استفسار عن حصص اخصائى الصحافة بمدارس الابتدائى والاعدادى

[Mrmriea]

السلام عليكم ورحمة الله وبركاتة
عندى استفسار بخصوص الحصص اللى هياخدها اخصائى الصحافة
هل الخبر دا صحيح ومؤكد ولا ايه

انا اخصائية صحافه فى مدرسة ابتدائى والنهاردة سمعت بيقولوا ان اخصائى الصحافة هياخد جدول ويشيل حصص
ياريت اعرف لو الخبر صحيح ومؤكد ازاى حنحضر وهيبقى فى كتاب او منهج نمشى عليه وايه النشاط اللى مطلوب مننا لمشاركة الطلبه فيه اثناء الحصة
وياريت كمان اعرف الاخصائى هياخد كام حصة فى الاسبوع اى الحق القانونى للاخصائى فى هذة الحصص

[omelbatal]

السلام عليكم ورحمة الله وبركاته :الأبنة الحبيبة مرمرية
ردا على استفسارك اليوم كان لنا اجتماع موجهى الصحافة المدرسية ،وقرأعلينا الموجة الأول للصحافة المنشور الوارد من الأدارة بخصوص حصص الصحافة المدرسية ،أكد لنا الموجة الأول ما ذكرت وقال مايلى :فى مرحلة التعليم الأساسى الابتدائى والأعدادى سوف تدرس حصة نشاط يختار منها التلميذ والطالب واحد من تسعة أنشطة (المسرح والموسيقى /الصحافة /المجالات زراعى صناعى تدبير منزلى /رياضى )ونصاب الفصل 2 حصة فى الأسبوع وعلى تللك الحصص5درجةتخص كل نشاط مختار حسب مايحدد الطالب رغبته بشرط أن يكون الفصل كله موزع على كافة أنواع الأنشطه .يعنى سوف ينوبك من الفصل حوالى 15 أو أقل من الطلاب الراغبين فى ممارسة نشاط الصحافة .وفيه امتحان شفوى بعد مرور50يوم من بدء الدراسة شفوى وتكون لجنة اختبار من الأخصائى ومدير المدرسة ومن الممكن حضور موجة الصحافة المشرف عليكى .
وبالنسبة لنصاب الحصص للفصل الواحد 2 حصة فى الأسبوع يعنى لوفيه معاك أخصائيين أخريين يقسم بينكم الفصول بشرط أل تزيد الحصص فى الأسبوع عن 8أو 10على الأكثر حتى لا تطغى على عمل الأخصائى الأصلى بالاشتراك فى المسابقات الواردة من ادارته أو مديريته أو الوزارة وذلك بالتنسيق مع ادارات المدارس .وسوفترسل نشرة بذلك لكل مدارس التعليم الأساسى وكل موجه صحافة سوف يقوم بإبلاغهم بذلك أيضا أثناء زيارات المتابعة للأخصائى .
هذا ماعلمته اليوم من الاجتماع الأسبوعى لموجهى الصحافة ،وعلى فكرة دى فرصة كويسة لكل أخصائى كان بيشتكى أن المدرسين مش بيسمحوا للطلاب بالتواجد مع مشرف أو أخصائى الصحافة .وبالنسبة للتحضير مافيش منهج محدد بس هاتعلمى التلاميذ كيفية اجراء الحديث الصحفى أو التحقيق وغيره من الفنون الصحفية ،وكمان كيف يصمم مجلة حائط ويحررها وممكن الطلاب يحرروا كل المجلات الحائطية المطلوبة فى المسابقات المختلفة .
أخر حاجة هاتحتاجى لدفتر درجات وتسجيل لغياب التلاميذ لأن ده كله بقى عليه درجات .
مع التمنيات بالتوفيق وأرجو أن أكون قد أفدتك :22::4:

[Mrmriea]

شكرا على اهتمام حضرتك وشكرا لانى كنت قلقانة من الموضوع جدا
المهم يعنى الخبر صحيح ...... طيب ماشى
والله من ناحية الواحد مبسوط عشان هيعرف الطلبه بالمجال دا
ومن ناحية تانية انا خايفه يؤثر على المسابقات بتاعه الادارة
احنا اخصائيتين فى المدرسة يعنى كل واحدة هتاخد 8 حصص صح كدة؟

عندى استفسار هما ال5 درجات بتوع النشاط دول هيعتبروا زى المواد اللى بتضاف للمجموع ولا مادة رسوب ونجاح ولا تضاف

كمان عاوزة اعرف هل الحصص ستطبق على كافه الصفوف يعنى من 1 ابتدائى لغاية 3 ابتدائى بيكونوا لسه مش مدركين؟؟؟؟؟؟
لو سمحتى حضرتك لو المنشور مع حضرتك ياريت ترفعيهولنا هنا
او اى من الزملاء يرفعة عشان نكون

[Mrmriea]

ارجو ان تفيدونى حول هذا الموضوع

[omelbatal]

ابنتى الحبيبة :أرجو أن أكون قدأجبت على أسئلتك السابقة ،أما بالنسبة لخوفك من تأثير الحصص على المسابقات .فهذا لن يحدث إن شاء الله .لسبب بسيط أنك ستأخذين طلابك أوطالباتك للمشاركة معك فى انجاز المسابقات ،فمثلا عليك الأن تجهيز مسابقة الطفولة فى مرحلة التعليم الأساسى ففى أثناء حصة النشاط ستقسمى الطلاب مجموعات مثلا:
هذا خطه جميل يصمم لوح الحائط طبعا بعد اعدادها له للكتابة والتحرير ،
هذه فنانة فى رسم الكاريكاتير تصمم ألبوم الكاريكاتير للمسابقة ،هذا يحسن التصوير يعد هو ألبوم التصوير أو الريبورتاج المصور وهكذا ..... وصلت هذه الفكرة
بالنسبة لتقسيم الحصص بينك وبين زميلتك ،نعم تقسم بينكم على حسب عدد الحصص بالمدرسة ، وهذا سيرجع لأدارة المدرسة واختيار الطلاب فمن الممكن أن يختار طلاب فصل معين أى نشاط آخر غير الصحافة فليكن مسرح وموسيقى أو مجال زراعى وغيره هنا لن يكون لأخصائى الصحافة حصص فى ذلك الفصل ومن الممكن أن يختار طلاب المدرسة كلها نشاط الصحافة فتكثر عليك الحصص أنت وزميلتك طبعا كما تعلمين لن يكون الفصل كله معك بل عدد معين من الطلبة .
بالنسبة لاستفسار الدرجات لن تضاف للمجموع ولكنها مادة رسوب ونجاح واذا رسب الطالب أو التلميذ فى مادة النشاط يحرم من دخول امتحان الترم الثانى كله ويدخل الدور الثانى فى مواد الترمين جميعا .
بالنسبة لتطبيق الحصص على كل الصفوف لم يذكر شيئا كهذا ولكن سأسأل لك فى الاجتماع القادم إن شاء الله
ولو استطعت الحصول على المنشور سوف أرفعه لكم على صفحة أخصائى الصحافة المدرسية وعلى مدونتى إن شاء الله.
مع خالص تمنياتى لك بالتوفيق :38: :22:

[Mrmriea]

شكرا لحضرتك على اهتمامك بالرد على اسئلتى

وياريت حضرتك تقولليلى على مدونتك او ترسليها ع الخاص