المساعد الشخصي الرقمي

مشاهدة النسخة كاملة : يعني اية دولة اسلامية



Nafisa
04-08-2011, 06:04 PM
جروب الرحمة


مشاركة من
ahmed adel


يعنى ايه دولة اسلامية


* يعني تستنجد إمرأة واحدة بالخليفة المعتصم اللي يبعد عنها أكتر من 2000
كيلو فيبعتلها جيش جرار عشان يحفظ كرامتها وميقلش
وهوا إيه اللي وداها هناك

* يعني التتار يهددوا العالم كله بالخراب والتدمير وتيجي إنت تنتصر
عليهم وتنقذ العالم بجد مش زي ما بيجي في الأفلام الأمريكاني

* يعني تكون اقوى وأكبر قوة في العالم وتمشي في كل حتة
وإنت مرفوع الراس

* يعني الخليفة هارون الرشيد يقول للسحابة أمطري حيث
شئتي فسيأتيني خراجك

* يعني الناس كلها تبات شبعانة ومرتاحة والخليفة بتاعهم
عمر ابن عبد العزيز يبات جعان وتعبان
يعنىالناس كلها ابناءهم يلبسوا جديد وبنت الخليفه عمر تبكى لانى
لبسها قديم والخليفه ليس معه مال لياتى لها بلبس جديد

* يعني يجيي التتار يقولو لشيخ الإسلام إبن تيمية هنفرج عن المسلمين
بس فيقلهم أهل ذمتنا قبل أهل ملتنا

* يعني سيدنا علي قاضي المدينة أيام سيدنا عمر يقدم إستقالته لإن
الناس مفيش بينها وبين بعض مشاكل ومش محتاجين قاضي

* يعني تيجي إمرأة مسيحية لصلاح الدين تقولوا إن زوجها أسير
وإن هوا اللي بيصرف عليها فيفرج عنو ويديهم فلوس توصلهم بلدهم

* يعني بعد تحرير القدس صلاح الدين وقواد الجيش يتبرعوا بالفلوس
اللي يفدو بيها أسرى الجيش اللي كان بيحاربهم لإنهم فقراء

* يعني يعدي واحد من بيت المال أيام سيدنا عمر بن عبد العزيز ينادي
في الشوارع إذا حد محتاج فلوس ياكل أو يشرب أو يلبس أو حتى
يتجوز ومحدش يرد عليه لإن الناس كل إحتياجتها عندها

* يعني تكون الدولة الأكثر تقدما في العالم والإختراعات كلها تطلع من عندك

* يعني تكون اللغة العربية هيا اللغة الأولى وتكون الأندلس هيا مهد العلم
على الأرض

* يعني ييجي واحد قبطي يشتكي الوالي بتاعه لعمر إبن الخطاب فيحكم
عمر إن القبطي يضرب الوالي ويقتص منه

يعنى يختصم واحد من اهل الذمه مع امير المؤمنين سيدنا علي على
درع فيذهبوا للقضاء ويحكم القاضى للذمي بالدرع لان حجته وبينته
اقوى من امير المؤمنين

* يعني يفتح الرسول صلى الله عليه وسلم مكة ويجي الناس اللي
فضلوا يحاربوه ويؤذوه طول عمرهم فيقلهم إذهبوا فأنتم الطلقاء

* يعني محمد الفاتح يقى شاب في ال 17 من عمره يحكم أقوى قوة في
العالم ويفتح القسطنطينية وهو عنده 22 سنة

* يعني أسامة بن زيد يخرج على رأس جيش فيه كبار الصحابة
وهوا عنده 17 سنة بس

* يعني تكتشف الدورة الدموية من مئات السنين ويجي بعدها واحد
غربي ينسب الإكتشاف لنفسه

* يعني تكون معظم أدوات الجراحة المستخدمة حاليا إخترعها طبيب مسلم

* يعني الدولة الإسلامية تكون الأقوى والأكبر في العالم ويجي حد يقلك
الوقتى مش عاوزين نخلط الدين بالسياسة

جمال سراج
09-08-2011, 01:26 AM
الله عليكى
بجد بجد تسلمى ويسلم عقلك وقلمك
كل نقطة من اللى ذكرتيها تستحق موضوع
ربنا يبارك فيكى ويجزيكى الخير
بكل تأكيد كان رسول الله صلى الله عليه وسلم قائدا ومعلما وحكيما وسياسيا وتلاه الخلفاء الراشدين وغيرهم من السلف الصالح
إذا لا فصل بين الدين وبين السياسة كما يدعى العلمانيون وغيرهم
نسأل الله أن يهدينا سواء السبيل
وأن يحكم فينا شرعه وكتابه وسنة نبيه صلى الله عليه وسلم
خالص احترامى