المساعد الشخصي الرقمي

مشاهدة النسخة كاملة : ذهب الليل بالطريقة الثورية


وينكى
06-09-2011, 11:43 PM
مش عارفة الاغنية دى موجودة هنا ولا لأ بس هى عاجبانى جامد جدى و قلت اعرفها لصديقاتى فى الروضة لانى حفظتها لاولاد عندى فى الكلاس

بما ان انا مدرسة روضة و عاملة دماااااااغ مع العيال فى الكلاس اتفضلو الاغنية دى هتعجبكوا اخر حاجة

ذهب الليل طلع الفجر و الشعب اتحرر ـــــ اتحرر
شاف مبارك قاله ارحل و النظام فرفر ـــــــ فرفر
الشعب قاله سيب السلطة و خلينا فى حالنا
شد نفسه و بعت حرسه و جه جر شكلنا
راحت الناس قاعداله و حلفت ما هى راجعة بيوتها
و ادى جزاة اللى يتلامض مع الشعب بتاعنا
و اييييييييييييه اييييييييييييه
بس خلاص
نهاد فؤاد
07-09-2011, 03:32 PM
جميله اوى

ههههههههههههههه

بس عن نفسى مش هقولها للاولاد الا لما اعلمهم ازاى يكونوا مواطنين صالحين
واننا كنا سبب رئيسى واساسى فى اللى حصل لشعب مصر اما بالسلبيه واما بالسلبيه والتجاهل

يعنى مش هيكون شعارنا ثورة عشان ثورة

بس بجد جميله اوى
وينكى
08-09-2011, 12:58 AM
ما شاء الله عليكى كويس لقيت حد من الروضه يقرأ افكارى
عارفة اهم حاجة اننا نشكل الطفل بالوطنية من صغره و قلما تجدى الموضوع دا فى الرياض عامة حتى فى الصفوف الاولية للمدرسة علشان كدا الواحد بيحاول على اد ما يقدر من خلال اللعب و القصص و الاغنيات او حتى شعارارت رياض الاطفال المستخدمة فى الاعتماد و الجودة اننا ندخل حب البلد فى نفس الطفل من صغره و الحمد لله بيجيب نتيجة كويسة و الله المستعان
بس ماليييييييييييش دعوة لازم تحفظيها للكتاكيت اللى عندك
نهاد فؤاد
08-09-2011, 11:52 AM
خلاص هيحفظوها هيحفظوها بس كدا

طلباتك اوامر

ربنا يوفقك ويسعدك
وينكى
09-09-2011, 03:45 PM
هههههههه
الله يكرمك و يبارك فيكى يا قمر جزاكى الله خيرا
mohamed soltan
10-09-2011, 04:32 PM
شششششششكرا
ابلة المدرسة
14-09-2011, 07:29 PM
جميلة جدا جزاك الله خيرا
نوجا75
25-09-2011, 05:36 PM
حلوه قوى ياونكى
وينكى
26-09-2011, 04:03 PM
جميلة جدا جزاك الله خيرا


جزانا و اياكى يا سكر
ام عبداللة2
08-09-2012, 08:11 PM
بس يارب ما يكونش المدير من الفلول فنترفد