باليه مائى

[شريف]

السلام عليكم

يقول صديق لي كان في أمريكا الشهر الماضى : في أمريكا قد تستمر الأمطار كالسيول اسبوعين متواصلين تتواصل فيهم كافة صور الحياة الطبيعية و الانشطة اليومية للأمريكيين دون أدني تأثر ... أما في مصر ... تمطر السماء لمدة ثلاث دقائق فتستمر حضرتك كمصري تلعب باليه مائى في الشوارع تسير علي طراطيف صوابعك تنط كالغزال من بركة ماء إلي أخري بابداع شديد و مرونة و خفة و رشاقة دون أن يصيبك انزلاق غضروفي أو تتزحلق فتستمع بالعوم في بيسين من الطين !
أمطرت السماء في أمريكا أياما متواصلة ثلوج ليس لها أول أو آخر ... يقسم لي صديقي أنه في خلال دقائق لم ير نقطة ماء في الشوارع ... يبحث عن برك الطين و الماء التي يراها دوما علي أرض مصر الحبيبة ... و لكنه لا يجد علي مد البصر ... فقال لي : هناك في امريكا ناس بتفهم ... قلت له : لا ... قصدك هناك في امريكا ناس ..... بس ... أما نحن فـ ..... !!!

بالأمس و أنا سائر في شارع تعودت أن أسيره للوصول الي العمل ... أحسست أنني سرت مسافة 100 كيلو المسافة التي مشاها الرسول صلي الله عليه و سلم من مكة الي الطائف ! برغم أن الشارع لا يتجاوز 200 او 300 متر ... و لكني مارست هوايتي ( الباليه المائي) ... هي هواية ... و لكني مارستها مجبرا ! شاهدني صديق آخر لي في نهاية الشارع ... و وقف يراقبني ... و عندما وصلت اليه قال : لم أكن أعرف أنك تجيد الرقص الشرقي و فنون السيرك !
فقلت له : يا عزيزي ... كلنا ذاك الرجل ... نحن في مصر نعيش في سيرك كبير ... و أحيانا في حديقة حيوان
ما هو اللي انا عملته امبارح ده ... مايعملوش قرد في جبلاية القرود
يفكر المصريون دوما عندما يملأ الطين شوارعهم ... في وضع عدد من البلاطات بين الشوارع الغارقة بالوحل ... كي يمروا عليها ... و لا يفكرون ابدا في كيفية العيش كبني أدمين ... بلا طين ... و بلا شوارع مطينة ... فلا يفكرون أبدا في تقليد بعض الدول العربية و الدول الاوروبية في
(( كيف يعيشون كبشر ))

يجيد العرب تقليد الغرب في كل ما هو تافه ... بنطلون جينز كذا و شعر كذا و لبس كذا
و لا يجيدون تقليدهم في (( كيف بنوا هذه الحضارة ))
و كيف لا يمارسون الباليه المائى إلا في الاندية و الاماكن المخصصة لذلك !

فمحليات الثورة تعجز عن صرف مياه الامطار في القاهرة و المحافظات .
و أستطيع أن أؤكد أنه لو حدثت في مصر سيول
سنمارس رياضة جديدة بالاضافة الي الباليه المائي
ألا و هي رياضة العوم مسافات طويلة

آه يا قلبى

[أشرف السيد]

يا عزيزي ... كلنا ذاك الرجل ... نحن في مصر نعيش في سيرك كبير ... و أحيانا في حديقة حيوان

[نعمه محمود]

نحن ايضا نمارس الرقص بكافة اشكاله وانواعه
وليس الباليه فقط
ألم تسمع قول الشاعر
لاتحسبون رقصي بينكم طربا فالطير يرقص مذبوحا من الالم
نعم اخى الغالى فنحن نرقص مترنحين من هول الآلام والتى تحيط بنا
اسمع وأقرأ منذ عشرات السنين أن السادة محافظى كذا وكذا يستعدون لمواجهة
موسم الامطار وتأتى الشتاء فى موعدها كل عام ونغرق فى شبر ماء كما يقولون
اتذكر العام قبل الماضى عندما هبطت الامطار فجر عيد الاضحى ولم تستطع المئات من الساحات
تأديه صلاة العيد بسبب مالحق بها ونظل نرقص ونرقص ونرقص
حتى نقع مغشي علينا
والحقيقة أن المشكلة عندنا أن الادارة غائبة فنحن ندير الازمات بطريقة
استرها يارب ببركة دعاء الوالدين
شكرا شريف على ائارة شجوننا بهذا الشكل

لاتحرمنا من تلك الموضوعات التى تنفس قليى لا

[جمال سراج]

الموضوع لا يمثل مشكلة واحدة ... ولكن مشاكل كتير
عد يا سيدى
1- انعدام الضمير عند كتير ابتداءا من المحافظ الحرامى اللى كل سنة يعتمد ميزانية لصرف الشوارع ويسرق 3 ارباعها وتلاقى الشارع فيه شوية بوتومين اشبة بسندوتش الجبنة ... يقعد شهر ويحفر ولا كان حاجة اتعملت
ناهيك عن عدم وجود اى نوع من الفكر فى طريقة الرصف او وجود بالعات فى مكان مناسب او .........
2- اهم من دى هى ثقافة الناس .... بمعنى ان كل واحد ممكن يحب بيته يكون نظيف ولكن دا ممكن يكون على حساب اهل الشارع او الحى او البلد بحالها
فتلاقى مثلا بعد المطر ودى نلاحظها عندنا فى الاقاليم كتير قوى ... كل واحد فوق سطح بيته يشيل مية المطر ويكبها فى الشارع او يشغل ماسورة صرف على الشارع ... مش بس كدا دا ممكن يرمى وحل او طين ناتج من المطر فى الشارع
فى حين انه لو كلف نفسه وعمل ماسورة صرف على السطح على صرف البيت هتتحل المشكلة وكمان لو فتح بيارة المجارى اللى فى الشارع بحكمة وراقبها لحد ما مية المطر تنزل بشرط ما يسدش المجارى والا يهبب الدنيا هتلاقى الامر بسيط
يا مستر حكاية الضمير دى ملهاش حل
قلما تلاقى حد معندوش ضمير --- ممكن تلاقى حد مستهتر ماشى او يضر نفسه اه لكن يضر غيره متلاقيش حد كتير ممكن كدا
او يضر البلد او ياخد حق غيره لا
انا نفسى الناس فى مصر يعرفوا انه العامل البسيط اللى بيكنس الشارع او بيتعامل مع مية الشتا او الوحل او غيره دا بنى آدم حتى لو كانت دى شغلته ... ليه منساعدوش باننا نحاول يكون الشارع نظيف
ليه تبقى فى مامن فى بيوتنا وهو يقاسى الام البرد فى الشارع
ليه منحبش لغيرنا زى ما بنحب لنفسنا
ليه منعملش ولادنا انه لو رمى حتة قزاز مكسورة فى الشارع او حاجة زيها ممكن تعوره هو شخصيا مش تعور غيره
نفسى نتعلم ثقافة الجمال والشياكة
بمناسبة برة ... يا سيدى الشياكة عندهم وصلت ان البيوت فى كل حى تلاقيها بلون واحد وكذا ارتفاعات البيوت ونوع الشجر او الورد المزروع فى الشارع
مش زى عندنا فى الاقاليم مثلا تلاقى كل واحد عامل مسطبة قدام بيته واكلة نص الشارع وتلاقى جاره يعاند ويعمل مسطبة اعرض منها
هههههههه
شغل حلق حوش
يا مستر دول برة والله بيغسلوا الشوارع بالشامبو
اه وربنا انا شفت كدا
هتقولى دول اغنية وامكانات
يا سيدى بلاها غسيل شوارع بس الناس تتعقل الامور والا هييجى وقت وهتتعقل الامور غصب عنها
وزى ما بيقولوا اللى بيتلسع مالشوربة بينفخ بعد كدا فى الزبادى!!!!!!!!!!
مش هنقول ابدا زى الست ما بتقول .. اقول لمين ... ومين يسمع ندااااااااااايا
اكيد فيه كتير ويارب نكون منهم بيشاور نفسه ويحكم عقله ويغير اسلوبه عشاااااان الدنيا تمشى.
شكرا مستر شريف
كل شتا انت بخير ... والجميع

[شريف]

يا عزيزي ... كلنا ذاك الرجل ... نحن في مصر نعيش في سيرك كبير ... و أحيانا في حديقة حيوان

الجملة دي انا بشبه عليها :)
مبحبش الكوبي و البيست ... عندي ارتكاريا منه الله يكرمك
ههههههههههه

نورت يا ابو ادم

[شريف]

فنحن ندير الازمات بطريقة
استرها يارب ببركة دعاء الوالدين


في مصر ... لا توجد ادارة أزمة
في مصر ... توجد أزمة إدارة !

و مادام الوالدين بيدعولنا ... يبقا كده تمام

تسلم ايدك يا نعمة
نورتيني

[شريف]

1- انعدام الضمير .
2- ثقافة الناس

يا مستر حكاية الضمير دى ملهاش حل


ليه منحبش لغيرنا زى ما بنحب لنفسنا

نفسى نتعلم ثقافة الجمال والشياكة

شغل حلق حوش

انا اقتبست عبارات عجبتني أوي
لخصت فعلا مكمن المشكلة
حضرتك كده جبت م الاخر
تسلم ايدك

[/QUOTE]يا مستر دول برة والله بيغسلوا الشوارع بالشامبو[/QUOTE]

هههههههههههههههه
اومال بيستحموا بايه ؟؟؟
ههههههههههههه

نورت الموضوع يا مستر
اتمني تشرفنا بالرد في كل الموضوعات
لنزداد شرف ... شكرا جزيلا