انا مين ؟ انا ليه ؟ انا فين ؟ انا ازاي ؟؟ انا بكام ؟ [الأرشيف] - المنتديات التعليمية

شريف

01-01-2012, 07:50 PM

يا قهلا يا قهلا

الي المتجوزين و غير المتجوزين

عايز اخد رأيكم

عشان بصراحة في حالات كتير ادامي محتاج اراءكم فيها

دلوقتي في فريقين كل واحد فيهم فاهم الحب بطريقة

فريق فاهم ان الحب
اني ارخم علي اهله ... أسأله دايما في كل التفاصيل
اول ما اشوف خلقته : جاي منين ... رايح فين ؟ بتعمل ايه ؟
عملت ايه ؟ هتعمل ايه ؟ ... برنامجك بكرة ايه ؟ .. عامل ايه دلوقتي ؟
و بعدها بدقيقة .. و انت بقا اخبارك ايه ؟ انت بتتسحب رايح فين ؟
تشرب ايه ؟ شربت ايه ؟ كلت ايه ؟ بتاكل ايه ؟ هتاكل ايه ؟ فطرت ولا لسه ؟
و لو فطرت فطرت ايه ؟ و ليه ؟ و ازاي ؟فينك ؟ ماجيتش ليه ؟؟ مشيت ليه ؟؟
مش قاعد معايا ليه ؟؟؟دي بتكلمها ليه ؟؟ دي بتتعامل معاها كده ليه ؟
انت ايه اللي جابك هنا ؟ دي ضحكتلها ليه ؟؟؟ صالحني ... انت مابتكلمنيش ليه ؟؟
انت لسه بتحبني ؟؟؟ انا وحشة ولا ايه ؟؟؟ طب اعمل ايه ؟؟ طب انت ليه ؟
طب انت ازاي ؟؟؟ طب انت مين ؟؟ هتنام ليه ؟؟ هترجع امتي ؟؟؟ جاي ولا مش جاي؟
انت مابتردش عليا ليه ؟؟ صح ولا لأ ؟؟ انت قاسي ليه ؟؟ انت لابس ايه ؟؟
انت بتقلع ليه ؟؟؟ انت بتلبس ليه ؟؟ انت رايح ليه ؟ انت جاي ليه ؟؟؟

و في رأيي المتواضع ... ده حب ابن كلب يلففك حوالين نفسك
تفضل و انت ماشي في الشارع زي المجنون تقول :
انا مين ؟ انا ليه ؟ انا فين ؟ انا ازاي ؟؟ انا بكام ؟ انا امتي ؟
انا من أول ايه ؟ و لحد فين ؟ و لمين ؟ و الساعة كام ؟

الحب اللي هوا يخليك تقولها
أبوس ايد امك ارحمي امي !

و في حب تاني عقلاني لذيذ هادي
كل طرف فيه يملك حرية جميلة مهدئة للاعصاب
مفيش وش
مفيش ازعاج
مفيش زن
مفيش مشاكل
كل واحد علي حريته
مافيش كلام بينهم غير في الرومانتيكيات و الرومانسيات الجميلة
رقة و دلع و حب بجد ... اللي بيحب حد يخاف علي اعصابه و ضغطه
مش يعلي له الضغط و بعدين يقوله ده من خوفي و حرصي و حبي ليك !!

الحمار اللي بيقول ان المشاكل دي ملح الحياة
ده راجل غبي (( من وجهة نظري يعني ))

ملح ايه يابن العبيطة
سوري يا جماعة ... اصل حاجة تفقع
احنا في زمن ... يدوبك اعصابك تتحمل فيه الدنيا و الشغل و الحياة
تيجي مراتك او حبيبتك تضيع لك اللي باقي من اعصابك ؟؟؟
و خد شوية ملح في ايدك؟
مش كده يعني
ارحمونا
ده احنا لحم و دم والله

و يا اخي تلاقي الستات كلهم نسخة واحدة
أتحدي راجل يقول عكس كده
يبقا اكيد خايف

بيقولك مجموعة رجالة قاعدين
فأبو سيد قالهم ... اللي مراته متسلطة يقوم يقف
كلهم وقفوا الا واحد فضل قاعد
فأبو سيد قال له : برافو عليك ... اكيد ما قومتش عشان انت اسد في بيتك
قال له : لأ حضرتك ... مراتي قالت لي ماتقومش من هنا !!

دعاء شديد

01-01-2012, 08:02 PM

تسجيل اعترااااااااااااااااض وراجعه

شريف

01-01-2012, 08:20 PM

بلا اعتراض بلا بتاع بقا
انتو فالحين غير في الاعتراض ؟

:21:

دعاء شديد

01-01-2012, 08:21 PM

شوف يا عم شريف
لا المدرسه دى صح ولا المدرسه دى صح
الوسط هو الانسب علشان الحياه تمشى
اول مدرسه
هتتحول الحياه لجدل حوالين الرد على الاسئله
وكأنك فى امتحان مستمر ومالوش نتيجه
ودى مش ملح دى شطه بتتعب معدة الحياه
ثانى مدرسه معلش دى مش حب
دى اتنين يتسلوا مع بعض
ضحك وهزار وخلاص
يبقى مفيش حياه بجد مجرد وقت لطيف
وحتى لو متجوزين تبقى الحياة فاضيه
كأننا اتنين اغراب بنشوف بعض وننفصل عن مشاكل كل واحد فينا
ونهرج وهيهيهيئ ومهيهيهيئ وخلاص
وكل واحد ماشى

ونهرج وهيهيهيئ ومهيهيهيئ وخلاص
وكل واحد ماشى فى نور الله لوحده
ورغم ان الوسط هو الحل ... الا انه مشكلته فينا احنا مش فيه كحل
متعودناش على الحلول الوسط
لازم رأى حد يمشى
واوقات كتير راي حد واحد هو الي بيمشى
ولما نيجى لنقطه ونقف فيها زى الديوك
محدش بيشوف فى حد حاجه حلوه
طيب ليه ؟؟؟؟
بص كده على توقيعى
((( اقبلنى فى كل حياتى )))
دى عبارتى الي مؤمنه بيها الايام دى
كل واحد بيزعل من حاجات
بدل منزود الزعل نراضى الزعلان ومنتحمله
وبعدين ندور على حل

مش يتقلب الموقف لضرب ضرب
انا تعبت وانفعلت ههههههههههههههههه
هكمل فى النقاش لو حبيت نتناقش يعنى
************************************
((( ده رد شريف )))بلا وسط بلا بتاع بقا

وسط مين

الموضوع ده مافيهوش وسط

الحياة تمشي لذيذة كده و جميلة

من غير مشاكل و لا ضرب نار و لا زن

ايه المشكلة في كده

هنقعد بقا نتفسلف

و نقول وسط

و كومبو

سلطة كول سلو

خلينا عمليين

الحياة دلوقتي مش مستحملة

و الرجالة روحها في مناخيرها

ارحموهم يرحمكم ربونا

دعاء شديد

01-01-2012, 08:23 PM

بلا اعتراض بلا بتاع بقا
انتو فالحين غير في الاعتراض ؟

:21:

طيب ناقشى يا كابتن
ونشوف فالحين فى الاعتراض ولا لأ

حبيبه المصريه

01-01-2012, 08:31 PM

ممكن أسمح لنفسى أدخل وأقول رأيى

شريف

01-01-2012, 08:35 PM

ممكن أسمح لنفسى أدخل وأقول رأيى

اتفضلي يا فندم

بس بحيااااااااااااااد

عشان انا مشحون و ممكن انفجر

ههههههههههههه

دعاء شديد

01-01-2012, 08:38 PM

انا عايزه مشاركتى
ماليش دعوه

دعاء شديد

01-01-2012, 08:39 PM

اتفضلي يا فندم

بس بحيااااااااااااااد

عشان انا مشحون و ممكن انفجر

ههههههههههههه

ويعنى مشحون وهتنفجر
تتعصب على مشاركتى ليه بقى ؟؟؟؟؟؟؟؟؟؟؟

شريف

01-01-2012, 08:39 PM

انا عايزه مشاركتى
ماليش دعوه

بدل ما اخد اقتباس ... عملت تعديل
خلاص بقا
مكانتش مشاركة ع الصبح دي:o

هجيبلك واحدة غيرها

دعاء شديد

01-01-2012, 08:43 PM

بدل ما اخد اقتباس ... عملت تعديل
خلاص بقا
مكانتش مشاركة ع الصبح دي:o

هجيبلك واحدة غيرها

هييييييييييييييه جبتها وهنزلها تانى
بس

حبيبه المصريه

01-01-2012, 08:44 PM

بداية التعميم بشكل عام فى أى شىء مش صح
أنا ضد قاعدة التعميم بشكل عام
بمعنى مش كل الرجال متعبين
ولا بالمثل كل النساء متعبات
نيجى لمحور الموضوع أو الشكوى
الموقف فى حد ذاته لا يخرج عن كونه
زيادة إهتمام بشخص ما
والاهتمام فى حد ذاته شىء حلو جدااااااا
ده معناه ان الشخص ده مهم عندنا
وبالتالى شاغل تفكيرنا ومحل اهتمامنا
وبالتالى يهمنا نعرف حاله فى كل الاحوال
لانه ببساطه شريك الحياه

لكنه يكفى إنه يحمل شىء جميل تجاه شريك حياته
يغفر له حالة الضيق اللى بيوصل الطرف الآخر ليها
نتيجة اهتمامه الزائد
كون ان الطرف الآخر مزود إهتمامه شويه
يبقى محتاج لتوسط فى الاهتمام
والتوسط هو رمز الإعتدال
يعنى محتاج نلمحله ان مطلوب منه التوسط
لكن لو مقدرش ومعرفش يوصل للتوسط
بقووووووووووووول
نغفرله لإنه بيحمل بين ضلوعه شىء حلو لينا
ويارب نفضل نضايق دايما من الاهتمام الزائد
مش الاهمال التام
دامت حياتكم عامره جميعا بالسعادة والهناء

نعمه محمود

01-01-2012, 08:45 PM

الذين يشاهدون الموضوع الآن: 6 (4 من الأعضاء و 2 زائر)

نعمه محمود (You can see links before reply)
مسيو وليد عسكر (You can see links before reply)+
حبيبه المصريه (You can see links before reply)+
دعاء شديد (You can see links before reply)+

سلام مربع مدور مثلث لمسيو وليد

اللى دخل نورنا شكلها سنة بيضا ان شاء الله

دعاء شديد

01-01-2012, 08:48 PM

مسيو وليد عسكر

01-01-2012, 08:48 PM

و يا اخي تلاقي الستات كلهم نسخة واحدة
أتحدي راجل يقول عكس كده
يبقا اكيد خايف

انا مش خايف
انا مش خايف
انا مش خايف
قولها كل يوم قبل ماتنام
ودي نصيحتي لكل راجل
وان شاء الله هيبقي زي الفل
ومتعملش زي صاحبنا حسام بتاع اعلان بيريل اللي اعد يقول هوووووووووب لحد لما طلع عينة واتخلع ومرمي دلوقتي عند أمه
بقول لكل راااااااجل
متكنش حسام
خليك شربيني
وهتدعيلي
فاصل ولي عودة مرة اخري مع موضوعك اللذيذ ياشريف
:20::20:

دعاء شديد

01-01-2012, 08:49 PM

الذين يشاهدون الموضوع الآن: 6 (4 من الأعضاء و 2 زائر)

نعمه محمود (You can see links before replyنعمه-محمود)
مسيو وليد عسكر (You can see links before replyمسيو-وليد-عسكر)+
حبيبه المصريه (You can see links before replyحبيبه-المصريه)+
دعاء شديد (You can see links before replyدعاء-شديد)+
سلام مربع مدور مثلث لمسيو وليد
اللى دخل نورنا شكلها سنة بيضا ان شاء الله

والله يا نعمه قلبك ده ابيض
مسيو وليد بيدخل موضوعات شريف بس
هو سلام مثلث بضلع واحد
ههههههههههههههههه

نورت يا وليد

شريف

01-01-2012, 08:51 PM

بداية التعميم بشكل عام فى أى شىء مش صح
أنا ضد قاعدة التعميم بشكل عام
بمعنى مش كل الرجال متعبيين ولا بالمثل كل النساء متعبات
نيجى لمحور الموضوع أو الشكوى
الموقف فى حد ذاته لايخرج عن كونه
زيادة إهتمام بشخص ما
والاهتمام فى حد ذاته شىء حلو جدااااااا
ده معناه ان الشخص ده مهم عندنا وبالتالى شاغل تفكيرنا ومحل اهتمامنا
وبالتالى يهمنا نعرف حاله فى كل الاحوال لانه ببساطه شريك الحياه

لكنه يكفى إنه يحمل شىء جميل تجاه شريك حياته
يغفر له حالة الضيف اللى بيوصل الطرف الآخر ليها نتيجة اهتمامه الزائد
كون ان الطرف الآخر مزود إهتمامه شويه يبقى محتاج لتوسط فى الاهتمام
والتوسط هو رمز الإعتدال يعنى محتاج نلمحله ان مطلوب منه التوسط
لكن لو مقدرش ومعرفش يوصل للتوسط
بقووووووووووووول
نغفرله لإنه بيحمل بين ضلوعه شىء حلو لينا

يا استاذة حبيبة انا مش بعمم ع الرجالة
انا بعمم ع الستات بس :o

المشكلة مش مشكلة زيادة اهتمام بس
كل اصدقائي المقربين والله بلا استثناء
بيشتكوا من حاجة واحدة بس
ان الحب اتحول الي مراقبة و تسلط من طرف المرأة !!

ده مش زيادة اهتمام
دي زيادة رخامة
لما الواحد يطلب الطرف الاخر لدرجة ان مش عايزه يغيب ثانية
دي تبقا انانية
هييجي منين الشوق بقا؟
و لا مافيش الشوق ده او المفروض مايكونش موجود بين الازواج؟؟؟

انا مش بتكلم علي حالة الوسط المعتدلة اللي حضرتك بتتكلمي عليها
انا بتكلم عن الحالات الاوفر
اللي هيا فوق الطبيعي
الحالات المرضية
و للاسف
الحالات المرضية اصبحت قاعدة
و المعتدلة اصبحت هيا الشواذ

الحب عمره ما كان كده
اشوف حبيبي
و من كتر حبي ليه
اخده في حضني لحد ما اكتم نفسه و يفطس و يموت ؟؟؟؟؟؟؟؟
هل ده منطق؟
ده اقرب تشبيه للي انا اقصده

حبيبه المصريه

01-01-2012, 08:51 PM

يسلم لسانك والله
بس تقولى هههههههههههههههه
فى ناس كده متحبش الاهتمام
ههههههههههههههه
ردك فى الجوووووووووووون

تسلمى يا روح قلبى
نيجى جنبك فين
لو فهم السبب بطل العجب
ياريت كل واحد يسأل نفسه
ليه فلان ده بيهتم بيا كتيرررررر كده ؟؟؟
اكيد هتطلع احلى إجابه
ومادام الاجابه حلووووووووووووه
يبقى الاجابه وصاحبها فى عنينا وقلبنا

دعاء شديد

01-01-2012, 08:56 PM

يا استاذة حبيبة انا مش بعمم ع الرجالة
انا بعمم ع الستات بس :o

المشكلة مش مشكلة زيادة اهتمام بس
كل اصدقائي المقربين والله بلا استثناء
بيشتكوا من حاجة واحدة بس
ان الحب اتحول الي مراقبة و تسلط من طرف المرأة !!

ده مش زيادة اهتمام
دي زيادة رخامة
لما الواحد يطلب الطرف الاخر لدرجة ان مش عايزه يغيب ثانية
دي تبقا انانية
هييجي منين الشوق بقا؟
و لا مافيش الشوق ده او المفروض مايكونش موجود بين الازواج؟؟؟

انا مش بتكلم علي حالة الوسط المعتدلة اللي حضرتك بتتكلمي عليها
انا بتكلم عن الحالات الاوفر
اللي هيا فوق الطبيعي
الحالات المرضية
و للاسف
الحالات المرضية اصبحت قاعدة
و المعتدلة اصبحت هيا الشواذ

الحب عمره ما كان كده
اشوف حبيبي
و من كتر حبي ليه
اخده في حضني لحد ما اكتم نفسه و يفطس و يموت ؟؟؟؟؟؟؟؟
هل ده منطق؟
ده اقرب تشبيه للي انا اقصده

لا معلش اسمحيلى يا حبيبه

الي بتوصفه مش حب خااااااالص
الحب مش مراقبه
وفى فرق بين مكالمه مراقبه ومالمه اهتمام
فرق كبير اوى

ولعلمك بقى
كتير من الرجاله بتشتكى من اهمال زوجاتهم
او حتى الي بيحبوا بعض

قليل لما تلاقى واحده بتهتم بجوزها
ههههههههههههههههههههههه

فى ناس ممكن جوزها يبقى بره طول اليوم متفكرش تسأل عليه
فى ناس ممكن يبقى جوزها ساكت متفكرش تخليه ينطق

متحاولش
انت متحامل اوى فى رايك

شريف

01-01-2012, 08:57 PM

انا مش خايف
انا مش خايف
انا مش خايف
قولها كل يوم قبل ماتنام
ودي نصيحتي لكل راجل
وان شاء الله هيبقي زي الفل
ومتعملش زي صاحبنا حسام بتاع اعلان بيريل اللي اعد يقول هوووووووووب لحد لما طلع عينة واتخلع ومرمي دلوقتي عند أمه
بقول لكل راااااااجل
متكنش حسام
خليك شربيني
وهتدعيلي
فاصل ولي عودة مرة اخري مع موضوعك اللذيذ ياشريف
:20::20:

يا مساء الورد
طب كنت قولي
انك هتخش
كنت كتبت الموضوع ده من ست سنين
منور يا باشا
وواحشنا جدا والله

بص يا وليد
الموضوع مش شخصي أكيد
أخوك شربيني ما تقلقش
هههههههههههه

الموضوع عام
و انا بتكلم فيه بحماس
لانه بيعمل مشاكل كتير جدا
بشوفها ادام عيني

انا شخصيا لو مراتي عملت معايا كده
غالبا ... هبعد خالص و اسيبها تعيش حياتها
ماتشوفنيش غير عشر دقايق في اليوم

لاني ساعتها هحس اني كنت في قفص
و الباب اتفتح
ههرب من الخنقة و اجري

منتظر عودتك يا جميل
و الله وحشتني جدا

[/CENTER]

نعمه محمود

01-01-2012, 08:57 PM

شريف

01-01-2012, 09:01 PM

لا معلش اسمحيلى يا حبيبه

الي بتوصفه مش حب خااااااالص
الحب مش مراقبه
وفى فرق بين مكالمه مراقبه ومالمه اهتمام
فرق كبير اوى

ولعلمك بقى
كتير من الرجاله بتشتكى من اهمال زوجاتهم
او حتى الي بيحبوا بعض

قليل لما تلاقى واحده بتهتم بجوزها
ههههههههههههههههههههههه

فى ناس ممكن جوزها يبقى بره طول اليوم متفكرش تسأل عليه
فى ناس ممكن يبقى جوزها ساكت متفكرش تخليه ينطق

متحاولش
انت متحامل اوى فى رايك

يا بنتي
يابنتي افهميني

ارجوكي يا دعاء
و الله ما بتكلم عن الاهتمام العادي
بتكلم عن الجنون في الاهتمام
مع كثير من الانانية و كثير من التسلط
و كثير جدا من التدخل في ادق التفاصيل

و ده اللي ممكن يقتل اقوي حب في العالم
ده لو الراجل عنده كرامة و شخصية يعني
اما لو دلدول مش هتفرق معاه

حبيبه المصريه

01-01-2012, 09:03 PM

كل اصدقائي المقربين والله بلا استثناء
بيشتكوا من حاجة واحدة بس
ان الحب اتحول الي مراقبة و تسلط من طرف المرأة !!

معلش يا مستر دى النقطه اللى مبحبهاش بتاتا
إننا يكون رأى غيرنا يأثر علينا خصوصا فى حياتنا الشخصيه
على فكره بتحصل للشخص من غير ما يشعر
إن كثرة سماعنا لشكوى واحده ثابته من امور معينه
تجعلنا لا اراديا نضخم المشكله
لو احنا فعلا بنعانى بجزء منها نشوفها كارثه
أو إننا نعانى منها فعلا
رغم انها مكنتش مشكله عندنا اساسا
زى مثلا كل ما حد يقابلك يقولك عندى مغص
بمرور الوقت ولا إراديا
هتلاقى نفسك بجد عانيت من المغص
نتيجة تأثر نفسى مش أكتر
رغم انه مش مرض عندك ده عرض
يعنى معلش بلاش يوصل احساسنا بالاهتمام الزائد
لدرجة إننا نحوله لمشكلتنا الكبيره
وهو فى الاساس زياده فى شىء جميل

بجد رأيى الشخصى نتكلم فى كل شىء
الا ما يؤثر على حياتنا الشخصيه فى تقبل شريك الحياه
خصوصا وان مشكلة الاهتمام الزائد فى حد ذاتها
تحمل بين طياتها شىء طيب
يعنى احنا محتاجين نعدل سلوك شىء طيب وعليه نغفر لصاحبه

دعاء شديد

01-01-2012, 09:04 PM

شوف ياشريف دى أمور نسبية بتختلف من couple لاخر
وده على حسب شخصيتهم وتقبلهم لتصرفات بعض
يعنى ممكن اللى زوج يشوفه خنقة زوج تانى يشوفه حب واهتمام
وانا اعرف ازواج لو الزوجة فوتت ساعة مسألتش بيبقي بالنسبة للزوج عدم اهتمام
على العكس فى زوج مبيحبش مراته تسأله عن اى حاجة
انا شخصيا بحب النموذج الاول ومش بيسبب لى مشاكل الحمد لله
ايه المانع انى اعرف تحركات زوجى ومبتبقاش خنقة ابدا ده اهتمام مشاركة
ده زيادة حب والمسألة بتتوقف على شيئين
طريقة الزوجة فى السؤال
وطريقة الزوج فى تقبل الاهتمام ده
ومستعدة لاى مناقشة
ويجعله عامر

وده راي حلو جدا
يبقى المشكله مش فى الاهتمام من عدمه
المشكله فى التفاهم وكل طرف يسمع قبل ميتخانق
يسمع الي زعلان ولا ايه ؟؟؟؟؟؟؟؟؟؟؟؟؟؟؟؟؟ظظ

دعاء شديد

01-01-2012, 09:06 PM

يا بنتي
يابنتي افهميني

ارجوكي يا دعاء
و الله ما بتكلم عن الاهتمام العادي
بتكلم عن الجنون في الاهتمام
مع كثير من الانانية و كثير من التسلط
و كثير جدا من التدخل في ادق التفاصيل

و ده اللي ممكن يقتل اقوي حب في العالم
ده لو الراجل عنده كرامة و شخصية يعني
اما لو دلدول مش هتفرق معاه

والله فاهمه
بس كل القضيه تتركز
فى ان انت بتقول انه حب مجنون
وانا شايفه انه مش حب اصلا
هههههههههههههههههه
دى فعلا سيطره وتسلط وبس

ودى لاااااااااااااا طبعا محدش محترم يقبلها

شريف

01-01-2012, 09:07 PM

شوف ياشريف دى أمور نسبية بتختلف من couple لاخر
وده على حسب شخصيتهم وتقبلهم لتصرفات بعض
يعنى ممكن اللى زوج يشوفه خنقة زوج تانى يشوفه حب واهتمام
وانا اعرف ازواج لو الزوجة فوتت ساعة مسألتش بيبقي بالنسبة للزوج عدم اهتمام
على العكس فى زوج مبيحبش مراته تسأله عن اى حاجة
انا شخصيا بحب النموذج الاول ومش بيسبب لى مشاكل الحمد لله
ايه المانع انى اعرف تحركات زوجى ومبتبقاش خنقة ابدا ده اهتمام مشاركة
ده زيادة حب والمسألة بتتوقف على شيئين
طريقة الزوجة فى السؤال
وطريقة الزوج فى تقبل الاهتمام ده
ومستعدة لاى مناقشة
ويجعله عامر

تمام
متفق معاكي في المجمل
انما في حالات اخري

سؤالي محدد
عندما تصر المرأة علي المبالغة في الاهتمام
المبالغة في المتابعة
المبالغة في الاستفسار عن كل شئ
المبالغة في التدخل في لون الشراب

و بعدين عندما يلومها الرجل
تقول انه حب و اهتمام

سؤالي : هل الشكل الاوفر ده في العلاقة
هو مثال الحب النموذجي ؟
أم ان الحب شئ اخر ؟

مسيو وليد عسكر

01-01-2012, 09:08 PM

انا بعد اذنكم هستاذن ولي عودة مع كل الاحبة ان شاء الله

نعمه محمود

01-01-2012, 09:12 PM

تمام
متفق معاكي في المجمل
انما في حالات اخري

سؤالي محدد
عندما تصر المرأة علي المبالغة في الاهتمام
المبالغة في المتابعة
المبالغة في الاستفسار عن كل شئ
المبالغة في التدخل في لون الشراب
و لون ال .... اي حاجة
لامؤاخذة يعني
و بعدين عندما يلومها الرجل
تقول انه حب و اهتمام

سؤالي : هل الشكل الاوفر ده في العلاقة
هو مثال الحب النموذجي ؟
أم ان الحب شئ اخر ؟

لا طبعا الشكل الاوفر ده هيخلى الموضوع سجن وسجان
انا بتكلم على الاهتمام الحلو مش العادى العادى ده بتاع كل الناس
انما فى نوع من الاهتمام المميز بس زى ماقلت لك متوقف على شكل الاهتمام ده
ووقت تقديمه وتقبل الطرف الاخر ليه
وطبعا مازاد عن حده انقلب الى ضده

شريف

01-01-2012, 09:13 PM

معلش يا مستر دى النقطه اللى مبحبهاش بتاتا
إننا يكون رأى غيرنا يأثر علينا خصوصا فى حياتنا الشخصيه

هههههههههههههههه
علي فكرة

انا ممكن احلفلك علي مصحف
ان المشكلة دي مش مشكلة شخصية
و لا ليا علاقة بيها
و لا تخصني نهائيا
و الله زي ما بقولك
و لا أثرت عليا ولا الكلام ده كله
انا بس بطرح قضية في القسم العام
المذيع في برامج التوك شو لما يطرح موضوع للمناقشة
او مشكلة مطلوب نقاشها و طرح حلول لها
مش شرط يكون عاشها
و بالتالي هيا مش حاجة مسيطرة عليا لدرجة الجنان يعني
لا و الله
انا يمكن حبيت بس نناقش موضوعات اجتماعية مش سياسية
بس برضه
عايز اقول لحضرتك
ان دي مشكلة قائمة في بيوت كتير
طبعا التعميم انا بأيدك انه غير مقبول
انا في ردودي اللي فاتت بهرج طبعا
بما ان الموضوع خفيف

بس فعلا دي مشكلة منتشرة
و مش قليلة
و مش هقولك في كل البيوت... لا طبعا

فبعيدا عن تاثيرها علي حياتنا الشخصية
مجرد بس بندورلها علي حل
مجرد بس بنطرحها للنقاش
و بنسأل
هل ده حب و لا لا ؟؟
هل التسلط حب؟
ام انه يقتل الحب ؟

محمود عبدالمجيد مرزبان

01-01-2012, 09:16 PM

شريف

01-01-2012, 09:22 PM

انا بعد اذنكم هستاذن ولي عودة مع كل الاحبة ان شاء الله

اتفضل يا مسيو
ترجعلنا بالف سلامة ان شاء الله
نورتنا والله

شريف

01-01-2012, 09:25 PM

لا طبعا الشكل الاوفر ده هيخلى الموضوع سجن وسجان
انا بتكلم على الاهتمام الحلو مش العادى العادى ده بتاع كل الناس
انما فى نوع من الاهتمام المميز بس زى ماقلت لك متوقف على شكل الاهتمام ده
ووقت تقديمه وتقبل الطرف الاخر ليه
وطبعا مازاد عن حده انقلب الى ضده

بالظبط الله يفتح عليكي
و هوا ده اللي بقوله
طبعا الاهتمام الجميل المتوازن مطلوب جدا
بل ان الواحد منا قد يشعر انه ليس علي قيد الحياة
اذا فقد اهتمام الطرف الثاني به

لكن اهتمام عن اهتمام يفرق
او بمعني ادق
هناك اهتمام
و هناك تسلط
و بينهما شعرة
لا تري حتي بالعين المجردة

شريف

01-01-2012, 09:29 PM

الأستاذ الفاضل أ / شريف راغب

كل عام وسيادتكم بألف خير وجميع الأخوة الأفاضل بكل خير
بمناسبة العام الجديد

أعاده الله علي مصرنا الحبيبة بالأمن والإستقرار اللهم آآميين

أستاذنتا الفاضل

كل الذي تحدثت عنه طبيعي جداً والسبب الرئيسي فيه هو الفراغ

وهي ديتها عيلين تلاته وسوف تنقلب الآية

سوف تبحث عن كل هذه الأسئلة لما سوف تلاقيه من فراغ عاطفي بعد إنشغال أم العيال بتربية أولادها

ههههههه

كل عام وسيادتكم بخير

هههههههههههههه
تعرف يا استاذ محمود

هتصدقني لو قولتلك ان ده سبب كتابتي للموضوع ده ؟
سبب كتابتي للموضوع
اني اشوف الناس الحلوة اللي زي حضرتك و زي مسيو وليد
لاحظت ان الموضوعات الاجتماعية
هيا اللي بتخلينا نشوف احبابنا و يطلوا علينا
يمكن عشان الموضوعات السياسية الكتيرة بقا دمها تقيل
عشان كده ... قلت اكتب في حاجة تانية
تخلي الحبايب يهلوا
و الحبايب فعلا هلوا
نورت الدنيا يا استاذنا
و مفتقدينك جدا
جدا
جدا

نتمني عدم غيابك عن المنتدي
و ربنا يطمنا عليك دايما
تسلم ايدك

محمود عبدالمجيد مرزبان

01-01-2012, 09:35 PM

بارك الله فيك أخي الكريم

اشكر سيادتكم علي هذا الشعور الطيب والمتبادل

وربنا يجمعنا علي خير

اللهم آآآمين

دعاء شديد

01-01-2012, 09:40 PM

والله انا تعبت من المناقشه واعدت اتفرج
بس الفرجه طلعت حلوه والله
لان الواحد بيركز فيفهم

مارسى يا شريف ع الموضوع

ومتحرمناش من موضوعات اللاسياسيه

شريف

01-01-2012, 09:42 PM

والله انا تعبت من المناقشه واعدت اتفرج
بس الفرجه طلعت حلوه والله
لان الواحد بيركز فيفهم

مارسى يا شريف ع الموضوع

ومتحرمناش من موضوعات اللاسياسيه

العفو حضرتك
ده من ذوقك
و منتظرين منك موضوع لا سياسي علي ذوقك بقا

Nm100

01-01-2012, 11:57 PM

مستر شريف مصري أصيل
يوم يكون هادي وراضي يشكر في الستات وناقص يكتب فيهم شعر
ويوم يبقوا حاجة فظيعة مريعة
ليه بس كده يا مستر
هي دي الطبيعة الانسانية لكل البشر ولازم نتقبلها
ودي ضريبة الحب

دعاء شديد

02-01-2012, 12:38 AM

You can see links before reply
ههههههههههههههههههههههه
انا مين انا ليه انا فين
اول مشفتهم
قلت اجيبهم هنا

اما دول
You can see links before reply
دماااااغ
ولا كأنهم عملوا حاجه
ابرياء والله
ههههههههههههههههههههه

شريف

02-01-2012, 04:30 PM

مستر شريف مصري أصيل
يوم يكون هادي وراضي يشكر في الستات وناقص يكتب فيهم شعر
ويوم يبقوا حاجة فظيعة مريعة
ليه بس كده يا مستر
هي دي الطبيعة الانسانية لكل البشر ولازم نتقبلها
ودي ضريبة الحب

عارفة ليه كل يوم انا برأي ؟؟؟
عشان الستات كل يوم بشخصية :)

بختلف معاكي في موضوع الطبيعة الانسانية دي معلش
طيب ما في ستات زي الفل معندهمش مشكلة الزن دي
و لا مشكلة التسلط
و دول بشر برضه
و دي طبيعة بشرية تانية برضه
ليه مايكونوش هما النموذج و القدوة؟

لا لا ... مش مبرر ده يا استاذتنا

و ليه اصلا يكون للحب ضريبة ؟
هوا بطرس غالي داخل في الحب كمان و فارض ضريبة ؟؟
ههههههههههههه

مش عارف الانسان المصري ده مكتوب عليه يدفع ضرايب

انا رايي الشخصي
ان الانسان المصري مش مستحمل
روحه دايما في مناخيره
يبقا الحب الحقيقي ... هو الحب اللي يريح الانسان ده نفسيا
و يؤدي بيه لطريق السلامة
مش لطريق المشاكل و الزن و الخناق و التسلط و الندامة

هستفيد انا ايه بحب و اهتمام يرفع لي ضغطي
و ييعييني و يتعبني و يبوظ اعصابي؟؟؟

لا ... الراجل بقا في الحالة دي ارحم له يتجوز واحدة عادية
مش بتحبه حب رهيب يعني
و عاقلة ... تريحه
و طز في الحب اللي بالشكل ده

ده اذا كان حب أصلا

طبعا ده راي شخصي
و اكيد بحترم اراء الجميع

شريف

02-01-2012, 04:32 PM

Mr. Ali

02-01-2012, 05:01 PM

احنا في زمن ... يدوبك اعصابك تتحمل فيه الدنيا و الشغل و الحياة
تيجي مراتك او حبيبتك تضيع لك اللي باقي من اعصابك ؟؟؟

وهي مش لها نصيب في الأعصاب دي ؟!

بإختصار شديد
الرجل هو المسئول .
بإستطاعة الرجل من البداية أن يضع ملامح للحياة الزوجية ويجعل زوجته تلتزم بها , وفي بعض الأحيان لابد وأن يكون حازماً وحاسماً معها خاصة في الأمور التي تسبب له ضيق شديد ( خنقة ) . بالطبع سيواجه صعوبات ومشاكل في البداية , ولكنه سيرتاح كثيراً بعد ذلك . وهي أيضاً ستستريح .
أما رعونة الرجل هي أحد الأسباب الهامة لنشوب مشاكل كبيرة بينه وبين زوجته إذا ما اعتادت زوجته علي أمر ما , ثم اعترض هو عليه بعد ذلك .
هي القطط خلصت ولا ايه ؟!!!
مبقاش حد بيدبح القطة خالص ؟!!

شكراً علي هذا الموضوع .
تقبل مروري .

شريف

02-01-2012, 07:50 PM

وهي مش لها نصيب في الأعصاب دي ؟!

بإختصار شديد
الرجل هو المسئول .
بإستطاعة الرجل من البداية أن يضع ملامح للحياة الزوجية ويجعل زوجته تلتزم بها , وفي بعض الأحيان لابد وأن يكون حازماً وحاسماً معها خاصة في الأمور التي تسبب له ضيق شديد ( خنقة ) . بالطبع سيواجه صعوبات ومشاكل في البداية , ولكنه سيرتاح كثيراً بعد ذلك . وهي أيضاً ستستريح .
أما رعونة الرجل هي أحد الأسباب الهامة لنشوب مشاكل كبيرة بينه وبين زوجته إذا ما اعتادت زوجته علي أمر ما , ثم اعترض هو عليه بعد ذلك .
هي القطط خلصت ولا ايه ؟!!!
مبقاش حد بيدبح القطة خالص ؟!!

شكراً علي هذا الموضوع .
تقبل مروري .

ايه يا استاذ علي
انت معانا و لا معاهم ؟؟

حبيبه المصريه

02-01-2012, 08:01 PM

هههههههههههههههه
علي فكرة

انا ممكن احلفلك علي مصحف
ان المشكلة دي مش مشكلة شخصية
و لا ليا علاقة بيها
و لا تخصني نهائيا
و الله زي ما بقولك
و لا أثرت عليا ولا الكلام ده كله
انا بس بطرح قضية في القسم العام

طيب الحمد لله إن المشكله بعيده عننا كلنا
أنا كمان طرحت وجهة نظرى فيها
وفى نقطة التأثر بنصائح الأخرين
مش كل واحد يقول نصيحه نسمعها
ومش اى حد نسمع منه الله اعلم بنفوس البشر
كثير بحاجه لتنقيه الا من رحم ربى
لازم نختار صاحب القلب النقى وعاقل
ويتقى الله فى نصيحته مش نصيحة خراب
أصل فكرتنى الجزئيه دى من موضوع حضرتك
بموقف زميله عادتها تحكى لاى حد
وتشكى من زوجها
وكانت مره فى عيادة بتكشف على ابنها
ولأنها بتشكى لاى حد تقابله
معرفش قالت ايه عن حياتها
لشخص غريب اصلا هو كمان هيكشف على ابنه
راح الراجل نصحها بإيه ؟؟؟
ارفعى قضية خلع
طبعا ذهلت لما قالتلى الجمله دى
خليتنى اقولها انتى قولتى ايه اصلا خلاه يقولك كده
طبعا فى نصايح تخرب الدنيا
عشان كده أنا ضد
إننا نحكى أمورنا الشخصيه لاى حد
لازم نختار مين نحكيله
والاصح إننا نحتفظ بيها لنفسنا
وان كان الامر محتاج مشوره يبقى نختار
حد عاقل وطيب النفس وموثوق من نصيحته

موضوع حضرتك إدانى فكره لموضوع
نناقش فيه قضايا حياتيه
بس هطرحها من الجانب الآخر
إن شاء الله أنزله قريب
شكرا لحضرتك

شريف

02-01-2012, 08:09 PM

ولأنها بتشكى لاى حد تقابله

إننا نحكى أمورنا الشخصيه لاى حد

يا استاذة حبيبة
انا مش بشكي
و لا ده موضوع شخصي والله

يمكن حماسي في كتابة الموضوعات
أوحي لك بكده
بس ده اسلوبي
ببقا متقمص الشخصية زي ما بيقولوا
لكن مالهاش علاقة بيا و لا بحياتي والله

و انا يا ستي هلغي نوعية الموضوعات دي خالص
أوعدك
و نتكلم عن مصر أفضل

حبيبه المصريه

02-01-2012, 08:22 PM

بالعكس يا مستر
حضرتك مفهمتنيش
أنا مش بلوم حضرتك فى الموضوع خالص
بالعكس أنا بلوم عامة على سلوك
اننا نحكى عن امورنا الشخصيه لاى حد
أنا كمان بقدم رأيى بوجه عام والله
بالعكس
ممكن محاوراتنا فى الموضوع
يفيد حد تانى خالص بيتابع
لعل المشكله عنده
مادام كل اللى هنا ناس عاقله جدااااا
بس حضرتك متتوقعش انك تدخل عرين الاسد
بموضوع الزواج التانى وتطلع سليم
الموضوع ده شائك جدااااا جداااااا
والله أنا تعليقى فى الموضوع مش على حضرتك خالص
أنا ساعات بيلفت انتباهى نقاط معينه
بتكلم فيها من باب انها مفاتيح المشكله
ومش معنى كده اننا نفضل ننزل موضوعات عن مصر بس
اكيد مصر فى قلبنا وفى بالنا طول الوقت
لكن اكيد محتاجين نناقش موضوعات حياتيه
وأنا شخصيا نزلت موضوع امبارح فى العام
ملهوش علاقه خالص بمصر
بالعكس موضوع حضرتك اوحالى بفكرة موضوع
مرضيتش انزله النهارده عشان منعملش زخم للقسم العام
وكل موضوع ياخد حقه تبعا لقلم صاحبه المميز
واكيد يشرفنى حضرتك تدلو بدلوك فيه معانا
لما ينزل للنقاش
وعموما لو حصل سوء فهم لحضرتك من رأيى
أنا بوضح أنه رأى عام
ملهوش علاقه بشخص حضرتك خالص والله
أتمنى تكون الصوره وضحت