بين غسيل الاموال وغسيل الشخصيات

[دعاء شديد]

بين غسيل الاموال وغسيل الشخصيات
اسئله تحتاج لاجابات

فى العهد السابق كان قد تفشى موضوع "غسيل الاموال"
ولا يخفى على احد ان تلك الاموال كان مصدرها مشبوه ويلجأ اصحابها لمشاركه بعض الاشخاص الذين يرتدون "قناع" الشرف والاستقامه والعمل الجاد من اجل مصلحة "البلد"
وكانت كلمه السر "مصلحة البلد"
وعانينا الكثير من الاسماء التى لمعت من جراء اشتغالها "بغسيل الأموال"
افسد هؤلاء الحياة الاقتصاديه للبلد والحياة السياسيه ايضا
اما الأن فظهرت فئة جديده تسعى لعمل "غسيل الشخصيات"
شخصيات كان ماضيها به ما به من احداث
شخصيات لا هدف لها يحركها تيار العيشه كما يحلو لها
"واعنى انها عيشه وليست حياة"
شخصيات لا كيان لها ولا تشعر بأهميه وجودها فى الدنيا
وجدت الفرصه سانحه كى "تغسل شخصياتها"
لتعطيها شرعيه البقاء من عدم
اصبح ميدان التحرير بمثابه شركات غسيل الأموال ... للبعض
(((فأنا ابغض التعميم)))
فمن يمر من الميدان "ثورجى مناضل صاحب قضيه"
مشهد كوميدى ساخر يذكرنى كلما سمعت احدهم او سمعت عن احدهم
بفيلم اسماعيل ياسين فى البحريه
كانت زينات صدقى طول الفيلم تمثل الزوجه القويه المتجبره
وعبد الوارث عسر الزوج المغلوب على امره المطيع الخاضع
حتى تأتى الفوقه بدون مقدمات فى آخر لقطه فى الفيلم
هههههههههه ويصفعها قلم وتعلو كلمته
يا الله انها كوميديا سوداء
تضحكك حتى البكاء
تلك اللقطه كنا نراها ونضحك لكننا لم نتوقف عندها
ولو ركزنا فيها لوجدنا
انه لم يكن هناك اى سبب منطقى للخضوع
وبالتالى ليس هناك سبب منطقى للثورة

لست اناقش الثورة
ولكنى اناقش ماهية اسماء لمعت من خلالها
اسماء فجأه اصحبت من ملاك القضيه
صاحب القضيه يا هذا له ملامح
اختلف معه او اتفق لكنه له مواقف وصوت
انما
ليس شخص اشترى اسهم فى قضيه وطن
بل هو صاحب القضيه بحق
هو من تكبد معاناه الدفاع عنها
صاحب القضيه ليس ذا يد ناعمه وعقل مترف
اتركوا القضيه لاصحابها يا اصحاب
"الشخصيات المغسوله"
واقولها لهم مدويه
مصر ليست زينات صدقى وانتم لستوا عبد الوارث عسر
:confused:
انت
هل صادفك شخصيه من هؤلاء؟
احكى وهنتناقش
اختلف او اتفق المهم نتناقش مش نتخانق
ههههههههههههههههه

[شريف]

طبع بشرى دفين داخل كل منا !
بنسب متفاوتة
أن يحاول أحدهم أن يخلع عباءة ماضيه الملوث
بمجرد أن تسنح الفرصة كى يرتدى ثوب البراءة
و يتزين برداء الطهارة و نظافة اليد
و ماضيه الملوث هنا تعني : أخطاء و سقطات الماضى
مهما كانت بسيطة
فكل منا بعد الثورة ( في عقله الباطن )
يريد أن يقول : أنه لم يكن سببا فيما حدث لمصر
طوال ثلاثين عاما
و الحقيقة العارية التي يحاول الجميع الالتفاف حولها
و إخفاءها : أن الكل مسئول و الكل ملام و الكل ((( ملطوط )))
لذا و علي وزن شعار الداخلية ((( ابحث مع الشرطة )))
ظهرت العديد من الشعارات أبرزها ((( أركب مع الثورة !! )))
أؤمن أنه ليس عاراً أن يغتسل أحدنا في نهر الصدق مع النفس
مع الاعتراف بأخطائه و الندم عليها و (( التغير الحقيقي ))
حتي علي صعيد العمل السياسي
لكن العار كل العار ... أن يزعم أحد قاطنى مخيمات التحرير
أو غيرهم من مرتادي التوك شو
أنه يأخذ (( شاور )) عشر مرات في اليوم
فهو أطهر من عرفت الثورة
في حين أن الماء و الشامبو و الصابون لن تجدي معه نفعا
فهو قذر كما كان ماضيه القذر لم يتغير فيه شئ
و الأمثلة كثيرة جدا أكثر من أن يتم حصرها
أستطيع أن أؤكد لك ... أن معظم من هم على الساحة السياسية
و يعتلون خشبة مسرح الثورة و يمارسون دور ا تمثيليلا مفضوحا في مسلسل
سخيف عن الوطنية و استئثار الوطن علي النفس ...
هم في الغالب أصحاب مصالح
و طموحات سلطوية و مادية لا سقف لها
و لكن _ و لأنى أتفق معكِ فى قضية عدم التعميم_
أستطيع أن أذكر لكِ بالاسم
أشخاصا و جماعات مناضلين كما ينبغي أن يكون النضال السياسي
من أجل تغيير الفساد و القضاء عليه
لم ينافقوا و لم يتغيروا
و أُذوا و عُذّبوا في السجون و كادت حياتهم أن تنتهي
لم يقبلوا الايادي و لم يكونوا شركاء في مشروع خيانة البلد
و بيعه بأبخس الأثمان ...
هؤلاء أعرف منهم الكثير من الصادقين
و لكن للأسف
الاكتساح الآن لأصحاب الأقنعة

محتاجين موضوعاتك بشدة يا دعاء
فهي بكل حرفية تخرج ما بنا
من أصوات محشرجة مكتومة تبتغي الصراخ

أغبطك علي اسلوب كتابتك
و أندهش
لماذا لم تكتب دعاء شديد في جريدة او مجلة إلي الان ؟
الحس الادبي في الكتابة عندك ما شاء الله
بتكتبي بنفس اسلوب الكتاب الكبار المحترفين

و أنا في رأيي ... أن كل من يجيد التعبير
عما بداخله بصدق ... هو كاتب مميز

[جمال سراج]

أهلا أهلا بالفكر الرائع
شوفى يا دعاء هقول رأيى الشخصى مع احترامى لكل الآراء
أولا حابب أقول أن الثورة المصرية ( 25 يناير ) لم يخطط لها شعب مصر ... لكنها إرادة الله تعالى لهذا الشعب العظيم أن يتحرر من عهود الإستبداد والظلم الذى طالما عانى منهم لسنوات طويلة .
ثانيا على حد معلوماتى وثقافتى أستطيع أن أدعى أن ما يسمى بالربيع العربى أو الثورات العربية ضد الحكام المستبدين وما أكثرهم ... رحل منهم من رحل وبقى من بقى لتكون الدائرة عليهم بإذن الله ... ربما يكون مخطط لهذا الربيع العربى من أمريكا وغيرها من دول الغرب مثل فرنسا بالذات التى تغلغلت فى ليبيا بصورة كبيرة وأيضا فى السودان بدعمها للجنوب النصرانى ومحاولتها المستميتة بمساعدة الموساد الاسرائيلى لتقسيم شمال السودان لدولتين احدهما بدارفور
وكذلك بريطانيا وروسها وغيرها من الدول
برأيى أن هذه الدول قد تبارك الربيع العربى ليس حبا أو عشان سواد عيون العرب ولكن طمعا فى ثرواته ولجذب الغرب لهذه الدول عن طريق استثمارات رهيبة لصالح هذه الدول الاستعمراية وكذا السيطرة على مصادر الطاقة الغنية بها هذه الدول
ومن هنا تدركون المسلسل الزمنى للأحداث
بدأوا بالعراق التى كانت غنية وقوية وفككوها وحطموها ولا يزالون
ثم ليبيا ومصر والسودان وهذه دول غنية ايضا ولديها منابع مياه تسعى امريكا للسيطرة عليها بالتعاون مع اثيوبيا بمساعدة اسرائيل
والأن اليمن وسوريا وأعتقد أن الغرب ربما يستطيع القضاء على نظام الأسد فى يوم وليلة ولكن هو دائما يبدأ بالأولى فالأولى

المهم ... فى ثورة مصر هذه وبتوفيق الله قام أبطال بالثورة ثم عادوا أدراجهم لأعمالهم ومصالحهم
بينما لمعت شخصيات وعقول تافهة وحركات ليبرالية مشبوهة بدعم من الغرب
كلنا عارفين الناس دى وبصراحة هم من التفاهة إنى أذكرهم لأن فى ذكرهم ربما يكون تقدير لدورهم الهمجى السافر والمدعوم ماليا ومعنويا من الغرب سواء بالأموال أو بالسفريات كل شوية .. اشى لامريكا واشى لبولندا لحضور ندوات ولقاءات وعملولى فيها سياسيين وهما أصلا تافهين
المهم دورنا مهم فى تهميش هذه العقول التافهة الواهية وعدم تقديرهم
بالعربى يعنى ما نعبرهمش ... بل إن المفروض نديهم بالجزمة وعاجبنى رأى المستشار مرتضى منصور بجد فيهم رغم أنى قد لا أتفق معاه طبعا فى حاجات تانية
حابب أقول إننا لازم نعرف كدا ولازم نخطط احنا لافشال مخطط أمريكا والغرب
لتدمير مصر والعرب بطرق عديدة منها الحاصل الآن بتخويف المصريين من الإسلاميين مثلا
لذا يجب أن يتنبه الجميع لذلك وأن يتخلى الجميع عن الحزب أو الجماعة أو التيار لنكون جميعا مصريين واعيين ويقدم الناجحون فى الإنتخابات الحاصلة الآن برامج اقتصادية واجتماعية لرفع مستوى المعيشة للافراد وتشجيع ودعم الاستثمار وبناء علاقات متوازنة مع كل الدول والاهتمام بالجوهر لا بالمنظر
الاسلام مش دقن وجلابية قصيرة ونقاب أو خمار بس
الاسلام معاملات وسلوك وقيم وعمل ... صحيح المظهر مهم جدا بس لا يكون على حساب الجوهر أصلا ... لذا يلزمنا التروى والتعقل والاتزان
حتى لا تنقلب الآية من جديد من حزب وطنى منحل إلى حزب وطنى جديد سينحل أيضا بعد أن يفقد تعاطف ودعم الشعب كله

لا ننسى أن أمريكا كانت تدعم نظام صدام حسين فى العراق وهى التى أوحت إليه بغزو الكويت ثم انقلبت عليه
لا ننسى أنها كانت تدعم نظام مبارك بمصر أيضا وانقلبت عليه أيضا
وهكذا
مصالحهم فقط
يجب أن نعد العدة بالعمل والإتحاد والتضامن
مصر تعنى كل المصريين
مصر تعنى أخلاق الإسلام ومظهر الإسلام وسلوك الإسلام
مصر تعنى إحتضان النصارى فى وطن واحد يضم كل المصريين وليس أقلية وأكثرية
مصر العقل الراجح والفكر المستنير

شكرا دعاء
معلش بقا ... أتمنى يكون كلامى رد على موضوعك
أو له صلة بموضوعك من قريب أو بعيد
أعتقد كلنا بنحب مصر قوى وخايفين عليها وعاوزينها تعود جنة الله فى الأرض كما كانت ... بس مش زى أيام مبارك أو حتى اللى قبله أو اللى قبله
عاوزينها تكون قوية أبية بفضل سواعد كل المصريين وبفضل الإمكانات الرهيبة اللى حباها بها ربنا واللى بيسرقوا فيها حكامها من أيام الفراعنة ولسة بردو فيها خير كتير!!!!!!!!!!!!!!!!!!!!!!!!!!!

كونوا بخير ... لأكون

[زهره المدائن]

السلام عليكم ورحمةالله وبركاته
في البداية طبعا كالعادة موضوع وفكرة اكثر من رائعه
احييكي عليها
بالتأكيد مش هقدر اشرح الموضوع كاساتذتي الافاضل
مستر شريف ومستر جمال
لكن بفكر مصرية بسيطة عاشت في البلد دي
وشافت فيها كتيييييييييييييييييييييييير اوي
زي شباب كتير في سني او اكبر مني او اصغر
اي حاجه بتحصل في مصر بتلاقي مجموعه واقفه في جنب بتنتظر ايه اللي هيحصل والامور هتستقر علي ايه
وبعدها تركب الموجه يعني بالبلدي بتمشي مع الكافه الرابحة
ودي منها امثلة كتير لا تعد ولا تحصي
وديما بنقابلها شبة يومية في الشارع في شغلك في اي مكان
بس والله رغم كل النماذج دي مصر لسه بخير ولسه فيها ناس خايفه عليها
وعايزها تكون احسن واحسن
معذرة يا دكتورة كلنا نحتاج لغسيل ارواحنا لاننا جميعا بشر
مين فينا اللي مش بيغلط وفي لحظه عايز يغير من نفسه
لكن فيه اخطاء كبيرة ولا مليون غسيل ولا شور يقدر يزلها

[نوسه الملحوسه]

غسيل ايه بس يا استاذه دعاء

طب مش تندهيلي اخده معاكي فمين ياختي والجيران لبعضيها برضك




لا والاستاذ شريف كمان بيقوللك الحقيقه عاريه
سايباها كده عاريه يا مفتريه You can see links before reply (You can see links before reply)

طب مش حرام عليكي كده تسيبيها تنشف في البرد دهYou can see links before reply (You can see links before reply)

اديها حاجه تلبسها علي مالغسيل ينشف


ويجعله عااااااااااااااامرYou can see links before reply (You can see links before reply)

[شريف]

لا والاستاذ شريف كمان بيقوللك الحقيقه عاريه
سايباها كده عاريه يا مفتريه You can see links before reply (You can see links before reply)

طب مش حرام عليكي كده تسيبيها تنشف في البرد دهYou can see links before reply (You can see links before reply)

اديها حاجه تلبسها علي مالغسيل ينشف


ويجعله عااااااااااااااامرYou can see links before reply (You can see links before reply)


و الله يا مازمازيل نوسه
لا انا و لا دعاء لينا ذنب في الموضوع ده

ياما حاولت اقنع الحقيقة انها تستر نفسها
و ياما نصحتها ... ان البرد مابيخليش
و الشباب دلوقتي هما اللي بيقعوا :patch_balon:

مافيش فايدة
يلا ... تولع بقا احنا مالنا

[نوره فوزي]

السلام عليكم ورحمة الله وبركاته....

ف الأول طبعاً عايزة اسلم عليكي وعلى كل الأعضاء اللي افتقدتهم...

ثانياً:

من رأيي المتواضع ان جوا كل انسان غسالة !!بيغسل بيها اخطائه وبيحاول يخفيها وقت ما تبان..والموضوع ده ف كل الناس منذ طفولتهم

زي مثلا لما الطفل يعمل حاجة غلط بيحاول يداريها او يلهي مامته عنها عشان ما تكتشفش الموضوع

والغسالة دي بتكبر مع البني آدم كل ما بيكبر..بس بتختلف نوعها بقى من شخص لآخر حسباً لمقدار الضمير اللي جواه!!

وقياساً على ذلك الناس في كل المجالات..

وطبعاً مش حاجة وحشه ان الانسان يبقى عايز انه يكون في مظهر مثالي أقرب للكمال..لكن الوحاشه انه يرمي بلاه ع الناس

ويتنكر من سيئته على حساب انه يلبسها في حد تاني..والاعتراف بالذنب فضيلة لكن للأسف ناس كتير بقت مستعدة تعمل اي حاجة وتضحي بأي حد في سبيل انها تطلع زي الشعرة من العجينة..!!

الرخم بقى ف الموضوع كله..انك تلاقي حد كان منحاز لفكرة معينة أو شخصية معينة..وبعد ما غيرها هوا اللي يعلو تلاقيه ولا كأنه قال حاجة!!
ويفضل يمجد ف الحاجة اللي كان ف يوم بيستحقرها..!!

زي بالضبط الناس اللي ركبت الثورة..

م الآخر:



You can see links before reply 979155_n.jpg

هل صادفك شخصيه من هؤلاء؟


للأسف صادفت كتيييييييييييير بخلاف اللي بشوفهم كل يوم ف التلفزيون

بس بلاش أحكي بقى;);););)


وحمد الله ع السلامة المنتدى نور..

:6:

[نعمه محمود]

احييكى بشدة على موضوعك واختياره وأناقته
قام البعض ( وهم كُثر) بعمل غسيل وكى لشخصياتهم
بعد الثورة ولا أقصد بعملية الغسيل هذه تدارك أخطائهم السابقة
ولكنى أقصد عملية التبييض والتنفيض التى قاموا بها لينفضوا عن انفسهم خطايا الماضى الملوث
ويلصقوا ذنوبهم فقط بالآخرين ويظهرون لنا وكأنهم حملان وديعه
وهم من الغباء بحيث يتصورون أننا قد فقدنا الذاكرة لننسي من كانو وكيف اصبحو
والقضية ليست فى تطهرهم من ذنوبهم فذلك شيء محمود
بل القضية والعيب كل العيب فى أن ينكروا أنهم كانوا جزء من منظومة الفساد وعلى أغلب الأحوال استفادوا منها
اعطيكى مثال
لميس الحديدى
كانت المنسقة لحملة انتخاب الرئيس مبارك عام 2005
11960

You can see links before reply 41_n.jpg


وكذلك مجدى الجلاد

You can see links before reply


وغيرهم الكثير والكثير

[Nm100]

يااااااااااااااه يادعاءمنورة الدنيا كلها
بقى نهون عليكي المدة دى كلها تحرمينا من مواضيعك الجبارة دي

موضوع الغسيل دا بقى هو اللى مجنني
لانهم مش بيتخلصوا من قاذوراتهم بل يخفونها فقط
وللا سف هناك من ينخدع بهذه الشخصيات
وهناك من هو أسوأ من يعرف الحقيقة ولكنه يتعامل معهم وبذلك من الممكن ان يتبعه من العامة من لايعرف شيئا ظنا منه ان تعامل الاخرين معهم قد أعطاهم الشرعية وانهم اصحاب حق يدافعون عنه ويختلط الحابل بالنابل وتتوه الحقيقة في الزحام

تسلمي يا دعاء على الموضوع الرائع

[دعاء شديد]

طبع بشرى دفين داخل كل منا !
بنسب متفاوتة
أن يحاول أحدهم أن يخلع عباءة ماضيه الملوث
بمجرد أن تسنح الفرصة كى يرتدى ثوب البراءة
و يتزين برداء الطهارة و نظافة اليد
و ماضيه الملوث هنا تعني : أخطاء و سقطات الماضى
مهما كانت بسيطة
فكل منا بعد الثورة ( في عقله الباطن )
يريد أن يقول : أنه لم يكن سببا فيما حدث لمصر
طوال ثلاثين عاما
و الحقيقة العارية التي يحاول الجميع الالتفاف حولها
و إخفاءها : أن الكل مسئول و الكل ملام و الكل ((( ملطوط )))
لذا و علي وزن شعار الداخلية ((( ابحث مع الشرطة )))
ظهرت العديد من الشعارات أبرزها ((( أركب مع الثورة !! )))
أؤمن أنه ليس عاراً أن يغتسل أحدنا في نهر الصدق مع النفس
مع الاعتراف بأخطائه و الندم عليها و (( التغير الحقيقي ))
حتي علي صعيد العمل السياسي
لكن العار كل العار ... أن يزعم أحد قاطنى مخيمات التحرير
أو غيرهم من مرتادي التوك شو
أنه يأخذ (( شاور )) عشر مرات في اليوم
فهو أطهر من عرفت الثورة
في حين أن الماء و الشامبو و الصابون لن تجدي معه نفعا
فهو قذر كما كان ماضيه القذر لم يتغير فيه شئ
و الأمثلة كثيرة جدا أكثر من أن يتم حصرها
أستطيع أن أؤكد لك ... أن معظم من هم على الساحة السياسية
و يعتلون خشبة مسرح الثورة و يمارسون دور ا تمثيليلا مفضوحا في مسلسل
سخيف عن الوطنية و استئثار الوطن علي النفس ...
هم في الغالب أصحاب مصالح
و طموحات سلطوية و مادية لا سقف لها
و لكن _ و لأنى أتفق معكِ فى قضية عدم التعميم_
أستطيع أن أذكر لكِ بالاسم
أشخاصا و جماعات مناضلين كما ينبغي أن يكون النضال السياسي
من أجل تغيير الفساد و القضاء عليه
لم ينافقوا و لم يتغيروا
و أُذوا و عُذّبوا في السجون و كادت حياتهم أن تنتهي
لم يقبلوا الايادي و لم يكونوا شركاء في مشروع خيانة البلد
و بيعه بأبخس الأثمان ...
هؤلاء أعرف منهم الكثير من الصادقين
و لكن للأسف
الاكتساح الآن لأصحاب الأقنعة

محتاجين موضوعاتك بشدة يا دعاء
فهي بكل حرفية تخرج ما بنا
من أصوات محشرجة مكتومة تبتغي الصراخ
عند حق يا شريف
فلن ينضف هؤلاء طالما نواياهم الحبيثه
لا يستطيعون كبح جماحها واخفاء ما بها من شر
وللاسف كلما يمر وقت يطفو على السطح بشر
غريبه الملامح حتى ان اشكالهم تزداد قبحا
انعكاسا لما بداخلهم
وكأن الله اراد ان تطول تلك الفتره لتسقط القنعه
وتظهر النوايا حتى لا ينخدع احد فى اصحاب
الخطب العصماء ذات الكلام الفخم الضخم
الخاوى من الصدق
:24:
ميرسى جدا على ردك
الشارح للموضع بشكل ابسط وايسر بكثير

[دعاء شديد]

شكرا دعاء
معلش بقا ... أتمنى يكون كلامى رد على موضوعك
أو له صلة بموضوعك من قريب أو بعيد
أعتقد كلنا بنحب مصر قوى وخايفين عليها وعاوزينها تعود جنة الله فى الأرض كما كانت ... بس مش زى أيام مبارك أو حتى اللى قبله أو اللى قبله
عاوزينها تكون قوية أبية بفضل سواعد كل المصريين وبفضل الإمكانات الرهيبة اللى حباها بها ربنا واللى بيسرقوا فيها حكامها من أيام الفراعنة ولسة بردو فيها خير كتير!!!!!!!!!!!!!!!!!!!!!!!!!!!
كونوابخير ... لأكون
رد حضرتك يعد الوجه الآخر لموضوعى
فالقضيه لها وجوه كثيره
ومهم جدا ان تكون الاراء والردود اما موضحه للفكره
او مكمله لها او معارضه
المهم ان يكون الكلام عقلانى ومتزن
ويعبر عن راي صاحبه
وليس ترديد لكلام الآخرين
:24:
ميرسى على الرد
ذو الصله الوثيقه بالموضوع

[جهاد 2000]

موضوعك فوق الرائع يادعاء

سلمت يداك وسدد رب الكون خطاك .

[دعاء شديد]

السلام عليكم ورحمةالله وبركاته
في البداية طبعا كالعادة موضوع وفكرة اكثر من رائعه
احييكي عليها
بالتأكيد مش هقدر اشرح الموضوع كاساتذتي الافاضل
مستر شريف ومستر جمال
لكن بفكر مصرية بسيطة عاشت في البلد دي
وشافت فيها كتيييييييييييييييييييييييير اوي
زي شباب كتير في سني او اكبر مني او اصغر
اي حاجه بتحصل في مصر بتلاقي مجموعه واقفه في جنب بتنتظر ايه اللي هيحصل والامور هتستقر علي ايه
وبعدها تركب الموجه يعني بالبلدي بتمشي مع الكافه الرابحة
ودي منها امثلة كتير لا تعد ولا تحصي
وديما بنقابلها شبة يومية في الشارع في شغلك في اي مكان
بس والله رغم كل النماذج دي مصر لسه بخير ولسه فيها ناس خايفه عليها
وعايزها تكون احسن واحسن
معذرة يا دكتورة كلنا نحتاج لغسيل ارواحنا لاننا جميعا بشر
مين فينا اللي مش بيغلط وفي لحظه عايز يغير من نفسه
لكن فيه اخطاء كبيرة ولا مليون غسيل ولا شور يقدر يزلها



طبعا يا زهره كلنا نحتاج لغسيل ارواحنا
لكن ما قصدته هو ما وصفه عنوان الموضوع
او بمعنى ادق التشبيه بـ "غسيل الأموال"
وكنت اعنى هذا بحق
فالاموال المغسوله لا فائده من تطهيرها
ولا غسيلها سيمحى اصلها القذر

لكن ما قصدتيه بردك هو غسيل الارواح من اجل
التطهير فعلا وبحق

لكن هذه الشخصيات
هدفها من غسيل شخصيتها تمهيدا
لارتكاب ما اهو اقبح مما كانت عليه سابقا

حينما كتبت الموضوع كان امامى نماذج بعينها

احترم جدا وجهة نظرك
ووضحت وجهة نظرى
والاختلاف فى وجهات النظر
عااااااااااااادى
وفى انتظار الحوار اذا حبيتى

اه نسيت اقولك
مبحبش كلمه دكتوره
:35:
نورتينى يا قمر

[دعاء شديد]

غسيل ايه بس يا استاذه دعاء
طب مش تندهيلي اخده معاكي فمين ياختي والجيران لبعضيها برضك

لا والاستاذ شريف كمان بيقوللك الحقيقه عاريه
سايباها كده عاريه يا مفتريه [/URL]
طب مش حرام عليكي كده تسيبيها تنشف في البرد ده (You can see links before reply)

اديها حاجه تلبسها علي مالغسيل ينشف

ويجعله عااااااااااااااامر[URL="You can see links before reply"]

ههههههههههههههههه
يعنى ينفع تشغلى الغساله فى موضوعى كده

واجى الاقيه اتقلب لاندرى
هههههههههههههههههه
:patch_cuisin:
ماشى
خدى بالك بقى
علشان اى موضوع هتعمليه
هخليه يشيط وازود الملح وابوظه
بس
:patch_lf:
منورانا يا ننوسه

[نوسه الملحوسه]

ههههههههههههههههه
يعنى ينفع تشغلى الغساله فى موضوعى كده

واجى الاقيه اتقلب لاندرى
هههههههههههههههههه
:patch_cuisin:
ماشى
خدى بالك بقى
علشان اى موضوع هتعمليه
هخليه يشيط وازود الملح وابوظه
بس
:patch_lf:
منورانا يا ننوسه


بقي كده يا استاذه دعاء عاوزه تشيطيلي طبيخي
وانا اللي كنت عاوزه اساعدك في الغسيل المتكوم عليكي ده

ماشي ماشي خليكي فاكراها
عالعموم انتو اللي هاتاكلوه

وقال علي راي المثل اطبخي يا نوسه كلف يا هريدي

[حبيبه المصريه]

جميل طبعا الموضوع
ماهو غسيل الاشخاص لماضيهم بنفسهم
بالظبط دى الشخصيه المتحوله
ماهو لو ندمان على الماضى
وأقر بغلطه و مستعد ان الشعب يحاكمه
عشان يبرأ زمته ويفتح صفحه جديده معاه
كنا قلنا عرفوا غلطهم

لكن بكل استخفاف بعقول البشر
يبرروا اللى فات وكان لازم يبقوا كده
وكان التيار أقوى وبعدين محدش فيكم نبى بقى
واللى فيكم نبى ولا معصوم
يجى يورينى شطارته
يبقى ناس مفيش منها رجى
وتبقى بالظبط مع التيار فى كل إتجاهاته
وعليه مش هينفع معاها مليون مسحوق
لجعلهم ناصعى البياض
وسيظل ماضيهم فى عقل وفكر كل مصرى شريف
وبالتالى قلمهم مشكوك فيه
وأفكارهم وآرائهم محل دراسه

أما بالنسبه للتحرير فأصبح مقياس الوطنيه
اللى نزل التحرير وطنى واللى منزلش عميل
وكأن التحرير هو استماره الهويه
مش بقلل من قيمته
طبعا ميدان شهد دماء شهداء أبرار
ماتوا من أجل مستقبل افضل لمصر
لكن فى كمان ناس ماتت عشان تقول للظلم لا
بس مش فى التحرير
فى ناس اتحاربت عشان بتقول للغلط لا
بس مش فى التحرير
فى ناس كتير فى مصر تستاهل اعظم النياشين
بس خلف الأضواء
موضوع جميل وفكر مميز
سلمتى وسلم مداد قلمك يعطر المنتدى هنا وهناك