المساعد الشخصي الرقمي

مشاهدة النسخة كاملة : اهدي يا خويا ـــــــ بدل ما تيجي علي دماغك



شريف
13-06-2009, 06:55 PM
هعطلكوا خمس دقايق
بس ياريت نقرأ الموضوع للاخر
عشان نستفيد
ــــــ
شئ ملاحظ جدا اليومين دول العصبية الزايدة اللي الجميع فيها
بلا استثناء في أي مكان الواحد يروحه
You can see links before reply

البشر كلها بتتخانق مع دبان وشها ((( إن صح التعبير )))
كلو متغاظ من كلو
و كلو عايز يعض كلو
و كلو قرفان من كلو
و كلو عايز يغز كلو في بطن كلو و يجيب كرش كلو
You can see links before reply

كلو مش طايق كلمة لكلو
كلو حاسس انه متضطهد من كلو
كلو حاسس انه اتظلم من طوب الارض و الزلط كلو
You can see links before reply
في البيت...في المواصلات....في الشغل....حتي وانت رايح تتفسح
حتي و انت بتغير جو .....الجو كلو مكهرب
و مليون خناقة و عركة تقابلها في سكتك
بعيدا عن الأسباب السياسية و الاجتماعية اللي تقهر أجدعها شعب
ايه السبب في عصبيتنا؟؟؟ حتي الاطفال !!
You can see links before reply
هل انعدمت تماما من عقول الناس ثقافة
اسمها
التحكم في النفس
السيطرة علي العقل
التحكم في الاعصاب
ثقافة
((( خليك كووووووووول ))) ؟؟؟
You can see links before reply
هل مافيش أمل انك تمشي في شارع في امان الله
من غير ما تلاقي اتنين في وسط الطريق خارجين من عربياتهم
ماسكين في بعض؟
سؤال بيلح علي دماغي النهاردة م الصبح
قال يعني هعمل فيها متفائل
عشان كده حبيت أعمل اقتباسات لشوية معلومات
لعلنا نستفيد و نفيد و نشوف الحل ايه


كفاااااااااية نرفزة

لو بتتعامل مع واحد عصبي.. هاديك هنا شوية ملاحظات
ممكن تساعدك في التعامل معاه..

طيب.. بدل ما أزود عليك في الكلام..
خد الخلاصة:

لو إنت –مثلا– بائع في مكتبة..
وواحد جالك بيزعق وبيقول إنه عايز يرجع الكتاب لأنه مقطوع
.. فتحت الكتاب لاقيت متشخبط فيه..
يعني غالبا الراجل هو اللي مبوظه.. تعمل إيه؟


فكر في الموقف ده..
الراجل مندفع وبيزعق ومتنرفز.. وإنت عارف العصبية بقى..
نتعامل ازاي في هذه الحالة؟

عموما.. لو بتتعامل مع واحد عصبي، خد عندك الملاحظات دي:
1- الموافقة:
"ريتشارد باندلر" بيقول لك إيه بقى..
بيقول لك لو عايز تتواصل مع حد وتقدر
تسيطر على تصرفاته وحركاته.. لازم تبدأ بالخطوة دي: الموافقة..
وافق على كل اللي بيقوله..
ماتحاولش تصطدم برأيه وهو في الحالة دي.. ده هيخليه يهدأ..
ماتستغربش..
لو قريت الحلقتين بتوع الخرائط 1، والخرائط 2 هتلاقي إن أي حد ممكن يكون في تفكيره جزء من الصح..
أو بمعنى آخر: كل واحد بيكون صح من وجهة نظره هو!
حاول تفهمه وتجنب الاصطدام..

2- صوتك..
هاحكي لك حاجة ظريفة قوي..

جرب اللعبة دي:


كلم واحد صاحبك في التليفون.. كلمه بصوت عالي..
هتلاقيه بيرد عليك بصوت عالي!
كلمه بقلق... هيرد بقلق!!

فاهم حاجة؟
لو عايز تتحكم في مشاعر اللي قدامك، فأحد الأساليب اللي ممكن تتبعها هي: نبرة صوتك!
لما تلاقي العصبي بيزعق.. اتكلم معاه عادي وبانفعال.. وتدريجيا: اهدا بنبرة صوتك واوصل إنك تبقى بتتكلم في هدوووووء..
ملحوظة: بلاش تبدأ الكلام بهدوء.. ماتحسسوش إنك بارد ومستفز ومش حاسس بيه أساسا!.. ابدأ الكلام بنبرة عادية عشان ماتكسرش الخطوة الأولى (الموافقة).. خليك منفعل قليلا وانخفض شوية شوية بنبرة صوتك.. تدريجيا اوصل لمرحلة الهدوء.. هتخليه يبدأ يهدا معاك..

3- أعصابك في تلاجة!
لو حد قرا في موضوع (إدارة الأزمات) هتلاقي أهم حاجة بيأكدوا عليها هي:
اعزل نفسك عن المشكلة..
ولا كأنك في المشكلة.. إنت بتتفرج على فيلم!!

المعنى: ماتحاولش تتفاعل مع الشخص وهو في حالة الثورة.. ماتاخدش على كلامه يعني..
لما تلاقي حد عصبي بيزعق لك وإنت مضطر تتعامل معه.. اعتبر دي لعبة بينك وبينه.. هو بيحاول يأثر على أحاسيسك وإنت مش عايز تتأثر..

فكر فيها كده..
مجرد لعبة.. أنا بارد ومش هاتأثر بكلامك.. هتصعبها عليّ؟ ولا هيهمني!!
ومفيش مانع تدي نفسك درجة من عشرة في الآخر!
لو معترض على كلام الشخص ده.. خليك بارد برضه.. واعرف إن ده مش الوقت المثالي إنك تعرض وجهة نظرك.. لأنها هتزيد الطين بلة!

4- ماحدش غلطان!
هناك صفة غريبة غتيتة يتصف بها كل بني الإنسان!
هذه الصفة اللعينة هي:
حين تنتهي المشكلة.. يحاول الجميع مناقشة: مين الغلطان؟

هذه الفكرة البلهاء تعقد المشاكل أيا كإنت وتعوق حلها.. وتستغرق أطراف الخلاف وقتا أطول من اللازم في هذه النقطة التي لا داعي لها والتي لن تنتهي.. والتي -إن انتهت- فأحد الأطراف سيحمل مشاعر سلبية!
حين تنتهي المشكلة لا تلم الشخص العصبي.. لا تدافع عن وجهة نظرك على حسابه..
لا تؤكد فكرة: أنا صح... إذن إنت غلطان!
يقولون للمتزوجين الذين يعانون من هذه المشكلة تحديدا:
هل تريد أن تكون –دائما– على صواب؟؟ أم تريد أن تكون متزوجا؟؟
دعك من الرغبة الطفولية في أن تثبت أنك على صواب طيلة الوقت.. يكفيك أنك قد حللت الخلاف.. كفاية دي!

الخلاصة:
لو إنت –مثلا– بائع في مكتبة.. وواحد جالك بيزعق وبيقول إنه عايز يرجع الكتاب لأنه مقطوع.. فتحت الكتاب لاقيت متشخبط فيه.. يعني غالبا الراجل هو اللي مبوظه..
الرجل: ماينفعش الكلام ده.. ده تهريج..
إنت (في قلق): خير يا فندم؟ (القلق = موافقة)
الرجل: الكتاب مقطوع ولازم أرجعه..
إنت (صوتك بيهدأ): يا خبر!! ازاي ده يحصل؟ وريني كده (موافقة)..
الرجل: إنتم حرامية ولصوص ودي سرقة..
إنت (وأعصابك في ثلاجة): فعلا مش ممكن تشتري كتاب مقطوع.. ده مايصحش وأنا هاساعدك ومش هاسمح بده.. (موافقة قوي!)
الرجل (وقد هدأ): طيب.. بدل لي الكتاب بقى..
إنت: بس فيه مشكلة.. الظاهر إن فيه حد عند حضرتك شخبط غلط على الكتاب.. (لا أنا ولا إنت غلطان!)
عايز أساعدك فعلا بس نعمل إيه؟ (أشركته في المشكلة وحسسته إن إنتم في قارب واحد ومش ضد بعض)..
الرجل (في حرج): ياه.. معاك حق فعلا.. طيب مش مشكلة.. هابقى أتصرف في القطع ده..

دي بعض الملاحظات اللي ممكن تساعدك في التعامل مع الشخص العصبي..


طبعا أحيانا في ناس ما بينفعش معاهم ولا الطبل البلدي
فبتضطر آسفا انك ممكن تتمادي معاه في عصبيته
و احتمال تمد ايدك عليه

لكن اهي طريقة برضه
ممكن تتاخد علي محمل الجد في الحسبان
لعل و عسى
شوف بقا الكلام الكبير اللي جاي ده و قولي رأيك


بما اننا لا نستطيع ايقاف او منع الاوضاع التي تسبب التوتر، تقول ايستر سترنبرغ، من المعهد الوطني للصحة العقلية، يمكن أن تسيطر على ادراكك لهذه الاوضاع. "يمكنك ان تتعلم كيف تخدع دماغك بحيث تسيطر على ردود الفعل ضد التوتر بفعالية."

كَيف تخدع دماغك؟ تعتبر الطريقة الأكثر فاعلية لخداع العقل وتخفيض درجة التوتر هي بقطع سلسلة ردود الفعل الطبيعية. واليكم التقنية:

1. التنفس:

عندما يتباطئ المرور على الطريق بسبب اعمال الصيانة، وتعتقد بأن الامر قد يستغرق ساع بينما يجب ان يكون ابنك في المدرسة بعد عشرة دقائق، فعلى الاغلب أنت تأخذ نفس سريعا، من صدرك. بينما يجب ان تقوم بالتنفس من بطنك بشكل عميق، الامر الذي سيساعد على امتصاص كميات كبيرةَ من الهواء إلى رئتينك. (ولإنجاز هذا، عندما تتنفس قم باخراج الهواء من معدتك عند الزفير). يقوم دماغك باكتشاف الأوكسجين الزائد فيقوم بتقليل تدفق كمية هرمونات التوتر. كما يعمل الأوكسجين على ارسال موجات دماغية هادئةَ أطول، النوع الذي يرتبط بعملية الإسترخاء. لذلك كلما كنت بحاجة الى الاسترخاء، قم باخذ نفس عميق وافرغ الهواء من بطنك عند الزفير، كرر العملية من 3 الى 5 مرات للتخلص من هرمونات التوتر.

2. إضحك!

اظهرت الدراسات بأن الأشخاصِ الذين يضحكون بمودة بينما يراقبون فلم مضحك تقل لديهم نسبة هرمونات التوتر. بينما عندما تكون واقعا تحت الضغوطات، فأنت تنحصر في دورة من الأفكار الفظيعة جداً! دون أن تجد مخرج! "بينما دخول الافكار المضحكة الى الدماغ، يسمح لك باستعادة السيطرة العقلية، "وفقا للدكتورة جانيس كايكولت غلاسير، من كلية الطب بجامعة أوهايو.

3. غني

تذكر أنت لست العندليب، ولن تفوز بلقب سوبر ستار، لذلك قم بغناء اللحن الذي تحب، والذي يجعلك تشعر بالراحة والسعادة. قم بغناء اللحن بصوت منخفض اولا، ثم ارفع صوتك تدريجيا، وكرر اللحن لتشعر بالراحة.


4. اضف طابعا شخصيا

كل شخص يعرف ما يريحه وما يسبب توتره، استعمل هذه المعلومات القيمة لتجلب الراحة والاسترخاء الى نفسك، استعمل طابعك الشخصي الخاص بك، وستجد بانه فعال ويقلل من هرمونات التوتر.
مثلا، بعض الاشخاص يشعرون بالراحة عند المشي، أو القيام بتمارين اليوغا، أو تناول نوع من الفواكه، أو العد الى العشرة باكثر من لغة. كن مبتكرا، وتعلم كيف تتخلص من التوتر باسرع، واسهل الطرق.



طبعا موضوع الغنا ده ...ممكن نستبدله بالقرآن
و بقسم لكم بالله
ان القران أثره النفسي عجيب
سبحان الله
تجربة شخصية
جرب بنفسك و اقرأ في هدوء نفسي و انت لوحدك
و بترتيل و علي مهلك
و افهم الكلام اللي بتقراه
و عيش في الجو ده
و لو ربع ساعة كل يوم
و الله بشعر لما بعمل كده براحة عجيبة لا تضاهيها راحة
جرب و قولي

خدوا بالكو بقا من الكلام الممتع اللي جاي ده


تعالوا نشوف القارئة "نونو" بتسأل بتقول إيه؟

مثال:

سلمي:
جميل جدا يا دكتور. بس ممكن تساعدني في مشكلة.. أنا عصبية شوية وبكده باخسر أصحابي بسرعة، واللي بيزعلني أكتر إن ماحدش من اللي سبتهم حاول يرجع لي مهما أتأسف له. كمان أختي باردة وده مخلي العلاقة بينّا متوترة جدا؛ يعني ماباتكلمش معاها إلا بنرفزة وصوت عال. ساعدني إني أسيطر على نفسي لأني غير راضية عني تماما. وشكرا.. أرجو الرد..

جميل قوي السؤال ده..
وطريقة تعبير "سلمي" نفسها غاية في الروعة..
أخدتم بالكم إنها قالت: لأني مش راضية عني تماما؟
دي أول خطوة.. إن الواحد يعترف إن حل المشكلة جواه هو.. كان ممكن تقول: الناس مستفزون ولازم يتغيروا.. أو: هم السبب!!

أول خطوة في تطوير ذاتك هو إنك تمسك بزمام حياتك.. وتعتبر إن أي حل لأي مشكلة موجود جواك إنت.. وإن إنت اللي لازم تحل مشاكل حياتك.. مش أي حد تاني..

المهم.. نرجع للسؤال..

العصبية..
العصبية يا جماعة دي
حاجة ظريفة جدا!!
عارفين ازاي؟
اللي بيتنرفز بيحقق نتائج هايلة مع الناس اللي بيتنرفز عليهم..
لو عايز حاجة بيلاقي الناس –غالبا–
بينفذوا له اللي هو عايزه عشان يسكت..
وهو ده اللي بيخلي العصبي مستحلي العملية دي!
جميل جدا..

لكن.. فكر معايا في الموقف ده..
لو واحد إنت متضايق منه.. بتحاول تنرفزه..
بتحاول تعصبه.. بتحاول تخليه يغضب.. صح؟
مع إن الشخص ده لو اتعصب ممكن يرميك بحاجة أو يؤذيك..!

بس إنت –رغم كده- عارف من جواك.. إنك لما بتعصبه
.. هو بيتضرر من جواه..
أكتر من الضرر اللي ممكن يعمله لك!

هي دي الحقيقة يا جماعة..
الشخص العصبي هو نفسه بيتضرر أكتر من اللي محيطين بيه..

عارف إيه اللي ممكن يحصل له:
1- الضغط العصبي المستمر ممكن يجيب له الضغط والسكر ومشاكل في القلب وكل الحاجات اللي احنا عارفينها دي..
2- بيخسر أهم علاقاته.. بيخسر أقرب الناس ليه.. لمجرد إن هم أقرب الناس ليه لما بيتعصب!!
3- بيعيش حياة غير سعيدة.. مليئة بالقلق والتوتر.. ماحدش بيحب يعيش كده طبعا!!..
4- العصبي لما بيتعصب بياخد قرارات خطأ.. في اللحظات دي العقل التحليلي بيكون في الباي باي.. مابتعرفش تاخد قرار منطقي صحيح وإنت متعصب.. فممكن تخسر كل حاجة... في لحظة!!

طيب.. إيه الحل بقى؟
عايز حل للعصبية؟؟

ببساطة.. تعالوا ناخد الخطوات دي واحدة واحدة..
1- إدراك إن فيه مشكلة:
فيه ناس عصبيين جدا.. ومش حاسّين إن فيه مشكلة أساسا!!
حاسّين إن ده عادي جدا وإن مافيش مشكلة..
لازم الشخص العصبي يؤمن تماما إن فيه مشكلة وإنها لازم تتحل..
2- الرغبة في الحل:
فيه ناس عارفين إن فيه مشكلة وإنها لازم تتحل.. بس مش عايزين يحلوها!
لازم تكون عندك الرغبة الحقيقية في إنك تتغير..
3- التغيير يبدأ من داخلك.:
أي تغيير لأي حاجة في حياتك.. نابع من داخلك إنت..
ماتقولش الظروف هي اللي بتخليني عصبي.. ماتقولش الناس هم اللي بيستفزوني..
قول: أنا اللي طريقتي في التعامل مع المشاكل: غلط!
التغيير يبدأ من داخلك إنت.. ماتطلبش من الناس إنهم يتغيروا عشان إنت تتغير.. لو إنت غيرت نفسك.. هتعرف تغير كل اللي حواليك!
4- غير نظرتك للأشياء:
مافيش أي حاجة تدعو للنرفزة..
اللي بيخليك تتنرفز هو: نظرتك لهذه الأشياء!


الخلاصة:إنك تدرب نفسك إنك تشوف اللي حواليك بصورة تخليك ماتشعرش بالضيق..
5- ركز في الهدف..
وإنت داخل في مود العصبية ركز في النتائج اللي إنت عايز تحققها..
يعني مثلا:
لو اتعصبت على واحد صاحبك.. ركز في الهدف بتاعك من الموقف ده:
- أنا عايز أخسره؟
- أنا عايز أأذيه؟
- أنا عايزه يكرهني وينفر مني؟

اللي بيحصل إنك لما بتتعصب بتركز في المود اللي إنت فيه..
من غير ما تفكر في النتائج اللي إنت بتعمله..

لما تتعصب ركز في الحاجات اللي إنت مش عايز تخسرها
في الموقف ده (أنا متضايق من اللي حصل صحيح..
بس مش عايز أخسر الشخص ده إلى الأبد!!!).
ساعتها هتهدأ.. أو على الأقل مش هتخسر اللي قدامك..
6- قواعد العصبية:
لو لقيت نفسك متعصب ودخلت المود خلاص.. خلي القواعد دي زي الحلق في ودانك:

- ماتغلطش في الكلام..
لما بتتعصب بتقول كلام مش لازم تقوله.. وبعد ما تهدأ هتندم عليه أشد الندم وهتقول: أنا قلت كده ازاي.. والله ما كنت أقصد!
لما الواحد بيتعصب على حد.. بيحاول يؤذيه على قد ما يقدر.. وممكن عشان كده يقول كلام هو مايقصدوش فعلا.. لكن قاله في الموقف ده عشان متعصب.. لكن للأسف.. المشاكل بتتنسي.. لكن الكلام اللي بيتقال عمره ما بيتنسي!
حاسب على كلامك.. اتعصب ماشي.. لكن اوعى تغلط..
- ابعد!
لما تلاقي نفسك متعصب حاول تبعد عن مصدر الحاجة اللي بتعصبك.. هتعلي صوتك، التاني هيعلي صوته.. هتزعق.. التاني هيزعق..
حاول تقطع التسلسل ده.. ابعد وهدي نفسك وارجع تاني ناقش الكلام اللي كنت بتقوله..
ممكن تدخل غرفتك.. تسترخي تماما.. غمض عينيك.. اتنفس في بطء من مناخيرك وخرج الزفير من بقك.. ببطء جدا.. وخلي الزفير أطول من الشهيق..
ده اسمه التنفس الاسترخائي وحاول تفكر في حاجة لطيفة بتحبها.. تخيل إنك بتلاعب طفل صغير مثلا!

7-أعمل رابط:استخدم رابط يثير فيك الاسترخاء والهدوء واستخدمه وقت العصبية.. بس ماتعتمدش على النقطة دي بس عشان مش هتنفع طول الوقت..

هي دي خطوات التحكم في العصبية..


كلام علمي علي فكرة
لانه من دكتور متخصص في كده

طب استكمالا للكلام العلمي عن الموضوع
خلي بالك طويل و اقرأ معايا الجزء اللي جاي ده


جميعنا يعلم أن العصبية الزائدة تعتبر من عيوب الشخصية
التي تسبب للإنسان مشاكل كثيرة
وللتغلب على العصبية لابد من الإنسان أن
يتحلى بالهدوء والثقة بالنفس
مع إتباع الوسائل العلميه التالية التي تساعدك
بإذن الله للتخلص منها نهائيا:ـ


1/ نظم أوقاتك ووقت إنجازهاتجنباً للتأجيل والشعور بالقلق إزاءعدم
القيام بها.

2/ تجنب الأشخاص الذين يزعجونك (الثرثاريين_الحزانى_المضطربين...)الخ

3/ عدل أسلوبك مع الناس وطريقة التحدث معهم بما يضيف الهدوء
والإتزان كسمة بارزة من سماتك الشخصية وبما
يحفظ لك هدوءك النفسي.

4/ تناقش بهدوء ولاتجادل على الإطلاق .

5/ بين الوقت والآخـراختلس دقائق ليس أكـثر
وأبعد أعصابك عن التوتر والتعب
وتمدد بالجلوس وأطبق جفنيك وتنفس بعمق
وقررألاتتعصب نهائيا.

6/ اطرح جانباً كل ماهو مهيج للعاطفة أو الشهوة وكذا كل شئ من
شأنة أن يجرح حساسيتك ويثير عواطفك.

7/ احرص على اغتنام كل فرصة تتاح لك للاستمتاع بالهواء الطلق والاستلقاء للاسترخاء
وتجنب أن تعطي فوق طاقتك من جهد ، لأن لكل إنسان طاقة محدودة
وإلا وقع في فخ العصبية.

8/ حاول أن تحل كل مشكلة لاتجد لها حل بنفسك ولاتتهيج بل فكر
فبها مرة أ خرى بدون عصبية وهذا يعطيك
سعة صدروقوة تحمل.

9/ تذكرقبل أن تنتابك العصبية أنهذه العصبية تستهلك الطاقة العصبية التي لديك ،
وتحمل بصبرأخطاء الأخرين وتذكر كم أخطأت أنت معهم
وتسامحوا معك.

10/ إذا واجهتك مشكلة في جو كدر فألقها بعيداً وتناول حلها في وقت آخر.

11/ علماءعلم النفس التحليلي يقولون لك أنت في عالم تملؤه الغباوة وفيه 10%حرموامن كل نور ومعرفة،70%متوسطوالذكاء..
وهو حال كل مجتمع إنساني في الوقت الحاضر تقريباً فإذا تعصبت أمام كل فرد فلن يكون مصيرك إلا كناطح الصخرة.

12/ إحرص على غذاء متوازن وكمية وافرة من السوائل وخاصة الماء
ولاتنسى النوم الهادئ يحيث لايقل عن 8ساعات.

طبعا موضوع النوم ده اللي نكتة
لان في ناس اعرفهم شخصيا
معندهمش في حياتهم البند ده
قوم لا ينامون
ايه رايكم فيهم دول يا جماعة؟
أكيد هيأذوا نفسهم
مش كده برضه؟
عموما انا من النوع اللي لما بيحط دماغه علي المخدة
الحمد لله رب العالمين بنام فورا
دي طبعا نعمة كبيرة من عند ربنا
أحيانا البعض بيتحسد عليها

بالرغم من ان اللي بيكلمكم ده ((( اللي هوا انا يعني )))
مهري ضغط عالي لما هفرقع
و كل ده من العصبية الزايدة
و التنشنة
و التحفز لأي نرفزة

جايز لو الواحد فعلا طبق الخطوات دي يبدأ يتغير
كل دي حاجات فعلا والله بتدمر الجسم
أنا معاكو ان في استفزازات كتيرة في الحياة تخلي الواحد
مش يتنرفز و يتعصب و بس
لا ده يمشي زي المجنون في الشارع يشد في شعره
اذا كان فاضل له شعر
لكن في النهاية
لازم نلتزم بمبدأ
((( خليك كوووووووووووول )))
ع الأقل عشان صحتنا
:38:

محمد عبد العظيم وسية
13-06-2009, 07:52 PM
فعلا يا شريف يا اخويا

هتيجي على دماغنا في الآخر

موضوعك عبقري فعلا

وفكرني ب( سلمى ) كانت أفضل طالبة عندي
أيام ما كانت في تانيه ثانوي لما كنت بتنرفز عليها علشان خطأ صغير في إعراب مثلا .. كانت تقولي : يا مستر ما تتعصبش لو سمحت ... لأن الأعصاب لما بتتلف مش بترجع زي الأول ..

ماعرفتش قيمة كلامها

إلا

لما أصبت بالتهاب العصب السابع ( شلل نصف الوجه )

واتعلمت زي ما انت بتقول يا شريف بفتح الشين : إن الدنيا كلها لا تستحق أبدا كل هذا الضغط العصبي ..

أحييك وأحيي موضوعك

ووحشتني أيها الفارس الشريف

آه نسيت ــــــــ بفتح الشين

امل لاشين
13-06-2009, 09:53 PM
((( خليك كوووووووووووول )))
هو ده اهم حاجه نكون كوووووووول .......لوقدرنا فعلا نفكر
قبل ما نتكلم او نتعصب مش هيكون فيه اي مشكله....
بس مانقابلشي اللي بينرفزوا فعلااااا.....
الحياه متستهلشي حرقه دم او عصبيه ..بس اجباري نتعامل معاها
علشان كده نحاول منخسرشي كتير فيها .....
موضوع جميل جداااا يا شريف واتمني تطبيقه في الحياه بجد....

نعمه محمود
13-06-2009, 11:51 PM
يا سلام عليك ياشريف عصبتنى بجد ..لو الامور هاديه كده والدنيا وردى كده كانت الدنيا بقت جنه ...لأ لألأ عصبتنى عصبتنى خالص .ياشريف انا ببقي ماشية على الطريق في حالى وألاقي سواق تاكسي غتت عمال يكلكس ويزعق ويشتم مع أنى مش سبب أبدا في الزحمة .قولى بقي ما أتعصبش!!!!!!! وواحد تانى يكون راكب عربية شبه عشة الفراخ ومش طايق هدومه وعمال يصرخ امشي يا مدام ما تمشي أمشي بسرعه مع انى مش معطلة المرور خالص وطبعا الامر لايخلو من انك تسمع شتمايتين .وتقولى ما اتعصبش طيب اقولك الاظرف من كده مرة واحد وزوجته وقفوا مخصوص وركنوا عشان يشتمونى بعد مار كنت قولى بقي خليك كووووووووووول
لا عصبتنى خالص الله يسامحك:7::7::16::16:

Blanche Neige
14-06-2009, 12:47 AM
والله بجد اذا كان الحل بسيط وسهل اوى كده

باتباع الخطولط اللى قولت عليها ماكنش حد غلب بجد

بس مين بقى يقدر يطبق الخطواط دى ميييييييين؟؟؟؟؟؟؟؟؟؟

انت عارف ان اكتر ناس عصبيين هما احنا المدرسين

وطبعا دا مش بايدينا بس هانعمل ايه نصيبنا كده وحظنا السعيد

هو اللى خلانا مدرسين والظروف اللى حوالينا هيه اللى بضطرنا

لاننا نكون عصبيين يعنى مثلا تفضل واقف طول الحصه تشرح من

اعماق قلبك وتنبح فى صوتك وتعيد وتزيد بعد كده تيجى تسأل تلاقى

طالب غبى ولا كان معاك اصلا قولى تعمل فيه ايه ؟ ولا يجيلك موجه

لطيف اوى مش عاجبه العجب بيصطادلك اى غلطه وانت اصلا طالع عينك

فالشغل وعامل اللى عليك وزياده بس هوه فى ناس كده محبطه بطبعها

تعمل ايه انت بقى فالوقت ده ؟؟؟؟ وكمان يجى علينا الحر زى دلوقتى كده

ونكون مش طايقين حد اصلا يجى جمبنا وتقولى بلاش نتعصب والله دا حضرتك

حد طيب جدااااااااا بجد جزاك الله كل خير عنا جميعا وربنا يهدينا جميعا .

شمس بياض
14-06-2009, 03:06 AM
يا خووووووى العصبيه


غصب عن الواحد

ليها اسباب كتيرررررررررر

قوى ياخوى وخاصه من الاطفال
اللى مش تسمع الكلام ودا للاسف
اتربينا على الطاعه ودلوك عصر الفلسفه والاقتناع ومش عارفه ومدرك ايه

حاجه تعصب بصحيح
دا غير المواد الغذائيه المليانه كماويات
فيها اشياء تؤ دى للعصبيه لا اراديه

لكن كالعاده موضوع رائع بارك اللهم فيكم ياخووووى

روبي أحمد
14-06-2009, 04:32 AM
العصبية لا إرادية

على الأقل بالنسبة لي
بس أكيد ممكن أي إنسان إنه يتحكم فيها
صح و لا إيه
موضوع طويل أوي أوي
بس قرأتته و أمري إلى الله
كنت بدور على الجمل المفيدة اللي فيه
أدي أخرة العصبية
شكراً على الموضوع

رودينا
14-06-2009, 07:19 PM
هكونا ماطاطا

دايما نت بقول انها تافه بس بجد مهمة جداااااااااااااا

ارمى ورا ظهرك عشان متتعبش بجد

بارك الله فيك وجزا عنى الف مليووووووون خير

رودينا
14-06-2009, 07:24 PM
فعلا يا شريف يا اخويا

هتيجي على دماغنا في الآخر

موضوعك عبقري فعلا

وفكرني ب( سلمى ) كانت أفضل طالبة عندي
أيام ما كانت في تانيه ثانوي لما كنت بتنرفز عليها علشان خطأ صغير في إعراب مثلا .. كانت تقولي : يا مستر ما تتعصبش لو سمحت ... لأن الأعصاب لما بتتلف مش بترجع زي الأول ..

ماعرفتش قيمة كلامها

إلا

لما أصبت بالتهاب العصب السابع ( شلل نصف الوجه )

واتعلمت زي ما انت بتقول يا شريف بفتح الشين : إن الدنيا كلها لا تستحق أبدا كل هذا الضغط العصبي ..

أحييك وأحيي موضوعك

ووحشتني أيها الفارس الشريف

آه نسيت ــــــــ بفتح الشين


الف سلامة لحضرتك وبجد مفيش اى شىء يستاهل بجد

اسامه القزاز
20-06-2009, 04:42 PM
اعجابى بموضوعك شئ واعجابى بصبرك شئ تانى خالص

عز وحيد
01-09-2009, 01:47 AM
موضوع يعتبر روشتة
اتمنى الكل يقرأه تانى
والى لسا ماشافهوش يقرأ
ابداعات مستر شريف

mazlom
02-09-2009, 09:58 PM
موضوع حلو ودهوة حلوة
بس نخليها علمية شوية

طرق العلاج العلمية

العلاج :
1 مراجعة الطبيب المختص
2 تناول الادوية المضادة لذلك الانهيار .
3 معرفة السب الاساسي لذلك بالرجوع الى الاسباب الاساسية لذلك .
4 الاهتمام بالعلاج النفسي المعرفي والسلوكي .
5 محاورة المريض والتعرف على مشكلته بطريقة هادئة ولطيفة .
5 احاطة المريض بالحب والحنان .
6 تهدئة اعصابة وذلك بتخفيف المشكلة التي سببت الانهيار العصبي .
7 اصطحابه الى اماكن الترفيه والتسلية البريئة .
8 تجنب تركه لوحده .
9 تجنب اجباره على القيام باي نشاط يرفضه .
10 تقديم الهدايا التي يحبها .
11 عمل احتفال يعيد ميلاده او اية مناسبة تتعلق به لغرض اشعاره باهميته .
12 تغيير البيئة التي هو عليها قدر الامكان .
13 تشجيعة على ممارسة التمارين الرياضية البسيطة .
14 مساعدته على ممارسة تمارين الاسترخاء .
15 تدريبه على ممارسة تمارين التنفس .
16 تشجيعه على اخذ حمام دافيء او وضع قدمية في ماء دافيء

ميس صافيا
02-09-2009, 11:14 PM
ييييييييييييه
دا الواحد عمل البدع والله يا شريف عشان يتخلص من العصبيه دى
وما فيش فايده
والله كتير باقول لاصحابى نفسى ابقى بارده مش عارفه
كل حاجه حوالينا بتنرفز وتجيب الضغط
سواء فى البيت او الشارع او الشغل او المواصلات
فى كل حته
بس فى الاخر لازم اقولك حاجه مهمه
يا صبرك وهدوءك يا شريف

شريف
03-09-2009, 06:13 PM
تسلم ايدك يا عز
ربنا يكرمك
بجد انت في قمة النشاط
يارب تلاقي اعضاء يتفاعلوا مع نشاطك
يارب
بالنسبة لاخت صفاء
اللي بتقولي يا صبرك و هدوءك
ههههههههههه
تعالي شوفي ضغطي وانتي تعرفي الهدوء علي حق

الاستاذ على الدين يحيى
04-09-2009, 08:22 PM
الموضوع رائع وأسلوب عرضه ولا أروع وأسلوب تجميعه ما أجمله
وصاحب الموضوع ما أوحشه
وحشتنى قوى ياشريف كل عام وانت بخير
وأرجو أن تكون أعصابك هادئة وضغطك عال
وأرجو .. أرجو أن تطبق ما جاء بموضوعك عليك عشان أنا خايف عليك من العصبية
( حاجة فى سرك كدة .... كل الردود على موضوعك جميلة ومتزنة ماعدا رد واحد كان حيجيب لى الضغط أنا كمان .... بس أنا عملت نفسى ما شفتوش !! ومسحته من الذاكرةفوراً )