المساعد الشخصي الرقمي

مشاهدة النسخة كاملة : هل ستشارك معنا


محمد بن عباس
15-09-2011, 02:44 AM
السادة الزملاء الأفاضل السلام عليكم ورحمة الله وبركاته وكل عام وأنت بخير

هناك موضوع مهم جدا وهو حديث الساعة فى الشارع المصرى ألا وهو إضراب المعلمين عن العمل وأرجو

معرفة رأيك وبالأمانة هل ستشارك أم لا مع ذكر السبب

وأنا بمنتهى الصراحة أجد المعلم المصرى مظلوما ظلما كبيرا وتعرض المعلم المصرى للنسيان طوال 30 عاما

فلم ينجح الكادر فى تحقيق أمال المعلمين فى الحياة الكريمة التى تغنيهم عن الدروس الخصوصية

ولا يجب أت ننسى أن المعلم بشر وإنسان له الحق فى الحياة و هناك معلمون بالأقاليم ومعلمون للأنشطة لا يعطون دروسا خصوصية

وقد طلب المعلمون مطالب عادلة ليست كلها مادية لإصلاح منظومة التعليم المصرى

وشعر المعلم بالحزن وهو يرى مرتب كبار المستشارين بوزارة التربية والتعليم والذى تعدى عشرات الألاف

وايضاً عندما رأى الإدارى له الحق فى حافز 200% والمعلم ليس له الحق فيها مع إحترامى لجميع الإداريين

على العموم أنا عن نفسى سأشارك فى الإضراب
شريف
15-09-2011, 05:39 PM
طبعا نشارك يا استاذ محمد بالحضور بقوة
فهذا أدنى حق للمعلم
إن لم يكن بالحضور ... فبرسالة الي المسئولين و الحكومة
ببرقية ... احتجاج ... باعتصام
بأي وسيلة تعبر عن هذا المضمون
المهم الايجابية

و لا أكثر من ايجابيتك أخي الحبيب استاذ محمد
تسلم ايدك
حبيبه المصريه
15-09-2011, 06:40 PM
ممكن توضيح
يا مستر اضراب عن العمل ازاى ؟؟
يعنى نروح مدارسنا ومندخلش الفصول يعنى ولا نشتغل ؟؟؟
لو استنتاجى صح
أنا مقدرش أعمل كده
أنا عارفه ان المعلم مش واخد حقه بتاتا
وأنا من ضمن المئات اللى بدأوا السلم من أوله
شغل حصص وبعدين عقد مميز وبعدين معلم مساعد
وبهدله ملهاش أول من آخر
إلى أن تم تثبيتنا من شهور بسيطه
وعارفه أن المدرس يستاهل يتقدر أكتر من كده
وأن مرتبه مبيكفيش 10 أيام من الشهر
بس أنا مقدرش أسيب الطلبه تيجى المدرسه
وأقعد كده وأقول مش هشتغل و لا هعلمكم
أصل وزارتنا مش عاوزه تدينا حقنا
لما تدينا أبقى أعلمكم
طيب الولاد ذنبهم إيه فى ده ؟؟

ممكن نطالب بحقنا
بس مش بوسيلة الاضراب عن العمل
وبعدين احنا نضرب عن العمل
وجهاز الشرطه يضرب عن العمل
ووزارة الصحه بكامل هيئاتها تضرب عن العمل
وقطاع التموين يضرب عن العمل
والفلاحين يضربوا عن العمل
والسواقيين يضربوا عن العمل
والعمال يضربوا عن العمل
مصر تروح فين بقى
تشوف حد تانى يشتغل فيها

معلش احنا استحملنا كتير
معلش نستحمل سنه أو اتنين عشان مصر
اعتقد مفيش ميزانيات لكل القطاعات دى
ولو على حقوق تانيه
نوصلها بأسلوب تانى غير الاضراب عن العمل
ده رأيى ومش هقدر أكون ضمن المضربين عن العمل
لو بالشكل اللى فهمته
نعمه محمود
15-09-2011, 09:53 PM
ان شاء الله سأشارك ولن أذهب للمدرسة رغم علمى ان مدرستى لن تضرب عن العمل
ولكنى سامتنع عن الذهاب فى هذا اليوم تضامنا مع زملائي الذين تحملت معهم عناء الوقوف فى الشمس أمام مجلس الوزراء سأضرب لأننى مقتنعة تماما أن هذا هو السبيل الأخير لنا بعد كل هذه الوعود البراقة التى تلاشت بمجرد فض الاعتصام وردا على أختى الغالية حبيبة بانه ليس للطلبة ذنب \نعم ليس لهم ذنب ولكن ( أيه اللى رماك ع المر ) واضراب يوم او يومان لن يدمر العملية التعليمية
ولكن سيدمرها حالة الغضب والاحتقان الموجودة لدى المعلمين الذين يشعرون بالقهر والظلم
من تجاهل الحكومات المتعاقبة لهم
شكرا استاذ محمد عباس على كل ماتقدمه من أجل معلمى مصر
محمد بن عباس
15-09-2011, 10:25 PM
طبعا نشارك يا استاذ محمد بالحضور بقوة
فهذا أدنى حق للمعلم
إن لم يكن بالحضور ... فبرسالة الي المسئولين و الحكومة
ببرقية ... احتجاج ... باعتصام
بأي وسيلة تعبر عن هذا المضمون
المهم الايجابية

و لا أكثر من ايجابيتك أخي الحبيب استاذ محمد
تسلم ايدك


تحياتى لرأيك أخى شريف فالمعلم له مكانة رفيعة لا يعلمها إلا الله
محمد بن عباس
15-09-2011, 10:32 PM
ممكن توضيح
يا مستر اضراب عن العمل ازاى ؟؟
يعنى نروح مدارسنا ومندخلش الفصول يعنى ولا نشتغل ؟؟؟
لو استنتاجى صح
أنا مقدرش أعمل كده
أنا عارفه ان المعلم مش واخد حقه بتاتا
وأنا من ضمن المئات اللى بدأوا السلم من أوله
شغل حصص وبعدين عقد مميز وبعدين معلم مساعد
وبهدله ملهاش أول من آخر
إلى أن تم تثبيتنا من شهور بسيطه
وعارفه أن المدرس يستاهل يتقدر أكتر من كده
وأن مرتبه مبيكفيش 10 أيام من الشهر
بس أنا مقدرش أسيب الطلبه تيجى المدرسه
وأقعد كده وأقول مش هشتغل و لا هعلمكم
أصل وزارتنا مش عاوزه تدينا حقنا
لما تدينا أبقى أعلمكم
طيب الولاد ذنبهم إيه فى ده ؟؟

ممكن نطالب بحقنا
بس مش بوسيلة الاضراب عن العمل
وبعدين احنا نضرب عن العمل
وجهاز الشرطه يضرب عن العمل
ووزارة الصحه بكامل هيئاتها تضرب عن العمل
وقطاع التموين يضرب عن العمل
والفلاحين يضربوا عن العمل
والسواقيين يضربوا عن العمل
والعمال يضربوا عن العمل
مصر تروح فين بقى
تشوف حد تانى يشتغل فيها

معلش احنا استحملنا كتير
معلش نستحمل سنه أو اتنين عشان مصر
اعتقد مفيش ميزانيات لكل القطاعات دى
ولو على حقوق تانيه
نوصلها بأسلوب تانى غير الاضراب عن العمل
ده رأيى ومش هقدر أكون ضمن المضربين عن العمل
لو بالشكل اللى فهمته


أختى الفاضلة حبيبة احترم وجهة نظرك
ولكن ألا تتفقى معى أن المعلم له مكانة يجب أن تقدرها الدولة غير باقى الفئات الأخرى
وقد قدرت الدولة عمال البريد وعمال المحلة وسائقى القطارات وهيئة النقل العام عندما طالبوا بحقوقهم
أليس من الأولى تقدير المعلم مع إحترامى الشديد لكل عمال مصر الأفاضل
والذى يسبب لكل المعلمين الضيق هو التجاهل التام من الحكومة للرد على مطالب المعلمين
جمال سراج
15-09-2011, 10:39 PM
شاشارك وسامنع اولادى من الذهاب للمدرسة تضامنا مع زملائى
ويمكن للحكومة تفادى كل ذلك باقرار حقوق المعلمين أولا ...
مش عاوزين زيادة الوقتى لكن المطلوب اقرارها بقوانين ونبقى ناخدها لما الظروف تتحسن
بس عاوز اقول حاجة ... اشمعنا المعلمين بيعملوا معاهم كدا
من فترة بسيطة قام افراد هيئة البريد باضراب لمدة 3 ايام تقريبا تحقق خلالها معظم مطالبهم
اشمعنا لما المعلمين ييجوا يطالبوا يقولوا وزارة خدمات وغيره
لحد امته هيبقى الوضع كدا
لنا الله من قبل ومن بعد
اتمنى من الجميع توصيل الاحتجاج بصورة لائقة ووضع مصالح الطلاب أمام العين لأنهم أبنائنا
وأتمنى من كل ولى أمر واعى ومثقف معترف بحقوق المعلمين أن يساندنا ولو بامتناع أولاده عن الذهاب للمدرسة خلال فترة الاضراب التى نأمل أن تكون قصيرة باذن الله
شكرا لحضرتك مستر محمد
محمد بن عباس
15-09-2011, 10:43 PM
ان شاء الله سأشارك ولن أذهب للمدرسة رغم علمى ان مدرستى لن تضرب عن العمل
ولكنى سامتنع عن الذهاب فى هذا اليوم تضامنا مع زملائي الذين تحملت معهم عناء الوقوف فى الشمس أمام مجلس الوزراء سأضرب لأننى مقتنعة تماما أن هذا هو السبيل الأخير لنا بعد كل هذه الوعود البراقة التى تلاشت بمجرد فض الاعتصام وردا على أختى الغالية حبيبة بانه ليس للطلبة ذنب \نعم ليس لهم ذنب ولكن ( أيه اللى رماك ع المر ) واضراب يوم او يومان لن يدمر العملية التعليمية
ولكن سيدمرها حالة الغضب والاحتقان الموجودة لدى المعلمين الذين يشعرون بالقهر والظلم
من تجاهل الحكومات المتعاقبة لهم
شكرا استاذ محمد عباس على كل ماتقدمه من أجل معلمى مصر

تحياتى لوجودك الدائم فى صف المعلم وحضورك المميز فى مظاهرة المعلمين أمام مجلس الوزراء
يلا يا سيادة النقيب المسئولية كبرت عاوزين حق المعلم
نعمه محمود
15-09-2011, 11:21 PM
علمت الآن أن الدكتور محمد زهران مدير مركز رعاية الموهوبين ونقيب المعلمين بالمطريه
أضرب عن الطعام منذ صباح اليوم إلى أجل غير مسمى ومعرفتى الوثيقة بدكتور زهران تؤكد لى أنه لن يتراجع عن قراره فكم علمته مدافعا عن الحق واتمنى ان نتضامن معه جميعا
نعمه محمود
15-09-2011, 11:23 PM
تحياتى لوجودك الدائم فى صف المعلم وحضورك المميز فى مظاهرة المعلمين أمام مجلس الوزراء
يلا يا سيادة النقيب المسئولية كبرت عاوزين حق المعلم

كل التحية لحضرتك أستاذ محمد
حبيبه المصريه
15-09-2011, 11:54 PM
أختى الفاضلة حبيبة احترم وجهة نظرك
ولكن ألا تتفقى معى أن المعلم له مكانة يجب أن تقدرها الدولة غير باقى الفئات الأخرى
وقد قدرت الدولة عمال البريد وعمال المحلة وسائقى القطارات وهيئة النقل العام عندما طالبوا بحقوقهم
أليس من الأولى تقدير المعلم مع إحترامى الشديد لكل عمال مصر الأفاضل
والذى يسبب لكل المعلمين الضيق هو التجاهل التام من الحكومة للرد على مطالب المعلمين


والله يا مستر انا معاك فى كل كلمه
وعارفه ان المعلم مظلووم ومش واخد حقه ومكانته ووضعه

ما أنا منكم وشفت كتيررررررررر أنا وزمايلى
من وزارتنا الموقره
لحد ما خدنا جزء بسيط من حقوقنا وهو التثبيت
بعد الوعود الكثيره والقرارات العائمه
وكل سنه يخترعولنا شىء جديد

اللى تعبان فى المهنه دى
صاحب الضمير اللى بيحب شغله
قدرنا يبقى التدريس مهنتنا
والله انا معاكم وعارفه انه حقهم وحقنا و صبرنا كتيررر

واحنا اقل مهنه مش واخده وضعها ولا حقها الادبى والمادى

بس مقدرش الاقى الطلبه حاضرين ومدخلش اشتغل
ضميرى هيأنبنى ومقدرش على كده
معلش أعذرونى مش هقدر اعمل كده مع حضور الطلبه
محمد بن عباس
16-09-2011, 12:08 AM
والله يا مستر انا معاك فى كل كلمه
وعارفه ان المعلم مظلووم ومش واخد حقه ومكانته ووضعه

ما أنا منكم وشفت كتيررررررررر أنا وزمايلى
من وزارتنا الموقره
لحد ما خدنا جزء بسيط من حقوقنا وهو التثبيت
بعد الوعود الكثيره والقرارات العائمه
وكل سنه يخترعولنا شىء جديد

اللى تعبان فى المهنه دى
صاحب الضمير اللى بيحب شغله
قدرنا يبقى التدريس مهنتنا
والله انا معاكم وعارفه انه حقهم وحقنا و صبرنا كتيررر


واحنا اقل مهنه مش واخده وضعها ولا حقها الادبى والمادى

بس مقدرش الاقى الطلبه حاضرين ومدخلش اشتغل
ضميرى هيأنبنى ومقدرش على كده
معلش أعذرونى مش هقدر اعمل كده مع حضور الطلبه




طيب أستاذة حبيبة كما قلت احترم وجهة نظرك ولكن ممكن أعرف كيف نأتى بحق المعلم وقد تظاهرنا 4 مرات فى الصيام فى رمضان ولم يستجب لنا أحد
حبيبه المصريه
16-09-2011, 02:07 PM
طيب أستاذة حبيبة كما قلت احترم وجهة نظرك ولكن ممكن أعرف كيف نأتى بحق المعلم وقد تظاهرنا 4 مرات فى الصيام فى رمضان ولم يستجب لنا أحد


المشكله يا مستر ان التوقيت صعب
يعنى مصر مش مستحمله فى الظروف دى
اى ضغوط من اى قطاع
يمكن القطاعات التانيه
فيها ميزانيات او تعرف تدبر امورها
لكن التربيه والتعليم بعد تثبيت المتعاقدين
وصرف بدلات الاعتماد ليهم
وحصة الاداريين
عندها فائض لتحقيق مطالبنا ؟؟؟
ما هو لو ظروف البلد تستحمل
كنت شجعت الفكره لكن التوقيت صعب
وبصراحه مصر مش مستحمله ضغط اكتر من كده
خايفه مع كتر الضغوط الماليه تحديدا عليها تضيع مننا
أنا عن نفسى هستحمل شويه لحد ما ظروف البلد تتحسن
عندنا النصف التانى من العام الدراسى
يعنى على بداية شهر 2 تكون الاحوال وضحت شويه
استحملنا كتير مش هتفرق كام شهر كمان
محمد بن عباس
16-09-2011, 02:30 PM
الأستاذة الفاضلة حبيبة لا شك إطلاقا فى وطنية المعلم المصرى وحبه لبلاده وخوفه عليها

ولكن عند حق المعلم ونقول البلد مش مستحملة طيب انا قلت قبل كدة إن عمال البريد لما خدوا

حقهم وعمال المحلة والقطارات كانت البلد مستحملة وعند المعلم مش مستحملة

عارفة أختى الفاضلة فى خلال ساعة واحد من إضراب عمال البريد طلع من الحكومة كام قرار

لصالجهم 16 قرار من ضمنهم طبعا رفع مرتباهم وحوافزهم

والمعلمون فى مصر ليس لهم طلبات مادية فقط برجاء الإطلاع جيدا على طلباتهم لتعرفى أن المعلم المصرى

أولا يريد إصلاح شامل لمنظومة التعليم الفاشلة فى مصر من سنوات طويلة ومحاسبة البهوات المستشارين

أمثال طارق الحصرى ورضا أبو سريع ومدحت مسعد ولا داعى لذكر مرتباتهم وهم لا يبذلون ربع جهد المعلم

ويريد المعلمين أيضا إلغاء إمتحانات الكادر المهينة للترقية وتثبيت المتعاقدين بالحصة وعودة التكليف لخريجى كليات التربية

يبقى مش مطالب مادية فقط

والأهم إقالة وزير التعليم الفاشل الذى جاء برموز الحزب الوطنى للعمل مرة أخرى بوزارة التعليم من أمثال أحمد درويش وغيره
حبيبه المصريه
16-09-2011, 05:08 PM
الأستاذة الفاضلة حبيبة لا شك إطلاقا فى وطنية المعلم المصرى وحبه لبلاده وخوفه عليها

ولكن عند حق المعلم ونقول البلد مش مستحملة طيب انا قلت قبل كدة إن عمال البريد لما خدوا

حقهم وعمال المحلة والقطارات كانت البلد مستحملة وعند المعلم مش مستحملة

عارفة أختى الفاضلة فى خلال ساعة واحد من إضراب عمال البريد طلع من الحكومة كام قرار

لصالجهم 16 قرار من ضمنهم طبعا رفع مرتباهم وحوافزهم

والمعلمون فى مصر ليس لهم طلبات مادية فقط برجاء الإطلاع جيدا على طلباتهم لتعرفى أن المعلم المصرى

أولا يريد إصلاح شامل لمنظومة التعليم الفاشلة فى مصر من سنوات طويلة ومحاسبة البهوات المستشارين

أمثال طارق الحصرى ورضا أبو سريع ومدحت مسعد ولا داعى لذكر مرتباتهم وهم لا يبذلون ربع جهد المعلم

ويريد المعلمين أيضا إلغاء إمتحانات الكادر المهينة للترقية وتثبيت المتعاقدين بالحصة وعودة التكليف لخريجى كليات التربية

يبقى مش مطالب مادية فقط

والأهم إقالة وزير التعليم الفاشل الذى جاء برموز الحزب الوطنى للعمل مرة أخرى بوزارة التعليم من أمثال أحمد درويش وغيره


ليقضى الله أمرا كان مفعولا
اللهم دبر أمرنا فإننا لا نحسن التدبير
aa_mm
20-09-2011, 08:51 PM
السلام عليكم ورحمه الله وبركاته
زملائى الاعزاء لاحظت من خلال تعليقات الزملاء على صفحات الفيس بوك وعلى شاشات التليفزيون انا مطالب الاضراب تكاد تنصب على الدرجات الماليه والحوافز والترقيات والمرتبات ولم اجد تعليق واحد يخص العقود المؤقته والتى هى اكثر الفئات المهضومه الحقوق معنى ذلك ان الاضراب الذى نحن بصدده هو اضراب للمعلمين المعينين الذين يبحثون عن ترقيات ودرجات ماليه وحوافز ليس من أجل مدرسى الحصه والعقود المؤقته لتثبيتهم واسترداد حقوقهم لذلك فانا ارفض الاشتراك فى اى اضرب او اعتصام:patch_paint:
محمد بن عباس
20-09-2011, 09:41 PM
السلام عليكم ورحمه الله وبركاته
زملائى الاعزاء لاحظت من خلال تعليقات الزملاء على صفحات الفيس بوك وعلى شاشات التليفزيون انا مطالب الاضراب تكاد تنصب على الدرجات الماليه والحوافز والترقيات والمرتبات ولم اجد تعليق واحد يخص العقود المؤقته والتى هى اكثر الفئات المهضومه الحقوق معنى ذلك ان الاضراب الذى نحن بصدده هو اضراب للمعلمين المعينين الذين يبحثون عن ترقيات ودرجات ماليه وحوافز ليس من أجل مدرسى الحصه والعقود المؤقته لتثبيتهم واسترداد حقوقهم لذلك فانا ارفض الاشتراك فى اى اضرب او اعتصام:patch_paint:
أخى الفاضل تقدمنا للوزارة ب 8 طلبات منها تثبيت جميع المعلمين على رأس العمل دون شروط