الزفت اللي اسمه ...... !!!

[شريف]

السلام عليكم

إذا لم تكن الثورة ستأتى إلا بمثل أسماء محفوظ ... فليتها لم تأت بعد ... كيف تهدم ثورة مباركة كهذه كل معاني احترام الكبير و السيطرة علي لغة الحوار مع الكبار ... أسماء محفوظ ... تلك الفتاة التى أكرهها فى الله ... ... فتاة تدربت في صربيا علي ما تدربت عليه و لم تنكر و تفتخر بذلك ... لا يعنينا هذا ... تتدرب كما تشاء ... أما أن تتطاول علي الكبار و علي المجلس العسكري و علي المشير طنطاوي ... و تقول (( الزفت ده اللي اسمه طنطاوي )) فهذه قلة ادب و حماقة ... مراهقة سياسية ... أن تأتي لتثبت من خلال حواراتها ان الثورة لم تنجب إلا العقوق ... و التطاول علي الكبار مهما أخطأوا ... فهذا ما لن يقبله الشعب المصري الخلوق أبدا ... لا نريد وجوها حتي و لو كانت شابة تطل علينا بالسفاهة و التطاول مرتدية عباءة الثورة لتختال بها علي الجميع ... ليس هذا ما انتظرناه من ثورة مباركة كهذه ... أن تدعو الي حملة اغتيالات مادامت لم تستطع أخذ حقها ... فهذه خيانة لمصر ... و دعوة للفتنة ...مرت ايام الثورة و نجحت الثورة ... فلم تجد اسماء لها دورا للاستمرار في موجة التمرد ... فلم تجد امامها الا المجلس العسكري لتتمرد عليه و هي تدرك تماما انها مرحلة انتقالية ... لن تستمر مهما شابتها الاخطاء السياسية ... لن أفسر موقفها الغريب و سوء ادبها الا عدم تربية ... و تسلق سياسي علي اكتاف الاخرين للظهور في الصورة ... و الارتواء بالشوهات الاعلامية ... و الظهور كثيرا علي الفضائيات ... و هذه فرصة لن تتكرر ... فلما لا ؟ لا ادري ما سر هذه النشوة التي تعتريها عندما تقف في ميدان التحرير لتسب الجيش و المجلس العسكري و تحرض ضدهما ليظهر الفيديو سريعا بعد ذلك علي اليوتيوب ثم ينتشر ..انها شهوة حب الظهور ... انا لا انتقد شخصها بعينه ... فما هي الا فرد في منظومة متكاملة من مجموعة شباب فقدوا اتزانهم و اصبحوا يفتقدون ادني درجات الاحترام في حوارهم مع الكبار ... اخشي ان تُنتزع قيمة عظيمة كاحترام الكبير من المجتمع المصري فنعاني الامرين ... فهناك مجموعة لا بأس بها من الشباب اصبحوا يجيدون لغة التهكم و السب في كل اللقاءات التليفزيونية ... لا نريد تبعات للثورة تنتج للمجتمع المصري اخلاقا مشوهة تدعو الي الاسائة الي الكبار ... فالمشير طنطاوي في سن والدها ... هل تقبل ان يتطاول احد علي والدها بمثل هذا الاسلوب الفج ؟ هل هذه هي الحرية التي ينادي البعض بها ؟ هناك فرق كبير بين النقد و المعارضة و بين قلة الادب و اللسان الطويل و التطاول ... فليس منا من لم يوقر كبيرنا . مجرد رأي

[نعمه محمود]

البت دى أسمها بيعفرتنى
اللهم انى صايمة
تعرف ياشريف انا لو ليا حكم على البت دى
هربطها فى عمود نور فى التحرير واعمل وشها طفاية سجاير
من يومين كانت بتطنط مع الابراشي وتقول انها خرجت بسبب ضغوط
السفيرة الامريكية وبعدها بساعتين طلعت قالت انه اشرف لها الاعدام من الافراج بضغوط أمريكية
انا كنت اتمنى انها تتعدم وتنال الشرف ده

[شريف]

هههههههههههههه
هيا مستفزة جدا فعلا

عندها فراغ باين ولا ايه

زعلانة اوي ان الثورة خلصت و البطولة ضاعت منها
و الفيلم انتهي بسرعة
فعايزة تكمل باي طريقة
و تفضل بطلة

مش هترتاح الا لما توقع الناس مع الجيش
عشان نبقا زي سوريا و لا ليبيا

شكرا يا نعمة علي ردك
نورتي الموضوع ...
تسلم ايدك

[جمال سراج]

أنا شايف انه فيه متناقضات كتير فى التصرف مع الناس أمثال دى
يعنى ليه المجلس العسكرى فعلا يفرج عنها - ثم يصرح بأنه ليس نتيجة ضغوط
بصراحة دا بيترك مجال للشك بأنه كان فيه ضغوط أصلا ... دى أولا
ثانيا ما زال اعلامنا اعلام فاسد وغير واقعى
يعنى ليه نبرز أمثال هؤلاء بدعوى الوطنية - مع العلم بأنهم حتى و كانوا كدا فكتير غيرهم أحق وأولى
دا حتى هناك حاجات تفرس
قرأت خبرا استفذنى مفاده انهم القوا القبض على مشتبه فيهم بسرقة عمرو حمزاوى لما كان مع واحدة اسمها بسمة تقريبا معرفش بيقولوا فنانة ( عذرا لانى لا اهتم بهذا الفن) - استفزنى الخبر لانى تصورت انهم بيعملوا كدا وكانهم ابطال قومية دون غيرهم
كمان هناك تخبط فى الحالة العامة - محافظ الشرقية ادا الشاب اللى شال علم اسرائيل وحط علم مصر بداله من عالسفارة وقت المظاهرات شقة وشافله وظيفة - فى حين انه الاجواء كما هى - اسرائيل ما تزال وستزال اذا استمرينا فى سياسة تهشيكها وتدليعها تخدنا على قد عقلنا واخرها اعتذار وقال ايه محصلش انه اسرائيل اعتذرت لحد من 10 سنين
طب واحنا مالنا - المهم حقوق الناس - الشهدا - اهاليهم - حقوق البلد - العدوان السافر واجتياز الحدود - بل حتى طريقة حماية الحدود وطريقة تسليح القوات بتاعنا التى تخضع لاتفاقات ظالمة ومعاهدة تحترمها مصر جيدا فى حين لا تلقى اسرائيل لها بالا الا بالتنويه عنها وقت الزنقات --- زى زنقتها اللى فاتت دى

نتمنى لمصر السلامة - ولكل شعبنا الرخاء
نتمنى تحرير كل مؤسساتنا من عهود الظلم والتخلف
شكرا لحضرتك مستر شريف
تحياتى للجميع

[نعمه محمود]

بالمناسبة كان نفسي اعرف هى اشماء جابت عربية منين؟ وبكام؟. وازاى
اصلها كانت بتطالب بعيش حوييه ماسمعتش يعنى انها قالت عيش حوييه وعربية
وعجبي

[شريف]

أنا شايف انه فيه متناقضات كتير فى التصرف مع الناس أمثال دى
يعنى ليه المجلس العسكرى فعلا يفرج عنها - ثم يصرح بأنه ليس نتيجة ضغوط
بصراحة دا بيترك مجال للشك بأنه كان فيه ضغوط أصلا ... دى أولا
ثانيا ما زال اعلامنا اعلام فاسد وغير واقعى
يعنى ليه نبرز أمثال هؤلاء بدعوى الوطنية - مع العلم بأنهم حتى و كانوا كدا فكتير غيرهم أحق وأولى
دا حتى هناك حاجات تفرس
قرأت خبرا استفذنى مفاده انهم القوا القبض على مشتبه فيهم بسرقة عمرو حمزاوى لما كان مع واحدة اسمها بسمة تقريبا معرفش بيقولوا فنانة ( عذرا لانى لا اهتم بهذا الفن) - استفزنى الخبر لانى تصورت انهم بيعملوا كدا وكانهم ابطال قومية دون غيرهم
كمان هناك تخبط فى الحالة العامة - محافظ الشرقية ادا الشاب اللى شال علم اسرائيل وحط علم مصر بداله من عالسفارة وقت المظاهرات شقة وشافله وظيفة - فى حين انه الاجواء كما هى - اسرائيل ما تزال وستزال اذا استمرينا فى سياسة تهشيكها وتدليعها تخدنا على قد عقلنا واخرها اعتذار وقال ايه محصلش انه اسرائيل اعتذرت لحد من 10 سنين
طب واحنا مالنا - المهم حقوق الناس - الشهدا - اهاليهم - حقوق البلد - العدوان السافر واجتياز الحدود - بل حتى طريقة حماية الحدود وطريقة تسليح القوات بتاعنا التى تخضع لاتفاقات ظالمة ومعاهدة تحترمها مصر جيدا فى حين لا تلقى اسرائيل لها بالا الا بالتنويه عنها وقت الزنقات --- زى زنقتها اللى فاتت دى

نتمنى لمصر السلامة - ولكل شعبنا الرخاء
نتمنى تحرير كل مؤسساتنا من عهود الظلم والتخلف
شكرا لحضرتك مستر شريف
تحياتى للجميع



و الله اللي أنا حسيته يا استاذ جمال
ان المجلس العسكري او المشير طنطاوي اكبر من انه
يقف لواحدة زي دي بالمرصاد
فحب يلفت انتباهها بس انها ساقت فيها و غلطت كتير
يعني مجرد شد ودن
فضلا عن ان المجلس العسكري و الجيش كله
كانوا مشغولين بما هو اهم
و ما كان يحدث علي الحدود
فبذكاء منهم حبوا يجعلوا الجبهة الداخلية متماسكة اكتر
عشان يتفرغوا الي ما هوا اهم
و السبب الاهم
اكيد تنازلهم عن البلاغ المقدم ضدها
رغبة منهم في ارسال رسالة الي الشعب المصري
مفادها ... ان الحكم العسكري مؤقت
و انهم ليسوا ديكتاتوريين و انهم مع الثورة و شبابها
يعني ده موقف يُحسب للمجلس العسكري و ليس ضده

اما بالنسبة للاعلام فانا مع حضرتك في اللي بتقوله
فعلا الاعلام في بلدنا فاسد و يركب الموجه بشكل بغيض

فهو الان اصبح تجارة ليس اكثر
كل يسعي الي الترويج لجريدته او قناته الفضائية
مهما كان ذلك علي حساب الحقيقة

شكرا استاذنا علي مرورك الكريم

[شريف]

بالمناسبة كان نفسي اعرف هى اشماء جابت عربية منين؟ وبكام؟. وازاى
اصلها كانت بتطالب بعيش حوييه ماسمعتش يعنى انها قالت عيش حوييه وعربية
وعجبي

هههههههههههههههه
هههههههههههههههههههه
عسل

لا تقوولك ايه ... عيش حوويه كوامة اجتماعية

هههههههههههههه
اللهم اني صائم
استغفر الله

كده هتخليني افطر عليها

[حبيبه المصريه]

سبحان الله
تصدقو كنت عاوزه اكتب موضوع عليها
بس قلت خليها بعد رمضان
خساره فيها الوقت اللى هنضيعه من رمضان عليها
بجد شخصيه لا اقبلها بأى حال كان
معرفش كده يطلع لنا حد يسموه ناشط سياسى
عمرنا ماشفناه قبل كده
ولا كان ليه وجود حقيقى فى خدمة مصر
ويتكلم وينتقد الجيش والمجلس العسكرى
كان نفسى تتحاسب عشان تتعلم الأدب
لما تتكلم عن الناس اللى حاميه البلد بعد الله
لكن سبحان الله نعفو عن الناس تتمرد
وتطلع تبجح برضه فى المجلس العسكرى وتقول
هفضل انتقد برضه ايه مفيش ادب خااااالص
صراحه هيه مين دى يعنى اللى تنتقد
طيب مش لما نعرف هيا عملت ايه اصلا لمصر
حد كده مش على الخريطه اصلااااااا
فجأه تعجبو لعبة انه سموه ناشط سياسى
ويشطح بقى شطحات ويفتكر نفسه حاجه مهمه
ربنا يرحمنا من الناس دى
صراحه لما مره شفت لها استضافه فى برنامج
اول بدايات ظهورها ايام الثوره
فى دور الفدائى الثورجى من ورق
ده اللى هيه ماشيه فيه
حسيت انى عاوه اخد طوبه واحدفها بيها
حتى قلت لاهلى جيبولى طوبه احدفها بيها
و ايه ببص فى الارض بجد عشان ادور على طوبه
دخلت دخول سريع
وكفايه صراحه عليها
ربنا واحنا اولى بوقت رمضان
تقبل الله منا ومنكم صالح الاعمال
واجتهدووووووو فى الدعاء فى الليالى المباركه
المتبقيه من رمضان
ولا تنسونى من دعواتكم الطيبه بظهر الغيب
دمتم سالمين

[شريف]

ولا تنسونى من دعواتكم الطيبه بظهر الغيب
دمتم سالمين



طب كويس .. مش انا بس يعني اللي مش طايقها
ههههههههه

ربنا يهديها و شباب مصر

نورتى الموضوع استاذة حبيبة

ربنا يطمنا عليكي دايما

أسأل الله الذي يكمن سره بين الكاف و النون
الله الذي يقول للشئ كن فيكون
أسأل الله الذى لا تراه العيون و لا تخالطه الظنون
و لا يصفه الواصفون و لا تغيره الحوادث و لا يخشى الدوائر
أن ييسر لك أمورك و يشرح لك صدرك
و يبسط لك رزقك و يمكنك من قلوب المحيطين بك
و ينصرك علي القوم الكافرين
و أن يرزقك حبه و حب من يحبه و كل عمل يقربك الي حبه
و يتقبل منا و منكم و من السامعين و القارئين و كل المسلمين
صالح الاعمال بقبول حسن ... آمين

[عزة المصرى78]

ما أصله عيال الأيام هذه تلبى طلباتها تصبح من أعز الناس لقلبها وتكتب فيك شعر

ترفض طلباتها يا ويلك زن وصداع ووابل من الاتهامات

مجتمعنا امتلأ بمثلها وفى حاجة إلى أن يطهر ويعاد تقويمه أصبح مجتمع مادى وطموحات أبنائه كثيرة ولا حدود لها وأصبحت معاناتنا جسيمة من الداخل ومن الخارج

حماك الله يامصر وأصلح حالك وهدى شعبك إلى طريق الرشد والصلاح

[mimo madrid]

انا أسفة للدتدخل المفاجئ كده بس اسماء محفوظ من اشراف الثورة واذا كان كل مصرى مش بيحب المصرى التانى يبقى افضل حاجة له انه يخرج من البلد دى واظنى كل واحد من اللى بيشتم التانى او يخونه يبقى ميستحقش اسم مصرى واظنى البلد كده لن تتقدم بأى واحد بيخون وشوفوا بقي دلوقتى اهى حقايق بتظهر