفقاء الحياة
أدام الله الود والحب بين رفقاء الحياة من الأزواج والزوجات فى كل بيت
شكرا موناليزا موضوعك الرائع
لكى ودى واحترامى .. وأيضا للجميع

[موناليزا]

للاسف ناس كتير بتتكبر انها تقول كلمة الاسف دي ... ازاي اعترف اني غلطان؟ لا ... لازم انكر اي غلط و لازم اعرف اللي ادامي ان هوا اللي غلطان مش انا ... انا فوق النقد و انا فوق القانون ... و انا فوق الاعتذار و انا فوق الخطأ و فوق كل حاجة و منزه عن الخطأ و ربما معصوم ... !! كتير مننا بيفكر بالطريقة دي ... مش ممكن يتخيل ابدا ان راي غيره محتمل يكون صح و رايه هوا غلط ... شكرا علي موضوعك الجميل

العفو يامستر الاجمل وجودكم في الموضوع
للاسف الكبرياء والغرور شئ مدمر
وخصوصا لما يكون الانسان علي خطأ
ويكون خطأ بيؤدي لكارثه ممكن بسببها البيت ينهار
ربنا يهدي عمو (س)