المساعد الشخصي الرقمي

مشاهدة النسخة كاملة : عاجل : من مصدر عسكرى !!



شريف
20-11-2011, 04:12 AM
عاجل من مصدر عسكري :
سنقوم بتسليم السلطة فورا في نهاية 2012 ...
يعني علي أول 2013 ...
و انت داخل علي 2014 ...
يعني تقريبا علي 2015 كده ...
بالكتير أوي علي 2016 ...
و في أسوأ الظروف ... علي 2020 ...
ده بالكتير اوي يعني ...
فمحدش يقلق يا جماعة ...
احنا مش بتوع سلطة


و سيتم محاكمة كل الفاسدين في النظام السابق
و محاكمة مبارك و أعوانه
علي أول 2013 كده ان شاء الله
بالكتير أوي 2015
يوم ما يضربها الدم ... هيبقا الحكم علي 2026 كده تقريبا

فبرضه محدش يقلق يا جماعة
احنا مش متواطئين مع حد

و خلال فترة وجيزة جدا ... هيختفي تماما الانفلات الامني
يعني ... تقريبا كده مثلا علي السنة الجاية
او اللي بعدها بالكتير اوي
أو علي 2100 علي اقصي تقدير ... عشان يبقا التصريح دقيق

و ان شاء الله برضه هيتم عمل انتخابات
و مجلس شعب و شوري
و رئيس منتخب
بالكتير أوي علي 2012
و في أسوأ الظروف
علي 2018 كده
ده لو محصلش مليونيات تاني في التحرير او انفلات

فمحدش يقلق
خالص
اوعي يكون حد قلقان ؟؟؟

حبيبه المصريه
20-11-2011, 12:59 PM
الحكومه الحاليه والمجلس العسكرى
أثبت فشله الذريع فى إدارة المرحله الإنتقاليه
وعليه كفاااااااااااااااااااااايه كده
الجيش حامى للبلد فقط
وشكرااااااااااا على كل اللى قدمتوووووووه
من فضلكم ارجعوا لمواقعكم ** الحدود **
ونريد تسليم فورى للسلطه للمدنيين
مش عارفه ليه حاسه انى بتفرج
على مسرحيه هزليه
بعنوان
the mask
شيلنا مبارك وجيبنا ...........
اللهم قدر لنا الخير حيث كان ورضنا به

شكرا مستر شريف لقلمك الواعى

جمال سراج
20-11-2011, 01:13 PM
شوف حضرتك هقول رأيى من غير زعل وبحيادية
احنا شعب ينشتغل بالشدة دون غيرها
المشكلة مش مشكلة مجلس عسكرى أو غيره
المشكلة الوقتى مشكلة اخلاق مالدرجة الاولى
محدش عارف الصح ازاى
واللى بيعمل الصح بياخد فوق دماغه
ييجى ضابط شرطة يضرب بلطجى بالنار يحاكموه او تطلع الاهالى تكله!!!
راح حزب وطنى جه 50 حزب وطنى بصورة شرعية وكله بيولع فيها وكانه انزل
واحنا ماشيين مع الزفة
برايى مالاخر
البلد دى مش هتنفع طول ما هى اصبحت كدا
حل واحد يمشى
اعلان احكام عرفية يمسك الجيش يضبط البلد وبعدين يبقى يسيب بعدين أو ما يسبش
وايه يعنى بس يشتغلوا صح وبلاش شغل الطبطبة دا
معاك انه فيه مماطلة بس بقليل من الحكمة ندرك انه لازم كدا امال يعنى مين اللى هيمسك البلد وازاى
دا انت عندك 50 حزب و1000 مرشح و100 مليون سياسى فى البلد هما كل قوام الشعب المصرى !!!!!!!!!!!!!!
علما با نممكن تلاقى لكتير منهم ذلة !!! وربما ييجى عليه الدور بعد كدا


دا رايى باختصار وبدون تفاصيل
شكرا لحضرتك

جمال سراج
20-11-2011, 01:28 PM
هما مين المدنيين اللى يمسكوا دول
اخوان
ولا سلفيين
ولا ليبراليين
ولا
ولا
ولا
الكلام سهل
عاوزين حكمة شوية
انا نفسى تتلغى الاحزاب دى خالص
وتبقى الهوية بتاعة كل واحد فينا مصرى بس
مش كل واحد متثبث بافكاره وكانها قران
عاوزين حكم زى الاسلام ما بيقول صح بس متمتسكش لا اخوان ولا سلفيين ولا ليبراليين ولا علمانيين ولا غيره
ليه كل دا ما يجييش فى صورة واحدة وهوية واحدة هى الهوية المصرية
يعنى ايه اخوان مسلمين اصلا ... هو الباقى كفرة
يعنى ايه سلفيين ... هو الباقى يهود
يعنى ايه ديمقراطية ولا اشتراكية ولا علمانية ولا مدنية ولا ولا
احنا دينا بيقول : وأمرهم شورى بينهم
ليه الناس بتقوم على بعضها
ليه كل فئة عاوزة يبقى لها السبق للمنظرة والظهور ويعرفوا مصالح بعض دون الجميع
برايى انه تتلغى الاحزاب خالص او يشكل ائتلاف باسم واحد من كل الاطياف بشرط رئيسى واساسى وهو عدم مخالفة شرع الله وتحت لواء اعلاء الدين
ولو حكمنا الاسلام كله هيستريح بما فيهم الناس الفاضية اللى بيسموا نفسهم اقليات!!!!!!!!!!!!
شكرا

حبيبه المصريه
20-11-2011, 01:28 PM
شوفى حضرتك هقول رأيى من غير زعل وبحيادية
احنا شعب يشتغل بالشدة دون غيرها
المشكلة مش مشكلة مجلس عسكرى أو غيره
المشكلة الوقتى مشكلة اخلاق مالدرجة الاولى
محدش عارف الصح ازاى
واللى بيعمل الصح بياخد فوق دماغه
ييجى ضابط شرطة يضرب بلطجى بالنار يحاكموه او تطلع الاهالى تكله!!!
راح حزب وطنى جه 50 حزب وطنى بصورة شرعية وكله بيولع فيها وكانه انزل
واحنا ماشيين مع الزفة
برايى مالاخر
البلد دى مش هتنفع طول ما هى اصبحت كدا
حل واحد يمشى
اعلان احكام عرفية يمسك الجيش يضبط البلد وبعدين يبقى يسيب بعدين أو ما يسبش
وايه يعنى بس يشتغلوا صح وبلاش شغل الطبطبة دا
معاكى انه فيه مماطلة بس بقليل من الحكمة ندرك انه لازم كدا امال يعنى مين اللى هيمسك البلد وازاى
دا انتى عندك 50 حزب و20 مرشح و100 مليون سياسى فى البلد هما كل قوام الشعب المصرى !!!!!!!!!!!!!!
علما بان كل واحد له ذلة!!! وربما ييجى عليه الدور بعد كدا

دا رايى باختصار وبدون تفاصيل
شكرا لحضرتك

مع كل التقدير لحضرتك ولرأيك
لكنى بختلف
هناك أمووووور كثير لا داعى للخوض فيها
لم يحسمها المجلس العسكرى بصوره صحيحه
بل تخاضع وتمايع وتماطل
وجبنا الجمل شيلنا الجمل
جيبنا السلمى
كلها أقنعه لشىء واحد
هتفضلو شعب نتحكم فيكم ولا صوت ليكم
ولا شىء قدم من الحكومه الحاليه
سوى الفوضى والبلطجه
وعدم ضبط الشارع المصرى حتى الآن
وبدل ما نحل مشاكل مصابى الثوره
نضرب ونقهر ونقتل
السناريوووووووو هو هو
ليه مينزلش اى مسئول
ويشوف الناس دى مطالبها إيه
ويحلها بجد
زهقنا اجتماعات ومؤتمرات
ولاحل حقيقى على ارض الواقع
هو الحل عندهم القهر والضرب
كفايه كده
منتظريين انتخابات مجلسى الشعب والشورى
فى مواعيدها بكل نزاهه وحياديه
واللى يختاره الشعب
من مجلسى الشعب والشورى
هما اللى يعملوا الدستور
مش محتاجين وثيقه لا الزاميه ولا استرشاديه
اللى هنختارهم بكل نزاهه
وكلناهم يشكلوا الدستور الجديد
منتظرين بعد الانتخابات البرلمانيه
دون تماطل انتخابات رئاسيه نزيهه
واللى يختاره الشعب يحكم مصر
مصر مش هتقف على رجليها
الا بعد مجلس شعب وشورى نزيه
ورئيس منتخب من الشعب
تطويل المرحله الانتقاليه فشل جديد
لمسيرة الفشل السابقه
كفايه على مصر كده
متشكره لحضرتك ولرأيك

حبيبه المصريه
20-11-2011, 06:15 PM
شايفين البث الحى على الحكمه والجزيره مباشر
هو احنا فين
فى الارض المحتله
مبارك لسه موجود بس الاقنعه اختلفت
شوفو بقى مين اللى بيحرق ويخرب
ونقول بيحرقولهم الاقسام ليه
كفايه ظلم بقى حرااااااااام يا مجلس ياعسكرى
خلاص فقدت مصداقيتك عندنا
مش هنتنازل عن تسليم السلطه
حتى لو على حساب ارواحنا

شريف
20-11-2011, 09:05 PM
و الله يا جماعة الواحد في قمة الحيرة بين خيارين أحلاهما مر :

إما أن تستقر الأمور قليلا ... مع تشبث للمجلس العسكري بالكرسي و الحكم !
و إما فوضي عارمة و دماء ... مع رفض لاستمرار المجلس العسكري و المطالبة باسقاط المشير !

ما يحدث في التحرير الآن هو : أوامر من المجلس العسكري ( بعجن و طحن ) عظام المتظاهرين
برغم أن سياسة تكسير العظام لم تكن سياستهم منذ بدء الثورة

لدرجة أننا كنا نشتكي خناعة و ميوعة الجيش مع البلطجية و مع الانفلات الامني !
لم ينتفض المجلس العسكري إلا غضبة لنفسه !
كنت أتمني أن أري هذه الوحشية و القوة و العنف المفرط من جانب الشرطة و الجيش
مع البلطجية بمختلف أشكالهم في محافظات مصر طوال الفترة الماضية

و لكن العكس هو ما حدث !
طبطبة علي البلطجية
و صحوة عنيفة مفرطة مع مجموعة متظاهرين قرروا الاعتصام في الميدان

أعتقد ان السبب الوجيه لهذا
أن هؤلاء المتظاهرين تجرأوا و طالبوا بتسليم السلطة و اسقاط المشير

بدأت أشعر أن حالة من الديكتاتورية و التشبث و العنتظة و التجاهل و البرود
تصيب كل من يعتلي عرش مصر علي مر العصور حتي و لو بشكل مؤقت

أصابتني حيرة شديدة
الجيش الذى كنا ننادي بالوقوف إلي جواره ( و لازلنا )
الجيش الذى حمي الثورة
بدأت أشك
هل كانت وقفته في ميدان التحرير أيام الثورة
حماية لها
أم حماية و ضمانا لكرسي عرش مصر من أن يعتليه أحد غيرهم ؟

و برغم ذلك
أنا لا أنادي أبدا بالوقوف في مواجهة الجيش ( بهذا الشكل الدموي )
حتي لو قرر السيطرة و اعتلاء عرش مصر الي الابد !!

فحين يقرر الجيش و المجلس العسكري هذا حتي و لو بطرق ملتوية
فالوقوف حينها في وجه الاقوي الذي يملك العتاد و السلاح
من شأنه أن يقود مصر إلي حرب أهلية مفزعة

ربما القبول حينها بالجيش حاكما للبلاد يصبح ضربا من العقلانية
و اختيار أقل الضررين !

فقط ... أتعجب ... و أتسائل :

ما الذي يصيب المصريين حينما يعتلون العروش و الكراسي؟؟؟
قلبي يحترق علي مصر

يا فرحة ساكني طرة و يا شماتتهم

حبيبه المصريه
20-11-2011, 09:22 PM
هناك فرق بين الجيش والمجلس العسكرى
الجيش نقر له كل احترام
ونجله وعلى رؤسنا

لكن المجلس العسكرى بسياسته
أظهر أنه كوبى من سياسة السابقيين
بحاجه لاستقاله الحكومه الحاليه
التى لم تفعل شيئا
بحاجه لاشخاص تتولى حكومه مصريه
تحب البلد وتسعى للاصلاح فى كافة قطاعات
ووزارات الدوله بحاجه لميعاد تسليم للسلطه للمدنيين
ميعاد محدد ومعلن من القيادات
احمل المجلس العسكرى والحكومه بوزرائها ما يحدث الآن

هم من صمموا وآثاروا وثيقة السلمى المشبوهه
مع التصميم عليها رغم رفض الغالبيه من الشعب
لم نحل مشاكل مصابى الثوره وتجاهلنا حقوقهم المشروعه
وبدل ما نراعى ربنا فيهم ونعطى لهم اقل حقوقهم
نجور عليهم ظلما وعدوانا
والوزراء والمسؤليين على الكراسى فى المكاتب المكيفه
واللى قتل شعب مصر متهنى فى المركز الدولى
ودول مش لاقيين حتى معاش شهرى لاعاقاتهم فى الثوره
اثاروا الشك فى نفوسنا تجاههم من سلوكياتهم الغامضه
وعدم توضيح الصوره للشعب
واتباع سياسية الصمت التام رغم الكوارث التى تحدث
والعنف الهائل والفظيع وبدون رحمه من الشرطه
وكأننا نهاجم بلطجيه
ليتكم تقومون بدوركم فى الشارع
لصد البلطجيه كما تفعلون مع الشباب الاعزل
اتقوا الله فى مصر
منتظرين حل عاجل ممن آثاروا الأمور لتلك الحد

يااااااااااااارب احفظ مصر وارفع عنا ما نحن فيه

حبيبه المصريه
20-11-2011, 09:34 PM
يااااااااااااارب احمى مصر واحفظها بالصالحين فينا

شريف
20-11-2011, 09:49 PM
هناك فرق بين الجيش والمجلس العسكرى
الجيش نقر له كل احترام
ونجله وعلى رؤسنا

لكن المجلس العسكرى بسياسته
أظهر أنه كوبى من سياسة السابقيين




هذا بالظبط ما أردت أن أقوله
لكن ربما لم تسعفني الكلمات
لحزني الشديد ... و حالة الارتباك التي أصابتني
أصبح ما يحدث في مصر لغز كبير يصيب الجميع بارتباك
فتنة تجعل الحليم حيرانا كما قال الصادق
فتن كقطع الليل المظلم
فتن القاعد فيها خير من القائم و القائم خير من الماشى
و الماشي خير من الساعي و المهرول

لان السعي فيها و الاستشراف لها مهلكة ينبغي أن يحذر منها العقلاء
و لكن
من في هذه المهزلة القائمة الان ... يجيد قراءة ما وراء لفتات الحبيب صلي الله عليه و سلم !

حبيبه المصريه
20-11-2011, 11:26 PM
هذا بالظبط ما أردت أن أقوله
لكن ربما لم تسعفني الكلمات
لحزني الشديد ... و حالة الارتباك التي أصابتني
أصبح ما يحدث في مصر لغز كبير يصيب الجميع بارتباك
فتنة تجعل الحليم حيرانا كما قال الصادق
فتن كقطع الليل المظلم
فتن القاعد فيها خير من القائم و القائم خير من الماشى
و الماشي خير من الساعي و المهرول

لان السعي فيها و الاستشراف لها مهلكة ينبغي أن يحذر منها العقلاء
و لكن
من في هذه المهزلة القائمة الان ... يجيد قراءة ما وراء لفتات الحبيب صلي الله عليه و سلم !




لست وحدك أستاذنا ذاك الرجل
كلنا الآن عجزت عقولنا عن استصدار القرار الصحيح
لكن موقف المجلس العسكرى يحسب عليه
يبدو أن النوايا ظهرت والأقنعه سقطت
والعنف هو العامل المشترك بين السابقيين والحاليين
مفيش حلول غير العنف عندهم
لكن ننزل للناس ونشوف احتياجاتهم
ونراعى ثورة نفوسهم
ومحدش يقول يستاهلوا ودول بلطجيه
المررررررررره دى لاااااااااااااااا
شباب زى الفل عاوز حقه بصوره سلميه محترمه
ليه نستفز الناس ليه اسلوب التعامل الوحشى ده
ليه تحكمونا بالعلمانيه بالعااااافيه
ليه اسلوب اصراركم على ضرب اى شىء اسلامى
حتى لو الشعب عاوزه
بس خلااااااااااص زمان مش هيرجع تانى
والشعب هيحكم برغبته وبشريعته اللى بيدافع عنها
خلاص ثقتى فى المجلس العسكرى انعدمت بعد ظهور النوايا والدماء التى سالت بسبب وثيقتكم المشبوهه
ودفاعهم على المضى فيها
أنا همووووووووت من البهدله فى الشباب دى
هموووووووت من الدماء التى تسال ولا مجيب
آسفه لتسجيل مشاركات كتيررررر بالموضوع
مجرد تنفيس بدل ما الواحد ينفجررررر من القهر

حبيبه المصريه
20-11-2011, 11:32 PM
بس مفيش حل غير رأى واعى من شيوخنا
يا أما كلنا ننزل يا أما الناس فى التحرير ترجع
ماهو مش دووووووووول كبش الفداء لينا
واحنا قاعدين فى بيوتنا
فين نصرتنا للمظلومين دووووووووووول
اللى بيتقتلوا واللى بيتصابوا
واللى بتتفقع عيونهم
يعنى هى دى الامانه يا مجلس ياعسكرى
اللى اتحملتها بدل ما تداوى مصابى الثوره
تزود القتلى والجرحى

اللهم الهمنا القرار الصائب وارفع عنا ما نحن فيه

جهاد 2000
20-11-2011, 11:58 PM
بس مفيش حل غير رأى واعى من شيوخنا
يا أما كلنا ننزل يا أما الناس فى التحرير ترجع
ماهو مش دووووووووول كبش الفداء لينا
واحنا قاعدين فى بيوتنا
فين نصرتنا للمظلومين دووووووووووول
اللى بيتقتلوا واللى بيتصابوا
واللى بتتفقع عيونهم
يعنى هى دى الامانه يا مجلس ياعسكرى
اللى اتحملتها بدل ما تداوى مصابى الثوره
تزود القتلى والجرحى

اللهم الهمنا القرار الصائب وارفع عنا ما نحن فيه


اللهم أميين .

شريف
21-11-2011, 06:48 AM
استاذة حبيبة
الموضوع موضوعك
و شرف ليا مشاركاتك لاني احترم كل أراءك
و اتفق معها قلبا و قالبا
حضرتك قلتي كل اللي كان علي لساني و عايز اقوله
و اراءك سديدة و متزنة جدا


المجلس العسكري يتسائل بكل سذاجة ( أو ربما بخبث شديد ) و يقول :
ما هي اسباب تداعيات ما حدث في التحرير !!!!!!!!!!!!!!!

يا سلااااااااااام ع البراءة

السبب هو وثيقة السلمي يا مجلس يا عسكري
الوثيقة اللي مصمم تلزقها فوق قفا الشعب المصري بالعافية
السبب انك عايز تخلي مصر عسكرية علمانية
و الشعب عايزها مدنية اسلامية

السبب انك مصمم علي اللي في دماغك
ماتلفش و تدور

ماتعملش فيها برئ ... و تتهم اللي في التحرير بالبلطجة و بأعداء التحول الديمقراطي
تحول ديمقراطي مين
و انت كل يوم تجيب واحد شكل و تخليه دمية في ايديك
يعملك وثيقة و يبقا هوا اللي في وش المدفع

قرأت علي الفيس بوك
أحد الاصدقاء كاتب هجاء في عصام شرف و سياسته
لا يا جماعة
عصام شرف مين
عصام شرف و يحيي الجمل و علي السلمي
كلهم دمى
لعب أطفال ف ايد المجلس العسكري
ليس لهم سياسة و لا يقدروا أصلا ياخدوا قرار
دول مجرد موظفين و لبيسة عند المجلس العسكري

ما اتضح لنا من الاحداث اليوميين الماضيين
ان المجلس العسكري
( و أحدد : المجلس العسكري و ليس الجيش )
هو نسخة بالكربون طبق الاصل من مبارك و من كل فرعون حكم مصر

المجلس العسكري بيسأل دلوقتي عن اسباب اللي حصل !!
و هوا قمة في التباطؤ الملل و التواطؤ و يوم أهله بسنة
لا يتحرك أبدا و لا يصدر بياناته المكتوبة التي لا تسمن و لا تغني من جوع

إلا بعد خراب مالطة

هل كان هيبقا في جمعة 18 نوفمبر لولا وثيقة السلمي في الوقت الحساس ده؟
من الذي يريد الشر لمصر
المتظاهرين في التحرير الرافضين للعلمانية و فرض الرأي علي الشعب المصري
أم المجلس العسكري اللي عايز وضع خاص له قبل الانتخابات
و سيطرة علي الحكم
و عدم محاسبة
و عايز بلد علمانية بعيدا عن الاسلام
مليانة علياء مهدي
اللي خلعت ملابسها علي الفيس بوك و حطت صورها عارية تماما
مطالبة بحق النساء في خلع ملابسهن ؟

مين اللي عايز خير لمصر و مين اللي عايز شر ؟

يا جماعة دي مش أحداث عادية و عدت
ده خلاف جوهري بين حكام مصر و النخبة و بين أغلب الشعب المصري
خلاف عقائدي
خلاف فكري كبير
و للاسف الطرف الاخر اللي هما حكام مصر معاهم القوة و السلطة و الكرسي
مع انهم اقلية

ان شاء الله ينتصر الدين و الاسلام و الاخلاق الحميدة و هوية مصر الاسلامية
علي كل دعوات التحرر و العلمانية و قلة الادب و القذارة و الديكتاتورية

شريف
21-11-2011, 06:50 AM
انا في ميدان التحرير النهاردة ان شاء الله

لغيت كل شغلي

و في التحرير ... نشوف البلد اللي بتتسرق مننا

جهاد 2000
21-11-2011, 02:46 PM
انا في ميدان التحرير النهاردة ان شاء الله

لغيت كل شغلي

و في التحرير ... نشوف البلد اللي بتتسرق مننا


ربنا يحفظ حضرتك ويحفظ كل الشباب الموجود فى الميدان .
يارب احفظ مصر ونجيها من مكر الماكرين ومن كيد الكائدين
يارب ليس لنا سواك ندعوه .

جمال سراج
21-11-2011, 09:51 PM
ايوة حلو الوقوف فى الميدان باحترام والتظاهر السلمى مكفول
والغنا بحماس
اهم حاجة نكون فى الميدان
انما مهاجمة الداخلية مش حلو
رمى ظباط وعساكر الشرطة بالطوب زى ما العرب بيعملوا فى اليهود لا عيب
دول ولادنا واخواتنا
مهاجمة مديريات الامن لا
دى بلدنا نحافظ عليها
يسخنا شوية بلطجية يولعوا الدنيا لا
الناس الناعمة كلها اللى بتدعو للتظاهر لغرض مشروع المفروض انها تكون موجودة فى البرد والسقعة دى مع الناس
ابو اسماعيل وام اسماعيل وغيرهم ماشى انما كلام وخلع بعد كدا لا
ربنا يحمى بلدنا ويعديها على خير يارب