أجازه عقليه

[حبيبه المصريه]

زى ما فى أجازه مرضيه فى حالة المرض
لا قدر الله
وأجازه إعتياديه وأجازه عارضه
بجد والله نفسى يكون فى بند إسمه
أجازه عقليه
يعنى حد يجى يسألك كده فى مشكله
و لا موضوع
ولا عقلك ألح عليك يفكر كده فى موضوع
ولا حدث عام أو خاص
تروح تقوله آسف أنا فى أجازه عقليه النهارده
يومين وأرجع أشغل عقلى وتحت أمرك يا سيدى
نفسى نفعل البند ده ولو يومين بالسنه
هو يعنى الواحد بيخاف ان ممكن عقله يصدى لو مشتغلش
بس يومين يعنى مش حكايه
يا سلام لو نقدر نعمل البند ده مع نفسنا
بس يا ترى المحيطين هيقدروا فعلا إننا محتاجين أجازه عقليه ؟؟

خواطر وبس

[جمال سراج]

موضوع غاية فى الجمال
تحياتى

[حبيبه المصريه]

موضوع غاية فى الجمال
تحياتى

شكرا لحضرتك
شرفت الخواطر

[شريف]

نفسسسسسسسسسسسسسسسسسسسسسسي
نفسي في اجازة م الحياة كلها والله
انا مخي خلاص
حاسس انه اتنفخ و انا مش ناقص نفخة
في حياتنا دلوقتي
مطلوب مخ شغال 24 ساعة
مع خدمة توصيل الطلبات للمنازل

انا مخي شغال حتي اثناء النوم
انا مراتي قالت لي من يومين
انت يا شريف كنت بتتكلم مع واحد اثناء النوم
و بتجادله و بيجادلك بصوت عالي

لدرجة انها اقتنعت برأيي و كانت عايزة تشاركنا في الحوار
ههههههههههه

مش عارف ناقص ايه تاني
ناقص الواحد يكلم نفسه في الشارع؟
طب و الله العظيم حتي دي عملتها

كنت بحسب حسبة كده و بفكر في موضوع
و فوجئت اني بقالي خمس دقايق
ماشي اكلم نفسي في الشارع
و قعدت ابص ورايا
اشوف حد شافني ولا لا
و قلت لنفسي
يااااااااااااااه
ده الواحد كان بيستغرب لما يشوف المجانين
و يصعبوا عليه
دلوقتي انا بمارس الجنان بطلاقة

قلبتي عليا المواجع يا استاذة حبيبة
حدش يستلف مخي و يديني بداله شخليلة ؟؟؟

[دعاء شديد]

مش قلنا قبل كده
تنح وسنح وبلم

مش صعبه والله احنا الي بنعمل كده فى نفسنا

هو العقل ده بيشتغل لواحده ؟؟؟؟؟
احنا الي بنشغله واحنا الي بنطنش نعطله

طيب ليه ؟؟؟؟؟؟

يلا كل واحد يشيل عقله فى تلاجة الجيران
ويا ريت الجيران تسافر علشان محدش يرجعلكوا عقلكوا

الي هشوفه فى المنتدى بعقهل هعمله حظر
ههههههههههههههههههههههه

[نعمه محمود]

آآآآآآآآآه ياحبيبة قلبتى عليا المواجع
الله يسامحك ههههههههههه
أنا بقي حالة نادرة ميئوس منها
مخى شغال 48 ساعة فى ال24 ساعه
نايمة صاحية سايقة دماغى لا يتوقف عن العمل
لدرجة انى كرهته تخيلى انى ممكن احلم حلم
واصحى منه اصلى الفجر مثلا
وانام تانى وارجع اكمل الحلم تانى
طيب خدى عندك دى بقي الحلم عندى ممكن يبقي على اجزاء
ههههههههه ومش حلم عادى لا ده حلم من الاحداث الجارية
والله أنا تعبت منى ونفسي اريحنى شوية

[حبيبه المصريه]

قلبتي عليا المواجع يا استاذة حبيبة
حدش يستلف مخي و يديني بداله شخليلة ؟؟؟



فى بعض الاحيان لما يكون الموضوع مصيرى
بوصل للمرحله دى
ولما اتعب خالص

افتح قناة الرحمه واسمع الشيخ محمد حسان
واسيب الأمر لله بعد ما أخذ بالأسباب
خالص الشكر لحضرتك
نورت الموضوع

[حبيبه المصريه]

مش قلنا قبل كده
تنح وسنح وبلم

مش صعبه والله احنا الي بنعمل كده فى نفسنا

هو العقل ده بيشتغل لواحده ؟؟؟؟؟
احنا الي بنشغله واحنا الي بنطنش نعطله

طيب ليه ؟؟؟؟؟؟

يلا كل واحد يشيل عقله فى تلاجة الجيران
ويا ريت الجيران تسافر علشان محدش يرجعلكوا عقلكوا

الي هشوفه فى المنتدى بعقله هعمله حظر
ههههههههههههههههههههههه



فى امور منقدرش نفصل نفسنا عنها
وبالتالى انتى فى قلب الحدث
ماهو لو شخصى عادى برمى حمولى على الله
بعد ما أعمل كل اللى عليا
المشكله لما يكون يخص حد يهمك وغالى عندك
تفضلى تفكرى طول النهار والليل عشان تساهمى فى الحل
تسلمى ويسلم مرورك
وربنا ما يحرمنا من وجودك الغالى

[حبيبه المصريه]

آآآآآآآآآه ياحبيبة قلبتى عليا المواجع
الله يسامحك ههههههههههه
أنا بقي حالة نادرة ميئوس منها
مخى شغال 48 ساعة فى ال24 ساعه
نايمة صاحية سايقة دماغى لا يتوقف عن العمل
لدرجة انى كرهته تخيلى انى ممكن احلم حلم
واصحى منه اصلى الفجر مثلا
وانام تانى وارجع اكمل الحلم تانى
طيب خدى عندك دى بقي الحلم عندى ممكن يبقي على اجزاء
ههههههههه ومش حلم عادى لا ده حلم من الاحداث الجارية
والله أنا تعبت منى ونفسي اريحنى شوية


المواجع دى عندى أصلاااااااااااا
أنا كمان نفسى أخذ أجازه من نفسى

حقولك موقف مره كنت نايمه
وطبعا من كتر ما شاغل بالى موضوع
قعدت اناقش وافكر واحلل وانا نايمه
لحد ما صوتى وصل للى فى البيت
ماما جات تصحينى قالتلى
حرام عليكى شغاله تفكير حتى وانتى نايمه
خايفه مخك يصدى ارحمى نفسك شويه
لقيت نفسى بضحك قلتلها
تصدقى ساعات بخاف يصدى لو مفكرتش
اعمل ايه بقى طلعت بفكر
وطبعا صاحيه عندى صداع اصلا مع انى كنت نايمه


بس بجد محتاجين اجازه عقليه
عشان الصيانه حتى
الا كده مش هنلاقى قطع غيار

نورتى الموضوع يا غاليه
ودايما منورانا
وميحرمناش من وجودك الغالى على قلوبنا
دمتى بحفظ الرحمن