اختراع مصري لمقاومة غاز الداخلية ضد الثوار [الأرشيف] - المنتديات التعليمية

جمال سراج

21-11-2011, 08:41 PM

برأيى إن فيه اختراع أهم وهو تحكيم العقل
وزارة الداخلية ايه اللى عاوزين يقتحموها ولا مديريات الأمن
يا جماعة عيب
دى بلدنا
حق التظاهر السلمى مكفول - الداخلية بتقول كدا
بس خليكوا فى الميدان
ومتسمعوش كلام البلطجية المندسين وتهاجموا اخواتنا وولادنا ضباط وعساكر الشرطة
يا ناس عيب ليه نعامل الناس دى وكانها اعدائنا
ليه نرميهم بالطوب او المولوتوف او غيره
عيب يا بشر
هما اسرائيليين ولا يهود يا ناس
المشكلة الناس الناعمة اللى بتقوم الناس فنجرية البق قاعدة تشعلل فيها من بعيد
لازم نحافظ عالبلد
مطالبنا بالذوق نقدمها ونتظاهر ونعتصم بس بلا اتلاف او عنف
بالتاكيد فيه بلطجية مندسة لكن الاغلبية المحترمة مش مفروض ابدا تثور او تسخن نتيجة التهييج من البلطجية دول
لو المجلس العسكرى ساب الحكم الوقتى يسبها لمين
هتقوم حرب اهلية دوغرى
كله عاوز يسيطر
نهيبة وكله عاوز ينهب وعامل فيها وطنى وعضو ائتلاف ثورة
معرفش يعنى ايه
دا منصب سامى يعنى زى مناصب الامم المتحدة
ليه نعامل كل المسؤولين على انهم خونة او فلول!!!!!!!!!
يعنى ايه فلول اصلا !!!!!!!!!!!
هما يهود مثلا كانوا ولا ايه
عندهم اخطاء تتصلح
لينا عندهم حق ناخده بالذوق او حتى بالقوة بس مش من الذوق او حتى الذكاء اننا نهملهم او نعزلهم سياسيا او غيره
ما يدخلوا انتخابات ومحدش ينتخبهم
ليه خايفين انهم يدخلوا تانى
لنفرض انه حد نجح منهم مثلا
يا ترى هتقولوا الانتخابات مزورة
والله حاجة غريبة
كل واحد له طريقة
اشى اخوان
اشى سلفيين
اشى ليبراليين
اشى علمانيين
اشلى
اشى
طب واحنا ايه بقا ان شاء الله
لازم يعنى نتبنى فكر مش عاوزينه عشان نبقى حلويين ولا ايه
رحمتك ببلدنا يارب
يا بشر تعقلوا الامور وبلاش اندفاع
واسلمى يا بلادى

جهاد 2000

23-11-2011, 07:26 PM

من الواضح إن الأستاذ جمال غير متابع للأخبار

الشرطة هى التى بنهاجم الناس وهى التى بتقتل المعتصمين

والموجودين فى شارع محمد محمود بيحاولو منع هجوم الشرطة على

المعتصمين .

الشرطة يا أستاذى قتالت الناس وهم يصلون

الشرطة يا أستاذى قامت بضرب الميت وكسرت له عظامة ولم ترحمة

حتى وهو ميت

الحقيقة واضحة ولكن من يراها ؟

شكراً على المرور .