يا ضار ما دخلك شرم

[شريف]

السلام عليكم

ايه الفرق بينك (( كانسان مصرى ما بعد الثورة )) و بين أي مواطن ياباني ؟؟
أقولك يا سيدي ... الياباني انسان مخلص لبلده إلى أقصى حد


الشعب الياباني ... مارس تأدية الامانة الي اهلها ...
كما ينبغي ان يكون عليه الاسلام
برغم انهم ملحدين و شيوعيين و لا يؤمنون بإله أصلا !

بعد الكارثة ثلاثية الابعاد اللي حصلت في اليابان ...
زلزال مدمر و تسونامي و تسرب اشعاعي !!
قرر الشعب الياباني انه يضرب للعالم كله مثال يحتذى بيه في الامانة و نظافة اليد
_ مع الاعتذار الكامل لنظيف بك رئيس الحكومة السابقة_
قرروا العودة لمدنهم المنكوبة حيث الحنين للذكريات
و بالمصادفة عثروا علي محافظ جيب و خزائن و ما يعادل 30 مليون دولار امريكي
سرقوهم ؟؟؟ لا .... نهبوهم ؟؟؟ لا ... طرمخوا عليهم ؟؟ لا ...

الرائع حقا ان كل المبالغ دي كاملة غير منقوصة رجعت كلها
للحكومة اليابانية مش ناقصة دولار واحد بعون الله !!

ده غير 78 مليون دولار كمان رجعت للحكومة في مدن يابانية اخري
فضلا عن 250 خزينة فيها سبايك دهب
و احجار كريمة و تحف نادرة ...و غيرها ...

و لحد النهاردة تؤكد الحكومة اليابانية انها بتتلقي كل يوم
المزيد من النقود و الخزائن كاملة ...الاغرب بقا ...
ان الشعب الياباني بيقوم التصرفات دي بشكل تلقائي و طبيعي
بدون دعاية و لا منظرة و لا فضائيات ... خالص ... ده العادي بتاعهم


داحنا لما سواق تاكسي يلاقي شنطة معفنة في التاكسي بتاعه اخر النهار بتاعة زبون
و يروح يسلمها للقسم ... الاعلام بيعمل عليها شوربة
يااااااااااااه بقا

الرجل الامين الذى اعاد الحقيبة الي صاحبها
و يتعمله صفحات كبيرة اوي في الجرائد القومية
و تتكالب عليه الفضائيات و برامج التوك شو
و يصبح اشهر من نانسي و هيفاء


هيا دي الدول اللي بتمارس الحرية المسئولة فعلا
و عارفين يعني ايه وطن و حق الوطن

عندنا الناس ليها مفهوم تاني عن الحرية

الحرية اللي المصريين حافظينها
انك تعمل اللي انت عايزو طالما مش بتضر حد
المشكلة بقا هوا تفسير المصريين لمعني كلمة (( ضرر ))

مفهوم من المفاهيم اللي ممكن تفسر معني الضرر
لدي بعض الناس ( بلدياتنا )
ان الضرر هوا اني اجيب ضرة لمراتي فيبقوا ضراير ابقي انا الوحيد اللي اتضر
فقصرت علي نفسي و قولت ارجع للمجمع اللغوي عشان يفسرلنا معني الضرر

فقالك ايه ؟
قالك انه لابد لكي يوجد ضرر
أن يوجد مضرور
إذن الضرر : هو نتيجة ضرب الضارر في المضرور
علما بإن حاصل الضرب محتمل يكون فيه كسور !!
علي ان يسمي محدث الضرر بالضار
ومن هنا أتت مقولة : يا ضار مادخلك شرم

و عجبى !

You can see links before reply

[نعمه محمود]

والله الواحد من كتر اللى بيقراه على اليابانيين نفسه يبقي يابانى
بيرجعوا الفلوس للحكومة ؟؟؟؟؟؟؟ بجد ياشريف؟؟؟
حق وحقيقي ولا تمثيل
طيب هقولك أنا بقي على بعض صفات المواطن المصرى برضه بعد الثورة
فجأة مصر كلها بتوضب شقهها وترمى مخلفات التجديد فى نهر الطريق
اه والله فى نهره !!!!!!!! لا ومش كده كمان ده المصريين تبنوا فكرة
مقلب زبالة فى كل شارع والحكمة بتقول ليه تتعب أكتر لما ممكن تتعب أقل
تبقى قاعد من الشباك وتطوح ايدك ترمى كيس الزبالة كده فى وسط الشارع
يقوم ييجى جارك ويرمى كيسه فوقه آه أومال محدش أحسن من حد
كنت فاكرة ان قلبنا هيبقي اكتر من كده على البلد انما اللى حصل
بقت أخلاق يوك
طبعا عمرنا ماسمعنا عن يابانى اتهجم على مستشفى ام اليابانيين
انما عندنا البلطجية اتهجموا على مستشفى أم المصريين وثبتوا الدكاترة
يالهوى ماتخلنيش اتكلم ياشريف خلينى ساكتة

[جمال سراج]

والله يا مستر نتمنى إننا نبدا بنفسنا فى التغيير
فعلا يطبق الغرب ربما أصول وتعاليم الدين فيما يخص الأمانة والإتقان واحترام وتقدير الجميع باعتبار أن الكل متساو

مش هنمجد فى الغرب ولا اليابانيين او غيرهم لكننا نعرض لميزات نتمنى ان نراها قريبا عندنا
حتى جمال الطبيعة وشكل الشوارع وارتفاعات البيوت فى كل حى والوان العمارات وانواع الاشجار المزروعة فى كل شارع
الإتقان يعنى القدوة وعدم تعطيل العمل أو سرقة وقت العمل ولو لدقايق أو استخدام سيارات الهيئات او المصالح فى غير ما خصصت له أو وسائل الاتصال كالهواتف وغيرها
بس ألفت النظر أن الغالبية هناك توفر لهم حياة كريمة تكفى احتياجاته الأولية
حتى الشحات فيهم يقدر يعيش ولو شحات من عندهم يبقى برنس عندنا
وأيضا لكل مجتهد نصيب من يعمل اكتر يأخذ أكتر ومفيش طمع كتير او مش حالة عامة زى عندنا
دا من ناحية
من ناحية تانية مهمة سيدى
لما العمال تعمل اضراب هناك عشان حاجة مش عجباها تعمله بجنتلة جدا
عندك فى اليابان مثلا بمناسبة حديثك عن اليابانيين لما العامل يحب يعترض فى مصنع مثلا يغير لون الكاسكتة اللى لابسها فى الشغل الى لون معين يفهم منه صاحب العمل ان هناك اعتراض وبالتالى يتم تحقيق المطالب بكل سهولة

انما عندنا للأسف مفيش مطالب بتتحقق الا بعد المظاهرات التخريبية من تكسير وقطع طرق وتعطيل انتاج وغيره
والحكومة للاسف اتعودت على كدا فى حين انها لو وفرت على نفسها وتفاوضت من الاول مكنش يحصل كدا ربما ومنرجعش لنقطة الصفر من جديد وبدل ما كنا محتاجين زيادة فى الاجور تعادل مليون مثلا هنحتاج 10 مليون عشان نبنى اللى اتكسر
تخلف ادارى وفكر عقيم يجب تغييره باى وبكل الأحوال لكى تستقيم المور
الظلم الاجتماعى سيدى يؤدى الى الحقد والغل - لما موظف يقبض 100 الف فى الشهر او نص او مليون جنيه وموظف يقبض 100 جنيه او 200 ماذا تنتظر سيدى
انتظر غلا وحقدا
لما مستشارين فى وزارة يتقاضوا بدلات بالملايين اوفر تايم وهما اصلا ملهمش لازمة - بدل ما يعينوا الاف الشباب بمرتبات زهيدة تقل فى قيمتها عن جملة ما يتقاضوه
ماذا تنتظر
انتظر غلا وحقدا ومزيدا من الاهمال والطلسأه فى العمل
لما يتعمل فى التربية والتعليم ما يسمى اكاديمية للمعلمين كسبوبة عشان ناس تتقاضى بدلات بالالاف بل الملايين فى حين يتقاضى الاف الشباب الغلابة من المعلمين المعينين بعقد ب 110 جنيه ماذا تنتظر سيدى!!!!!!!!!!!
لما جنرالات الجيش والشرطة اللى عالمعاش يتقاضوا الافا من الجنيهات كمعاش شهرى ويعين منهم ثلات ارباع المحافظين والمستشاريين فى الهيئات والمصالح الحيوية كنوع من الوجاهة والمكافئة -- والشعب مش لاقى ياكل فول وعيش .... ماذا تنتظر
انتظر مزيدا من الحقد والغل
صدقنى الناس غلابة والشباب مش طماع
دا احنا شعب بنحب التعليم والشغل
يا سيدى عندنا فى الريف الاسرة تفضل ابنها او بنتها يتغل ب 100 جنيه فى الشهر واهو يبقى اسمه بيشتغل وخلاص
بس الرحمة والعدل اللى من اسماء ربنا
الناس الكبار المفروض يفهموا كدا
احيانا بحس ان كتير من المسؤولين محتاجيين حاجة كدا زى تسونامى تشيلهم من جزورهم ليطلع نبت صالح كويس وواعى يعرف ربنا ويراعى حقوق الناس
وقتها الناس هتمخمخ فى شغلها وهتلاقى أمانة وأخلاق وذوق وكل حاجة حلوة
ولا يابان بقا ولا أوربا ولكن هتلاقى .... اوعى وشك
ههههههههههههههههههه
تحياتى يا مستر وشكرا لموضوعك الحيوى والجميل
خالص الود

[Nafisa]

موضوعك جميل جداااا استاذ شريف

الطفل الياباني بيتعلم الجودة منذ نعومة الاظافر في البيت والمدرسة والشارع وفي كل مكان
في النهايه يطلع مواطن صالح بكل مقاييس الجودة

وهذا مايسمي بالمنهج الخفي ... رغم ان كل الكتب بتتكلم عن العدل والمساواة الا ان المعلم يظلم طالب ويحابي لاخر ... تأثير المنهج الخفي اكبر بكتير مما يتعلمه من المعلم مهما كانت جدارة المعلم واتقانه للعمل

نتمني ان يسود تحكيم الضمير في اداء كل عمل لتسود جودة الاداء ... ولن يتم الا باعادة الحقوق لكل متعب زهقان قرفان تعبان حامل هم بكرة ومش عارف يعيش... لك مني كل ود واحترام

[شريف]

والله الواحد من كتر اللى بيقراه على اليابانيين نفسه يبقي يابانى
بيرجعوا الفلوس للحكومة ؟؟؟؟؟؟؟ بجد ياشريف؟؟؟
حق وحقيقي ولا تمثيل
طيب هقولك أنا بقي على بعض صفات المواطن المصرى برضه بعد الثورة
فجأة مصر كلها بتوضب شقهها وترمى مخلفات التجديد فى نهر الطريق
اه والله فى نهره !!!!!!!! لا ومش كده كمان ده المصريين تبنوا فكرة
مقلب زبالة فى كل شارع والحكمة بتقول ليه تتعب أكتر لما ممكن تتعب أقل
تبقى قاعد من الشباك وتطوح ايدك ترمى كيس الزبالة كده فى وسط الشارع
يقوم ييجى جارك ويرمى كيسه فوقه آه أومال محدش أحسن من حد
كنت فاكرة ان قلبنا هيبقي اكتر من كده على البلد انما اللى حصل
بقت أخلاق يوك
طبعا عمرنا ماسمعنا عن يابانى اتهجم على مستشفى ام اليابانيين
انما عندنا البلطجية اتهجموا على مستشفى أم المصريين وثبتوا الدكاترة
يالهوى ماتخلنيش اتكلم ياشريف خلينى ساكتة




المشكلة ان مقالب الزبالة أصبحت سمة اساسية في شوارعنا يا نعمة
بشكل ملفت جدا فعلا

محدش بقا قلبه ع البلد
كل واحد بيفكر في مصلحته
بيته و شقته و نفسه و عياله و بس
فكرة المجتمع او البيئة المحيطة .... خلاص مابقاش عندنا الكلام ده
الا ما رحم ربي
فعلا خلينا ساكتين يا نعمة
احسن سلبيات مجتمعنا لا ليها أول و لا اخر

شكرا يا نعمة
ربنا يبارك في عمرك و اولادك

[شريف]

والله يا مستر نتمنى إننا نبدا بنفسنا فى التغيير
فعلا يطبق الغرب ربما أصول وتعاليم الدين فيما يخص الأمانة والإتقان واحترام وتقدير الجميع باعتبار أن الكل متساو

مش هنمجد فى الغرب ولا اليابانيين او غيرهم لكننا نعرض لميزات نتمنى ان نراها قريبا عندنا
حتى جمال الطبيعة وشكل الشوارع وارتفاعات البيوت فى كل حى والوان العمارات وانواع الاشجار المزروعة فى كل شارع
الإتقان يعنى القدوة وعدم تعطيل العمل أو سرقة وقت العمل ولو لدقايق أو استخدام سيارات الهيئات او المصالح فى غير ما خصصت له أو وسائل الاتصال كالهواتف وغيرها
بس ألفت النظر أن الغالبية هناك توفر لهم حياة كريمة تكفى احتياجاته الأولية
حتى الشحات فيهم يقدر يعيش ولو شحات من عندهم يبقى برنس عندنا
وأيضا لكل مجتهد نصيب من يعمل اكتر يأخذ أكتر ومفيش طمع كتير او مش حالة عامة زى عندنا
دا من ناحية
من ناحية تانية مهمة سيدى
لما العمال تعمل اضراب هناك عشان حاجة مش عجباها تعمله بجنتلة جدا
عندك فى اليابان مثلا بمناسبة حديثك عن اليابانيين لما العامل يحب يعترض فى مصنع مثلا يغير لون الكاسكتة اللى لابسها فى الشغل الى لون معين يفهم منه صاحب العمل ان هناك اعتراض وبالتالى يتم تحقيق المطالب بكل سهولة

انما عندنا للأسف مفيش مطالب بتتحقق الا بعد المظاهرات التخريبية من تكسير وقطع طرق وتعطيل انتاج وغيره
والحكومة للاسف اتعودت على كدا فى حين انها لو وفرت على نفسها وتفاوضت من الاول مكنش يحصل كدا ربما ومنرجعش لنقطة الصفر من جديد وبدل ما كنا محتاجين زيادة فى الاجور تعادل مليون مثلا هنحتاج 10 مليون عشان نبنى اللى اتكسر
تخلف ادارى وفكر عقيم يجب تغييره باى وبكل الأحوال لكى تستقيم المور
الظلم الاجتماعى سيدى يؤدى الى الحقد والغل - لما موظف يقبض 100 الف فى الشهر او نص او مليون جنيه وموظف يقبض 100 جنيه او 200 ماذا تنتظر سيدى
انتظر غلا وحقدا
لما مستشارين فى وزارة يتقاضوا بدلات بالملايين اوفر تايم وهما اصلا ملهمش لازمة - بدل ما يعينوا الاف الشباب بمرتبات زهيدة تقل فى قيمتها عن جملة ما يتقاضوه
ماذا تنتظر
انتظر غلا وحقدا ومزيدا من الاهمال والطلسأه فى العمل
لما يتعمل فى التربية والتعليم ما يسمى اكاديمية للمعلمين كسبوبة عشان ناس تتقاضى بدلات بالالاف بل الملايين فى حين يتقاضى الاف الشباب الغلابة من المعلمين المعينين بعقد ب 110 جنيه ماذا تنتظر سيدى!!!!!!!!!!!
لما جنرالات الجيش والشرطة اللى عالمعاش يتقاضوا الافا من الجنيهات كمعاش شهرى ويعين منهم ثلات ارباع المحافظين والمستشاريين فى الهيئات والمصالح الحيوية كنوع من الوجاهة والمكافئة -- والشعب مش لاقى ياكل فول وعيش .... ماذا تنتظر
انتظر مزيدا من الحقد والغل
صدقنى الناس غلابة والشباب مش طماع
دا احنا شعب بنحب التعليم والشغل
يا سيدى عندنا فى الريف الاسرة تفضل ابنها او بنتها يتغل ب 100 جنيه فى الشهر واهو يبقى اسمه بيشتغل وخلاص
بس الرحمة والعدل اللى من اسماء ربنا
الناس الكبار المفروض يفهموا كدا
احيانا بحس ان كتير من المسؤولين محتاجيين حاجة كدا زى تسونامى تشيلهم من جزورهم ليطلع نبت صالح كويس وواعى يعرف ربنا ويراعى حقوق الناس
وقتها الناس هتمخمخ فى شغلها وهتلاقى أمانة وأخلاق وذوق وكل حاجة حلوة
ولا يابان بقا ولا أوربا ولكن هتلاقى .... اوعى وشك
ههههههههههههههههههه
تحياتى يا مستر وشكرا لموضوعك الحيوى والجميل
خالص الود




ردك هو الاكثر حيوية و جمالا
رد كافي شافي جامع مانع
عجبتني جدا مشاركتك دي يا مستر
و أؤيدك في كل حرف
حضرتك جبت م الاخر

تسلم ايدك ... تقبل الله منك صالح العمل

[شريف]

موضوعك جميل جداااا استاذ شريف


الاجمل ان يزين اسمك موضوعي اختي العزيزة
ربنا ما يحرمنا من طلتك الجميلة
و شكرا علي ردك الذكي القيم

تسلم ايديكي

[Nm100]

مش المشكلة في كونا مصريين وقلة الوطنية
المشكلة اننا بعدنا عن تعاليم الدين
احنا لو التزمنا دينيا هتتحل كل المشاكل دي
على سبيل المثال لو طبقنا الحديث الشريف "إماطة الاذى عن الطريق صدقة "
مش هنلاقي زبالة في الشوارع
ولو طبقنا" إياكم والجلوس في الطرقات........."مش هنلاقي القهاوي اللى في نص الشارع وبتخلى الناس وخصوصا البنات تمشي من شارع تاني خالص
المشكلة في بعدنا عن الدين
اللى من اهم مبادءه لاضرر ولا ضرار

[شريف]

مش المشكلة في كونا مصريين وقلة الوطنية
المشكلة اننا بعدنا عن تعاليم الدين
احنا لو التزمنا دينيا هتتحل كل المشاكل دي
على سبيل المثال لو طبقنا الحديث الشريف "إماطة الاذى عن الطريق صدقة "
مش هنلاقي زبالة في الشوارع
ولو طبقنا" إياكم والجلوس في الطرقات........."مش هنلاقي القهاوي اللى في نص الشارع وبتخلى الناس وخصوصا البنات تمشي من شارع تاني خالص
المشكلة في بعدنا عن الدين
اللى من اهم مبادءه لاضرر ولا ضرار


فعلا
عندك حق

الاسلام هو الحل
مش مجرد شعار
و لا جملة بتتقال و خلاص

دى حقيقة
بس مين يفهم و ينفذ