المساعد الشخصي الرقمي

مشاهدة النسخة كاملة : عبط x عبط


حبيبه المصريه
07-09-2011, 08:30 PM
You can see links before reply

معالجة ايه ومن الاشراف ايه
دى بتخرف وقال ايه معالجه
كدابه و لا تنتسب للمعالجين بالقرآن بأى صفه
كان هيجيلى الضغط وانا بشوف الحوار لايف
على الجزيره مباشره
قال ايه اللى محبوسين مظلومين
يبقى الشهداء بقى قتلوا نفسهم بنفسهم
ولا موضوع السمك اللى طلعلها
قصدى الظباط اللى طلعوووووو من البحر
وقال ايه ايران والعراق وفلسطين
والشيعه هما اللى قتلوا الثوار
تخرررررررررررريف مفيش بعد كده
ولا موضوع مبارك من الاشراف جنان رسمى
هتشل صراحه فى ناس جنان رسمى كده فى مصر
يارب ارحمنا واعفوا عنا
شريف
07-09-2011, 08:55 PM
احلى تعليق عجبنى ع المقطع ده ع اليوتيوب
بيقول ان مبارك فعلا من الاشراف
بس من ناحية فرع ابو لهب
هههههههههههه



بـ 200 أو 300 جنيه سهل جدا تأجرى خمسين واحد من النوعية دي
يقولوا كل اللي انتي عايزاه و ممكن يبدعوا من عندهم كمان
زي المتخلفين اللي في الفيديو دول

مش عارف ايه كم السذاجة ده
المذيع مرارته كانت هتتفقع
كان بياخدهم على اد عقلهم

يا بختك يا مبارك بشوية المعتوهين دول
ناس قفلت عنيها تماما عن الحقيقة
و مش عايزين يشوفوا ولا يسمعوا الا خطابات السيد الرئيس فى عيد العمال

طب يعني الواحد قال ماشي مش مشكلة
بيقولوا عليه صاحب الضربة الجوية الاولي
و راجل كبير في السن
و احترموه و محدش يهينه مدام هيتحاكم

انما يبقا من الاشراف ؟؟؟
و يبقا ولي من اولياء الله الصالحين ؟؟؟
و جدوده اولياء و ليهم مقام ؟؟؟

ده بقا الكلام السخيف العبيط اوي اللي بيستهين بعقلية المصريين
و الله اي حد عاقل من بتوع اسفين ياريس
لو شاف المقطع ده المفروض يكره مبارك و مؤيديه

طب هنفترض مثلا انه فعلا هوا من الاشراف
و له جدود من اولياء الله الصالحين
رغم كل الاخطاء الدينية و العقائدية في الموضوع
و حرمانية المقام ده اصلا و السيد البدوي و الكلام الفارغ ده
هنفترض ان الكلام ده صح

هل سيغني مبارك من الله شيئا ؟؟؟
يعني هل يعفي هذا مبارك من اي جرائم ارتكبها في حق الشعب الصري ؟

طب بلاش
هنقول مثلا ابو حسني مبارك كان نبي !!!!!
مثلا مثلا يعني

ومبارك فاسد و فاسق و مايعرفش ربنا
ابوه النبي هيدخله الجنة ؟؟؟؟

كلام عبيط جدا يدل علي عقليات متخلفة
و المقطع ده في حد ذاته ضد مبارك مش لصالحه والله
دول ضروه مش نفعوه

كمية من قلة الوعي و قلة الثقافة و حتي انعدام المعلومات المعلومة من الدين بالضرورة

الشيخة اللي بتتكلم دي شيخة علي نفسها
دي مش عارفة اصلا تنطق آية قرانية بشكل لغوي سليم
بتغلط غلطات فادحة و مضحكة
ازاي بتعالج اصلا بالقران ؟؟

دي حتي بتغلط في اسم حبيبها
بدل ما تقول مبارك
بتقول مباريك هههههههه

و لا التانية اللي بتقول علي الشرطة (( سرطة ))

الله يخرب بيوتهم

لو دي عقليتهم

يبقا فعلا احنا اسفين ياريس
في شوية متخلفين بيدافعوا عنك
اتبري منهم بدل ما يفضحوك !!!!!!!!

حاجة تفقع والله
حبيبه المصريه
07-09-2011, 09:07 PM
والله يا مستر ردك خلانى اموت على نفسى من الضحك
ولا مش عارفه تنطق العيسوى صح
مش عارفه بتقولها ازاااااااااااى
عاهات بجد فعلا يلا رزق مبارك بقى مبارك عليه
شريف
07-09-2011, 09:19 PM
بتقول عليه : منصور العيسييييوي
هههههههههههه

الظاهر ده اسم الدلع بتاعه

او يمكن كانت بتسمع المطرب محمود العسيلي و هيا رايحة المظاهرة
فالدنيا ساحت في دماغها و المعلومات دخلت في بعضها

هههههههههههه

و الله المقاطع دي يا استاذة حبيبة
بقيت بتفرج عليها في الفترة الاخيرة
لما اعوز افرفش و اضحك شوية

اهو تغيير جو

خدي عندك بقا الفيديو ده
صعيدي زي العسل

بيقول رأيه في اللي حاصل في مصر
بس صعيدي علي حق

ههههههههههههههه


You can see links before reply
حبيبه المصريه
09-09-2011, 02:01 PM
فعلا لاحظت كده برضه
ان الناس دى بتخلينا نضحك شويه عليهم
كنت بحول القنوات بالريموت
فلقيت قناة الفراعين
اصلا انا لغياها من الريسيفر
شكل ترددها اتغير فنزلت على قناه تانيه عندى
فبحول القناه كان توفيق عكاشه شغال فيها
الواحد اصلا مش طايقه
عامل فيها ابو العريف اللى فاهم كل حاجه
لقيت اخويا بيقولى سيبيه الراجل ده
سيبى تيفه العوكش نضحك عليه شويه
( ده اسم الدلع بتاعه عندنا )

بقينا محتاجين الناس دول عشان نضحك عليهم
يلا ليهم فايده برضه
الفيديو جميل جدااااااا
صعيدى جاب اللى متعلميين فينا
معرفوش يقولوه ولا يفهموه
عنده حق جدااااا
خلونا شعب فهمان
وانا هكمل واقول
مش شعب بغبغان
دى الخلاصه
متشكره لحضرتك جدااااااااا على الفيديو الجميل ده
ربنا يسعدك بما يسرك


وكنت عاوزه اقول للصعيدى الجدع ده
ياعم بتكلم صح
وصح الصح كمان
بس بلاش حلفانات طلاق الله يكرمك
دموع تائبة
24-09-2011, 11:21 AM
عبط فى عبيط يا عبييييييييييط
شئ يغيظ

مشكورة حبيبة
botickelomda
10-10-2011, 05:17 PM
إيه الهبل ده ؟؟؟؟ظ